Mesazhi emocionues nga arresti i kandidatit Frashër Krasniqi (Video)

Periskopi.com Lajme

Zëdhënësi i VV-së, Frashër Krasniqi, tash e 9 muaj ndodhet në arrest shtëpiak. Ai së bashku me tre aktivistë të tjerë po akuzohet për sulmin ndaj Kuvendit të Kosovës.

Mirëpo, Gjykata ende nuk ka mundur ta vërtetojë fajësinë e tyre.

Krasniqi dhe tre aktivistët tjerë, Egzon Haliti, Adea Batusha dhe Atdhe Arifi janë pjesë e listës së VV-së për deputet.

E në pamundësi për të bërë fushatë e për të takuar qytetarët, Krasniqi iu është drejtuar atyre me një video.

Ai ka thënë se dyert e banesës së tij janë të hapura për të gjithë ata qytetarë që duan ta takojnë e të bisedojnë me të.

Pritet që edhe kandidatët e tjerë të VV-së që ndodhen në arrest, t’u drejtohen votuesve me video të ngjashme./Periskopi

Konjufca zbulon një hartë që thotë se Murat Meha e fshehu (Foto)

Periskopi.com Lajme

“Këtë hartë Murat Meha e ka fshehur. Kjo është hartë kadastrale të cilën kam arritur ta siguroj nga ekspertët. Këtu janë të gjitha fshatrat e Kosovës. Dhe pa këtë hartë, që është fshehur, Kosova humbet mijëra hektarë”, ka thënë Glauk Konjufca nga Lëvizja Vetëvendosje, në Magazinën Zgjedhore të Klan Kosovës, ka prezantuar një hartë kadastrale të Kosovës së vitit 1974, e cila sipas tij tregon qartë se demarkacioni i kufirit me Malin e Zi është bërë gabim.

Ai ka deklaruar se si pikë e parë marrja e kriterit kadastral për demarkim të kufirit është gabim kardinal, por që edhe mbi bazën e këtij kriteri, Kosova ka humbur territor.

“Murat Meha ka thënë kufirin do ta gjejmë me kadastër. Ky është gabim i madh. Ka pasur shumë probleme si rezultat i këtij vendimi. Këtë hartë Murat Meha e ka fshehur. Kjo është hartë kadastrale të cilën kam arritur ta siguroj nga ekspertët. Këtu janë të gjitha fshatrat e Kosovës. Dhe pa këtë hartë, që është fshehur, Kosova humbet mijëra hektarë. Janë plot e përlot vendbanime që tani, me demarkacion, kanë kaluar në anën e Malit të Zi. Edhe pse demarkacioni nuk bëhet me hartë kadastrale, edhe me këtë ne humbasim mijëra hektarë territor. Edhe sipas dokumenteve të Departamentit Amerikan të Shtetit, Çakorri është pikë kufitare me Malin e Zi, jo pikat që i ka përcaktuar Komisioni Qeveritar për Demarkim të kufirit me Malin e Zi”.

 

 

Ky është postimi i parë i Albin Kurtit në Facebook (Foto)

Periskopi.com Lajme

Kandidati i Lëvizjes Vetëvendosje për deputet, Albin Kurti ka bërë edhe postimin e parë në Facebook, pas hapjes së llogarisë zyrtare ditën e djeshme.

Ai ka shkruar se në politikë shërbehet me ideal e moral, raporton Gazeta Blic.

Shënimi i plotë:

Refuzuesi i Hashim Thaçit kandidat i VV-së

Periskopi.com Lajme

Mirsad Shkreta stomatologu nga Hani i Elezit që pati votuar kundër zgjedhjes së Hashim Thaçit në krye të PDK-së, është në listën e Vetëvendosjes.

Stomatologu nga Hani i Elezit që në vitin 2013 si delegat i këtij qyteti ishte i vetmi që në Konventën e Gjashtë të PDK-së votoi kundër rizgjedhjes së Hashim Thaçit në krye të kësaj partie, është kandidat i “Vetëvendosjes” për deputet.

