Në Maqedoni sërish mund të ketë trazira, Zaev kërcënon Talat Xhaferin

Periskopi.com Lajme

Kryetari i LSDM në Maqëdoni, Zoran Zaev deklaroi sot se pret që kryetari i ri i Kuvendit të Maqedonisë, Talat Xhaferi i BDI-së, ta “përmirësojë gabimin” dhe ta heqë flamurin kombëtar shqiptar nga zyra e tij.

I pyetur nga gazetarët për koment lidhur me vendosjen e flamurit kombëtar shqiptar pranë atij maqedonas në kabinet nga ana e kreut të ri të Parlamentit, Zaev tha se “ligjet në Maqedoni janë të qarta dhe duhet të respektohen” dhe se “personi që e ka bërë gabimin duhet ta përmirësojë atë”.

Zaev deklaratën e bëri pas takimit me zyrtarët e OSBE-së sot në Shkup. Ai sot më herët takoi liderin e Bashkimit Demokratik për Integrim Ali Ahmeti dhe vizitoi në spitalin e Tetovës liderin e LR-PDSH-së Ziadin Sela, i cili po rikuperohet për rrahjes mizore nga huliganët maqedonas të enjten e kaluar në Kuvendin e Maqedonisë.

Zaevi gjithashtu deklaroi se pret që presidenti maqedonas Gjorge Ivanov t’ia japë mandatin, në mënyrë që deri në fund të muajit ta formojë qeverinë e re.

 

 

Sërish Zaev: Kurrë himni shqiptar në Parlamentin e Maqedonisë

Periskopi.com Lajme

Lideri i LSDM-së, Zoran Zaev në një intervistë me televizionin bullgar BTV, ka treguar për ngjarjet e dhunshme që ndodhën të enjten e kaluar në Kuvendin e Maqedonisë.

Në pyetjen e deputetit BESA, për intonimin e hihmit të Shqipërisë gjatë seancës dhe se kjo është një provokim, Zaev tha se ai personalisht e dënon këtë rast se në parlamentin maqedonas mund të këndohet vetëm himni i Maqedonisë.

“Çdo gjë që kam është Maqedonia, unë jam maqedonas, prindërit e mi janë maqedonas. Deri më tani në të gjitha mënyrat e mundshme dhe unë dhe kryetarët e partive shqiptare kemi konfirmuar se nuk do të ndyshohet unite. Kjo akuzë është vetëm një justifikim nga ana e VMRO-DPMNE që të mos të dorëzojë pushtetin, sepse kanë frikë nga përgjegjësia penale”, tha Zaev.

Zaev tha se askush nuk dëshiron, po as që mundet ta ndajë Maqedoninë. Ai konfirmoi se kryeministri i ri dhe se me opozitës në ardhmen me VMRO-DPMNE dëshiron të bashkëpunojë.

Ne duhet të bashkëpunojnë për reformat, për qytetarët, tha Zaev.

Zoran Zaev shkoi në selinë e LSDM-së

Periskopi.com Lajme

E tmerrshme gjendja e Zaevit, i gjakosur deri në fund të këmbëve (Foto)

Periskopi.com Uncategorized

Kryetari i LSDM-së, Zoran Zaev ka mbetur rëndë i lënduar në kokë dhe është parë duke dalë i lidhur me fasha në kokë për të ndalur gjakderdhjen, shkruan Telegrafi Maqedoni.

Zaev shihet me deputetin e LSDM-së, Dimitriev.

Dyshohet se ky është sulmuesi i Zaevit dhe Selës (FOTO)

Periskopi.com Lajme

Ky është njëri nga sulmuesit direkt të deputetëve në kuvend, Zoran Zaev,  Ziadin Sela etj.

Ky quhet Goran Angelof nga Velesi.

Në rrjetet sociale po qarkullon ky emër dhe thuhet se është dhunuesi kryesor i deputetëve të mazhorancës.

Momenti kur protestuesit përgjakën Zaevin (Video)

Periskopi.com Lajme

Në sallën e konferencave për shtyp ka pasur një përleshje me protestuesve dhe deputetëve.

