Genc Prelvukaj në rolin e politikanit, kritikon Kurtin: Ka histori konflikti me çdo zyrtar amerikanë
Edhe këngëtari Grenc Prelvukaj është përfshirë në përplasjen mes Albin Kurtit dhe emisarit amerikan, Richard Grenell, pasi ky i fundit tha se kreu i VV-së çdo here është kundër Shteteve të Bashkuara të Amerikës.
Prelvukaj thotë se partia e Kurtit nga themelimi, jo vetëm me Grenell por ka histori konflikti pothuajse me çdo zyrtar amerikanë, duke përfshirë ambasadorët dhe të dërguarit e administratës amerikane edhe para presidentit Trump.
Ai thotë se militantët e VV-së kanë arritur deri aty saqë vërsulen në rrjete sociale me fyerje ndaj secilit zyrtar të huaj që ka një kritikë për Kurtin.
Prelvukaj nga rrafshi i brendshëm thotë se nuk ka asgjë kundër Vetëvendosjes, por sipas tij qasja në politikën e jashtme e ndjekur nga kjo parti deri me sot është tërësisht e gabuar.
Postimi i tij në Facebook:
Nuk eshte vetem perplasja me z.Grenell. Formacioni politik i Kurtit ka histori konflikti pothuajse me cdo zyrtar amerikane pergjate gjithe historise se themelimit te saj, duke perfshire ambasadoret dhe te derguarit e administrates amerikane edhe para Presidentit Trump.
Tendenca e simpatizuesve te saj, per te arsyetuar e glorifikuar cdo veprim te liderit te Vetevendosjes, nuk i ben aspak me ndryshe se sa partite politike tjera, te cilat edhe perkunder veprimeve te demshme te lidershipit te tyre, i kane mbrojtur me fanatizem.
Militantet e saj kane arritur deri aty saqe versulen ne rrjete sociale me fyerje ndaj secilit zyrtar te huaj qe ka nje kritike per Kurtin. Ne nje rast, Gelbard kishte etiketuar UÇĶ-ne si grupim terorist por shqiptaret nuk u organizuan ne kampanje fyerje ndaj tij, por me qetesi, deklarata te mencura dhe organizim te lobimit per pak kohe, kthyen ne favor cdo gje, duke siguruar shume shpejt mbeshtetjen e SHBA-ve ne luften e armatosur te shqiptareve.
Duhet te jesh teresisht naiv ta mendosh qe ne rast te ardhjes se Biden-it, politika amerikane do ta dashuroje Kurtin dhe te harroje historine e tij jo te kendshme me tre presidente paraprake dhe me nje dyzine figurash te larta amerikane te cilet poashtu nuk kishin aspak raporte pozitive me formacionin politik te tij.
Nje politike e tille e Vetevendosjes, e shoh se cdo dite forcon radhet e partive tjera, veprimet korruptive te te cilave e kane afruar vendin buze gremines. Ky kurs mbledh njerez me idologji te gabuara perkrah saj dhe shkakton rrjedhje te elementit intelektual poashtu nga gjiri i saj.
Autokritika eshte veprim shume i bukur dhe nuk demton asgje. Vecse shton poena politik ne popull ngase nuk shperfaq prepotence ne mase, gje qe e kemi pare tek tjeret. Perkrahja e verber ndaj nje formacioni e shkaterron ate dhe i ben dem vendit. Nje organizate politike nuk mund te jete kurre e shendoshe nese e cileson veten te pagabueshme. Vetevendosja duhet ta rimendoje pozicionimin e saj ne raport me aleatet e deritanishem te vendit.
Ne segmentin historik, Europa ka qene e ndare ndermjet bllokut serb dhe shqiptar. Ne rast te riardhjes ne pushtet, Kurti nese nuk ndryshon qasje, mund te thelloje hendekun me SHBA-te dhe ku do te mbeshtetet me pas ? Shtetet gjermanike, edhe ne rast qe do te ishin prane nesh, do te dorezoheshin perballe te gjitha forcave tjera ashtu sikur ishte dorezuar me 1912. Gjithnje nese bie ne tavoline ndonje diskutim i demshem per vendin.
Keshtu, nga rrafshi i brendshem, asgje kunder Vetevendosjes, por qasja ne politiken e jashtme, deri me sot eshte teresisht e gabuar. Ky nuk eshte sulm ose tendence per ta demtuar ate, por thjeshte opinion i vogel per te thene se ku mund te jete nje gabim i saj qe duhet ta permiresoje.
