Grabitja spektakolare, dyshohet se autorët janë nga Kosova

Dhjetëra persona janë shoqëruar lidhur me grabitjen e javës së kaluar në Qafë-Kashar, ku persona ende të paidentifikuar vodhën paratë e një banke të nivelit të dytë. Të shoqëruarit janë persona që mund të kenë dijeni për ngjarjen, dhe janë pyetur lidhur me informacionet që kanë.

Periskopi.com Lajme

Mbrëmjen e së dielës shoqëroi mes të tjerësh edhe dy persona nga Lushnja të cilët rreth orës 13:00 të datës 9 shkurt, para se të ndodhte ngjarja, kanë qenë në aksin Tiranë-Rinas.

Lëvizjet e tyre në zonë janë identifikuar nga qelizat telefonike. Pas pyetjes për rrethanat policia ka liruar njërin prej tyre, ndërsa tjetri vazhdon të mbahet në Policinë e Tiranës.

Burime nga grupi hetimor thanë për ‘News24’ se të shoqëruarit nuk i është komunikuar ende asnjë akuzë. Ai vazhdon të mbahet në polici pasi nuk ka dhënë një arsye konkrete mbi motivin se pse kishte qenë në atë zonë ditën e ngjarjes. Të njëjtat burime thanë se pista kryesore e hetimit, e cila po ndiqet nga policia është se autorët e kësaj ngjarje janë shtetas kosovarë.

Edhe hetimet për ngjarjen e 3 dhjetor 2015 e çuan policinë drejt kësaj piste. Modifikimi i njëjtë i makinës me të cilën goditet blindin, mekanizmi i njëjtë, si edhe djegia e makinave ka çuar policinë në dyshimin që kemi të bëjmë me të njëjtin grup kriminal./Balkanweb/

Këshilltari i Shtëpisë së Bardhë: Kemi fakte për vjedhje masive votash

Këshilltari i Shtëpisë së Bardhë Stephen Miller ka bërë të ditur të dielën se administrata e Presidentit Donald Trump ka siguruar fakte të pakundërshtueshëm për vjedhje votash, të cilat mbështesin edhe pretendimin e fituesit të zgjedhjeve se për humbjen e votës popullore.

Periskopi.com Lajme

“Shtëpia e Bardhë ka siguruar fakte të shumtë për manipulimin e votave, me njerëz të regjistruar në më tepër se një shtet”, deklaroi Miller në emisionin “This Week” në televizionin ABC, me drejtuesin e njohur George Stephanopoulos.

“Kanë votuar njerëz të vdekur dhe jo rezidentë. George, ky është fakt dhe nuk mund ta mohosh dot që është një numër i madh personash jo shtetas të këtij vendi që janë regjistruar si zgjedhës”.

Stephanopoulos iu kundërvu duke i thënë se nuk po i tregonte asnjë provë për manipulimin.

“Na keni dhënë zero fakte për të mbështetur pretendimin e presidentit se do ta kishte fituar edhe votën popullore nëse nuk do të kishin votuar edhe 3 deri në 5 milionë imigrantë ilegalë”, tha Stephanopoulos. /The Hill

Pamje nga vjedhja e armatosur në lagjen e shqiptarëve në Maqedoni (Video)

Të maskuar në kokë, me pistoleta dhe kallashnikovë në duar, tmerri i vjedhjeve të armatosura është kthyer në Çair dhe në lagjet e banuara kryesisht me shqiptarë.

Periskopi.com Lajme

Ditë më parë, tre persona të maskuar dhe të armatosur – dy me kallashnikov dhe tjetri me pistoletë dhe qese në dorë, vodhën fitimin ditor të kompanisë për teknikë të bardhë “Neptun” që gjendet përballë stadiumit të klubit “Shkupi” në Çair.

Gazeta KOHA ka arritur të sigurojë pamjet e vjedhjes, ndërsa të njëjtit pasi kanë marrë fitimin ditor, kanë arritur të largohen nga vendi i ngjarjes. Për më shumë, ju ftojmë ta shikoni videon:

Shqiptari rrezikon jetën teksa përpiqet të parandalojë një grabitje në Athinë (Video)

Një shtetas shqiptar, për pak sa nuk ka humbur jetën gjatë një vjedhjeje spektakolare me armë, në një minimarket në qendër të kryeqytetit grek.