Situata është mjaft e tensionuar, protestuesit janë futur në Kuvend.

Zaev është parë me gjak në fytyrë. Kjo pasi me 61 vota, për herë të parë, një shqiptar është bërë kryetar i Kuvendit maqedon, ai është Talat Xhaferi./ Periskopi

Zaev, ultimatum Ivanovit: 10 ditë kohë të mandatosh krijimin e qeverisë

Pas prezantimit të programit të tij qeveritar, Zoran Zaev i ka dhënë presidentit Gjorgje Ivanov 10 ditë kohë për ta mandatuar me krijimin e qeverisë së re.

Periskopi.com Lajme

Presidenti deri tani ka përdorur argumentin se koalicioni me partitë shqiptare dhe pranimi i platformës së tyre rrezikojnë shtetin në Maqedoni.

I dërguari gjerman në Shkup, Christian Hellbach, u bë zëri më i fundit që i kërkoi Ivanovit të tërheqë vendimin e tij e të respektojë parimet demokratike. Kreu i shtetit maqedonas shfrytëzoi rastin e 25 vjetorit të komandës së forcave të armatosura për të deklaruar se ushtria është e gatshme të mbrojë integritetin territorial dhe pavarësinë e vendit.

“Edhe sot, ashtu si përpara një çerek shekulli, përballemi me sfida. Por edhe sot, ashtu si atëherë, kemi ushtrinë e Republikës, e cila do të na mbrojë nga kërcënimet”, ishte komenti i Ivanov.

Jane shtuar ndërkohë shqetësimet se ato që përshkruhen si protesta “patriotike” mund të marrin një kthesë të dhunshme. Disa prej tubuesve të intervistuar nga media rajonale kanë shpërthyer në zemërim vetëm nga përmendja e emrit të Zaevit.

Pranimin e platformës së shqiptarëve nga ana e tij, ata e kanë quajtur të papranueshëm, ndërsa përmbajtjen e platformës e cilësojnë një tradhti.Organizatorët e marshimeve pretendojnë se nuk kanë lidhje me VMRO-DPMNE-në, por fakti mbetet që protestat nisën menjëherë pas thirrjeve të Nikola Gruevskit për “mobilizim” në mbrojtje të vendit.

/ Top Channel

Zaev me premtime të mëdha: Do të zbardhen rastet “Monstra”, “Sopoti” e “Kumanova”

Madje lideri socialdemokrat Zoran Zaev tha se për zbardhjen e disa rasteve gjyqësore do të kërkojë edhe hetim ndërkombëtar.

Periskopi.com Lajme

Lideri opozitar në Maqedoni, Zoran Zaev tha se një nga prioritetet e Qeverisë së re do të jetë sundimi i të drejtës, pavarësia e gjyqësorit dhe drejtësi të barabartë për të gjithë qytetarët. Ai tha se do të ndërmerren hapa konkret për zbardhjen e plotë të rasteve “Monstra”, “Kumanova”, “Sopoti”, “Neshkovski”, “Mlladenov”…

Madje lideri socialdemokrat tha se në këtë kuadër do të kërkojë edhe hetim ndërkombëtar.

Kreu i LSDM-së tha se Qeveria e re do të themelojë një departament të posaçëm gjyqësor që do të merret me të gjitha lëndët që hetohen nga Prokuroria Speciale.

Zaev: Do të zbardhen rastet “Monstra”, “Sopoti” e “Kumanova”

Tradhtia e Zaev: Platforma e partive shqiptare nuk është pjesë e programit

Në konferencën e sotme për shtyp lideri i LSDM-së, Zoran Zaev prezantoi programin qeverisës, edhe pse nuk ka marrë mandatin për formimin e kabinetit nga Presidenti i vendit. Ai tha se ishte gati të merrte drejtimin e qeverisë duke përdorur hapësirën që i garanton parlamenti maqedonas.