Kur votoi kundër zgjedhjes së Thaçit kryetar partie, Shkreta kishte thënë për Gazetën Jeta në Kosovë se kryetari i atëhershëm i PDK-së nuk i ishte hakmarrë për votën kundër.

Shkreta atëherë kishte shfaqur edhe ambicie që vetë të ngjitet në krye të PDK-së.

Më pas në vitin 2014 ish-asamblisti i PDK-së iu bashkua këshilltarëve komunalë të Vetëvendosjes në Han të Elezit.

 

Shkreta vitin e kaluar kritikoi ish-deputetin Elmi Reçica se po takohet dhe po u jep direktiva zyrtarëve të lartë të policisë për të vepruar dhunshëm ndaj aktivistëve në protestat e “Vetëvendosjes”, ndërsa ish-deputeti Reçica dërgoi një foto në KALLXO.com ku shihej me Shkretën në kohën kur Shkreta ishte pjesë e PDK-së, duke thënë se si deputet takohej me shumë njerëz.

Drenori i VV-së nuk humb kohë, nxjerr veturën në shitje për të mbuluar fushatën (Foto)

Periskopi.com Lajme

Ish-kandidati për kryetar të Komunës së Drenasit në zgjedhjet e vitit 2016, Xhavit Drenori, që  tash udhëheq Iniciativën “Vizioni për Drenasin”, ka lidhur koalicion parazgjedhor me Lëvizjen Vetëvendosje për zgjedhjet nacionale.

Në bazë të listës së dorëzuar në KQZ, Drenori është në mesin e 30 kandidatëve të parë të Vetëvendosjes për deputetë të Kosovës.

Dhe, duket se Drenori e ka marrë seriozisht dhe me vendosmëri garën për deputet, duke sakrifikuar kështu edhe veturën e tij, të cilën e ka nxjerr në shitje për të mbuluar shpenzimet e fushatës zgjedhore.

Njoftimin për nxjerrjen e veturës në shitje Drenori e ka bërë publik përmes një postimi në Facebook, transmeton Telegrafi.

Postimi i plotë i Drenorit:

“Miq,

tashmë është zyrtarizuar kandidatura ime për Deputet të Parlamentit të Kosovës për zgjedhjet e 11 qershorit.

Për të përballuar shpenzimet e fushatës zgjedhore kam vendosë me e shitë veturen time private VË Passat (viti i prodhimit 2006).

Vetura është në gjendje shumë të rregullt teknike dhe është në pronësinë time personale edhe me dokumentacion. Nuk është në listen hipotekare. (Nuk e di nëse në Gjermani është vozitë vetëm nga një plakë , por në Kosovë ju garantoj që ka qënë në duar të shoferit shumë të kujdesshëm).

Vetura ka më pak se dy vite që është doganuar në Kosovë dhe inspektimi para doganimit i është bërë tek Autosalloni i autorizuar për VË “Baki Automobile”, ndërsa servisi i rregullt i është bërë tek Automekaniku “Ariani” në Drenas.

Vetura shitet me çmim të arsyeshm të tregut.

PS.: Boll po me dhimbet, por kam mbetë pa alternative tjetër të mbulimit të shpenzimeve të fushatës. Për veturën në fjalë se bashku me bashkëshorten jemi ende kredi në bankë.

PS.2: Shpenzimet e fushatës përfshinë: burekë me jogurt, shpenzimet e levizjeve nëpër teren si dhe mbushjet e telefoni për të gjithë vullnetarët që kanë shpreh gatishmërinë të më ndihmojnë, pastaj shpenzimet e vizitkartave, flyerave si dhe videospoteve promovuese për zgjedhje.  Shpresoj që sado pak ju bëj “konkurencë” në shpenzime disa prej kolegëve nga Drenasi që kanë gurthyes (me-, e pa ligj)”, (sic), ka shkruar Drenori.

