Policia e ruan Konsullatën Serbe në Cyrih: Frikë nga “sulmet e shqiptarëve”?!

Tages Anzeiger i referohet shtypit serb, sipas të cilit shtimi i nivelit të sigurisë është bërë nga frika prej reagimeve të mundshme të shqiptarëve të indinjuar nga arrestimi i Ramush Haradinajt!

Periskopi.com Lajme

Prej disa ditësh, kalimtarët mund të shohin një makinë policie të parkuar para ndërtesës së Konsullatës Serbe në Cyrih, shkruan tagesanzeiger.ch. Makina qëndron aty gjatë gjithë kohës së orarit të punës së konsullatës duke e vëzhguar ndërtesën e saj.

E pyetur nga tages anzeiger, policia e qytetit të Cyrihut ka udhëzuar gazetarët te Policia Federale (Fedpol), e cila është përgjegjëse për sigurinë e përfaqësive  të huaja, transmeton albinfo.ch. Zëdhënësja e Dedpolit, Lulzana Mustafa thotë se “bazuar në analizat mbi kërcënimet, Fedpol u propozomn policive kantonale dhe atyre të qyteteve masa sigurie për përfaqësitë e huaja në Zvicër. Informacione të tjera lidhur me masat e ndërmarra për përfaqësitë konkrete, nuk mund të japim, për shkaqe sigurie”.

Ndërkaq Tages Anzeiger për të gjetur arsyen e masave shtesë para Konsullatës së Serbisë, i referohet shtypit serb  i cili bën të ditur se një ngritje e nivelit të sigurisë është bërë edhe në përfaqësitë serbe në Bruksel, Itali, Turqi, Greqi, SHBA dhe Gjermani. Dhe kjo shpjegohet me reagimet e mundshme të shqiptarëve të indinjuar nga arrestimi i Ramush Haradinajt.

“Pas reagimeve të para të mllefosura nga Kosovë dhe diaspora kosovare, ministri i jashtëm serb Ivica Dacic kishte thënë se i sheh në rrezik ambasadorët serbë. Ndërsa shtypi i verdhë serb pastaj publikoi një artikull në të cilin flet për një “plan të skëterrshëm të terroristeve shqiptarë”, të cilët gjoja kanë planifikuar kidnapimin e ambasadores serbe në Bruksel. Autorët e tekstit u referoheshin raporteve të shërbimit rus të informimit.

Policia e ruan Konsullatën Serbe në Cyrih: Frikë nga “sulmet e shqiptarëve”?!

 

Vuajtja e kosovarëve për pensionet e Zvicrës mund të marrë fund së shpejti

Nuk ka pension nëse jeton në Kosovë. Ky rregull ka 7 vite që mban peng kosovarët që jetojnë në Zvicër e që dëshirojnë që kohën e pensionit ta jetojnë në vendlindjen e tyre, nuk mund ta bëjnë këtë, shkaku i ligjit zviceran që ndalon pensionet për ata që nuk jetojnë në Zvicër.

Periskopi.com Lajme

Për këtë arsye, televizioni publik zviceran ka bërë një reportazh me kosovarët të cilët përballen me problemin e mos marrjes së pensioneve nëse dëshirojnë të jetojnë në Kosovë.

Një nga ta është Ramë Gjonaj i cili ka punuar 30 vite në një kompani ndërtimi në Zvicër. Ai do të kishte dëshirë që kur të pensionohej të kthehej në Kosovë me familjen e  tij. Por ai nuk do të mund ta marrë pensionin nëse e bënë këtë hap.

“Me qejf do të kthehesha në Kosovë. Për shumë vite punë këtu, kam arritur ta ndërtojë një shtëpi në Kosovë. Por tash për tash nuk mund ta bëjë këtë”, ka thënë Gjonaj për SRF-në.

Gjonaj i cili është në prag të pensionimit thotë se vendimi i vitit 2010, kur Këshilli Federal i Zvicrës arriti marrëveshje me Kosovës ia ka prishur planet e pensionimit.

Para kësaj marrëveshje ai do të mund ta merrte pensionin edhe nëse kthehet në Kosovë.

“Për mua është e pakuptueshme pse vetëm kosovarët nuk mund ta marrin pensionin”, thotë Gjonaj.

Këtë problem e ka edhe Mina Hasani me banim në Kosovë. Ajo ka vite që e pret bashkëshortin e saj të kthehet nga Zvicra pasi të pensionohet. Por i duhet të pres. Ajo kishte aplikuar që të jetojë në Zvicër me vajzën e saj,Lumnien, por nuk i ishte pranuar.

“Ky është diskriminim i pastër”, thotë Lumnia për SRF-në.