Periskopi.com Lajme

Por ajo që ra në sy në fjalimin e Zaev është se edhe pse foli për shqiptarët nuk deklaroi se gjuha shqipe do të jetë gjuhë e dytë zyrtare në vend. Ai u pyet dhe platformën e partive shqiptare në Maqedoni, duke u shprehur se ajo nuk do të jetë pjesë e programit të tij qeverisës. A ka tradhti më të madhe se sa kjo deklaratë, pasi përdori faktorin shqiptar dhe tani e pret në besë? Zaev duhej ta thoshte me plot gojën se pa faktorin shqiptar nuk ka qeveri , por as shtet maqedonas. Ali Ahmeti i BDI nuk duhet të hesht dhe të bëjë sikur nuk e ka dëgjuar vetëm për të kapur kolltukun e kryetarit të parlamentit maqedonas. As partitë e tjera shqiptare nuk duhet të heshtin për ca kolltuqe ministrash. Derisa rezistuan deri tani duke nxjerrë si slogan gjuhën shqipe dhe të drejtat e shqiptarëve, ato duhet ti qëndrojnë deri në fund premtimit publik dhe veçanërisht shqiptarëve. Ndryshe edhe ata, si Zaevi, e tradhtuan kauzën shqiptare.

Kreu i LSDM-së la të kuptohet se në Maqedoni nuk do të ketë gjuhë të dytë zyrtare dhe as që në banknotat nuk do të jenë edhe në gjuhën shqipe, e as që uniformat do të jenë në dygjuhësi.

Pyetjes së gazetarëve rreth dygjuhësisë iu përgjigj se ekspertët kushtetues kanë vlerësuar se bankënotat përdoren në tërë Maqedoninë, prandaj prodhimi i tyre një gjuhe tjetër në to do të ishte në kundërshtim me Kushtetutën.

Të njëjtën gjë Zaev tha se e kanë konstatuar ekspertët edhe lidhur me përdorimin e gjuhës shqipe në uniforma.

Në 15 pikat e programit të Zaev, ajo për të drejtat e shqiptarëve është renditur në fund. Edhe pse flitet për avancim të gjuhës shqipe nuk përmendet cilësimi i saj si gjuhë e dytë zyrtare. “Do të ketë ligj për avancim të ligjit për gjuhën shqipe që qytetarët të komunikojnë më lehtë me institucionet. Maqedonia do të jetë shtet i të gjithë qytetarëve. Do të përkrahim politikat e gjuhës. Qeveria e re do të propozojë ligj për gjuhën shqipe për zgjerim të përdorimit në institucione, ku do t’u mundësojë shqiptarëve që të komunikojnë më lehtë me institucionet. Atje ku ka 20% të qytetarëve, aty do të ketë gjuhë tjetër shtesë zyrtare, pra turqisht ku ka turq, rome ku ka romë etj. Është gënjeshtër se të gjithë qytetarët nuk mund të mësojnë ndonjë gjuhë do të dënohen. Institucionet që nuk do ta respektojnë ligjin për gjuhën, do të dënohen”,- tha Zaev.

Pikat e programit qeverisë të Zoran Zaevit:

Republika e Maqedonisë do të jetë shtet për të gjithë qytetarët – nuk ka më ndarje mes atyre që janë afër dhe larg me pushtetin. Do të ndërtojmë shoqëri të bashkuar me lidhje të afërta mes të gjithë qytetarëve dhe jo tensione ndëretnike.

Republika e Maqedonisë do të zhvillohet drejt integrimit në BE dhe NATO. Marrim obligim për zbatimin e reformave prioritare të KE-së dhe që janë pjesë e Marrëveshjes së Përzhinës. Do të fillojmë bisedimet për anëtarësim në BE-në në afat sa më të shkurtër.

Standard më të mirë – do të krijojmë kushte që të ketë të ardhura më të mira për qytetarët. Në 6 muajt e parë do t’i rrisim rrogat, gjithashtu do të rritet edhe paga minimale.

Në shtet do të ketë sistem social tatimor, ata që kanë të ardhura më pak do të paguajnë më pak, ndërkaq ata që kanë të ardhura më shumë, do të paguajnë më tepër. Do ta ndalojmë pasurimin e funksionarëve.

