Rusia beson se e ka vrarë liderin e ISIS-it

Periskopi.com Lajme

Ministria e Mbrojtjes e Rusisë është duke bërë një hetim për të parë nëse ka qenë një nga raketat ajrore të lëshuara nga ushtria e saj që ka vrarë liderin e Shtetit Islamik, njofton Klan Kosova.

Ministria ka njoftuar se një raketë ajrore mbase e ka vrarë Abu Bakr al-Baghdadi me 28 maj të këtij viti.

Deri më tani nuk dihet më shumë, derisa për vdekjen e liderit të organizatës famëkeqe ka pasur mijëra raste.

Reklamë
Reklamë

Zbulohet inskenimi serbo-rus për zgjedhjet e nesërme në Kosovë (Video)

Periskopi.com Lajme

Organet e sigurisë së Republikës së Kosovës kanë dekonspiruar një operacion serbo-rus, i cili ka pasur për qëllim dëmtimin e procesit zgjedhor të 11 qershorit në vendin tonë.

Qëllimi i këtij operacioni ka qenë inskenimi i një vrasjeje në veri të vendit, të cilin gjoja do ta bënin shqiptarët.

Të dhënat flasin se në të vërtetë, operacioni ka filluar disa ditë pas shpalljes së zgjedhjeve, përkatësisht më 22 maj të këtij viti, kur, së paku një oficer rus i spiunazhit ka humbur jetën në një atentat në afërsi të pikës kufitare në Jarinje, 4-5 kilometra brenda Serbisë.

Besohet se, zyrtari rus ka qenë i ngarkuar me punë në të ashtuquajturën “Qendër Humanitare Ruso-Serbe” në Nish, e cila njihet nga perëndimi si qendër spiunazhi.

Për këtë, një portal prorus në veri të vendit ka zhvilluar një bisedë telefonike me ambasadën ruse në Beograd, ku siç dëshmon edhe audio-incizimi, diplomati rus i ka ikur përgjigjes.

Për çudi, ngjarja është mbyllur shumë shpejt për opinionin, dhe më tej nuk ka pasur asnjë reagim zyrtar nga asnjëra palë.

Kjo e konfirmon faktin se operacioni ka qenë tepër sekret.

Të dhënat flasin se, e tërë ngjarja mund të ketë ndodhur duke marrë parasysh nivelin e lartë të sekretit, dhe së këndejmi zyrtari rus ka qenë cak i sulmit të grupit kriminal serb nga veriu.

Këtij grupi kriminal i printe Millan Radojçiq, i cili njëkohësisht është edhe bashkëpunëtor i lartë i shërbimeve serbe të sigurisë për komunat veriore.

Pas vrasjes së oficerit rus, shërbimet e të dy vendeve serbe dhe ruse, janë dakorduar që kufomën ta përdorin për vrasjen që do të duhej të ndodhte më 11 qershor në veri.

Kështu, për këtë vrasje, të dy shtetet përkatëse, do t’i akuzonin shqiptarët, përkatësisht institucionet e Republikës së Kosovës në mënyrë që procesi zgjedhor të diskreditohej rëndë.

Kjo do të ndodhte në rast të të pakënaqësisë me rezultatin e zgjedhjeve për Listës Srpska. Rrjedhimisht, gjendja në veri do të eskalonte dhe se i tërë procesi zgjedhor atje do të dështonte.

Organet e sigurisë së Republikës së Kosovës edhe më herët kanë poseduar informacion se Federata Ruse është e interesuar të ndërhyjë në procesin zgjedhor në Kosovë, ashtu siç është bërë edhe në Malin e Zi në tetor të vitit të kaluar, ku cak ka qenë vrasja e ish-kryeministrit malazez Millo Gjukanoviq.

Siç dihet, prioritet i shërbimeve të inteligjencës ruse në vitin e fundit, ka qenë përfshirja në zgjedhje në shumicën e vendeve evropiane, veçanërisht në Ballkanin./RTKlive/

Reklamë
Reklamë

Hapet e pamja në shtëpinë e Lavdrim Muhaxherit (Foto)

Periskopi.com Lajme

Në fshatin Dushkajë të Kaçanikut, familja Muhaxheri ka hapur të pame për djalin e tyre, Lavdrim Muhaxheri, i cili është vrarë në Siri.

Familjarët për Zeri.info, kanë konfirmuar për vrasjen e tij, mirëpo nuk kanë pranuar që të dalin e të flasin hapur.

