Victoria’s Secret akuzohet për kopjim dhe ja ku janë provat e pakundërshtueshme
Victoria’s Secret është akuzuar se kopjon modelet e markës së të brendshmeve Edge O’Beyond.
Ngjashmëria e krijimeve të Victoria’s Secret me ato të Edge O’Beyond është vënë re nga faqja Diet Prada, e cila shkroi në një postim se dy stile të brendshmesh u shfaqën në faqen VS, të dyja dallueshëm të ngjashme me modelet e hedhura në treg më parë nga Edge O’Beyond.
Bëhet fjalë për një model të brendshmesh të qëndisura me lule që po shiten në faqen e Victoria Secret dhe kanë ngjashmëri të madhe me koleksionin Daisy të Edge O.
Një tjetër detaj i rëndësishëm është se themeluesja e Edge O’, Naomi De Haan shprehet se në mars të 2019-ës ka marrë një porosi me vlerë 1150£ nga një kliente, që pretendon se ka emrin e Koordinatores Krijuese të Victoria’s Secret. Porosia përfshinte artikuj nga koleksioni Daisy dhe disa stile të tjera.
Edhe marka Destiney Bleu ka akuzuar Victoria’s Secret se ka porositur produktet e saj, me qëllimin për t’i imituar.
Në fillim të kësaj jave, themeluesja dhe stilistja e Destiney Bleu tha për Diet Prada se “kishte vërejtur një mospërputhje të dyshimtë në një porosi”.
Porosia përfshinte reçipeta që nuk përputheshin me mbathjet dhe një palë reçipeta të tjera në masa të ndryshme, si dhe fundin “Celestial” 300 dollarë, i cili është i njëjti stil që Beyoncé mban veshur në videoklipin e këngës së saj Black is King.
“Intuita ime më bëri të kërkoja në Google emrin e kësaj porosie të madhe. Është praktikë standarde… në rast se bëhet fjalë për mashtrim, ose një stilist / influencues dhe ne duam t’i dërgojmë ndonjë dhuratë shtesë ose një shënim”, tha Bleu për Diet Prada.
Duke kërkuar detajet në internet, ajo zbuloi se emri përputhej me atë të Zëvendës Presidentes së Victoria’s Secret në Linkedin. Ndërsa adresa ku duhej dërguar porosia përputhej gjithashtu me zyrat e VS. Kjo bëri që Bleu ta anulonte porosinë.
