Torino s’paraqitet në Romë, reagon Igli Tare

Lazio-Torino ishte parashikuar të niste në orën 18:30, por klubi i Torinos nuk mundi të udhëtonte drejt Romës për shkak se ASL e Torinos nuk e lejonte grumbullimin e ekipit, përcjell Periskopi.

Lazio ishte e detyruar të dilte në fushë, pasi Lega Serie A vendosi që ndeshja të mos shtyhej. Torinos më parë i ishte shtyrë edhe dueli me Sassuolon, sipas rregullores. Igli Tare, para ndeshjes, ka folur dhe është i qartë:

“Ne kemi zbatuar rregullat, duke ardhur në stadium. Tani do të qëndrojmë këtu 45 minuta, duke pritur që arbitri të të deklarojë pamundësinë për të luajtur. Ne donim të luanim, kampionati duhet të respektohet.

Duhet t’i lëmë mënjanë interesat personale. Ne respektojmë organet kompetente. Nuk duam të hyjmë në dinamo, por të bëjmë atë që është detyra jonë: të respektojmë atë që thotë Lega dhe të presim”.

“Arsyet e Torinos? Nuk më duhet të kuptoj asgjë. Duhet të respektoj rregullat e Lega. Ka shumë pikëpamje dhe nuk më takon t’i flas këtu. Kush duhet të vendosë, do të vendosë. A na është ofruar të luajmë nesër? Jo”.

“Nuk kishim asnjë informacion deri mbrëmjen e djeshme. Ne menduam se do të luanim dhe u bëmë gati. Respektuam protokollin dhe e lamë në duart e organeve kompetente. Tani të shohim”, u shpreh Tare, ndërkohë që Lazio pritet të marrë tre pikët në tavolinë në fillim. Gjithsesi me apelimin që Torino do të bëjë, pritet që CONI të vendosë zhvillimin e ndeshjes, sikurse ndodhi me Juventus-Napoli.