Do të angazhohemi për zhvillim të ndërmarrjeve të brendshme, që t’i zgjerojnë kapacitetit e prodhimtarisë.

Do të ketë kontroll të pushtetit dhe përgjegjësi prej tij. Për paratë e buxhetit do të ketë informata të sakta dhe në kohë.

Do të jemi Qeveri transparente për sjelljen e vendimeve të rëndësishme, duke diskutuar me qytetarët.

Do të sigurojmë zhvillim të barabartë, është e nevojshme për të gjithë qytetarët. Ndarja e parave deri te Komunat do të jetë transparente dhe në bazë të nevojave të qytetarëve.

Do të sigurojmë sistem gjyqësor të pavarur, efikas dhe profesional. Partitë do të jenë larg gjyqësorit. Do të formohet Departament Special në Gjykatën Themelore për rastet e Prokurorisë Speciale.

Jemi të gatshëm për jo-selektim kundër korrupsionit. Qeveria e re do të merr detyrë që proceset kundër korrupsionit të përfundojnë, ndërkaq paratë t’u kthehen qytetarëve.

Do të sigurojmë kontroll të ndjekjes së komunikacioneve nga Shërbimet Sekrete. Shërbimet Sekrete që kanë kompetenca për ndjekjen e komunikacioneve duhet të kenë mandat të qartë. Do të ketë kontroll të vërtetë të shërbimeve sekrete nga Kuvendi. Asnjëherë më s’do të përsëritet skandali i përgjimeve.

Do të sigurojmë media të pavarura, do të sigurojmë reforma në media, në bazë të reformave prioritare . Do të reformohet RTVM dhe të punojë në mënyrë të pavarur.

Të gjithë të punësuarit në administratë do të punojnë pa trysni partiake. Menjëherë do ta zgjedhim çështjen e administratorëve që marrin rrogë dhe nuk shkojnë në punë.

Qeveria e re do të angazhohet që ta zbardh rastin e Kumanovës, me mbështetje ndërkombëtare për ata të cilët kanë qëndruar prapa rastit. Ministria kompetente do të japë mbështetje për “Sopotin” “Brodecin”, “Monstrën”, “Nikolla Mlladenov” dhe “Martin Neshkovskin”.

Do të ketë ligj për avancim të ligjit për gjuhën shqipe që qytetarët të komunikojnë më lehtë me institucionet. Maqedonia do të jetë shtet i të gjithë qytetarëve. Do të përkrahim politikat e gjuhës. Qeveria e re do të propozojë ligj për gjuhën shqipe për zgjerim të përdorimit në institucione, ku do t’u mundësojë shqiptarëve që të komunikojnë më lehtë me institucionet. Atje ku ka 20% të qytetarëve, aty do të ketë gjuhë tjetër shtesë zyrtare, pra turqisht ku ka turq, rome ku ka romë etj. Është gënjeshtër se të gjithë qytetarët nuk mund të mësojnë ndonjë gjuhë do të dënohen. Institucionet që nuk do ta respektojnë ligjin për gjuhën, do të dënohen.

Zaev tregon se ku u bë platforma shqiptare

Lideri i Lidhjes Social-Demokrate të Maqedonisë, Zoran Zaev në një intervistë për televizionin shtetëror kroat HRT, tha se platforma shqiptare përmban një formulim që i dënon ushtritë e shekullit të kaluar që vranë civilë

Periskopi.com Lajme

Platforma e shqiptarëve për avancimin e të drejtave të tyre në shtetin maqedonas është bërë në Maqedoni dhe jo në Shqipëri, dhe si e tillë nuk paraqet dhunë dhe konflikt të ri në këtë shtet. Kështu ka deklaruar lideri i Lidhjes Social-Demokrate të Maqedonisë, Zoran Zaev në një intervistë për televizionin shtetëror kroat HRT.

