Sot bëhen tri vjet nga vendosja e “Parkut të Paqes”

Periskopi.com Lajme

Një ditë pas heqjes së barrikadës mbi urën kryesore të Ibrit në Mitrovicë, konkretisht më 18 qershor 2014, serbët e veriut sërish bllokuan urën me barrikadën të quajtur “Parku i Paqes”.

Kryetari i Mitrovicës së Veriut, Goran Rakiq, pati thënë se këtë veprim për ribllokimin e urës po e merr në koordinim të plotë me qeverinë e Serbisë. I pranishëm gjatë gjithë aksionit ka qenë edhe shefi i zyrës së qeverisë serbe për Kosovën, Marko Gjuriq.

Forca të shumta policore as nuk kanë tentuar të parandalojnë bllokimin. Ndërkohë, kryetari i pjesës veriore e ka ftuar atë të pjesës jugore, Agim Bahtirin, që pjesën tjetër të urës së Ibrit ta shndërrojë poashtu në park.

“Parku i Paqes”, është hequr dy vite më vonë, konkretisht më 14 gusht të vitit 2016.  Heqja është bërë pas implementimit të marrëveshjes nga dialogu Beograd-Prishtinë lidhur me urën në Mitrovicë.

Simbolet e Kosovës në Qendrat e Votimit në veri (Foto)

Periskopi.com Lajme

Simbolet shtetërore të Kosovës janë vendosur në Qendrën më të madhe të Votimit në Mitrovicën Veriore.

Kjo qendër është hapur në orën 7 të mëngjesit të sotëm.

Atje vërehet një interesim i madh për të votuar.

Një personel prej 200 personash do të jenë pjesë e vëzhgimit të procesit zgjedhor në Veri të Mitrovicës ku do të ndihmojnë personelin komisioner për mënyra teknike.

Mësohet se edhe 6 qendrat tjera të kësaj komune janë hapur me kohë dhe nuk është shënuar ndonjë problem.

Deri tani po vërehet numër i vogël i qytetarëve të cilët kanë ardhur për të votuar.

Rreth 27 mijë e 915 qytetarë me të drejtë vote në këtë komunë pritet të dalin sot dhe të hedhin votën e tyre.

Ndryshe, në katër komunat veriore të vendit, do të jenë të hapura gjithsej 44 qendra të votimit, prej të cilave 7 në veri të Mitrovicës, 7 në Zveçan, 12 në Zubin Potok dhe 18 qendra të votimit në Leposaviq.

A do të veprojë Policia e Kosovës të dielën edhe në veri të Mitrovicës?

Periskopi.com Lajme

Të dielën, më 11 qershor, në Kosovë d të mbahen zgjedhje e parakohshme parlamentare.

Edhe Polica e Kosovës ka përgatitur urdhrin operativ për procesin zgjedhor të 11 qershorit.

Baki Kelani nga PK-ja, tha për Radion Evropa e Lirë se sikurse në zgjedhjet e kaluara, edhe më 11 qershor pritet që të angazhohet një numër i madh i pjesëtarëve të policisë për ofrimin e sigurisë publike dhe mbarëvajtjen e procesit zgjedhor.

“Do të kemi mjaftueshëm policë të profileve të ndryshme, të njësiteve të ndryshme për të menaxhuar me gjithë procesin zgjedhor në aspektin e ofrimit të sigurisë nga ana e policisë”, u shpreh Kelani.

Ai theksoi se me urdhrin operativ të hartuar nga Drejtoria e Policisë në Prishtinë, do të veprohet në gjithë territorin e Kosovës.

“Urdhri operativ është i hartuar për gjithë territorin e Kosovës dhe normalisht që vlen edhe për pjesën e veriut të Mitrovicës dhe edhe atje do të ketë angazhim të zyrtarëve policorë për aq sa e kërkon nevoja, pra kudo ku shtrihet procesi zgjedhor”, shpjegoi Kelani.

Kontrabanda nëpër terr në veriun e Kosovës

“Drejtësia në Kosovë” shfaqi të premten hulumtimin për kontrabandën e derivateve në veri.

Periskopi.com Lajme

Ekipet e emisionit “Drejtësia në Kosovë” për disa ditë monitoruan për kontranbandë derivatesh veriun e vendit, ndërsa të premten u shfaq hulumtimi për këtë kontrabandë.

Në hulumtim u bë e ditur se kontrabanda zhvillohej natën, ndërsa që nga vendosja e doganierëve dhe policëve kosovarë në pikat kufitare në veri në vitin 2011, kontrabanduesit kanë krijuar rrugë anësore nëpër të cilat depërtojnë nga Serbia në veri të Kosovës dhe pastaj edhe më tutje në pjesën tjetër të vendit.