 

Aktori kosovar Adem Mikullovci në listë për deputet

Periskopi.com Lajme

Aktori kosovar Adem Mikullovci i cili pak ditë më parë iu bashkua Vetëvendosjes, do të jetë në garë për deputetë.

Mikullovci ka deklaruar se nëse fiton do t5ë jetë një deputet i rëndomtë, por Vetëvendosjen e sheh si një mundësi për të dal nga amullia ky vend.

Në listën e Vetëvendosjes ai mbanë numrin 34./ Periskopi

Krasniqi preferonte koalicion me Vetëvendosjen, tash nuk është as kandidat

Periskopi.com Lajme

Jakup Krasniqi, kryetar i Këshillit Kombëtar të NISMA për Kosovën, gjatë një interviste për gazetën Zëri ka deklaruar se për të më i logjikshëm do të ishte koalicioni parazgjedhor me Vetëvendosjen sesa me PDK-në, por sqaron se një bashkëpunim i tillë nuk është varur nga ai.

“Për mua do të ishte më i logjikshëm koalicioni parazgjedhor me lëvizjen Vetëvendosje, por kjo nuk është varur nga unë. Ky koalicion kishte mundësi që të bëhej, por pati veprime politike për grabitje të anëtarëve brenda opozitës dhe kjo prishi shumë punë”, ka sqaruar Krasniqi.

Ish-kryeparlamentari i Kosovës ka deklaruar se bashkë me Fatmir Limajn e braktisën vite më parë PDK-në, pasi që, siç thotë ai, kishin probleme me keqqeverisjen e Hashim Thaçit, në atë kohë kryeministër i vendit, e jo me partinë dhe anëtarësinë e saj.

Ai ka folur edhe për përgjimet telefonike të aferës “Pronto”, ku Krasniqi dhe Limaj fyheshin rëndë nga drejtues të PDK-së dhe thotë se vesi i veprimeve të prapashpinës veç sa është perfeksionuar.

Lista e plotë e kandidatëve të Vetëvendosjes për deputetë

Periskopi.com Lajme

Lëvizja Vetëvendosje do jetë e vetme në zgjedhjet e 11 qershorit.

