fras2

I gatshëm për burg të përjetshëm nëse dëshmohet se e ka sulmuar Kuvendin (Video)

Zëdhënësi i Lëvizjes Vetëvendosje, Frashër Krasniqi, i cili është në burgim shtëpiak për më shumë se tre muaj, thotë me këmbëngulje se as ai e askush nga aktivistët e Vetëvendosjes nuk kanë gisht në sulmin ndaj Kuvendit për të cilin akuzohen.

Periskopi.com Intervista

Në një intervistë për Periskopi.com, ai thotë se Kadri Veselit nuk po i konvenon të zbardhet rasti i vrasje së dhunshme të Astrit Deharit, siç e quan ai.

Krasniqi flet për Demarkacionin dhe pjesëmarrjen e mundshme të Vetëvendosjes në Komisionin e ri të formuar nga gjeodetë, i paralajmëruar nga Isa Mustafa, flet për zgjedhjet që beson se do mbahen shumë shpejt, dhe tregon për kë kanë vija të kuqe e kujt do ia mundësonin të ndryshonin.

Thotë se Dehari u vra në mënyrë të dhunshme nga shteti, se Kadri Veseli ose i ka kërcënuar ose premtuar diçka deputetëve që tërhoqën nënshkrimet për një seancë të jashtëzakonshme për rastin Dehari.

E pranon se me një seancë në Kuvend nuk do të arrinin asgjë në zbardhjen e rastit, por thotë se shtetet demokratike nuk duhet ta zaptojnë në këtë mënyrë Kuvendin.

Për Periskopin ai thotë se Kadri Veseli ka deklaruar se kanë bërë vetëvrasje edhe Arbënor edhe Astrit Dehari, madje edhe Prokuroria, e kjo nuk do duhej të thuhej pa përfunduar hetimet.

Krasniqi hetohet për terrorizëm. Vetëm një herë është marrë në pyetje nga Porkuroria, e cila rrallëherë po i shkon te dera.

fras


 

Periskopi: Kadri Veseli në seancën e fundit tha se mund të mbahet një seancë ku do diskutohet për Astrit Deharin, pse mendon se tani po e pranon ai?

Krasniqi: Realisht Kadri Veseli nuk pranoi të mbahet seancë ku do te flitet për Astrit Deharin, po i pengon shumë. Ajo që e paralajmëroi më shumë ishte shprehje e inatit, për shkak se Kadri Veseli në seancën e fundit u demaskua tërësisht, ishte një shprehje e inatit gjoja do të mbajmë një seancë për të kuptuar se përse disa nga aktivistët po mbahen të arrestuar e disa jo. Është shumë interesante se si në Parlamentin Evropian, në zyrat e Parlamentit Evropian, në komisionet e Parlamentin Evropian në Strasburg diskutohet për rastin e Astrit Deharit, në OKB diskutohet për të, kurse Kuvendi i shtetit, në duart e të cilit ka vdekur dhunshëm Astrit Dehari nuk e mbanë një seancë të jashtëzakonshme, në fund të fundit jo për Astrit Deharin si aktivistët i Vetëvendosjes, por për një qytetar të Kosovës, për një student të Fakultetit të Mjekësisë i cili është arrestuar pa asnjë fakt dhe ka vdekur në institucionet që do të duhej të ishin më të sigurtat të shtetit të Kosovës. Kuvendi i Republikës së Kosovës nuk e bënë këtë seancë, bëhen 25 mijë nënshkrime të qytetarëve, Kuvendi nuk pranon me diskutu.

Pra, Kadri Veseli e ka shndërruar Kuvendin në një mekanizëm përmes të cilit ai krejt çka bënë është e promovon vetëm, dhe del herë pas here e mbanë ndonjë fjalim, po realisht Kuvendi  e ka humbur legjitimitetin e vet si përfaqësuesi i popullit. Cili është kuptimi me pas një Kuvend nëse asnjë peticion që është mbajtur nga qytetarët nuk është diskutuar në Kuvend, as peticioni për Demarkacionin, as peticionet e mëhershme, as peticioni tash për Astrit Deharin i cili peticion i mblodhi vetëm për dy ditë mbi 25 mijë nënshkrime, i cili tregon për sentiment shumë të madh në mesin e qytetarëve për këtë çështje.

Periskopi: Pse mendon se nuk po pranojnë të mbajnë seancë?

Krasniqi: Mendoj që ka disa arsye, por arsyeja kryesore që nuk pranojnë të mbajnë seancë për të diskutuar për Astrit Deharin është për shkak se Astrit ka vdekur në duart e shtetit i cili menaxhohet prej po këtyre njerëzve, dhe vdekja e tij e dhunshme dhe e dyshimtë, me shumë kundërthënie në raportet zyrtare, është përgjegjësi e shtetit të Kosovës. Dhe, për vdekjen e Astrit  Deharit duhet të japin përgjegjësi pikërisht këta njerëz që nuk po pranojnë me organizu seancë për të. Është interesante, jo vetëm që nuk po pranojnë me diskutu por edhe po kërcënojnë deputetët që kanë dhënë nënshkrime për të mbajtur seancë të jashtëzakonshme.

Kadri Veseli i ka shti në zyre deputetët që e kanë dhënë nënshkrimi, ata të pozitës, dhe pasi kanë dal nga zyra e Veselit ata i kanë tërhequr nënshkrimet për seancën e jashtëzakonshme. Pra, është një person këtu, sidomos një person , që është ka i pengon të diskutohet për Astrit Deharin, e ai person është Kadri Veseli. I cili, për me tepër në seancën e kaluar shpalosi një mori shpifjesh dhe gënjeshtrash, që e lëndojnë familje e Astrit Deharit, e edhe neve si shokë dhe shoqe të tij dhe gjithë qytetarët e Kosovës që janë prekur nga vdekja e dhunshme e Astrit, ai jep deklarata të tilla sepse është personi kyç që duhet të jap përgjegjësi për çka po ndodh në Kosovë bashkë me Isa Mustafën dhe Hashim Thaçin.

Periskopi: A po thoni që u ka premtuar diçka deputetëve që i kanë tërhequr nënshkrimet për mbajtjen e seancës për Astrit Deharin?

Krasniqi: Kadri Veseli funksionon me premtime dhe kërcënime, tash cilën e ka përdorur në rastin deputetëve që u tërhoqën në mënyrë shumë të paturpshme nga vet fjalët e veta dhe nga nënshkrimi për një seancë shumë të rëndësishme nga një seancë që ka të bëjë me drejtësi, me vet thirrje për drejtësi për vdekjen e Astrit Deharit, vet fakti që ata iu tërhoqën nënkupton se Kadri Veseli ose e ka përdorur karotën ose shkopin.

Periskopi: Çka prisni të arrini me këtë seancë?

Krasniqi: Fillimisht ne konsiderojmë se rasti i Astrit Deharit e shpërfaqi një fenomen shumë të madh që Lëvizja Vetëvendosje ka folur që shumë kohë: që në Kosovë nuk ka drejtësi, që në Kosovë shteti është i tillë i ndërtuar dhe menaxhohet në mënyrë të tillë sa që arreston, burgos të rinj e të reja pa asnjë fakt, pa asnjë provë, dhe i nxjerrë të vdekur nga burgu. Ky është shteti i Kosovës. Shtet që nuk e ofron as minimumin e drejtësisë për qytetarëve të vet, për rininë e këtij vendi e cila do të duhej ta trashëgonte një shtet shumë më të mirë se ky që po e trashëgojmë. Dhe ky lloj shteti, doli në pah, sidomos pas vdekjes së Astrit Deharit. Ne presim që ky shtet të ndërtohet në një mënyrë shumë më të drejtë dhe më të përgjegjshme karshi qytetarëve të vet, por kjo nuk është e mundur me këta politikanë në pushtet. Kështu që, me një seancë parlamentare ne nuk presim që do të rregullohet situata në Kosovë, mirëpo ky do të duhej të ishte minimumi që do të duhej të bënte Kuvendi i Kosovës për një qytetarë të Republikës që e përfaqëson ky Kuvend, i cili ka vdekur në duart e shtetit.