Ekipet e emisionit “Drejtësia në Kosovë” testuan reagimin e policisë, duke raportuar te forcat e rendit makinat dhe automjetet tjera që ngarkoheshin me naftë që në shumë pika në veri kushton më pak se 70 centë.

Në rrugën mbi fshatin Koshtovë që çon në drejtim të Zubin Potokut hulumtuesit e “Drejtësisë në Kosovë” panë një makinë, drejtuesi i së cilës përveç mbushjes së rezervuarit më naftën nën çmimin e tregut, po mbushte edhe disa bidonë të vendosur në bagazh, por edhe në karrigat e pasme.

Pas raportimit në polici të kësaj makine, ajo u ndalua në hyrje të Skenderajt, ndërsa malli i kontrabanduar bashkë me makinën u dërguan në terminalin doganor në Mitrovicë.

Por e njëjta gjë nuk ndodhi kur policia në veri të vendit u njoftua nga njëri prej hulumtuesve të “Drejtësisë në Kosovë” se një kamion po shkarkonte naftë nga bidonat në një pikë derivatesh në pjesën veriore të vendit.

Zyrtari policor kërkoi të dijë emrin e raportuesit dhe kur hulumtuesi i emisionit tha se dëshiron të mbetet anonim, policia vetëm i uroi natë të mirë, pa vepruar dhe pa u dukur në vendin ku shkarkohej kamioni me derivate.

Në emision u shfaqën edhe rrugët ilegale në kufi me Serbinë nëpër të cilat zhvillohet kontrabanda e derivateve.

Xhirimet se si zhvillohet kontrabanda në veri mund t’i shikoni në linkun në vijim.

Ura në Mitrovicë hapet me 9 maj (Video)

Ura mbi lumin Ibër në Mitrovicë do të hapet me 9 maj, në ditën e Evropës.

Periskopi.com Lajme

Jo vetëm ura, por edhe shëtitorja e qytetit, objekti sportiv “Omnisporti”  dhe qendra afariste afër urës që janë projekte të Bashkim Evropian në Mitrovicë, janë planifikuar të inaugurohen me 9 maj, kur shënohet dita e Evropës, ditë e paqes dhe bashkimit të vendeve në Evropë.

Mujka ka thënë se me këtë rast do te ketë një festë solemne.

E,  këtu punimet janë duke vazhduar me  një intensitet të shtuar me qëllim që revitalizimi i urës të përfundoj me kohë.

Inaugurimi i urës është paralajmëruar edhe nga Përfaqësuesja Speciale e Bashkimit Evropian në Kosovë, Natalya Apostolova.

Përplasje mes taksistëve shqiptarë dhe policëve në veri

Përplasje verbale mes taksistëve shqiptarë dhe disa policëve të veriut të Mitrovicës, ka ndodhur sot rreth mesditës në ‘Lagjen e boshnjakëve’ në veri të këtij qyteti, ndërsa pati edhe tentime për arrestim.

Periskopi.com Lajme

Shkak i kësaj përplasje ishte tentimi nga ana e policëve për t’i dënuar taksistët për shkak të parkimit të automjeteve të tyre në udhëkryqin kryesor të lagjes, ku ndodhet shenja e komunikacionit që ndalon ndaljen dhe parkimin e automjeteve.

Mirëpo, taksistët dhe banorët shqiptarë të kësaj lagje ankohen se pjesëtarët e Policisë së Kosovës të stacionit veri dënojnë në mënyrë selektive dhe vetëm shqiptarët.

Ramadan Fejza, qytetar, tha se policia këtu zbaton ligjin dhe merr masa vetëm ndaj shqiptarëve, kurse ndaj serbëve jo. Sipas tij, shqiptarët në atë pjesë të qytetit janë krejtësisht të pambrojtur.

“Këtu po ndodh çka është më e keqja. Policë serbë me një shqiptar të ndershëm, kështu i themi, i largon vetëm shqiptarët, merr masa vetëm ndaj shqiptarëve, ndaj serbëve aspak. Asnjëherë nuk marrin masa, i ndalin me tabela KM, PR, BG, dhe nuk ndërmarrin asnjëherë, pos neve që për një kafshatë buke dalim… Për me heq veturën, s’po mundem me u shpreh në mënyrën banale qysh u shpreh polici…Ligji për shqiptarët këtu absolut nuk vlen. Nuk kemi ligj, nuk kemi mbrojtje, por për serbët ligji është shumë i disponueshëm për ta në çdo aspekt”, ka thënë Fejza.