Derisa listën e kanë dorëzuar pak qaste para orës 00:00 në KQZ

Periskopi ka listën e plotë

Këta janë emrat

1        Albin Kurti

2        Visar Ymeri

3        Aida Dërguti

4        Dardan Sejdiu

5        Shpend Ahmeti

6        Fatmire Kollçaku

7        Glauk Konjufca

8        Dardan Molliqaj

9        Donika Kadaj

10      Rexhep Selimi

11      Liburn Aliu

12      Albulena Haxhiu

13      Sami Kurteshi

14      Xhelal Sveçla

15      Nazlie Bala

16      Faton Topalli

17      Driton Çaushi

18      Shqipe Pantina

19      Salih Salihu

20      Mytaher Haskuka

21      Besa Baftiu

22      Xhavit Drenori

23      Hydajet Hyseni – Kaloshi

24      Drita Millaku

25      Dukagjin Gorani

26      Ismajl Kurteshi

27      Arbërie Nagavci

28      Jusuf Ulaj

29      Mirsad Shkreta

30      Hatixhe Hoxha

31      Gani Krasniqi

32      Ajet Potera

33      Hatixhe Latifi-Popovci

34      Adem Mikullovci

35      Ali Lajçi

36      Albana Gashi

37      Bashkim Misini

38      Faruk Mujka

39      Leonora Bajraktari

40      Driton Tali

41      Shemsi Syla

42      Shkurte Aliu

43      Xhevat Bislimi

44      Emin Gerbeshi

45      Vlora Haxhimehmedi

46      Nexhat Kryeziu

47      Behxhet Osmani

48      Valbona Bajrami

49      Venera Llunji

50      Ylli Hoxha

51      Fisnik Ismaili

52      Avni Tafili

53      Arbër Rexhaj

54      Teuta Krasniqi

55      Sadri Ramabaja

56      Egzon Haliti

57      Adea Batusha

58      Frashër Krasniqi

59      Atdhe Arifi

60      Fitore Pacolli – Dalipi

61      Qëndron Kastrati

62      Shemsi Elezi

63      Shemsie Vokrri

64      Bashkim Lajçi

65      Selatin Retkoceri

66      Albana Fetoshi

67      Sabit Kadriu

68      Xhevdet Qiriqi

69      Shpresa Januzi Topojani

70      Ismet Hamiti

71      Kujtim Shala

72      Lirijonë Duli

73      Luan Hoxha

74      Nevzad Isufi

75      Arta Bajraliu

76      Leonard Shala

77      Bajram Ajeti

78     Behie Sertolli

79      Fidan Feka

80      Emrush Xhemajli

81      Elza Sadiku

82      Shyqeri Hyseni

83      Eman Rrahmani

84      Jetmira Vrenezi

85      Dervish Çadraku

86      Valon Ramadani

87      Hyrie Veliu

88      Dugagjin Palushi

89      Fidan Ademi

90      Arjeta Rexhepi

91      Sami Ahmeti

92      Mehmed Čeman

93      Krenare Koqi

94      Veton Seferi

95      Rashit Gashi

96      Saranda Bogujevci

97      Ramadan Beqiri

98      Salih Lukaj

99      Violeta Salihu

100    Hysen Durmishi

101    Shpend Hysaj

102    Lazër Ndrecaj

103    Shpejtim Arifi

104    Tahir Tahiri

105    Sylejman Pireva

106    Xhevat Sallahu

107    Xhafer Berisha

108    Erzen Krasniqi

109    Sadik Krasniqi

110    Salih Zyba

 

Molliqaj tregon të vërtetën e negociatave me LDK-në

Periskopi.com Lajme

Sekretari i Lëvizjes Vetëvendosje, Dardan Molliqaj tha se vetëm me AKR-në kanë pasur negociata.

Ai tha se nuk ka pasur asnjë negociatë me LDK-në.

“Asnjë negociatë nuk ka pasur me LDK-në. Unë nuk jam takuar me Kujtim Shalën. Nga 2014 asnjë takim nuk e kam pasur me Kujtim Shalën”, tha ai.

Sipas tij, VV as më 2014 kusht nuk ka pasur kushte në lidhje me pozita.

Dardan Molliqaj tha se pazaret që janë bërë, populli do t’i prishë.

Mësohet kur e dorëzon Vetëvendosje listën e kandidatëve

Periskopi.com Lajme

Zyrtarë të Lëvizjes Vetëvendosje thanë të premten se mbledhja e Kryesisë është duke vazhduar dhe se lista prej 110 kandidatëve për deputetë do të dorëzohet në KQZ në ora 00: 00.

Aida Dërguti nga Vetëvendosje deklaroi, se mbledhja e Kryesisë ende nuk ka përfunduar dhe se janë duke diskutuar për çështje teknike.

Sekretari organizativ i Vetëvendosjes, Dardan Molliqaj, mohoi të ketë pakënaqësi nga aktivistë të Lëvizjes Vendvendosje lidhur me listën e kandidatëve për deputetë, derisa Albulena Haxhiu konfirmoi se lista është me 110 kandidatë.

Sipas tyre dorëzimi i listës me kandidatët për deputetë do të bëhet në ora 00:00.

NISMA po mundohet ta shpëtojë Malishevën, Vetëvendosje e godet pikërisht aty

Periskopi.com Lajme

Behie Sertolli, asambleiste e Nismës për Kosovën në Kuvendin Komunal të Malishevës, ka dhënë dorëheqje nga ky subjekt, duke ju bashkuar Lëvizjes Vetëvendosje.