Lavdrim Muhaxheri, i cili ishte pjesëtar i organizatës “ISIS”, u raportua se është vrarë sot gjatë një sulmi amerikan kundër të ashtuquajturit “Shteti Islamik” në Siri.

Gjithashtu edhe Policia e Kosovës ka konfirmuar se kanë një informacion, që një kosovar është vrarë në Siri.

Reklamë
Reklamë

Kush është terroristi shqiptar më i famshëm në botë (Foto +18)

Periskopi.com Lajme

Lavdrim Muhaxheri është shqiptari më i njohur në radhët e ISIS, jo vetëm për deklaratat e tij që bëjnë thirrje për Xhihad, por edhe për videot ku shfaqet me koka të prera.

Sipas të dhënave paraprake, Muhaxheri ka punuar për KFOR-in amerikan në kampin “Bondsteel”, si dhe për NATO-n në Afganistan.

Miqtë e tij tregojnë se ai kishte rekomandime të mira nga punëdhënësit e tij. Në 2013 Lavdrim Muhaxheri, i njohur ndryshe si Komandant Muhaxheri, u zgjodh komandant i shqiptarëve që u bënë pjesë e rebelëve që luftonin kundër regjimit të Bashar Al-Asadit.

Por jo i atyre që kërkonin demokraci në Siri, por i krahut më radikal atij “Al Nusra”.

Në vitin 2012, Muhaxheri u lidh me shoqatën lokale “Parimi”, nga e cila më vonë u krijuar shoqata “Rinia Islamike Kaçanik”, ku mbante pozicionin e Emirit, udhëheqësit të krahut ushtarak të organizatës.

Lavdërim Muhaxheri, u deklarua i vrarë disa herë nga mediat.

Por duket se kësaj radhe ka vdekur. Të enjten e 8 qershorit 2017, familjarët e Lavdrimit konfirmuan vdekjen e tij.

 

 

 

 

Reklamë
Reklamë

Vritet një person në veri të Mitrovicës

Periskopi.com Lajme

Një person i moshës 58 vjeçar, i nacionalitetit boshnjak, është vrarë me thikë, bëjnë të ditur burime të KosovaPress-it.

Ngjarja ka ndodhur rreth orës 22:00, në një kafene në veri të Mitrovicës, ndërsa viktima është qëlluar disa herë më thikë.

Mësohet se policia ka dalë menjëherë në vendngjarje dhe ende nuk dihet motivi i vrasjes.

Viktima është Murat Kuçi, i cili ka jetuar në jug të Mitrovicës, i cili ishte pronar i kafenesë ku është qëlluar.

Reklamë
Reklamë

Rektorit Marjan Demajt shqiptarët ia vranë tre vëllezër, rrëfen vet ai

Periskopi.com Video
Reklamë
Reklamë

E dhimbshme: Ky është postimi i të dashurës së Ermalit, ja çfarë shkruan ajo (Foto)

Periskopi.com Lajme

Vrasja e të riut nga Mitrovica, Ermal Kamberaj ka prekur thellë të gjithë.

Ata që e përjetuan më së rëndi humbjen e më të dashurit të tyre janë familjarët dhe miqtë e tij.

AI u vra, natës e së premtes, me tre plumba teksa ishte ne orar pune.

SI menaxher i një kafiterie, besohet se e vranë për mungesë të një vendi të lirë.

Kamberaj preki zemrat e të gjithëve. Të shtunën teksa e dërgua në varr i gjithë qyteti heshti dhe askush nuk punonte në shenjë nderimi për të.

 

Ju sjellim reagimin e të dashurës së Ermalit:

 

Reklamë
Reklamë

Dhembje e lot në Mitrovicë, mbyllet gjithçka, në nderim të 23 -vjeçarit të vrarë (Foto)

Periskopi.com Lajme

Ermal Kamberaj, 24 vjeç, menaxher i një kafiterie në Mitrovicë, u vra mbrëmë, sipas policisë, me tre plumba.

Varrimi i të riut është paraparë të bëhet sot pasdite, ndërsa, të gjitha lokalet e qytetit do të mbyllet përgjatë asaj kohe, në shenjë solidarizimi, e edhe proteste.

Kamberaj u qëllua me tre plumba mbrëmë rreth orës 21:30 në vendin e tij në punës në lokalin Check-in. Ai do të varroset sot në ora 16:30 në varrezat në Shipol.

Me këtë rast pronarët e kafiterive të qytetit të Mitrovicës janë organizuar që ndërpresin aktivitetin e punës së tyre, nga ora 16:00 e deri në përfundim të varrimit të të riut.