Edhe Ramadan Jonuzi, banor i ‘Lagjes së boshnjakëve’, i cili punon me automjetin e tij taksi, ka bërë të ditur se ligji në këtë pjesë nuk vlen për të gjithë njëjtë.

“Te ne nuk funksionon ligji hiç. Këta policë, kapërcejnë vetura me tabela KM dhe të ngjashme, askush s’guxon me i ndal, ndërsa neve na pengojnë, s’na lënë për të punuar. Unë jam banor i kësaj ane dhe përtej këtu s’kam ku shkoj… Me më arrestuar se veç po kanë qejf se jam shqiptar për këtë.. Në udhëkryq e kam pas veturën sikur të gjithë. Unë ju thash, nëse ekziston ligji për të gjithë ekziston edhe për mua, përmbi ligjin s’është askush. Le t’i dënojnë krejt, atëherë edhe mua, jam i pajtimit… Më herët ishte një veturë me tabela KM dhe s’guxuan me i thënë asgjë. Ja tani, pa tabela kalon këndej, nuk guxon me ndal, neve po na ndalin, pse nuk e di. Ne i paguajmë të gjitha dhe na dënojnë”, theksoi mes tjerash Jonuzi.

Ndryshe, njëri prej policëve ka penguar gazetarin e KosovaPressit gjatë punës së tij, duke provuar të mos lejojë xhirime dhe ta ndalë kamerën menjëherë. KosovaPress-i ka provuar të kontaktojë me përgjegjësit e policisë në veri rreth kësaj ngjarje, por një gjë e tillë ka qenë e pamundur.

Prapë ndërtohet muri në veri, sikurse i vjetri

Në vend të vazove të betonit serbët kanë ngritur dy mure rreth një metër të lartë dhe rreth një metër larg njëri-tjetrit, në vend të murit që është rrënuar në pjesën veriore të urës, në rrugën “Mbreti Petër I”. Pjesa në mes të këtyre dy mureve do të mbushet me dhe, si dhe do të gjelbërohet. Muri i ri nuk dallon me asgjë nga muri i mëparshëm, përveçse ka një hapësirë prej rreh 9 metrash, ku mund të kalohet në zonën e këmbësorëve.

Periskopi.com Lajme

Ndonëse e rrethuar me pllaka të larta të llamarinës, të cilat pamundësojnë pamjen në pjesën ku ishte planifikuar të vendosen elemente të betonit, si një mburojë për zonën e këmbësorëve në vend të murit, i cili është rrënuar në bazë të një marrëveshjeje në mes të kryetarit të Mitrovicës së Veriut, Goran Rakiq, institucioneve të Kosovës dhe BE-së, muri i ri i ndërtuar nga serbët ka dalë në dritë, transmeton zeri.info.

Pamjet tregojnë se muri i ngritur në pjesën veriore të urës nuk dallon me asgjë nga muri i mëparshëm, përveçse muri ka një hapësirë prej rreth 9 metrash të gjerë nëpërmes së cilës mund të kalohet në zonën e këmbësorëve, e cila gjithashtu është duke u ndërtuar në rrugën “Mbreti Petër I”.

Me marrëveshje në vend të murit do të duhej të vendoseshin vazo të betonit, të larta 70 centimetra, në të cilat do të mbillej bari gjelbërues dhe lule. Fillimi i nivelizimit dhe vendosja e pllakave në zonën e këmbësorëve menjëherë pas rrënimit të murit nuk kanë zgjatur shumë dhe ato janë ndërprerë, për t’iu qasur punëve në ndërtimin e murit.

Në fakt, serbët nuk kanë ngritur një mur, por dy mure, të cilat janë të larta mbi një metër nga themeli, si dhe janë larg njëri – tjetrit rreth 1 metër. Hapësira në mes të dy mureve, siç mund të kuptohet, do të mbushet me dhe si dhe do të gjelbërohet. Në formën që ka, muri është i gjatë 53 metra dhe mbulon gjithë pjesën nga ish-kafeneja “Dolce Vita”, e cila është djegur deri në themel, e deri tek rruga që çon në “Lagjen e Boshnjakëve”.

Qytetarët e Mitrovicës kanë mbetur të habitur me murin e ri, pasi që krerët e shtetit kishin garantuar se nuk do të ketë kurrfarë muri. Madje kryeparlamentari Kadri Veseli, si dhe ministri i Mjedisit dhe Planifikimit Hapësinor, Ferat Shala, kishin siguruar qytetarët e Mitrovicës se nuk do të ketë asnjë lloj muri në pjesën ku ndodhej muri i ngritur befasisht nga serbët, i lartë 2.2 metra dhe i cili ishte rrënuar.