Këtë njoftim ajo e ka bërë nëpërmjet rrjetit social facebook, ku ka publikuar edhe një fotografi me kryetarin e VV-së Visar Ymeri.

Ajo ka thënë se këtë vendim ndër të tjera e ka marr për shkak të koalicionit që Nisma ka bërë me PDK-në, dhe i është bashkuar VV-së për shkak se është subjekti i vetëm politik i cili përfaqëson vullnetin dhe interesin qytetar në vend.

Më poshtë postimi i plotë i asambleistes Sertolli:

 

Të dashur qytetarë,

Angazhimi im në jetën politike që nga fillimi ka qenë që të punojmë dhe japim kontributin për të ndryshuar gjendjen jo të mirë politike dhe shoqërore në Malishevë e më gjerë.

E përkushtuar për të qenë pjesë e organizimeve të tilla vite më parë iu pata bashkuar fillimisht IQM-së e pastaj Nismës për Kosovën si një përgjigje ndaj nevojës për ta ndryshuar gjendjen dhe për t’i ndalur politikat aspak progresive të PDK-së.

Për më tepër ne ftuam qytetarët që të na përkrahin në rrugëtimin tonë dhe vetëm me përkrahjen e tyre arritëm të krijojmë një realitet të ri politik në Malishevë, i cili duhej të ishte e kundërta e PDK-së.

Mirëpo, vendimi që Nisma të hyjë në koalicion me PDK-në ka krijuar me të drejtë pakënaqësi tek shumë anëtarë të Nismës por edhe tek qytetarë të tjerë, pasi që ky vendim është në kundërshtim të plotë me vet idenë dhe bazën mbi të cilën është themeluar Nisma.

Bashkimi me ata që mbahen si fajtorët kryesor për gjendjen në vend është në kundërshtim me vullnetin e qytetarëve të Malishevës dhe të Kosovës.

Andaj, me qëllim që të mbetem pranë qytetarëve të cilët më votuan që të ndjekë parimet e përfaqësimit të drejtë të tyre, nga sot aktiviteti im politik do të vazhdoj përkrah Lëvizjes VETËVENDOSJE! si subjekti i vetëm politik i cili po tregon që përfaqëson drejtë vullnetin dhe interesin qytetar në vend.

Me respekt,Behie Sertolli

 

 

 

Gorani thotë se Vetëvendosje garon e vetme, por jo e vetmuar

Periskopi.com Lajme

Dukagjin Gorani nga Lëvizja Vetëvendosje ka bërë të ditur subjekti që ai përfaqëson po shkon i vetëm në zgjedhje e jo i vetmuar.

Sipas tij ndryshimi nuk vjen në Kosovë pa Lëvizjen Vetëvendosje pasi transformimi nuk bëhet nga këto 2 koalicionet apo nga aderimet e reja në politikë.

Gorani në emisionin Politikë në Tribuna Channel është shprehur skeptik ndaj qëllimit të partivë kur prezantojnë aderimet e reja.

Sipas tij, këto mund të jenë vetëm për ‘shoë’ dhe jo me qëllimin që ta ndryshojnë me të vërtetë shoqërinë në Kosovë.

“Sot fryma e opozitarizmit vjen pothuajse nga Lëvizja Vetëvendosje.“ ka nënvizuar Gorani duke shtuar vullneti për aktivitet politik është shumëfish më i madh falë Vetëvendosjes.

Sipas tij, Koalicionet pavarësisht se janë të mëdha do të jenë një listë e prandaj në sytë e votuesve do të jenë të barabartë.

Gorani thotë se LDK u bëri presion

Periskopi.com Lajme

Zyrtari i lartë në Lëvizjen Vetëvendosje, Duakgjin Gorani është shprehur se nuk ka pasur një ofertë konkrete nga Lidhja Demokratike e Kosovës dhe për këtë arsye dështuan edhe bisedimet ndërmjet këtyre subjekteve.

