10.0 – Vlerësim perfekt nga ‘Sofascore’ për paraqitjen e Edon Zhegrovës ndaj Sion
Tifozët kosovar të futbollit janë kënaqur me paraqitjen e sotme të Edon Zhegrovës.
Anësori i kombëtares së Kosovës, Edon Zhegrova, ka qenë fenomenal në paraqitjen e tij me fanellën e Basel, kundër skuadrës së Sion, shkruan Periskopi.
22 vjeçari ka bërë gjithçka sot, duke dhënë dy asistime, por duke gjetur edhe rrugën e golit, në fitoren e thellë të Basel prej 6:0.
Fillimisht, në 45 minutëshin e parë, Zhegrova asistoi dy herë, kurse në pjesën e dytë, konkretisht në minutën e 55’, dribloi disa kundërshtarë për të dërguar më pas topin në rrjetë.
????| BEAUTIFUL GOAL ?
Edon Zhegrova scores after his 2 assists today!
Messi may have some competition?pic.twitter.com/T3IgSFMVE8
— Dardanian Footy (@DardanianFooty) August 1, 2021
Pas kësaj paraqitje që ia justifikoi edhe besimin e trajnerit, Zhegrova është vlerësuar me notën më të lartë nga të gjithë. ‘Sofascore’ i ka dhënë një vlerësim me 10.0, notë kjo më e larta e mundshme.
Asnjë lojtar i kombëtares së Kosovës nuk ka arritur më parë një vlerësim të tillë. /Periskopi.com/
