23 vjeçari nga Kosova arrestohet për pornografi me fëmijë, rasti ka ndodhur në Gjermani

Një 23-vjeçar nga rrethi i Gjilanit është arrestuar të enjten nga Policia e Kosovës me akuzën e përfshirjes në keqpërdorim të fëmijëve për pornografi, krim që dyshohet se e ka kryer në Gjermani në mars të këtij viti.

 

 

Arrestimi i tij është bërë pas një operacioni të përbashkët ndërmjet autoriteteve gjermane dhe kosovare, çka vë në pah rëndësinë e bashkëpunimit ndërkombëtar në luftën kundër krimeve të rënda.

Lajmin e ka konfirmuar Policia e Kosovës në raportin e saj të fundit, ku thuhet: “Për një rast të ndodhur në Gjermani, më 9 mars 2024, pas pranimit të informatave nga autoritetet gjermane përmes kanaleve zyrtare dhe pas ndërmarrjes së veprimeve hetimore, më 24.10.2024 është arrestuar i dyshuari mashkull kosovar. Ai është dërguar në mbajtje pas intervistimit me vendim të prokurorit.”

Burime nga Policia e Kosovës bëjnë me dije se 23-vjeçari do të ekstradohet drejt Gjermanisë pasi të përfundojnë procedurat ligjore të nevojshme.

 

 

Arrestimi i tij vjen në kuadër të përpjekjeve të vazhdueshme për ndalimin e krimeve që cenojnë të drejtat dhe sigurinë e fëmijëve.