Gëzim Kelmendi flet si ju vodhën votat dhe thotë se shpejt do ketë zgjedhje të reja (Video)

Teuta GASHI Lajme

Kryetari i Partisë Fjala, Gëzim Kelmendi flet për procesin zgjedhor.

Ai thotë se i janë vjedhur votat, shpjegon si dhe çfarë ka ndodhur dhe thotë se shpejt do të ketë zgjedhje sërish  në Kosovë.

Në një intervistë për Periskopi.com ai thotë se janë komisionerët e partive tjera ata që i treguan se si partisë Fjala i janë vjedhur votat.

Kelmendi thotë se fillimisht u dëmtuan kur i lejuan që të kenë komisionerë.

“Ne garuam të barabartë me tri partitë e mëdha, me koalicionet, PDK’në, LDK’në dhe Vetëvendosjen dhe ne si parti fjala garuam me nga 110 kandidatë por ata për vete siguruan në çdo vendvotim nga 3 komisionerë dhe Vetëvendosje nga dy, ndërsa neve na lanë pas asnjë komisioner. Do të thotë që qysh në fillim të këtij procesi zgjedhor neve partinë Fjala na kanë dëmtuar në fazën fillestare, na kanë mohuar të drejtën të kemi komisionerë dhe kjo bie ndesh dhe në kundërshtim me nenin 4 të rregullës zgjedhore 19/2016”, thotë ai.

Sipas tij, janë tei mënyra përmes të cilave u dëmtua kjo parti, raporton Periskopi

“Së pari duke i bërë fletëvotimet tona të pavlefshme. Së dyti: fletëvotimet tona i kanë shpërnda brenda këtyre tri subjekteve politike PDK, LDK dhe Vetëvendosje. Dhe së treti: formë e dëmtimit ka qenë kur fare nuk i kanë deklaruar votat tona. Ne kemi ba ankesë edhe në Panelin Zgjedhor për Ankesa dhe Parashtresa, presim reflektim të institucioneve të drejtësisë më konkretisht nga Prokuroria e vendit”, thotë Kelmendi.

Është i bindur se i janë vjedhur votat. Jep detaj për këtë.

“Na është vjedhur vota, këtë e kanë dëshmuar komisionerët e tyre, ma kanë dëshmuar mua drejtpërdrejt por për shkak të frikës që ata të dalin publikisht para medieve kanë kërkuar që të mos i bëjnë publike. Dëshmia e këtyre komisionerëve të këtyre tri partive ka qenë që në vendin ku kanë punuar ata; ka qenë dëshmia: Juve partisë Fjala ju kemi dëmtuar , ju kemi marrë votat, nuk ju kemi deklaruar fare. Ka pas raste kur komisionari i tyre ka thënë se unë jam mundur të mbrojnë votat e juaja por rastet e tilla kanë qenë mjaftë të vogla, pra tregon rezistencën e vet komisionerëve për me mbrojt votën tonë. Kjo dëshmi e imja nuk është iluzionare, apo dëshirore e imja por është dëshmia e bazuar nga komisionerët e këtyre tri partive të cilët rregullisht më kanë telefonuar dhe më kanë shkruar mesazhe që votat e partisë Fjala ne nuk i kemi deklaruar, i kemi shpërndarë në partitë tona apo i kemi shpallë të pavlefshme”, thotë Kelmendi për Periskopi.com

Ndër të tjera, është i bindur që ose do të mbahen zgjedhjet e reja.

“E dimë që ose do të jetë një Qeveri e brishtë e nuk do të ketë numra për të realizuar projektet madhore të vendit ose nuk do të ketë fare Qeveri e vendi do të shkojë sërish në zgjedhje”, thënë ai./ Periskopi

Fillojnë përçarjet në koalicionin PDK-AAK-NISMA

Periskopi.com Lajme

Komisioni Qendror i Zgjedhjeve ka mbajtur mbledhje, ku Qendra e Numërimit dhe Rezultateve ka dhënë disa rekomandime.

U tha se 151 kuti nga 280 kanë mospërputhje vetëm brenda një subjekti politik dhe kandidatëve të saj nga 1 deri 10 vota.

Rekomandim ishte që të mos rinumërohen komplet vendvotimi, por vetëm votat e atij subjekti, raporton Periskopi

E përfaqësuesi i PDK’së dhe LDK’së kërkuan që të rinumërohen komplet.

Por jo njëlloj vepruan anëtari i AAK’së dhe NISMA’ e që janë në koalicion me PDK’në. Edhe anëtari i Vetëvendosjes ishte kundër rinumërimit komplet.

Në fund u miratua rekomandimi që kategoria e parë me 151 kuti të rinumërohen pjesërisht./ Periskopi

Tronditet koalicioni PAN! Kaq vota i humbi nga viti 2014

Periskopi.com Lajme

Pavarësisht se PDK-ja dhe koalicioni PAN e shohin veten si fituese të këtyre zgjedhjeve, ata vlerësohen si humbësit më të mëdhenj të 11 qershorit. Kjo pasi, grupi prej 12 partish nuk arriti të marrë më shumë se 33,92% të votave.

Ky rezultat i pamundëson këtij koalicioni që si i tillë të formojë qeverinë. Andaj këtij grupi partish i duhet edhe një koalicion paszgjedhor për formuar institucionet. Duket se problemet për formimin e qeverisë fillojnë pikërisht tani kur koalicioni PAN do të bllokojë sërish instituionet e vendit dhe funskionalizimin e tyre. Kjo për shkakun se asnjë parti tjetër nuk do të bashkëqeverisë me ta.