Periskopi.com Lajme

Në pamjet ekskluzive që ka siguruar televizioni shtetëror nga kamera e sigurisë, duket qartë momenti kur tre persona me maska, hyjnë në minimarket dhe me kërcënimin e armëve, shtyjnë klientët e paktë që ndodhen brenda në një cep duke u thënë të mos lëvizin dhe detyrojnë me force pronarin t’u japë paratë e xhiros ditore.

Ky i fundit në panik e sipër shtyp butonin e alarmit të cilin e dëgjojnë nga klubi i natës ngjitur dhe një prej punonjësve të tij, një shtetas shqiptar, identiteti i të cilit nuk bëhet i ditur, hyn në dyqan për të parë se çfarë po ndodh, raporton TCh.

Aty i gjendur ballë për ballë me një prej tre grabitësve, pasi dy të tjerët po merrnin paratë, përpiqet në fillim t’i rrëmbejë armën që ai ka në dorë dhe më vonë ta shmangë atë, kur sheh që personi i armatosur e kërcënon seriozisht dhe madje hap zjarr kundër tij.

Shtetasi shqiptar ka shpëtuar nga vdekja e sigurt pasi është përkulur dhe plumbi ka kaluar sipër kokës, në një prej vitrinave të dyqanit.

Tre hajdutet pas krismës, janë larguar menjëherë pasi kanë marrë mbi 1200 euro dhe disa telefona celularë, ndërsa policia që mbërriti më vonë në vendngjarje ende nuk ka mundur të zbuloje diçka për këtë akt kriminal.

 

 

Zbulohet identiteti i personit që u arrestua sot, i dyshuar për vjedhjen në shtëpinë e Kryeprokurorit (Foto)

Gjatë ditës së mërkure, Gazeta Blic ka raportuar se Policia e Kosovës ka arrestuar edhe një person si të dyshuar për vjedhje në shtëpinë e Kryeprokurorit, Aleksandër Lumezi, por informacionet e reja tashmë konfirmojnë edhe identitetin e plotë të tij.

Periskopi.com Lajme

Sipas burimeve të Gazeta Blic në Policinë e Kosovës, emri i personit të dyshuar për vjedhje në shtëpinë e kryeprokurorit është Leotrim Kaqiu.

GazetaBlic, përmes këtyre burimeve ka arritur gjithashtu të sigurojë edhe fotografin e të dyshuarit.

hajni

 

Ndryshe persona të panjohur kishin arritur të futeshin në shtëpinë e kryeprokurorit mëngjesin e hershëm të datës 22 nëntor të vitit të kaluar duke marrë vetëm një telefon “Samsung” të kryeprokurorit Lumezi.

Hajnat kishin arritur të thyenin dy dyer të shtëpisë edhe pse shtëpia ishte nën mbikëqyrjen e policisë për 24 orë.

Hajnat vjedhin lokalin në qendër të Ferizajt – 60 mijë euro dëme (VIDEO)

Hajnat kanë thyer pasmesnate lokalin “Ardi Fashion” në qendër të Ferizajt duke vjedhur materiale në vlerë prej 60 mijë eurosh.

Periskopi.com Uncategorized

Pa ndonjë nguti hajnat bënë punën e tyre për rreth 12 minuta në lokal.

Ata morën orët, syzet dhe gjërat e tjera të shtrenjta.

Me të mbushur dy çantat, grabitësit u larguan pa nguti.

Pronari i këtij lokali, Ardian Jaha, që u informua nga policia mëngjesin e së shtunës, tregoi se pas kësaj vjedhjeje është në rrezik që t’i falimentojë biznesi.

Për kthimin e mallit të vjedhur ai po shpreson shumë në punën e policisë.

Nga kjo e fundit, Zëvendës Drejtori i Rajonal, Besnik Shabani, bëri me dije se nuk ka akoma ndonjë të dyshuar me atë që i ngjau këtij biznesmeni.

Megjithëkëtë hetuesit janë duke e bërë intensivisht punën e tyre.

 

Vodhi 11 shishe me raki, arrestohet pejani

Një qytetar nga Peja është arrestuar pasi dyshohet se ka vjedhur 11 shishe me raki dhe një nxehëse elektrike.

Periskopi.com Lajme
Po ashtu sipas njoftimit të PK-së I dyshuari gjatë arrestimit ka kanosur tre zyrtarë  policorë.

