Kryetari i VV-së: Jam për një ligë dhe për një kombëtare të përbashkët futbolli

Periskopi.com Lajme

Mbrëmë në Interaktiv të KTV-së ishte i ftuar kryetari i Lëvizjes Vetëvendosje, Visar Ymeri.

Ai foli gjatë lidhur me zhvillimet politike, për të cilat ka raportuar edhe Periskopi.

Në fund të intervistës, gazetari e pyeti Ymerin se çfarë mendonte për fitoren e Skënderbeut ndaj Dinamos së Kjevit dhe për paraqitjen që do ta ketë sot Kosova në basketboll përballë Lituanisë. Ymeri është i njohur për urimet dhe përkrahjen që i jep Kombëtares së Shqipërisë dhe injorimin e Kombëtares së Kosovës në futboll.

Ai tha se i dëshiron sukses Kosovës, por që do të ishte në të mirë të të dyja shteteve që të kishin një kombëtare, e cila do të sillte suksese më të mëdha. Ai ka përmendur suksesin që shënoi Shqipëria në Kampionatin Evropjan – duke shtuar se Kosova nuk do të duhej të formonte fare kombëtaren e saj.

 

Përfundon takimi i natës LDK – Vetëvendosje

Periskopi.com Lajme

Vetëvendosje pasi ka mbajtur mbledhjen e Këshillit të mërkurën gjatë ditës njoftoi se qëndrim kishin të shkonin të vetëm në zgjedhje, por që pranuan takim me koalicionin LDK-AKR, pas shumë kërkesave që ia bëri ky koalicion.

Edhe pse në media u keqkuptua mundësia që ata lan hapur, një takim mes këtyre subjekteve u mbajt në orët e vona.

Periskopi.com nga burime brenda LDK-së mëson se takimi është mbajtur, por pas tij, e as sa po mbahej takimi askush nuk ka guxuar të deklarohet.

Krejt çka merret vesh është që nuk është arritur ndonjë marrëveshje, por, që takimi pritet të bahet edhe nesër, ditë kjo kur pritet të bëhet dorëzimi i listave.

Gjatë ditës LDK i ka bërë ofertë duke i ofruar shumëçka Vetëvendosjes, e kjo e fundit u raportua se ka dy kushte, postin e kryeministrit dhe çështje e programit të partisë.

Të kontaktuar zyrtarisht asnjëra nga subjektet nuk ka pranuar të deklarohet.

Derisa Vetëvendosje gjatë ditës ka anuluar dy konferenca dhe pritet që të mbajë atë nesër, LDK-ja në orët e vona ka dërguar njoftim për një konferencë nesër në mëngjes.

Tanimë, afati për koalicione ka përfunduar ndërsa janë në orët e fundit para dorëzimit të listave./ Periskopi

Ymeri pas takimit me Mogherinin: Nuk bëhemi bashkë në tradhti ​

Pas takimit me përfaqësuesen e lartë të Parlamentit Evropian Fredericka Mogherini, lideri i Vetëvendosjes, Visar Ymeri ka thënë se nuk ndryshojnë qëndrimet e tyre pavarësisht takimit.

Periskopi.com Lajme

Sipas Ymerit nëse do të ndryshonin këto qëndrime, do t’i binte se po bëhen bashkë në këtë tradhti, shkruan Indeksonline.

Derisa ka konfirmuar pjesëmarrjen në seancë, por me kundërshtime.

“Sot e kemi Qeverinë partnerët e koalicionit që e mbrojnë këtë marrëveshje ma shumë se kushdo tjetër. Nuk mund të presim më shumë.  Ju keni pa si qytetarët e kanë kundërshtuar demarkacionit si e kanë kundërshtuar ekspertët më të mirë që e kanë dëshmuar se si Kosova dëmtohet. Nuk mund të ketë ndryshim qëndrimi se do ti binte që ne po bëhemi bashkë në këtë tradhti. Këta nuk janë të gatshëm të heqin dorë nga një nënshkrim kriminal.  Do të marrim pjesë në seancë duke kundërshtuar”, është shprehur pas takimit Ymeri.

 

Ymeri e quan shovinist vendimin e Ivanovit, fton Tiranën që të mos i lë vetëm shqiptarët e Maqedonisë

Kryetari i Lëvizjes Vetëvendosje, Visar Ymeri, ka kritikuar vendimin e presidentit maqedonas Gjorgje Ivanov për mos dhënien e mandatit Zoran Zaevit të LSDM-së për krijimin e qeverisë së re.

Periskopi.com Lajme

Ivanov nuk i dha mandatin për shkak të asaj që kryetari maqedonas e ka quajtur platformë shqiptare, të hartuar, sipas tij, në një shtet të huaj, Shqipëria.

