Parandaloni sulmin në zemër, sigurohuni që të shmangni këto 4 gjëra
Studimet e shumta shkencore të deritanishme kanë treguar se gjatë festave të Vitit të Ri dhe Krishtlindjes është vërejtur një numër i shtuar i infarkteve dhe se nga 25 dhjetori deri më 1 janar, më shumë njerëz vdesin nga infarkti se në çdo periudhë tjetër të vitit.
Shoqata Amerikane e Zemrës (AHA) paralajmëroi se shumica e njerëzve vdesin nga sulmet në zemër në atë periudhë, pasi sezoni i festave është stresues për shumë njerëz. Konsumohen shumë ushqime, pije alkoolike dhe njerëzit lëvizin më pak.
Kjo është arsyeja pse organizata kryesore jofitimprurëse në botë që merret me shëndetin e zemrës dhe trurit paraqiti sugjerime se si të përgatiteni për pushimet për të shmangur një atak të mundshëm në zemër dhe ofroi këshilla që mund t’ju ndihmojnë të kaloni një sezon pushimesh të lumtur dhe të shëndetshëm.
“Pushimet janë një kohë stresuese për shumicën e njerëzve, gjatë të cilave zakonisht u duhet të përmbushin shumë detyrime, shpesh në të njëjtën kohë. Rutina është e shqetësuar, hamë e pimë më shumë, ushtrojmë më pak dhe relaksohemi më pak. Në të njëjtën kohë, shumë prej nesh nuk e dëgjojnë trupin tonë ose nuk u kushtojnë vëmendje shenjave paralajmëruese, si presioni dhe dhimbja në gjoks, shpeshherë të shoqëruara me gulçim, duke menduar se të shkosh për një ekzaminim mund të presë deri në fund të pushimeve. Gjatë kësaj periudhe festash, të gjitha sa më sipër mund të kontribuojnë në rritjen e rrezikut për atak në zemër”, paralajmërojnë Donald Lloyd-Jones, president i Shoqatës Amerikane të Zemrës dhe Eileen M. Foel, kardiologë, drejtuese e Departamentit të Mjekësisë Parandaluese në Shkollën e Mjekësisë Feinberg të Universitetit Northwestern të Universitetit të Çikagos.
“Situata mund të jetë edhe më e vështirë për të gjithë ata që për shkak të pandemisë COVID-19 dhe masave kufizuese vitin e kaluar, nuk arritën t’i kalonin pushimet me familjarët dhe miqtë. Është jashtëzakonisht e rëndësishme që njerëzit të jenë të vetëdijshëm për këto rreziqe. Ju këshillojmë të ndërmerrni disa hapa të thjeshtë që do t’ju ndihmojnë të mbani zemrën tuaj të shëndetshme dhe që do t’ju mundësojnë të keni shumë më tepër festa në vitin e ri”, thonë kardiologët amerikanë.
Ka disa gjëra që duhen mbajtur parasysh gjatë këtij sezoni festash dhe mund ta kontrolloni listën dy herë.
Do të ishte mirë të dini se cilat janë simptomat e një ataku kardiak në mënyrë që të mund të ndërmerrni hapat e duhur nëse është e nevojshme.
Shenjat e një ataku kardiak mund të jenë të ndryshme tek burrat dhe gratë, dhe është e rëndësishme t’i njihni ato herët dhe të telefononi një ambulancë. Sa më shpejt të merrni ndihmë mjekësore, aq më të mira janë shanset për të mbijetuar dhe për të parandaluar dëmtimin e muskujve të zemrës.
Është koha për të konsumuar sasi më të mëdha të ushqimit dhe alkoolit se zakonisht. Të ushqehesh shëndetshëm gjatë festave nuk do të thotë domosdo të privosh veten nga një lloj ushqimi, përkundrazi, mjafton ta konsumosh me masë dhe të kujdesesh për sasinë e kripës që fut në organizëm.
Gjeni kohë për veten tuaj gjatë sezonit të festave të vështira. Përpiquni të reduktoni stresin që mund të krijojnë takimet me familjen, problemet financiare, oraret e ngarkuara dhe burime të tjera stresi që janë karakteristike për këtë kohë dhe kjo vlen edhe për udhëtimet.
Shoqata Amerikane e Zemrës rekomandon të paktën 150 minuta aktivitet fizik në javë, por ky numër zakonisht bie gjatë sezonit të festave. Mundohuni të qëndroni aktiv, të bëni një shëtitje familjare ose zgjidhni një aktivitet tjetër argëtues që mund të bëni me anëtarët e familjes ose miqtë.
Mos harroni të merrni rregullisht barnat e përshkruara. Ndodh shpesh që gjatë festave të fundvitit të anashkaloni terapinë pa dashje. AHA ju këshillon të mos harroni të merrni mjekimin tuaj rregullisht dhe të mos vononi të shkoni në urgjencë nëse ndjeni presion dhe dhimbje gjoksi, e cila shpesh shoqërohet me gulçim.