“Çfarë ndryshimi ka ky mur me atë murin përpara. Ky bile është më i gjerë, në fakt janë dy mure. Edhe lartësia e tyre është e madhe, nuk ka asnjë dallim nga ai muri përpara, veç këtij murit ia paskan lënë një derë për me dalë në atë anë. Serbët gjithmonë bëjnë siç duan vetë”, është shprehur Lulzim Bekteshi.

Edhe kryetari i Mitrovicës së Jugut, Agim Bahtiri, që në fillim kishte shprehur skepticizmin e tij përkitazi me zbatimin e marrëveshjes. Ai pati thënë se mur nuk do të ketë në atë pjesë, ndonëse kishte shprehur dyshime në sinqeritetin e kryetarit të Mitrovicës së Veriut, Goran Rakiq.

“Marrëveshja është që më mos të ketë kurrfarë muri në atë pjesë, edhe muri që ishte ndërtuar ilegalisht ka befasuar të gjithë, askush nuk ka besuar se serbët do të ndërtojnë ndonjë mur, pasi që me projektin e BE-së për revitalizimin e urës garantohet liri e plotë e lëvizjes së qytetarëve dhe të automjeteve nga veriu në jug dhe anasjelltas”, pati thënë kryetari i Mitrovicës së Jugut, Agim Bahtiri.

Në anën tjetër, kryetari i Mitrovicës së Veriut, Goran Rakiq, ka ripërsëritur se muri i ri ngrihet sipas marrëveshjes, duke precizuar se ai do të jetë i lartë 70 centimetra, i gjatë 53 metra dhe i gjerë 120 centimetra.

“Sipas marrëveshjes që kemi arritur konstruksioni me elemente të betonit do të jetë i gjerë 120 centimetra dhe i lartë në një pjesë 70 centimetra dhe në një pjesë tjetër 40 centimetra, në gjatësi prej 53 metrash. Në një pjesë të murit do të jetë një ndërprerje prej 9 metrave dhe në atë ndërprerje do të vendosen shtyllat zhytëse që do të shërbejnë për kalimin e automjeteve të zjarrfikësve, të ndihmës së shpejtë dhe të policisë, në mënyrë që pa pengesa t’i kryejnë obligimet e tyre. Në fund, përgjatë murit do të jetë staza e biçiklistëve e gjerë dy metra dhe do të ndërtohet nga kafeneja ‘Dolce Vita’ deri tek ‘Lagjja e Boshnjakëve’. Edhe përgjatë stazës do të vendosen shtylla zhytëse të metalta”, pati sqaruar kryetari i Mitrovicës së Veriut, Goran Rakiq, duke paraqitur skicat e projektit të murit të ri. Ai ka ripërsëritur se muri i ri do të jetë pengesë e fortë dhe një mburojë që do t’i sigurojë qytetarët nga rreziku që dikush të “fluturojë” me veturë nga jugu në zonën e këmbësorëve.

Bashkim Cimili, asamblist në Kuvendin  e Mitrovicës së Veriut, ka thënë se komuna veriore nuk mund t’i ikën marrëveshjes që është arritur në mes të Goran Rakiqit dhe ministrit Ferat Shala. “Marrëveshja është arritur me 4 shkurt në orët e hershme të mëngjesit. Me marrëveshje aty nuk mund të ketë mur, por vetëm elemente të betonit, respektivisht vazo prej betoni, në të cilat do të mbillet bari gjelbërues dhe lule. Nuk mund të ketë kurrfarë ndryshimi dhe mua është duke më habitur kjo me këtë mur”, i ka thënë “Zërit” Cimili të premten.

MBPZHR-ja mbështetje për projektet bujqësore edhe në Mitrovicën Veriore

Ministri i Bujqësisë, Pylltarisë dhe Zhvillimit Rural, Memli Krasniqi priti sot në një takim zyrtaren kryesore ekzekutive për Komunën e Mitrovicës së Veriut, Adrijana Hodzic, me të cilën ka biseduar për projektet zhvillimore të ministrisë, të cilat do të realizohen gjatë këtij viti në sektorin e bujqësisë, si dhe zhvillimet e përgjithshme në këtë sektor.

Periskopi.com Lajme

Me këtë rast, ministri Krasniqi, e ka njoftuar kryetaren më hollësisht për Programin për Bujqësi dhe Zhvillim Rural të këtij viti, ku në kuadër të këtij programi ai tha se do të mund te gjejnë mbështetje edhe një numër i konsiderueshëm i fermerëve të komunave te veriut.