Kamberaj, nuk ka mundur të u mbijetojë plagëve, dhe ka vdekur rrugës për në Qendrën Klinike Universitare në Prishtinë.

Policia, ende nuk ka arritur të arrestojë e as të identifikojë dorasin. Janë dhënë versione të ndryshme për ngjarjen.

Në këtë lokal mbrëmë kishte edhe mbrëmje muzikore, ku do të performonte këngëtari i njohur ferizajas, Labinot Tahiri – Labi.

Ky i fundit ka folur për Periskopi.com.

Lexojeni në linkun më poshtë çfarë tha ai:

Labinot Tahiri rrëfen ngjarjen e mbrëmshme ku u vra 23-vjeçari në Mitrovicë

 

 

Reklamë
Reklamë

Mitrovica s’asht per Ermalin, asht e provincialit me kallash!

Fjolla Spanca Opinione

I çel syte n’sabah tane gzim se dita e re asht nafake e re! Edhe nis me i rreshtu tana andrrat qe i ke, per -diten e re-! Se helbete, njeriu e kujton veten jetegjate edhe t’fort! Papritun, te dalin para sysh dhjetra lajme e fotografi te njibashkemoshatari; te nji komshiu qe sa here ecte me buzen n’gaz t’pershendeste! Tana pamjet te kallzojne se i riu, asht gjuejt pa dhimte, gati 10 here n’syte e plot qytetareve. E per çka?! Per kurgja dhe hic asgja. Per ego. Ego te djallzume.

 

Ermal,

t’mbaj mend sa here kaloje n’lagje edhe tane urtni i pershendesje t’gjithe! Ti s’ngreje krye najhere per t’i ul miresine vetes! Miqve e familjes, ikja jote i ka lane boshllek e merzi te madhe! Qytetit, vrasja jote i ka dhane hijen e nji veni’ qe se do ma as veten!

Ermal, Ti je çdo djal i ri n’Mitrovice me shume andrra. Ti je djali me edukate e kulture qe thur shpresen per jete ma t’lehte! Ti je djali i çdo mitrovicalie qe buken e fiton me djerse dhe jo me pisllek! Ti je vllai i cdo mitrovocalie qe e don jeten edhe ka motive t’plota per me u perpjek! Me u perpjek per me u ba njeri ma i mire! Ti je shoku i cdo mitrovicalie qe tjetrit ja don t’miren ma shume se vetes! Ti je shembulli i mitrovicalise qe qytetin nuk e ka lane edhe ka ndejt aty me i sherbye shoqnise! Ermal, ti e morre vesh qysh para se me ik se Mitrovica avash – avash po bahet foleja e t’fortve zemerngushte qe plumbi u percakton burracaknin (se shqipet vdesin per ‘burrnin’ aniqe ju ka vdek me vakt) dhe ku djalli knon himnin e xhelozise, smires e terbimit sheshazi, kembkryq! Ermal, ti je djali modest, me kulture e vizion qe palaqote nuk kishin guxim me lane me u rrit! Ishe shume normal, per me jetu ne nji rreth hipokritesh!

Qyteti i kafeneve

Mitrovica e kapriçove dhe pazareve politike sot s’asht ma shume e as ma pak se sa nji hambar ku kane lulzue ligjet e provincialeve dhe pament’ e te paditurve! Kafiqat/ kafenetë apo lokalet ku vijne me knu artistat populldashes t’Kosoves heroike, historike, histerike kane dhane mjaftueshem shenja se te tilla

hapsira provinciale duhen me u mshel! Sepse mu aty njomesia e te rinjeve perdoret prej ‘boss-ve’ xhepderdhur te cilet fitojne ne kurriz te pamundesise per te jetu nji jete normale ne nje qytet ku s’ka nevoje me ardhe turli soj pseudo artisti qe per 3-4 ore e bon t’riun vital me harru fatkeqesine e venit ku jeton!

Prindit qe gzon krenari t’rreme.

Ne Mitrovice, le te shkunden prinderit e t’i kqyrin fmijte se me ke shoqnohen edhe cka mbajne mbas vetes ne vend te çantave shkollore. Le te mos rehatohen me rrenat e tyne se ‘si fmijte e mi s’jane asnji’. Sa kalojne sahat m’sahat çajtoreve tuj lujt me gure apo tuj pi kafe me shoqet e mehalles, le t’i shtrengojne ‘pasardhesit e shquar’ per ta kuptu se jeta asht e shenjte edhe s’guxon kush me e shkurtu! Keta prind, le t’i braktisin telenovelat e t’perkushtohen n’edukimin e djemve & vajzave. Nuk asht e udhes me ba fmi’ kur s’ke takat e fuqi me e ba njeri!

