Futbollistët e Kosovës luten në xhami për fitore ndaj Islandës

Futbollistët e përfaqësueses së Kosovës në futboll, paraditen e së premtes kanë vizituar njërën prej xhamive në qytetin e Shkodrës.

Periskopi.com Sporti

Fotografinë e ka postuar në profilin e tij zyrtar në Facebook, futbollisti Milot Rashica. Pa fjalë, vetëm me simbolin e lutjes është shoqëruar kjo fotografi.

Kosova pret që sonte ta befasojë Islandën në topformë, në ndeshjen që e zhvillojnë në stadiumin “Loro Boriqi” të Shkodrës, në kuadër të kualifikimeve për botërorin “Rusia 2018”. Kjo është xhiroja e pestë e kualifikimeve, ndërsa nga katër ndeshjet e kaluara Kosova ka një barazim e tri humbje.

Xhamia më e madhe në Ballkan po ndërtohet në Tiranë

Ndërtimi si karabina i kësaj vepre madhështore e cila do të jetë pritëse për mijëra besimtarë muslimanë, ka përfunduar, ndërsa punimet e tjera vazhdojnë me shpejtësi.

Periskopi.com Uncategorized

Ndërkohë që besimtarët muslimanë në kryeqytetin e Shqipërisë, Tiranë, ende përballen me vështirësi në kryerjen e lutjeve të tyre, për shkak të numrit të vogël të xhamive dhe hapësirave të pakta të tyre, ndërtimi i një prej faltoreve më të madhe në Ballkan, Xhamisë së Namasgjasë, po vazhdon pandërprerë, raporton Anadolu Agency (AA).

Ndërtimi si karabina i kësaj vepre madhështore e cila do të jetë pritëse për mijëra besimtarë muslimanë, ka përfunduar, ndërsa punimet e tjera vazhdojnë me shpejtësi.

Pas shumë vitesh tentativa, gurthemeli i parë i saj më në fund u hodh më 13 maj të vitit 2015, ku në ceremoni ishte i pranishëm edhe Presidenti i Turqisë, Recep Tayyip Erdoğan, i cili gjatë një fjalimi tha se kjo do të jete dhurata më e vyer e Turqisë për popullin shqiptar.

Duke folur për AA, drejtuesi i punimeve të kësaj xhamie, Hüseyin Şentürk, tregon për avancimin e punimeve duke thënë se ndërtimi karabina i kësaj faltoreje sapo ka përfunduar dhe se kanë nisur nga puna me fazën tjetër të punimeve, atë të punëve të detajuara.

Punimet vazhdojnë sipas parashikimeve

Duke vënë në dukje se ata janë vazhdimisht nën mbikëqyrje të punimeve mbi letër dhe në terren, Şentürk, në vijim shton: “Ndërtimi i xhamisë po vazhdon me shpejtësi ashtu sikurse ishte planifikuar. Shpresojmë që në fund të vitit 2018 të hapim xhaminë për besimtarët. Normalisht jemi duke bërë llogaritë nëse do të mundemi ta mbarojmë pak më parë. Kemi pas shtetin e Turqisë dhe si rrjedhojë nuk kemi patur as edhe një problem financiar apo të ngjashëm me këtë dhe kur gjendja është e tillë nuk mbetet asnjë problem për ndërtimin e saj. Ndërtimi karabina ka përfunduar, ndërsa tenderat për punimet e tjera të hollësishme janë mbyllur. Ndërtimi po vazhdon sipas parashikimeve. Kemi bërë gjithashtu edhe tenderin për veshjen me gurë të xhamisë.”

Ai thotë se të gjitha kompanitë nënkontraktuese janë vendase dhe më pas shton: “Tani jemi duke hyrë në një fazë të re punimesh. Disa punë të veçanta janë mbulesa me plumb e kupolave dhe për ti bërë këto do të sjellim ekipe nga Turqia. Ndërsa dritaret e kësaj xhamie do të prodhohen në punishten e kompanisë tonë Komaş.”

Drejtuesi i punimeve thotë se dy katet e fundit janë drejt përfundimit, kate këto të cilat do të përdoren për parkimin e automjeteve, ndërsa puna në katin 0, kat i cili do të jetë për përdorim të shumëllojshëm, është duke vazhduar. Ai thotë se i vetmi ndërtim i cili nuk ka nisur është ai i godinës së muzeut për shkak se në të aktualisht ka një problem të vogël me pronësinë, ndërsa vë në dukje se sapo të zgjidhet problemi menjëherë do të fillojnë punimet.

