Ish-ambasadori Bosch: Kosovës është dashur t’i hiqeshin vizat

Periskopi.com Lajme

Robert Bosch, ish-ambasadori i Holandës tha se Kosovës duhej t’i hiqeshin vizat bashkë me Shqipërinë e Maqedoninë.

Ish-ambasadori i Holandës në Kosovë, Robert Bosch tha se Kosova është dashur ta merrte liberalizimin e vizave kohë më parë.

“Mund ta them këtë, se nuk jam më ambasador, sepse kur je ambasador nuk mund t’i thuash gjithmonë gjërat siç i mendon. Kosovës është dashur t’i jepej liberalizimi i vizave kohë më parë së paku në të njëjtën kohë me Shqipërinë e Maqedoninë”, tha ish-ambasadori holandez Bosch.

Këtë ai e tha gjatë një ligjërate të mbajtur në kolegjin ISPE për “Parandalimin e Migrimit të Parregullt”.

Valdet Hoxha, zëvendësministër i Punëve të Brendshme foli për emigrimin e qytetarëve të Kosovës në vitin 2014-2015 për të cilët tha se ishin diku rreth 70 mijë që kërkonin një jetë më të mirë.

“Në kohën të cilën po jetojmë, jo vetëm Kosova, po jetojmë në një botë dinamike ku në bazë të statistikave të fundit të organizatave botërore në fushën e migrimit, çdo i 33-i qytetar i botës është emigrant. Pra, kemi një dinamikë të re dhe mekanizmat tanë po i përshtaten kësaj dinamike”, tha Hoxha.

Hoxha përmendi se nga 70 mijë qytetarë të Kosovës që kanë emigruar nëpër vendet e BE-së, rreth 35 mijë janë kthyer.

“Kthimi i tyre po vazhdon, çdo muaj po kthehen nga 1000 mijë persona”, tregoi Hoxha.

Ndërsa Bosch foli edhe për angazhimin që në Kosovë t’i sjellë si investitorë kompanitë holandeze.

Ish-ambasadori holandez në Kosovë, Robert Bosch tha se sa ka qenë në Kosovë është përkujdesur që kompanitë holandeze të vijnë dhe të investojnë në Kosovë dhe se ka qenë e vështirë për t’i bindur që të vijnë dhe të investojnë këtu.

“Kompanitë holandeze kanë thënë që është e vështirë të investohet aty, sepse ata kërkojnë profit të menjëhershëm”, tha Bosch.

Shërbimi për natyralizim dhe Imigrim nga Ministria e Sigurisë dhe Drejtësisë në Holandë, Ministria Federale e Punëve të Brendshme të Austrisë dhe Agjencia Suedeze për Migrim së bashku me Ministrinë e Punëve të Brendshme kanë qenë partnerë të projektit “Fuqizimi i Institucioneve të Kosovës në Menaxhimin Efektiv të Migrimit” kohëzgjatja e të cilit është 30 muaj, nga 1 marsi i vitit 2016 deri më 31 gusht të vitit 2018.

Ky projekt synon që në aspektin më afatgjatë të kontribuojë në forcimin e kapaciteteve institucionale të Kosovës në fushën e migracionit dhe azilit.

Prioritet u është dhënë ndërtimit të kapaciteteve në institucionet e Kosovës që merren me migracionin e përzier, azilin, parandalimin e migrimit të parregullt, ri-integrimin e të kthyerve dhe migracionin e rregullt./Kallxo.com

Reklamë
Reklamë

Qytetarë të dorës së dytë

Periskopi.com Lajme

Është bërë gati një vit prejse Komisioni Evropian ka miratuar propozimin për liberalizimin e vizave për Kosovën gjatë muajit maj të vitit 2016. Por, pavarësisht këtij rekomandimi, që gëzoi pa masë qytetarët, ata ende po vazhdojnë të jenë populli më i izoluar në Evropë.

Stepja e kosovarëve të kalojnë lirshëm nëpër zonën Schengen po bëhet për shkak të mosratifikimit të Marrëveshjes për Demarkimin e Kufirit mes Kosovës e Malit të Zi, shkruan sot, gazeta Zeri.

Po bëhet afër një vit prejse Komisioni Evropian ka miratuar propozimin për liberalizimin e vizave për Kosovën gjatë muajit maj të vitit 2016. Por, pavarësisht këtij rekomandimi që gëzoi pa masë qytetarët ata ende po vazhdojnë të jenë populli më i izoluar në Evropë.

Stepja e kosovarëve të kalojnë lirshëm nëpër zonën Schengen po bëhet për shkak të mosratifikimit të Marrëveshjes për Demarkimin e Kufirit mes Kosovës e Malit të Zi. Është Demarkacioni, kusht ky i vënë nga BE-ja, që po i torturon kosovarët çdo ditë nëpër dyert e ambasadave.