Sipas Ymerit, vendimi i Ivanovit tregon shtypjen e vazhdueshme ndaj shqiptarëve në Maqedoni. Ai e ka quajtur shovinist këtë vendim të Ivanovit.

“Platforma nuk është se kërkon kushedi se çka, përveçse arritjen dhe realizimin e të drejtave minimale të shqiptarëve që jetojnë në këtë shtet. Pra, për Maqedoninë të drejtat minimale të shqiptarëve, çfarëdo hapi drejt çlirimit prej shtypjes, e aq më tepër drejt barazisë së shqiptarëve, qenka e papranueshme dhe po e rrezikoka sovranitetin e Maqedonisë. Dëshmi më të mirë se Maqedonia është e ngritur në kurriz të shqiptarëve dhe jeton mbi shtypjen e tyre nuk ka. Vendimi i Ivanov për ta pamundësuar qeverinë e drejtuar nga Zaev për shkak të Platformës së shqiptarëve është krahu institucional i protestave raciste dhe shoveniste të nacionalistëve maqedonas. Edhe vet ky vendim ka ngarkesa shoveniste e raciste”, ka shkruar ai në Facebook.

Ymeri po ashtu ka kritikuar edhe BE-në që nuk u deklarua lidhur me këtë rast, duke thënë se po të ndodhte një gjë e tillë në Kosovë do të kishte shumë reagime.

“Ndërkohë që BE ende nuk ka folur për këtë gjë. Madje deklarimet e Ivanov ishin bërë në prani të ambasadorëve. Po të kishte protesta të tilla fashiste e deklarime të tilla shoveniste institucionale në Kosovë a Shqipëri do të kishin reaguar deri tash të gjithë pa dallim: zyrtar të BE-së, ambasadorë, zëdhënës, OJQ, e të tjerë”, ka thënë ai. “Ivanovi dhe Gruevski duan që përmes kartës së shqiptarofobisë ta mbrojnë edhe qeverisjen e tyre kriminale dhe të korruptuar, që prodhoi një sistem dhe shoqëri të padrejtë dhe të pabarabartë sikur midis përkatësive të ndryshme kombëtare, ashtu edhe mes shtresave të ndryshme shoqërore”.

Në fund Ymeri ka ftuar shqiptarët e Maqedonisë që të qëndrojnë së bashku rreth kësaj platforme dhe të mos ndahen në asnjë mënyrë. Sipas tij, Tirana zyrtare duhet t’u rrijë afër shqiptarëve në Maqedoni sepse “Prishtina me këtë pushtet, rrezik që do të ndërhynte për ta mbrojtur Gruevskin”.

“Pavarësisht kësaj shqiptarët duhet të rrijnë bashkë. Kjo situatë e bën edhe më të vlefshëm qëndrimin bashkë dhe Platformën rretg së cilës janë bashkuar. Në asnjë mënyrë nuk bën të ndahen. Përfaqësuesit politik shqiptarë nuk duhet t’ia mundësojnë Gruevskit themelimin e qeverisë, asesi. Ata po ashtu në asnjë moment nuk bën të lihen vetëm nga Tirana zyrtare. Sa për Prishtinën me këtë pushtet, rrezik që do të ndërhynin për ta mbrojtur Gruevskin, dhe idenë e tij të mëhershme për qeveri gjithëpërfshirëse”, ka shkruar ai.

Vetëvendosje nuk ka vija të kuqe për “Alternativën” e Ilir Dedës (Video)

Ani pse Ilir Deda braktisi Lëvizjen Vetëvendosje për një nismë të re politike, Vetëvendosja nuk ka hatërmbetje me të.

Periskopi.com Lajme

Madje Lëvizja Vetëvendosje,  është e gatshme për koalicion me “Alternativën” e Dedës përderisa plani politik i kësaj të fundit, nuk bije ndesh me parimet e Lëvizjes Vetëvendosje.

Këtë gjë e ka konfirmuar lideri i kësaj Lëvizje,  Visar Ymeri në emisionin “Republika” me Dardan Gashin.

Ymeri ka thënë se nuk ka asnjë problem që Deda e ka lëshuar Vetëvendosjen, dhe nëse programet politike i kanë të përafërta, nuk do mungojë bashkëpunimi e as koalicioni me këtë parti.

Ymeri: Kosova dhe Shqipëria mund të arrijnë paqe të qëndrueshme

Bashkëpunimi ndërmjet Kosovës dhe Shqipërisë është rruga e vetme që të arrihet paqe e qëndrueshme.

Periskopi.com Lajme

Kryetari i Lëvizjes Vetëvendosje, Visar Ymeri, në emisioni debatues “Click” në Radio Televizionin 21 ka thënë se Republika e Kosovës duhet të bashkëpunoj vazhdimisht me Shqipërinë.

