Ancelotti: Ndryshoi atmosfera, 30 minutat e fundit ishin spektakolare

Reali e ka fituar takimi ndaj Paris SG me rezultatin final në 3:1, duke u kualifikuar kështu në çerekfinale të Ligës së Kampionëve.

Ishte Benzema ai që me “hat-trickun” e tij i mposhti parisenët dhe kualifikoi tutje Realin, shkruan Periskopi.

Pas ndeshjes foli edhe tekniku i Realit, Ancelotti i cili tha se Reali ka fituar pas një loje shumë të vështirë dhe thotë se në pjesën e dytë ata ia dolën.

“Ne kemi fituar pas një loje shumë të vështirë, shumë të komplikuar, edhe më shumë pas golit të Mbappe. Jemi përpjekur të ushtrojmë presion, tifozët pritën dhe ne kemi filluar të krijojmë më shumë dhe më shumë. Jemi shumë të lumtur”, tha Ancelotti për Marca.

“Ne e nisëm mirë me energji, pastaj filluan të na vështirësojnë duke bërë presion. Vuajtëm por ishte normale. Rrezikuam pak, qëndruam një për një me Mbappe dhe kjo e bën jetën të vështirë për ju”.

“Goli ka ndryshuar atmosferën, gjysmë ora e fundit ka qenë spektakolare”, përfundoi ai.