29 milionë euro, pasuria e konfiskuar e Gruevskit dhe Mijallkovit del në ankand
Një pjesë e pasurisë së konfiskuar të ish-kryeministrit të Maqedonisë së Veriut, Nikolla Gruevski dhe ish-shefit të shërbimit të sigurimit, Sasho Mijallkov së shpejti do të dalë në shitje.
Shteti pritet të arkëtojë të paktën 29 milionë euro. Një pjesë tjetër e pasurisë së sekuestruar nga Mijallkov në rastin “Perandoria” së shpejti do të dalë në shitje, njoftoi Agjencia për pronat e sekuestruara.
Do të shiten banesa, apartamente, garazhe, ambiente biznesi dhe tokë ndërtimore. Nga shitja e tre banesave dhe e një garazhi në Vodno, deri më tani shteti ka arkëtuar nga Mijallkovi 332.276 euro. Dhe vetë kompania “Best Ëay Investment”, kompani në pronësi të Jordan Mijallkovit, i ka blerë vetë, raporton Alsat-M.
