Vetëvritet profesori i njohur nga Peja

Periskopi.com Lajme

Në orët e mbrëmjes ka ndërruar jetë Sokol Domniku profesor në Universitetin e Pejës, Haxhi Zeka.

Mësohet se Domniku është vetëvrarë.

Lajmin për vetëvrasjen e ka konfirmuar për ‘Indeksonline’, zëdhënësi i Policisë për rajonin e Pejës Xhevat Ibraj.

“Një person ka ndërruar jetë për shkak të plagëve qe i ka shkaktuar vetës. Hetuesit dhe prokurori janë në vend të ngjarjes dhe nesër del raporti dhe do të ketë detaje të reja. Tani për tani nuk mund të them asgjë më shumë”, ka thënë Ibraj.

Kryeprokurori i Shtetit urdhëron ekspertizë mjekoligjore të trupit të vajzës së policit

Periskopi.com Lajme

Kryeprokurori i Gjilanit, Jetish Maloku ka urdhëruar që t’i kryhet obduksioni trupit të pajetë të Mediana Thaçit që dyshohet se u vetëvra.

Maloku i ka thënë Insajderit se ka dhënë urdhër që trupi i vajzës 17 vjeçe nga Rogana e Kamenicës të dërgohet në Prishtinë për obduksion.

“Sapo kam urdhëruar që menjëherë trupi të dërgohet për obduksion në Prishtinë. Obduksioni do të kryhet gjatë natës dhe nesër do t’i kthehet familjes për varrim”, ka thënë Maloku.

Maloku ka thënë se këtë urdhër e ka dhënë me kërkesë të kryeprokurorit të Shtetit, Aleksandër Lumezi.

Këtë vendim Maloku e ka marrë pak pas raportimit të Insajderit se prokurorja e Prokurorisë Themelore të Gjilanit, Rabije Jakupi, nuk ka lejuar kryerjen e ekspertizës mjekoligjore. Si pasojë, trupi i ishte kthyer familjes për varrim.

Mediana Thaçi, ka vdekur si pasojë e shkrepjes së një plumbi nga një armë me leje që besohet se ka qenë e axhës së saj. E ndjera është vajza e një polici të Kosovës.

Insajderi ka zbuluar se vajza ka vdekur si pasojë e goditjes nga një plumb në zemër.

Megjithëse, vajza ka vdekur në rrethana të paqarta si pasojë e gjuajtjes me armë, prokurorja e Prokurorisë Themelore të Gjilanit, Rabije Jakupi nuk ka lejuar që trupit të pajetë t’i kryhet obduksioni.

E tmerrshme, aktori i Hollywood-it vret veten “live” në Facebok

Aktori amerikan Jay Bowdy i ka dhënë fund jetës teksa ishte duke folur live në Facebook. Mënyra që zgjodhi i ka shtangur të gjithë.

Periskopi.com Showbiz

Mediat e huaja raportojnë se ai shkrepi pistoletën në kokë teksa fliste ‘live’ me fansat në Facebook.

Aktori 33 vjecar ishte në shtëpi në Los Angeles kur i ka dhënë fund jetës. Daily Mail raporton se akti vjen vetem pak kohë pasi ai ishte arrestuar për abuzime seksuale.

Kajtazi: Astrit Dehari është vetëvrarë (Video)

Shteti nuk kishte arsye ta vrasë Astrit Deharin. Interesi shtetëror sipas gazetarit Vehbi Kajtazi ishte pikërisht e kundërta, ta nxjerrë atë para drejtësisë.

Periskopi.com Lajme

“Në rastin konkret e para e punës nuk e shoh që shteti ka pas motiv për me vra Astrit Deharin. Nuk ka qenë figura qendrore siç është Dardan Molliqaj. Shteti, ky çfarë është ka pas interesim me nxjerr para drejtësisë ashtu si Frashër Krasniqin dhe të tjerët”, ka thënë ai.

Kajtazi beson se rasti nuk ka të bëjë me vrasje.