Namazet në rrugë do të “falen vetëm për nostalgji”

Duke folur për kapacitetin e xhamisë, Şentürk tha se vetëm në ambientet e brendshme të kësaj faltoreje do të mund të kryejnë ritet e tyre të paktën 3.650 persona dhe shtoi: “Me thirrjen e imamit ‘të shtrëngohemi sepse jashtë ka shi, apo bën ftohtë’ vetëm në ambientet e mbyllura të xhamisë mund të falen 5 mijë persona, ndërsa në të gjitha hapësirat në këtë faltore do të mund të falen 10 mijë njerëz. Me shpresë të Allahut tani e tutje nuk do të jetë e nevojshme që namazet të falen jashtë, vetëm nëse si nostalgji, por kjo xhami është e mjaftueshme për të përballuar këtë fluks.”

Şentürk foli edhe për reagimet e qytetarëve për ndërtimin e kësaj xhamie duke thënë se ka marrë reagime shumë pozitive, madje ka njerëz të cilët luten dhe preken deri sa derdhin lot kur shohin punën e bërë deri tani. “Më parë punonim në gropë dhe askush nuk e dinte se çfarë ndodh këtu, por kur xhamia nisi të ngrihej atëherë filluan të vijnë edhe reagimet pozitive të qytetarëve”, thotë ai.

Duke theksuar se është shumë i lumtur që është pjesë e një projekti të tillë, Şentürk në vijim shton: “Ne si Turqi jemi duke lënë një gjurmë në Ballkan me këtë vepër. Zoti qoftë i kënaqur nga Turqia dhe ata që janë bërë shkas për ndërtimin e kësaj xhamie.”

Në kompleksin e Xhamisë së Namazgjasë do të ketë hapësira për zyra, bibliotekë dhe sallë konferencash. Ndërkohë në këtë xhami do të mund të kryejnë ritet e tyre fetare mijëra besimtarë. Pranë xhamisë do të ndërtohet edhe një muze i cili quhet ndryshe edhe si “Muzeu i Bashkëjetesës”.

Tirana e shpallur kryeqytet në vitin 1920, deri në vitin 1967, vit ky në të cilin feja u shpall e ndaluar në Shqipëri nga sistemi komunist, numëronte rreth 40 xhami, ndërsa popullsia e saj ishte afro 100 mijë. Ndërkohë sot kryeqyteti i Shqipërisë ka më shumë se 1 milionë banorë dhe ka vetëm 18 xhami të vogla, duke përfshirë edhe periferitë, të cilat nuk përmbushin aspak nevojat e besimtarëve muslimanë. Namazet e xhumave falen në rrugët dhe oborret e xhamive, ndërsa ato të bajrameve falen në bulevardin “Dëshmorët e Kombit”.

Myslimani bën pyetjen 1 milionë dollarëshe: Ku do të falet transgjinori në xhami?

Një mysliman i devotshëm ka bërë një pyetje mjaft interesante për të gjithë personat që duan të ndryshojnë gjininë, më konkretisht për transgjinorë.

Periskopi.com Lajme

Myslimani shkruan në rrjet sociale dhe pyet: Nëse një transgjinor do të futej brenda në xhami, ku do të ishte vendi i tij i faljes pranë burrave apo pranë femrave.

Një pyetje vërtetë interesante duke pasur parasysh se të gjitha fetë në botë besojnë në një zot dhe ai është krijuesi i mashkullit dhe femrës së parë dhe më pas i gjithë njerëzimit.

 

auto_16426505_1416789388339794_1693570529_n1485974996

Xhamia më e vjetër në Ballkan u ndërtua në Kosovë nga një familje emigrantësh nga Aleppo

Kontaktet e para me islamin në Ballkan u zhvilluan me ardhjen e turqve, gjatë shekujve 14 dhe 15, kur u krijua shoqata e parë për rëndësinë e Islamit dhe në Ballkan, por edhe shumë më herët.

