Remzi Ejupi i reagon Shpendit: Ahmeti ka m’u mbajt mend për një send, kurrë asnjë euro për Prishtinën nuk e ka dhënë
Ish-kryetari i klubit të futbollit Prishtina, Remzi Ejupi, i ka reaguar ish-kryetarit të komunës së Prishtinës, Shpend Ahmeti, pas komenteve të këtij të fundit kur u përfol lajmi se Ejupi mund të kandidojë për kryetar të FFK-së.
Shpend Ahmeti përmes një shkrimi në Twitter ka thumbuar Remzi Ejupin i cili tashmë zyrtarisht ka shpallur kandidaturën për të parin e FFK-së.
Remzi Ejupi njihet si njëri prej aksionarëve më të mëdhenj në klubi Prishtina, derisa për mos sukses e ka akuzuar Ahmeti.
“Remzi Ejupi prej Prishtina në FFK. Sbon vec Prishtinen don me bo bërllog në tona anët”, kishte shkruar Ahmeti.
Ejupi në emisionin Pressing në T7 ka thënë se Ahmeti kurrë asnjë euro nuk e ka dhënë për Prishtinën dhe se do të mbahet mend si kryetar parazit.
“Shpend Ahmeti ka mu mbajt mend për një send. Kurrë asnjë euro në Prishtinën nuk e ka dhënë. Gënjen sa është i rëndë. Për borxhet nuk mund të gënjej. Ka qenë penguesi kryesor për tu ndërtuar stadium i Prishtinës. Kurrë në jetën e vet. Ka mu mbajt mend si njeri ma parazit që e ka dëmtuar qytetin. Edhe sportin njëherë nuk ka qenë në gjendje me ardh në fushë. E din ai ku ka ndejt më së miri”, tha ai.