“Është arrestuar i dyshuari mashkull K/Shqiptar, pasi që i njëjti dyshohet se ka vjedhur 11 shishe raki dhe një nxehëse elektrike pronë e viktimës mashkull K-Shqiptar, ndërsa gjatë arrestimit i dyshuari ka kanosur tre zyrtarë policorë”, thuhet në njoftim përcjell lajmi.net.

Me urdhër të prokurorit i dyshuari dërgohet në mbajtje.

Gjashtë të arrestuar për “vjedhje të rëndë” në Vushtrr

Policia në Vushtrri ka arrestuar gjashtë persona të dyshuar për veprën penale “vjedhje e rëndë”.

Periskopi.com Lajme

Rastet e vjedhjeve ishin raportuar ditë më parë në zonën e Vushtrrisë, njofton kumtesa nga Policia e Kosovës, transmeton Koha.net.

Cak i vjedhjeve, transmeton Koha.net, ishin disa shtëpi. Të dyshuarit, tashmë të arrestuar, përmes thyerjes me forcë, kishin depërtuar brenda në shtëpi dhe objekte përcjellëse, nga ku kishin vjedhur gjashtë motorë sharra.

Hetuesit policorë mbi dyshimet e ngritura dhe provat e siguruara me datën 4 dhjetor 2016 në Vushtrri, kanë identifikuar dhe kanë arrestuar gjashtë persona, mbi dyshime të bazuara për veprën penale “vjedhje e rëndë”. Deri më tani hetuesit policorë tek të dyshuarit kanë arritur që të gjejnë gjashtë motorë sharra.

Gjashtë të dyshuarve pas procedurave intervistuese nga ana e prokurorit të çështjes u është caktuar masa e ndalimit policor.

Ndaj gjashtë të dyshuarve është iniciuar procedurë për veprën penale “vjedhje e rëndë”.

Gruaja që vidhte nëpër dyqane, arrestohet në Suharekë

Pas një pune intensive Sektori i hetimeve të stacionit policor në Suharekë, ka arritur të identifikoj dhe të arrestoj dy të dyshuar L.M dhe A.K, lidhur me një rast Vjedhje të raportuar me 17/18.11.2016 në Librarin “EDORI” dhe në lokalin e tekstilit butiku “FASHON TASTE”.

Periskopi.com Lajme

Gjatë intervistimit e dyshuara L M ka pranuar se i ka kryer vjedhjet e raportuara po ashtu ka deklaruar se ka kryer vjedhje edhe në Prizren gjegjësisht në “VIVA Fresh”.

Lidhur me rastin është njoftuar Prokurori Shtetit dhe në konsultim me të e dyshuara L M ndalet në ndalim policor për 48 orë, ndërsa e dyshuara A K në cilësinë e drejtuesit te automjetit që e ka shoqëruar të dyshuarën, pas intervistimit me urdhër të prokurorit është liruar./ Periskopi

Lumezi nuk është kryeprokurori i parë që i vidhet shtëpia

Vjedhja në shtëpinë e Kryeprokurorit të Shtetit, Aleksandër Lumezi, është vjedhja më e freskët e shtëpisë së një zyrtari kaq të lartë të sistemit të drejtësisë në vend, megjithatë një kryeprokuror tjetër para Lumezit ishte viktimë e atyre që duhej t’i ndiqte penalisht.

Periskopi.com Lajme

Megjithëse nuk i kujtohet data e saktë, ish-kryeprokurori Hilmi Zhtia e mban mend shumë mirë se si e kishte gjetur shtëpinë e tij pasi ajo kishte qenë cak i hajnave.

Ish-kryeprokurori Zhitia thotë se shtëpia e tij në Prishtinë ishte vjedhur në natën e Vitit të Ri.

“Ngjarja ka ndodhur diku në vitin 2009 ose 2010, nuk më kujtohet saktë por e di që ka ndodhur pas pavarësisë. Ngjarja pati ndodhur në natën e Vitit të Ri, diku para orës 12. Përmes dritareve kanë hy dhe ne s’kemi qenë askush në shtëpi por kur jemi kthyer e tërë shtëpia ka qenë në rrëmujë”, tha Zhitia.

Zhitia gjithashtu tregon se rrëmuja e shkaktuar nga hajnat nuk ishte pasoja e vetme.