Po ashtu, ministri Krasniqi shtoi se mbështetja për zhvillimin e bujqësisë në këtë komunë dhe të tjerat, do të rritet në vazhdimësi, me qëllim të shtimit të prodhimtarisë bujqësore, si dhe rritjes së cilësisë së prodhimeve vendore.

Nga ana e saj, kryetarja, Adriana Hodzic, e falënderoi ministrin për gatishmërinë për përkrahjen e mëtejmë të sektorit të bujqësisë në këtë komunë dhe komunave tjera te veriut./ Periskopi

A i njihni? Ai ishte i arrestuar nga Serbia, mbrojti Mogherinin e cila beson në dialog

Nehat Thaqi dhe Frederica Mogherini u takuan sot te ura në Mitrovicë.

Periskopi.com Lajme

Teksa shefja e diplomacisë evropiane shkoi për vizitë atje, nuk dihet nëse e njohu Thaqin ose jo.

Ai ishte i arrestuar për disa javë, madje u mbajt në Beograd, raporton Periskopi

Thaqi që është drejtor i Policisë Rajonale të Kosovës në Mitrovicë e priti atë, kur dihet se sot kishte masa tepër të rrepta të sigurisë, e edhe vet zyra e BE-së në Kosovë nuk e tregonte orën kur ajo viziton këtë vend, sikur frikësoheshin.

Ata u patë që shkëmbyen fjalë mes vete./ Periskopi

Mogherini foli nga ura e Mitrovicës, dha një mesazh

Shefja e diplomacisë evropiane, Federica Mogherini ka thënë të shtunën në Mitrovicë se po i sheh punimet që po ecin mirë në urën e lumit Ibër.

Periskopi.com Lajme

“Ura do t’i bashkojë të dy komunitetet nga veriu dhe jugu. Ky nuk është rezultat i alienëve, por i njerëzve. Është rezultat i bisedimeve nga vendimmarrësit e dy shteteve në Bruksel”, ka thënë ajo.

Ajo tha se është e lumtur me atë që është arritur pasi sipas saj më në fund ka kuptim të ndërsjellë mes palëve.

Tutje përfaqësuesja e lartë e BE-së tha se ata do të mbështesin qytetarët në të dy anët e urës. Ndërsa nuk dha ndonjë datë për revitalizimin e saj, duke thënë se ai do të bëhet së shpejti.

Mogherini ka takuar edhe kryetarin e Komunës së Mitrovicës së Veriut, Goran Rakiq.

E pranishme ishte edhe shefja e Zyrës së BE-së në Kosovë, Nataliya Apostolova.

 

Banorët e veriut kujtojnë ditën kur Thaçi e Veseli i ndaluan të kthehen në shtëpitë e tyre (Video)

Familjet e dëbuara nga Mitrovica e Veriut, të cilëve u ishin djegur edhe shtëpitë, ankohen se as pas 18 vjetësh, ata nuk mund të kthehen në pronat e tyre.

Periskopi.com Lajme

Shumë prej tyre, gjatë këtyre viteve, jetojnë me qira, derisa as sot e kësaj dite nuk mund të shkojnë lirshëm në vendin ku kishin kaluar pjesën më të madhe të jetës.

Ndërkohë, i kanë të freskëta kujtimet, kur Hashim Thaçi e Kadri Veseli i ndaluan të shkonin në veri.

Ata thonë se iu bindën fjalëve të Thaçit, i cili atëkohë u premtoi atyre se do t’i kthente në shtëpitë e tyre në veri.

Serbët kërcënojnë njeri-tjetrin në veri

Një person me nacionalitet serb ka kërcënuar bashkëkombësin e tijn në rrugën “Mbreti Petar” në veri të Mitrovicës.

Periskopi.com Lajme

 

Ankuesi ka raportuar se ka pranuar një mesazh kërcënues nga i dyshuari serb, thuhet në raportin e policisë.

Lidhur me rastin është njoftuar prokurori, ndërsa ende nuk ka të arrestuar.

Kryetari i Mitrovicës veriore hyri në Qeverinë e Kosovës, edhe sekretari i NATO’s është aty (Foto)

Kryetari i Mitrovicës veriore Goran Rakiq është parë duke hyrë në ndërtesën e Qeverisë së Kosovës.

Periskopi.com Uncategorized

Nuk dihet me kë mund të takohet në Qeveri, por merret vesha se kryesore gjatë këtij takimi do të jetë çështja e murit në Mitrovicë i ndërtuar leje në bregun verior të lumit Ibër, përballë urës kryesore.

