Legjenda e futbollit, Pele është vaksinuar kundër virusit Covid19 dhe teksa vaksinohej bën me shenjë të gishtit të madh, duke dashur t’iu bëj thirrje njerëzve që të vaksinohen. 

80-vjeçari ndau momentin kur u vaksinua në krahun e tij të djathtë me 5.7 milionë fansat e tij në Instagram dhe tha: “Sot është një ditë e paharrueshme”.

“Unë kam marrë vaksinën. Por, pandemia nuk ka mbaruar akoma. Ne duhet të mbajmë disiplinën për të ruajtur jetën derisa shumë njerëz të kenë marrë vaksinën”.

“Ju lutemi vazhdoni të lani duart dhe të qëndroni në shtëpi nëse është e mundur. Kur të dilni jashtë ju lutemi mos harroni maskën tuaj dhe mbani distancën shoqërore. Kjo do të kalojë nëse mund të mendojmë për të tjerët dhe të ndihmojmë njëri-tjetrin”.

Pas shpërndarjes së fotografisë nuk munguan as komentet pozitive, ku ndjekësit i uruan jetë të gjatë legjendës. /Periskopi