“Mua më patën vjedhur një revole me leje, një lap-top, pastaj ari. Revolja dhe lap-topi më janë kthyer pasi janë nxënë dhe dënuar hajnat ndërsa ari në vlerë diku mbi 7,000 mijë euro nuk më është kthyer asnjëherë”, tha Zhitia për KALLXO.com

Ish-kreu i prokurorisë në Kosovën e pavarur mban mend se ishin arrestuar tre persona të cilët ishin shpallur fajtorë dhe ishin dënuar për veprën e kryer.

Zhitia më pas duke ndërlidhur ngjarjen e tij me atë të kryeprokurorit aktual thotë se beson se asnjëra nga vjedhjet nuk kanë qenë të rastësishme.

“Unë mendoj se vjedhja në shtëpinë time nuk ka qenë e rastësishme. Vjedhje e rastësishme nuk besoj se ka qenë as vjedhja e ndodhur në shtëpinë e prokurorit (Lumezi)”, tha Zhitia për KALLXO.com.

Zhitia që tani ka ndërruar anë por ende merret me punë juridike në rolin e avokatit, thotë se për dallim nga shtëpia e Lumezit, shtëpia e tij nuk ka qenë e ruajtur nga policia e Kosovës.

Ndërsa lidhur me mesazhin që përçon në opinion një vjedhje e tillë, Zhitia thotë se kjo tregon se ky lloj kriminaliteti është shumë i përhapur në Kosovë.

“Edhe shtëpinë time në fshat ma kanë vjedhur mbi tre herë por asnjëherë nuk e kam bërë të madhe sepse se besoj që atje e kanë ditur se shtëpia e kujt ka qenë por ka qenë cak i lehtë pasi nuk ka banuar askush aty”, tha Zhitia.

Shtëpia e kryeprokurorit aktual, Aleksandër Lumezi ishte cak i hajnave dy ditë më parë, ndërsa ende nuk është arrestuar askush lidhur me këtë vjedhje.

Vidhet shtëpia e Aleksandër Lumezit

Një vjedhje ka ndodhur në rrugën “Xhevat Qena” në Prishtinë, në një shtëpi private. Për këtë rast në polici është ankuar një femër me inicialet B.L.

Periskopi.com Uncategorized

Por, Klan Kosova nga burime të saj merr vesh se kjo shtëpi është e kryeprokurorit të shtetit, Aleksandër Lumezi.

Rasti është konfirmuar edhe nga Policia e rajonit të Prishtinës. Ky incident ka ndodhur në orën 4 të mëngjesit dhe nga Policia është cilësuar si “vjedhje e rëndë”.

Në një njoftim për media thuhet se menjëherë pas marrjes së informatës, njësitet e nevojshme policore, kanë dalë në vendin e ngjarjes dhe aktualisht po vazhdojnë me ndërmarrjen e të gjitha veprimeve të nevojshme hetimore me qëllim të identifikimit të personit/ave të dyshuar si dhe ndriçimin e të gjitha rrethanave që kanë të bëjnë me rastin.

Vjedhje në prakingun e QKUK-së

Policia e Kosovës ka arrestuar një person pasi ai dyshohet se kishte vjedhur një kasetofon dhe baterinë nga një veturë.

Periskopi.com Lajme

Ngjarja ka ndodhur në prakingun e Qendrës Klinike Univeristare të Kosovës (QKUK).

Ndërsa, me urdhër të prokurorit i dyshuari dërgohet në mbajtje

Arrestohet dhe pranon se ka kryer vjedhje në shtëpizat malore në Prizren

Pas një pune intensive Sektori i hetimeve të stacionit policor në Prizren-Veri, ka arritur të identifikoj dhe të arrestoj të dyshuarin S. A. i datëlindjes 1997, lidhur me një rast Vjedhje e Rënde.

Periskopi.com Lajme

Gjatë intervistimit i dyshuari ka pranuar se i ka kryer edhe dy vepra penale të vjedhjes, këto të kryera në shtëpizat malore dhe Kaponavode.

Këto vepra i ka krye në bashkëpunim me dy shok.

Është njoftuar Prokurori i shtetit e me urdhër te cilit i dyshuari ndalohet për 48 orë ndërsa polica ka dorëzuar kallëzimin penal në prokurori.

Rasti vazhdon te hetohet nga njësitet përkatëse policore./ Periskopi