Surroi: “Pas dhjetë vitesh do t’i kemi njëqind mijë veteranë”

Periskopi.com Lajme

Në një shkrim autorial për portalin Koha “Një pension për Haxhi Zekën”, publicisti Veton Surroi ka folur për çështjen e rishikimit të buxhetit, dhe për nevojën e sigurimeve shëndetësore në Kosovë.

Ai bën një ndërlidhje të çuditshme mes kryengritësit të njohur Haxhi Zeka, dhe kancelarit të famshëm gjerman Otto Von Bismarck. Por poashtu, siç dëftohet edhe nga titulli, bën një ndërlidhje të çuditsme mes Haxhi Zekës dhe veteranëve mashtrues.

Sipas tij, ishte Bismarcku që dashakeqësisht e nisi ‘shtetin social’ thjesht duke dashur të merrte mbështetje nga shtresat e varfëra, e jo sepse e besonte në një gjë të tillë. Lidhja e Haxhi Zekës, si një figurë e njohur kombëtare, me qëllimet e shkrimit është krejtësisht e pakuptueshme.

Publicisti i njohur kosovar shpreh mllefin e tij për çështjen e listave të veteranëve, dhe për prioritetizimin e pagave të veteranëve ndaj sigurimeve shëndetësore. Ashtu siç vërehet edhe në titullin e shkrimit të tij “pension për Haxhi Zekën” ai provon të bëj sarkazmë me fryerjen e listave, dhe me politikanët që janë përgegjës për një gjë të tillë. Sidoqoftë, sarkazma dështon të përkthehet në sarkazmë, sepse e vërteta është që “pensionet” për veteranët përdoren pikërisht për efekte politike ose ekonomike – siç e thotë ndër rreshta vetë Surroi.

Ashtu siç është e paqartë prania e Haxhi Zekës në shkrimin e tij, është e paqartë edhe ajo që duhej të bëhej në rastin konkret. Të votohej apo të mos votohej për buxhetin. Dhe poashtu, çfarë të bëhej konkretisht në lidhje me hetimin e listave, dhe me ndërtimin e një ‘shteti social’ të cilin ai e kërkon?

Lexo shkrimin e plotë: http://www.koha.net/veshtrime/53483/nje-pension-per-haxhi-zeken/

Gjesti më i madh sportiv në Kosovë që keni parë, ia shpëtojnë jetën shoferit (Foto)

Periskopi.com Lajme

Pjestarët e klubit futbollistik FC KEK-Veteranët janë treguar sot tepër njerëzor.

Ata ia shpëtuan jetën një shoferit të një kamioni i cili u aksidentuar në rrugën Prizren-Prishtinë në autostradë, raporton Periskopi

Siç mund ta shihni në fotografi, kamioni ishte rrokullisur dhe shoferi kishte ngecur brenda.

Ata të gjithë, pa asnjë hezitim i shpëtuan jetën dhe e nxorën nga aty.

Ata po udhëtonin drejt Durrësit ku nesër do të luajnë një lojë kundër ekipit të Teutës së Durrësit. Loja është e karakterit miqësor./ Periskopi

 

 

Kartelat e veteranëve të UÇK-së hidhen në plehra (VIDEO)

Periskopi.com Lajme

Në një grumbull mbeturinash, skaj një rruge në lagjen Matiqan të Prishtinës, janë hedhur edhe disa gjëra, dikur të çmuara.

Dikush, pa fije respekti, gjuajti këtu kartelat që dëshmojnë se poseduesit e tyre janë veteranë dhe ish pjesëtarë të Ushtrisë çlirimtare të Kosovës, njofton Klan Kosova.

Këto kartela, që janë shumë, ishin lëshuar nga Organizata e Veteranëve të Luftës së UÇK-së, me vlefshmëri njëvjeçare.

Në mesin e tyre janë edhe dy që i takojnë ish komandantit të luftës, kryetarit të dikurshëm të Lipjanit dhe aktualisht deputetet të PDK-së, Shukri Buja.

Ky po ndihet keq, pasi mori vesh se kartelat e tij janë konsideruar të denja për t’u hedhur në plehra.

