“The Sun” publikoi listën me 65 persona të zhdukur në zjarrin në Londër

Periskopi.com Lajme

Tabloidi britanik “The Sun” ka publikuar sot listën me emra të cilët edhe më tej konsiderohen të zhdukur dhe ekziston frika se kanë vdekur në zjarrin që e kaploi ndërtesën 27 katëshe në Londër.

Në pyetjen e gazetarëve nëse numri i viktimave mund të jetë më shumë se komandanti i Policisë londineze Stewart Kandi ka thënë se “do të donte që ky numër mos të jetë treshifror”, transmeton Reuters.

Reklamë
Reklamë

Asnjë kriminel i luftës në ish-Jugosllavi nuk u prek nga zjarri në Hagë

Periskopi.com Lajme

Të ndaluarit në Gjykatën e Hagës nuk u lënduan pas shpërthimit të një zjarri në një njësi psikiatrike në burgun e sigurisë së lartë në Scheveningen në Holandë, ku mbeti i vrarë një i burgosur.

Ministria holandeze e drejtësisë tha për BIRN të enjten se asnjë i pandehur i Gjykatës Penale Ndërkombëtare për ish-Jugosllavinë që po mbahet në njësinë e paraburgimit të OKB-së në burgun në Scheveningen, nuk u lëndua nga flakët që shpërthyen gjatë natës.

“Po, ka pasur një zjarr në Scheveningen gjatë natës, por asgjë që ka lidhje me të burgosurit e ICTY-së,” tha ministria.

“Zjarri ishte në një pjesë tjetër të burgut, një pjesë krejtësisht më vete, te pjesa e psikiatrisë ku janë të burgosurit psikiatrik,” shtoi ajo.

Një i burgosur, një shtetas holandez, vdiq si pasojë e zjarrit.

Të burgosurit e tjerë u evakuuan.

Ndër ata që mbahen në njësinë e paraburgimit të OKB-së përfshihen ish-lideri politik serb i Bosnjës Radovan Karaxhiç dhe ish-komandantin e tij ushtarak, Ratko Mlladiç, si dhe ish-shefat e sigurimit serb Jovica Stanisiç dhe Franko Simatoviç.

Por njësia për të pandehurit e krimeve të luftës “nuk u prek në asnjë mënyrë” nga zkjarri, tha ICTY për BIRN.

Shkaku i incidentit nuk është përcaktuar ende dhe policia po heton, shtoi ICTY.

Reklamë
Reklamë

‘Po vdes, nuk ia dal dot!’ Zbulohen mesazhet e lamtumirës nga Londra

Periskopi.com Lajme

Personat e bllokuar brenda ndërtesës së ferrit në Londër u kanë dërguar mesazhet e tyre të fundit familjeve kur e kuptuan se do të ishte thuajse e pamundur të mbijetonin.

Disa janë lutur për shpëtim, ndërsa tymi dhe flakët pushtonin dhomat e tyre, ndërsa të tjerë thjesht kanë thënë “Lamtumirë”.

Një nënë, e cila ishte bllokuar me 3 fëmijët e saj ndërsa flakët përfshinë apartamentin e saj, u ka shkruar mesazh miqve: “Lamtumirë, nuk do t’ia dal dot!”.

Nura Jemal dhe bashkëshorti i saj Hashim Kedir ishin mes familjeve që iu tha të prisnin për shpëtimin nga autoritetet e emergjencës. Por rreth orëve të para të mëngjesit kur e pa se nuk do t’ia dilte dot telefonoi të afërmit dhe u tha: “Zjarri është këtu, po vdes. Lamtumirë, nuk do t’ia dalim dot! Ju lutem më falni!”.

Këto ishin fjalët e saj të fundit që miqtë dëgjuan prej saj.

Miqtë kanë qenë të shqetësuar edhe për një çift italian që banonte në katin e 23-të të godinës, ndërsa një nënë e dy fëmijëve kishte shpërndarë në FB momentet e saj të fundit.