Por kjo mund të ndryshojë. Osman Osmani një biznesmen është duke luftuar me vite që të arrijë ta ndryshojë marrëveshjen.

“Kjo është e drejtë e punëtorëve nga Kosova, i cili shpenzon vite të tëra duke punuar në Zvicër dhe dëshirojnë që pensionin ta kalojnë në vendlindje”, thotë Osmani.

Ai ka mbështetjen e Bernie Barbara Gysi nga Berni, një drejtuese e Unionit të Punëtorëve në Zvicër.

“Njerëzit kanë të drejtë ti marrin pensionet e tyre që i kanë fituar në Zvicër. Çfarëdo vendimi tjetër është provokim i klasës punëtore.  Por e pranoj se është pak e trishtueshme nëse pensionistët nuk dëshirojnë të jetojnë këtu, por u takon atyre”, thotë Gysi.

Zyra Federale për Sigurime Zvicër thotë se autoritetet në këtë shtet, ka shumë dilema nëse vendimi i vitit 2010 mund të kthehet prapa dhe të lejohet marrja e pensionit edhe nëse jetojnë në Kosovë.

“Por janë disa pyetje që duhet të sqarohen përpara se të merren këto vendime”, thuhet në përgjigjen e tyre.

Pro ndryshimit të këtij vendimi po del të jetë edhe partia SVP në Zvicër. Sipas tyre, asnjë qytetari nuk duhet t’i ndalohet e drejta e shfrytëzimit të pensionit të tij pa marrë parasysh në cilin vend jeton./Insajderi.com

Mësuese në Zvicër por ka një porosi për prindërit shqiptarë

Majlinda Zumeri Prelvukaj që në moshën 23 vjeçare fillon ushtrimin e profesionit "mësuese gjeneraliste", në shkollën fillore në Bellevue, Gjenevë

Periskopi.com Lajme

Majlinda Zumeri Prelvukaj, e lindur para 30 viteve në Carouge, komunë gjenevase që numëron 21’741 banorë, e njohur edhe me pseudonimin “cité sard”, është fëmija i dytë i prindërve të saj që kanë dy vajza dhe dy djem të cilët kanë ardhur në Zvicër para 40 viteve.

Majlinda para pak vitesh ka krijuar familjen e saj, është nënë e lumtur e Zanit njëmbëdhjetë muajsh të cilit i flet gjuhën frënge kurse babai i flet gjuhën shqipe me qëllim që paralelisht fëmija të zhvillojë aftësitë e të mësuarit të të dy gjuhëve që për prindërit vlerësohen të rëndësisë elementare.

Pasi kryen shkollimin fillor në shkollën Hugo-de- Senger, ciklin e orientimeve në Aubépine dhe katër vite në kolegjin Calvin, Majlinda, troket në dyert e Fakultetit të psikologjisë dhe shkencave të edukimit prej nga që në moshën e re 23 vjeçare del me diplomën në Master për të përqafuar profesionin e saj “mësuese gjeneraliste” të cilin prej atëherë e ushtron në shkollën fillore në Bellevue.

Pyetjes së albinfo-s rreth zgjedhjes së këtij profesioni, mësuesja e re që tashmë ka shtatë vite përvojë profesionale i jep këtë përgjigje: të bëhem mësuese ishte dëshirë imja prej kur isha e vogël por dashurinë time ndaj këtij profesioni ma ka rritur edhe mësuesja e mrekullueshme që e kisha, së cilës i jam gjithmonë mirënjohëse. Majlinda ndjehet jashtëzakonisht mirë në profesionin e saj. “Tani për tani nuk mendoj që ta ndërroj atë”.

“Gjatë periudhës studentore njëkohësisht kam pasur mundësi të punoj punë që i përshtaten orarit të studimeve, kryesisht, ndihmës sekretare në menaxhimin e pasurisë mirëpo asgjë tjetër s`më ka joshur më shumë se mësimdhënia për të vegjlit”, thotë ajo.

Rreth përshtypjeve të saj në raport me dallimet që mund të ekzistojnë gjatë shkollimit të fëmijëve me origjinë të ndryshme apo mjedis të ndryshëm social, Majlinda për albinfo.ch përgjigjet: “në Bellevue mjedisi sociokulturor është heterogjen, që do të thotë se kemi fëmijë nga kultura dhe mjedise të ndryshme sociale. Një gjë që vërej është se tek fëmijët që e kanë gjuhën frënge gjuhë amtare apo gjuhë të parë, hyrja në shkrimlexim është më e lehtë. Mirëpo, në qoftë se fëmijët shoqërohen sa më shumë me librin ata do të kenë mundësi të kalojnë me sukses këtë ngadalësi, për ç`arsye i këshilloj edhe prindërit e fëmijëve që sa më shumë të vënë librin në dispozicion të të vegjëlve.

