28 vjeçari nga Skenderaj që jeton në kushte më të vështira se sa në Alepo (Foto)

Azizi, 28-vjeçar, nëse jo njëjtë atëherë jeton edhe më keq se shumë sirianë në qytetin e shkatërruar dhe të rrethuar të Aleppos në Siri.

Periskopi.com Lajme

Meqë nuk gëzon të drejtën as në ndihma sociale, ai nuk ka bukë për t’u ngopur, nuk ka shtrojë e as mbulojë. Azizi thotë se nuk është Kosovë, sepse shteti nuk bëri asgjë për të

Kënga e tij ndihet edhe më larg se në Prekaz, aty ku komandanti legjendar i UÇK-së ndryshoi historinë e popullit shqiptar të Kosovës.

Secilën fjalë të këngës ai e përfundon me një “hej” të gjatë e kumbuese, që ta ther shpirtin. Kur ia jep këngës nëpër rrugët e Skenderajt, ai nuk e sheh askënd, edhe po ta përshëndesësh ai nuk përgjigjet, vetëm ecën dhe këndon.

Ai del nga strofulli i tij në një hapësirë të gjerë përbrenda palestrës në ndërtim të sporteve në qytetin e Skenderajt vetëm kur ka uri, shkon nga një furrë në tjetrën, nga një qebaptore në një tjetër apo nga një gjellëtore në tjetrën nëse dikush do të bëjë “rahmet” t’ia japë një copë buke.

E aty ku strehohet ai është shumë më keq sesa një kasolle e një qeni që ka të zotin e pasur. Të paktën, qeni i të pasurit ushqehet me kohë, besa i qesin edhe mish, ushqimin e ka sikurse të zotët e shtëpisë, ndërsa ai ndodh që të mos ketë bukë për të ngrënë edhe me 2-3 ditë./zeri.info

alepp-696x928

15682277_10209901871515963_908995465_o

Në Graçanicë një familje 11 anëtarëshe po vdesin urie (Foto)

Një familje me 11 anëtarë që jeton në Graçanicë, po vdesin urie.

Periskopi.com Lajme

Ata jetojnë në kushte jo-njerëzore, raporton Periskopi

Ka grupe njerëzish që me javë të tëra po mundohen tu ndihmojnë në këtë kohë acari dhe në prag të fundvitit.

Disa nga ta edhe kanë dërguar fotografitë teksa u kanë dhënë ca gjëra elementare.

Shqetësim është se ata jetojnë në një objekt që nuk mund të quhet as shtëpi.

Familja rome jetojnë brenda një të ashtuquajtur dhomë.

“Duhet institucionet të veprojnë diçka, aq më shumë kur gjysma e kësaj familje kanë probleme mendore”, thotë njëri nga personat që iu ka dërguar ndihmë, por që dëshiron të mbetet anonim.

Ndryshe, kjo komunë udhëhiqet nga serbët dhe është e banuar me shumicë serbe, e kryetari i saj vjen nga Lista Serbe. Këta të fundit, ka disa javë që kanë probleme mes vete, sikur janë ndarë në dy grupe e edhe po vështirësojnë punët në institucionet e Kosovës./ Periskopi

Përplasja te Lista Serbe: Deputetët e Vulinit zëvendësojnë ata të Vuçiçit?

15725377_10209901869435911_826751794_o 15681621_10209901856075577_837019494_o 15683456_10209901854275532_1671829419_n

albata-650x358

Shqipëria, vendi i dytë më e varfër në Evropë (Foto)

Sipas “Eurostat”-it, Shqipëria është vendi i dytë më i varfër në Evropë, me të ardhura për frymë vetëm sa 30 për qind e mesatares së vendeve të Bashkimit Evropian.

Periskopi.com Lajme

 

Në vitin 2015, nivel më të ulët mirëqenieje sesa ky kishte vetëm Bosnja dhe Hercegovina, ku të ardhurat ishin sa 28 për qind e mesatares së BE-së, ndërsa në të gjitha vendet e tjera standardi i jetesës është më i lartë, shkruan lajmi.net.