“Republika e Kosovës dhe ajo e Shqipërisë duhet të bashkëpunojnë njëra me tjetrën në rrafshin e sigurisë, atë ekonomik dhe në shumë rrafshe tjera, në mënyrë që shqiptarët nga të qenit faktorë në vete bëhen faktorë për vete në Ballkan”, ka thënë Ymeri.

Negociatat me Serbinë dhe situata e përgjithshme politike në rajon po e ‘minojnë’ barazinë e Republikës së Kosovës karshi Serbisë.

Zhvillimet fundit në vend, Ymeri i cilësoi si ndërhyrje të vazhdueshme të shtetit të Serbisë në territorin e Republikës së Kosovës. Sipas tij, fatkeqësisht Serbia ka kontroll  në 1/3 e territorit të Kosovës. Ka kontroll edhe në vendimet institucionale, nëpërmjet listës serbe.

Ymeri: Jemi të kërcënuar me luftë (Video)

Ndërhyrja e policisë në veri të Kosovës, është një veprim i paplanifikuar i cili rrezikon më shumë Republikën e Kosovës.

Periskopi.com Lajme

Kështu ka thënë në një konferencë për media kryetari i Lëvizjes Vetëvendosje, Visar Ymeri, i cili shprehu shqetësim se Kosova aktualisht gjendet në një situatë tejet serioz karshi rrezikut që i vije nga Serbia.

Ai tha se tre liderët politikë të pushtetit, presidenti Hashim Thaçi, kryeparlamentari Kadri Veseli dhe kruyministri Isa Mustafa, po i ndihmojnë Serbisë për t’i pushtuar vendet e banuara me serb në Kosovë, përmes dialogut në Bruksel, transmeton sovrani.info.

“Kohëve të fundit kemi pasur disa momente të provokimit dhe të agresionit karshi Kosovës, këto nuk janë të reja sa i përket këtij agresioni që kur Kosova është çliruar dhe e ka shpallur pavarësinë”.

“Muri, treni, strukturat paralele, Asociacioni i komunave serbe, janë një përpjekje për ta pamundësuar republikën e Kosovës dhe mos realizimi i sovranitetit të saj”.

“Të gjitha këto Serbisë ia mundësuan negociatat pa kushte dhe pa parime. Rruga e negociatave me Serbinë dhe eksponentët e saj, Hashim Thaçi, Kadri Veseli dhe Isa Mustafa, nuk janë zgjidhja, por janë vet problemi”.

“Ndërmarrjet e tilla për qëllime personale, të planifikuara keq dhe ad-hoc, vetëm sa e rrezikojnë edhe më shumë republikën e Kosovës”.

“Prandaj këta tre, me këto synime, duhet të largohen sa më shpejtë nga pozitat e tyre institucionale që t’i hapin rrugë Kosovës”.

“Zgjedhjet demokratike e të lira, dhe ndryshimi rrënjësor i politikës institucionale, veçanërisht karshi Serbisë, janë rruga përpara, e jo ndërmarrjet e ndërhyrjet e pjesshme personale për uzurpatorët e shtetit”.

“Kosovës sot nuk i duhet lufta, më shumë se kurrë kemi nevojë për forcim të Republikës”.

 

 

Ymeri hedh dyshime se intervenimi ku vdiq Enver Zymberi u bë për të arsyetuar negociatat

Visar Ymeri, Kryetar i Lëvizjes Vetëvendosje!, ka thënë se ushtria e Kosovës nuk mund të formohet derisa vazhdohet dialogu me Serbinë.

Periskopi.com Lajme

Ymeri këto deklarime i dha në Zona B të Klan Kosovës, derisa ka shtuar se rasti i intervenimit të Institucioneve shtetërore për ngjarjen e së shtunës, ende nuk dihet nëse është sinjal pozitiv apo vetëm aventurë e radhës e qeveritarëve. Kjo pasi sipas tij ardhja e një treni serb në Kosovë është rezultat i negociatave.

“Mos përgatitja e Institucioneve ka një histori që lidhet drejtpërsëdrejti me negociatat. Ajo ka një varësi në kokën e kokave të shtetit. Kemi një mendim privatizues të institucionit. Kur posti shihet vetëm si interes personal atëherë do të kemi këto probleme. Edhe korrupsioni politik, ndryshimi i qëndrimeve kanë të bëjnë me një mendim privatizues”, tha ai.

“Policia në pikën kufitare që u dërgua të shtunën dhe nëse mund të shkojnë të rrënojmë murin, janë pjesë e planit për integrimin veriut apo lloj aventurash të tyre. Rasti i intervenimit të policisë ku pasoi vdekja e Enver Zymberit, ka mundësi  të jetë i planifikuar, në mënyrë që të arsyetoheshin negociatat Serbi- Kosovë. Intervenimi i këtyre institucioneve me aventura të tyre i kushtojnë shumë Kosovës. Këto aventura i kushtojnë shtrenjtë vendit”, tha Ymeri.