Në fakt, kam vërejtur se kemi edhe prindër shqiptarë që nuk marrin kohën e duhur që të shkojnë në bibliotekë me fëmijët apo t’ju lexojnë atyre qoftë edhe në gjuhën shqipe. Nga leximi, është e pakontestueshme se fëmijët arrijnë të zhvillojnë aftësi të nevojshme për rrugëtimin shkollor. Gjatë përvojës sime kam pasur dy familje shqiptare që kishin fëmijët në klasat e mia mirëpo asnjëherë nuk kam pasur një konsideratë tjetër ndaj tyre që i dallon nga prindërit e fëmijëve të tjerë. Edhe fëmijëve asnjëherë nuk iu kam folur shqip me qëllim që te fëmijët e tjerë të mos krijohet përshtypja e ndonjë favorizimi eventual.

Sa e njihni dhe e praktikoni ju gjuhën shqipe, keni njohuri të mjaftueshme që të mund ta ushtroni profesionin e juaj edhe në shqip?

Më duhet ta pranoj se dyshoj shumë që do të mundem të jem mësimdhënëse në gjuhën shqipe. Kur isha filloriste kam qenë shumë pak në shkollën ku organizohej mësimi plotësues në gjuhën amtare. Në familje gjithmonë flas shqip me prindërit kurse me motrën dhe vëllezërit flas në frëngjisht. Së paku një herë në vit shkoj në Kosovë prej nga vjen dhe bashkëshorti im i cili nuk ka shumë vite që jeton në Zvicër. Andaj meqë ai zotëron mirë gjuhën shqipe unë ndjehem me fat se ai më ndihmon që të korrigjohem por edhe të pasuroj fjalorin e gjuhës shqipe aq më shumë që është e mundur.

Çka konsideroni  përparësi në profesionin e juaj dhe cilat janë dobësitë e tij?

Çmoj jashtëzakonisht kontaktin me fëmijët, përcjellja e diturisë tek ata dhe raportet humane janë të shenjta për mua.

Pikat e dobëta nga këndvështrimi im në profesionin që kam janë shpeshherë ngarkesa e panevojshme administrative, pak mjete të nevojshme për nxënësit që kanë vështirësi në mësimnxënie dhe numri i shumtë i fëmijëve në një klasë i cili edhe frenon punën individuale me ata.

Cila është porosia e juaj për prindërit shqiptarë?

Të gjithë prindërve: “U ofroni literaturë fëmijëve”; ” Shkoni me fëmijët tuaj në bibliotekë”; ” Lexojuni fëmijëve tuaj përralla”.

Porosia e mësueses për prindërit shqiptarë: “Shkoni me fëmijët tuaj në bibliotekë”

 

.

 

Kosovari u merrte 1 mijë euro për një leje pune falso në Zvicër

Patriot A. i dyshuari kryesor ne mesin e pesë kosovarëve të arrestuar, ka shtetësi zvicerane teksa dhe në vitin 2014 ai udhëhoqi firmën për ndërtime ‘’Aliu BigTeam’’ e cila u mbyll në vitin 2016.

Periskopi.com Lajme

 

Poashtu raportohet se në këtë kompani përveç punëve të ndërtimit që janë zhvilluar, aty janë mbajtur edhe punëtorë në mënyrë ilegale, përcjellë Klan Kosova.

Për të qenë pjesë e kësaj kompanie në kantonin e Tinços personat është dashur të posedojnë lejen e punës gjë të cilën të implikuarit në këtë rast e kanë siguruar për punonjësit për vlerën 1000 euro për person.

ausvajsat-ticino-586x389

Dokumentacionet të cilat duhej të ishin valide për për personat që duan të punojnë falsifikoheshin duke vendosur vetëm fotografitë mbi lejen e punës e cila bëhej vetëm pas pagesës së shumës së kërkuar, shkruan Ticinonews.ch, përcjellë Klan Kosova.

Poashtu në artikullin e publikuar thuhet se Patrioti, një javë më parë kishte tentuar të largohej nga Zvicra por ishte kapur nga autoritetet.

Shqiptarja që po synon postin e deputetes në Kantonin e Solotunit në Zvicër

Kosovare Rrustemi, është një vajzë nga Kosova që po synon postin e deputetes në Zvicër.

Periskopi.com Lajme

MË saktësisht ajo synon këtë post në Kantonitn e Solotunit në Zvicër, raporton periskopi

Ajo është vullnetare/aktiviste, ka jetuar shumë vite në Bernë të Zvicrës dhe ka qenë kryetare e grupit vullnetar të Terre des HOmmes në këtë qytet.