Kështu, bashkë me PDK-në janë edhe ky grup partish që llogariten si humbës në këto zgjedhje: Aleanca për Ardhmërinë e Kosovës, Nisma për Kosovën, Partia e Drejtësisë, Lëvizja për Bashkim, Partia Shqiptare Demokristiane e Kosovës, Partia Konservatore e Kosovës, Alternativa Demokratike e Kosovës, Republikanët e Kosovës, Partia e Ballit, Partia Socialdemokrate, Balli Kombëtar i Kosovës.

Ndonëse zyrtarë nga këto parti falendëruan qytetarët për përkrahje për ‘fitoren’ e tyre, ata nuk deshën të komentojnë nëse janë fitues apo humbës të këtyre zgjedhjeve.

Zyrtari nga AAK-ja, Muhamet Kelmendi mendon se humbës ishte vetëm PDK-ja, pasi partitë tjera në koalicion kanë mbetur të njëjta me rezultat.

“Tash dihet se koalicioni ka pësuar një humbje relative. Ndërsa, partitë si AAK dhe NISMA, kanë mbetur të njëjta në përqindjen e vitit 2014 ose janë edhe më shumë vota. Dështimi është i PAN pse nuk i ka numrat për qeverisje dhe se ka për detyrë të gjejë partner të ri”, thekson Kelmendi.

Sipas tij, tani ekzistojnë vështirësitë në gjetjen e partnerëve.

“Kushtetuta e ka përcaktuar qartë mënyrën e ndërtimit të qeverisë. Shpjegim të mëtejshëm ka dhe në vitin 2014 edhe Gjykata Kushtetuese. Shpresoj se do të gjenden forca për të ndërtuar një qeveri funksionale. Natyrisht se jo. Edhe pse minoritetet i kanë 20 deputetë dihet se me ata nuk bëhen  numrat”, ka thënë ai.

Sipas Kelmendit, PAN nuk mund të ndërtojë qeveri pa gjetur së paku edhe disa deputetë të subjekteve te tjera.

Dy koalicionet e mundshme

“Se a do të arrijnë këtë mbetet të shihet. Mendoj se juridikisht ekzistojnë dy mënyra të mundshme: PAN dhe LDK ose AKR nëse i ka mbi 5 deputetë; dhe VV dhe LDK e AKR. Pra, opsionet janë të hapura dhe shumë do të varet edhe nga Presidenti, se a do t’ia jep ai mandatin partisë së dytë, nëse nuk ndërtohet qeveria nga PAN”, ka theksuar Kelmendi për “Bota sot”.

Por si humbës këtë koalicion e shohin njohësit e çështjeve politike.

Kështu analistja politike Luljeta Aliu, ka thënë për “Bota sot” se rezultatet e këtyre zgjedhjeve si fitues kryesor e nxjerrin vetë qytetarin e Kosovës, sepse ai ka arritur të vetëdijësohet rreth të drejtave, mirëpo edhe detyrimeve të tij për zhvillimin dhe mbarëvajtjen e proceseve demokratike.

“Demokracia nuk funksionon me qytetarë pasivë e të dëgjueshëm. Përkundrazi, mendimi kritik i një mase qytetarësh të arsimuar dhe të pavarur është sine qua non për avancimin e secilës shoqëri demokratike. Votuesi i Kosovës ka bërë përvojën e nevojshme, por edhe ka përjetuar zhgënjime të mjaftueshme për t’u këndellur dhe për të marrë vendimet e duhura”, ka theksuar ajo.

Sipas Aliut, koalicioni PAN, në bazë të rezultateve preliminare, del si fitues i zgjedhjeve, por me shumëfish votues më pak se zgjedhjet e kaluara.

“Krahasuar me rezultatet e vitit 2014, kur PDK kishte 222,181 votues, AAK 69,793 dhe NISMA 37,680 sosh, të cilat përkthyer në përqindje do të ishin mbi 45 %, rezultatet e këtij viti janë nën pritjet e kalkuluara. Totali i votuesve për koalicionin PAN këtë vit ishte 236,990, pra 92,664 votues më pak se herën e kaluar. Kjo është rënie në shifra, ndaj së cilës nuk mund të qëndrojnë neglizhent asnjëri prej subjekteve të këtij koalicioni. Unë mendoj se përshkrimi i koalicionit si krahu i luftës e dëmtoi koalicioni PAN, sepse 18 vite pas luftës qytetari nuk identifikohet më me narracionin e heroizmave të komandantëve”, ka thënë tutje ajo për “Bota sot”.

Por si humbëse në këtë zgjedhje, ajo e sheh edhe LDK-në.

“Parë nga një perspektivë konceptuale, humbëse ishin partitë, të cilat nuk kanë ditur të përkthejnë kritikat ndaj tyre në një ofertë programore, e cila do kuptohej si zgjidhje e atyre kritikave. Humbja erdhi, sepse partitë filluan më shumë vonesë ta marrin seriozisht kërkesën për ndryshim nga ana e qytetarit. Ndërsa, VV e kapi këtë moment dhe u tregua shumë vigjilente”, ka vlerësuar analistja Aliu.