Në ditët e caktuara për termine vizash radhët para ambasadave në Prishtinë vazhdojnë të jenë të gjata. Në çfarëdo kushtesh atmosferike, edhe në shi e në borë, qytetarët, nga të gjitha komunitetet që jetojnë në Kosovë, rreshtohen për një termin për një vizë që ua mundëson daljen në Evropë.

Shumë prej tyre aplikojnë për bashkim familjar, procedurë kjo më e gjatë dhe më e komplikuar, të tjerë për një vizë punë, vizë studentore apo edhe vizë turistike.

Reklamë
Reklamë

Vendet ku kosovarët nuk kanë nevojë për viza

Periskopi.com Lajme

Shtetasit e Republikës së Kosovës mund të udhëtojnë pa viza në Shqipëri, Turqi, Maqedoni, Mal të Zi, Serbi dhe Ishujt Maldive.

Për të udhëtuar në vende tjera, shtetasve kosovarë iu lëshohet viza në Ambasadat e këtyre vendeve ose në Ambasadat përgjegjëse për lëshimin e vizave përkatëse.
Nëse vendi në të cilin do të udhëtojë shtetasi i Kosovës nuk ka Ambasadë të akredituar në Kosovë, ose Ambasada e akredituar nuk bën lëshimin e vizave, atëherë pajisja më vizë mund të bëhet në Ambasadën më të afërt të atij vendi.

Ambasadat dhe zyrat diplomatike të cilat lëshojnë viza për shtetasit kosovarë në Republikën e Kosovës janë: 

–    Ambasada Bullgare në Prishtinë 
–    Ambasada Britaneze në Prishtinë
–    Ambasada Finlandeze në Prishtinë
–    Ambasada Gjermane në Prishtinë 
–    Ambasada Hungareze në Prishtinë
–    Ambasada Italiane në Prishtinë
–    Ambasada Kroate në Prishtinë
–    Ambasada Norvegjeze në Prishtinë (bëhet lëshimi i vizave edhe për Danimarkë) 
–    Ambasada Sllovene në Prishtinë ( bëhet lëshimi i vizave edhe për Latvi) 
–    Ambasada Zvicrane në Prishtinë (bëhet lëshimi i vizave edhe për Austri dhe Francë)
–    Zyra Diplomatike Belge (bëhet lëshimi i vizave edhe për Holandë dhe Luksemburg) 
–    Zyra Ndërlidhëse Greke në Prishtinë 
–    Zyra Ndërlidhëse Kineze në Prishtinë
–    Zyra Ndërlidhëse Sllovake në Prishtinë

Disa nga ambasadat të cilat lëshojnë viza për shtetasit kosovarë në shtetet fqinje dhe regjion: 

–   Ambasada Amerikane në Shkup, MAQEDONI
–   Ambasada Çeke në Shkup, MAQEDONI    
–   Ambasada Suedeze në Shkup, MAQEDONI 
–   Ambasada Rumune në Shkup, MAQEDONI 
–   Ambasada Polake në Tiranë, SHQIPËRI ose Shkup, MAQEDONI
–   Ambasada e Arabisë Saudite në Tiranë, SHQIPËRI dhe Shkup, MAQEDONI
–   Ambasada Izraelite në Ankara, TURQI dhe në Beograd, SERBI
–   Ambasada Indiane në Beograd, SERBI 

*Rekomandohet që para udhëtimit shtetasit të marrin informacionin pranë Ambasadës ose Ministrisë së Punëve të Jashtme të shtetit të destinacionit lidhur me procedurat e pajisjes më vizë.

Burimi: Ministria e Punëve të Jashtme e Republikës së Kosovës

Reklamë
Reklamë

Danimarka mbështet liberalizimin e vizave për Kosovën

Periskopi.com Lajme

Pas përfundimit të vizitës zyrtare në Norvegji, shefi i diplomacisë kosovare, Enver Hoxhaj po qëndron për një vizitë tjetër zyrtare në Mbretërinë e Danimarkës, ku të mërkurën është pritur nga ministri i Jashtëm i këtij shteti, Komisioni për Punë të Jashtme i Parlamentit danez dhe përfaqësuesit e Konfederatës së Industrisë.

Në këto takime janë diskutuar çështje që ndërlidhen me interesin dypalësh të të dyja vendeve, ndërkohë që nga përfaqësuesit e Danimarkës është ri-theksuar mbështetja për Kosovën mbi procesin e liberalizimit të vizave, anëtarësimin e Kosovës në organizata ndërkombëtare, si dhe thellimi i bashkëpunimit ekonomik bilateral, me theks të veçantë në shikimin e mundësive për organizimin e një forumi të investimeve në mes dy vendeve.