 

 

Prokuroria e Shtetit tregon deri në cilën fazë kanë shkuar hetimet për veteranët e UÇK-së!

Periskopi.com Lajme

Lista me mbi 46 mijë qytetarë të Kosovës të cilët gëzuan statusin e veteranit të Ushtrisë Çlirimtare të Kosovës vazhdon të jetë objekt i hetimit nga ana e Prokurorisë së Shtetit edhe pas 5 muajve, nga kur patën nisur ato.

Lajmin e ka konfirmuar për “Gazeta Blic” Liridona Kozmaqi, zyrtare për informim e Prokurorisë së Shtetit.

Sipas saj, edhe në këtë kohë, prokurorët janë duke bërë grumbullimin e informatave në lidhje me keqpërdorimin eventual të listave të veteranëve të UÇK-së.

“Tani prokuroritë janë duke marrë veprimet e nevojshme në bazë të kompetencave që kanë dhe më pas varësisht nga grumbullimi i informatave do të përcaktohet nëse ka fakte për ndjekje penale ndaj personave përgjegjës dhe rrjedhimisht edhe për ngritje të aktakuzës”, tha ajo.

E pyetur se a kanë identifikuar parregullsi në këto lista deri në këtë fazë të hetimeve, Kozmaqi mohoi të jap detaje me arsyetimin se hetimet po vazhdojnë edhe më tutje.

“Tani në këtë fazë ku hetimet janë duke vazhduar në prokuroritë kompetente nuk mund të bëhen publike informata tjera”, ka thënë ajo.

Dyshimet për fryrje të listave me veteranë të UÇK-së nga përfaqësues të organizatave të dala nga lufta, kanë qenë pikënisje e hetimeve nga ana e prokurorisë.

Numri i madh i veteranëve ka rrezikuar edhe buxhetin e Kosovës, madje në vitin e kaluar kjo kategori për disa muaj rresht ka marrur pensionin e saj më vonesë./GazetaBlic.com/

 

Abrashi ‘e ka mirë’ me veteranët

Ministri i Punës dhe Mirëqenies Sociale, Arban Abrashi, njëherësh zëdhënës në Qeverinë e Kosovës ka treguar se ka qenë sot për vizitë tek Organizata e Veteranëve të Luftës së UÇK-së.

Periskopi.com Lajme

“Aty diskutuam shkurtimisht detajet dhe propozimet për hartimin e koncept dokumentit përmes së cilit synojmë të hartojmë ligjin dhe të themelojmë Agjencinë shtetërore që do të qeverisë dhe menaxhojë të gjitha çështjet që ndërlidhen me kategoritë e dala nga lufta e UÇK-së”, ka shkruar Abrashi.

Veteranët e UÇK-së deklarohen të gatshëm për të luftuar sërish me Serbinë

Kryetari i Organizatës së Veteranëve të Luftës së Ushtrisë Çlirimtare të Kosovës, Hysni Gucati, ka thënë se veteranët e UÇK-së i kanë pritur me shqetësim provokimet e fundit të Serbisë ndaj Kosovës.

Periskopi.com Lajme

Ai ka thënë se Kosova tanimë i ka institucionet e veta, Presidencën, Kuvendin, Qeverinë, Policinë dhe FSK-në, për t’u mbrojtur si shtet kundër çfarëdo reagimi të Serbisë.

Por, sipas tij, nëse është e nevojshme, veteranët e luftës së UÇK-së janë të gatshëm t’i përgjigjen shtetit të tyre për çfarëdo ndihme.

Gucati në një intervistë për Epokën e Re ka folur edhe për protestën e thirrur nga OVLUÇK në mbështetje të Ramush Haradinajt, e cila do të mbahet këtë të shtunë në Prishtinë.

Ai ka thënë se në këtë protestë do të paraqesin disa kërkesa për Francën dhe institucionet e Kosovës.

Gucati u ka bërë thirrje institucioneve të Kosovës t’i bëjnë trysni Brukselit që Serbia t’i heqë nga Interpoli emrat e ish-ushtarëve të UÇK-së.

VV e AAK e çojnë në Kushtetuese Ligjin për Veteranë

Grupet Parlamentare të Vetëvendosjes dhe të AAK-së do të dërgojnë në Gjykatën Kushtetuese Ligjin e ri për Veteranë.

