Familja e Dafina Zhubit nuk beson se ajo vrau veten

Në një vjetorin e vdekjes së vajzës së saj Dafinës, Ganimete Zhubi, erdhi te varri i saj për ta përkujtuar, e më shumë për të shprehur mllefin se si drejtësia nuk po realizohet.

Periskopi.com Lajme

E indinjuar, nëna e Dafinës thotë se ajo u gjet e vdekur në banesën e ish-të dashurit të saj Astrit Dibra.

Hedh dyshime se kryeprokurori në Prishtinë Imer Beka bashkë me prokuroren Fitore Sadikaj morën para nga i dyshuari për vrasje, ish-i dashuri i Dafinës dhe e liruan vetëm pas gjashtë muajsh.

Si ka mundësi që të arrihet përfundimi se vajza e saj është vetëvrarë, kur ajo ishte me të dashurin e saj dhe vrasja u krye nga pistoleta e tij.

Kohavisioni ka provuar të kontaktojë me kryeprokurorin e Prishtinës Imer Beka, por ai nuk u është përgjigjur thirrjeve telefonike.

Ndërsa prokurorja Fitore Sadikaj po nëpërmjet telefonit, i ka thënë KTV-së se tash e 5 muaj është në pushim të lindjes dhe nuk mund të flasë për këtë lëndë, ngase ajo i ka kaluar dikujt tjetër.

Misteri: Emailet e vrasësit të ambasadorit rus ishin fshirë 2 orë para sulmit

Emailet e vrasësit të Andrey Karlov, ish-ambasadori rus në Turqi, janë fshirë pas vrasjes, , raporton gazeta turke “Daily Sabah”, pas hetimet për vrasjen tragjike.

Periskopi.com Lajme

Kompjuteri dhe telefoni i sulmuesit janë sekuestruar si pjesë e hetimeve, por e gjithë posta elektronike ishin fshirë rreth dy orë e gjysmë pas sulmit.

Ambasadori i Rusisë në Turqi, Andrey Karlov, u vra më 19 dhjetor nga Mevlut Mert Altintas, një oficer policie, gjatë hapjes pritjen e një ekspozite arti në kryeqytetin turk të Ankaraa.

Sulmuesi u vra më vonë në një shkëmbim zjarri me policinë./SYRI.net

Mallkimi indian që “vrau” shtatë presidentë amerikanë

Duke filluar nga presidenti William Henry Harrison në vitin 1840, e deri në 120 vitet e ardhshme, çdo president amerikan i cili u zgjodh gjatë vitit ku numri i fundit ishte 0 (zero), ka vdekur gjatë mandatit të tij presidencial. Sipas një legjende, kjo ndodhi shkaku i mallkimit të magjistarit indian i cili e nëmi Harrisonin, sepse ky i fundit me mashtrime ia vodhi tokat fisit Shauni (Shawnee).

Periskopi.com Uncategorized

Gjithçka nisi në vitin 1809, kur për shkak të këtij mashtrimi, fisi i sipërpërmendur indian nisi luftën kundër agresorit, luftë që më vonë njihet si Lufta Tecumseh, e që mbante emrin e kryeplakut të fisit (që në përkthim i bie: Ylli që bie). Qëllimi i tyre ishte ndalja e përparimit të mëtejshëm të racës së bardhë në Perëndim të Amerikës së Veriut.

Në vitin 1811 u zhvillua një betejë e madhe në vendin e quajtur Tippecanoe, ku forcat amerikane – nën komandën e Harrisonit – korrën fitore dhe si triumf udhëheqësit ushtarak amerikan iu dha nofka “Tippecanoe i Vjetër”.

Megjithatë, pas betejës, vëllai i Tecumsehit, Tenskwatawa (që fillimisht quhej Lalawethika, që në përkthim i bie: Ai që bën shumë zhurmë) e lëshoi një nëm. Tenskwatawa – i cili ishte magjistar dhe lider fetar i popullit të tij, e të cilin vendasit e cilësonin profet – evropianët i konsideroi si fëmijë të shpirtit të lig, ndërsa Harrisonin e mallkoi.