“Gjatë takimit me ministrin e Jashtëm, me deputetë të Parlamentit danez, si dhe me përfaqësues të qeverisë kemi biseduar për procesin e liberalizimit të vizave për qytetarët e Kosovës ku mbështetja e Danimarkës është e madhe dhe e mirëfilltë, sikurse edhe për anëtarësimin e Kosovës në organizata të ndryshme ndërkombëtare”, ka thënë Hoxhaj.

Ai ka shfaqur besimin se viti 2017 do të përcillet me anëtarësime dhe suksese konkrete.

Reklamë
Reklamë

Lotaria amerikane, Ambasada e SHBA-ve ka një njoftim të rëndësishëm

Ambasada e SHBA-ve në Tiranë bën me dije se në lidhje me përgjigjet për lotarinë nuk do të njoftoheni përmes postës elektronik, por duhet të bëni vetë kërkim në faqen e departamentit të shtetit.

Periskopi.com Lajme

Miq, ju lutem mos harroni: Departamenti Amerikan i Shtetit nuk do t’ju kontaktojë nëpërmjet postës elektronike për t’ju njoftuar nëse ju jeni përzgjedhur për lotarinë DV-2018 apo jo; ju duhet të hyni në dvlottery.state.gov duke filluar nga 2 maji 2017 për të mësuar nëse ju jeni përzgjedhur.

Kenny dhe unë sapo kemi zbuluar disa emaile të rreme, si më poshtë. Ju lutemi shpërndajini ato me miqtë tuaj dhe tregojuni atyre që emaile të tilla janë të rreme! Nëse ju vijnë të tilla emaile, injorojini ato! Le të mbrojmë veten nga mashtrimet e Vizave të Lotarisë!

“Friends, please remember, the U.S. Department of State ëill never contact you via email regarding ëhether you ëere selected for the DV-2018 or not; you have to enter at dvlottery.state.gov starting on May 2, 2017 to learn if you ëere selected. Kenny and I just discovered some fake emails beloë. Please share these ëith your friends, and tell them the emails beloë are fake! If you receive them, ignore them! Let’s protect ourselves from Diversity Visa fraud!

Reklamë
Reklamë

Lista Serbe e gatshme ta votojë Demarkacionin me Malin e Zi, kanë arsye pse

Kryetari i Listës serbe, Slavko Simiq ka marrë pjesë sot në mbledhjen e Kryesisë së Kuvendit të Kosovës.

Periskopi.com Lajme

Simiq pas mbledhjes së Kryesisë tha se ata kanë marrë vendim që t’i kthehen punës në kuvend, në mënyrë që ta votojnë Demarkacionin me Malin e Zi, në mënyrë siç tha ai që qytetarët të mos mbesin të izoluar.

“Kjo për hir të qytetarëve që të mos mbeten të izoluar”, ka thënë Simiq.

Kryetari i Listës serbe kërkoi edhe formimin e Asociacionit të komunave serbe. Ai po ashtu tha se do të kundërshtojnë çdo proces ose ligj që është në kundërshtim me interesat e serbëve.

Reklamë
Reklamë

Edhe Kosova lëshon viza, mësojeni sa të tilla dha vitin që shkoi

Edhe Kosovës lëshon viza, mësojeni sa të tilla dha vitin që shkoiikur çdo kosovarë që aplikon për t`u pajisur me vizë në njërën nga vendet e zonës Schengen apo të ndonjë vendi tjetër, njësoi janë procedurat edhe për shtetasit e botës që dëshirojnë të pajisen me viza të Kosovës.

Periskopi.com Lajme

Autoritetet e Republikës së Kosovës nga janari 2016 deri në fund të këtij viti, kanë lëshuar 924 viza për shtetasit e huaj, që dëshirojnë të vizitojnë Kosovën.

Kështu ka bërë të ditur Ministria e Punëve të Brendshme, e që kjo ministri ka treguar edhe numrin e përgjithshëm të të huajve që kanë kërkuar viza për këtë vit.

Ata thonë se që nga fillimi i vitit 2017 e deri më tani kanë kërkuar gjithsej 169 persona të huaj, vizë për në Kosovë, shkruan Gazeta Monitor.

MPB po ashtu ka bërë të ditur se në aplikimin e vizave përfshihen: dëshmia për qëllimin e qëndrimit në Republikën e Kosovës, rezervimi i itinerarit të udhëtimit, mjetet financiare të mjaftueshme për mbulimin e shpenzimeve të qëndrimit, sigurimin shëndetësor me mbulesë minimale prej 30 mijë eurosh dhe raportin e xhirollogarisë bankare për gjashtë muajt e fundit.