Zaev ka mbrojtur idenë e shprehur nga partitë shqiptare që të dënohet gjenocidi i ushtruar nga ana e Serbisë nga popullatës shqiptare. “Nuk ka asgjë të gabuar që platforma përmban një formulim që i dënon ushtritë e shekullit të kaluar që vranë civilë”, ka deklaruar ai

Pyetjeve të mediumit kroat mbi akuzat e VMRO-DPMNE për “dëmtim të Maqedonisë”, Zaev i është përgjigjur duke thënë se platforma është nënshkruar në Maqedoni dhe jo në Tiranë.

“Ata (VMRO DPMNE) arsyetohen se kjo deklaratë është nënshkruar në Tiranë. Deklarata është bërë në Maqedoni si pjesë e programeve të tyre para-zgjedhore, por ato u mblodhën në Shqipëri, ku të gjitha partitë ishin mbledhur në një vend”, ka deklaruar Zaez, i cili ka shprehur bindjen se nuk pret dhunë dhe konflikte në situatën e re të krijuar.

“Jam i lumtur dhe krenar që e hoqëm regjimin nga pushteti me laps dhe votë. Nuk ka pse të derdhet gjak për rënien e regjimit”, ka deklaruar kreu i LSDM-së.

Zaev ka një akuzë për Ivanovin, ia kërkon mandatin

Kryetari i LSDM-së, Zoran Zaev ka reaguar pas vendimit të presidentit Ivanov për të mos i dhënë mandatin për formimin e qeverisë, duke e akuzuar kreun e shtetit për rëndim të situatës politike në Maqedoni.

Periskopi.com Lajme

Në një konferencë për shtyp, Zaev ka deklaruar se Ivanov duhet ta tërheqë vendimin dhe t’ia japë mandatin, me argumentin se ai zotëron numrin e duhur të deputetëve.

“Ivanov, me vendimin për të mos e dhënë mandatin goditi shtetin. Ai thelloi edhe më shumë krizën, duke injoruar 67 nënshkrimet e deputetëve. Me këtë sjelle edhe një herë ai doli në mbrojtje të Gruevskit dhe VMRO-DPMNE-së”, ka thënë Zaev.

Ai ka theksuar se forca politike që drejton nuk do të lejojë që dikush të luajë me shtetin. “Koncepti të cilin e mbështetën shumica e qytetarëve është e ardhmja e Maqedonisë. Ju bëj thirrje qytetarëve të mos bien pre e provokimeve”, ka vijuar Zaev.

Për kreun e opozitës maqedonase, e gjitha kjo që ndodh tani me regji të Gruevskit dhe Ivanov është konstatuar edhe më parë. “Presidenti duhet ta tërheqë këtë vendim dhe ta ndajë mandatin, sepse këtë e garanton Kushtetuta”, ka shtuar Zaev.

/ Top Channel

Zaev me 67 mandate, refuzon Gruevskin

Prej orës 14, afat kur ishte parashikuar dorëzimi te presidenti George Ivanov i argumenteve për sigurimin e shumicës parlamentare për formimin e qeverisë, udhëheqësi i LSDM-së, Zoran Zaev gjendet në zyrën e kreut të shtetit, i cili gjithsesi pritet ta marrë vendimin në ditët e ardhshme.

Periskopi.com Lajme

 

Nga burime të MIA-s brenda kabinetit të presidentit Ivanov, mësohet se Zaev ishte nisur t’i parashtronte kreut të shtetit nënshkrimet e 67 deputetëve nga LSDM-ja, BDI-ja, Besa dhe Aleanca e Shqiptarëve, një sinjal ky që nënkupton se udhëheqësi i LSDM-së nuk e ka pranuar “shtrirjen e dorës” nga ana e Gruevskit për të formuar një koalicion të madh, vetëm e vetëm për të kundërshtuar kërkesat e shqiptarëve.

Pas konsultave me krerët e partive politike parlamentare në Maqedoni më 1 shkurt, Ivanov kishte deklaruar se do t’i jepte mandat për formimin e qeverisë, partisë apo koalicionit që do t’i vërtetonte krijimin e shumicës në Kuvend.

LSDM-ja sot pasdite do të zgjedh Zaevin si mandatar

Sot pasdite partia opozitare do të mbajë mbledhje të Bordit Ekzekutiv dhe Qendror, ku do të zgjedhin kryetarin e partisë Zoran Zaevin si mandatar për të formuar qeverinë e re, përcjell Telegrafi Maqedoni.