Si humbës absolut të këtyre zgjedhjeve, koalicionin PAN e sheh edhe analisti Blerim Burjani. Madje ai ka thënë se ky koalicion duhet t’i jap dikujt tjetër postin e kryeministrit për të evituar eskalimin e situatës në vend.

“Humbës në kuptimin e synimeve gjithsesi, ishte një përllogaritje e dobët dhe një parashikim i dobët i këtij koalicioni e tash shteti ndodhet në të njëjtën gjendje që ishte në 2014, pa qeveri dhe pa numra. Pra, PAN duhet t’ia jep dikujt tjetër postin e kryeminsitrit, në të kundërtën, shteti mund të shkojë në zgjedhje jo më larg se katër muaj, pra nëse veç sërish jep këtë post në rregull, mund të dalë diçka, të nxjerret një qeveri e lodhët me numra, pasi në të kundërtën, shpresat janë të vogla shumë, për këtë koalicion, i cili është fitues me numër jo mjaftueshëm mandatesh”, ka thënë Burjani për “Bota sot”.

Ndryshe, zgjedhjet e jashtëzakonshme të 11 qershorit nxorën koalicionin PAN-in fitues me vetëm 32% të votave, Lëvizja Vetëvendosje u rendit e dyta me 27% të votave, derisa në vendin e tretë doli koalicioni LDK-AKR dhe Alternativa me 25 % të votave.

Ish-kryetari i KQZ-së tregon se kush ka të drejtën finale për krijimin e qeverisë

Periskopi.com Lajme

Kosova mund të përballet me një ngërç të ri politik kur është koha për formimin e Qeverisë. Lidhur me këtë, njohësit e çështjeve juridike thonë se për formimin e qeverisë janë disa skenare që mund të ndodhin.

Në një prononcim për ‘Indeksonline’, ish-kryetar i Komisionit Qendror të Zgjedhjeve, njëherësh eksperti për çështje juridike, Mazllum Baraliu ka konfirmuar se koalicioni PAN e ka mundësinë e para që ta formojë qeverinë.

Mirëpo, sipas tij, nëse e njëjta dështon atëherë kjo do t’i kalojë me automatizëm ndonjë grupacioni tjetër politik.

“Koalicioni PAN në qoftë se mundet ai e ka radhën duke u nisur sipas nenit 95 të kushtetutës së Republikës së Kosovës e ka të drejtën që ta formojë qeverinë dhe të bëjë një kabinet prej 61 deputetësh. Pastaj, të ja jap propozimin presidentit pikërisht sipas këtij nenit kushtetutës i cili e ka për detyrë që cili do koalicion e në këtë rast është koalicioni PAN ose edhe ndonjë  subjekt politik apo  parti politike që i ofrohet e që kanë numërin  më të madh të votave nga zgjedhjet e 11 qershorit do të  udhëhiqet nga amandatatet”, ka thënë Baraliu.

Më tej, profesori universitar ka shpjeguar edhe rastin se nëse as koalicioni i dytë apo partia e dytë nuk mund ta formojnë qeverinë, cili grup tjetre mundet ta bëjë.

Ai thotë se është një e drejtë diskrecionale e presidentit të Republikës që t’ia jap mandatin grupacionit të tretë politik për formimin e qeverisë. Në rast se edhe kjo nuk bëhet, atëherë vendi shkon në zgjedhje të jashtëzakonshme.

“I pari subjekt politik që ta formojë qeverinë i takon e drejta koalicionit PAN ta japin propozimin te presidenti dhe ai të ja aprovoj këtë të drejtë dhe ti mandatojë që ata vetë të formojnë qeverinë. Nëse nuk munden, atëherë i takon çdo subjekti politik apo grupacion politik në këtë rast koalicionit LDK-AKR-Alternativa nëse normalisht arrijnë që ti kenë numrat, nëse jo atëherë  koalicionit eventual paszgjedhor që mund të jetë Vetëvendosja si partia më e madhe që ka dalë numerikisht dhe LDK-ja me ata të vet e kështu me radhë, pra me minioritet ose edhe me ndonjë parti politike më të vogël, pra kush arrin i dyti  si parti e dytë pas asaj PAN-it si koalicion i pare mund ta bëjë dhe duhet ta bëjë qeverinë në afat prej 15 ditësh”, ka thënë Baraliu.

Ja sa është diferenca e votave në mes të Kadri Veselit dhe Ramush Haradinajt

Periskopi.com Lajme

Rreth 16 mijë vota është dallimi në vota në mes të Kadri Veselit dhe Ramush Haradinajt, kur janë numëruar 73 për qind e votave.

Kryetari i Partisë Demokratike të Kosovës Kadri Veseli del të ketë marrë më shumë vota se Ramush Haradinaj, kandidat për Kryeministër i koalicionit PDK-AAK-Nisma.

Kur janë numëruar 73 për qind të votave, është Kadri Veseli ai që prin në PAN me numrin më të madh të votave të siguruara.

Veseli ka mbledhur rreth 16 mijë vota më shumë se lideri i AAK’së Ramush Haradinaj.

Veseli ka marrë 89.281 vota i ndjekur nga Haradinaj me 73.415 vota.

PAN ka siguruar 39 ulëse në Kuvendin e Kosovës.

Haradinaj mund Kadri Veselin në Gjakovë

Periskopi.com Lajme

Kandidati i koalicionit PDK-AAK-Nisma dhe partitë tjera, Ramush Haradinaj ka arritur të marrë me së shumti vota në Gjakovë, sesa liderët e dy partive tjera, Kadri Veseli i PDK-së e Fatmir Limaj i Nisma për Kosovën.