Periskopi.com Lajme

“Grupi Parlamentar i Lëvizjes Vetëvendosje dhe ai i Aleancës për Ardhmërinë e Kosovës, përmes deputeteve Aida Dërguti dhe Time Kadrijaj, dorëzojnë sot në Gjykatën Kushtetuese në orën 14:00 kërkesë për vlerësimin e kushtetutshmërisë të ligjit për plotësimin dhe ndryshimin e Ligjit për Veteranë”, thuhet në njoftimin për media të Vetëvendosjes.

Veteranët të zhgënjyer me ligjin e miratuar nga Kuvendi

Veteranët e luftës së UÇK-së, janë të pa kënaqur në lidhje me miratimin e ligjit nga Kuvendi i Kosovës,  për veteranët e luftës.

Periskopi.com Lajme

 

Ndonëse ishte kërkuar që të bëhen disa ndryshime në këtë projektligj,  Qeveria e Kosovës në mbledhjen e saj të fundit me 29 dhjetor ka miratuar projektligjin për të cilin përfaqësues të veteranëve janë shprehur të zhgënjyer.

Hysni Gucati Kryetarë i Organizatës së Veteranëve të Luftës së UÇK-së, ka thënë për Indeksonline se janë vetëm dy pika ku është bërë ndryshim pozitiv, ndërkaq për pikat tjera të këtë ligj janë krejtësisht të zhgënjyer.

“Nuk jemi të kënaqur me ligjin e miratuar  për veteranët e luftës, por gjithsesi ka disa përmirësime se ligji paraprak që ishte. Ligji i miratuar nga në Kuvendin e Kosovës, ka vetëm dy pika pozitive në te. E pra është se familjarët e veteranëve ata të cilët kanë vdekur nga viti 1999, do të përfitojnë një pagë prej 250 euro në muaj. Dhe e dyta është se është hequr nëni i cili a ka ndaluar punësimin për veteranët, tani ata kanë të drejt pune si dhe 50 për qind të pensionit ta marrin njëkohësisht”, ka deklaruar Gucati.

Në pakënaqësitë se veteranëve sa i përket ligjit, sipas Gucatit është edhe kategorizimi i veteranëve që është bërë si dhe çështja e benificioneve ku ligji nuk përcakton se çka do të përfitojnë tani veteranët tani

“Gjithashtu edhe numri i veteranëve prej 46 mijë është jashtëzakonisht i lartë, sepse numri real i luftëtarëve është shumë më i vogël se sa shifra e paraqitur zyrtarisht nga Qeveria”, ka thënë Gucati

Kategorizimi i pagave përplas veteranët!

Periskopi.com Video

Përplasje e ashpër ndërmjet kryetarit të veteranëve dhe përfaqësuesit të Zonës së Dukagjinit (Video)

(I plotësuar) – Përplasja e ashpër ndërmjet Gucatit dhe Demaliajt ka vazhduar edhe më tej në debat. Demaliaj e ka akuzuar Gucatin se i ka tradhtuar veteranët dhe se ai nuk e njeh për kryetar.

Periskopi.com Lajme

Në emision janë përdorur edhe fjalë të rënda në drejtim të njëri-tjetrit, raporton lajmi.net.

E gjithë ky debat në RTK në emisionin “Imazhi i Ditës” është zhvilluar për shkak të ligjit të ri për veteranët ku janë kategorizuar veteranët.

Sërish përplasje e veteranëve për ligjin

Hysni Gucati kryetar i OVL-së së UÇK-së, dhe Shkumbim Demaliaj, përfaqësues i Zonës së Dukagjinit, janë përplasur për Ligjin për Veteranët në televizionin publik.

Demaliaj e ka akuzuar Gucatin se nuk ka qenë fare ushtar i UÇK-së dhe i ka kërkuar t’ia shfaq vetëm një fotografi ku shihet në luftë, transmeton lajmi.net

Në anën tjetër Gucati i ka thënë Demaliajt se nuk ka të drejt të qëndroj në Këshillin Drejtues dhe në të njëjtën kohë në Kryesinë e Aleancës për Ardhmërinë e Kosovës.