Kur flitet në Evropë, në Strasburg, pse mos të flitet në Kuvendin e Kosovës, sepse ky nuk ka qenë qytetar i asnjë shteti tjetër, ka qenë i Kosovës, Kosova duhet me fol sepse e ka humbur një qytetar në duart e institucionet që ish dashtë me qenë më i sigurti në vend. Prandaj, mendojmë se kjo seancë të ishte e rëndësishme, të diskutohet dhe të bëhet thirrje në mënyrë unanime edhe nga pozita dhe nga opozita për drejtësi në rastin e Astrit Deharit dhe për hetim të pavarur, sepse shteti tashmë është palë, nuk ka kuptim të kemi hetim nga shteti, ne e pamë sa kontradiktat i nxori shteti në këtë të ashtuquajtur hetim, këtu ka kuptim vetëm një hetim i pavarur, me hetues të cilët i cakton familja, dhe kjo lejohet me ligj, nuk e di pse po hezitojnë institucionet e Kosovës ta pranojnë këtë kërkesë shumë legjitime që e parasheh edhe Ligji i Kosovës.

Periskopi:  A ka diçka Vetëvendosje që planifikon ta shpalos në seancën e thirrur për Deharin e që nuk është thënë ende, e po ia kanë frikën kësaj?

Krasniqi: Krejt çka ka fol Vetëvendosje për Astrit Deharin, prapë nuk mjafton, gjithmonë kemi çka me fol për Astrit Deharin dhe për aktivitetin e tij, është e pamundshme në vazhdimësi të mos flasim për të.

Ne i kemi thënë të gjitha publikisht, nuk është problemi se kemi nevojë me i thanë publikisht, i kemi thënë çdo ditë, është shumë e rëndësishme me u shënu që Kuvendi i Kosovës ka diskutuar për këtë padrejtësi dhe me e vendos një precedent në këtë vend, që kur ndodh një rast i tillë kaq i padrejtë, kaq makabër, kaq i tmerrshëm, Kuvendi i Republikës së Kosovës është në krye të detyrës, për kurgjo tjetër, së paku për seriozitet dhe shqetësim që një gjë ka ndodhur në shtetin tonë.

Pse duhet me i pengu kjo Kadri Veselit? Gjithkund nëpër botë kur ndodh një rast që është një rast tragjik politik, nuk është vdekje e zakonshme, është politike, Astrit Dehari është mbajt në burg pa asnjë provë, pa asnjë fakt, për të vetmen arsye: që është aktivist i Vetëvendosjes. Kur ndodh një rast si ky në një vend demokratik, Kuvendi diskuton për këtë punë, madje japin përgjegjësi njerëzit, japin dorëheqje, e madje madje shkojnë edhe në burg. Normalisht kjo i pengon politikanëve në Kosovë, i pengon Kadri Veselit e edhe Isa Mustafës sepse janë vet përgjegjës.

Periskopi: Çka quani hetim të pavarur në rastin e Deharit, nga kush do formohej ekipi, nga kush do përzgjidheshin?

Krasniqi: Fillimisht është kërkesë e familjes Dehari, është kërkesë e Vetëvendosjes që në procesin e hetimeve dhe të shfaqjes së provave ose qasjes në to, të marrin pjesë edhe dy mjeko-ligjorët e përzgjedhur nga familja, këtë nuk e ka lejuar Prokuroria, dhe sinqerisht nuk e kuptoj pse. Nëse ata nuk kanë çfarë fshehin, nëse ata janë të gatshëm ti japin të ashtuquajtura prova që nuk e dimë sa janë autentike, tua japin mediave që janë të afërta me pushtetin, pse nuk duhet dy mjeko-ligjor profesionist me përvojë shumë të madhe nëpër vendet e Evropës me pas qasje te provat.

E dyta, familja e edhe Vetëvendosje kërkon që të krijohet një ekip e re hetuese, në të cilin do të marrin pjesë edhe hetues që caktohen nga familja, dhe po e them sërish se kjo lejohet me ligj dhe nuk e kuptoj pse po ju pengon institucioneve.

Ka modalitete të ndryshme, por e rëndësishme është që çfarëdo lloj ekipi që bëhet të lejohen edhe hetuesit e pavarur që caktohen nga familja, kjo parashihet, atëherë kur familja është e pakënaqur ose dyshon në ato që prezantohen kanë të drejtë të propozojnë hetues të pavarur, të cilët duhet ti pranojë shteti, që të marrin pjesë në procesin e hetimit.

Por, në vend që të ketë hetime, kemi deklarime të Kadri Veselit që del dhe thotë se Astrit Dehari paska ba vetëvrasje.

Periskopi: Edhe Prokuroria e tha se vetëvrasje, madje mbajtën konferencë për këtë, si e vlerësoni punën e tyre?

Krasniqi: Veseli në seancën e fundit tha Astrit Dehari ka bërë vetëvrasje, madje tha se e dhe vëllai i tij, Arbënor Dehari ka bërë vetëvrasje e që nuk asnjë konkludim, asnjë konfirmim zyrtar që ndonjëri prej tyre ka bërë vetëvrasje.

Me këtë deklaratë të Kadri Veselit e kuptuam më në fund, tërësisht, se përse Nexhmi Krasniqi komandant i rajonit të Prizrenit ka dal fillimisht ka thënë se Astrit ka bërë vetëvrasje. Opsioni i vetëvrasjes është opsion me të cilin institucionet tona po duan me përmbyll këtë rast. Kadri Veseli po donë me përmbyll këtë. Kadri Veseli me shumë gjasa e ka shti edhe Nexhmi Krasniqin që është njeri i SHIK-ut në krye të Policisë, me u ngut me thanë që është vetëvrasje, e njësoj e kanë shti edhe Sylë Hoxhën me u ngut me thanë që është vetëvrasje ende pa përfunduar hetimet.

Nëse këta janë të sigurt që është vetëvrasje pse ju kanë bërë thirrje britanikëve që të hetojnë në Kosovë, nëse qenkan kaq të sigurt, por, këta kanë dashtë me mbyll këtë rast dhe na e dimë që pushtetet totalitare që drejtohen nga kriminelët si Kadri Veseli mbyllin shpesh raste të tilla, duke i paraqitur si vetëvrasje, ne e dimë si e kanë mbyllur rastin e Dino Asanajt i cili 15 herë pati therje me thikë.

Metoda të tilla janë përdorur shpesh nga pushtetet autoritare, se qysh një njeri i PDK-së, Nexhmi Krasniqi thotë se ka pas vetëvrasje, tani del obduksioni që thotë se s’ka qenë vetëvrasje por asfiksi, mungesë e frymëmarrjes. Më tutje, del deklarata e mjekës e cila e pa e para trupin e Astritit, që thotë se ka pasur puls dhe frymëmarrje, tash nëse ka vdekur nga asfiksia qysh paska pas ende frymëmarrje, ai që vdes nga asfiksia i ndalet fryma.

Më tutje, e kemi deklaratën e Sylë Hoxhës që thotë se të gjitha privat janë konfiskuar dhe janë të sigurta, të nesërmen dalin një pjesë e tyre, ato që u shkojnë për shtati versionit të pushtetit, dalin në mënyrë absolutisht jo ligjore dhe  të papranueshme për familjen, dolën në mediat e afërta me pushtetin.

Dhe e fundit, Prokuroria del me një raport ende pa u kry hetimet, e përmbyll rastin si vetëvrasje ndërkohë që Ministria e Drejtësisë i bënë thirrje britanikëve që të vijnë për hetime. Krejt këto kontradikta tregojnë që ky pushtet po do me fsheh diçka, këto tregojnë që ky pushtet po do me u ngut, me mbyll diqysh këtë rast, me u harru ky rast dhe mos me u diskutu më.

Qysh ka kuptim, në cilin vend në botë qohet kryetari i Kuvendit, njëri nga institucionet kryesore të vendit, edhe e konkludon si vetëvrasje vdekjen e Arbënor Deharit, vëllait të Astritit, kur asnjë raport i Policisë nuk e thotë atë, apo asnjë raport i mjeko-ligjorëve, e hetimet ende nuk janë mbyllur.

Ai ka konkluduar diçka, çka po dinë Kadri Veseli që po thotë se ka bërë vetëvrasje?, apo për të vetëvrasje po thojka diçka tjetër?.

Përderisa ai e quan vetëvrasje edhe vdekjen e Dino Asanajt, atëherë qytetarët e kanë vështirë me e kuptu këtë lloj për çka po flet ai. Prandaj frikësohen këta me diskutu në Kuvend.

Periskopi: Ju thoni që e ka vrarë shteti, mendoni që e kanë shtyrë drejtë vetëvrasjes apo e kanë bërë përmes dikujt?