Sipas të dhënave nga rezultatet preliminare, del se lideri i AAK-së, Ramush Haradinaj ka marrë 9 mijë e 700 vota.

Ndërsa, lideri i PDK-së, Kadri Veseli, i cili ka qenë edhe bartës i listës, ka marrë 3 mijë e 421 vota.

Shumë më pak se Veseli e Haradinaj, është votuar lideri i Nisma për Kosovën Fatmir Limaj, i cili ka arritur të marrë vetëm 868 vota në të gjitha vendvotimet në komunën e Gjakovës./21Media

Këta janë deputetët e LDK-së që humbën numër të madh votash (Foto)

Periskopi.com Lajme

Lidhja Demokratike e Kosovës në zgjedhjet e 11 qershorit ka humbur një numër të madh votash, dhe kjo është vërejtur edhe te lista e kandidatëve.

Ismet Beqiri, Arben Gashi, Armend Zemaj, Anton Quni, Blerim Grainca e Bardhyl Meta kanë humbur vota shumë.

Beqiri në zgjedhjet e vitit 2014 kishte pasur mbi 17 mijë vota, kurse në këto zgjedhje sipas rezultateve të para ka 6 mijë e 229 vota, pra ka humbur mbi 11 mijë vota, raporton lajmi.net.

Afro 10 mijë vota i ka humbur edhe Haki Demolli. Në zgjedhjet e fundit ai kishte pasur mbi 14 mijë vota, kurse në zgjedhjet që u mbajtën javën e kaluar ka siguruar rreth 5 mijë vota.

Numër të madh të votave ka humbur edhe Armend Zemaj. Në këto zgjedhje ai ka marrë 5 mijë e 554 vota, kurse në zgjedhjet e kaluara kishte pasur mbi 11 mijë vota.

Mbi 5 mijë vota i ka humbur edhe Arben Gashi. Ky kishte pasur gati 15 mijë vota në zgjedhjet e vitit 2014, kurse në zgjedhjet e 11 qershorit nuk ka marrë më shumë se 8 mijë e 447.

Nga 4 mijë vota krahasuar me zgjedhjet e kaluara i kanë humbur edhe Blerim Grainca e Anton Quni, kurse tre mijë tjera i ka humbur Bardhyl Meta.

LDK-ja në këto zgjedhje ishte në koalicion me AKR-në dhe Alternativën.

52 mijë fletëvotime të pavlefshme, deklarohet kompania që fitoi tenderin nga KQZ

Periskopi.com Lajme

Votat e 52 mijë qytetarëve kanë shkuar në dëm. Shumë prej tyre në mënyrë të qëllimshme, kanë shprehur pakënaqësinë duke grisur fletëvotimet, e duke vënë mbishkrime me mllefin  për subjektet politike.

Mirëpo jo të gjithë qytetarët kanë shkuar për të votuar me mendjen se si ta dëmtojnë fletëvotimin. Ka prej tyre që nuk kanë pasur njohuri se si duhet të votojnë.

Në deklarimet që janë bërë prej disa vëzhguesve në qendra të ndryshme të votimit, disa qytetarë në vend se të votojnë kandidatët për deputetë kanë zgjedhur 5 subjekte politike, e në listën për deputetë kanë shënjuar vetëm një kandidat.

Për të mos ndodhur këto gabime, Komisioni Qendror i Zgjedhjeve punën e informimit publik për zgjedhjet ia kishte besuar kompanisë “Tigger L.L.C’’. Madje për këtë informim, ishin shpenzuar plot 235 mijë euro.

Kompania fituese e tenderit, nuk duket se ndjen fort përgjegjësi për këtë punë. Indeksonline ka kontaktuar me pronarin e kompanisë , Lumbardh Kukajn për të kuptuar mënyrën me të cilën kjo kompani ka zgjedhur të informoj qytetarët dhe numrin e mediave në të cilat ka publikuar reklamën informuese.

Pronari Kukaj deklarohet se reklamat për plotësimin e fletëvotimeve nuk kanë qenë obligim i  kompanisë së tij.

Ai thotë se reklamën e ka bërë një organizatë tjetër. Pasi sipas tij me kontratë këtë punë e ka pasur një kompani tjetër. Pavarësisht asaj se në faqen e Komisionit Rregullativ të Prokurimit Publik, ku edhe është publikuar tenderi, figuron  si kompani fituese ‘’Tigger L.L.C’’.

“Reklamat si të plotësohet fletëvotimi nuk ka qenë obligim i joni. Reklamën e ka ba një organizatë tjetër na nuk i kemi pas reklamat si të plotësohet fletëvotimi, kjo është arsyeja pse janë shpall të pavlefshme. Nuk ka qenë përgjegjësi e jona. Nuk e kemi pas na me kontratë e ka pas një kompani tjetër. Ata i kanë prodhu reklamat si të plotësohet fletëvotimi’’, është shprehur pronari i kompanisë.

Kukaj tregon se puna e tyre kanë qenë reklamat motivuese, për personat me nevoja të veçanta dhe për persona jashtë vendit. Mirëpo, shprehet këmbëngulës se fletëvotimet e pavlefshme, nuk janë shpallur të tilla si pasojë e mosinformimit.

Ai thotë se reklamat në medie janë dërguar me kërkesë të KQZ-së, ndërsa beson se kanë respektuar të gjitha kriteret që kanë pasur në kontratë.