Kur në vitin 1840 William Harrison kandidoi për president të SHBA-ve, ai përdori sloganin “Tippecanoe dhe Tyler – njëkohësisht” (ky i fundit – John Tyler – ishte emri i kandidatit për zëvendëspresident të shtetit).

Në atë kohë ishte edhe një këngë e famshme që mbante të njëjtin emër me fushatën. Por, për të shkurtuar këtë histori, Harrisoni triumfoi në zgjedhje dhe hyri në Shtëpinë e Bardhë në fillim të vitit 1841.

Tri javë më vonë ai u ftoh. Besohej se shkak për këtë ishte moti i keq gjatë inaugurimit në postin e presidentit. Gjendja e tij u përkeqësua edhe më shumë, ndërsa për shkak numrit të madh të obligimeve ai nuk mundi të shërohej plotësisht. Harrison vdiq nëntë ditë më vonë, në ora 00:30, më 4 prill 1841.

Në 120 vitet e ardhshme, çdo president amerikan i cili fitoi zgjedhjet në vitin që përfundonte me numrin zero, vdiq gjatë mandatit presidencial (për më tepër, është vetëm një president amerikan që vdiq gjatë mandatit, e që nuk u zgjodh në vitin me zero, e ai ishte Zachary Taylor që po ashtu luftoi kundër Tecumsehit më 1812), transmeton Telegrafi.

I pari rast i tillë ishte ai i Abraham Lincolnit, i cili u zgjodh në vitit 1860, ndërsa u vra në fillim të mandatit të dytë presidencial. Pastaj e njëjta ndodhi me James Garfieldin, që u zgjodh në vitin 1880, ndërsa u vra në shtator të vitit të ardhshëm – në muajin e nëntë të mandatit të tij. Pastaj, në vitin 1900, president u zgjodh William McKinley, i cili e kishte fatin e njëjtë si Gardfild.

Në vitin 1920, Warren G. Harding fitoi, ndërsa besohet se vdiq nga një sulmi në zemër ose në tru në vitin 1923. Franklin Roosevelt që fitoi mandatin e dytë në vitin 1940, vdiq duke shërbyer gjatë mandatit të katërt. Në vitin 1960 për president u zgjodh John F. Kennedy, i cili dy vjet e gjysmë pas inaugurimit u vra në Dallas të SHBA-ve.

Së fundi, rendi i erdhi edhe Ronald Reaganit, i cili u zgjodh në vitin 1980. Vetëm disa muaj pas hyrjes në Shtëpinë e Bardhë, dështoi një përpjekje për vrasjen e tij, ku u plagos rëndë. Ai mbijetoi. Ndërsa, gjatë kryerjes së mandatit presidencial e mundi edhe kancerin.

 

Është interesante se si guvernator i Kalifornisë, para se të bëhej njeriu më i fuqishëm në botën perëndimore, Reagan refuzoi të lejonte ndërtimin e një dige të madhe që përmbyste një rezervat të tërë indian. Këtë vendim ai e arsyetoi duke thënë se “deri tash kanë shkelur shumë marrëveshje me indianët”. Nëse mallkimet ndonjëherë ishin të vërteta dhe nëse besoni në gjëra të tilla, mbase mund të mendoni se kjo ishte arsyeja pse shpirti i Tenskwatawa vendosi t’ia hiqte nëmën Reaganit.

Duhet theksuar se presidenti tjetër amerikan i cili u zgjodh në vitin 2000, ishte George Bush Jr. Në vitin 2005 ai po ashtu i shpëtoi një përpjekjeje për atentat, kur një bombë – në të cilin edhe presidenti i Gjeorgjisë, Mikheil Saakashvili, u gjuajt nga një fanatik gjeorgjian – çuditërisht nuk shpërtheu edhe pse ishte aktive.

A është kjo dëshmi që nëma e Tenskwatawa mbaroi me Reganin?