Tha se Kosova nuk mund të pres më, duhet krijojë ushtrinë e saj, e sipas tij, nuk mund të bëhet duke biseduar me Vuçiqin.

Ymeri: Dialogu nuk normalizon marrëdhëniet, ky nuk është as qëllim i Serbisë

Kreu i Vetëvendosjes, Visar Ymeri thotë se duhet ndërprerë dialogu Kosovë-Serbi.

Periskopi.com Lajme

Sipas tij, dialogu me Serbinë nuk ndihmon normalizimin e marrëdhënieve e as integrimin e serbëve në Kosovë.

Në Klan Kosova ai tha se as vetë Serbia nuk dëshiron që serbët të integrohen në Kosovë.

Sipas tij, Serbia ka synime hemogjene ndaj Kosovës, pra, ta bëjë shtet jo funksional.

“Republika e Kosovës duhet të sovranizohet. Jemi njohur nga shumë shtete, me krejt ato duhet marrëdhënie bilaterale,ekonomike e të tjera. Duhet marrëdhënie me secilin shtet e edhe me Serbinë, por me Serbinë vetëm nëse ata ndryshojnë karshi Kosovës”, thotë Ymeri.

Ymeri e Veseli përplasën me cinizëm, ky i fundit i thotë komandant Ymerit

Kryetari i Kuvendit, Kadri Veseli dhe lideri i Lëvizjes Vetëvendosje, Visar Ymeri, kanë hyrë në një replikë derisa po vijon debati për murin e ndërtuar në veri, njofton Klan Kosova.

Periskopi.com Lajme

Ymeri i ka thënë Veselit se po e keqpërdorë pozitën  tij dhe mikrofonin duke u ndërhyrë deputetëve në fjalën e tyre.

“100 herë të kam thënë, mos e keqpërdor mikrofonin”, iu drejtua Ymeri, Veselit.

“Komandat i fort je, veç t’u ka prish frizura”, iu përgjigj Veseli duke qeshur.

Ymeri më pas e ka marrë fjalën duke e qortuar Veselin se ai gjithmonë po ia gabon mbiemrin, përkundër se e ka shumë të shkurtër.

“Mbiemri im ka pesë germa Y-M-E-R-I, porse Veseli prapëseprapë ma gabon, gjithmonë ma bën fillimin me I, e çuditshme kjo, si nuk ka arritur ta mësoj ende”, tha Ymeri

Visar Ymeri: Kadri Veseli po bën poshtërsi

Lideri i Lëvizjes Vetëvendosje, Visar Ymeri ka thënë se përgjegjësi për vdekjen e Astrit Deharit e kanë elementet e kriminalizuara në polici e hetuesi, pasi që e montuan rastin.

Periskopi.com Lajme

 

Përmes një postimi në Facebook, ai ka komentuar edhe ndryshimin e vendimit të Apelit për  aktivistët e VV-së të akuzuar për terrorizëm, në arrest shtëpiak.

Ai gjithashtu ka komentuar edhe vendimin e Komisionit Parlamentar për shqyrtimin e poeticioneve, që peticioni për diskutim parlamentar në lidhje me vdekjen e Astrit Deharit, duke thënë pas të gjitha këtyre pengesave tash jemi në dijeni se Kryetari i Kuvendit, vetë pra Kadri Veseli, do të kërkojë të mbledhë firmat, nga deputetët për një seancë të iniciuar nga ai. Kjo s’është gjë tjetër përpos një poshtërsi.

Lexoni postimin e plotë:

Prej sot Atdheu, Egzoni, Adea dhe Frashëri janë në arrest shtëpiak. Petriti është i obliguar të lajmërohet në polici. Astriti vdiq në Burgun e Prizrenit në rrethana jashtëzakonisht të dyshimta. Edhe sot e kësaj dite askush nga organet shtetërore nuk dha përgjegjësi. E përgjegjësi kanë të gjitha në zinxhir: elementet e kriminalizuara në polici e hetuesi që e montuan rastin, prokuroria që ua mirëmbajti dhe ndihmoi këtë montim, gjykata që u bë pjesë e këtij montimi duke ua pranuar kërkesat e tyre për burgosje pa asnjë provë a dëshmi, qeveria si ekzekutiv, dhe mazhoranca, që duke ndërhyrë politikisht, e nxiti këtë montim dhe nuk lejoi asnjëherë mundësi diskutimi për këtë katandisje të organeve ekzekutive të shtetit të kapur.

Pushteti, e veçanërisht Kadri Veseli, ndërhyri drejtpërdrejt që ta pamundësojnë seancën e jashtëzakonshme të kërkuar nga Lëvizja VETËVENDOSJE! duke kërkuar nga deputetët të tërhiqen nga nënshkrimet që i patën dhënë.