Përkujdesja e klientëve në shtypshkronjën Rubmedia, gjithë kohën e saj të lirë e kalon në ndihmë fëmijëve. Ajo ka dënuar stereotipat negative për kosovarët.

Kosovare Rustemi bashkë me pronarin e një shitoreje në Bernë, Alfred Burri, dhe gazetën «Könizer Zeitung» kanë lancuar aksionin «Gurtenfeuerëerk fürs Herz» dhe me shitjen e këtyre certifikatave, gjysma e të hollave do të shkojë në llogarinë e “Terre des Hommes“ për projektin “Një udhëtim për të shpëtuar jetë“.

Në kuadër të këtij projekti, do të operohen në Zvicër fëmijët të cilët nuk kanë mundësi një gjë të tillë ta bëjnë në vendlindje.

Periskopi mëson se ajo është e martuar dhe ka dy fëmijë.

Për më tepër, ajo vjen nga Zhegra e Gjilanit dhe është motra e boksierit tepër të njohur, Erzen Rrustemit.

Zgjedhjet kur ajo kërkon voton janë më 4 mars të këtij vitit.

16265852_1244594995626533_1692532639196900277_n

(KEYSTONE/Gian Ehrenzeller)

Futbollistët shqiptarë protagonistët kryesorë në Zvicër

Taulant Xhaka, Ezgjan Alioski, Burim Kukeli, Armando Sadiku dhe Shkëlqim Demhasaj janë futbollistët shqiptarë që janë të nominuar për ekipin më të mirë të vitit në Superligën dhe Ligën e Parë

Periskopi.com Sporti

Më 30 janar do të mbahet mbrëmja gala e e futbollit zviceran “SFL Award Night”, ku do të ketë si protagonistë shumë futbollistë shqiptarë, të përzgjedhur mes kandidatëve për t’u bërë pjesë e “Skuadrës së vitit” si në Superligë, ashtu edhe në kategorinë e dytë, shkruan albinfo.ch.

Ata kanë shkëlqyer në edicionin e kaluar dhe sigurisht se pritet të shkëlqejnë edhe në mbrëmjen e veçantë të futbollit zviceran.

Në formacionin ideal të këtij edicioni për Superligën e Zvicrës, mes emrave që mund të përzgjidhen është edhe ai i Taulant Xhakës, gjithnjë e më shumë lider te Baseli, skuadër që po dominon. Përkrah tij është edhe shqiptari që luan për Maqedoninë, Ezgjan Alioski i Luganos.

Në Challenge League, sigurisht që nuk mund të mungonin emrat e dy futbollistëve shqiptarë të Zurichut, Burim Kukeli dhe Armando Sadiku, edhe pse ky i fundit tashmë ka kaluar në Superligë, në radhët e Luganos dhe do të vazhdojë atje pjesën e mbetur të sezonit.

Në listën e sulmuesve në këtë kategori gjendet edhe emri i kosovarit 20-vjeçar të Schaffhausen, Shkëlqim Demhasaj, i cili është një nga zbulimet e sezonit në Zvicër, ku në 18 ndeshje ka shënuar 8 gola.

Futbollistët shqiptarë protagonistët kryesorë në Zvicër

 

Detaje shtesë nga Qeveria për pensionet e kosovarëve në Zvicër

Në mbledhjen e Qeverisë janë diskutuar një sërë temash. Njëra ndër to ka qenë edhe marrëveshja për qytetarët e Kosovës të cilët kanë punuar në Zvicër.

Periskopi.com Lajme

Kryeministri Isa Mustafa e vlerësoi këtë marrëveshje që adreson problemet e kosovarëve që punojnë në Zvicër.

Ndërkohë ministri Abrashi ka treguar për efektet pozitive të kësaj marrëveshje.

“Qytetarëve të dy shteteve do t’u mundësohet lëvizja e lirë që të punojnë dhe të realizojnë të drejtat e tyre, siç janë pensionet e moshës, pensionet familjare, pensionet invalidore të punës dhe të drejta tjera nga fusha e sigurimit social. Në veçanti, me këtë marrëveshje, qytetarëve të Kosovës të cilët kanë punuar një kohë të gjatë në Konfederatën e Zvicrës do t’iu mundësohet që pas arritjes së moshës së pensionimit të kenë të drejtë që pensionin e tyre ta marrin në shtetin e tyre, pra në shtetin e Kosovës. Në bazë të kësaj marrëveshje, qytetarëve të Kosovës do t’u mundësohet e drejta për t’i bashkuar edhe periudhat kontributive. Me miratimin në parim të kësaj nisme nga Qeveria e Kosovës, Ministria e Punës dhe Mirëqenies Sociale si bartëse e këtij procesi në bashkëpunim me institucionet tjera relevante, sikurse Ministria e Jashtme, do të angazhohet në negocimin e kësaj marrëveshje duke u bazuar në Kushtetutën e Republikës së Kosovës dhe ligjet tjera të aplikueshme. Miratimi i kësaj nisme e autorizon Ministrinë që të filloj menjëherë negocimin e marrëveshjes për sigurime sociale mes Republikës së Kosovës dhe Konfederatës së Zvicrës, negociata që parashihet të fillojnë javën e ardhshme”, është shprehur, ministri Abrashi.