Krasniqi: Nuk i di detajet, nuk kam marr pjesë në procesin e hetimeve, unë çka di është se Astrit Dehari ka hyrë në burgun e Prizrenit, pas asnjë provë, pa asnjë fakt është mbajt për 68 ditë për arsye politike, dhe unë e di që Astrit Dehari ka dal i vdekur nga ai burg në mënyrë të dhunshme qysh edhe e kanë konkluduar vet mjeko-ligjorët.

Astrit Dehari ka vdekur në duart e institucioneve të Kosovës. Mos me pas qenë Astrit Dehari në burg, sot do të ishte në mesin tonë, e Astriti ka qenë në burg vetëm pse ka qenë aktivist i Vetëvendosjes.

Sot e asaj ditë janë tre muaj, hala Prokuroria nuk ka prezantuar asnjë fakt apo provë domethënëse në lidhje me neve, e Prokurori del deklaron se po i pret rezultatet e Forenzikës. Testet e forenzikës neve na i kanë bërë para tre muajve.

Periskopi: Kur dhe sa herë ju ka marr në pyetje Prokurori?

Krasniqi: Na ka marr në pyetje vetëm një herë pas vdekjes së Astritit, sepse ne kemi të tilla institucione që duhet vetëm të ndodh diçka e madhe që pastaj këta të lëvizin me ba diçka. Herë tjetër nuk na kanë marr në pyetje, kësaj here vetëm pas presionit publik.

Ka vetëm një arsye pse nuk na kanë marr në pyetje e edhe pse e kanë mbajt Astrit Deharin në burg pa e marr në pyetje: sepse nuk kanë pas asnjë fakt dhe asnjë provë, nuk kanë pas çka me na marr në pyetje. Forenzika i vonon rezultatet sepse nuk ka asnjë lidhje, asnjë shenjë e gishtave apo lidhje të ADN-së tonë dhe atyre që janë gjetur në mjetet që është sulmuar Kuvendi.

Periskopi: A e mohon personalisht që ke të bësh me sulmin në Kuvend dhe a mohon që nuk e kanë bërë askush nga aktivistët e Vetëvendosjes?

Krasniqi: E mohoj, jo vetëm që mohoj por është thjesht fakt, nëse Prokuroria e Gjykata dalin me vetëm një fakt të vetëm, që cilido nga aktivistët nga ne që jemi të arrestuar, por edhe aktivistët të tjerë të Vetëvendosjes ka gisht në sulmin atëherë nga nesër le të më fusin në burg kurrë mos të më nxjerrin nga aty.

Asnjë fakt nuk e kanë, se përndryshe tu e pa zellin e tyre për të luftuar dhe burgosur aktivistët e Vetëvendosjes, moti e kishin bërë. Por si është e mundur që mua më kanë mbyllur në shtëpi e nuk vijnë Policia nga 10 ditë me pa a jam këtu. I kanë marr tre në paraburgim me arsyetimin se në liri mund ti ndikojnë dëshmitarët, mund të ikin dhe e dhe përsërisin veprën, e mua më kanë lënë këtu, edhe unë mund t’i bëjë të gjitha.

Unë mundem me ik, me përsërit sulme, unë mundem me dal, Policia nuk janë askund, cili është kuptimi që unë qenkam terrorist, po më lënë me një masë kaq të vogël të sigurisë, thjeshtë është persekutim i Lëvizjes Vetëvendosje, i cili ka kulmuar me vdekjen e Astrit Dreharit, që është e pafalshme, e paharrueshme dhe nuk kanë me na ndalë derisa të vihet në vend drejtësia.

Periskopi: Gjithçka filloi me Demarkacionin, po përmendet se brenda këtij vitit do dërgohet në Kuvend, cila është përgjigja që keni tash, ngase u kërkua një Komision i ri i përbërë nga gjeodetë?

Krasniqi: Përgjigja e Lëvizjes Vetëvendosjes, e besoj edhe e krejt opozitës, shpresoj  edhe atyre, është e qartë se nuk mund të ketë Demarkacion me Malin e Zi nëse Kosova humb qoftë edhe një metër katror të tokës së asaj, kjo është e papranueshme.

Marrëveshja që është nënshkruar nga Hashim Thaçi dhe Skender Hyseni nuk mundet me kalu në Kuvendin e Kosovës, nuk ka nevojë për fakte shtesë, thjeshtë nuk ka me kalu qysh nuk ka kaluar edhe deri tash.

Moskalimi i Demarkacionit me Malin e Zi i ka dëshmuar dy gjëra, e para që rezistenca qytetare kundër një projekti të dëmshëm me Kosovë kjo mund të ketë sukses, pra kur kemi vendosmëri, dhe e dyta tregon se kjo Qeveri ka nënshkruar diçka që nuk e ka ditë as çka po nënshkruan, dhe e ka bërë gjithë atë zhurmë, gjithë atë intervenim policor nga Vetëvendosjes për me mbrojt një marrëveshje për të cilën është bindur edhe vet se është e dëmshme. Sot kemi zyrtar të BE-së që po vijnë dhe po thonë se nuk bahet nami edhe me rishiku këtë marrëveshje. Kemi zyrtar ndërkombëtar dhe vendor që po tregojnë se kjo marrëveshje është vënë kusht për liberalizimin e vizave me kërkesë të vet kryeministrit dhe personave të tjerë të rëndësishëm në institucione.

Pra, krejt këtë zhurmë e kanë bërë për një marrëveshje të dëmshme, mirëpo ju ka hasur sharra në gozhdë, pikërisht për shkak të angazhimit qytetar dhe pikërisht për shkak të këtij angazhimi nuk do të mundemi me kalu këtë demarkacion.

Nëse ndryshohet Komisioni, nëse përfshihet opozita, nëse vijnë ekspertët e pavarur dhe e nxjerrin një marrëveshje të re e cila nuk e cenon territorin e Republikës së Kosovës, atëherë Lëvizja Vetëvendosje do të jetë e hapur për të nënshkruar, pranuar e të tjera.

Periskopi: A do jeni të gatshëm të jeni pjesë e Komisionit të paralajmëruar së fundmi në lidhje me Demarkacionin?

Krasniqi: Është shumë e rëndësishme me ditë kush do ta drejtoj atë Komision, kush do e krijoj, çfarë përbërje do të ketë, dhe kur të vjen konkretisht atëherë do të mund të vendosim nëse do marrim pjesë Në parim, ne jemi të gatshëm të shpalosim argumentet tona, të ofrojmë kontributin tonë profesional e politik që të vijmë te një marrëveshje e cila nuk cenon territorin e Republikës së Kosovës.

Qeveria është tërhequr nga Demarkacioni, këtë që po e thonë do e sjellim javën tjetër apo atë tjetrën, këto janë thjesht llafe të kota me të cilat Isa Mustafa po mundohet me e mbuluar dështimin e vet, me thanë që nuk kam dështu, Demarkacioni është ende në agjendë, por jo. Ajo mund të sillet në Kuvend vetëm atëherë kur të rinegociohet si marrëveshje.

Periskopi: Nëse të dyja palët jeni aq këmbëngulës, a i shihni zgjedhjet si zgjidhje?

Krasniqi: Është një problem i madh që po ndodh në Kosovë, e kjo është që e kemi një mazhorancë që nuk ka më legjitimitet popullor edhe pse i ka numrat në Kuvend, kanë dështu në shumë raste për shkak të reagimeve gjithëpopullore.

Duhet me shku në zgjedhje, është shumë indikative që këta nuk po dojnë me shku në zgjedhje, sepse e dinë që e kanë humbur shumicën e elektoratit, prandaj po dojnë me shty edhe pak, sa të munden, sepse ka pakënaqësi të madhe qytetare, e do detyrohet kjo Qeveri me shku në zgjedhje.

Periskopi: Meqë zgjedhjet po thua se do të vijnë me kë do bëni koalicion parazgjedhor  e me kë pas zgjedhor?

Krasniqi: Lëvizja Vetëvendosje ka treguar edhe më herët që ne e konsiderojmë që nuk do të ishte pushtet për ndryshim të kësaj gjendje, një pushtet brenda të cilit do të merrte pjesë edhe PDK-ja, e cila e ka kapur shtetin dhe çdo instancë ekonomike, drejtësinë etj. Nuk mundesh me ndryshu gjendjen në Kosovë pa e larguar PDK-në nga pushtet, dhe nuk mundesh me ndryshu gjendjen në Kosovë nëse bashkëpunon me LDK-në që drejtohet nga Isa Mustafa i cili ka bërë gabime dhe dëme të pafalshme për Kosovën. Vetëvendosje, kur të ofrohet data e zgjedhjeve do të vendos edhe rreth koalicioneve dhe bashkëpunimeve, normalisht që për të gjitha këto vendos anëtarësia me referendum të brendshëm.

