Ish-kryeministri Sali Berisha ka pranuar publikisht se ka lejuar qëllimisht hapjen e depove të armëve në vitin 1997, ku për rrjedhojë kanë humbur jetën disa mijë shqiptarë. Në prill të vitit 2017, Sali Berisha ka deklaruar në një studio televizive: ‘U hapën jo pa qëllim depot. Shqiptarët nuk mund t’i merrnin bandat. Shteti kishte një alternativë, o t’u binte me armë këtyre dhe të krijonte një konflikt civil ose të armatosje qytetarët dhe nuk kishte më konflikt civil, dhe një pjesë e madhe e këtyre armëve do t’u shkonin shqiptarëve në Kosovë për t’u mbrojtur nga serbët”. Në fakt e vërteta është se bandat u armatosën pikërisht nga hapja e depove të armëve, një nga veprimet më kriminale pas rënies së regjimit komunist.

2. Vrasje e mbetur në tentativë e kryetarit të opozitës;

Sali Berisha ka përsëritur ditët e fundit një plan të pretenduar të tij, për të vrarë kryetarin e Partisë Socialiste, pas protestës së 21 Janarit 2011, duke pohua se kishte në dispozicion një skuadër varësish. “Nëse Edi Rama do të afrohej të nesërmen e 21 janarit pranë kryeministrisë dhe nëse vetëm një gjethe do të prekej, 5 snajperë do ta qëllonin. Ishte Thomas Countryman me të cilin i përcolla mesazhin Ramës. A e keni dëgjuar bashkëshorten e tij të thotë poshtë e lart se shërbimet sekrete i kishin thënë se Rama do të vritej, unë isha. I thashë diplomatit të huaj se po të lëvizte edhe një gjethe në territorin e kryeministrisë ai (Rama) do ta kishte në lule të ballit nga 5 snajperë”, ka pohuar Berisha. Rrëfimi është flagrant dhe më pasoja penale. Organi i akuzës nuk e ka thirrur Sali Berishën për të qartësuar se në ç’rrethana kishe planifikuar të kryente krimin. Cila ishte kjo skuadër me 5 snajperë? Ishte shtetërore apo private? Në ç’rrethana e kishte lëshuar urdhrin për vrasjen e kryetarit të opozitës, nëse një protestues prekte gardhin e Kryeministrisë?!

3. Pengimi i prokurorisë pas 21 Janarit 2011, skandali me urdhër-arrestet;

Sali Berisha ka pranuar publikisht se ka penguar drejtësisë për të zbardhur vrasjet e 21 Janarit 2011, duke moslejuar vartësit e tij dhe të Lulzim Bashës, që të zbatonin urdhër-arrestet e prokurorisë për zinxhirin komandues të gardës. Tre ditë pas vrasjeve të 21 janarit, Berisha i konsideroi urdhër-arrestet si pjesë të planit B të grushtit të shtetit, duke justifikuar refuzimin e zbatimit të urdhrit të prokurorisë dhe mosnjohjen e saj. “Urdhër-arrestet e lëshuara nga Prokuroria e Përgjithshme për gjashtë drejtuesit e lartë të Gardës së Republikës, nuk do të zbatohen në mënyrë absolute, në bazë të Kodit të Procedurës Penale… U lëshua urdhër-arrest për të gjithë zinxhirin komandues të gardës pa bërë asnjë hetim. U mor rregullorja e gardës, u zbulua kush ishte komandanti dhe u lëshua urdhër-arresti. Ky ishte plani B i puçit ndaj shtetit. Kryeministri është gati për çdo hetim. Nëse t’i aplikon dënim kolektiv, nuk ka kod në botë që ta pranojë”. Kryeministri dhe vartësit e tij nuk kanë asnjë tagër për të penguar urdhrin e prokurorit. Është gjykata ajo që konfirmon apo e rrëzon urdhrin e prokurorit.

4. Urdhri për vrasje në 21 Janar 2011;

Sali Berisha ka bërë deklarata kontradiktore sa i takon urdhrit për të hapur zjarr mbi protestuesit në 21 Janar 2011. Nga njëra anë, Berisha ka deklaruar se nuk ka dhënë asnjë urdhër se garda vepron me ligj, por nga ana tjetër ka deklaruar publikisht se urdhri ishte për të vrarë ata që hynin brenda gardhit. “Në mënyrë kategorike dhe absolute as edhe një urdhër. Urdhri ishte ky, që ta dish ti, ai që do të hynte brenda ai nuk do të mund të dilte më, i vetmi urdhër”. Organi i akuzës nuk ka thirrur për të pyetur se kush e kishe dhënë këtë urdhër dhe mbi ç’bazë ligjore.

5. Urdhri për rrëmbimin e Shkëlqim Haklajt;

Sali Berisha ka deklaruar publikisht se ka urdhëruar truprojat e tij që të rrëmbenin Shkëlqim Haklajn, pas incidentit në mitingun në Tropojë, me 19 qershor 1997, ku u qëllua me armë. Berisha kërkoi që Shkëlqim Haklajn t’ia sillnin të gjallë në Tiranë, ndërsa urdhëroi njerëzit e tij që ta rrëmbenin. Berisha në atë kohë ishte president në detyrë. “Kam kërkuar sjelljen në Tiranë të Fatmirit (në fakt Shkëlqimit) pasi kur ishim në miting në Tropojë, jo në drejtimin tonë por ata shtinin me armë. Ky ishte terrorizëm dhe në të gjithë vendet e botës kështu veprohet”. Tagrin për të urdhëruar shoqërimin, arrestimin apo transferimin e një personi e kanë vetëm organet e drejtësisë, bazuar në prova dhe fakte, që konfirmojnë kryerjen e një krimi. Ndaj, urdhri i Berishës për të ‘marrë me vete’ Shkëlqim Haklajn është urdhër për rrëmbim. Pranimi i këtij krimi nga Berisha ka ardhur pas publikimit të një video, në të cilën shfaqej duke deklaruar “e dua të gjallë atë unë”. (Shqiptarja.com)