Vizat kryesisht refuzohen shkaku i qëllimit të vizitave të shtetasve të huaj apo edhe për shkak të gabimeve në plotësimin e dokumentacionit.

Arsyet për të cilat deri tani më së shumti janë dhënë viza për shtetasit e huaj janë turistike, vizita zyrtare dhe vizita të thjeshta miqësie.

MPB në anën tjetër ka bërë të ditur nga të dhënat zyrtar, se Kosova nuk përmban regjim vizash me asnjë shtet të BE-së.

Ndryshe, Kosova është vendi i vetëm në mesin e 50 milionë qytetarëve në regjionin e Ballkanit Perëndimor ndaj të cilit Bashkimi Evropian aplikon regjimin e vizave.

Reklamë
Reklamë

Deputeti i PDK-së thotë se Qeveria gaboi që pranoi demarkacionin si kusht për viza

Demarkacioni si kusht për liberalizimin e vizave nuk është dashur të pranohet. Kjo sipas deputetit të PDK-së, Besim Beqaj ka qenë e mundur të bëhet nga Qeveria.

Periskopi.com Lajme

Beqaj theksoi se ndonëse si kundërshtim ishte i mundur, ky ishte një lëshim nga Qeveria.

“Unë mendoj se ka qenë gabim i Qeverisë tonë për ta vënë si kusht”, ka thënë Beqaj.

Beqaj thotë se Qeveria kishte mundësi që ta kundërshtonte por nuk e bëri.

“Është mundur dhe besoj se këtu ka qenë lëshim dhe ky lëshim është bërë mbi bazën e ndoshta idesë së mirë se është mirë m’i përcaktu kufijtë dhe është shumë e rëndësishme për ne që t’i përcaktojmë ata kufij”, ka thënë ai.

Beqaj sheh konsensusin politik si zgjidhje të problemeve me të cilat përballet sot vendi.

“Pa hatër-mbetje dhe pa kalkulime politike duhet të bëhen temat e mëdha”, përfundoi ai.

Reklamë
Reklamë

Çfarë po ndodh në PDK? Zenun Pajaziti thotë se demarkacioni nuk është kusht i BE-së

Shefi i grupit parlamentar të PDK-së Zenun Pajaziti ka thënë se marrëveshja e Demarkacionit me Malin e Zi nuk është kërkesë e Bashkimit Evropian si kusht për liberalizimin e vizave.

Periskopi.com Lajme

Këto deklarime Pajaziti i dha në Zona B të Klan Kosovës, teksa shtoi se kufijtë janë përmendur edhe në vitin 2009-të, në çështjet që janë ngritur në ‘’Planin e Ahtisarit’’.

“Nuk mund të gjykohet nëse kjo Qeveri nuk merr vendime. Kjo është një marrëveshje ndërkombëtare.  Çështja në Kosovë e liberalizimit të vizave nuk varet nga qëndrimi im. Opozita nuk mund të hiqet nga ajo që ka bërë. Procesin e pikës kufitare, marrëveshjes së Demarkacionit e kemi neglizhuar të gjithë”, tha ai.

“Në vitin 2009 unë kam qenë pjesë e Qeverisë e ku fare nuk është përmend liberalizimi i vizave. E kemi bërë një udhërrëfyes për detyrat që mund të na ishin dhënë sepse kemi thënë se jemi të gatshëm t’i përmbushin. Kur ka filluar procesi, tek ne (Kosova)  ka pasur disa kritere politike shtesë për liberalizimin. Por kriteret negociohen”, tha Pajaziti

“Atëherë nuk besoj që është parë kaq komplekse kjo ku do të vinte koha që s’do të mund ta ratifikojmë këtë marrëveshje”.

“E para ky kriter nuk është kërkesë e Bashkimit Evropian, ka qenë kërkesë edhe atëherë kur nuk kemi qenë pjesë e udhërrëfyesit, po e them me përgjegjësinë e plotë”.

“Në 2009 më është përmend kufiri dhe kriteret dhe çështjet që ka ngrit Ahtisari në pako. Para se të jetë në udhërrëfyes”.

“Nuk dua të arsyetoj ndoshta mund të kishte diçka më shumë. Nuk dua të jem aq komod e të themi se e kemi kërkuar ne marrëveshjen për Demarkacionin”, ka përfunduar Pajaziti, njofton Klan Kosova.

Reklamë
Reklamë

Bosnja del pro liberalizimit të vizave për Kosovën

Ministri i Punëve të Jashtme i Bosnjë e Hercegovinës (BeH), Igor Crnadak ka deklaruar se vendi i tij është i gatshëm të liberalizojë regjimin e vizave me Kosovën dhe të mundësojë lëvizjen e lirë të njerëzve dhe mallrave.