Ai, në Tribuna Channel tha se kërkesë e Vetëvendosjes do të ishte kështu; kushdo që është i interesuar për një angazhim serioz për ndryshim duhej të pranohet kandidati i VV për kryeministër që është Albin Kurti.

“Ne nuk kemi qenë kundër bashkëpunimeve por këshilli i përgjithshëm mori vendimin që të mos hynim në koalicion me partitë që ishin në pushtet. Në fund ishte bashkëpunimi që të mos sulmoheshim në fushatën zgjedhore. Nuk është Lëvizja Vetëvendosje ajo që i shoi shpresat por mungesa e guximit nga koalicioni I prirë nga LDK për barazi. Lëvizja Vetëvendosje nuk kërkoi diçka, e kërkesa e LDK ishte e paqartë që Vetëvendosja të bëhej si bisht në Listën e LDK. Nuk bëhet për ofertë por presione të panevojshme që i ka bërë te ne Lidhja Demokratike. Ka pasur dëshirë për bashkëpunim por askush nuk e ka formuluar mirë”, ka shtuar Gorani.

Fjalimi i Albin Kurtit, pas nominimit për kryeministër (Video)

Periskopi.com Lajme

Këshilli i Përgjithshëm i Vetëvendosje, i ka dhënë besimin Albin Kurtit duke e dominuar atë për kryeministër të Kosovës për zgjedhjet e 11 qershorit.

Kurti ka mbajtur një fjalim para anëtarëve të Këshillit Drejtues si dhe anëtarëve të Vetëvendosje.

“Drejtësia, zhvillimi ekonomik e demokracia e së nesërmes do ta mposhtë koalicionin e hajnave, kriminelëve e milionerëve të së djeshmes”, shkruan në faqen e kësaj partie në Facebook, ku është postuar edhe fjalimi i Kurtit – të cilin e gjeni më poshtë:

 

Flet Albin Kurti, tregon detaje nga bisedimet me LDK-në

Periskopi.com Lajme

I nominuari për kryeministër nga Vetëvendosja, Albin Kurti, ka thënë se takimet me LDK-në nuk sollën bashkëpunim sepse LDK nuk ishte e gatshme të përfshihej në listën e Vetëvendosjes, edhe pse iu ofrua shumica e numrave në listë.

Ai ka thënë se ky insistim i LDK-së për marrëveshje me Vetëvendosjen erdhi vetëm sepse u frikësua nga koalicioni PDK-AAK-Nisma, të cilin Kurti e quan “koalicion të natës”.

“Kemi qenë të gatshëm të presim zyrtarë të LDK-së që na vërshuan me telefonata se duan kompromis vetëm që të merremi vesh për t’i hequr këta. Ne ishim me ta në kohën e VLAN-it, ikën shkuan te klani Pronto. Ishim VAN-i ata ikën. Me këto koalicione të natës kur e panë se mbetën prapa kësaj listës tjetër filluan të na kontaktojnë neve. Tash ka dy lista dhe një lëvizje, që po ashtu nesër e dorëzon listën e deputetëve. Ose ne do të duhej të shkonim në listën e koalicionit të natës që u frikësua nga një koalicion tjetër i natës apo ata të vijnë në listën tonë. Ishim të hapur që shumica e vendeve të jenë nga ky koalicion, nëse e kishin me mend, por ne ishim të hapur që të vijnë në listën e Vetëvendosjes. Por nga takimi u pa që nuk pati gatishmëri të tillë”, ka thënë ai në Specialen në KTV.

Ai ka folur edhe për kandidaturën e tij për kryeministër duke u shprehur i bindur në fitore. Ka thënë se populli po kërkon ndryshim dhe këtë nuk mund ta bëjë me koalicionet që kanë udhëhequr deri tani vendin.