Vetëvendosje do të jetë e hapur për të gjithë ata që janë të gatshëm në mënyrë të sinqert që ta ndryshojnë këtë realitet të padrejtë në Republikën e Kosovës, kushdo që është i gatshëm për një shtet me zhvillim ekonomik, me mirëqenie sociale, me sovranitet, pa krim pa korrupsion, dhe shtet që nuk fal territore apo shtet, me të tillë jemi të hapur. Normalisht që kemi kriteret apo kërkesat tona por kjo çështje vendoset sa më afër zgjedhjeve.

Periskopi: Edhe nëse PDK-ja bëhet kaq e sinqert?

Krasniqi: E thamë që PDK-ja duhet me shku në opozita, përndryshe Kosova nuk çlirohet nga kriminalizimi i institucioneve që ka ndodhur në vendin tonë.

Periskopi: Për LDK-në a vlen e njëjta?

Krasniqi: Me LDK-në e Isa Mustafës që drejtohet nga ai, prapë kemi vija të kuqe. Një LDK që eventualisht do të reformohej duke ndryshuar drejtimin e saj, duke ndryshuar këtë nomenklaturë e cila e ka kap vet LDK-në e po e qon çdo herë e më afër PDK-së, e po ja përshtat interesave të PDK normalisht që është vështirë bashkëpunimi./Intervistoi: Teuta GASHI

 

frasher-krasniqi-fotot

Rrëfimi ekskluziv i zëdhënësit të VV-së, Frashër Krasniqi, i cili akuzohet për terrorizëm (Video)

Ka 11 vite si aktivist, por që më shumë se tre muaj është në arrest shtëpiak.

Teuta GASHI Lajme

Të dyshuarin për terrorizëm, gjithë këtë kohë, një herë e mori në pyetje Prokuroria, e Policia e kontrollojnë shumë rrallë.

Vizitat nuk ia ndalon askush, aty kanë qenë edhe Visar Ymeri e Albin Kurti, raporton Periskopi.

Frashër Krasniqi tashmë përgatit ushqimin vet dhe ka shtuar sasinë e kafesë.

Mohon kategorikisht të ketë gisht në sulmin ndaj Kuvendit të Kosovës, për të cilin akuzohet edhe bashkë me pesë kolegë të tjerë, një nga ta tashmë i ndjeri Astrit Dehari.

“S’ka rëndësi a na dënojnë Kadri Veseli, Isa Mustafa e Hashim Thaçi, apo a na lirojnë, e rëndësishme për neve është se në fund ka me u dëshmu me prova e fakte që këta kanë montuar, që ne jemi të pafajshëm, dhe që secili aktivist i Vetëvendosjes është i pafajshëm në lidhje me këto raste për të cilat po akuzohemi, kjo padyshim se ka me u dëshmu”, thotë Krasniqi për Periskopi.com

Krasniqi thotë se ‘regjimi’ aktual në Kosovë është sikurse ai i viteve të ’90, i cili atë kohë i ka akuzuar për terrorizëm studentët që kanë kërkuar liri.

Kur flet për Astrit Deharin mezi i mbanë lotët. Thotë se për të ai është ende i gjallë dhe e kujton të buzëqeshur qysh edhe e ka njohur gjithmonë.

Janë njohur pesë vite bashkë, e përveç punëve kanë kaluar edhe kohë jashtë punës.

“Ne e kemi humbur një shok që është shumë e dhimbshme për neve, ka me na mungu tërë jetë, por në memorien tonë ka mbetur Astriti i buzëqeshur që sa herë e kujtoj ka me na dhanë vullnet, edhe mbas 50 viteve Astriti prapë ka me qenë në zemrat dhe mendjet tona si një njeri i buzëqeshur…..ka plotë momente kur unë mund mundem me paramendu që ai nuk është në mesin tonë”, thotë ai.

Prishtinasi është i bindur se rezistenca dhe aktivitet e tyre nuk do ndalen kurrë.

24 orët e një dite sa ishte jashtë i kishte shumë më aktive, sa në Vetëvendosje sa me biçikletë rrugëve të qytetit.

Ai punët e shumta edhe tani i realizon, ngase ka qasje në internet, miqtë i vijnë për vizita, por po përfiton nga kjo situatë, meqë nuk ka zgjedhje tjetër.

“Normalisht që në kushte të reja njeriu duhet me u përshtat dhe me shfrytëzu kohën më të mirë të mundshme, në këtë kontekst, arresti shtëpiak ma ka mundësuar që me arrit me lexu pak më shumë, me pa filma pak më shumë, me kry disa punë që nuk kam mujt sa kam qenë jashtë”, thotë ai.

Dëgjon debatet politike çdo natë, komunikon me kolegët dhe i quan të poshtër pushtetarët e vendit tonë, kur i dëgjon në debate.

“Vdekja e Astritit përkundër qëllimeve të pushteti që ne me u dëshpëru dhe me humb shpresën, ka pas një kundër efekt, sepse të them të drejtën unë jam së paku 100 herë më i revoltuar se sa që kam qenë, së paku 100 më pasionant me luftu për ndryshime thelbësore në këtë shoqëri për me pas një shtet që rinia nuk vdes në burg, rinia edukohet shkollohet dhe gjen vende pune, edhe e jeton jetën me prosperitet dhe me një të ardhme ashtu qysh e jetojnë në vendet e tjera të zhvilluara demokratike”, përfundon ai./ Periskopi

 

 

 

albulena-730x440

Opozita kërkon nga Komisioni për të drejtat e njeriut shqyrtimin e peticionit për Astritin

Deputetja e Kuvendit të Kosovës, Albulena Haxhiu ka bërë të ditur se anëtarët e Komisionit për të drejtat e njeriut nga radhët e opozitës kanë kërkuar nga drejtuesja e këtij komisioni, Lirie Kajtazi që të thërras mbledhje nesër në orën 14:00 për të shqyrtuar peticionin, transmeton GazetaBlic.com.

Periskopi.com Lajme

Ky është shkrimi i plotë :

“Në përputhje me Rregulloren e Punës së Kuvendit, deputetët/anetarë të Komisionit për të drejtat e njeriut nga radhët e opozitës, kanë kërkuar nga drejtuesja e Komisionit, Lirije Kajtazi, që të thërras mbledhje nesër në orën 14:00, për të shqyrtuar peticionin e mbi 23 mijë qytetarëve, drejtuar Kuvendit.

Sipas Rregullores së Punës, obligohet e njëjta që të thërras mbledhje në përputhje me kërkesën e anëtarëve!” ka përfunduar shkrimin e saj Haxhiu.

blerand

Blerand Stavileci bojkoton mbledhjet e Komunës, Vetëvendosje kërkon shkarkimin e tij (Dokument)

Qëndron Kastrati, shef i asamblistëve të Lëvizjes “Vetëvendosje” në Kuvendin Komunal të Prishtinës ka kërkuar zëvendësimin e asambleistit të PDK-së, Blerand Stavileci.

Periskopi.com Lajme

 

Sipas Kastratit, Stavileci nuk ka qenë në mbledhje të Kuvendit Komunal për katër muaj rresht, që sipas tij është shkelje e ligjit për vetëqeverisje lokale Nr.03\L-040, njofton Klan Kosova.

 

qendron

ismet-beqiri

Ismet Beqiri thotë se Vetëvendosje po ia rrezikon 21 milionë euro Prishtinës

Mungesa e deputetëve të Lëvizjes Vetëvendosje në sallën e Kuvendit kur kërkoheshin 80 vota për ta miratuar Projektligjin për ratifikimin e Marrëveshjes financiare për IPA 2015 ndërmjet Kosovës dhe Bashkimit Evropian, ka nxitur reagimin e shefit të grupit parlamentar të LDK-së, Ismet Beqiri.

Periskopi.com Lajme

 

Ai ka thënë se me këtë marrëveshje, ngrohtorja Termokos, që është pjesë e Komunës së Prishtinës, përfiton rreth 21 milionë euro.

