Sulmohet me vezë Vlora Çitaku, në mes të Amerikës

Periskopi.com Lajme

Ambasadorja e Kosovës në Uashington, Vlora Çitaku është sulmuar me veç.

Kjo ka ndodhur në “University of Denver”, në Colorado.

Ajo që e ka sulmuar është Blerta Avdili.

Për Periskopi.com ajo ka folur duke treguar se e ka sulmuar me 2 vezë të prishura, siç thotë ajo, për personin e ‘prishur’.

Vdili që është aktiviste për të drejtat e komunitetit LGBT e që ndodhej atje për një prezantim, shpjegon se e bëri ngase vlerëson se Vlora Çitaku është një nga aktoret më të mëdha që është e ngulitur në strukturën e dhunës në Kosovë.

“Ajo ka marrë pjesë në fushata në mbështetje  të komunitetit LGBT, por duke i përdorur ata e edhe duke përdorur edhe dobësinë e grave. Është një kriminele me taka të larta. E bëra atë sepse historia e plotë e Kosovës duhet  të dëgjohet nga bota-tregimi i njerëzve tanë po shkon duke u mbytur nga politikanët tanë të korruptuar derisa ata mbesin të integruar në dhunën strukturore”, thotë ajo për Periskopi.com

VLora Çitaku

Çitaku ia përmend Nikoliqit krimet serbe në Kosovë

Ambasadorja e Kosovës në SHBA, Vlora Çitaku, me të nisur fjalimin e saj në Këshillin e Sigurimit të OKB-së, ka shprehur ngushëllime për vdekjen e ambasadorit rus, Vitali Çurkin.

Periskopi.com Lajme

Më pas ajo ia ka numëruar presidentit serb, Tomislav Nikoliq, krimet e luftës të kryera në Kosovë, në veçanti ato në qytetin e Gjakovës, njofton Klan Kosova.

“Të gjitha vuajtjet që janë bërë ndaj kosovarëve, vrasjet dhe tjera nuk na kanë penguar në ndjekjen e fatit tonë”.

“Humaniteti është i aftë për realizimin e mrekullive. Koha ka ardhur që të ecim përpara. Duke dëgjuar rrëfime të vjetra me konsum të pajustifikuar”.

“Do ta përmendi çdo temë të ngritur në raport me përfaqësuesin special”, ka thënë Çitaku në mbledhjen e Këshillit të Sigurimit të OKB-së.

“Në vitin 1998 – 1999, janë vrarë 1665 civilë në qytetin e Gjakovës. 373 janë vrarë në më pak se një orë. Kurse kemi edhe tre mijë gra janë dhunuara, qindra janë të zhdukur, shtëpi, shkolla dhe vende fetare janë shkatërruar”, ka thënë Çitaku.

Ajo ka përmendur punën e kryetares së Komunës së Gjakovës, Mimoza Kusari për t’i akomoduar pakicat.

“Komuna ka investuar në rindërtimin e kishave. Kisha ortodokse në Gjakovë asnjë herë nuk është sulmuar”, pohoi Çitaku.

Çitaku ka falënderuar shtetin e Bangladeshit që njohu pavarësinë e Kosovës.

“Më lejoni t’ju them se Kosova është shtet i pavarur dhe sovran, e njohur nga pjesa dërmuese e shteteve të botës. Falënderoj edhe qeverinë dhe popullin e Bangladeshit që ka njohur sot Kosovën, por edhe Singaporin që njohu pavarësinë tonë në dhjetor”, ka shtuar Çitaku ndër tjera. /Klan Kosova

VLora Çitaku

Të mërkurën në OKB raporti për Kosovën

Më 16 nëntor Këshilli i Sigurimit i Kombeve të Bashkuara diskuton raportin e rregullt për Kosovën.

Periskopi.com Lajme

Kjo është bërë e ditur në agjendën javore të Kombeve të Bashkuara në të cilën saktësohet se në Ditën Ndërkombëtare të Tolerancës, “Në orët e paradites do të flitet për Lindjen e mesme, dhe pas dite Këshilli do të mbajë takimin për Misionin e Kombeve të Bashkuara në Kosovë.”

Gjatë kësaj seance ambasadorët e Këshillit të Sigurimit në debatet e tyre do të  përqendrohen mbi  zhvillimet e fundit në Kosovës sidomos rreth  ngecjes së procesit të dialogut të Brukselit mes Kosovës dhe Serbisë.

Aty do të flitet edhe për demarkacionin, krizën dhe paralizimin e institucioneve kosovare si dhe funksionalizimin e Gjykatës Speciale.

Zahir Tanin do të flas për zhvillimet kryesore si përfaqësues i sekretarit të përgjithshëm, dhe shef i UNMIKut, Serbia do të përfaqësohet nga niveli i lartë, ndërsa Kosovë nga ambasadorja Vlora Çitaku.

Raporti,  mbulon periudhën nga 16 korriku deri në 15 tetor 2016.

Për më shumë ndiqeni kronikën.