 

Më herët Rakiq kishte thënë për KTV se udhëheqësit e partive politike të serbëve të veriut po bisedojnë me përfaqësues të BE-së rreth murit.

Kryeministri Vuçiq dje në një kazermë ushtarake mblodhi liderët serbë të Kosovës dhe u dha instruksione si të sillen në vendin tonë. Ai pas takimit tha se Rakiq do ta rrënojë urën për shkak të paqes.

Serbët e Kosovës ka kohë kanë që kanë filluar bojkotimin e institucioneve qendrore të vendit.

Ndryshe, në kohën kur ai po hynte në Qeveri njëjtë ishte edhe me sekretarin i Përgjithshëm te NATO-s, Jens Stoltenberg i cili po qëndron sot në Prishtinë.

Pas disa takimeve që ka pasur, ai aktualisht është Qeverinë e Kosovës, dhe rreth orës 14:00, pritet të dalin ën konferencë së bashkë me kryeministrin Isa Mustafa./ Periskopi

20170203131357291 20170203131402267646

Vuçiq e pranon se do të shembet muri në veri

Periskopi.com Video

Shala nuk beson se serbët do ta rrënojnë vetë murin

Haxhi Shala, deputet i Nismës për Kosovën, ka thënë se nëse është i vërtetë ai që ai ka quajtur “gjysmë-lajm” se serbët do ta rrënojnë vetë murin në veri të Mitrovicës është gjë e mirë.

Periskopi.com Lajme

“Sepse askush nuk dëshiron trazira e destabilizim në Kosovë”, ka thënë Shala, në KTV, teksa ka shprehur dyshime se një gjë e tillë do të ndodhë.

“Unë nuk mund t’i besoj këtij lajmi deri sa të mos shoh veprime konkrete. Edhe sikur të zvogëlohet muri në 80 centimetra e të inkorporohet në shëtitore atëherë nuk do të jetë kurrfarë arritje. Nëse rrënohet tërësisht atëherë do të nënkuptonte se serbët e kanë kuptuar se kanë bërë një gabim”, ka thënë Shala.

Ai ka thënë se në rast të rrënimit të murit do të mund të justifikohej tejkalimi disa ditësh i ultimatumit që Kuvendi i Kosovës i dha institucioneve ekzekutive të vendit që ta rrënojnë murin, e që ishte fundi i janarit.

Deputeti ka thënë se Qeveria e Kosovës duhet të jetë më këmbëngulëse në respektimin e ligjeve dhe shtrimin e sovranitetit në gjithë vendin.

Deputeti Shala ka mbrojtur qëndrimin e opozitës për ndërprerje të dialogut me Serbinë, meqë siç ka thënë nga kjo asgjë nuk ka fituar Kosova.

Vuçiq e pranon se do shembet muri në veri

Kryeministri i Serbisë Aleksandar Vuçiq është takuar pasditen e së enjtes me përfaqësuesit e Listës Serbe dhe kryetarit e komunave me shumicë serbe në Kosovë

Periskopi.com Lajme

 

Gjatë një pauze të këtij takimi ai u ka thënë medieve se në takimin e së mërkurës në Bruksel bisedimet kanë qenë të rënda.

“Dëshiroj të them se kemi pasur bisedime të rënda, në të cilat Serbia i ka pranuar gjithçka që është kërkuar nga ajo. Pse këtë nuk duan ta thonë disa, pyetni ata. Së shpejti do të jem i gatshëm që qytetarët e Serbisë, plotësisht t’i informoj dhe tu them se me çfarë presionesh jemi ballafaquar, me çfarë tentimesh të shembjes së sovranitetit të vendit tonë”, ka thënë Vuçiq.

Sipas tij nga Prishtina është kërkuar shembja e murit në Mitrovicën e veriut, pavarësisht që rregullimi komunal është nën kompetencat e komunës.

“Madje edhe sipas ligjeve të Kosovës, kjo është nën kompetencat e drejtpërdrejta të vetëqeverisjeve lokale, pra nën kompetencat e Goran Rakiqit nga Mitrovica e veriut. ‘Nuk numërohet’, nuk vlejnë as ligjet e Kosovës. ‘Nuk vlen asgjë, duhet të shembet’. Goran Rakiq pranon që të shembet (muri), jo pse mendon keq për popullin e tij ose pse është frikacak, por sepse dëshiron ta ruaj paqen”, theksoi Vuçiq.

