Kryeziu kryen lëshimin e parë në Lojërat Olimpike Dimërore
Kiana Kryeziu ka debutuar në Lojërat Olimpike Dimërorë Pekin 2022 të hënën herët në mëngjes, duke u bërë gruaja e parë që e përfaqëson Kosovën në lojëra dimërore.
Ndërkohë, Albin Tahiri, e ka arritur kohën më të mirë personale në garën e tij të zhvilluar sot po ashtu.
Kryeziu dhe Tahiri janë dy atletët e vetëm që po e përfaqësojnë Kosovën në Pekin 2022, të dy në garat me ski.
Kryeziu, 17 vjeçe – e cila u bë gruaja e parë që do ta përfaqësojë Kosovën në Lojërat Dimërore – garoi në sllallom të madh.
Ajo e zuri vendin e 59-të nga 82 garuese, me kohën 1 minutë e 18.78 sekonda.
Kryeziu do të garojë në garën e dytë të sllallomit të madh sot më vonë.
Ndërkohë, Tahiri – cili bë sportisti i parë që e përfaqësoi Kosovën në Lojëra Olimpike Dimërore duke marrë pjesë në PyeongChang 2018 në Korenë e Jugut – garoi në lëshim alpin, duke regjistruar kohë rekorde personale në lojërat dimërore.
Ai u rendit i 35-ti nga 43 garues, e cila është renditja e tij më e mirë në Lojërat Olimpike Dimërore.
Tahiri pati kohën 1 minutë e 52.44 sekonda.
Albini do të garojë edhe në disiplinat e kombinimit alpin, sllallomit dhe sllallomit të madh ditët në vijim.
