Bylbyl Sokoli flet për ndeshjet miqësore të Kosovës, mbetet i habitur me mosftesën e Leart Paqaradës

Kombëtarja e Kosovës do të zhvillojë dy ndeshje miqësore brenda muajit mars.

E para ndeshje do të jetë ajo ndaj Burkina Fasos që zhvillohet me 24 mars dhe luhet në stadiumin “Fadil Vokrri”, shkruan Periskopi.

Ndërsa takimi i dytë është ndaj Zvicrës dhe zhvillohet me 29 mars.

Tani “timonin” e Kosovës do ta ketë në duar trajneri francez, Alain Giresse, që presim diçka të madhe nga ai.

Por për të njohur më shumë për këto dy ndeshje që i takojnë karakterit miqësore dhe se sa janë të rëndësishme për Kombëtarën tonë, Periskopi ka kontaktuar me trajnerin dhe njohësin e futbollit, Bylbyl Sokolin.

Sokoli tha se fillimisht shpreson në paraqitje të mirë të djelmoshave tanë, me motiv dhe të sjellin rezultat të mira.

“Shpresoj në paraqitje të mirë, me shumë motiv tek lojtarët dhe rezultat pozitiv”, tha fillimisht ai.

Tutje tekniku kosovar tha se beson në frymë të re dhe çasje tjetër nga trajneri i ri.

“Besoj që trajneri i ri do të sjell frymë të re ne grup dhe çasje tjetër në lojë”, vazhdoi ai.

Ndërsa, profa ka mbetur i habitur me mungesën e Leart Paqaradës në këto dy ndeshje, ku tha se ëshë një lojtar i mirë, por nuk beson në “armiqësi” mes tij dhe trajnerit.

“Më befason mungesa e Paqaradës pasi është lojtar me formë shumë të mirë dhe nuk besoj në armiqësitë”, përfundoi Sokoli.

Kujtojmë se Paqarada ishte i pakënaqur me vendimin e trajneri të kaluar, Bernard Challandes me çasjen ndaj tij dhe për këtë, ai kishte vendosur të mos grumbullohet me Kosovën.