Gruaja e ambasadorit të vrarë rus pëson “krizë nervore”, pa live vrasjen e të shoqit

Periskopi.com Video

Çfarë e shqetësonte ambasadorin rus përpara vdekjes?

62-vjecari rus Andrey Karlov, u qëllua për vdekje në kryeqytetin turk, Ankara, të hënën. Kolegët e tij e quajtën një “ditë tragjike në historinë e diplomacisë ruse, thonë sot mediat vendase.

Periskopi.com Lajme

“Ai u vra në krye të detyrës”, tha Presidenti Vladimir Putin në një deklaratë për vrasjen e ambasadorit, duke thënë se ai e njihte personalisht Karlov.

Presidenti vlerësoi gjithashtu profesionalizmin e Karlov, duke thënë se ai “ishte një diplomat i shkëlqyer, i respektuar gjerësisht në vendin ku punonte dhe se kishte munduar për të mirën e  qeverisë turke dhe grupeve të tjera politike në këtë vend”.

Por kolegët deklaruar se në telefonat e fundit ai shprehej shume i  shqetësuar për sigurinë  e tij, shkruan “RT”.

Ambasadori ynë në Turqi ka qenë më shumë i shqetësuar me sigurinë dhe mirëqenien e tij dhe rusëve të tjerë në ambasadë-  tha kolegu dhe miku i tij, Aleksandr Lukashevich, i cili është përfaqësuesi i Rusisë në OSBE (Organizata për Siguri dhe Bashkëpunim në Evropë).

“Ka pasur shumë raste që ishte i shqetësuar kur flisnim në telefon,” tha ai për kanalin rus “TV Rossiya-24”, dhe shtoi se diplomati “ishte veçanërisht i shqetësuar për sigurinë e qytetarëve rusë, në Turqi“.

“Duke njoftuar vdekjen e kreut të misionit diplomatik rus në Turqi, zëdhënësja e Ministrisë së Jashtme ruse Maria Zakharova tha se vrasja Karlov ishte “një akt terrorist”, duke shtuar se vetë ambasadori “kishte bërë shumë për të luftuar terrorizmin.”

“Kujtimi i tij do të mbetet përgjithmonë në zemrat tona”, tha ajo, duke shtuar se Moska do të sigurohet qe ata që janë pas vrasjes, të dënohen.

Vrasja që shkaktoi shqiptari, erdhi pas grindjes për kamerieren

Dalin detaje të reja rreth ngjarjes shokuese kur një shqiptar mbyti me thikë një polak dhe plagosi rëndë një tjetër.

Periskopi.com Lajme

Sipas portalit austriak oe24.at, therja me thikë erdhi pas grindjes së shqiptarit me dy polakët për një kameriere të bukur e cila punonte në lokalin “Queens Bar” në Vjenë të Austrisë. Pas plagëve të rënda, Martini 34 vjeçar nga Polonia mbeti i vdekur, ndërsa shoku i tij u dërgua për në spital, përcjell “albinfo.ch”.

Sipas mediave austriake, shqiptari që shkaktoi këtë vrasje ende nuk është arrestuar, ndonëse sipas provave të policisë identiteti i 34 vjeçarit është bërë i ditur.

Siç njoftohet deri më tash, i dyshuari për këtë vrasje mund të këtë lëshuar Austrinë. Po ashtu për atë është lëshuar edhe një urdhër arrest ndërkombëtar.

Vrasja që shkaktoi shqiptari, erdhi pas grindjes për kamerieren

Momenti kur u gjet trupi i pajetë i 45 vjeçarit nga Podujeva (Video)

Trupi i i pajetë i një 45 vjeçari është gjetur sot në mëngjes buzë rrugës që lidh fshatin Dumosh me fshatin Batllavë.

Periskopi.com Lajme

Policia e Kosovës ka konfirmuar gjetjen e kufomës, teksa ka cekur se në afërsi janë gjetur dhe dy gëzhoja të armës.

Nuk dihet se si ka ardhur deri tek humbja e jetës së personit, por ekipi mjekësor kishte konstatuar menjëherë se viktima është pa shenja jete.