Beqiri i ka akuzuar deputetët e Vetëvendosjes, duke thënë se, ata që flasin më së shumti për Prishtinës, ia rrezikojnë milionat.

“Do të doja me thanë para opinionit se kjo pikë dhe marrëveshje është jashtëzakonisht e rëndësishme. Po du me thanë se deputetët që nuk janë në sallë dhe që janë deputetët e Lëvizjes Vetëvendosje, le ta dinë qytetarët se është, mes tjerash, në këtë pako të ndihmës që e marrim nga Bashkimi Evropian janë edhe 33 milionë euro për energji, dhe prej tyre janë 21 milionë euro që janë për Termokosin në Prishtinë dhe në Gjalovë”, ka thënë Beqiri.

“Kur flasim për Prishtinën le ta dinë qytetarët e Prishtinës se këta zotërinjtë që e udhëheqin Prishtinën më së paku mendojnë për Prishtinën, e sot i rrezikojnë t’ia humbin 21 milionë euro”, ka shtuar ai.

Ai ka falënderuar deputetët e AAK-së dhe të Nismës, të cilët kanë qenë në sallë edhe kanë votuar, duke u bërë vota të mjaftueshme. Sipas tij, kjo tregon nivelin e lartë të përgjegjësisë institucionale.

Beqiri ka thënë se deputetët e Vetëvendosjes gjithçka po e politizojnë.

Shefi i Grupit Parlamentar të AAK-së, Pal Lekaj, ka thënë se këtë që e kanë bërë sot, e kanë bërë edhe herëve të kaluara.

“AAK-ja do të jetë mbështetëse e fuqishme për të gjitha proceset pozitive për qytetarët  e vendit, por çdoherë do ta kundërshtojmë të keqën e këtij vendi”, ka thënë Lekaj.

Edhe shefja e Grupit Parlamentar të Nismës për Kosovën, Valdete Bajrami, ia ka rikujtuar koalicionit qeverisës së jo gjithmonë u kryjnë punë numrat e votave që i kanë.

“Nisma çdoherë ka qenë pjesë e vendimmarrjes dhe të gjitha projektet, edhe rrugën drejt BE-së që po synojnë ta kemi. Mirëpo, edhe pozita duhet ta ketë të qartë se jo çdoherë kryejnë punë numrat e tyre. Pra ne jemi për këtë marrëveshje dhe për të gjitha marrëveshjet që janë në të mirë të qytetarëve dhe të vendit”, ka thënë deputetja Bajrami.

Megjithatë, Kuvendi me 81 vota ‘për’ arriti ta miratoi Ligjin për ratifikimin e Marrëveshjes financiare për IPA 2015 ndërmjet Kosovës dhe Bashkimit Evropian, për të cilin nevojiteshin 80 vota.

Shpend Ahmeti

Shpend Ahmeti padit Qeverinë

Periskopi.com Lajme

Në mbledhjen e sotme të Kuvendit Komunal të Prishtinës, Kryetari i kësaj komune Shpend Ahmeti para deputetëve ka thënë se ka paditur Qeverinë e Kosovës.

Kjo pasi sipas Kryetarit Ahmeti, Qeveria ka marr tokat para disa vitesh e nuk paguan për to, njofton Klan Kosova.

‘’Kemi paditur Qeverinë e Kosovës, sepse na i ka marrë tokat para 6 viteve e nuk po paguan, janë 7 milion euro që na i kanë borxh e nuk pi paguajnë’’, ka përfunduar Ahmeti, njofton Klan Kosova.

10_11_2014_9781421_keshilltaret_e_kuvendit_komunal_te_prishtines

Vetëvendosje padit KQZ-në (DOKUMENT)

Përfaqësuesit e Lëvizjes  Vetëvendosje në Kuvendin Komunal të Prishtinës kanë  paditur Komisionin Qendror të Zgjedhjeve, njofton Klan Kosova.

Periskopi.com Lajme

Kjo padi u ngrit nga shefi i asambleistëve të kësaj lëvizjeje, Qëndron Kastrati për shkak të siç tha ai zëvendësimit të jashtëligjshëm të një anëtareje nga radhët e Partisë Demokratike të Kosovës në Kuvendin Komunal të Prishtinës.

Bëhet fjalë për zëvendësimin e Lirijeta Rexhepi-Lecit me Egzona Podvoricën.

“E paditura, me datën 13 tetor 2016 ka nxjerrë vendimin 804-20162 me të cilin ka bërë zëvendësimin e anëtares së Kuvendit të Komunës së Prishtinës, znj. Lirijeta Rexhepi-Leci, duke e zëvendësuar atë me znj. Egzona Podvorica’.

“E paditura në vendimin e saj ka bërë zëvendësimin e të lartëpërmendurës duke u mbështetur në inicimin e procedurës së zëvendësimit nga ana e kryesuesit të Kuvendit të Komunës së Prishtinës z. Halim Halimi. Në arsyetimin e vendimit të të paditurës, e paditura thekson se zëvendësimi është bërë nën arsyen senj. Lirijeta Rexhepi-Leci ka munguar prej 3 (tre) muaj rresht në seancat e Kuvendit të Komunës”, thuhet mes tjerash në padi, njofton Klan Kosova.

 

qq11

qq22

qq33

qq44

vete

Vetëvendojse thotë EULEX-i foli për rastin e Deharit  si partner i klanit “Pronto”

Deklarata e EULEX-it se hetimet e autoriteteve kosovare si dhe autopsia lidhur me rastin e vdekjes së Astrit Deharit janë bërë në mënyrë profesionale, ka nxitur reagimin e ashpër të Lëvizjes Vetëvendosje, që ka thënë se ky mision “foli si partner i ‘Klanit Pronto’”.

Periskopi.com Lajme

“Pas të gjitha atyre shkeljeve edhe procedurale, e etike, dhe pas përfshirjes së drejtpërdrejt të njerëzve të lidhur me Klanin Pronto në këto hetime, ato jo që nuk janë kredibile, por më shumë ngrisin dyshime për synim të fshehjes së të vërtetës se sa zbardhje të saj”, ka thënë Vetëvendosje në një komunikatë për media.

“Dhe pikërisht në këtë moment në skenë del EULEX-i për të na bindur se hetimet qenkan kryer sipas standardeve dhe se qenkan të besueshme. EULEX-i as nuk është i pavarur e as i paanshëm. Gjatë kohës sa shërbejnë në Kosovë EULEX ka qenë subjekt i skandaleve të shumta dhe dyshimeve të mëdha për intervenime gjyqësore me qëllime politike e deri te skandalet e shumta të korrupsionit”, thuhet tutje në komunikatën e partisë më të madhe opozitare.

Të mërkurën, përmes një komunikate për media, EULEX tha se ka monitoruar rastin e Deharit, “dhe beson se hetimet dhe autopsia janë kryer në mënyrë të saktë, profesionale dhe me kujdes, në pajtim me praktikat më të mira evropiane.”

Por, sipas Vetëvendosjes, EULEX-i nuk ka sqaruar opinionin për një numër shkeljesh që sipas tyre kanë ndodhur gjatë trajtimit të këtij rasti.

“Nuk japin kurrfarë shpjegimi për ngarendjen e Sylë Hoxhës për ta cilësuar rastin si vetëvrasje 1 orë pas raportit të autopsisë i cili përkundër kontradiktave të mëdha shkencore, nuk e sjellë një përfundim të tillë”.

“EULEX-i nuk e shpjegon se pse kemi kaq shumë deklarime zyrtare që e përjashtojnë njëra tjetrën prej policisë e cila tha që vdekja kishte ardhur si rezultat i konsumimit të mbidozuar të medikamenteve, e deri te deklaratat që Astriti ka vdekur rrugës, ose se ai ka pasur puls dhe frymëmarrje normale në momentin kur është gjetur në qeli, që kanë ardhë nga persona të ndryshëm përgjegjës brenda Shërbimit korrektues”.

Vetëvendosje thotë se EULEX-i nuk është në gjendje të sigurojë hetime të pavarura sepse “nuk e ka kredibilitetin minimal për të qenë të përfshirë në këtë rast.”

“Kjo komunikatë fatkeqësisht shihet vetëm si vazhdimësi e luftës propagandistike për ta mbështetur konstatimin e Sylë Hoxhës me pronto eprorët e tij”, thuhet në reagimin e VV-së.

Më 18 nëntor, Komisioni mjekësor që ka përgatitur raportin e obduksionit për vdekjen e Astrit Deharit ka konstatuar se ai ka bërë vetëvrasje.