Me nder me thane, Qeveria e Kosoves.

M’vjen zor me e permend ‘Kuvendin Komunal’, ‘Qeverine’ a ndonji institucion tjeter se dro kane me u rondue. Beteja per poste tashma e ka verbue pothuajse cdo karrigedashes! Fundja, ata s’merziten shume per Mitrovicen se femijte e tyne i kane vargis neper shkolla private. Biles as me ta s’kane kohe me u marre! ‘Per shtetin, na sakrifikojme familjen’ thonin ca, ca! T’dashtun, Sot, ju dhe NA (Hirushet) jena pergjegjes per jeten e Ermalit! Dhe te çdo Ermali tjeter, qe neser ka per t’u shujt prej dores se ndonji te çmenduni i cili s’ka asgja te shenjte mrena vetes dhe per te cilin jeta asht si nji pike uji n’oqean! Kur dite e zeze s’ta leshon pragun Ndoshta e zeza qe solli ky sistem prej disa vitesh e ka shperfytyru njeriun normal tuj e ba ‘rob’ te punes per sigurimin e nji jete minimale. Ndoshta e zeza qe e pllakosi Mitrovicen qysh kahere ish zani i nalte i dhimbjes qe do shtohej per dit e per nat! Por Ermali’ dhe cdo i ri tjeter s’kishin kusure me Lidhjen/ Partine/ Aleancen/ Levizjen! S’kishin borxhe per t’ua la’ atyne qe barku u ka zane shikimin!

Ndaj, pergjegjesite morale e ligjore jane te qarta dhe dikush ish dashte me u ba aq trim’ sa me pranu fajin edhe me ja lshue venin dikujt qe ka vullnet, dashni e dituni me e sistemue qofte edhe nji fije te ketij kaosi, qe e ka perthekue qytetin e minatorit.

Friga e të qenurit normal!

Mitrovicalite dikur krenoheshin per artin qe e kultivonin. Sot, turpnohen prej tallavasë dhe të marrëve që e kanë zaptu çdo pëllëmb të qyteti gjysmak. Tani, Mitrovica asht:

Me pase frige me dal n’sheher,

Me pas frige me pranu qe je njeri normal,

Me pas frige me andrru!

Me pas frige me fol.

Me pas frige pasionin tand me ushtru!

Mitrovica s’asht per Ermalin & shoket e tij njomake! Mitrovica asht e provincialit me kallash dhe interesagjinjve shpirtngusht. Ky s’asht qyteti qe e kena dashte! As shteti per t’cilin patem luftu.

Dashnija per atdhe’ krryset atehere kur pluhuni i harreses i yshtun prej djallit, i mbulon tana shqisat!

Ermal,

Fali ata qe s’dijten c’ishin tuj ba!

Fundja, ishin hiç i terbuem.

Mekat.

Ç’trishtim!

Reklamë
Reklamë

Labinot Tahiri rrëfen ngjarjen e mbrëmshme ku u vra 23-vjeçari në Mitrovicë

Periskopi.com Uncategorized

Këngëtari Labinot Tahiri mbrëmë po shkonte për të bërë muzikë në lokalin “Check -in” në Mitrovicë. Aty ku ndodhi vrasja e një 23 – vjeçari.

Labi ka folur për Periskopi.com, rrëfen si ndodhi dhe bënë thirrje te institucionet për kontrolle të njerëzve nëpër lokale.

Ai thotë se mbrëmë është anuluar organizimi, ngase ngjarja ndodhi pak qaste para se ai të hynte në lokal.

“Kam qenë në parking kur ka ndodh, nuk kanë qenë 10 plumba por dy janë dëgjuar. Nuk e njoh atë djalë aspak, por ka qenë shumë shqetësuese dhe do shkoj te ajo familje”, tha ai.

Tahiri shpjegon se ngjarja ka ndodhur diku rreth orës 21 e 40 dhe dënon këtë akt dhune.

“Te organet e rendit propozojë që të merren me çështjet e lokaleve. Shumë njerëz hyjnë me armë, kjo nuk ndodh nëpër shtete tjera. Kjo është e rrezikshme për gjeneratat e reja. Duhet kontroll”, ka thënë Tahiri.

23-vjeçari, Ermal Kamberi u vra për shkak të një vendi në lokal, por ende nuk ka të arrestuar.