Periskopi.com Lajme

Në një prononcim për Anadolu Agency, ai thekson edhe pse nuk do të ketë njohje të Kosovës “sigurisht jo deri në fund të këtij mandati”, liberalizimi i vizave është i rëndësishëm.

“Pra, ne duam liberalizim të regjimit të vizave që tani ekziston midis nesh dhe Prishtinës. Duam që tregtia e jashtme të jetë më intensive, që njerëzit të lëvizin lirshëm, që njerëzit të kenë më shumë kontakte që jeta të ketë rrjedhën normale. Edhe pse nuk do të ketë njohje të Kosovës, sigurisht jo deri në fund të këtij mandati, gjithsesi shpresoj të ketë përmirësim të disa prej këtyre çështjeve normale të jetës, brenda të cilave zhvillohen marrëdhënieve ekonomike dhe marrëdhëniet tjera”, tha Crnadak.

Ministri i Jashtëm i BeH-së, tha më tej se një vit më parë kishin iniciuar një nismë për të cilën ndërkohë njëzëri solli vendim edhe Këshilli i Ministrave të BeH-së, që të liberalizohet regjimi i vizave, por kjo të bëhet me ndërmjetësimin e Komisionit Evropian, sepse sipas tij, BeH nuk ka marrëdhënie diplomatike me Kosovën.

“Mirëpo ne nuk kemi marrë përgjigje nga pala kosovare. Në një nga takimet kohë më parë, homologu nga Prishtina, Enver Hoxhaj tha se së shpejti do të vijë përgjigja e tyre. Jemi duke e pritur. Kur të vijë, do të harmonizojmë afatet për të mbajtur atë takim ekspertësh. Mendoj se njerëzit do të duhet të marrin vizat në rrugë të lehtë dhe të udhëtojnë nga territori i Kosovës në BeH dhe anasjelltas. Ajo që shërben si një tregues i vullnetit tonë të mirë, vullnetit të sinqertë është se prej kur unë jam ministër nuk kemi refuzuar as një qytetar të vetëm i cili ka aplikuar për vizë nga territori i Kosovës”, tha Crnadak.

Reklamë
Reklamë

Nga 1 prilli shqiptarët udhëtojnë pa viza në këtë shtet të Evropës

Nga 1 prilli, shqiptarët do të mund të udhëtojnë pa viza në një tjetër shtet në Evropë.

Periskopi.com Lajme

Bëhet fjalë për një marrëveshjes mes Shqipërisë dhe Ukrainës. Konsulli i Përgjithshëm i Ukrainës në Mynih, Vadym Kostiuk ka bërë me dije se nga 1 prilli hyn në fuqi marrëveshjes mes dy vendeve.

“Më 1 prill 2017, hyn në fuqi marrëveshja midis Këshillit të Ministrave të Ukrainës dhe Këshillit të Ministrave të Republikës së Shqipërisë, për anulimin e ndërsjellë të kërkesave për viza, e nënshkruar në Tiranë më 4 nëntor 2016”, shkruan në Facebook Kostiuk.

Sipas marrëveshjes, shqiptarët mund të hyjnë në Ukrainë me pasaportë dhe kanë të drejtë të qëndrojnë në atë territoror për 90 ditë. E njëjta gjë vlen edhe për shtetasit e Ukrainës që do të vizitojnë vendin tonë.

 

Reklamë
Reklamë

Vetëvendosje flet pas deklaratave të Mogherinit për demarkacionin dhe vizat

Lëvizja Vetëvendosje nuk ndryshon qëndrim pavarësisht deklaratave të përfaqësueses së Lartë për Politikë të Jashtme dhe Siguri, Federica Mogherini, që tha se duhet votuar Demarkacioni në mënyrë që të bëhet liberalizmi i vizave për kosovarët.

Periskopi.com Lajme

Madje, ky subjekt flet edhe për ofendimet që një ditë më parë u bënë në Qeverinë e Kosovës ndaj atyre që nuk votojnë demarkacionin.

Deputetja e VV-së, Puhie Demaku tha për Periskopi.com se këto dy tema nuk janë aspak risi për ta.

Sipas saj, Qeveria po e shtyn para një proces që shihet qartë që është i dëmshëm ndërsa BE-ja po shtynë para agjendën për shkaka të rajonit, e që sipas saj, kjo agjendë ndikohet shumë nga Serbia.