Gjithashtu është ende i paditur fati i 27-vjeçares Mariem Elgwahry, e cila jetonte në katin e 19-të bashkë me nënën e saj.

12-vjeçarja Jessica Urbano kishte telefonuar nënën e saj në orën 1:40 të mëngjesit për t’i thënë se ishte bllokuar brenda godinës që po digjej. Nëna e saj kishte shkuar me urgjencë në shtëpi, ndërsa kthehej nga puna, por oficerët nuk e lejuan të depërtonte kordonin e sigurisë. Nuk dihet ende fati i saj.

 

Reklamë
Reklamë

Digjet minibusi në Prishtinë i cili kishte udhëtarë hpëtojnë (Video)

Një minibus udhëtarësh është kapluar nga flakët, por fatmirësisht udhëtarët që ishin brenda kanë arritur të dalin me kohë dhe të shpëtojnë pa lëndime.

Periskopi.com Lajme

Ngjarja ka ndodhur në Prishtinë të enjten rreth orës 17:30, afër Fakultetit Teknik, njofton Klan Kosova.

Ende nuk dihet se si erdhi deri tek zjarri në automjet, derisa zjarrfikësit kanë intervenuar për të shuar flakët.

Policia nuk ka dhënë detajet deri në këto çaste për këtë rast.

Reklamë
Reklamë

Një person i ‘vë zjarrin’ metrosë së Hong Kongut, të paktën 17 të plagosur

Të paktën 17 persona janë plagosur pasi një zjarr i fuqishëm përfshiu një transportin e trenave nëntokësor në Hong Kong.

Periskopi.com Lajme

Policia ka arrestuar një person për zjarrvënie të qëllimshme por tha se nuk kishin asnjë provë për motive terroriste.

“BBC” raporton se një burrë ishte përpjekur të hidhte një ‘bombë benzine’ brenda transportit gjatë orëve të fluksit në mbrëmje.

Përdoruesit e rrjeteve sociale kanë shpërndarë një video që tregon një grua të shtrirë në platformën e përfshirë në flakë, ndërkohë që pasagjerët e tjerë përpiqen të shuajnë zjarrin.

Treni po udhëtonte nga Admiralty në stacionin e Tsim Sha Tsui. /SYRI.net

Reklamë
Reklamë

Digjet një xhami në Deçan (Foto)

Një xhami është djegur në fshatin Drenoc.

Periskopi.com Lajme

Nga fotot që një lexues i ka dërguar portalit “Indeksonline”, shihet xhamia teksa digjet dhe banorët që kanë dalë për të parë se çka po ndodhë.

Fshati Drenoc gjendet në komunën e Deçanit.

16111574-1136512946461944-1155271391-n 16111241-1136513003128605-677763456-n

Reklamë
Reklamë

Digjet kombi me derivate të kontrabanduara në veri të Kosovës

Një kombi transportues i ngarkuar me derivate kontrabandë është djegur tërësisht, ndërsa magjistralja Leshak-Leposaviq është bllokuar për qarkullim nga Policia.

Periskopi.com Lajme

Burime të KosovaPress-it bëjnë të ditur se ngjarja ka ndodhur sonte rreth orës 20:00 tek vendi i quajtur ‘Kamen’ afër Leshakut.

Sipas këtyre burimeve, pronar i kombit të djegur është Sërxhan Vulloviq, i njohur me nofkën ‘Gene’, që njihet për kontrabandë në veri.

’Gene’ është i njohur për Policinë dhe ka dy pompa të benzinës në magjistralen e Leshakut.

Automjeti i tij ka hyrë sonte ilegalisht nga Serbia përmes rrugës alternative tek vendi i ‘tresave’, ndërsa afër Leshakut dyshohet se dikush ka gjuajtur koktej molotovi në drejtim të kombit duke e djegur atë tërësisht”, kanë thënë burimet.

Policia ndodhet në vendngjarje, ndërsa motivi dhe autorët e këtij incidenti mbeten të panjohur.

Reklamë
Reklamë