Javës që shkoi u dorëzua dhe peticioni i mbi 23 mijëqytetarëve. Midis të tjerash aty kërkohet mbajtja e seancës plenare. Komisioni parlamentar për shqyrtimin e peticioneve as nuk planifikoi të mblidhej derisa tre deputetë të opozitës e kërkuan mbajtjen e mbledhjes.

Sot ky komision me gjithë kërkesat e deputetit Haskuka, vendosi që t’ia delegoj kryesisë së Kuvendit se kur ta mbajë seancën parlamentare për të shqyrtuar Peticionin “Drejtësi për Astritin”.

Pas të gjitha këtyre pengesave tash jemi në dijeni se Kryetari i Kuvendit, vetë pra Kadri Veseli, do të kërkojë të mbledhë firmat, nga deputetët për një seancë të iniciuar nga ai. Kjo s’është gjë tjetër përpos një poshtërsi.

Tanimë askush nuk as më të voglin dyshim se procedurat e stërzgjatura, shkelja e tyre pasi kalon edhe stërzgjatja, kanë vetëm një qëllim – ta heshtin kërkesën legjitime të qytetarëve për njohjen e përgjegjësisë direkte të të paktën dy ministrave, të Drejtësisë dhe të Punëve të Brendshme.

Ky proces i montuar politikisht ka kolapsuar. Pushteti nuk do të mund ta ndalë zbardhjen e së vërtetës për rastin, e veçanërisht drejtësinë për Astritin. Këtë nuk do ta lejojmë.

Pushteti i kriminalizuar do të përgjigjet. Politikisht. Dhe, sipas të gjitha gjasave, penalisht

Ymeri: Pushteti, regjim brutal ndaj popullit të vet

Kryetari i Lëvizjes Vetëvendosje, Visar Ymeri tha se që nga pesë nëntori shteti po refuzon që të jap dhe të krijojë drejtësi për Astrit Deharin, derisa tha se Dahri ka dëshmuar se si duhet të angazhohemi për Republikën dhe në anën tjetër ka dëshmuar se si regjimi i trajton qyetarët e Kosovës.

Periskopi.com Lajme

Këto deklarat Ymeri i bëri sot gjatë vënies së një baneri përmes të cilit kërkohet drejtësi për Astritin,  në një nga ndërtesat në sheshin “Zahir Pajaziti”, transmeton Periskopi.

Ymeri konsideroi se qeveria aktuale  është një regjim brutal ndaj popullit të vet.

“Ai është e vërteta e këtij shteti, e këtij regjimi politik të instaluar në Rapublikën e Kosovës. Astriti e dëshmon se si në njërën anë duhet të angazhohemi për këtë Republikë dhe  për këtë popull dhe në anën tjetër se si regjimi në Kosovë i instaluar në krye të institucineve e që e ka kapur shtetin, si i trajton ky regjim qyetarët e Republikës, kundërshtarët politik dhe si e trajton shtetin e Kosovës. Pra, një regjim anti-popullor natyrisht që do të jetë brutal ndaj popullit të vet. Historikisht regjimet në Kosovë kanë qenë aq të egër karshi popullit që kërkonte liri e barazi, sa kanë qenë të dobët e të nënshtrueshëm karshi kërkesave hegjemoniste të Serbisë dhe edhe sot kjo po shihet të jetë po aq e vërtetë si ka qenë në histori”, tha ai.

Ai ka shtuar se mënyra e vdekjes së Astritit e bën atë vazhdimësi e të përndjekurëve politik.

“Që prej 5 nëntorit regjimi ka refuzuar absulutisht që të jap dhe të krijojë drejktësi për Astritin, që të jap përgjegjësi për të dhe që popullit të Kosovës t’i tregojë çka ka ndodhur me Astritin në burgun e Prizrenit. Astriti vdiq në burgun e Prizrenit nën akuzat e montuara, i mbajtur padrejtësisht aty. Kjo pra e bën Astritin jo vetëm aktivist politik të aktualitetit në Kosovë, por edhe vazhdimësi e të përndjekurëve politik gjithandej vendit”, shtoi ai. /Periskopi/

Ymeri: Kjo Kosovë nuk është ajo për të cilën dhanë jetën Jasharajt

Lideri i Lëvizjes Vetëvendosje Visar Ymeri, bashkë me përfaqësuesit e tjerë të këtij subjekti, kanë bërë homazhe sot tek varrezat e familjes Jashari në Prekzaz.

Periskopi.com Lajme

Ymeri me këtë rast, ka thënë se 28 Nëntori nuk është vetëm datë e së kaluarës, raporton Zëri.info.

“Të rënët për lirinë e Kosovës, të rënët për bashkimin e kombit, sakrifica e familjes Jashari në krye me Adem Jasharin është dëshmi që 28 nëtntori nuk është vetëm datë e së kaluarës por është edhe projekt i së ardhmes”, është shprehur ai.