“Është thënë që do të ketë pasoja ligjore por deputetët nuk mund të ndodh. ATy jemi zgjedhur nga populli që të veprojmë në të mirë të tyre dhe vendit. Kjo nuk është asgjë e re. Qeveria po qon para një proces që qartë është i gabuar dhe i dëmshëm e kanë thënë të gjithë, e edhe ekspertët dhe shoqëria civile”, tha ajo për Periskopi.com

Ndërsa tha se nuk do e votojnë Demarkacionin pavarësisht deklaratave të Mogherinit.

“Jo nuk ndryshojmë qëndrimin. BE-ja po shtyn  para agjendën për shkak të rajonit dhe qasjen që ka ndaj rajonit, në të cilën Serbia po ndikon shumë. Meqë ajo e tha se duhet veprojmë për të mirën e qytetarëve, ne nuk pranojmë ë humbin territor kur dihet se liberalizmi i vizave nuk garanton as shkollim jashtë vendit e as punësim, thjeshtë mundëson lëvizje të lirë si turist”, tha Demaku./ Periskopi

Reklamë
Reklamë

Mogherini: Votojeni demarkacionin, zhbllokojeni liberalizmin e vizave (Video)

Federica Mogherini, përfaqësuesja e lartë e BE-së për punë të jashtme dhe politika të sigurisë ka folur për demarkacionin.

Periskopi.com Lajme

Ajo ka kërkuar që ai të votohet në mënyrë që të bëhet pastaj liberalizmi i vizave që qytetarët e Kosovës, raporton periskopi

Mogherini ka thënë se që nga viti i kaluar është shumë e qartë se janë dy kushte për Kosovën, para se liberalizmi i viza të kalohet te Këshilli dhe Parlamenti Evropian.

Luftimi i korrupsionit dhe krimit të organizuar si kusht i parë, që sipas saj, tashmë po bëhet, dhe ratifikimi i marrëveshjes për demarkacionin me Malin e ZI, e që sipas saj, kjo duhet të ndodh sa më shpejt.

Mogherini tha qytetarët e Kosovës meritojnë të lëvizin lirshëm, por nuk meritojnë që të ketë mungesë konsensusi politik, raporton Periskopi.

“Nëse Kuvendi e procedon demarkacioni ne jemi në gjendje të ecim shumë shpejt përpara me rezultate shumë konkrete”, tha ajo.

“Propozimi ka qenë i qartë; dy kushte; Kosova të përmirësoj luftimin e krimit dhe korrupsionit, që këtu është bërë progres. Ndërsa, kushti i dytë ka qenë dhe është ratifikimi i Demarkacionit  e këtu nuk ka lëvizur asgjë. Është koha që ta votoni dhe të ecim para, kjo do e zhbllokoj liberalizimin e vizave”, tha Mogherini, raporton periskopi

Ajo ka shprehur bindjen se liderët politik, deputetët dhe të gjithë të tjerët që kanë në dorë këtë proces, do të ndalen të mendojnë për të mirën e qytetarëve të Kosovës.

“Besoj se të gjithë ata do gjejnë një mënyrë të pajtohen dhe ratifikojnë këtë marrëveshje në Kuvend. Populli i Kosovë i do dhe i meriton liberalizimin e vizave”, tha ajo.

Foli edhe për urën në Mitrovicë ku pritet që sot do ta vizitoj.

Nuk ka dhënë orën e qëndrimit, por Mogherini tha se ajo urë do të lidh qytetarët tash e tutje, e aspak nuk do të bëjë ndarje.

Kujtoi marrëveshjet që janë bërë në Bruksel dhe tha se qytetarët e Mitrovicës do të lëvizin lirshëm.

 

Reklamë
Reklamë

Mustafa e aprovoi matjen e territorit, nuk tregon kur dërgohet në Kuvend

Kryeministri i Kosovës, Isa Mustafa ka shkruar sërish, pas disa orësh që Qeveria ka aprovuar Raportin e ekspertëve për matjen e territorit të Republikës së Kosovës.

Periskopi.com Lajme

Ai thotë se raporti konstatoi se sipërfaqja e Kosovës nuk ka ndryshuar për asnjë metër katror si pasojë e Marrëveshjes për shënimin e vijës kufitare me Malin e Zi.

Sipas tij, ky Raport është një dëshmi për këtë gjeneratë dhe për gjeneratat e ardhshme se Kosova nuk kemi humbur territor dhe, po ashtu, në mënyrë të qartë tregon përkushtimin e kësaj Qeverie që të pasqyrojë faktet e drejta para qytetarëve tanë dhe për ta mbrojtur dhe dëshmuar çdo pëllëmbë të këtij vendi.

