Adhuruesit e boksit i pret një supermeç: Andy Ruiz rikthehet në ring në pranverë
Ish kampioni i botës në peshat e rënda, Andy Ruiz do të luftojë në pranverën e këtij viti me boksierin amerikan, Chris Arreola, përcjell Periskopi.
Boksieri meksikan, Andy Ruiz ka 33 fitore e 2 humbje, do të rikthehet në ring pas një viti e gjysmë, përkatësisht që nga dhjetori i vitit 2019, kur humbi titujt në revanshin ndaj Anthony Joshua.
Kurse, 39-vjeçari Arreola, (38 fitore, 6 humbje e 1 barazim) është një veteran i peshës së rëndë.
Kjo sfidë mes tyre shihet si një test dhe fituesi do të ketë mundësi të duelojë më tej sërish për titullin kampion.
Dy boksierët kanë kohë që diskutojnë mes tyre dhe duket se marrëveshja tashmë është e përfunduar e pritet vetëm zyrtarizimi.
