valon-murati

Murati: Lidershipi serb, shumë jo-kreativ me sulmet ndaj shqiptare

Ministri i Jashtëm serb, Ivica Daçiq, deklaroi se Serbia ka informacione se diaspora shqiptare ka në plan marrjen me dhunë të ndonjë prej misioneve diplomatike dhe konsullore të Serbisë si reagim ndaj arrestimit të Ramush Haradinajt.

Periskopi.com Lajme

Për këtë deklaratë, ministri i Diasporës në Kosovë, Valon Murati, ka thënë se është e pamundur sa stereotip e jokreativ po dëshmohet lidershipi serb edhe në këtë rast në sulmin e tyre ndaj shqiptarëve.

“Kurrsesi nuk po mund të dalin nga kornizat e ngushta të bërjes politikë, brenda të cilave kundërmon erë konspiracioni, sulmi, gjaku, primitivizmi. Për më tepër Serbia me këtë qasje po vazhdon luftën speciale kundër Kosovës, duke shfrytëzuar krejt arsenalin e saj. Kësaj radhe u mor edhe me diasporën”, ka thënë Murati, raporton Koha.net.Por, siç tha ministri, fatmirësisht, diaspora jonë përbën një diasporë shumë të ngritur e të integruar, një diasporë që qëndron shumë më lartë se një ministër si ai Daçiq.

“Kemi përjetuar sulme edhe më të egra e primitive nga Serbia, si masakra e vrasje mbi gra e fëmijë dhe kjo diasporë nuk ka bërë veprime çfarë “ka frikë” Daçiqi se do të bëj sot. Diaspora shqiptare tani më po e bënë atë që e ka pasur në plan – po proteston në mënyrë të qytetëruar gjithandej nëpër botë, po mbledh peticione e po lobon për lirimin e Ramush Haradinajt. Dhe me këtë po e nxjerrë në sipërfaqe praninë e mentalitetit primitiv e konfliktuoz të Ivica Dacicit dhe po dëshmon se çdoherë është e gatshme të rreshtohet në krah të mbrojtjes së atdheut”, ka përfunduar Murati.

valon murati

 Murati: Do të luftojë për përfaqësimin e diasporës në Kuvend

Valon Murati në një intervistë për lajmi.net ka përmendur sukseset dhe ngecjet e dikasterit që udhëheq gjatë vitit të kaluar. Murati thotë se do të angazhohet për pritje sa më të shkurta të bashkatdhetarëve në kufi dhe ndër të tjera ka deklaruar se do të luftojë për përfaqësimin e diasporës në Kuvend

Periskopi.com Uncategorized

 

Ministri i Diasporës Valon Murati, vlerëson se viti që lamë pas ka qenë i mbushur me shumë aktivitete të cilat kanë pasur çdoherë në fokus diasporën qoftë në fushën arsimore, kulturore, sportive, apo ekonomike. Megjithatë, ai thotë se mbetet punë për t’u bërë sidomos në arsimin shqip.

“Unë konsideroj se ne kemi punuar me përkushtim në funksion të fuqizimit të urave të bashkëpunimit me bashkatdhetarët, por se mbetet ende për t’u bërë në mënyrë që ne të realizojmë një sërë objektivash strategjikë që kemi, e mbi të gjitha ato që lidhen me arsimin shqip, me fuqizimin e të drejtave politike të saj kudo që bashkatdhetarët jetojnë, por edhe me përfshirjen e tyre në jetën socio-ekonomike, politike dhe arsimore të vendit”, deklaron Murati në një intervistë për lajmi.net

Një ndër sukseset e vitit 2016, Murati thotë se janë aktivitetet që kanë rikthyer diasporën në jetën tonë publike si një forcë dhe resurs njerëzor i patejkalueshëm në funksion të zhvillimit të vendit.

“Regjistri i diasporës, puna rreth mësimit shqip në diasporë duke koordinuar punën edhe me shtetin shqiptar, organizimi i Ditëve të Kulturës Shqiptare, organizimi ekonomike me bizneset e diasporës dhe ato të Kosovës, trajtimi i problemeve të shumë prej bizneseve të diasporës, insistimi për funksionalitetin e gjykatave kur janë në pyetje investitorët nga diaspora”, thekson ministri.