“Puna jonë ka qenë reklama motivuese, për personat me nevoja të veçanta, për persona jashtë vendit. Prapë mendoj se një pjesë e madhe e fletëvotimeve nuk është se ka mungu informimi. Ne i kemi respeku të gjitha kushtet që i kemi pas në kontratë me KQZ-në. Mënyrën e informimit në medie e kemi dërgu sipas kërkesës së KQZ-së’’, ka deklaruar Lumbardh Kukaj.

Sidoqoftë Indeksonline ka përcjellë pyetje të njëjta edhe në Komisionin Qendror të Zgjedhjeve dhe është në pritje të përgjigjeve nga ky institucion.

Pacolli deklarohet për koalicionin e mundshëm me PAN-in

Periskopi.com Lajme

Kreu i Aleancës Kosova e Re, Behgjet Pacolli, ka mohuar se është lëkundur në qëndrimet e tij kundër bashkimit në qeverisje me PAN-in.

Përmes profilit të tij zyrtar në rrjetin social Facebook, Pacolli ka thënë se bashkë me partnerët LDK, Alternativa e Lëvizja për Drejtësi janë të vendosur në rrugën që ka diktuar vota qytetare më 11 qershor, sipas tij, për ndryshim.

“Të nderuar miq, secili lajm që mund ta lexoni është thjesht spekulim. Qëndrimi i AKR është i qartë dhe nuk lëkundemi nga pozicioni ynë. Bashkë me partnerët e Koalicionit, LDK-në jemi të vendosur në rrugën tonë, konform vullnetit të qytetarëve të Kosovës për ndryshim”, ka shkruar Pacolli.

Parashikojnë analistët: Do përsëritet 2014-ta

Periskopi.com Lajme

Rezultatet e prodhuara nga zgjedhjet e 11 qershorit kanë rikthyer Kosovën në vitin 2014 me disa ndryshime dhe rirreshtime të vogla partish, shkruan Zëri.

Protagonist është përsëri PDK-ja, vetëm se këtë herë me vete ka edhe AAK-në e Ramush Haradinajt e Nismën e Fatmir Limajt. PAN-i, si koalicioni që ka fituar më së shumti vota në zgjedhje, do të ketë të drejtën për të krijuar Qeverinë, ashtu siç PDK-ja kishte në vitin 2014.

Mirëpo, në situatën aktuale PAN-i ka vetëm 39 deputetë dhe së bashku me minoritetet nuk mund të shkojnë në 59 sish.

Në këtë rast atyre u duhen të paktën edhe 2 deputetë nga koalicioni LAA.

Deri më tash Lidhja Demokratike e Kosovës, AKR-ja e dhe Alternativa, të cilat krijojnë koalicionin LAA, kanë dalë me deklarata zyrtare se nuk do të mbështesin PAN-in për krijimin e Qeverisë.

Në këtë rast, analistët kosovarë parashikojnë përsëritjen e situatës së vitit 2014, ku nuk ishte arritur që të formohej qeveria për muaj të tërë.

Megjithatë ata shtojnë se bllokadë apo jo, kjo varet edhe nga ushtrimi i maturisë së presidentit Thaçi.

Anëtari i LDK’së tregon cilin post kërkojnë në bashkëqeverisje me Vetëvendosjen

Periskopi.com Lajme

Anëtari i kryesisë së LDK-së, Muharrem Svarqa ka thënë se ata si subjekt politik në asnjë formë nuk shkojnë në bashkëqeverisje me koalicionin PAN.

“Unë i binden vullnetin të elektoratit për kundërshtim të koalicionit me PDK”, ka thënë Svarqa, njofton Klan Kosova.

“Natyrisht që ne nuk kemi arsye të kthehemi në gjendjen e mëparshme”, ka pohuar ai.

Svarqa ka thënë se duhet mësuar që marrëveshjet e nënshkruara të respektohen, duke folur për koalicionin e fundit me PDK, të cilët e votuan mocionin e mosbesimit ndaj Qeverisë Mustafa.

“Në mënyrë indirekte mund të nënkuptohet se jemi të hapur për Vetëvendosjen”, është deklaruar Svarqa, që është edhe kryetar i Komunës së Ferizajt.

Ai ka thënë se Vetëvendosjes mund të ia kërkojnë postin e kryeministrit si kusht për shkuarje në qeveri me ta.

“Besoj se do të ishte normale që të kërkohet posti i kryeministrit, pasi Vetëvendosje nuk ka përvojë në qeverisje”.

“Do të ishte mirë edhe për demokracinë dhe ky është mendim imi personal”, ka theksuar ai.

Më tej ka thënë se janë të gatshëm që si LDK të rrinë edhe në opozitë.

Kusari-Lila tregon se kur do e braktis LDK’në

Periskopi.com Lajme

Kryetarja e Gjakovës, Mimoza Kusari, e cila drejton Alternativën që në zgjedhjet e 11 qershorit u bë pjesë e listës së Lidhjes Demokratike, në emisionin Komiteti, ka folur për opsionet që ka para vetës koalicioni LDK-AKR-Alternativa, që u rëndit i treti në zgjedhje.

Kusari ka treguar nëse LDK po mendon të bëhet pjesë e ndonjë koalicioni qeveritar, formimin e së cilit fillimisht do ta provojë koalicioni PDK-AAK-Nisma, e cili doli i pari në zgjedhje.