“Vetëvendosja dhe unë jemi gati t’i shërbejmë popullit si kryeministër. Kemi pasur rritje të jashtëzakonshme në dy vitet e fundit. Mbështetja shihet në terren dhe në matjet e opinionit publik. Edhe populli po kërkon ndryshim. Nuk duam të lejojmë ky koalicion i ndarë në dy lista të vazhdojë me zhvatje. Njerëzit po frikësohen se nuk gjejnë vende pune. Njerëzit frikësohen se fëmijët nuk po arsimohen. Njerëzit po frikësohen se shumë shpejt mund të bëhen të varfër. Është koha e fundit për të sjellë ndryshim”, tha ai.

Data e zgjedhjeve nacionale është përcaktuar 11 qershori.

 

Vazhdon ‘vardisja’ e LDK-së ndaj Vetëvendosjes, Muhaxheri flet për listën e deputetëve

Periskopi.com Lajme

Gazmend Muhaxheri nga Lidhja Demokratike e Kosovës, ka thënë se me Lëvizjen Vetëvendosje e kanë lënë një mundësi të hapur bashkëpunimi për të ardhmen.

“Negociata nuk dështuan, ishin të vonuara”.

Muhaxheri tregoi se me Vetëvendosjen nuk janë diskutuar postet, ndërsa tha se “LDK-ja gjithmonë e ka përpara Kosovën dhe jo partinë”, duke iu kundërpërgjigjur kështu Vetëvendosjes.

“Ne gjithmonë kemi vendos interesat e Kosovës para interesave tona”.

Ai tutje tregoi se lista e kandidatëve për deputetë thuaje është përafruar.

“Lista është e gatshme thuajse, por jo definitive, brenda natës ose edhe deri nesër do të dorëzohen listat definitive”.

Muhaxheri nuk ka dhënë shumë komente rreth asaj se në këtë listë a do të jenë ish-deputetët Vjosa Osmani dhe Shpejtim Bulliqi.

Ndërsa duke folur për koalicion PDK, AAK, NISMA ka thënë se “ky është koalicion i panikut”.

“Në këto rrethana me këtë koalicion nuk do të mund të ketë koalicion paszgjedhor”.

Ndërsa për Lumir Abdixhikun dhe të tjerët që kanë aderuar në këtë parti, ka thënë se do të jenë vetëm anëtarë të ri të LDK-së.

Baraliu: Mos e nënçmoni mllefin e votuesve, VV mund të fitojë

Periskopi.com Lajme

Bleron Baraliu thotë se nuk duhet nënçmuar mllefi i votuesve.

Ai këtu merr shembull nënçmimin që bëri Hillary në kohën e zgjedhje.

Baraliu që është veprimtar dhe biznesmen në New York thotë se oferta e e vetme serioze e mbetur është që LDK të futet në listën e VV-së dhe atë me raport 50/50.

Shkrimi i plotë

Oferta e vetme serioze e mbetur eshte qe LDK te futet ne listen e VV, dhe ate me raport 50/50. Kryeministri i takon VVse – ktu ska dyshim as hapesire negociate.

Perndryshe, VV eshte levizje me rezon afatgjate, pra mund ti beje balle edhe ‘humbjes’, por edhe ka gjasa 3/11 te fitoj. Mos e nencmoni mllefin e njerezve, siq e nencmoi Hillary!!!

Ndersa LDK, gjasat jane te dale e treta ne zgjedhje, dhe te ndahet e shuhet perfundimisht. LDK e din qe nuk ka rrugedalje, prandaj VV ka lev pothuajse pakufi te negocoj.

