Salah pas kualifikimit në çerekfinale: Ne do të luftojmë për të fituar Premierligën dhe Ligën e Kampionëve

Skuadra e Liverpoolit e ka humbur ndeshjen e 1/8 së finales në shtëpi ndaj Interit, por që takimi i parë i dërgoi ata në çerekfinale të Ligës së Kampionëve.

Me golin e Martinez, Interi e fitoi takimi ndaj “The Reds”, por jo edhe për ta arritur qëllimin kryesor, shkruan Periskopi.

Pas kësaj ndeshje mjaft të fortë, foli edhe sulmuesi egjiptian i Liverpoolit, Mo Salah, ku tha se e kishin të vështirë t’i shënonin një skuadre si Interi.

“Një skuadër e vështirë, në ndeshjen në udhëtim arritëm të fitonim dhe gjëja më e rëndësishme është që u kualifikuam”, tha fillmisht ai.

“E godita shtyllën dy herë, është në rregull, ndoshta në ndeshjen tjetër do të shënoja. Ne e humbëm ndeshjen dhe ndoshta kjo do të na japë një shtysë dhe është një lojë e mirë për të marr mësim”, tha ai.

“Të gjithë duan të fitojnë Champions League dhe Premier League. Ne do të luftojmë për të dyja. Do të shohim”, përfundoi ai.