Periskopi.com Lajme

Mbrëmë vonë nga BDI informuan se do të mbështesin me nënshkrime LSDM-në, por vendimin përfundimtar për pjesëmarrje në qeveri do ta sjellin të hënën./Telegrafi/

Zaev: Gruevski nuk guxon të formojë Qeveri (Video)

Lideri i LSDM-së, Zoran Zaev, nëpërmjet konferencës për shtyp, i paralajmëroi të gjitha partitë që kanë fituar mandate, por edhe VMRO-DPMNE-në, që të mos formojnë Qeveri, pasi që sipas tij, LSDM-ja në këto zgjedhje është fitimtare.

Periskopi.com Lajme

“Kemi fituar regjim me stilograf dhe votë. Regjimi nuk guxon të formojë Qeveri. I porosisim të gjithë partitë që të mos guxojnë të formojnë qeveri/ Edhe VMRO-në e porosisim që të mos guxojë të formojë Qeveri. Ekzistojnë ndryshime në rezultatet e procesverbaleve dhe rezultateve që i ka publikuar KSHZ për të njëjtat njësi zgjedhore. Vetëm nëse korrigjohen këto numra, LSDM, ka më shumë mandate në Njësinë Zgjedhore 6, me çka mandatet do të jenë 50-50. fotografitë e fundit do ta japin rezultatet përfundimtare pas ankesave. Qytetarët janë deklaruar se nuk duan më politikanë si Nikolla Gruevski”, Deklaroi Zaev. Ai shtoi se qytetarëve të Maqedonisë në zgjedhjet e Maqedonisë, bashkë zgjodhën plan për Maqedoninë, e rrëzuan regjimin.

“Ta respektojmë shumicën të cilën votuan për jetë, demokraci dhe liri. Ata thanë se nuk duan kriminelët që të udhëheqin me shtetin”,  shtoi Zaev.

 

Maqedonin Zaev e nxjerrin me plis në Ditën e Flamurit (Foto)

Një pjesë e mediave të afërta me VMRO-DPMNE sot me rastin e Ditës së 28 Nëntorit – Festës së Flamurit dhe Pavarësisë së shtetit shqiptar e kanë nxjerrë liderin e LSDM-së, Zoran Zaev me plis në kokë.

Periskopi.com Lajme

Në tekstin e shkruar dhe të shpërndarë në shumë portale theksohet se Zaev është një nga politikanët që po angazhohet për federalizimin dhe zyrtarizimin e gjuhës shqipe në Maqedoni, transmeton ina. Ndërsa në këtë shkrim thuhet se Zaev ka hapur Kutinë e Pandorës, duke i hapur një derë Shqipërisë së Madhe, apo kantonizimit të Maqedonisë.

Këtu përmendet takimi i kryetarëve të komunave shqiptare në Ballkan në Tiranë në organizim të kryetarit të Bashkisë së Tiranës Erion Veliaj.

‘Zaev po bëhet më shqiptar se shqiptarët’

Analisti maqedonas Nikolla Sërbov ka akuzuar kryetarin e LSDM-së se po e shkel Marrëveshjen e Ohrit, për shkak të pretendimeve të tij për të ndryshuar Kushtetutën e Maqedonisë për të zbatuar dygjuhësinë në vend.

Periskopi.com Lajme

“Kjo është shkelje e Marrëveshjes së Ohrit dhe Zaev është i vetëdijshëm, se fakti që LSDM-në dëshiron të “formojë” parti shqiptare, është në kundërshtim me marrëveshjen kornizë”, deklaroi Sërbov për TV Nova.

Sërbov gjithashtu deklaroi se Zoran Zaev po mundohet të bëhet më shqiptar se shqiptarët dhe po hap çështje të cilat më vonë mund të sjellin pasoja të mëdha për shtetin, çështje të cilat shqiptarët as nuk kanë imagjinuar t’i hapin ndonjëherë. /albeu.com