10 vjet pa të drejtë loje duke luajtur në Kosovë, futbollisti kosovar figuron si lojtar i Kukësit
Ka afër 10 vite që është rikthyer në futbollin e Kosovës, por Yll Hoxha po del se nuk ka të drejtë loje.
I rritur po në futbollin e Kosovës, Yll Hoxha kaloi së pari në Finlandë, e më pas në Shqipëri.
Po nga Shqipëria, më konkretisht nga Vllaznia, Hoxha u rikthye në Kosovë, për t’u transferuar te Feronikeli.
Më herët kishte luajtur edhe për Kukësin gjatë kohës 2012 – 2015.
Por, çuditërisht dhe në mënyrë skandaloze, Yll Hoxha ende figuron si lojtar i Kukësit.
Këtë e konfirmoi drejtori i Suharekës, Lulzim Kolgeci, i cili e shpjegoi pse nuk u fut në lojën e fundit lojtari Yll Hoxha.
Ai tha se kur kanë hulumtuar kanë parë se ai ende figuron si lojtar i Kukësit.
Që atëherë, Yll Hoxha ka luajtur për Feronikelin, Gjilanin dhe për Suharekën, edhe në Ligën e Parë edhe në Superligë.