Në këtë mbledhje janë aprovuar edhe udhëzimet me ligjin për kompensimin e viktimave të krimit.

Gjeni të plotë komunikatën:

Qeveria e Republikës së Kosovës, e drejtuar nga kryeministri Isa Mustafa, ka mbajtur sot mbledhjen e rregullt, të 127-ën me radhë. Kabineti qeveritar ka aprovuar dy udhëzime të parapara me Ligjin për Kompensimin e Viktimave të Krimit. Udhëzimi Administrativ për Mënyrën e Kompensimit Përfshirë edhe Llogaritjen e Kompensimit për Dëmtimet e Shumëfishta, rregullon kërkesën për kompensim e cila është e përcaktuar në detaje, përfshin plotësimin e saj, dorëzimin dhe afatin brenda së cilit duhet të dorëzohet. Kjo për faktin që të bëhet sa më e lehtë qasja e viktimave në kompensim. Ndërsa, udhëzimi administrativ për Regjistrat për Parashtruesit e Kërkesës dhe për Vendimet e Lëshuara rreth Kompensimeve përcakton rregullat dhe kushtet për mbajtjen e regjistrave, duke filluar nga pranimi i lëndës, deri tek nxjerrja e vendimit dhe komunikimin e vendimit tek pala. Po ashtu, rregullon edhe pjesën e arkivimit të dokumentacionit dhe qasjes në evidencë, si dhe dispozitave që janë të nevojshme gjatë punës së komisionit, i cili do të bëjë vlerësimin e kërkesave për kompensim. Aprovimi i këtyre dy udhëzimeve administrative, që u ndihmua nga Ambasada Amerikane në Prishtinë, bënë kompletimin e legjislacionit të nevojshëm të kësaj fushe dhe rrjedhimisht mundëson fillimin e kompensimit të viktimave të krimit. Gjatë mbledhjes është aprovuar edhe vendimi preliminar për shpronësim për interes publik të pronave shoqërore të KBI “Progres” Prizren, të cilat preken nga realizimi i Projektit për ndërtimin e Impiantit për Trajtimin e Ujërave të Zeza, Zona Kadastrale Vllashnje, Komuna Prizren. Po ashtu, është miratuar edhe Nisma për lidhjen e Marrëveshjes për sigurime sociale ndërmjet Konfederatës së Zvicrës dhe Qeverisë së Republikës së Kosovës. Ministri i Punës dhe Mirëqenies Sociale, Arban Abrashi, tha se efektet pozitive që do të dalin nga kjo marrëveshje janë të mëdha për qytetarët e Kosovës të cilët kanë punuar dhe punojnë në Zvicër.

“Qytetarëve të dy shteteve do t’u mundësohet lëvizja e lirë që të punojnë dhe të realizojnë të drejtat e tyre, siç janë pensionet e moshës, pensionet familjare, pensionet invalidore të punës dhe të drejta tjera nga fusha e sigurimit social. Në veçanti, me këtë marrëveshje, qytetarëve të Kosovës të cilët kanë punuar një kohë të gjatë në Konfederatën e Zvicrës do t’iu mundësohet që pas arritjes së moshës së pensionimit të kenë të drejtë që pensionin e tyre ta marrin në shtetin e tyre, pra në shtetin e Kosovës. Në bazë të kësaj marrëveshje, qytetarëve të Kosovës do t’u mundësohet e drejta për t’i bashkuar edhe periudhat kontributive. Me miratimin në parim të kësaj nisme nga Qeveria e Kosovës, Ministria e Punës dhe Mirëqenies Sociale si bartëse e këtij procesi në bashkëpunim me institucionet tjera relevante, sikurse Ministria e Jashtme, do të angazhohet në negocimin e kësaj marrëveshje duke u bazuar në Kushtetutën e Republikës së Kosovës dhe ligjet tjera të aplikueshme. Miratimi i kësaj nisme e autorizon Ministrinë që të filloj menjëherë negocimin e marrëveshjes për sigurime sociale mes Republikës së Kosovës dhe Konfederatës së Zvicrës, negociata që parashihet të fillojnë javën e ardhshme”, tha ministri Abrashi. Kryeministri Isa Mustafa vlerësoi rëndësinë e kësaj marrëveshje, e cila adreson problemet e qytetarëve të Kosovës që kanë punuar në Zvicër. “Unë e konsideroj se është një hap shumë i rëndësishëm, sepse ka pas shumë probleme sa i përket sigurimeve sociale me Zvicrën dhe mendoj se është një sukses i Qeverisë që ne ta përmbyllim këtë proces tepër të rëndësishëm që drejtpërdrejt adreson problemet e qytetarëve tanë që kanë punuar atje”, tha kryeministri Mustafa.

