Pamjet nga bërtitmat e Bernd Lenos kundër Leicesterit tregojnë se ai është kapiten i natyrshëm
Arsenali regjistroi një fitore brilante 3-1 kundër Leicesterit në ‘King Power’, fundjavën e kaluar.
Leicesteri u fut në ndeshje si favorit absolut dhe kaloi në epërsi pas vetëm gjashtë minutave përmes Youri Tielemans.
”Topçinjtë” luftuan të kthehen dhe arritën ta përmbysin rezultatin, transmeton Periskopi.
Golat nga David Luiz, Alexandre Lacazette dhe Nicolas Pepe ia siguruan Arsenalit pikët e plota.
Bernd Leno ka qenë i besueshëm mes shtyllave që prej kur kaloi tek Arsenali në vitin 2018.
Arsenali ka disa të rinj në skuadrën e parë për momentin, që nënkupton se Leno është në mesin e futbollistëve seniorë dhe me eksperiencë.
Dhe ai tregoi kualitetet e tij të lidershipit në një video të postuar së fundmi në llogarinë zyrtare të Arsenalit në YouTube.
Arsenali ka përpiluar një video ku shihet Leno duke qenë shumë vokal përgjatë 90 minutave kundër Leicesterit.
Leno mund të shihet duke i bërtitur mbrojtjes, derisa tenton ta mbajë të organizuar.
Është fascinuese të dëgjohet çka tha saktësisht gjatë takimit dhe mund ta shihni e dëgjoni më poshtë. /Periskopi.com/