Varrimi i tij bëhet sot pasdite, ai ishte në orar pune dhe policia raporton se mbi të u shkrepën tre plumba./ Periskopi

 

 

Ky është i riu që u vra sonte në Mitrovicë (Foto)

 

 

 

Reklamë
Reklamë

Mësohet pse u vra 23-vjeçari mbrëmë në Mitrovicë (Foto)

Periskopi.com Lajme

23-vjeçari i vrarë mbrëmë në Mitrovicë ishte menaxher në një lokal nate dhe sipas policisë ky ka qenë edhe shkaku që kanë qëlluar mbi të.

Mësohet se menaxheri i lokalit “Check in” në Mitrovicë është konfliktuar me disa persona për shkak se këta të fundit kishin kërkuar një vend ku të uleshin në lokal.

Në konflikt e sipër, është qëlluar me armë mbi 23-vjeçarin, i cili ka ndërruar jetë për shkak të tre plumbave të marra në trup.

Reklamë
Reklamë

Ky është i riu që u vra sonte në Mitrovicë (Foto)

Periskopi.com Lajme

I riu me inicialet E.K. që u plagos sonte në mbrëmje në Mitrovicë, ka ndërruar jetë.

Lajmi është konfirmuar nga burime në klinikën e Emergjencës në QKUK.

“Ai ka ardhur pa shenja jete në Emergjencë. Kemi bërë të pamundurën por ai kishte ndërruar jetë nga plagët e marra”, ka deklaruar ky burim.

Viktima është Ermal Kamberi, menaxher i lokalit “Checkin” në Mitrovicë.

Reklamë
Reklamë

Dy të vdekur nga të shtënat me armë në një kolegj në SHBA

Periskopi.com Lajme

Dy persona kanë mbetur të vdekur nga sulmi me armë pasditen e sotme në një kampus universitar në Irving, Teksas të SHBA.

Sipas mediave amerikane, autori i dyshuar qëlloi për vdekje një person ende të paidentifikuar dhe më pas vrau edhe veten.

Policia thotë se kemi të bëjmë me vrasje dhe vetëvrasje, megjithatë vazhdojnë kontrollet në kampusin universitar për t’u siguruar që nuk ka asnjë rrezik tjetër. Tre të shtëna me armë u dëgjuan, konfirmon policia.

Kampusi u mbyll ndërsa studentët u udhëzuan të qëndronin në dhoma deri në një njoftim të dytë.

Reklamë
Reklamë

Polici shqiptar i vrarë sot në një atentat, ishte i arratisur, ja përse nuk dorëzohej

Periskopi.com Lajme

Ish efektiv i policisë, Ervin Dalipaj i cili është ekzekutuar sot më armë zjarri së bashku me një person tjetër me të cilin ishte në makinë, nuk është një emër i panjohur për drejtësinë shqiptare.

Ai së bashku me Denis Shtrazën kanë qenë të akuzuar për rrëmbimin dhe vrasjen e Gazmend Çollakut në 6 janar të vitit të kaluar në Durrës. Dalipaj pak kohë më parë, në një intervistë për News 24, e ka mohuar ngjarjen.

“Kam mësuar nga mediat rrëmbimin dhe vrasjen e Çollakut. Isha në një lokal të një ish ­oficerit të Policisë. Gjatë gjithë ditës kam qenë në Tiranë me të afërmit e mi dhe me familjen. Kjo është e verifikueshme përmes telefonin tim. E vërtetoj me pamjet filmike të lokalit ku kam pirë kafe”, ka thënë Dalipaj. Sipas Dalipajt, akuzat janë fabrikuar nga oficerë të caktuar të policisë. Ai konfirmoi në atë kohë, se nuk ishte larguar nga Shqipëria, por nuk do të dorëzohj në polici, pasi nuk kishte besim. “Shpallja ime në kërkim është tendencioze. Po kërkohem sikur jam terrorist i Parisit. Nuk dorëzohem se nuk kam besim te policia. Kam besim vetëm te Prokuroria dhe gjykata”, u shpreh Dalipaj.

Ngjarja e vrasjes se Çollakut

Këta dy shtetas akuzohen se, së bashku me dy persona të tjerë ende të paidentifikuar, në 06.0.2016 kanë rrëmbyer dhe vrarë shtetasin Gazmend (Laert) Çollaku. Fillimisht dy të dyshuarit janë shoqëruar menjëherë pas ngjarjes nga Policia Gjyqësore, por më pas janë lënë të lirë. Në vijim të hetimeve, Prokuroria ka siguruar prova të mjaftueshme për të ngritur akuzë ndaj këtyre dy shtetasve dhe mori miratimin e Gjykatës për Krime të Rënda për arrestimin e tyre. Deri në përfundim të hetimit, nën arrest ka qenë vetëm i pandehuri Denis Shtraza. Ndërsa i pandehuri tjetër, Ervin Dalipaj nuk është gjetur ende.