Në raport thuhet se “vdekja e tani të ndjerit Astrit Dehari ka ardhur si pasojë e asfiksisë mekanike nga mbyllja (bllokimi) i rrugëve të sipërme të frymëmarrjes nga mjeti me konsistencë valide (të fortë)” dhe se kjo është vetëshkaktuar nga tashmë i ndjeri.

I ndjeri Dehari ka qenë aktivist i Lëvizjes Vetëvendosje, dhe ishte arrestuar më 30 gusht të këtij viti nën dyshimin se së bashku me aktivistë të tjerë të kësaj partie kanë sulmuar Kuvendin e Kosovës me armë.  Ai vdiq më 5 nëntor.

 

Glauk Konjufca

Konjufca: Po të ishin gjallë dëshmorët, do të na jepnin vërejtje

Shefi i Grupit Parlamentar të Lëvizjes Vetëvendosje, Glauk Konjufca, ka vlerësuar se përpjekjet e vazhdueshme të të parëve sollën çlirimin e Kosovës, raporton Zëri.info.

Periskopi.com Lajme

Ai në një intervistë dhënë Zëri.infos, ka thënë se të gjithë dëshmorët kanë kontribuuar në këtë drejtim.

“28 nëntori ka paraqitur atë motivin shtesë që të vazhdohet puna për gjendjen më të mirë të kombit shqiptar. Mendoj që pikërisht kjo përpjekje ishte ajo që e solli edhe çlirimin e Kosovës. Të gjithë ata dëshmorë që kanë rënë për lirinë janë pika preferenciale absolute e çlirimit shqiptar”, ka deklaruar Konjufca.

Ndërkaq, ka vlerësuar se po të ishin gjallë dëshmorët, ata do të na jepnin vërejtje për këtë Kosovë që është tani.

“Dëshmorët po të ishin sot gjallë do të na jepnin shumë vërejtje. Ushtarët e kanë dhënë jetën për bashkimin kombëtar, për një Kosovë që nuk është e ndarë në mënyrë etnike”, ka shtuar ai.

Siç është shprehur ai, dëshmorët e kanë dhënë jetën për një Kosovë më të mirë.

Astrit Dehari

Deputeti i Vetëvendosjes nuk e përjashton mundësinë e eskalimin e situatës për vdekjen e Astritit

Deputeti i LVV-së, Mytaher Haskuka, i ftuar në emisionin Politikë në Tribuna Channel, është pyetur se çka ka paraparë Vetëvendosje për veprimet e mëtutjeshme me rastin e vdekjes së Astrit Deharit.

Periskopi.com Lajme

I pyetur se a mund të ketë eskalim të situatës, Haskuka nuk e ka përjashtuar një gjë të tillë.  Sipas Haskukës, pakënaqësia e qytetarëve është në rritje dhe kjo mund të shtyjë në eskalim, sipas tij, nuk mund të mbahen në kontroll qytetarët.

Haskuka shtoi se 17 vjet pas luftës është e papranueshme që të vdes një i burgosur në burg.

aktivistete-e-vv

Fati i aktivistëve të Vetëvendosjes në dorë të forenzikës

Shumë shpejt pritet të vendoset se a do të ngritet aktakuzë apo jo ndaj pesë aktivistëve të Lëvizjes Vetëvendosje, të dyshuar për sulmin ndaj objektit të Kuvendit të Kosovës.

Periskopi.com Lajme

Prokurori i rastit, Abdurrahim Islami tha se rezulatet e fornezikes do të jenë ato që do ndriqojnë këtë rast.

“Personat e arrestuar në momentine  arrestimit janë marrë në pyetje nga hetuesit. Por, unë kam prit që të dalin provat dhe t’ua jap edhe një mundësi për intervistim. Së shpejti besoj që do t’i marrim edhe rezultatet e forenzikës. Intervistimi për ta ka përfunduar”, ka thënë ai.

Asnjëri nda të arrestuarit asnjëherë deri më 15 nëntor nuk janë marrë në pyetje nga prokurori por vetëm nga hetuesit, raporton RTV21.

 

 

Kuvend

Vetëvendosje do votojë kundër buxhetit të vitit 2017

Planifikimi i buxhetit për vitin 2017 ka filluar të shkaktoj përçarjet mes koalicionit qeverisë PDK-LDK.

Periskopi.com Uncategorized

E përderisa në shqyrtimin e parë e kanë kaluar Komisioni për Buxhet i Kuvendi të Kosovës, opozita e votoi kundër.

Subjekti më i madh opozitar, Vetëvendosje e votoi kundër edhe në Komsioni e njëlloj thonë se do bëjnë edhe kur tëe votohet në Kuvend, raporton periskopi.

Shqipe Pantina nga ky subjekt për thotë se natyrisht që edhe në seancë do e kundërshtojnë.

“Edhe në seancë LVV do votojë kundër pasi ky buxhet nuk garanton zhvillim ekonomik e as punësim e mirëqenie për qytetarët. Ky buxhet është më shumë buxhet elektoral dhe kjo ilustrohet më së miri tek investimet kapitale në fushën e infrastrukturës; janë me dhjetëra projekte për te cilat janë ndarë nga 50 000 euro për vitin 2017, përderisa shuma totale e buxhetit shkon prej 250 000 deri në 950 000. Pra kjo qeveri tenton vetëm të fillojë sa më shumë rrugë, por që përfundimi i tyre pritet të bëhet tek në vitin 2019”, thotë ajo për Periskopi

Pantina shpjegon se buxheti aktualisht parasheh zhytjen në borxh edhe të qeverisë se ardhshme, e cila mund të mos e këtë prioritet asfaltin, por ta as arsimin, shëndetësinë apo prioritete tjera.

“Poashtu, duhet ta dimë që shifra nuk është objektiv dhe qëllim në vete. Qëllim duhet të jetë zhvillimi ose zvogëlimi i varfërisë. Shifra e lartë, nuk e garanton zhvillimin ekonomik nëse nuk e ka si qëllim që të përdoret si destinim për zhvillim ekonomik ta zëmë”, thotë ajo. / Periskopi

PDK thotë se mori 13 nëndegë dhe qindra anëtarë të Lëvizjes Vetëvendosje në Drenas

Partia Demokratike e Kosovës deklaron se degës së saj në Drenas sot iu bashkuan 13 nëndegë të Lëvizjes Vetëvendosje dhe qindra anëtarë të kësaj Lëvizje.

Periskopi.com Lajme

​​​​​​​​​​​​​​​​​​​​​​​​Me këtë rast, ish-anëtarët e Lëvizjes Vetëvendosje, u zotuan se do ta përkrahin fuqishëm kandidaturën e Ramiz Lladrovcit për kryetar të Drenasit.

Rifat Demaku, ish anëtarë i VV-së, tha se arsyeja e largimit të tyre nga Vetëvendosje është bërë për arsye se kjo Lëvizje është kapur nga individë e klane, që kanë qëllim marrjen e pushtetit, dhunën dhe mosnjohjen e shtetit të Kosovës.

“Ne anëtarët e  VV që tash e tutje do të jemi pjesë e PDK-së, emblemës së UCK-së, sepse kjo parti është shtetndërtuese. Ne kemi vendosur që në këto zgjedhje ta përkrahim kandidatin  Ramiz Lladrovcin për kryetar të komunës sonë”, tha Demaku, thuhet në komunikatën e PDK-së, raporton Periskopi

Në anën tjetër, Ramiz Lladrovci, e mirëpriti aderimin e strukturave dhe anëtarëve të Lëvizjes Vetëvendosje, duke iu uruar mirëseardhje ne partinë  madhe të PDK-së. Ai tha se po ndihet mirë për këtë përgjigje dhe këtë  unitet që qon drejt fitores së ardhshme të PDK-së në Drenas.

“Ne jemi subjekt politik gjithë qytetarë dhe shembull i respektimit të mendimeve ndryshe. Me PDK-në të gjithë mund të ndjehen kontributdhënës konkret për zhvillimin e Kosovës. Ne garantojmë normalitet dhe punojmë për një shoqëri të qëndrueshme. Përkrahja për PDK-në është përkrahje për forcimin e shtetit tonë.” tha Lladrovci.

Më tej, ai u shpreh se  është pozitive pasi është kuptuar se PDK është i vetmi subjekt i cili i  përgjigjet kërkesave e nevojave të qytetarëve.