Por niveli i ulët i të ardhurave nuk është shqetësimi i vetëm. Kriza ekonomike ka ndaluar përafrimin e mirëqenies së Shqipërisë me Bashkimin Evropian.

Sipas “Eurostat”-it, nëse nga viti 2004 deri në 2010-n të ardhurat për frymë në Shqipëri ndaj mesatares së BE-së u rritën me 10 pikë përqindjeje, pas vitit 2010 ato thuajse kanë ngrirë duke u rritur me vetëm 1%.

Të dhëna për Kosovën nuk ka.

Në krahasim e të dhënave të Eurostatit me vendet tjera të rajonit, pata Shqipërisë janë Serbisë ku të ardhat mesatare janë 36 për qind kundrejt atyre të vendeve të zhvilluara evropiane.

Më pas është Maqedonia, Mali i Zi, Bullgaria, Rumania, Kroacia dhe Sllovenia.

I riu nga Drenasi ka disa pyetje për milionerët që po kërkojnë vota në këtë komunë

Esat Shala nga Drenasi ka disa pyetje për ata që po kërkojnë votën në Drenas.

Periskopi.com Lajme

Ai vjen nga fshati Krajkovë e shpreh habi se si çdo ditë milionerët po u shkojnë nëpër shtëpi të varfërve për tu kërkuar votën.

Ai i quan “lypësit e votave”, dhe kërkon nga qytetarët mos të votojnë emra, por të votojnë ata që do e ringjallin të ardhmen e popullit në Drenas, raporton periskopi

Shkrimi i tij i plotë:

Lypësit e VOTAVEEE

Në çdo fshatë, në çdo mëhallë, në çdo shtëpi të popullatës së Drenasit shohim lypsa të (votave) të partive të ndryshme,

Po vjen një kohë kur milionerët po e kërkojnë ndihmën e të varfëritë.

Anekënd Drenicës këto ditët e fundit dëgjohet një ZË i trishtuar ‘votomë mua sepse ju do keni një të ardhme te ndritur nëse e votoni filan partie’,

Kjo sëmundje po e varfëron edhe me shumë komunën e Drenasit, 90% e rinisë të kësaj ane janë të pa punë, si është e mundur një milioner me kërku ndihmën e një të varfëri në komunën tonë,

Votoni atë që i duhet këtij vendi, mos votoni emra, por votoni njerëz që do të ringjallin të ardhmen e popullit të Drenasit./ Periskopi

Varferia ne Kosove

Mbi 22 për qind e qytetarëve të Kosovës jetojnë me më pak se 2 euro në ditë

Dita ndërkombëtare për zhdukjen e varfërisë e gjen sërish Kosovën në krye të listës së vendeve më të varfra në Ballkanin Perëndimor.

Periskopi.com Lajme

Sipas të dhënave preliminare të Agjencisë së Statistikave të Kosovës për vitin 2015, thuhet se 17.6 për qind e popullsisë jetojnë në varfëri të plotë, derisa në varfëri ekstreme jetojnë 5.2 për qind e qytetarëve të Kosovës.

Rreth 17.6 për qind e popullatës, sipas statistikave jeton në varfëri të plotë me vetëm 1.82 euro në ditë për një person të rritur, ndërsa 5.2 për qind e popullatës jeton në varfëri ekstreme me 1.30 euro në ditë.

Nëse bëhet një mbledhje e thjeshtë del se në Kosovë mbi 22 për qind e popullatës jeton në varfëri.

Këto të dhëna preliminare për varfërinë në Kosovë i ka kumtuar për Radion Evropa e Lirë drejtori i Departamentit të Politikave Sociale në Agjencinë e Statistikave të Kosovës, Bashkim Bellaqa.

Ai flet për trendet e varfërisë gjatë dy viteve të fundit, ku sipas tij, ka pasur përmirësim të mirëqenies apo standardit jetësor në Kosovë.