 

 

Në këtë qytet të Zvicrës ka më së shumti të huaj

Dhjetë qytete në Zvicër numërojnë më shumë se 50.000 banorë. Vendësit janë duke dominuar në pjesën më të madhe, por përqindja e të huajve ndryshon në masë të madhe, nga 23.4% në Winterthur, në 48.4% në Gjenevë.

Periskopi.com Lajme

Në Cyrih, qyteti më i madh zviceran, statistikat ferederale tregojnë se jetojnë më së shumti të huaj, përkatësisht 124.823 (në vitin 2014). Por, në Gjenevë, ku ka shumë organizata ndërkombëtare, prania e të huajve është më e madhe.

Radio zvicerane (RTS) ka raportuar se në Lokarno, një qytet në kantonin italian në Ticino, me 16.400 banorë, ka më shumë njerëz që vijnë nga kantonet e tjera ose nga jashtë se sa vendës. Proporcioni i të huajve është 35 për qind. Së bashku, këto dy kategori përbëjnë shumicën e popullsisë në krahasim me vendësit, të cilët përbëjnë 48%.

Sipas “swissinfo”, mesatarisht, një e pesta e popullsisë zvicerane ka lindur në qytetet më të populluara jashtë vendit dhe një e gjashta e personave pa shtetësi zvicerane kanë lindur në Zvicër.

Refugjatja kosovare qëllohet nga revolja frikësuese në Zvicër

Njëri nga plumbat ose petardat e gjuajtura ka qëlluar kosovaren 37 vjeçare e cila ka pësuar një lëndim të lehtë (djegie), thotë një zëdhënës i policisë

Periskopi.com Lajme

Persona të panjohur kanë gjuajtur me pistoletat e tyre frikësuese në drejtim të një qendre të azilit në Freiburg. Me këtë rast  kanë qëlluar një banore të qendrës, një azilkërkuese 37 vjeçare nga Kosova, e cila ka marrë lëndime të lehta. Policia kriminalistike është duke zhvilluar hetimet, shkruan badischezeitung.de.

Sipas policisë, në natën në mes të enjtes dhe të premtes janë drejtuar tri të shtëna në drejtim të qendrës së azolit, nga një grup prej tre personash të panjohur, transmeton albinfo.ch. Njëri nga plumbat ose petardat e gjuajtura ka qëlluar kosovaren 37 vjeçare e cila ka pësuar një lëndim të lehtë (djegie), thotë një zëdhënës i policisë.

Autoritetet ende nuk mund të thonë asgjë lidhur me prapavijën e të shtënave. Ato janë shkrepur në drejtim të qendrës së azilit, por nuk dihet nëse kjo është bërë në mënyrë të qëllimshme. Është sulmi i parë në një qendër të strehimit të refugjatëve në Freiburg, theksojnë në polici.

Kosovarja 37 vjeçare kishte dëgjuar rreth orës 2.30 të pas mesnatës dy krisma dhe kishte dalë nga ndërtesa së bashku me të birin për të parë se çfarë po ndodhte, përcjell albinfo.ch. Djali i saj 17 vjeçar nuk është qëlluar ndërsa e ëma, e lënduar lehtë, nuk ka pasur nevojë për ndihmën mjekësore.

Policët kanë parë tre persona duke ikur dhe është vënë në ndjekje të tyre por deri më tash pa sukses.

Refugjatja kosovare qëllohet nga revolja frikësuese: lëndohet lehtë

Thaçi dënon sulmet në Berlin, Cyrih e Ankara

Sulmet në kryeqendrat evropiane janë sulme kundër civilizimit dhe vlerave që me shumë sakrificë janë ndërtuar. Është detyrë e të gjithë neve që t’i mbrojmë këto vlera, duke lënë një trashëgimi për brezat e ardhshëm.

Periskopi.com Lajme

Kështu ka thënë presidenti Hashim Thaçi, duke theksuar se populli i Kosovës ndan dhimbjen me familjet, popujt dhe shtetet e Gjermanisë dhe Zvicrës për të vrarët dhe të plagosurit në sulmet në Berlin dhe në Cyrih.

