Prishtina përforcohet edhe me dy lojtarë të tjerë
Klubi i futbollit Prishtina ka njoftuar se ka arritur marrëveshje edhe me dy futbollistë në ditën e fundit të afatit kalimtar të janarit.
Mbrojtësi nga Kroacia, Josip Tomaseviq, i ardhur nga Cibalia ka firmosur kontratë me kampionët në fuqi të Kosovës.
Të martën me Prishtinën ka nënshkruar edhe Gentrit Begolli i ardhur nga Llapi, ka bërë të ditur klubi bardhekaltë.
Në ditët në vijim do të bëhet prezantimi i tyre nga klubi.
Me Prishtinën në këtë afat kalimtar kanë nënshkruar edhe Bujar Pllana, Agim Zeka, Drilon Cenaj, Sadam Sylley dhe Adonis Aliu.