Kurse përmes një video më poshtë mund të shihni momentin e gjetjes së trupit të viktimës në këtë fshat.

Zbulohet se si ishte planifikuar vrasja e Adem Demaçit, ishin të përfshirë edhe shqiptarët

Pas dënimit me 15 vjet burgim, veprimtari i çështjes kombëtare Adem Demaçi, ishte caktuar të mbante burgun në Nish të Serbisë.

Periskopi.com Lajme

Demaçit i ishte vendosur të vuajë dënimin në këtë qytet fillimisht, por më pas ishte planifikuar t’ia ndërronin vendin, dhe në proces ta vrisnin.

Shërbimi sekret serb i njohur si UDB kishte përgatitur një planë të detajshëm për ta vrarë.

Demaçi do të transferohej në Beograd dhe rrugës për në burgun e Beogradit nga Nishi, ai do të ekzekutohej, ndërsa arsyetimi për vrasjen e tij do të ndërtohej se kinse Demaçi kishte tentuar ikjen.

Në këtë planë për vrasjen e Demaçit ishin të përfshirë edhe shqiptarë.

Këto dhe shumë detajet të tjera të jetës dhe veprimtarisë së Adem Demaçit mund t’i ndiqni në Klan Kosova.

Mirena dyshon në vërtetësinë e videove të publikuara për Astrit Deharin

Publicisti dhe gazetari Ilir Mirena ngrit dilema se përse nuk janë publikuar deri më tani videot ku shihet se çfarë ka ndodhur në burgun e Prizrenit në ditën kur vdiq aktivisti i vetëvendosjes, Astrit Dehari.

Periskopi.com Lajme

Mirena thotë se tani ka mundësi të shumta të editimit të videove.

Ai thotë se për autenticitetin e këtyre videove duhet hetim special.

Ja shkrimi i plotë i tij:

Kushdo qe merret me prodhimin dhe editimin e videove sot e di se sa leht mund te manipulohet dhe rieditohet nje video. Teknikat jane te panumerta. Kerkojini ne Google dhe i gjeni lloj-lloj softëare per qellime te tilla.

Nje pyetje shume e thjeshte: Pse u vonua kaq shume publikimi i videove?

Fakt me i rendesishem se sa keto video te dyshimta eshte trupi i Astrit Deharit qe eshte varrosur dje.

Per autenticitetin e ketyre videove duhet hetim special.

Fantazmat nuk e mbyten Astritin!/ Periskopi

 

Rrëfimi i dëshmitarëve për vrasjen e Enver Zymberit (Video)

Radovan Radic e Milovan Vlashkoviq, janë të dyshuarit kryesor për vrasjen e policit të njësisë speciale, Enver Zymberi.

Periskopi.com Lajme

Të dy të akuzuarit u patën liruar kohë më parë si të pafajshëm nga Gjykata Themelore në Mitrovicë. Por këtë aktgjykim e ka prishur Apeli dhe tani që ata po rigjykohen.

Dëshmitari Isa Salihu, që është edhe polic i njësisë speciale tregoi se si ndodhi ngjarja në vendin e quajtur Klisuricë, njofton Klan Kosova.

Ai tregoi se ku ishte Zymberi, pak minuta para se të vritej.

Salihu, dëshmoi se të shtënat në pikën kufitare në Bërnjakë filluar pasi sepcialët u urdhëruan ta shpartallojnë barrikadën. Pikërisht sipas tij, këto të shtëna ia morën jetën heroit të Kosovës, Enver Zymberi.

Kurse si si u gjet vendi i ngjarjes tregoi polici tjetër, Flmuur Fetahu, i cili kujtoi se skenën e krimit e kishin kontrolluar të nesërmen për vetëm 15 minuta.

Por akuzat e tij i mohoi i akuzuari kryesor, Radovan Radiq.

Shqyrtimi gjyqësor për këtë rast, do të vazhdojë në javën e ardhshme në Gjykatën Themelore në Veri të Mitrovicës.