Në këtë takim ishin pjesëmarrës  edhe deputetja Ganimete Musliu si dhe deputeti Shaip Muja, të cilët e përkrahen këtë takim dhe kandidaturën e  Ramiz Lladrovci, për kryetar të Drenasit./ Periskopi

_o6b8108 _o6b8140 _o6b8151

mitrovice-marshi-780x439

Edhe Mitrovica kërkon drejtësi për Astritin (Foto)

Shumë qytetarë të Mitrovicës morën pjesë në marshin protestues të organizuar nga shoqëria civile, me moton “Mitrovica kërkon drejtësi për Astritin!”.

Periskopi.com Lajme

Marshi filloi rrugëtimin nga xhamia kryesore e qytetit dhe vazhdoi në shesh për t’u ndalur busti i heroit Mehë Uka.

Aty u mbajtën edhe disa fjalime nga përfaqësuesit e shoqërisë civile dhe përfaqësuesit e organizatës së të burgosurve politik, ku u kërkua drejtësi për Astritin, në mënyrë që rastet e tilla të mos përsëriten ndaj qytetarëve të Kosovës.

Përgjatë rrugës qytetarët thërisnin parulla: “Unë jam Astriti”, “Drejtësi për Astritin”, ndër bartnin edhe pankarta në duar, me mbishkrimet “Nuk ka qetësi, pa drejtësi”, “Drejtësi për Astritin”, “Lironi të burgosurit politik”, shkruan Veriu.info.

Pjesë e këtij marshi u pa të jetë edhe deputetja e lëvizjes Vetëvendosje, Donika Kadaj-Bujupi, drejtuesit e qendrës së Vetëvendosjes në Mitrovicë, e gjithashtu edhe drejtuesit e degës së AKR-së në Mitrovicë.

15152466_10154744335806306_1482972859_o 15101878_10154744335076306_2029348123_o 15152470_10154744335286306_1029973676_o

Rexhep Selimi

Flet Rexhep Selimi: Kadri Veseli shkeli rregulloren e Kuvendit në lidhje me rastin Dehari

Lëvizja Vetëvendosje 12 ditë pas vdekjes së aktivistit Astrit Dehari, në Burgun e Prizrenit, nuk është ndaluar së kërkuari drejtësi për të.

Periskopi.com Lajme

Sipas tyre, Astriti është vrarë nga pushteti, i cili nuk lejoi që të mbahej një seancë e jashtëzakonshme për vdekjen e aktivistit brenda burgut.

Deputeti i Vetëvendosjes, Rexhep Selimi në një prononcim për “Indeksonline”, ka thënë se pushteti dëshiron që ta mjegullojë çështjen e vdekjes së Deharit.

Kjo, sipas tij është vërtetuar dje, kur pasi Vetëvendosje kishte mbledhur 40 nënshkrime aq sa nevojiteshin për ta mbajtur seancën e jashtëzakonshme për Deharin, dy deputetë e kishin tërhequr atë. Selimi thotë se kjo ka ardhur pas kërcënimeve që pushteti iu ka bërë deputetëve.

“Ajo çka ne do të vazhdojnë me këmbëngulësi është që të zbardhim rastin e vdekjes së Astritit në burg. Pra nuk do të heshtim për asnjë çast për asnjë moment, deri sa ne ta kemi të qartë dhe të zbardhet gjithçka para publikut që ka të bëjë me vdekjen e Astritit në Burgun e Prizrenit. Ndërkohë kur ne duam ta zbardhim, pushteti po mundohet ta mjegullojë. Kështu ndodhi edhe sot në Kuvend, ne deshëm të bisedonim, ata duan ta heshtin. Ne duam ta zbardhim, ata duan ta mjegullojnë. Ne duam ta zgjidhim, ata nuk duan ta zgjidhin. Kështu që këto dallime janë thelbësore, por ne nuk do të ndalemi deri sa të ketë drejtësi për Astritin”, është shprehur ai.

Selimi ka thënë se kryetari i Kuvendit, Kadri Veseli e ka shkelur Rregulloren e Punës së Kuvendit sepse ndonëse ishin mbledhur nënshkrimet, ai e kishte shtyrë mbledhjen e Kryesisë.

Sipas deputetit, Veseli në orën 14:00 e kishte pritur në zyre deputetin Danush Ademaj, i cili më pas edhe e kishte tërhequr nënshkrimin. Ai thotë se tek pas kësaj është mbledhur Kryesia.

“Ne kemi kërkuar për dje mbledhjen kur i kemi pasur 40 nënshkrime. Kryesia nuk e ka thirrur mbledhjen për të cilën ka qenë e detyruar deri sa ia ka arritur të bëjë presion te njëri ose te dy deputetë që t`i tërheqë nënshkrimet. Pra, kur ka arritur t`i tërheqë nënshkrimet, njëri nga ta Danush Ademaj, atëherë kryetari i Kuvendit e ka thirrur mbledhjen që ne e kemi kërkuar, pra tek kur ka arritur që ta tërheqë dikush nënshkrimin. Dje në orën dy deputeti Danush Ademaj ka qenë i ftuar te kryetari i cili është detyruar që ta tërheqë nënshkrimin. Kjo thjeshtë nuk është hipokrizi, kjo është shkelje flagrante e Rregullores së Punës së Kuvendit dhe në anën tjetër, është thyerje e çdo norme e politikëbërjes ku ky pushtet po vazhdon t`i kërcënojë deputetët për tërheqjen e nënshkrimeve”, është shprehur Selimi.

Selimi ka komentuar edhe marshin e nesërm që pritet ta mbajnë nxënësit e shkollave të mesme të Prishtinës të cilët do të kërkojnë drejtësi për Astrit Deharin. Për Selimin, ky mardh është thjeshtë një zingjir i kërkesës për drejtësi të Astrit Deharit.

VV thotë se një aktivist tjetër i tyre tash po terrorizohet psiqikisht në burgun e Lipjanit

Lëvizja Vetëvendosje thotë se sot, me shqetësim kanë marr informacione se Atdhe Arifi, sipas tyre, i burgosur padrejtësisht, po terrorizohet psiqikisht në mënyrë të vazhdueshme nga autoritetet e burgut të Lipjanit, ku po mbahet padrejtësisht.

Periskopi.com Lajme

“Familja e aktivistit Atdhe Arifi, që e kishte vizituar sot atë, na tregoi që Atdheu po provokohet nga zyrtarët e burgut, të cilët gjatë gjithë kohës i futen në dhomë, e marrin nëpër zyra të ndryshme, e terrorizojnë pas mesnate duke hyrë në dhomën e tij me bateri dore, dhe në vazhdimësi i thonë “mos bëj vetëvrasje edhe ti, siç ka bërë Astriti””, thuhet në njoftimin e tyre.

Ky subjekt vlerëson se vdekja e Astrit Deharit para tri ditësh, dhe pastaj terrorizimi psiqik ndaj aktivistit të tyre Atdhe Arifi, sipas tyre, flet për terrorin sistemik që po instalohet në Kosovë dhe që për cak ka thyerjen shpirtërore e fizike të të rinjve e të rejave që po guxojnë t’i rezistojnë kësaj Qeverie.

“Këto metoda fashiste, e kanë shndërruar Kosovën në vend autoritar e policor dhe kjo është e papranueshme dhe e patolerueshme për qytetarët e vendit tonë. Lëvizja VETËVENDOSJE! kërkon lirimin e menjëhershëm të Egzon Halitit dhe Atdhe Arifit. Burgjet e këtij regjimi nuk janë më ambiente të sigurta, të qeta e normale për të burgosurit, e veçanërisht për të burgosurit politikë. Lirimi i Atdhe Arifit e Egzon Halitit duhet të bëhet menjëherë dhe pa kushte”, thuhet në reagimin e këtij subjekti./ Periskopi

Visar Ymeri

Ymeri: Do të kërkojmë drejtësi për vdekjen e Astritit

Lëvizja Vetëvendosje sot ka mbajtur ceremoninë komemorative për aktivistin e saj Astrit Dehari, i cili vdiq para disa ditësh në burgun e Prizrenit.

Periskopi.com Lajme

Kreu i Vetëvendosjes, Visar Ymeri, i cili recitoi vargje nga Migjeni, ka thënë se do të kërkojnë drejtësi për vdekjen e tij, raporton KTV.

“Ky është Astriti, njëjtë si në poemën e tij. Nëna Xhemile, motra Albana, dhe shoqja Artë, unë nuk mundem me ju ngushëllu pos që me ndje me ju dhembjen”, është shprehur Ymeri.