Pyetja e vetme qendron: a eshte e gatshme VV te bej tash nje kompromis qe nuk ka care pa e bere nese mendon te jetoj ne politike, dhe ti lejoj LDK-se hapesire ne listen e vet?! Rreziku natyrisht qendron qe me LDK-ne VV rrezikon shume me teper ne afat te gjate…

p.s. me duhet tua kujtoj LDKse rezultatet probabile nese hyjne ‘vetem’ siq jane: PAN: 30-41% || VV: 25-37% || LDK: 18-27%

Mësohet kush ishte në takimin LDK-Vetëvendosje, dhe cilat janë kushtet e secilës

Periskopi.com Lajme

Pas një takimi që është mbajtur në orët e vona të së mërkurës mes Lëvizjes Vetëvendosje dhe koalicionit LDK-AKR, nuk ka pasur asnjë marrëveshje.

Mësohet se negociatat do të vazhdojnë ende derisa nuk publikohet lista e kandidatëve për deputet, por Insajderi merr vesh nga burimet e saja, se në takimin e dytë kanë qenë Gazmend Muhaxheri dhe Kujtim Shala nga Lidhja Demokratike e Kosovës dhe Glauk Konjufca e Visar Ymeri nga Lëvizja Vetëvendosje.

Takimi ka dështuar pasi palët nuk kanë arritur të merren vesh mes vete për të kandiduar në zgjedhje me një listë të përbashkët.

Megjithatë palët janë pajtuar për një gjë tjetër që nuk ka të bëjë me listat.

Lidhja Demokratike e Kosovës ka kërkuar nga Lëvizja Vetëvendosje që edhe nëse nuk arrihet ndonjë marrëveshje për listë të përbashkët, VV-ja të mos e sulmoj gjatë fushatës.

Përfundon takimi i natës LDK – Vetëvendosje

Më herët Lëvizja Vetëvendosje doli me një komunikatë për takimin e parë me koalicionin LDK-AKR. E lanë të hapur mundësinë e kandidimit me një listë të përbashkët me LDK-AKR.

“Të gjithë ata që janë të gatshëm t’i bashkohen kësaj beteje për ndryshim rrënjësor jemi të gatshëm t’i presim në takim”, thuhet në komunikatë.

Aty tregohej sesi koalicioni LDK-AKR i kanë ftuar në takime.

“Gjatë ditës së sotme kemi pranuar dhjetëra kërkesa për takim nga koalicioni LDK/AKR. Edhe pse jemi në orët e fundit para dorëzimit të listave, kryesia e Lëvizjes vendosi që t’i pranojë në takim”, thuhet në komunikatë.

 

 

Kujtim Shala i bashkohet Vetëvendosjes (Foto)

Periskopi.com Lajme

Lëvizjes Vetëvendosje, dega në Prizren sot i është bashkuar profesor Kujtim Shala.

Këtë e ka bërë të ditur ish-deputeti i Lëvizjes Vetëvendosje, Mytaher Haskuka.

Ai ka thënë se profesor Shala deri më tani nuk ka qenë aktiv në asnjë parti.

“Profesor Shala deri më tani nuk ka qenë aktiv në ndonjë parti, pavarësisht se në periudha të ndryshme i ka ndihmuar partive të ndryshme. Sot ai na është bashkuar neve”, ka thënë shkurt Haskuka.

Ndryshe, Kujtim Shala, është shef i Departamentit të Stomatologjisë në Fakultetin e mjekësisë, po ashtu ai ka qenë edhe kryetar i Odës së Stomatologëve të Kosovës edhe Odës së Profesionistëve Shëndetësorë.

 

 

A është i ligjshëm koalicioni LDK-AKR me Vetëvendosjen? E sqaron KQZ-ja

Periskopi.com Lajme

Kryetarja e KQZ-së Valdete Daka ka thënë se Lëvizja Vetëvendosje nuk mund të bëjë koalicion me LDK-AKR, por që sipas saj Lëvizja mund të hyjë në listën e koalicionit LDK-AKR.

Mbrëmë në orën 00:00 ka skaduar afati për dorëzimin e koalicioneve.

Ndryshe gjatë ditës është raportuar se Vetëvendosje mund t’i bashkohet koalicionit LDK-AKR, por kjo është mohuar nga zyrtarë të VV-së.