Në suksese, ai rendit edhe punën me të rinjtë dhe profesionistët nga diaspora si dhe ofrimi i mundësive që ata të kryejnë praktikën në institucionet e shtetit të Kosovës por edhe të atij të Shqipërisë e gjithashtu edhe bashkorganizimi me Zyrën e Kryeministrit të Republikës së Shqipërisë i Samitit të Diasporës.

Murati përmend edhe sfidat dhe ngecjet që e kanë përcjellë dikasterin e tij sivjet. Ai thotë se ministria që drejton, ka buxhet të vogël në raport me nevojat.

“Motoja e regjistrimit të diasporës dhe të gjitha aktiviteteve që ne organizojmë ‘Ti je pjesë e atdheut’ tani më ka hyrë në diskursin tonë të përditshëm si diçka e natyrshme. Por kjo duhet të përcillet me politika edhe me aktive në raport me diasporën, në mënyrë që aktivitetet e shumta që kemi realizuar të përkthehen edhe në realizimine objektivave strategjikë”, deklaron Murati.

Në këtë kontekst shton se kjo vlen për fuqizimin e arsimit shqip në diasporë por edhe ndihmën që duhet të jap Kosova në organizmin e diasporës përmes projekteve të rrjetëzimit në të gjitha fushat.

Murati thotë se në raport me diasporën ka pasur edhe një ngecje, por që sipas tij, nuk varet nga Ministria e Diasporës.

“Ajo që ne do të donim dhe jemi përpjekur të realizohet këtë vit por që nuk është arritur të implementohet është krijmi i mundësisë së pagesës online të sigurimeve kufitare nga bashkatdhetarët. Edhe pse kjo nuk është në kompetencën tonë, mosrealizimi i këtij projekti na brengosë jashtëzakonisht shumë. Prandaj, ne do ta forcojmë edhe më tepër insistimin tonë tek institucionet tjera relevante që vitin e ardhshëm kjo të jetë çështje e kryer”, thotë ministri.

Duke qenë një nga zyrtarët e shtetit që më së shumti është në kontakt me bashkatdhetarët, Murati konsideron se diaspora shqiptare ka qenë përkrahëse e madhe e të gjitha proceseve politike. Ai përmend kontributin e tyre në luftën çlirimtare dhe përkrahjen që vazhdon edhe sot, por sipas tij, një pjesë e tyre kanë edhe kritika.

“Nuk ka dyshim që ata edhe kanë ndërtuar pritje shumë më të mëdha për funksionimin e shtetit të Kosovës pas shpalljes së pavarësisë. Në këtë drejtim një pjesë e tyre janë kritik, por unë do të thosha është një kritikë e shëndoshë, e tillë që na bën ne të mobilizohemi më shumë për të arritur ato standarde të funksionimit të shtetit çfarë të gjithë i kemi ëndërruar dhe të cilat gjithashtu i synojmë bashkërisht”, pohon Murati, duke shtuar se kjo nuk ka ndikuar tek ata në zbehjen e gatishmërisë që të kontribuojnë për atdheun tonë të përbashkët edhe në të ardhmen.

Diaspora e mbush buxhetin e Kosovës

Duke u bazuar në raportin vjetor të Bankës Qendrore, Murati thotë se gjatë vitit 2015 bashkëatdhetarët kanë çuar në Kosovë 752.4 milionë euro.

“Kjo realisht nënkupton se remitancat përbëjnë afër 13% Bruto Prodhimit Vendor (i cili sipas Agjencisë së Statistikave të Kosovës për vitin 2015 ishte 5 miliardë e 800 milion euro) Edhe për këtë vit remitancat me ndonjë luhatje të vogël besoj se do ta mbajnë këtë trend të lartë”, beson ai.

Murati tregon se sipas BQK-së, më së shumti vijnë nga Gjermania dhe Zvicra, vende këto nga të cilat dërgohen 37 % përkatësisht 22 % të gjithsej remitencave të pranuara në Kosovë.