“Nëse krahasojmë të dhënat e varfërisë me vitin 2014 ku varfëria e përgjithshme ishte 21.1 për qind, varfëria e plotë në vitin 2015 ka pasur rënie -3.5 për qind. Derisa nëse krahasojmë rezultatet e varfërisë ekstreme të vitit 2015 me rezultatet e të dhënave të varfërisë të vitit 2014 kur varfëria ekstreme ishte 6.9 për qind, në vitin 2015 kemi zvogëlim të varfërisë ekstreme për 1.7 për qind”, sqaron Bellaqa.

Tutje, Bellaqa tregon se krahasuar me të dhënat e vendeve të Ballkanit Perëndimor, Kosova ka nivelin më të lartë të varfërisë.

“Konsumi i varfërisë është i lidhur ngushtë me aktivitete ekonomike të ekonomisë familjare në veçanti statusi i punësimit dhe lloji i punësimit. Po ashtu, statusi i punësimit dhe të ardhurat janë ndikuar fuqishëm nga niveli i arsimimit”.

“Qytetarët me nivel sa më të lartë të arsimit kanë qenë më pak të prekur nga varfëria dhe janë më shumë të punësuar”, thotë Bellaqa, duke i referuar të dhënave preliminare, të cilat siç thotë ai, do të publikohen në javën e parë të muajit të ardhshëm.

Ndërkohë, autoritetet thonë se po bëjnë përpjeke maksimale për zbutjen e nivelit të varfërisë në vend.

Zëvendësministrja e Punës dhe Mirëqenies Sociale, Rita Hajzeraj, në një prononcim për Radion Evropa e Lirë, nivelin e varfërisë e konsideron të lartë, por që kjo ministri siguron qytetarët se përmes projekteve të ndryshme do të ulë këtë nivel.

“Jemi duke bërë hapa pozitiv drejt zhdukjes së varfërisë në Kosovë edhe pse është pak e pamundur duke pasur parasysh që jemi një shtet i ri dhe jemi në tranzicion, por mendoj se ne si Ministri e Punës kemi bërë projekte të ndryshme që kemi paraparë që të zbusim varfërisë”, tregon Hajzeraj.

Në listën e asistencës sociale figurojnë mbi 25 mijë familje, të cilat marrin nga 40 deri 120 euro në muaj, varësisht nga numri i anëtarëve. Kjo shumë konsiderohet se nuk i përmbush nevojat e familjes.

Zëvendësministrja Hajzeraj tregon se një pjesë e madhe e këtyre personave që kanë qenë në skemat sociale janë punësuar tani më përmes projekteve që kanë të bëjnë me subvencionim në pagë dhe për zhvillim të një biznesi të ri.

“Numri i personave që kanë përfituar nga skema sociale është zvogëluar në dy vitet e fundit dhe kjo është një rezultat që kjo pjesë e shoqërisë që konsiderohet si varfri e skajshme apo varfri ekstreme tani më po zhvillohet po merr pjesë në programet që i ka bërë Ministria”, thotë Hajzeraj.

Në vitin 2008, Qeveria dhe Presidenca e Kosovës ishin zotuar se në vitin 2015 do të përmbushnin Objektivat për Zhvillim të Mijëvjeçarit, që kanë për qëllim ta ulin dukshëm varfërinë, e ta rrisin nivelin e edukimit, barazinë gjinore dhe shëndetësinë.

Zotimet e dhëna nga autoritetet e Kosovës, megjithatë nuk ishin përmbushur.

Ekspertë të fushës së ekonomisë në vazhdimësi kanë sugjeruara autoritetet e Kosovës që për të zbutur nivelin e varfërisë në Kosovë, zhvillimi ekonomik i vendit duhet të orientohen në drejtim të fuqizimit të sektorit të prodhimtarisë dhe sektorët që rrisin punësimin. (REL)

Varferia

Në Australi 3 milionë njerëz jetojnë nën nivelin e varfërisë

Njoftohet se në Australi, 3 milionë njerëz mes të cilëve mbi 731 mijë janë fëmijë jetojnë nën nivelin e varfërisë.

Periskopi.com Lajme

Këshilli për Shërbime Sociale (ACOSS), raportoi të dhënat për varfërinë në vitin 2016. Sipas raportit në vend 3 milionë njerëz jetojnë nën nivelin e varfërisë. Në mes tyre gjenden 731.300 fëmijë.