“Qeveria e Republikës së Kosovës nuk ka bërë pazare me territorin e saj për liberalizim të vizave, ashtu siç nuk do të lejojë të cenohet asnjë pëllëmbë e këtij territori. Për mua si Kryeministër i Kosovës është me rënësi të veçantë se Komisioni i ekspertëve ka konstatuar të vërtetën për territorin e Kosovës. Mbetem shumë i përkushtuar që Kuvendi i Republikës së Kosovës të ratifikojë Marrëveshjen për Shënimin e Vijës Kufitare me Malin e Zi, sepse e konsideroj tepër të dobishme për vendin dhe qytetarët tanë, por vendimi për këtë i takon Kuvendit të Republikës së Kosovës në një proces të ardhshëm. IM”, shkruan Mustafa./ Periskopi

 

Reklamë
Reklamë

‘Hashim Thaçi po mashtron për vizat, po bënë presion që ta kaloj Demarkacionin!’

Përfaqësuesit e opozitës konsiderojnë se deklarata e Hashim Thaçit që nëse miratohet demarkacioni menjëherë do të ndodhë liberalizimi i vizave për Kosovë, është një mashtrim.

Periskopi.com Lajme

Deputetja e Lëvizjes Vetëvendosje, Shqipe Pantina ka theksuar për Gazetën Blic se “këto janë deklarata dëshpëruese të Thaçit i cili po përpiqet me çdo formë të bëje presion për kalimin e marrëveshjes se demarkacionit, të cilën  ai vet e ka nënshkruar”.

Sipas saj, Kosova natyrisht se duhet t’i ketë të  përcaktuara vijat kufitare me te gjithë fqinjët e saj përfshi Malin e Zi.

Por, shton ajo kjo marrëveshje duhet rishikuar dhe në  ato pjesë ku Kosova humb territor, të  korrigjohen ashtu siç ka qenë kufiri administrativ para shpërbërjes se Jugosllavisë.

Ndërsa, sekretari i Nismës për Kosovën, Bilall Sherifi thotë për Gazetën Blic se Thaçi është i fundit që ka të drejtë të flasë për  afatet e liberalizimin e vizave.

Sipas tij, Thaçi sa i përket afateve asnjëherë nuk ka qene i saktë me qellim a pa qellim.

“Ai në vitin 2010 ka deklaruar se liberalizimi i vizave do të ndodh për 15 muaj, dhe kanë kaluar me vite e nuk janë realizuar këto premtime. Sa here Thaçi flet për viza dijeni që nuk janë informata kredibile”, thotë Sherifi.

Sipas tij, Thaçi synim ka vetëm që ta kaloj demarkacionin që e ka nënshkruar, dhe në ketë mënyrë po i bën shantazh deputetëve.

“Nuk duhet të merren seriozisht deklaratat që Thaçi i bën për viza”, thotë Sherifi për Gazetën Blic.

Kurse analistët politik konsiderojnë se Thaçi e ka ekzagjeruar me deklaratat për liberalizimin e vizave.

“Deklarata e Presidentit Thaçi se po nuk kaloi demarkacioni tani qytetarët e Kosovës do të presin me dekada për lëvizje të lirë patjetër se është një hiperbolizim për të vënë nën presion deputetët dhe shoqërinë. Është shpërthim nervoz i një presidenti që nuk respekton demokracinë, demosin, të drejtën autonome në vendosje të deputetëve”, ka theksuar analisti politik, Jon Leka në një deklaratë të dhënë për Gazeta Blic.

Sipas Jon Lekës, kjo kampanjë nuk i takon atij.

“Është çështje e qeverisë. Ai duhet të thotë mendimin dhe të lusë por jo të kërcënohet për gjëra që nuk janë në duart e tij”, tha ai.

Leka shton se, nga ana tjetër tashmë është e vërtetë se pa rregullimin e demarkacionit nuk ka lëvizje të lirë.

“Për shkak të fajit të qeverive Thaçi – Mustafa qytetarët janë vënë në një pashtegësi të panevojshme që në diktat të vendosin për diçka që s’duan”, tha ai.

Reklamë
Reklamë

Thaçi garanton: Nëse kalon demarkacioni, viza pas disa muajsh

Presidenti i Kosovës, Hashim Thaçi ka folur gjatë për Demarkacionin e Kosovës me Malin e Zi e edhe për liberalizmin e vizave.

Periskopi.com Lajme

Në një intervistë për Klan Kosova, garantoi atë që deri sot nuk e bëri askush,

Tha se nëse votohet demarkacioni brenda pak muajsh bëhet liberalizmi për Kosovën, e nëse nuk votohet, sipas tij, liberalizmi mund të mos ndodh për shumë vite apo edhe dekada.