“Pije do ujë, nëse do ta jap unë dhe qetësohu e lem me fol”, i është drejtuar Demaliaj, Gucatit.

Mustafa forcën e koalicionit e mat me aprovimin e Ligjit të Veteranëve

Isa Mustafa, kryeministri i vendit pas aprovimit të Ligjit për Veteranët e UÇK-së, tha se u tregua forca e koalicionit qeverisës.

Periskopi.com Lajme

Më poshtë është  i plotë shkrimi i tij:

Aprovimi i ndryshimeve në Ligjin për Veteranët e UÇK-së dëshmon seriozitetin dhe forcën e koalicionit qeverisës. Uroj deputetët për një vendim shumë të rëndësishëm, Kryetarin e Kuvendit dhe OVL.

Është ky një vendim që ka kërkuar më shumë kohë dhe angazhim, një involvim të kreut të shtetit dhe punë me përkushtim të Ministrit të Punës dhe Mirëqenies Sociale. Kosova trasoi rrugën për zhvillim të qëndrueshëm ekomomik.

Veseli uron veteranët, thotë se Ligji i ri do të afirmojë vlerat e luftës

Kadri Veseli, kryetar i Kuvendit i ka uruar veteranët e luftës për “Ditën e Veteranit”.

Periskopi.com Lajme

“Me çlirimin e Kosovës, veteranët nuk e kanë thënë fjalën e tyre të fundit. Tash, ata janë pjesë aktive e shtetndërtimit, fuqizimit të shtetit ligjor, demokracisë dhe zhvillimit ekonomik”.

“Sot, në “Ditën e Veteranit”, urimet më të mira për ta. Ligji i ri do të afirmojë vlerat e luftës sonë çlirimtare”.

Lekaj: Veteranët u përçan në ditën e tyre

Miratimi i Ligjit për Plotësim të Ligjit të Veteranëve ka nxitur reagimin e Grupit Parlamentar të AAK-së. Kryetari i këtij grupi ka thënë se në këto orë të vona kur duhej të uronin për unitet dhe bashkim të faktorit politik e ushtarak të ish-UÇK-së, u bë e kundërta.

Periskopi.com Lajme

Ky është reagimi i plotë i Lekajt:

Mazhoranca e  “Zullumit”

Ligji i cili kaloj sonte në orët e vona në netët e festave, kur do të duhej që të uronim për unitet dhe bashkim të faktorit politik e ushtarak të ish-UÇK’s, u bë e kundërta.

Sonte, mazhoranca politike-qeverisëse ka bërë dëmin më të madh ndaj luftës së UÇK’s, në Ditën e Veteranëve e bënë edhe një ndarje dhe përçarje të tyre.

Krejt kjo në kundërshtim me parimet e demokracisë duke bërë presion në deputetet e Kuvendit, sepse edhe nga katër herë është përsëritë votimi për të njëjtin propozim.

Kryeministri i Kosovës, kur bëhet fjalë për vlerat e luftës Çlirimtare është mësë i gatshëm t’i përbuzë ato.

Por kur është në pyetje muri ndarës dhe dialogu me Serbinë është po aq në gjendje që të bëjë “aminin” e të pranojë çka do çoftë, vetëm që të jetë rahat në pushtetin e tij izoluese për Kosovën.

Sot e keni dënuar çdo luftëtarë i cili edhe ashtu, ka qenë buzë greminës, sepse ka marrë lëmoshë nga kjo qeveri.

Në fund të vitit ua dërguat një “dhuratë” që i dënon që i ndanë e që e defaktorizon luftën Çlirimtare dhe i bjenë në shprehje sundimtarët nga ish sistemi.

Ja si do të kategorizohen veteranët me ligjin e ri dhe sa para ju takojnë në muaj

Deputetët e Kuvendit të Kosovës gjatë seancës së jashtëzakonshme, sonte kanë miratuar shqyrtimin e dytë të Projektligjin për veteranët e luftës së Ushtrisë Çlirimtare të Kosovës.