Periskopi.com Lajme

Historiani boshnjak Muhammad Hadzhijahiq thekson se në afërsi të Mostarit janë gjetur monedha nga periudha e kalifit Mervani II (745-750), që janë paratë e para që kanë arritur në  Bosnje përmes tregtarëve arabë, të cilët tregtonin në masë të madhe në Mesdhe, dhe në atë kohë, Dubrovniku ka qenë një qendër e rëndësishme e tregtisë.

Banorët e Dubrovnikut ishin tregtarë të aftë, megjithatë, osmanët i gjetën përgjatë lumit Drina në qytetet mesjetare si Srebrenica, Zvorniku dhe Tuzla e sotme.

Kështu, është e mundur, për shkak të rrugëve tregtare në Dubrovnik, në fshatin Mlike të Kosovës në vitin 1289, njëqind vjet para Betejës së Kosovës, kolonët dhe mjeshtrit nga qyteti sirian i Aleppos, ndërtuan xhaminë më të vjetër në Ballkan – xhaminë Haji Husein. Në një pllakë guri dhe tabela të shtypura në gjuhën arabe, thuhet se xhamia është ndërtuar në vitin1289 dhe rinovuar në vitin 1822, nga familja Ahmed al-Aga, transmeton KosovaPost.

Sipas informatave historike, familja e al-Aga ishte në periudhën e viteve 1095 në kërkim të një jete më të mirë përfundoi në Kosovë, por duke pasur parasysh ishte një familje e madhe, herë pas here u  vendosën në pjesën jugore të Kosovës, dhe pasi u  përshtaten me mjedisin e ri  vendosën të qëndronin më gjatë, dhe në vitin 1289 ata ndërtuan një xhami.

Siç flasin legjendat kombëtare dhe dokumentet besohet se emigrantët ishin kryesisht nga provinca dhe qyteti i Aleppos, pasardhësit e tyre sot ende e mbajnë emrin e familjes Halepovci (Aljabakovci) dhe ka ende në Mlike, Krushevë, Dragash dhe Restelicë. Gjithashtu, pasardhësit e tyre mund të gjenden dhe në Prizren,si farkëtarët dhe mjeshtrit. Mund të gjenden edhe  në pjesë të tjera të Kosovës dhe Maqedonisë.

Si konfirmim i kësaj teze është dokumenti që muslimanët e këtij vendi të marrë nga Damasku në vitin 1995  të Ministrisë së vakufeve të Republikës Arabe të Sirisë, e cila në përkthim thuhet si vijon:

Ne Muftinia e Qarkut të Halepit, nga Republika Arabe e Sirisë, konfirmojmë se familja e al-Agës është e lashtë, anëtarët e së cilës kanë emigruar në vitin 1095, ndërsa emigrimi i tyre ka vazhduar deri në vitin 1291, ku ndërtuan xhaminë në fshatin e tyre në Mlike, me qëllim të kryerjes së riteve fetare. Mbi këtë bazë, kjo xhami është në të vërtetë pronë e këtyre familjeve, respektivisht familjeve të muslimanëve arabë të zhvendosur dhe nuk janë nga ndërtimet osmane. Ne vërtetojmë pronën e tyre dhe kërkojmë nga autoritetet që t’u ndihmojnë në këtë.”

Xhamia gjatë historisë së trazuar të Kosovës është djegur dy herë, por vendasit e kanë ruajtur me kujdes pllakën e gurit me mbishkrimin arab, duke e fshehur atë në nënkulm (papafingo) të shtëpive dhe vende të tjera të fshehta; duke ruajtur kështu edhe faktin se xhamia e parë në Ballkan është ndërtuar nga emigrantët selxhuk nga Halepi, njëqind vjet para betejës së Fushë – Kosovës.

As burrat nuk i ndalën lotët në varrimin e të riut nga Skenderaj që vdiq në xhami (Video)

Një 24 vjeçar ndërroi jetë një ditë më parë, teksa po kryente rituale fetare në një xhami në kryeqytet.

Periskopi.com Lajme

Alban Veliu kishte ndërruar jetë qysh në fillim të faljes së namazit të Akshamit.

Ata që u takuan atë natë më të rrëfejnë se ai ishte duke u ngutur kur hyri në xhami.