Ai gjithashtu ka theksuar se i ka porositur serbët e Kosovës që të rrinë të qetë.

“Në emër të shtetit të Serbisë dhe në emrin tim personal i lus serbët e Kosovës që të rrinë të qetë me çdo çmim, të jenë të dinjitetshëm dhe me krenari ta ruajnë emrin dhe mbiemrin e tyre serb, të mos i braktisin vatrat e tyre. Ne do të luftojmë me të vërtetën, me të drejtën dhe me drejtësi”, ka thënë Vuçiq, duke shtuar se për Serbinë dhe për serbët më e rëndësishme është paqja.

Serbët vazhdojnë ta ruajnë murin (Foto)

Serbët vazhdojnë të qëndrojnë edhe gjatë orëve të mbrëmjes afër cepit verior të urës së Ibrit.

Periskopi.com Lajme

Askush nuk di të thotë nëse ata kanë dalë në protestë apo jo, por ka disa orë që të ndarë në grupe po qëndrojnë aty.

Burime nga veriu i Mitrovicës bëjnë të ditur për KosovaPress se qytetarët janë mbledhur pasi që kanë dëgjuar se autoritetet e Prishtinës do ta rrënojnë me forcë murin e jashtëligjshëm.

Ndërkohë, Policia e Kosovës ka mohuar lajmin se ka shtuar prezencën dhe aktivitetet e veta nëpër lokacione të caktuara, ku si rrjedhojë në orët e pasdites erdhi deri te grumbullimi i rreth 200 personave në rrugën ‘Mbreti Petër’ në Mitrovicë.

20170202184512949

Bahtiri fton qytetarët për qetësi e besim në institucione

Kreu i Komunës së Mitrovicës së Jugut, Agim Bahtiri, u ka bërë thirrje qytetarëve të tregohen të matur e të kenë besim në institucionet e vendit.

Periskopi.com Lajme

“Pavarësisht situatës që mund të krijohet, i lus qytetarët e Mitrovicës që ta ruajnë gjakftohtësinë, të rrinë të qetë dhe t’i lënë institucionet e Kosovës të punojnë në mënyrë diplomatike”, ka shkruar Bahtiri në profilin e tij në Facebook.

“Pra, qytetarët duhet të kenë besim në veprimet e Qeverisë së Kosovës dhe për këtë duhet të jenë të qetë, pasi që ne nuk dëshirojmë tensione, por dëshirojmë një qytet të përbashkët të të gjithë qytetarëve. Së bashku me Qeverinë e Kosovës, do t’ia dalim. Njëkohësisht, qytetarëve serbë ju bëjë apel që të mos ngrihen tensione, sepse institucionet e Kosovës do të veprojnë në mënyrën më të mirë të mundshme”, ka thënë më tej ai.

Portali “Veriu.info” ka njoftuar se një grup serbësh qenë mbledhur për të protestuar kundër rrënimit të murit.

50% e serbëve të veriut kanë marrë dokumente të Kosovës

Më shumë se 50 % të serbëve të Mitrovicës së veriut janë pajisur me dokumente të Republikës së Kosovës, madje ata kanë regjistruar edhe pronën.

Periskopi.com Lajme

Sipas zyrtares kryesore të komunës së veriut Adriana Hoxhiq, pajisja me dokumente të Republikës së Kosovës për serbët, nuk është më temë tabu.

Ajo në emisionin “Republika” me Dardan Gashin ka thënë se serbët pa kurrfarë problemi vijnë dhe kërkojnë shërbimet nga institucioni kosovarë.

 

Heshtja e të gjithëve për vonesën e ‘hapjes’ së gjykatës në veri

As pala kosovare as Bashkimi Evropian nuk flasin për mosfillimin e zbatimit të Marrëveshjes së Drejtësisë.

Periskopi.com Lajme

10 janari 2017 ishte paralajmëruar nga ministrja për Dialog, Edita Tahiri si datë për finalizimin e Marrëveshjes për Drejtësi të arritur në Bruksel.

Ndërkohë që ka kaluar më shumë se një javë nga kjo datë, për moszbatimin e Marrëveshjes nuk pranojnë të deklarohen as nënshkruesit e saj nga pala kosovare, as Bashkimi Evropian si ndërmjetësues.

Pas dy ditë bisedimesh mes Kosovës dhe Serbisë, në fund të nëntorit të vitit 2016 ishte arritur marrëveshja për finalizimin e zbatimit të Marrëveshjes për Drejtësi.