Ymeri më tej, ka thënë se gjithë këta dëshmorë që kanë dhënë jetën për lirinë e Kosovës na mësojnë edhe si jetohet edhe si dashurohet.

Kurse, ka vlerësuar se Kosova e tanishme nuk është aspak ajo për të cilën kanë dhënë jetën jasharajt dhe gjithë dëshmorët e tjerë të Kosovës.

“Kjo Kosovë që po e shohim sot është shpërputhje flagrante me Kosovën për të cilën kishin rënë familja Jashari dhe gjithë dëshmorët. Asnjë prej tyre nuk e ka mendaur që në Kosovën e pavarur do të ketë të arrestuar politikë, që e humbin jetën në burgje dhe nuk do të ketë kurrfarë përgjgegjësie”, ka potencuar ai.

Ymeri: Shqipëria është dashur të reagojë për rastin e Astrit Deharit

Kreu i Lëvizjes Vetëvendosje, Visar Ymeri thekson se duhet të kryhet një hetim i pavarur për vdekjen e aktivistit të saj në burgun e Prizrenit, Astri Dehari.

Periskopi.com Lajme

I ftuar në Orën e Intervistës në Ora News, Ymeri thekson se qeveria e Kosovës ka tentuar ta fshehë ngjarjen, ndërsa deklaron se arrestimi i tij ishte politik.

Ymeri: Astrit Dehari është mbajtur në burg dhe është arrestuar pa kurrfarë prove. Ai është akuzuar për veprën më të rëndë, terrorizëm. Astriti është mbajtur për 68 ditë në burgun e Prizrenit. Asnjëherë nuk është intervistuar. Neve na lejon të besojmë se arsyeja e arrestimit të tyre është politike.

Meqë janë arrestuar pa fakte dhe pa prova, atëherë qartazi kemi të bëjmë me një arrestim politik. Për ne ky hetim nuk ka përfunduar. Ne insistojmë të kemi një hetim të pavarur, i cili do ta zbardhte të vërtetën për vdekjen e Astritit. Ajo që ka bërë prokuroria dhe institucionet e hetuesisë, e cila është udhëhequr nga njerëz të afërt të pushtetit janë të papranueshme. Sylë Hoxha si kryeprokuror është person që përmes përgjimeve, ai shihet që nëpërmjet Kadri Veselin dhe Hashim Thaçin praktikisht caktojnë të besueshmit e tyre në secilin institucion.

Cili është motivi i fshehjes së ngjarjes?

Kreu i Lëvizjes Vetëvendosje thotë se më përpara duhet zbardhur ngjarja dhe më pas duhet mësuar motivi i fshehjes.

Ymeri: Ne duhet të dimë më së pari të vërtetën për të kuptuar edhe qëllimin e fshehjes. Që ka një investim për ta orientuar opinionin publik aty ku do pushteti dhe jo ku është e vërteta, është shumë e qartë.

Ymeri e konsideroi të çuditshëm mos reagimin e Shqipërisë për ngjarjen.

Ymeri: Ky nuk është një rast i thjesht dhe nuk mund të reduktohet në aspektin teknik të autopsisë. Vdekja e një aktivisti politik në burg është edhe pikëpyetje për demokracinë, për të drejtat elementare që duhet t’i garantohet një njeriu dhe pikëpyetje edhe për sigurinë, por edhe pikëpyetje se si po qeveriset Kosova.

Vdekja e Astrit Deharit në burgun e Prizrenit pak a shumë paraqet të vërtetën e këtij shteti të kapur dhe si funksionon ai dhe mungesa e limiteve ku ai shkon për të luftuar kundërshtarin politik. Çdo kush duhet të kishte një deklarim në dy shtetet shqiptare në mënyrë që të insistohet që hetimet të jenë të pavarura, transparente.

Deri më tani nuk kemi pasur një reagim të tillë nga institucionet e Republikës së Shqipërisë dhe kjo është e çuditshme dhe unë do të kisha pritur që të kemi një reagim të tillë në mënyrë që të insistohet që të kemi reagim për Astritin.

Gecaj thotë se Visar Ymeri nuk guxon me i ‘shti brinat’ me Dardan Molliqajn

Zyrtari i LDK-së, Bajram Gecaj duket sikur ka rregulluar krejt punët. Të shtunën ai është marr me deklarata të Vetëvendosjes, dhe ka analizuar marrëdhëniet mes anëtarëve të këtij subjekti.