Mos humbsni oferten nga Spitali Continental,per cdo vizitë perfitoni deri ne 50% ulje.Kliko ketu per te marre Kuponin

Në dosjen e Prokurorisë për Krime të Rënda thuhet se:

– midis shtetasve Denzi Shtraza dhe Lart Çollaku egziston një konflikt, pasi ka dyshime se ky i fundit ka tentuar të vrasë Denizin në vitin 2013;

– dy shtetasit nën hetim Ervin Dalipaj dhe Deniz Shtraza janë shoqëruar nga policia vetëm 3-4 orë pas rrëmbimit dhe vrasjes së shtetasit Lart Çollaku me mjejtin tip Benz Ml, me ngjyre te zeze me targa AA671MZ, në pronësi të Ervinit, ku janë gjetur gjurmë gjaku të njëjta me ato që janë gjetur në vendngjarje dhe në rrobat e viktimës;

– ky mjet në datën 06/01/2016 është përdorur vetëm nga shtetasi nën hetim Ervin Dalipaj dhe në orët e pasdites dhe mbrëmjes së kësaj ditë kanë qenë vetëm me shtetasin nën hetim Deniz Shtraza;

– të dy shtetasit nën hetim pranojnë që gjatë datës 06/01/2016 në orët e pasdites dhe mbrëmjes kanë qëndruar së bashku por në deklarimet e tyre kanë kontradita të qarta dhe të shumta lidhur me oraret e takimit dhe lëvizjes, vendet e ku kanë shkuar dhe me cilët janë takuar në Tiranë, të paarsyeshme për veprime të kryera vetëm disa orë para deklarimit;

– të dy shtetasit nën hetim deklarojnë se nuk kanë asnjë dijeni se të kujt janë 9 aparatet celularë të gjendur në mjetin e Ervinit, ne xhepin e derës së pasagjerit ku ka qenë duke qëndruar Denizi;

rezulton i provuar fakti se në bagazhin e mjetit në pronësi të shtetasit nën hetim Ervin Dalipaj ku ka qenë të paktën dhe shtetasi nën hetim Deniz Shtraza është vendosur dhe më pas është vrarë shtetasi Lart Çollaku.

Pra rezultoi e provuar se shtetasit nën hetim Ervin Dalipaj dhe Deniz Shtraza në bashkëpunim midis tyre dhe në bashkëpunim dhe me dy persona të tjerë, ende të paidentifikuar, kanë rrëmbyer shtetasin Laert (Gazmend) Çollaku, e kanë lidhur në këmbë dhe duar me fasheta të zeza, e kanë transportuar si fillim me një mjet tip Audi, per ne fshatin Murqin te Krujes dhe e kanë vrarë me armë zjarri, duke konsumuar në këtë mënyrë veprën penale të “Rrembimin ose mbajtjen peng te personit“ e paraprirë ose e shoqëruar me tortura fizikike dhe kur është shkaktuar vdekja e tij”, e kryer ne bashkëpunim dhe “Prodhimit dhe mbajtjes pa leje te armeve luftarake”.

Po ashtu shtetasit nën hetim Ervin Dalipaj në datën 06/01/2016 reth orës 23 :40 kur është shoqëruar nga Policia e Durrësit i është gjetur dhe sekuestruar një një dokument me nr. xxxxx i lëshuar nga Drejtoria e Policisë Tiranë dhe një stemë metalike me mbishkrimin « Policia » të cilat i mbante pa lejen e organeve kompetente.  Ky shtetas ka qenë punonjës i policisë nga viti 2000 deri në vitin 2012 kur është liruar.  Në këtë mënyrë ka konsumuar veprën penale të «Mbajtjes pa të drejtë të uniformës».

Reklamë
Reklamë

Vrasësi i ish-drejtorit të Policisë së Vlorës mund të jetë nga Kosova

Periskopi.com Lajme

Vrasja e Artan Cukut, kishte kohë që ishte planifikuar dhe për këtë, personi që ka dashur të vdekur ish-drejtorin e Policisë së Vlorës, duket se ka angazhuar një vrasës me pagesë.

Në një video të publikuar nga policia e Tiranës, duket qartë autori i krimit, i cili i veshur sportiv dhe me dorëza, vrapon ngadalë teksa largohet nga zona e krimit.