“Hetimi që ka dalë në këtë rast sado që kemi dyshime, është kryer në këtë vend dhe ka dalë se kemi të bëjmë më vetëvrasje. Unë besoj që është vetëvrasje dhe nuk besoj që kemi të bëjmë këtu me vrasje”, ka thënë ai.

Vetëvritet një i ri nga Drenasi

Në mëngjesin e ditës së sotme është gjetur i vdekur një i ri nga Drenasi.

Periskopi.com Lajme

 

Lajmin për vdekjen e tij e ka konfirmuar për klikpress.net policia rajonale e Drenasit, këta të fundit nuk pranuan të jepnin informacione shtesë në lidhje me rastin.

Nga burimet jo zyrtare mësohet që viktima me inicialet P.H., i moshës 21 vjeçare ka bërë vetëvrasje.

Zyrtarisht ende nuk dihen shkaqet dhe motivet e vdekjes së tij.

Për më shumë detaje rreth kësaj ngjarje do të ju mbajmë të informuar në momentin që do të sigurojmë informacione të reja.

Sipas statistikave të bëra në fund të prillit 2016, nga viti 2001 deri në vitin 2016, janë shënuar 935 raste të vetëvrasjes.

Videoja teksa dy adoleshentë në Rusi qëllojnë policinë dhe më pas vetëvriten (+18)

Katja e Denis Muravjov, janë vetëvrarë duke transmetuar çdo gjë drejtpërsëdrejt.

Periskopi.com Lajme

Të mbyllur ne shtëpi me policinë që i ka rrethuar në oborr, filmojnë çdo gjë, të shtënat nga dritarja, shakat midis tyre, ndërkohë postojnë çdo gjë në rrjetet sociale dhe në fund një mesazh për prindërit: “Mos u mërzitni, po ikim në botën tjetër me stil”.

E gjitha kjo duket si një skenar filmi. E gjitha filloi me një telefonatë të mbërritur në polici, ku raportohej zhdukja e një fëmije, por me të arritur në shtëpinë nga ku kishte ardhur dhe telefonata në polici, agjentët u përballën me të shtënat e adoleshentëve, vetëm atëherë ata kuptojnë se kishin rënë në një kurth.

Ndërkohë kishte filluar dhe transmetimi drejtpërdrejt. Adoleshentët filmonin çdo gjë dhe e transmetonin drejtpërdrejt të gjithën në Peroscope , orët e fundit të kaluara së bashku, gjuajtjet me armë, të qeshurat, alkoolin që konsumonin, shakatë me shokët dhe në fund vdekjen e tyre.

Ishin të mbyllur në shtëpi prej tre ditësh, policia kishte rrethuar gjithë shtëpinë, e dinin që nuk kishin shpresë, sepse Denisi kishte qëlluar pak më pare të ëmën e Katjës me armë, faji i vetëm i saj ishte se i kishte kapur ndërsa fliinin bashkë në fundjavë.

Policët poshtë shtëpisë evitojnë plumbat e gjuajtura nga dritarja e shtëpisë, afrohen, arrijnë tek porta dhe i dëgjojnë me kujdes se çfarë po ndodh brenda saj. Dëgjohen të qeshurat ndërsa komentojnë me miqtë e tyre në sociale nën shoqërinë e alkoolit dhe duhanit.

E gjitha kjo vazhdon të transmetohet drejtpërdrejt, pastaj në një moment çdo gjë ndërpritet papritur nga një gjuajtje me armë e më pas klithma e Katjes, pastaj qetësi totale. Një moment më pas policia vendos të hyjë në shtëpi dhe i gjen aty, bashkë të shtrirë përtokë të mbuluar në gjak.

“Një tragjedi shokuese. Po kërkojmë të ndërtojmë të gjithë ngjarjen dhe motivet që çuan adoleshentet në vetëflijim në këtë mënyrë tragjike”, u shpreh avokatja e minoreneve Anna Kuznetsova për agjensinë Tass./ ALSAT M