Periskopi.com Lajme

Në votimin e parë për Projektligjin me ndryshime kanë votuar 45 deputetë, 6 ishin kundër, ndërsa 7 abstenuan, për çka u deshtë të votohet sërish, pasi në votim morën pjesë 58 deputetë.

Ndërsa, në votimin e dytë, ku në sallë ishin 68 deputetë, 44 deputetë votuan për, 8 ishin kundër, 11 abstenuan, shkruan lajmi.net.

Si do të kategorizohen veteranët dhe cili është pensioni që do të marrin ata.

Veterani luftëtar i mobilizuar në luftë nga fillimi i saj deri në fund me pension 250 euro, veterani luftëtar i mobilizuar në luftë nga data 5 mars 1998 deri në fund me pension 170 euro dhe veterani luftëtar i mobilizuar në luftë nga data 31 mars 1999 deri në fund me pension 120 euro.

Kryeministri Isa Mustafa ka thënë se në rast se Ligji nuk miratohet brenda këtij viti, Kosova rrezikon të dalë nga programi i FMN-së.

Reagon Osmani: Dërgutin e kërcënuat se është grua, s’jeni veteranë të mirëfilltë

Deputetja e LDK-së, Vjosa Osmani thotë se ajo që ndodhi sot në Kuvendin e Kosovës kur edhe u kërcënua deputetja Aida Dërguti, u keqpërdor pjesëmarrja në institucionin më të lartë të vendin me sjellje që nuk i kanë hije askujt.

Periskopi.com Lajme

Osmani vlerëson se Dërgutit i thanë ashtu sepse është grua, por asnjëherë nuk guxuan ta bënin me burrat.

Reagimi i saj i plotë:

Nga punimet e sotme te Kuvendit:

Kur flisnin deputetët burra dhe kundërshtonin kategorizimin e luftëtareve, askush nuk reagonte e nuk kërcënonte. Kur mori fjalën një grua deputete, filluan kërcënimet e britmat. “Ule gishtin se n’gojë ta shti atë gisht” ishin fjalët drejtuar nënkryetares së Kuvendit Aida Dërguti, nga përfaqësuesit e shoqatave të luftës. Ata keqpërdoren pjesëmarrjen në institucionin më të lartë të Republikës së Kosovës, me sjellje që nuk i bënë nder veteranëve te mirëfilltë, aq më shumë kur drejtoheshin ndaj një deputeteje grua që edhe vetë ka qenë luftëtare e UÇK-së./ Periskopi

 

Gucati ofendon dhe ia ndërpren fjalën Dërgutit

Në ditën e tyre, veteranët e UÇK-së bëhen me Ligj të ri

Kuvendi ka miratuar Projektligjin për veteranët Ushtrisë Çlirimtare të Kosovës.

Periskopi.com Lajme

Deputetët e Kuvendit të Kosovës gjatë seancës së jashtëzakonshme, sonte kanë miratuar shqyrtimin e dytë të Projektligjin për veteranët e luftës së Ushtrisë Çlirimtare të Kosovës.

Në votimin e parë për Projektligjin me ndryshime kanë votuar 45 deputetë, 6 ishin kundër, ndërsa 7 abstenuan, për çka u deshtë të votohet sërish, pasi në votim morën pjesë 58 deputetë.

Ndërsa, në votimin e dytë, ku në sallë ishin 68 deputetë, 44 deputetë votuan për, 8 ishin kundër, 11 abstenuan.

Haradinaj thotë se projektligji për veteranët është i kundërligjshëm

Daut Haradinaj, deputeti i Aleancës për Ardhmërinë e Kosovës ka thënë se projektligji që kaloi sot në Kuvend për ndryshimet në ligjin e veteranëve është i kundërligjshëm.

Periskopi.com Lajme

“Ky ligj është kontrabandë. Kuvendi e votoi gjatë ditës tre herë. Është i kundërligjshëm. Njerëzit që e kanë sponsorizuar këtë ligj vazhdojnë t’i përçajnë disa kategori të luftës”.

Këto komente Haradinaj i ka bërë në Info Magazine të Klan Kosovës, pas kohë pas në Kuvend kaloi ky projektligj.

