Një qytetari nuk iu lejua votimi dje, ‘ia pa sherrin’ bashkëshortes

Periskopi.com Lajme

Një qytetar nuk ka mundur të votojë të dielën, më 11 qershor, në Kosovë.

Kjo ngase atij i ishte bërë dora me sprej  teksa ka ecur dorë për dore e cila kishte votuar paraprakisht.

Bytyqi me shaka e thotë se ose ka faj bashkëshortja ose KQZ’ja por hallin e ka që nuk ka mundi të votonte, raporton Periskopi

SHkrimi i tij që po qarkullon nëpër rrjete sociale:

Une Sovran Bytyci nuk votova dje.

Kur shkova ne piken e votimit (Salla 1 Tetori) mes gishtave te dores kisha pasur disa shenja te vogla me sprej, ama shume te vogla. Zyrtari me tha se nuk mund te votosh.

Mendo, mendo cka ka ndodh e gjeta problemin. Dhjete minuta me heret kishte votuar gruaja dhe si duket dje ishte nje nga ato ditet e rralla kur duhet ecur me gruan dore per dore. Si duket aty edhe dora ime ka marr sprej.

Nuk e di a e ka fajin KQZja apo gruaja por une nuk votova!

Reklamë
Reklamë
Mazllum Baraliu

Baraliu thotë se askujt nuk duhet t’i mohohet votimi me kusht

Periskopi.com Lajme

Njohësi i proceseve zgjedhore, Mazllum Baraliu, ka folur për shumë specifika të procesve të votimit, si dhe shtjelloi edhe problemet potenciale si mosgjetja e emrit në vendvotime.

Ai ka thënë se kjo klasë politike, dhe qeveritë që kanë marrë mandatin që prej shpalljes së pavarësisë, nuk kanë arritur ta shqiptojnë qëndrueshmërinë, si dhe nuk e kanë realizuar as minimumin e premtimeve që ua kanë dhënë elekotrait, nga shumë gjëra që kanë dhënë, njofton Klan Kosova.

Sipas tij, gjatë këtyre viteve, sa më gjatë që kanë shkuar në qeverisje në një shtet demokratik dhe të pavarur, problemet veçse janë thelluar më shumë.

Qytetarët kanë pasur shkallën e apatisë, indinjatës dhe zhgënjimit që, sipas tij, kanë qenë në maksimum.

Ai ndër të tjera, njëashtu përmendi edhe eksodin që ka qenë jashtëzakonsiht dëmtues për substancën politike.

Sipas Baraliut, mosgjetja e emrit në vendvotime  është punë e madhe dhe e vështirë, si dhe në kundërshti me të drejtën e qytetarit dhe memorien e tij, sepse secili e di në çdo proces leekotral se ku e ka vendvotimin.

Sa i përket mundësisë së paditjes së institucioneve përkatëse në rast të pamudnësisë për të votuar shkaku i kësaj arsyeje, Baraliu tha se ekziston një mundësi e tillë, apo një mundësi adresimi dikujt për shkakt të shkeljes së të drejtës elementare të votimit, por atëherë kur nuk lejohen të votojnë me kush.

Ai madje shtoi se ndonëse në shoqëritë moderne, votimi me kusht duket i tejkaluar, në Kosovë kjo mundësi vazhdon të jetë fuqiplotë dhe i instaluar për shkak të mos rregullimit të adresave dhe fluktuacionit të lëvizjes fshat-qytet dhe qytet-qytet në kohën e pasluftës.

“Askujt nuk duhet ti mohohet votimi me kusht”, tha Baraliu për Klan Kosovën.

Reklamë
Reklamë

DnV: Tentim për votim të dyfishtë dhe fotografim vote

Periskopi.com Lajme

Ismet Kryeziu nga DnV, në konferencës e radhës tregoi të gjeturat për mbarëvajtjen e procesit zgjedhor deri në orën 12:00.

Ai tha se deri në orën 12:00 ka pasur ngritje të pjesëmarrësve në procesin zgjedhor.

Duke folur për parregullsitë që kanë evidentuar deri në këtë kohë,  ai tha se tentimet për votime të dyfishta  ku  në 59% të rasteve, prin Gjilani dhe Peja.