Referuar komunikatës së Zyrës së Kryeministrit pas dakordimit për zbatueshmëri, ministrja për Dialog, Edita Tahiri, kishte thënë se finalizimi i zbatimit të kësaj marrëveshje ka rëndësi të madhe për Kosovën sepse e njëjta mundëson shtrirjen e sovranitetit shtetëror në veri të vendit në fushën e drejtësisë.

“Kjo Marrëveshje është e rëndësishme për shtetin dhe qytetarët e saj sepse institucionet shtetërore të drejtësisë me 10 janar 2017 do të fillojnë funksionimin tashmë në tërë territorin e shtetit tonë si dhe më në fund qytetarët do të mund të kërkojnë drejtësi nga institucionet shtetërore të Kosovës”, citohej ministrja Tahiri.

Madje kryenegociatorja meritat për këtë ia kishte lënë dialogut të Brukselit.

“Zbatimi i Marrëveshjes së Brukselit për Drejtësi mundëson krijimin e sistemit unik të drejtësisë së Kosovës në pjesën veriore të Kosovës, që po ndodh pas shumë vitesh dhe këtë e mundësoi dialogu i Brukselit, përkatësisht Marrëveshja e Brukselit për Drejtësi”.

KALLXO.com i ka dërguar pyetje ministres Edita Tahiri rreth moszbatimit të Marrëveshjes, por ajo nuk ka pranuar të deklarohet rreth çështjes. Arsyetimi i këshilltarëve të saj është “për shkak të tensioneve të krijuara”.

“Përderisa janë këto tensione, ministrja nuk do të prononcohet rreth temave te dialogut. Në këtë situatë të provokimeve dhe tensioneve te krijuara nga Serbia, nuk është koha për të biseduar për dialogun. Kur të krijohen rrethana më të mira do t’ju përgjigjet”, ka thënë këshilltarja e saj, Ramize Sejdiu.

Me këtë Marrëveshje, e cila parasheh shuarjen e strukturave paralele në sistemin gjyqësor që kanë vepruar në veri të vendit në mënyrë ilegale, Serbia ishte obliguar që deri më 9 dhjetor 2016 të njoftojë BE-në me shkrim për shfuqizimin e kontratave të punës dhe ndaljen e pagesave për gjyqtarë e prokurorë serbë, të cilët parashihen të integrohen në sistemin gjyqësor të Kosovës.

“Serbia obligohet që ta njoftojë me shkrim BE-në, më së voni deri më 9 dhjetor 2016, se ka realizuar këto obligime zbatuese. Integrimi i tyre në sistemin e Kosovës do të bëhet me 10 janar 2017”, thuhej po ashtu në komunikatën e Zyrës së Kryeministrit të Kosovës.

KALLXO.com ka pritur qe dy ditë një përgjigje nga Maja Kocijançiq, zëdhënëse e Përfaqësueses së Lartë të Bashkimit Evropian, rreth funksionalizimit të gjykatave në veri, por ajo nuk është përgjigjur ende.

E Nehat Idrizi, kryesues i Këshillit Gjyqësor të Kosovës, tha për KALLXO.com se kjo marrëveshje për shkak të ndërrimit të rrethanave nuk fillon.

“Marrëveshja për Drejtësi për shkak të rrethanave të reja nuk fillon. Për detaje tjera drejtojuni ministres për Dialog, Edita Tahiri”, ka thënë ai.

Sipas Marrëveshjes për Drejtësi do të vendoset një gjykatë themelore dhe një zyrë prokuroriale në rajonin e Mitrovicës, ku përfshihen shtatë komuna ashtu siç përcaktohet me Ligjin për Gjykatat e Republikës së Kosovës.

Ligji për Gjykatat i Republikës së Kosovës Nr. 03/L-199, neni 2.7, përcakton se Gjykata Themelore e Mitrovicës me seli në Mitrovicë themelohet për territorin e Komunës së Mitrovicës Jug dhe Mitrovicës Veri, Leposaviqit, Zubin Potokut, Zveçanit, Skenderajt dhe Vushtrrisë. Sipas këtij Ligji në Kosovë ekzistojnë gjithsej shtatë gjykata themelore.

Delegacioni i udhëhequr nga ministrja Edita Tahiri kishte në përbërje edhe Nehat Idrizin, Tonka Berishajn, u.d. kryetare e Gjykatës së Apelit, këshilltaren dhe koordinatoren e çështjes, Arjeta Rexhaj, Albert Avdiu, drejtor i Sekretariatit të Këshillit Gjyqësor të Kosovës dhe koordinator i grupit të punës për drejtësi dhe përfaqësuesi nga Ambasada e Kosovës në Bruksel, Haxhi Bajraktari.