“Duhet theksuar se një pjesë e konsiderueshme e remitencave në vitin 2015 kanë ardhur edhe nga SHBA-të, gjegjësisht 8 % e gjithsej remitencave të pranuara në Kosovë. Unë vlerësoj të drejt analizën e UNDP-së në vitin 2014 për remitancat, në të cilën theksohet se fakti se diaspora nga Kosova është kryesisht e përqendruar në Zvicër dhe Gjermani, vende të cilat e kanë kaluar më lehtë krizën ekonomike, ka bërë që edhe trendi i remitancave në Kosovë të mos ketë rënie. Sipas statistikave nga këto dy vende vitin e kaluar kishim 57% të të gjithë remitancave të pranuara në Kosovë”, deklaron ai.

Pritjet në kufi

Ministri shprehet i shqetësuar për pritjet e gjata të bashkëatdhetarëve në kufi me Serbinë. Ai thotë se këtë çështje po mundohen ta zgjidhin së bashku me institucionet tjera relevante. Sipas tij, ndërtimi i objekteve kufitare në kuadër të Menaxhimit të Integruar të Kufijve me Serbinë do t’i shërbente lehtësimit të procedurave.

“Kosova me ndihmën e BE-së do të jetë përgjegjëse për ndërtimin e objekteve në Merdare, Mutivodë dhe në Bërnjak. Me ndërtimin e këtyre objekteve të cilat do të krijojnë infrastrukturë shumë më të gjerë hyrëse dhe dalëse, sidomos në Merdar por edhe në Mutivodë do të krijoheshin kushtet për të proceduar shumë më shpejt për shkak të kapaciteteve më të mëdha. Ndërtimi i objektit në Merdar po shpresoj të fillojë së ndërtuari në fillimi të vitit të ardhshëm”, thotë Murati.

Si çështje të dytë, Murati vlerëson se pala kosovare duhet të jetë vazhdimisht e vëmendshme ndaj palës serbe për të mos lejuar që ajo të punojë me neglizhencë, ashtu siç ishte rasti kësaj radhe.

“U desh të ndërhyhej nga ana e institucioneve tona deri në Bruksel për të mobilizuar palën serbe në kushtet e një vërshimi të mërgimtarëve tanë, të cilët pritnin në Merdar deri në 8 orë”, shprehet ai.

Murati sugjeron edhe bashkëatdhetarët që gjatë rrugës për në Kosovë, të kontrollojnë të dhënat e Qendrës Kombëtare për Menaxhimin dhe të shikojnë se cilat pika kufitare janë të ngarkuara për të përdorur pastaj pikat kufitare alternative.

“Gjithashtu një çështje që mbetet për t’u zgjidhur është edhe çështja e tarifave të sigurimit kufitar, për të cilat ne po insistojmë që BSK të krijojë kushte të paguhen edhe online, derisa të gjithë bashkërisht të gjejmë rrugën për ta zgjidhur tërësisht këtë çështje e cila rëndon mbi bashkatdhetarët si një padrejtësi që buron nga padrejtësia që i shkaktohet vetë Kosovës”, deklaroi ai.

Murati për vitin e ardhshëm planifikon që prioritet të jetë institucionalizimi i mësimit shqip në diasporë.

“E kjo nuk mund të bëhet pa komponentën financiare e cila duhet t’i shtohet marrëveshjes në mes të Kosovës dhe Shqipërisë në këtë fushë. Ne do të punojmë që vitin e ardhshëm të kemi një marrëveshje në mes të dy kryeministrave e cila pastaj do të ratifikohej në kuvendet e të dy shteteve dhe kështu do të krijonim bazën ligjore edhe për financimin e mësimit shqip”, pohon Murati.

Megjithatë, ai shton se mbetet të punohet ngushtë me të gjitha institucionet e vendit dhe me rrjetet e biznesit të diasporës shqiptare që të krijohen kushte sa më të mira për të thithur investime nga diaspora e së bashku me to, të kemi edhe transfer të dijes dhe teknologjive nga diaspora në Kosovë.

“Prioritet tjetër mbetet rrjetëzimi i diasporës, i profesionistëve shqiptarë, të cilët janë në resurs i jashtëzakonshëm zhvillimor për vendin, por edhe i shoqatave të cilat veprojnë jashtë dhe të cilat luajnë një rol të rëndësishëm në ruajtjen e identitetit kombëtar në diasporë”, tregon ministri.