“Unë kam garanci nga zyrtarët e Bashkimit Evropian që liberalizmi i vizave do të ndodh. Unë zotohem që liberalizimi do të ndodh brenda pak muajsh me zotimin e zyrtarëve të BE-së. Nëse nuk votohet Demarkacioni, më vjen keq të them se liberalizmi do të shtyhet për vite apo dekada”, tha ai./ Periskopi

 

Reklamë
Reklamë

Ministrja e Integrimeve nuk garanton viza nëse kalon demarkacioni (Video)

Ministrja e Integrimeve Evropiane, Mimoza Ahmetaj nuk ka garantuar se pas ratifikimit të demarkacionit me Malin e Zi, Kosovës do i hiqet regjimi i vizave.

Periskopi.com Lajme

Ahmetaj në emisionin “Republika”  ka folur për çështjen e demarkacionit dhe liberalizimit të vizave.

E pyetur nëse do të votohej demarkacioni këtë vit, a do të kishim liberalizim vizash për qytetarët e vendit.

Ajo u shpreh se për këtë nuk mund të përcaktoj afate kohore apo ndonjë datë eventuale se kur do të ndodh liberalizimi i vizave, por ambicia e tyre si qeveri është që ta realizojnë këtë gjë.

 

Reklamë
Reklamë

Thaçi thotë se Brukseli pret ratifikimin e demarkacionit për heqjen e vizave

Presidenti i Kosovës, Hashim Thaçi në një takim me Përfaqësuesen e Lartë të BE-së, Federica Mogherini, ka thënë se Brukseli pret që Kosova të përmbush kushtin e fundit: ratifikimin e demarkacionit me Malin e zi që të liberalizohen vizat.

Periskopi.com Lajme

Thaçi ka takuar Mogherinin në kuadër të Konferencës së Sigurisë në Munich. Ai ka biseduar me Përfaqësuesen e Lartë për zhvillimet në Kosovë dhe në Ballkan.

“U pajtuam se Kosova ka bërë hapa të mëdhenj në politikë, ekonomi dhe sundim të ligjit, ndërsa në rajon është promovuese e paqes dhe dialogut”, ka shkruar Thaçi në Facebook.

“Për çështjen konkrete të liberalizimit të vizave, Brukseli tani pret që Kosova të përmbushë edhe kushtin e fundit, atë të ratifikimit të demarkacionit me Malin e Zi, që kosovarët të mund të udhëtojnë pa viza në zonën Shengen”, ka shkruar ai.

Reklamë
Reklamë

Ministrja e Integrimeve: Nuk ka datë për liberalizim vizash, ajo varet nga BE

Ministrja e Integrimeve Evropiane, Mimoza Ahmetaj, ka thënë se Kosova e ka të përcaktuar drejt rrugën e saj për integrime evropiane.

Periskopi.com Lajme

“Institucionet e Kosovës, janë mjaft të përkushtuara për integrimet evropiane. Sot në Kuvendin e Kosovës, pati debat për agjendën evropiane dhe kjo tregon përkushtimin për rrugëtimin tonë”, ka thënë ajo në një intervistë për transmetuesin publik.

Sipas saj çështja e liberalizmit të vizave është shumë e rëndësishme për Kosovën dhe qytetarët e saj. “Detyrat tona kanë të bëjnë me çështjet teknike, pjesa tjera varet prej 28 shteteve dhe institucioneve të saj. Nuk duhet që të flasim për data pasi që varet nga BE-ja”, ka thënë ajo.

Ahmetaj e ka vlerësuar pozitiv edhe rënien e numrit të azilkërkuesve kosovar në vendet e BE-së.

“Kosova më nuk është në mesin e 10 shteteve që qytetarët e saj kanë kërkuar azil në Bashkimin Evropian”, ka thënë ajo.

Sipas saj nuk duhet harruar se edhe këtë vit në disa shtete të rëndësishme evropiane do të mbahen zgjedhjet, si në Gjermani, Francë etj.

“Nga përvoja që kam dhe kontaktet që i kam me Brukselin do të bëj të çdo gjë që Kosova të ec drejt integrimeve evropiane. Kosova dhe populli i saj kanë synim integrimin evropian dhe anëtarësimin në NATO’, ka thënë ajo.

Reklamë
Reklamë

Apostolova: Ratifikimi i demarkacionit mbetet kusht për liberalizim më 2017 (Video)

Shefja e zyrës së BE-së mirëpret miratimin e agjendës për reforma evropiane.

Periskopi.com Lajme

Shefja e zyrës së Bashkimit Evropian në Prishtinë, Natalia Apostollova, ka mirëpritur miratimin e Agjendës për reforma evropiane.

Në një intervistë në RTV 21, ajo ka ripërsëritur se ratifikimi i marrëveshjes për shënjimin e vijës kufitare midis Kosovës dhe Malit të Zi është kusht i menjëhershëm për liberalizimin e vizave.

 

 

Reklamë
Reklamë