Kryeziu tha se votimi familjar është vërejtur me 4928 raste, ku kryesisht janë raste kur anëtarët e familjeve ndihmojnë më të vjetrit e familjeve. Sipas Kryeziut, fotografimi i votës po e përcjell edhe këtë proces zgjedhor ku janë evidentuar 131 raste ose në 3.77 përqind dhe në këtë drejtim prin Fushë Kosova.

Ndërsa tha se vështirësitë në listat votuese njoftohen të jenë 1216 raste ose në 0.92 përqind të votimeve.

Ai tregoi se në disa qendra të votimeve ka pasur parregullësi prej më të ndryshmeve.

“Në shkollën ‘Agim Ramadani’ në fshatin Zhegër të Gjilanit ‘Azem Bejta’ janë vërejtur persona të paautorizuar. “Shtëpia e gjuetarëve” nuk është hapur deri në orën 13:00. Ndërkaq, në sallën ‘1 tetori’, siç tha ai, kanë larguar vëzhguesit nga hapësira ku e kanë pasur më të lehtë të shohin listën e nënshkrimeve.

Sa i përket votimit të dyfishtë, një rast i tillë raportohet të ketë ndodhur në Komunën e Ferizajit.

Reklamë
Reklamë

Prokuroria tregon për mbarëvajtjen e procesit zgjedhor

Periskopi.com Lajme

Prokurorët dhe policët po qëndrojnë në të gjitha qendrat e votimit. Laura Pula nga Prokuroria tha se gjatë ditës së sotme, deri në orën 11:00, nuk ka asnjë rast penale.

“Kemi disa informacione që po hetohen nga prokuroria. Prokurori në bashkëpunim me policinë kanë ndërmarr të gjitha masat e duhura për një proces të rregullt. Jemi duke intervistuar dy persona për një rast kërcënimi. Ftoj qytetarët e Republikës së Kosovës që të denoncojnë të prokurorët çdo rast për të cilin kanë dyshime”, ka thënë Pula.

Ndërsa Naim Rexha nga Policia e Kosovës thotë se gjendja për momentin është e qetë në gjithë vendin.

“Policia e Kosovës është plotësisht aktive në përmbushjen e urdhrit operativ për zgjedhjet e përgjithshme. Në përgjithësi bashkëpunimi është i ngushtë me prokurorin e shtetit. E kemi mbulimin në të gjitha qendrat e votimit. Deri në këto momente, policia ka katër informacione të cilat kanë arritur nga qendrat e ndryshme të votimit të cilat është duke i trajtuar në bashkëpunim me prokurorin përkatës të shtetit. Policia vlerëson se është duke u zhvilluar një aktivitet i qetë”, ka thënë Rexha.

Reklamë
Reklamë

Simbolet e Kosovës në Qendrat e Votimit në veri (Foto)

Periskopi.com Lajme

Simbolet shtetërore të Kosovës janë vendosur në Qendrën më të madhe të Votimit në Mitrovicën Veriore.

Kjo qendër është hapur në orën 7 të mëngjesit të sotëm.

Atje vërehet një interesim i madh për të votuar.

Një personel prej 200 personash do të jenë pjesë e vëzhgimit të procesit zgjedhor në Veri të Mitrovicës ku do të ndihmojnë personelin komisioner për mënyra teknike.

Mësohet se edhe 6 qendrat tjera të kësaj komune janë hapur me kohë dhe nuk është shënuar ndonjë problem.

Deri tani po vërehet numër i vogël i qytetarëve të cilët kanë ardhur për të votuar.

Rreth 27 mijë e 915 qytetarë me të drejtë vote në këtë komunë pritet të dalin sot dhe të hedhin votën e tyre.

Ndryshe, në katër komunat veriore të vendit, do të jenë të hapura gjithsej 44 qendra të votimit, prej të cilave 7 në veri të Mitrovicës, 7 në Zveçan, 12 në Zubin Potok dhe 18 qendra të votimit në Leposaviq.

Reklamë
Reklamë

Anëtari i KQZ-së thotë se ky institucion përndjekë diasporën nga zgjedhjet

Periskopi.com Lajme

Anëtari i KQZ-së nga radhët e Vetëvendosjes, Adnan Rrustemi thotë se KQZ-ja nuk po bënë punën e saj.

Ai ka shpjeguar në detaje se çfarë duhet bërë ky institucion për mërgimtarët dhe çfarë po bënë, transmeton Periskopi

Thotë se po përndjek diasporën nga zgjedhjet.