Vrasësi i kishte kushtuar shumë rëndësi këtij ekzekutimi, pasi jo vetëm do të eliminonte një ish-funksionar të lartë policie, por dhe kishte studiuar me detaje, çdo lëvizje të tij, madje ishte përshtatur në veshje, si një vrapues i zakonshëm i zonës së liqenit.

Videoja është filmuar nga kamerat e sigurisë së pallatit ku duket mjaft qartë autori i cili largohet me një vrap të lehtë nga vendi i ngjarjes.

Policia ka kërkuar ndihmën e qytetarëve që të identifikojnë autorin e vrasjes së Cukut.

Ajo ka vënë në dispozicion numrin e celularit 0694110299 ku mund të kontaktojë çdo qytetar i cili ka parë autorin. Më herët policia ka ofruar një shpërblim prej 3 mln lekësh për çdo person i cili do të jap informacione të vlefshme mbi vrasjen e ish-kreut të Policisë.

Autori është me dorashka, shall, kapele, atlete dhe tuta sportive siç mund ta shihen dhe në video. Ai është i gjatë rreth 1.70 dhe në bazë të dëshmisë së gruas së Cukut dhe administratorit të pallatit, autori kishte një theks verior, shkruan Shqiptarja.

Dyshimet flasin se personi që ka qëlluar ish-funksionarin e lartë të Policisë së Shtetit, mund të ketë qenë një vrasës me pagesë nga Kosova. Vrasësi është parë nga administrator i pallatit, pak para momentit të vrasjes teksa qëndronte i ulur tek shkallët e pallatit. I pyetur nga administratori, autori është përgjigjur se po priste dikë për t’i dhënë çelësat e shtëpisë.

Mirëpo pas kësaj biseda, sapo administrator ka shkuar në shtëpi, ai u ka thënë policisë se ka dëgjuar të shtëna me armë, dhe teksa zbritur poshtë ka konstatuar trupin e Artan Cukut të shtrirë në hollin e pallatit.

Reklamë
Reklamë

Prokuroria jep sqarime rreth vdekjes së 17-vjeçares nga Kamenica

Periskopi.com Lajme

Kryeprokurori i Shtetit ka kërkuar nga kryeprokurori i Prokurorisë Themelore në Gjilan që t’i bëhet obduksioni Mediana Thaçit, vajzës 17 vjeçare nga fshati Roganë e Kamenicës, e cila dyshohet se ka vrarë veten.

Reagimi i Kryeprokurorit të Shtetit vije pas raportimit të Insajderit se megjithëse vajza ka vdekur në rrethana të paqarta si pasojë e gjuajtjes me armë, prokurorja e Prokurorisë Themelore të Gjilanit, Rabije Jakupi, nuk ka lejuar që trupit të pajetë t’i kryhet obduksioni.

“Kryeprokurori i Shtetit, menjëherë pas marrjes së informatës së publikuar në gazetën online ”Insajderi.com” me titull: “Vdes vajza e një polici, prokurorja nuk lejon ekspertizën mjeko-ligjore”, ka kërkuar nga kryeprokurori i Prokurorisë Themelore në Gjilan, që trupit të viktimës M.Th., t’i kryhet obduksioni”, thuhet në njoftimin e Kryeprokurorit.

Insajderi ka zbuluar se Mediana Thaçi ka vdekur si pasojë e shkrepjes së një plumbi nga një armë me leje që besohet se ka qenë e axhës së saj. E ndjera është vajza e një polici të Kosovës.

Insajderi ka provuar të kontaktojë me prokuroren Rabije Jakupi, për të kuptuar pse nuk ka lejuar obduksionin, por ajo nuk është përgjigjur. Shefi i saj, Jetish Maloku, ka thënë se nuk di arsyet se pse prokurorja nuk ka lejuar kryerjen e obduksionit.

Reklamë
Reklamë

Vajza 17 vjeçare nga Kamenica që dyshohet se vrau veten

Periskopi.com Lajme

Një vajzë e moshës 17 vjeçare nga Rogana e Kamenicës dyshohet se është vetëvrarë sot në shtëpinë e saj.

Insajderi ka zbuluar se Mediana Thaçi ka vdekur si pasojë e shkrepjes së një plumbi nga një armë me leje që besohet se ka qenë e axhës së saj. E ndjera është vajza e një polici të Kosovës.

Policia e Kosovës ka konfirmuar vdekjen e saj duke e cilësuar rastin si vetëvrasje.

