12 minuta për Muriqin në humbjen e Lazios, u vlerësua me këtë notë
Sassulo ka shënuar fitore në shtëpi, duke mposhtur Lazion në kuadër të xhiros së 17-të në Seria A.
Vendasit arritën të fitojnë me përmbysje në rezultat nga 0 – 1 në 2 – 1.
Lazio fillimisht kaloi në epërsi falë golit të Zaccagni, që shënoi pas asistimit të Pedros (6′).
Ndërkohë, me këtë rezultat edhe mbaroi kjo pjesë. Sassulo nisi furishëm në 45-minutëshin e dytë duke shënuar dy herë.
Ishte Berardi që barazoi rezultatin pas asistimit të Raspadori (63′), ndërsa dyshja pastaj ndryshuan vendet me Raspadorin që shënoi dhe Berardin që asistoi te goli i dytë (69′).
Ylli i Kosovës, Vedat Muriqi u inkuadrua në fushë në minutën e 78-të, por nuk arriti të gjente golin.
12 minutat në fushë për Muriqin, u vlerësuan me notën 6.6.