Ajo ka bërë të ditur qëndrimet e Alternativës, e cila, sipas Kusarit, do të ketë së paku dy ulëse në Kuvend, në lidhje me koalicionet që mund ta bëjnë LDK-në pjesë të Qeverisë.

Kusari ka treguar se do të jetë në çdo formë së bashku me LDK-në, përveç në rast se kjo e fundit vendos të formojë koalicion me PDK-në në Qeveri.

Ajo bën të ditur se diçka e tillë do ta prishte marrëveshjen parazgjedhore LDK-Alternativa.

Deklarohet LDK lidhur me ftesën e Vetëvendosjes për bashkëqeverisje

Periskopi.com Lajme

Zëdhënësi i Lidhjes Demokratike të Kosovës, Arban Abrashi ka thënë se ky subjekt politik  po e pret certifikimin e zgjedhjeve dhe më pas do të merret me ftesën që i ka bërë Lëvizja Vetëvendosje për bashkëqeverisje.

Ai tha se kryesia e LDK do të mblidhet dhe do të dalë me qëndrim për këtë gjë, përderisa ka refuzuar të tregojë se cili është disponimi i njerëzve të kësaj partie mbi mundësinë që ata ta bëjnë Qeverinë me kryeministër Albin Kurtin.

Analisti ka një paralajmërim për LDK’në nëse bënë koalicion me PAN’in

Periskopi.com Lajme

Analisti Donik Sallova thotë se nëse klanet e LDK’së vendosin t’i bashkohen PAN’in, siç ai e quan PANikut, vlerëson se LDK’ja do shuhej.

Ai thotë kalimi i tyre në PAN nuk do të ishte koalicion por aderim kolektiv.

“Nëse klanet e LDK-së vendosin eventualisht që “në emër të interesit të Kosovës” LDK t’i bashkohet PAN-ikut në qeverisje, ky nuk do ishte koalicion, por aderim kolektiv i LDK-së në PDK.”, shkruan ai./ Periskopi

Flet Haradinaj, tregon hapin e radhës

Periskopi.com Lajme

Kandidati për kryeministër nga koalicioni PAN, Ramush Haradinaj thotë se do të angazhohet për krijimin e Qverisë së dhe për adresimin e çështjeve, që kërkojnë zgjidhje urgjente.

Përmend këtu sundimin e ligjit, proceset integrues e deri te zhvillimi ekonomik i vendit, raporton Periskopi.

Kështu thotë ai pas një takimi që kishte me ambasadorin britanik në Kosovë, Ruairi O’Connell.

Shkrimi i plotë:

Sot pata kënaqësinë ta pres në takim Ambasadorin e Mbretërisë së Bashkuar, Ruairi O’Connell, me të cilin folëm për procesin zgjedhor dhe për krijimin e institucioneve të reja të Kosovës.

E sigurova Ambasadorin O’Connell, për angazhimin maksimal timin dhe të partnerëve, për krijimin e Qeverisë së re dhe për adresimin e çështjeve, që kërkojnë zgjidhje urgjente, që nga sundimi i ligjit, proceset integruese e deri te zhvillimi ekonomik i vendit.

I përcolla mirënjohjen time për angazhimin e Mbretërisë së Bashkuar, në mbështetjen e Kosovës dhe proceseve të saj demokratike dhe njëkohësisht kërkesën për thellimin e mëtejmë të bashkëpunimit ndërmjet Kosovës dhe Mbretërisë së Bashkuar.

RH

Kandidati i Vetëvendosjes mori vota 800% më shumë në Skenderaj

Periskopi.com Lajme

Kandidati për deputet nga radhët e Vetëvendosjes, FIsnik Ismaili thotë se ka pas rritje 800%.

Kjo madje ka ndodhur në Skenderaj.

Ismaili thotë se nuk duhet menduar që Drenica nuk din me votu.

“Kam pasë rritje masive prej 800% në Skenderaj. Prej 5, në 57 vota. Ani qysh thojshin dje, “S’po din Drenica me votue.” Po din, valla, edhe boll mirë.

Të due, Drenicë! ❤️”, ka shkruar ai.

Riza Smaka tregon kush mund ta formojë Qeverinë e re

Periskopi.com Lajme

Profesori i së drejtës Kushtetuese, Riza Smaka ka thënë se PAN-i duhet të tentojë ta formojë Qeverinë.

“Tash në parim do të duhej që PAN-i, koalicioni i parë që ka dalë nga zgjedhjet duhet të tentonte për ta formuar Qeverinë . Kjo është një. Dy, atëherë do të duhej të pasonte koalicioni që ta kishte numrin e nevojshëm, bie fjala 61 vota”, tha Smaka.

Mirëpo, sipas tij, Gjykata Kushtetuese ka prishur marrëveshjen, duke i dhënë kështu prioritet vetëm koalicionit që ka dal fitues.

“Do varet edhe nga vlerësimi diskrecional i presidentit. Ekziston mundësia që ai do të kërkojë shpjegim plotësues nga Gjykata Kushtetuese. Kështu do të duhej të ishte, ama Gjykata Kushtetuese e ka miratuar një aktgjykim në harmoni me politikat, por jo edhe me kushtetutën që i ka pas dhënë prioritet ekskluziv koalicionit të parë (2014 v/j.) që ka dalë nga zgjedhjet me numër të madh” tha Smaka.