Imami i xhamisë te “4 Llullat”, Husamedin Abazi thotë se kjo metodë e të ndërruarit jetë edhe pse e dhimbshme është nga më të dëshirueshmet për besimtarët.

E pamje është hapur në Polac të Skenderajt, për të riun që ishte student në master në Fakultetin Ekonomik.

Na varrimin e tij lotët nuk u ndalën, edhe burrat u dorëzuan para fjalëve për të./ Klan

BIK-u s’heq dorë nga rindërtimi i xhamisë në Kalanë e Prizrenit

Drejtuesit e Këshillit të Bashkësisë Islame në Prizren ka disa vjet që dërgojnë shkresa në adresë të Ministrisë së Kulturës, Rinisë dhe Sporteve dhe të institucioneve të tjera relevante me kërkesën për rindërtimin e xhamisë në Kalanë e Prizrenit, shkruan sot Koha Ditore.

Periskopi.com Lajme

Deri më tani nuk kanë marrë asnjë përgjigje konkrete rreth kësaj çështjeje, përjashtuar një takim të zhvilluar me anëtarët e Komisionit të MKRS-së për shqyrtimin dhe vlerësimin e kërkesave – projekteve restauruese-konservuese të trashëgimisë kulturore.

Të enjten, KBI-ja në Prizren ka mbajtur mbledhje me të gjithë imamët e kësaj komune, me ç’rast është diskutuar për rindërtimin e xhamisë së Kalasë.

“Të gjithë imamët, në mënyrë unanime, deklaruan këmbëngulësinë për ringritjen e xhamisë së Kalasë, duke thënë se në këtë çështje nuk ka alternativë tjetër”, shkruan në njoftimin e KBI-së, ku po ashtu theksohet se imamët janë zotuar se kjo punë “do të kryhet me izën të Zotit, pasi që xhamia ka qenë në Kala dhe është vullnet i xhematit të Prizrenit, të cilët 99 për qind i përkasin besimit islam”.

Sipas shënimeve në databazën e Trashëgimisë Kulturore të Kosovës, të lansuar nga Ministria e Kulturës, Kalaja e Prizrenit përmban në vete një pjesë të rëndësishme të historisë së lashtë të qytetit.

“Gjatë periudhës osmane, Kalaja zgjerohet duke ndërtuar dhe përforcuar muret fortifikuese, si dhe pasurohet me objekte të reja si hamami, xhamia dhe objekte të tjera për nevojat ushtarake”, shkruan aty.

Incident në një xhami në Francë, sërish kokë derri te dera

Mësohet se pranë një xhamie në qytetin jugor të Francës, Nice, është vendosur kokë derri.

Periskopi.com Lajme

Kanali BFM, njoftoi se policia ka nisur hetimet në lidhje me personat të cilët kanë vendosur kokën e derrit të egër pranë xhamisë.

Imami i xhamisë, Mahmut Benzamia, në deklaratën për shtyp, duke theksuar se janë ballafaquar me një sulm të këtij lloji edhe para hapjes zyrtare të xhamisë në muajin qershor, tha se “Kur erdha mëngjes në xhami kishin lënë një kokë derri. E thirra policinë, e hoqën kokën e derrit dhe e pastruan vendin. Shpresoj që kjo të jetë e fundit.” Benzamia theksoi se do të padisë përgjegjësit.

Policia franceze, kishte kapur 2 sulmues të moshës 40 vjeçare të cilët kishin lënë kokë derri para të njëjtës xhami. Gjykata në Nice, pritet që nesër të jap vendimin e saj në lidhje me personat në fjalë.

Gjatë ndërtimit të xhamisë me kapacitet prej rreth 400-500 personave, me arsye se ka ardhur mbështetje financiare nga Arabia Saudite, ka patur debate të mëdha mes komunës dhe shoqatës së xhamisë.

Në raportin e publikuar nga ana e Këshillit Islamik të Francës (CFCM), ishte njoftuar se në vend janë bërë 429 sulme ndaj muslimanëve, fizike dhe institucionale, shifër e cila ka treguar rritje prej 223 për qind në krahasim me vitin 2014, raporton AA

Ndërsa Shoqata Franceze e Luftës kundër Islamofobisë (CCIF) numrin e sulmeve e kishte përcaktuar si 905, dhe kishte theksuar se gjatë një viti ka pasur rritje prej 18.5 për qind.