“Njësoj i dënueshëm është edhe akti i vrasjes së diplomatit rus në Ankara. Diplomatët janë ura mes shteteve dhe kombeve, përmes punës së tyre për përmirësimin e komunikimit dhe mirëkuptimit mes popujve. Ata janë çelës i zgjidhjes së problemit e jo vetë problemi”, u shpreh Thaçi.

“Nuk mund të zmbrapsemi para dhunës, por duhet të qëndrojmë të fortë, të përgatitur dhe vigjilentë në angazhimin tonë për paqe dhe stabilitet”, potencoi ai në fund.

Cili qytet është më i liri në Zvicër?

Në Bazel dhe Gjenevë mbetet pak buxhet kur paguhen të gjitha faturat mujore. Këtë e dëshmon një studim i krahason të gjitha komunat zvicerane.

Periskopi.com Lajme

Përgjigjja e “Credit Suisse” është se në kantonin Uri mbesin më shumë para kur i paguani taksat, premitë e sigurimeve shëndetësore dhe shpenzimet e tjera të lidhura me vendin e banimit. Uri është kantoni që ka mbajtur pozitën lart që nga viti 2011, shkruan “Handelzeitung”, përcjell albinfo.ch.

“Credit Suisse” ka analizuar dhe ka krahasuar koston e jetës në 2.300 komunat zvicerane dhe kantone. Në këtë mënyrë, banka zvicerane ka marrë në konsideratë katër blloqe të mëdha me kosto, të cilat ndikojnë në buxhetin: taksat, kostot e strehimit, shpenzimet për rrugën deri në punë dhe kostot financiare të kujdesit për fëmijët.

Urit, Glarus, Obwalden, Thurgau dhe Appenzelli janë ndër kantonet më të lira për banim.

Në varësi të të ardhurave, avantazhet dhe disavantazhet e një vendbanimi janë të ndryshme: për dikë që fiton shumë, shpenzimet për sigurimin shëndetësor dhe banimi janë më pak të rëndësishme se sa tatimet. Kur një çift me të ardhura prej 100 mijë franga lëviz nga kantoni Zug në kantonin e Neuchâtel-it, fatura tatimore vjetore është pothuajse 11.000 franga e lartë. Nëse të ardhurat janë 300 mijë franga, çifti duhet të paguajë më shumë se 41.000 franga taksa.

Cili qytet është më i liri në Zvicër?

 

Azeminja, shqiptarja shofere e autobusit të gjatë 25 metra nëpër rrugët e Zvicrës (Foto)

Azemine Shaqiri është njëra nga shqiptarët e pakta që kanë zgjedhur udhëtimin e përditshëm me autobusin e saj në të njëjtin itinerar, përreth qendrës së Cyrihut

Periskopi.com Lajme

Azeminja tashmë në këtë rutinë ia ka dalë të mësoj çdo metër të rrugës. Por drejtimi i autobusit fizarmonikë 25 metra i gjatë nëpër rrugët e mëngjesit, kur të gjithë shkojnë në punë kërkon sigurisht përqendrimin më të lartë.

30-vjeçarja nuk e përfytyron sot që të bëjë ndonjë punë tjetër. Kjo në një kohë kur këtë punë e bëjnë më shumë burrat.

“E bëj me shumë dëshirë punën e shoferes tashmë 8 vjet”.

Por si është ndjerë ajo si femër dhe si shqiptare në një vend të huaj, duke guxuar të provojë veten në një arenë të rezervuar për burra? “Do të kisha shumë dëshirë të ketë më shumë shofere femra shqiptare për të treguar se edhe ne kemi aftësitë dhe guximin që të drejtojmë autobusët apo tramvajet e qytetit. Në fillim kisha frikë se po bëj aksidente pasi që ngasja me autobus kërkon përqendrim të madh në krahasim me tramvajet që lëvizin në binarët e tyre, e nuk iu duhet përparësi nga veturat.”, thotë shoferja 30 vjeçare. Shqiptarja me origjinë nga Presheva ka dëshirë që në të ardhmen të drejtojë edhe tramvajet e qytetit

Më parë, ajo ka punuar si shitëse deri në moshën 22-vjecare. Tani punon në Cyrih – që është një qytet metropol por i lehtë për t’u orientuar.

Në profesion asaj i pëlqen kontakti me njerëzit. Përditë Azeminja gëzohet për pasagjerë të këndshëm, që në të shumtën e rasteve janë të moshuar. Edhe më mirë ndjehet me pasagjerët shqiptar, e që pa hezitim i përshëndet në gjuhën shqipe. “Befasohen kur më shohin se jam shofere shqiptare ”, tregon Azeminja. Edhe në jetën private shoferen e autobusit e sheh nganjëherë në timon. Megjithatë ajo udhëton me veturë sa më pak që të mundet – në fakt vetëm për rrugën për në punë dhe për në shtëpi.