Periskopi.com Lajme

ai ka shkruar në llogarin e tij në facebook duke publikuar fillimisht tiullin e një shkrimi: Visar Ymeri del kundër Hysen Durmishit: Vetëvendosje nuk angazhohet për t’i tërhequr zvarrë mediat

“Ky imituesi i liderit të Lëvizjes Anarkiste të Vetëvendosjes (LAV), paska dalë si shpjet kundër Durmishit, por asnjëherë nuk e ka bërë të njëjtën me Dardan Molliqaj, i cili gjithashtu kishte kërcënime të natyrës së njëjtë – tërheqje zvarrë. Apo ndoshta me Dardanin nuk guxon me i “shti brinat”!”, thotë Gecaj. / Periskopi

Ymeri: Edhe Hahn u pajtua të ketë hetime të pavarura për rastin Dehari

Pas takimit me krerët e partive politike në Kosovë, të ulur në një tryezë me komisarin evropian Johannes Hahn dhe nënkryetaren e Parlamentit Europian, njëherësh raportuese për Kosovën, Ulrike Lunacek, Visar Ymeri ka treguar se për çka kanë diskutuar.

Periskopi.com Lajme

Ai tha se ka ngritur çështjen e vdekjes së Astrit Deharit, për të cilën ka thënë se edhe komisionari Hahn ka kërkuar që të jetë hetim i pavarur dhe transparent, transmeton Koha.net.

“Unë ngrita fillimisht rastin e vdekjes së Astrit Deharit, ku shpreha mosbesimin që familja Dehari ka ndaj institucioneve që po e kryejnë hetuesinë ndaj këtij rasti se si e kanë administruar deri tash këto institucione këtë rast dhe për shkak të përgjithësisë kontaminimi të plotë të besueshmërisë të këtyre institucioneve ndaj rastit dhe përgjegjësisë që shteti e ka në këtë rast. Hahn nuk pat ndonjë përgjigje për këtë rast, përveç se shprehu ngushëllime dhe ai u pajtua se rasti duhet hetuar me hetime të pavarura dhe transparente”, ka thënë Ymeri pas takimit.

Ai ka treguar se aty është diskutuar edhe për rrugën e Kosovës drejt Bashkimit Europian dhe veçanërisht marrëveshja rreth demarkacionit dhe dialogut me Serbinë.

“Qëndrimi jonë është shumë i qartë se demarkacioni, në formën e vet është e papranueshme se është e padrejtë për territorin e Kosovës dhe shtetit në përgjithësi. Arroganca e shtetit dhe insistimi se o në këtë marrëveshje o do të mbesim në këtë pozicion është jashtëzakonisht i dëmshëm për çfarëdo zhvillimi në Kosovë”, shtoi Ymeri më tej.

Gjendja në vend, sipas Ymerit, është rënduar jashtëzakonisht shumë, teksa qytetarët kanë humbur çfarëdo besimi ose përkrahje për këto institucione dhe krerët institucional.

Mënyra e vetme se si Kosova mund të ecë përpara, Ymeri ka thënë se është nëpërmes një ndryshimi rrënjësor e jo me këto parti krerët e të cilëve janë të zhytur thellë në krim.

“Konsideroj se një ditë më tepër me këtë qeveri në krye do të ju kushtojë qytetarëve shumë, siç po vërehet se çfarëdo zhvillimi në Kosovë është stopuar dhe secili insistim të Qeverisë shkon në dëm të Republikës së Kosovës”, përfundoi Ymeri.

Ymeri: Do të kërkojmë drejtësi për vdekjen e Astritit

Lëvizja Vetëvendosje sot ka mbajtur ceremoninë komemorative për aktivistin e saj Astrit Dehari, i cili vdiq para disa ditësh në burgun e Prizrenit.

Periskopi.com Lajme

Kreu i Vetëvendosjes, Visar Ymeri, i cili recitoi vargje nga Migjeni, ka thënë se do të kërkojnë drejtësi për vdekjen e tij, raporton KTV.

“Ky është Astriti, njëjtë si në poemën e tij. Nëna Xhemile, motra Albana, dhe shoqja Artë, unë nuk mundem me ju ngushëllu pos që me ndje me ju dhembjen”, është shprehur Ymeri.

Ai e mban përgjegjës pushtetin për vdekjen e Astritit.

“Mbajtja në burg nuk mund të burgoste mendjen e Astritit, andaj mbajtja në burg ishte e panevojshme. Ne nuk mund ta zëvendësojmë atë por mund ta mëshirojmë. Ky pushtet është përgjegjës kryesor për vdekjen e tij dhe ne do të kërkojmë drejtësi”, ka thënë kreu i Vetëvendosjes.

Asnjë nga liderët e mëdhenj në takimin e ftuar nga Hashim Thaçi

“Ju ftoj që të merrni pjesë në takim pune, që do të mbahet më 4 nëntor 2016, nga ora 10:00, në Ndërtesën e Kuvendit të Republikës së Kosovës.

Periskopi.com Lajme

Tema e takimit: Reforma zgjedhore në Republikën e Kosovës”.