Shkrimi i tij:

Lajmi që po qarkullon nëpër media se KQZ-ja e ka dërguar në polici këtë iniciativën vullnetare dhe legjitime të mërgatës për të ndarë e shpërndarë informacione që e ndihmojnë njëri – tjetrin dhe e lehtësojnë pjesëmarrjen e tyre në zgjedhjet e 11 qershorit, në fakt flet se si KQZ-ja në vend që të angazhohet ashtu siç e ka përgjegjësi për t’ua mundësuar bashkatdhetarëve pjesëmarrjen në zgjedhje, është lëshuar në gjueti të çdo iniciative vullnetmirë, tamam në rolin e përndjekjes së diasporës me synimin për t’ua pamundësuar votimin, ashtu siç i ka përndjekur për shtatëmbëdhjetë vjet çdo qeveri e Kosovës.

Nuk ka asgjë të paligjshme në krijimin e rrjeteve e rretheve, çfarëdo qofshin ato, përmes të cilave mërgata informohet, shpjegohet dhe mobilizohet për të marrur pjesë në zgjedhje. Kjo bëhet madje e domosdoshme, kur ke një KQZ, e cila thuajse nuk ka bërë asgjë për t’ia lehtësuar mërgatës votimin, e cila e zënë për të dërguar kundërligjshëm ekipe që mbledhin dhejtëra mijëra fletëvotime të falsifikuara nëpër Serbi, kërcënon e frikëson bashkatdhetarët kur këta angazhohen të përmbushin të drejtën e tyre të ligjshme për të votuar më 11 qershor.

Madje, vetë KQZ-ja e ka për obligim të shpërndajë informacione, duke ju dërguar formularët për regjistrim dhe udhëzime për mënyrën e votimit përmes postës, qendrave, shoqatave, klubeve e subjekteve politike kudo në diasporë.

Roli i diasporës sot, ashtu si edhe më parë në momente kthese është i rëndësishëm dhe i domosdoshëm. Ky regjim në ikje, që po gjen shëmbëlltyrën e tij edhe në KQZ , e që e ka interes, sikurse që e kishte qëllim në vetvete përjashtimin e diasporës nga angazhimi politik në Kosovë. Këtë e bënte, dhe po përpiqen që ta bëjnë për një arsye të thjesht, ngase votuesi i diasporës as nuk i nënshtrohet shitjes së vullnetit të tij ndaj klanit Pronto, e as manipulimit që mund t’i bëhet. Prandaj, meqenëse periudha e regjistrimit për të votuar përmes postës është shumë e shkurtër, ju ftoj që të organizoheni e mobilizoheni që të shfrytëzoni çdo mundësi që ua lehtëson apo mundëson pjesëmarrjen në zgjedhje, duke u bërë kështu edhe pjesë edhe kontribuues në ndryshimin që po vjen, fillimi i të cilit padyshim që do të jetë edhe fundit i këtyre.

Le të kujtojmë që pikërisht kjo KQZ e drejtuar nga znj. Valdete Daka dhe me rolin e kësaj të fundit në zgjedhjet e 2013 dhe të 2014 kishin bredhur nëpër Rashkë e Nish për të mbledhur dhjetëra mijëra fletëvotime që e sollën Listën Serbe në Kuvend dhe në Qeveri!  / Periskopi

Reklamë
Reklamë

Deputetët e pozitës që ishin kundër Demarkacionit, sot janë të pavendosur për votën e tyre

Qeveria e Kosovës ka vendosur që në muajin mars ta riprocedojë në Kuvend Marrëveshjen për Demarkacionin me Malin e Zi.

Periskopi.com Lajme

 

Disa nga deputetët e partive në pushtet, LDK e PDK, të cilët kanë qenë të vendosur që votën e tyre ta japin kundër ratifikimit të Demarkacionit,  nuk kanë qenë të gatshëm ta rikonfirmojnë një gjë të tillë.

Deputeti nga radhët e LDK-së, Arben Gashi, shprehet se tash për tash nuk mund të thotë asgjë lidhur me këtë çështje.

“Kur të vjen në Kuvend, e shohim çfarë ka bërë Komisioni e pastaj e merreni vesh edhe ju”, ka thënë Gashi për Telegrafin.

Ngjashëm ka deklaruar edhe deputetja nga Partia e Drejtësisë, Labinotë Murtezi-Demi. E kontaktuar nga Telegrafi, ajo shprehet se ende nuk e kanë parë raportin zyrtar të Komisionit për Matjen e Territorit për çka momentalisht nuk mund ta japë një vlerësim.