Ndryshe, zgjedhjet janë mbajtur me 11 qershor, ku e para në këto zgjedhje ka dalë koalicioni PAN, e dyta Lëvizja Vetëvendosje dhe e tretat LAA.

PAN pavarësisht pse ka dalë e para në zgjedhje, nuk i ka votat e mjaftueshme që ta formoj i vetëm qeverinë. Ndryshe, për formimin e Qeverisë, nevojiten të paktën 61 vota.

Befason Jakup Krasniqi, ka një propozim se kush duhet ta formojë qeverinë e re

Periskopi.com Lajme

Jakup Krasniqi që për shumë vite ishte kryetar i Kuvendit të Kosovës ka një propozim.

AI nuk zgjodhi të ishte kandidat për deputet por thotë se Kushtetuta e Kosovë s e sidomos vendimi i vitit 2014 i Gjykatës Kushtetuese, ka sqaruar shumëçka dhe nuk ka lënë shumë zgjidhje.

Krasniqi sugjerim ka një Qeveri gjithëpërfshirëse edhe pse thotë se është vështirë të bëhet.

Lexoni arsyet e tij për gjithqka:

Vendimet e mëdha nuk i marrin njerëzit e vegjël!

Kushdo që ka përcjellë zhvillimet politike, sidomos nga viti 2014 duhet ta ketë më shumë se të qartë se kush mund ta bëjë Qeverinë në Kosovë. Kushtetuta e sidomos Vendimi i vitit 2014 i Gjykatës Kushtetuese, ka sqaruar shumëçka dhe nuk ka lënë shumë zgjidhje, ketë duhet të kuptojnë se paku çdo politikanë apo kandidatët për Kryeministër që u nominuan nga partitë a koalicionet parazgjedhore në zgjedhjet e 11 qershorit 2017. Kush nuk e ka kuptuar ketë, nuk ka kuptuar asgjë.

Në situata të tilla të mbarsura më shumë egoizëm e armiqësi politike, zgjidhja e problemit nuk është të uni, por te ti-ja. Uni e ka kuptimin e plotë vetëm aty ku shkalla e rrezikshmërisë është e madhe dhe kërkohet integritet i lartë njerëzor (kujtoni flijimin e Jasharëve në krye me Adem Legjendarin, kthesën që bëri ai flijim dhe askush tjetër). Pra, në momente të mëdha kthese, kërkohet urtia e zemërgjerësia e madhe në vendimmarrje. Kujtoni të djeshmen kur kërkohej flijimi, sot nuk po kërkohet Flijimi i Madh, po, po kërkohet një Vendim i Madh për kombin e shtetin.

Në një situatë si kjo e jona, sygjerimi im do të ishte: Një Qeveri gjithëpërfshirëse, ku do të merrnin pjesë të gjitha partitë politike sipas fuqive politike që kanë marr nga qytetarët e Republikës, por edhe kjo është goxha e pa mundur në ketë ambient e kulturë politike që karakterizohet nga kundërthënie të shumta deri në pa durueshmëria ekstreme. Krejt çështja është: si ta mundim ketë animizitet e pa durueshmëri ekstreme në politikën tonë?! Interesi politik është që gjithsecili ta mund vetveten dhe brezave t’ua lemë një kulturë politike për lakmi, ashtu siç na e lan trimat e motit flijimin për liri. Liderët tanë a e kanë ketë kurajo politike?

Pse po e kërkoj ketë?

Janë disa çështje të mëdha politike që kërkojnë më shumë sesa një qeverisje të thjeshtë prej 61 numrave. Pra janë disa çështje që kërkojnë një konsensus nacional në mes të gjitha partive politike shqiptare e minoritare, siç janë: Përfundimi i demarkacionit me Malin e Zi; Riformatizimi i Bisedimeve me Serbinë me ndërmjetësimin e Brukselit; Përmbyllja e shtetndërtimit; Zyrtarizimi i Ushtrisë, Reformimi i Sistemit të Drejtësisë; krijimi i politikave të qarta zhvillimore dhe reforma të tjera në fushën e investimeve, të administratës publike, në arsim e shëndetësi etj. Të gjitha këto çështje janë ekskluzivisht të ekzekutivit e të askujt tjetër.

Nëse këto reforma të interesit nacional do të kryheshin brenda dy, tri a katër viteve me një konsensus të gjerë nacional dhe pasi të përfundohej një Reformë e duhur Zgjedhore, do të mund të shkohej në zgjedhje të reja. Mbase, edhe do të krijoheshin dy blloqe të mëdha ideologjike në politikën tonë. Natyrisht për t’u arritur këto gjera tepër të rëndësishme, duhet të ketë vullnet politik, përgjegjësi politike, dashuri për kombin e shtetin dhe mendim politik të shkollës se Rilindësve! Rilindësve që na lan kombin dhe të qenurit evropian. Vendit e kombit i duhen Rilindës të kohës!

Koalicionin gjithëpërfshirës është domosdoshmëri për qeverisjen e vendit për arsyet që i përmenda më lartë. Kandidatet për Kryeministra duhet ta dinë se interesat nacionale kurdoherë janë mbi interesa e dëshira individuale. Madje ata duhet ta dinë se në Kosovë ka personalitete që dinë e donë të qeverisin më mirë sesa këta që po pretendojnë, por përgjegjësia momentalisht bie mbi këta që i kemi! Vendimi i peshuar mirë edhe i këtyre kandidatëve do të ishte sa i pranueshëm aq edhe i mundshëm, por vetëm kërkohet pak vullnet pozitiv politik për kthesën e duhur politike, të cilën po e kërkon vendi e kombi. Nga vendimi i këtyre njerëzve varet e ardhmja e vendit.