Kjo është përmbajtja e ftesës që Presidenti Hashim Thaçi ua ka drejtuar të gjithë liderëve të partive politike. Ata janë ftuar që nesër të jenë në takimin ku do të diskutohet për reformën zgjedhore.

Aleanca për Ardhmërinë e Kosovës, ka thënë se lideri i tyre Ramush Haradinaj nuk gjendet në Kosovë.

“Haradinaj nuk është në Kosovë, por edhe po të ishte, ai nuk do të merrte pjesë në takimin e ftuar nga Thaçi – sepse kjo temë tashmë është e vonuar”, ka thënë Muharrem Nitaj.

Jo, takimit i kanë thënë edhe Lëvizja Vetëvendosje.

“Zgjedhjet e reja, po të mbahen të ndershme, do të prodhonin legjitimitet për institucionet dhe mbi të gjitha do të sillnin mundësinë për ndryshim që aq shumë i duhet Kosovës”, ka shkruar Visar Ymeri, lideri i Vetëvendosjes pas ftesës që u është bërë nga Presidenti Thaçi.

“Pra, e refuzoj këtë ftesë për reformë zgjedhore. Zgjedhjet janë zgjidhja e vetme. Në të mirë të vendit”.

Ngjashëm do të veprojnë edhe NISMA për Kosovë.

“Nisma vazhdon të qëndron parapa qëndrimit se duhet zgjedhje të parakohshme dhe legjislatura e ardhshme të merre me reformën thelbësore  zgjedhore. Përderisa nuk plotësohen këto kushte Nisma nuk merr pjesë në takime për pseudo tryeza për reforma zgjedhore”, ka thënë Bilall Sherifi për Periskopin

Kryeministri Isa Mustafa, njëherësh lideri i Lidhjes Demokratike të Kosovës aktualisht gjendet në Londër të Britanisë së Madhe ku së bashku me disa ministra të Qeverisë, prezantuam mundësitë për investime të huaja në Kosovë shkruan klan

Pra i bie që as Mustafa nuk do të jetë pjesë e takimit të liderëve ku pritet të diskutohet për reformën zgjedhore.

 

Në një udhëtim pune është edhe lideri i Partisë Demokratikë të Kosovës si dhe kryetari i Kuvendit, Kadri Veseli.

Sipas zëvendësit të tij, Uran Ismailit, në vend të Veselit do të jetë dikush tjetër.

Ndërsa, Lista Serbe nuk ka dashur të përgjigjet.

Kreu i saj, Sllavko Simiq nuk flet për këtë temë.

Në takim kanë konfirmuar se do të marrin pjesë partitë e vogla, siç janë Lëvizja për Bashkim, Partia e Drejtësisë, dhe Partie e Re e romëve të Kosovës, raporton Periskopi

Gëzim Kelmendi që sapo ka themeluar partinë e tij, Fjala nuk ka marr ftesën hiq.

As Visar Ymeri nuk shkon në takimin e ftuar nga Hashim Thaçi

Kryetari i Lëvizjes Vetëvendosje, Visar Ymeri thotë se sot në zyrat e Lëvizjes ka mbërritur një ftesë nga Hashim Thaçi, i cili thotë se dëshiron të mbledhë partitë politike për një reformë zgjedhore.

Periskopi.com Lajme

“Tash, në kohën kur korrupsioni kronik i qeveritarëve të PDK e LDK në nivele qendrore e lokale është bërë publik edhe ndërkombëtarisht nuk kemi kohë për reformë zgjedhore – nevojiten zgjedhje! Tash kur institucionet e qeveria e Kosovës e kanë humbur legjitimitetin pas projekteve antikombëtare të kësaj qeverie, projekte që sollën tensionim të paparë mes qeverisë e popullit, nuk është koha për reforma por për zgjedhje”, thotë ai, raporton Periskopi

Ymeri nuk ndalet me kaq. thotë se ftesa vjen tash, kur sipas tij, populli i Kosovës i varfëruar deri në skaj e gjithnjë e më i papunë prej privatizimeve të kësaj klike po merr rrugët e emigrimit si pasojë e faktit që qeveria PDK-LDK nuk ka ndërmarrë asnjë politikë në ndihmë të ekonomisë e punësimit, tash s’është koha për reforma, por vetëm për zgjedhje.

“Zgjedhjet e reja, po të mbahen të ndershme, do të prodhonin legjitimitet për institucionet dhe mbi të gjitha do të sillnin mundësinë për ndryshim që aq shumë i duhet Kosovës. Pra, e refuzoj këtë ftesë për reformë zgjedhore. Zgjedhjet janë zgjidhja e vetme. Në të mirë të vendit”, thotë Ymeri./ Periskopi

Përleshje mes Visar Ymerit dhe Kadri Veselit, e bëjnë punën për Prokurori

Periskopi.com Lajme