Insajderi raportoi më herët se megjithëse vajza ka vdekur në rrethana të paqarta si pasojë e gjuajtjes me armë, prokurorja e Prokurorisë Themelore të Gjilanit, Rabije Jakupi, nuk ka lejuar që trupit të pajetë t’i kryhet obduksioni.

Ajo, ka urdhëruar që trupi i të ndjerës t’i kthehet familjes për varri pa u kryer ekspertizë mjekoligjore.

Insajderi ka provuar të kontaktojë me prokuroren Rabije Jakupi por nuk është përgjigjur. Shefi i saj, Jetish Maloku, ka thënë se nuk di arsyet se pse prokurorja nuk ka lejuar kryerjen e obduksionit.

Reklamë
Reklamë

Familja e Zejnepe Berishës “e shokuar nga dënimi minimal për vrasësin e të bijës”

Periskopi.com Lajme

 

Njësoj sikur ditën kur e kanë varrosur, thonë se janë ndjerë familja e Zejnepe Berishës, ditën kur kanë kuptuar dënimin e Gjykatës për vrasësin e vajzës së tyre.

Dënimi me burgim 12-vjeçar për burrin e Zejnepes, nuk ia ka lehtësuar dhimbjen nënës 83-vjeçare të së ndjerës.

Për 20 plagët me thikë që ia kishte shkaktuar gruas së tij, në prani të vajzës së mitur, të cilën gjithashtu e kishte prerë në dorë, Nebih Berisha është dënuar me 12 vjet e gjysmë burgim unik.

Ky nuk është tmerri i vetëm që ajo ka përjetuar në 16 vjet martesë, raste të cilat i kishte lajmëruar disa herë në Polici.

Nëna e saj thotë se s’kanë të numëruar keqtrajtimet që i janë shkaktuar vajzës së saj.

Dhunë sistematike, Berisha kishte shkaktuar edhe në 4 fëmijët e tij, më i vogli tani është 7-vjeçar.

Ata tani janë në kujdes të SOS fshatit të fëmijëve në Prishtinë. Sipas Kodit Penal të Kosovës, dënimi minimal për vrasje të rëndë është 10 vjet, derisa për krimin mizor, Nebih Berisha është dënuar vetëm me dy vjet më shumë se dënimi minimal.

Reklamë
Reklamë

Vrasje e rëndë në Tiranë, vritet ish zyrtari i Policisë

Periskopi.com Lajme

Një ngjarje e rëndë ka ndodhur sonte në Tiranë, ish-zyrtari i Policisë është qëlluar për vdekje me armë zjarri në zonën e Liqenit në Tiranë.

Burime nga policia konfirmojnë se viktima është shtetasi Artan Cuku, ish-zyrtar në Policinë e Shtetit.

Ai ka mbajtur poste të larta në Policinë e Shtetit, si zv. drejtor i Policisë së Tiranës, zv. drejtor i Fierit, si edhe drejtor i Vlorës në periudhën 2012-2013.

Nuk dihen ende rrethanat e ngjarjes të ndodhur në “Rruga e Kosovarëve”.

Policia ka mbërritur menjëherë në vendin ku ndodhi krimi i rëndë dhe kanë nisur hetimet për zbardhjen e saj.

Mësohet se janë ngritur pika kontrolli në hyrje dhe dalje të Tiranës për të bërë të mundur kapjen e autorëve, të cilët dyshohet se janë larguar me një motor në drejtim të paditur.

Reklamë
Reklamë

Bllokohen të gjitha hyrje-daljet e Tiranës

Periskopi.com Lajme

Artan Çuku, ish-drejtori i Policisë Vlorë humbi jetën sonte nga një atentat me armë zjarri, vetëm 50 metra larg nga banesa ku edhe jeton ne Tirane.

Burimet e Policise bëjnë me dije se kane marre informacion për autoret e mundshëm te atentatit dhe kane ngritur postoblloqe te shumta ne te gjithë qytetin.

Hyrjet dhe daljet e kryeqytetit janë të gjitha të mbyllura, tha gazetari Artan Hoxha, i cili tha se ish-kryepolicin e kane ekzekutuar vrasës me pagese.

Nuk dihet ende asgjë për autoret, teksa Policia po sheh itenerarin qe kishte kryer deri ne momentin e ngjarjes Cuku, me ke ka qene dhe ku, si dhe po merren filmimet e kamerave te sigurisë së perimetrit të zonës.

Mesohet se autoret kane qene me motorr dhe me te me pas janë larguar ne veri te zones ku ndodhi ngjarja pasi kryen krimin

Reklamë
Reklamë