Andaj kërkoj nga partitë politike shqiptare që kanë marrë mbështetje qytetare në zgjedhjet e 11 qershorit 2017, të marrin pozicionin politik që i duhet shtetit e kombit e jo ambicieve politike të individëve a grupeve të ngushta politike a parapolitike. Kujtoni: këtu ku jemi e kështu si jemi që sa vite, jemi si rezultat i egove të sëmura te individit. Nuk mendoj se vendi mund të udhëhiqet nga egot e sëmura të akëcilit njeri.

Një gjë dihet: Vendimet e Mëdha nuk i marrin njerëzit e vegjël!

  1. S.

Mendimi i shfaqur në ketë opinion është kryekreje autorial. Kjo është bindja ime politike dhe bindjet e mija nuk frikësohem që t’i bëjë publike në kohën e duhur.

Zbulohet plani i Albinit kryeministër për shqiptarët e Maqedonisë (Video)

Periskopi.com Lajme

Në intervistën për LajmTV, një ditë para zgjedhjeve të 12 qershorit, kandidati i Lëvizjes Vetëvendosja Albin Kurti ka folur edhe për planet e tij për shqiptarët e Maqedonisë, nëse zgjedhet kryeministër i Kosovës.

Kurti ka paralajmëruar se do të angazhohet që Prishtina dhe Tirana zyrtare të kenë një politikë të përbashkët, me qëllim të ndërprerjes së diskriminimit të shqiptarëve në Maqedoni.

Qëndrimin e tij të plotë lidhur me këtë çështje mund ta përcillni në videon më poshtë:

Valdete Daka flet për vëzhguesit e OJQ’së fantome

Periskopi.com Lajme

Kryetarja e KQZ-së, Valdete Daka, ka komentuar përfshirjen e njerëzve të partive politike në një organizatë joaktive që ka monitoruar zgjedhjet e së dielës.

Lidhur me fshehjen e asamblistëve të PDK-së e AAK-së si vëzhgues nën petkun e një organizate joqeveritare joaktive, kryetarja e Komisionit Qendror të Zgjedhjeve, Valdete Daka, tha se Zyra e regjistrimit të subjekteve politike pasi ka bërë verifikimin se a i plotësojnë këta persona kushtet ligjore për të qenë vëzhgues dhe a i plotëson kjo OJQ ato kushte i ka rekomanduar KQZ-së t’i akreditojë.

“Kjo është e vërteta, s’ka asgjë tjetër“, shtoi ajo.

“Se kujt i takojnë ata, çka janë ata, ne nuk mundemi me e ditë. Nga asnjë OJQ, asnjë institucion, ne nuk kërkojmë përkatësi politike, pra nuk e dimë nëse edhe në OJQ të tjera ka njerëz të partive politike”, tha Daka lidhur me praninë e përfaqësuesve të PDK-së dhe AAK-së në organizatën joaktive “Instituti Rajonal për Demokraci, të Drejtat e Njeriut dhe Studime Politike”, e cila ka vëzhguar zgjedhjet e parakohshme parlamentare të 11 qershorit.

Më tej, kryetarja e Komisionit Qendror të Zgjedhjeve ka folur për procesin e numërimit të votave.

Ajo tha se brenda qendrës së numërimit të votave gjithçka është duke shkuar siç duhet.

“Puna po vazhdon në tri turne. Njerëzit po punojnë 24 orë pa ndërprerë. Sot është duke u bërë futja e rezultateve të partive dhe kandidatëve, pastaj në fund do të dimë se a kemi ndonjë kuti që ka nevojë për rinumërim. Deri më tani nuk kemi pasur asnjë incident”, tha Valdete Daka për KALLXO.com.

Ndërsa, koordinatori i Qendrës së numërimit të votave, Burim Ahmetaj, tha se kjo Qendër ka pranuar mbrëmë të gjithë materialin e ndjeshëm nga të gjitha komunat e Kosovës.

“Të gjithë materialin e kemi në Qendrën e numërimit dhe jemi në proces të plotësimit të të dhënave të formularëve të rezultateve. Kemi staf të dyfishuar për të mos ndodhur gabime”, tha ai.

“Po ashtu jemi duke bërë edhe skanimin e votave, pastaj do të kalojmë te numërimi i votuesve me kusht. Ende nuk kemi mbërri tek procesi nëse mundet të ketë persona të cilët kanë votuar dy herë, si i rregullt dhe me kusht. Mundet me pasë rinumërim të kutive të votimit pasi që ekziston ajo që një subjekt mundet me pasë vota ndërsa deputetët jo ose e kundërta por një gjë mund ta them që do të ketë rinumërim por nuk e di se sa”, tha Ahmetaj.

Ndërsa, shefi i Misionit të Bashkimit Europian për Vëzhgimin e Zgjedhjeve në Kosovë, Alojz Peterle, tha sot se përfshirja e vëzhguesve të zgjedhjeve të PDK-së dhe AAK-së nën petkun e një organizate të shoqërisë civile është në kundërshtim me ligjin.

Të dielën, KALLXO.com ka zbuluar planet e koalicionit PDK-AAK-NISMA për të fshehur vëzhguesit e tyre në emër të një OJQ-je joaktive.