Ai e mban përgjegjës pushtetin për vdekjen e Astritit.

“Mbajtja në burg nuk mund të burgoste mendjen e Astritit, andaj mbajtja në burg ishte e panevojshme. Ne nuk mund ta zëvendësojmë atë por mund ta mëshirojmë. Ky pushtet është përgjegjës kryesor për vdekjen e tij dhe ne do të kërkojmë drejtësi”, ka thënë kreu i Vetëvendosjes.

Hashim Thaçi

Asnjë nga liderët e mëdhenj në takimin e ftuar nga Hashim Thaçi

“Ju ftoj që të merrni pjesë në takim pune, që do të mbahet më 4 nëntor 2016, nga ora 10:00, në Ndërtesën e Kuvendit të Republikës së Kosovës.

Periskopi.com Lajme

Tema e takimit: Reforma zgjedhore në Republikën e Kosovës”.

Kjo është përmbajtja e ftesës që Presidenti Hashim Thaçi ua ka drejtuar të gjithë liderëve të partive politike. Ata janë ftuar që nesër të jenë në takimin ku do të diskutohet për reformën zgjedhore.

Aleanca për Ardhmërinë e Kosovës, ka thënë se lideri i tyre Ramush Haradinaj nuk gjendet në Kosovë.

“Haradinaj nuk është në Kosovë, por edhe po të ishte, ai nuk do të merrte pjesë në takimin e ftuar nga Thaçi – sepse kjo temë tashmë është e vonuar”, ka thënë Muharrem Nitaj.

Jo, takimit i kanë thënë edhe Lëvizja Vetëvendosje.

“Zgjedhjet e reja, po të mbahen të ndershme, do të prodhonin legjitimitet për institucionet dhe mbi të gjitha do të sillnin mundësinë për ndryshim që aq shumë i duhet Kosovës”, ka shkruar Visar Ymeri, lideri i Vetëvendosjes pas ftesës që u është bërë nga Presidenti Thaçi.

“Pra, e refuzoj këtë ftesë për reformë zgjedhore. Zgjedhjet janë zgjidhja e vetme. Në të mirë të vendit”.

Ngjashëm do të veprojnë edhe NISMA për Kosovë.

“Nisma vazhdon të qëndron parapa qëndrimit se duhet zgjedhje të parakohshme dhe legjislatura e ardhshme të merre me reformën thelbësore  zgjedhore. Përderisa nuk plotësohen këto kushte Nisma nuk merr pjesë në takime për pseudo tryeza për reforma zgjedhore”, ka thënë Bilall Sherifi për Periskopin

Kryeministri Isa Mustafa, njëherësh lideri i Lidhjes Demokratike të Kosovës aktualisht gjendet në Londër të Britanisë së Madhe ku së bashku me disa ministra të Qeverisë, prezantuam mundësitë për investime të huaja në Kosovë shkruan klan

Pra i bie që as Mustafa nuk do të jetë pjesë e takimit të liderëve ku pritet të diskutohet për reformën zgjedhore.

 

Në një udhëtim pune është edhe lideri i Partisë Demokratikë të Kosovës si dhe kryetari i Kuvendit, Kadri Veseli.

Sipas zëvendësit të tij, Uran Ismailit, në vend të Veselit do të jetë dikush tjetër.

Ndërsa, Lista Serbe nuk ka dashur të përgjigjet.

Kreu i saj, Sllavko Simiq nuk flet për këtë temë.

Në takim kanë konfirmuar se do të marrin pjesë partitë e vogla, siç janë Lëvizja për Bashkim, Partia e Drejtësisë, dhe Partie e Re e romëve të Kosovës, raporton Periskopi

Gëzim Kelmendi që sapo ka themeluar partinë e tij, Fjala nuk ka marr ftesën hiq.

Visar Ymeri

As Visar Ymeri nuk shkon në takimin e ftuar nga Hashim Thaçi

Kryetari i Lëvizjes Vetëvendosje, Visar Ymeri thotë se sot në zyrat e Lëvizjes ka mbërritur një ftesë nga Hashim Thaçi, i cili thotë se dëshiron të mbledhë partitë politike për një reformë zgjedhore.

Periskopi.com Lajme

“Tash, në kohën kur korrupsioni kronik i qeveritarëve të PDK e LDK në nivele qendrore e lokale është bërë publik edhe ndërkombëtarisht nuk kemi kohë për reformë zgjedhore – nevojiten zgjedhje! Tash kur institucionet e qeveria e Kosovës e kanë humbur legjitimitetin pas projekteve antikombëtare të kësaj qeverie, projekte që sollën tensionim të paparë mes qeverisë e popullit, nuk është koha për reforma por për zgjedhje”, thotë ai, raporton Periskopi

Ymeri nuk ndalet me kaq. thotë se ftesa vjen tash, kur sipas tij, populli i Kosovës i varfëruar deri në skaj e gjithnjë e më i papunë prej privatizimeve të kësaj klike po merr rrugët e emigrimit si pasojë e faktit që qeveria PDK-LDK nuk ka ndërmarrë asnjë politikë në ndihmë të ekonomisë e punësimit, tash s’është koha për reforma, por vetëm për zgjedhje.

“Zgjedhjet e reja, po të mbahen të ndershme, do të prodhonin legjitimitet për institucionet dhe mbi të gjitha do të sillnin mundësinë për ndryshim që aq shumë i duhet Kosovës. Pra, e refuzoj këtë ftesë për reformë zgjedhore. Zgjedhjet janë zgjidhja e vetme. Në të mirë të vendit”, thotë Ymeri./ Periskopi

Vetëvendosje

Vetëvendosje thotë se Mustafa më kokëfortësi nuk po lejon daljen nga kriza

Lëvizja Vetëvendosje kërkojnë reflektimin e Qeverisë së Kosovës sa i përket Demarkacionit, në mënyrë që të përfundojë kriza në vend dhe mos të ketë vonesa në proceset integruese të vendit.

Periskopi.com Lajme

Shkodran Hoti, zyrtar për informim në Vetëvendosje thotë për Periskopi.com se kokëfortësia e Isa Mustafës ka bërë që takimet e liderëve ndërmjetësuar nga Naim Rashiti, të mos rezultonin me përafrime.

Ai thotë se edhe kur ka pasur përafrime, është rishfaqur kokëfortësia e Mustafës dhe arroganca e tij duke penguar finalizimin e një deklarate që do të jepte zgjidhje për këtë çështje.

“Ne jemi subjekti i vetëm politik që ka dhënë zgjidhje konkrete për çështjen e demarkacionit, qëndrim ky i përmbledhur në një propozim pesëpikësh dhe i shpalosur nga Visar Ymeri përmes një konference shtypi. Thelbi i këtij propozimi, por edhe i qëndrimeve të mëtutjeshme gjatë takimit të liderëve të ndërmjetësuar nga Naim Rashiti ka qenë kthimi në pikën zero dhe rishqyrtimi i marrëveshjes së demarkacionit, në mënyrë që të kemi një marrëveshje të re të demarkacionit. Në kuptimin që kjo marrëveshje të jetë në përputhje me Kushtetutën e vendit, me vullnetin e qytetarëve të Republikës së Kosovës, si dhe në përputhje me rregullat e së drejtës ndërkombëtare”, thotë ai.

Hoti shpjegon se takimet e deritanishme do të duhej të rezultonin me përafrime që çojnë në këtë pikë, por për fat të keq, sipas tij, edhe kur ka pasur përafrime, është rishfaqur kokëfortësia dhe arroganca e Qeverisë së Kosovës, më saktë e KM Mustafa. Dhe në fakt është pikërisht kjo arrogancë dhe kokëfortësi që ka pamundësuar finalizimin e një deklarate e cila do të jepte zgjidhje për këtë çështje.

“Është momenti që qeveria të reflektojë sepse çdo vonesë në këtë proces më pas është përgjegjësi e saj. Konsiderojmë se tashmë të gjitha palët e kanë të qartë se versioni aktual i demarkacionit s’ka mundësi të jetësohet, dhe parë këtë realitet, lind nevoja për një version të ri të demarkacionit. Kokëfortësia e Qeverisë veçse e ndihmon zgjatjen e krizës, dhe zgjatja e krizës në anën tjetër sjellë vonesa në proceset integruese të Kosovës”, thotë Hoti për Periskopi.com