“Këta e kanë kategorizuar ligjin në tri kategori. Kjo për mendimin tim është dëm që shkaktohet. Është gabim fatal që këta e kanë bërë. Nga kjo shoqata e veteranëve kanë rënë pre dhe janë mashtruar”.

“Nuk mund të kategorizohen ata që kanë qenë pjesë e luftës dhe kanë dashtë ta japin jetën”.

“Ky ligj është bërë që të nxirren nja 100 vetë që në 91 kanë qenë pjesë e UÇK-së. Por në 91-tën nuk ka pasur UÇK”.

 

Dështon seanca e jashtëzakonshme për Ligjin e veteranëve të luftës

Ka dështuar seanca e jashtëzakonshme e Kuvendit të Kosovës për shqyrtimin e parë të Projektligjit për ndryshimin dhe plotësimin e Ligjit nr. 04/L-261 për veteranët e luftës së Ushtrisë Çlirimtare të Kosovës, pasi nuk kishte kuorum të mjaftueshëm për mbajtjen e saj.

Periskopi.com Lajme

Kryeparlamentari Kadri Veseli, pasi ka përshëndetur përfaqësuesit e shoqatave të luftës së UÇK-së, theksoi se pozita nuk ka mundësi me rritë kuorumin për mbajtjen seancës.

“Do ta lëmë nesër në orën 10:00 seancën për shqyrtimin e Ligjit për veteranët e luftës”, tha Veseli, raporton KosovaPress.

Haradinaj: Kemi dal te Ura e Ibrit me hangër fara

Veteranët e UÇK-së kishin dalë sot në urën e Ibrit për të hëngër fara dhe pas rreth 30 minutave të qëndrimit, ata u larguan nga aty.

Periskopi.com Lajme

“Si shihet kemi dal sot këtu në Mitrovicë tek ura e Ibrit që të hamë fara e më vonë do të pimë edhe çaj”, kështu ka deklaruar për infojeta.net, Gjenarali i UÇK-së dhe n/kryetari i shoqatës së veteranëve të luftës së UÇK-së, Hasim Haradijan.

“Po kemi dalë me hëngër fare, të shëtisim, por ma kujtuat se kjo lidhet edhe me murin” ka thënë Gjenerali i UÇK-së Haradinaj në urën mbi lumin Ibër, tek sa po shikonin murin e ndërtuar në veri si dhe e punimet që zhvilloheshin në renovimin e urës.

Në këtë shëtitje për të hëngër fara në Mitrovicë ka qenë gjithë kryesia e Shoqatës së veteranëve të luftës së UÇK-së  së Kosovës si dhe pjesëtar nga të gjitha ish zonat e UÇK-së.

Në anën tjetër policia e Kosovës në Mitrovicë gjatë gjithë kohës ka monitoruar këtë shëtitje të veteranëve të UÇK-së të cilët në urën e Ibrit kishin ardhur me hëngër fara.

Në këtë shëtitje kanë marr pjesë rreth 200 veteran të UÇK-së, të cilët këtë rast e kanë shfrytëzuar edhe për të bërë sefli e fotografi./Infojeta.net/

Të hënën pritet që të plotësohet një kërkesë e veteranëve

Veteranët e Ushtrisë Çlirimtare të Kosovës deri në fund të kësaj jave nuk i kanë marrë pensionet e tyre.

Periskopi.com Lajme

Qeveria e Kosovës ka njoftuar se ka transferuar mjetet në banka pasditen e së premtes.

Organizata e Veteranëve të Luftës së UÇK-së (OVL) ka apeluar tek qeveria që pensionet të mos vonohen, duke iu referuar gjendjes së rëndë ekonomike të veteranëve dhe pensioneve që janë e vetmja e ardhur për ta dhe familjet e tyre.

Por, Qeveria është kundërpërgjigjur në kritikat e shumta për vonesën e pensioneve se ka qenë rritja e numrit të veteranëve që ka shkaktuar problem buxhetor për t’u siguruar mjetet për të gjithë veteranët.

Hysni Gucati, kryetar i OVL të UÇK-së, ka bërë të ditur për “Zërin” se veteranët nuk i kanë marrë pensionet. Ai ka thënë se janë informuar nga qeveria se pagat për veteranët janë proceduar të premten.