8 vjet në timon të autobusit

“Lexova se po kërkonin shoferë dhe aplikova. Pastaj kalova me sukses të gjitha provimet dhe mora patentën për shofer autobusi në VBZ dhe tani unë mund t’i drejtoj autobusët”, thotë Azemine Shaqiri. 30-vjeçarja nuk e përfytyron sot që të bëjë ndonjë punë tjetër. Kjo në një kohë kur këtë punë e bëjnë më shumë burrat. “E bëj me shumë dëshirë punën e shoferes tashmë 8 vjet”.

img_1158-586x389 img_1165-586x389 img_1166-586x389 img_1167-586x389

Azeminja, në arenën “e rezervuar” për burra

 

Hoxhaj në Zvicër dhe Lihtenshtajn, kërkon mbështetje për zhvillim ekonomik dhe investime

Ministri i Punëve të Jashtme të Kosovës, Enver Hoxhaj ka zhvilluar vizitë zyrtare në Zvicër dhe në Lihtenshtajn. Gjatë kësaj vizite, Hoxhaj është takuar me homologët e tij, ministrat e jashtëm të të dyja shteteve, ku temë kryesore e takimeve ka qenë zhvillimi ekonomik dhe sjellja e investimeve nga këto dy shtete në Kosovë.

Periskopi.com Lajme

Në Zvicër, Hoxhaj ka biseduar edhe për çështjen e pensioneve.

Gjatë qëndrimit në Zvicër, ministri Hoxhaj ka takuar udhëheqësin e Departamentit Federal për Punë të Jashtme, Didier Burkhalter. Ai ka folur për klimën e mirë për investime në Kosovë, me ç’rast ka kërkuar sjelljen e investimeve nga Zvicra në vendin tonë.

“Në takimet që kisha më Ministrin e Punëve të Jashtme të Zvicrës, dhe me ministren e Lihtenshtajnit, biseduam për mbështetjen e këtyre vendeve sa i takon zhvillimit ekonomik dhe sjelljes së investitorëve të rinj në Kosovë, si dhe për mbështetjen në anëtarësimin në organizata ndërkombëtare. Besoj që në të dyja çështjet do të kemi mbështetjen e tyre”, ka thënë Hoxhaj.

Po ashtu, në këtë takim, Hoxhaj ka adresuar edhe çështjen e pensioneve për qytetarët e Kosovës të cilët kanë punuar në Zvicër. Ai ka thënë se shumë shpejt pret vendime pozitive në këtë drejtim.

“Në takimin me homologun tim zviceran kemi adresuar edhe çështjen e pensioneve të qytetarëve të Kosovës që kanë punuar në Zvicër dhe shumë shpejtë presim vendime pozitive në këtë drejtim”, ka përfunduar Hoxhaj.

Gjatë vizitës në Lihtenshtajn Hoxhaj ka takuar homologen e tij Aurelia Frick. Edhe në këtë takim temë kryesore ka qenë zhvillimi ekonomik dhe sjellja e investorëve të rinj nga Lihtenshtajni në Kosovë.

Përveç takimeve me homologët e tij, Hoxhaj ka mbajtur takime edhe me Komisionet për Politikë të Jashtme të të dyja vendeve. Ndërkaq sonte, Hoxhaj do të mbajë ligjeratë në Universitetin e Bernit./ Periskopi

6 4 3 2

18-vjeçarja nga Kosova mashtron zviceranin 59-vjeçar

Një vajzë 18 vjeçe ka luajtur me dashurinë një burri 59 vjeç, duke e shfrytëzuar financiarisht. Tani ajo dhe tutori i saj janë arrestuar, raporton gazeta zvicerane “Blick”.

Periskopi.com Lajme

Ngjarja ka ndodhur në Uster të Zvicrës, ku vajza ka arritur t’i rrëmbejë atij rreth 2000 franga në emër të dashurisë për interes”.

18­vjeçarja është shqiptare nga Kosova, gjithashtu dhe tutori i saj 40 vjeç.

“Shqiptarja e ka shfrytëzuar 59­vjeçarin për operacione të ndryshme, pagesa dhe për shpenzime të tjera. Të martën e kaluar, 59­vjeçari kuptoi mashtrimin e saj dhe e paraqiti rastin përpara policisë së Uster, që filloi vëzhgimin e çiftit nga Kosova.

Nuk shkoi gjatë dhe 18­vjeçarja i paraqitet përsëri burrit në moshë për t’u takuar dhe qëllim për ta shfrytëzuar ekonomikisht.

Policia në momenti që e pa duke zbritur nga vetura e tutorit, i arrestoi të dy me akuzën “mashtrim për favore seksuale”.