“Në Kuvend kjo çështje nuk është diskutuar. Nesër është ditë e rregullt e seancave e ne ende nuk kemi ftesë për seancë se a vjen a kur vjen dhe se me çfarë ndryshimesh vjen. Këtë tash nuk e di, kështu që nuk mund të paragjykoj. As raportin zyrtar të Komisionit për Matjen e Territorit nuk e kemi parë”, ka thënë Murtezi-Demi.

As deputeti i LDK-së, Anton Quni, nuk e ka bërë të qartë votën e tij. Megjithëse më parë ishte raportuar se ai do të votojë kundër, Quni tha për Telegrafin se për këtë gjë do të deklarohet në seancë.

Ndërsa, deputeti nga radhët e PDK-së, Nait Hasani , i cili gjatë vitit të kaluar kishte deklaruar se do të votojë kundër, kësaj radhe nuk ka shprehur interesim që të përgjigjet rreth kësaj çështje.

“Nuk jam i interesuar të përgjigjem”, ka thënë shkurt Hasani.

I vetmi i cili ka rikonfirmuar se vota e tij do të vazhdojë të jetë kundër Demarkacionit, ka qenë deputeti i LDK-së, Shpejtim Bulliqi. Ai, në një prononcim për Telegrafin ka bërë të ditur se do të vazhdojë të mos i ndryshojë qëndrimet e tij.

“Ende nuk kanë arritur të më bindin me fakte”, ka thënë Bulliqi, duke lënë të nënkuptohet se vota e tij do të jetë kundër.

Deputetët Shaip Muja, Adem Salihaj, Raif Qela e Vjosa Osmani nuk u janë përgjigjur telefonatave të bëra nga Telegrafi që të kuptohet se cili do të jetë qëndrimi dhe vota e tyre ndaj Demarkacionit me Malin e Zi.

Ndryshe, Komisioni i ekspertëve për Matjen e Territorit të Republikës së Kosovës, në publikimin e draft-raportit të parë rreth gjetjeve të Demarkacionit, ka konstatuar se Çakorri gjendet jashtë territorit të Kosovës. Kryetari i këtij Komisioni, Hivzi Islami, ka deklaruar se në bazë të raportit del se madhësia territoriale e Kosovës është 10 mijë e 906.25 kilometra katrorë.

Pavarësisht të gjeturave nga ky Komision, opozita vazhdon të jetë e palëkundur karshi qëndrimeve të tyre për Demarkacion. /

Reklamë
Reklamë

Kuvendi fillon seancë pas mesnatës, po votohet për buxhetin e vitit 2017

Projektligji për buxhetin për vitin 2017 është miratuar me shumicë votash në lexim të parë, të enjten gjatë ditës.

Periskopi.com Lajme

Kuvendi i Kosovës kishte planifikuar të mblidhet në orën 21:00 për të vazhduar seanca që të shqyrtohet leximi i dytë i Projektligjit për Buxhetin e vitit 2017, por kjo nuk ka ndodhur deri pas mesnatës, raporton Periskopi

Kuvendi është mbledhur vetëm pas mesnatës, tashmë e premte, dhe në sallën po votohen amendamentet me radhë e edhe po diskutohen ato. Në sallë janë të pranishëm mbi 70 deputetë./ Periskopi

Dita e BUXHETIT, ka më shumë se një orë që nuk po mblidhen deputetët

Reklamë
Reklamë

Veseli beson se vetëm ai e ka mirë sa i përket “Trepçës”

Kryetari i Kuvendit të Kosovës, Kadri Veseli, para se të hynin në seancën e Kuvendit të Kosovës, e cila tashmë ka kaluar mesnatën, tha se vendimi është shumë i rëndësishëm për të ardhmen e Trepçës.

Periskopi.com Lajme

Veseli ka folur edhe për qëndrimet e Vetëvendosjes.

“Qëndrimi i Vetëvendosjes është aspak korrekt, që nuk përkon as me qëndrimet e minatorëve. Gabim e ka edhe Lista Serbe edhe Vetëvendosje”, tha ai.

“Dua të them vetëm nga qëndrimet politike, e unë i thërras që ta përkrahin dhe ta votojnë ligjin për Trepçën”, tha Veseli.

Reklamë
Reklamë