Ndërkaq një nga prioritetet që Murati do të luftojë për realizimin e tij, është përfaqësimi i diasporës në Kuvendin e Kosovës, “sado e vështirë të jetë kjo në planin afatshkurtër, për shkak të vështirësive të ndryshimit të Kushtetutës së Kosovës”.

Krejt në fund, Murati përmend edhe një projekt për transformimin e një pjese të remitencave në zhvillim ekonomik, fillimisht në fushën e bujqësisë dhe teknologjisë informative, në të cilin vec kemi filluar të punojmë

murati-780x439

Ministri Murati viziton bashkatdhetarët në Australi

Ministri i Diasporës, Valon Murati, po qëndron për një vizitë disaditore në Australi. Ai,bashkë me ambasadorin e Republikës së Kosovës në Australi, Sabri Kiçmari, po merr pjesë në aktivitete të ndryshme të organizuara nga diaspora shqiptare, me rastin e shënimit të 28 Nëntorit, Ditës së Pavarësisë së Shqipërisë.

Periskopi.com Lajme

Përfaqësuesit e shtetit të Kosovës, gjatë qëndrimit në Melbourne, morën pjesë edhe në dy aktivitete të organizuara nga bashkatdhetarët tanë, në të cilat ishin të pranishëm rreth 1500 veta.

Në këto aktivitete, në fjalën përshëndetëse, ministri foli për rëndësinë e kësaj dite për shqiptarët kudo që janë, duke porositur që nuk ka mënyrë më efikase për ruajtjen e identitetit kombëtar sesa dërgimi i fëmijëve në mësimin plotësues të gjuhës shqipe,përmes të cilit kanë mundësi të njihen me gjuhën dhe kulturën tonë.

Me ftesë të komunitetit shqiptaro-australian në Sydney, ministri Murati u takua edhe me bashkatdhetarët e kësaj pjese të Australisë, me ç’rast u diskutuan shumë çështje që u shtruan nga të pranishmit.

Ai foli për rëndësinë e dërgimit të fëmijëve në mësim plotësues. Duke qenë se në Sydney nuk ekziston një shkollë e tillë, ai i inkurajoi ata që të organizohen sa më shpejt për hapjen e saj, duke u premtuar mbështetjen e plotë të Ministrisë së Diasporës dhe Ambasadës së Kosovës në Australi.

Gjatë kësaj vizite, Murati do të takohet edhe me përfaqësues të institucioneve të ndryshme australiane. /Telegrafi/

Dy nga ‘tre gjermanët e trashë’ dhe një tender i përfituar në Ministrinë e Diasporës

Një tender në Ministrinë e Diasporës për “Shërbime artistike...”, e ka fituar aktori Fisnik Ademi. Në të njëjtën ministri, punon si këshilltar i ministrit, aktori Kushtrim Sheremeti.

Periskopi.com Lajme

Që të dy janë miq të mirë, e në publik njihen si “Gjermanët e trashë” nga seriali i para disa viteve.

Aktorët Kushtrim Sheremeti e Fisnik Ademi, mund të kenë bashkëpunuar në shumë projekte të përbashkëta. Në publik njihen më së shumti nga seriali komik “Tre gjermanët e trashë”. Por së fundi, është edhe një tender që i ndërlidh këta dy komedianë, shkruan lajmi.net.

Ademi ka fituar një tender pa konkurrencë në Ministrinë e Diasporës, ku Sheremeti është këshilltar i ministrit Valon Murati.

Tenderi “Shërbime artistike për Ditët e Kulturës Shqiptare në Diasporë”, është dhënë me llojin e procedurës “i negociuar”, pa publikim të kontratës, që në fakt në këtë tender është negociuar vetëm çmimi, pasi konkurrentë nuk ka pasur fare.

Vlera e përgjithshme e kontratës është 17,900.00 euro dhe Sheremeti e ka arsyetuar këtë procedurë duke thënë se lejohet në rastet kur ministria ka nevojë për shërbime urgjente.

Por në fakt, manifestimi “Ditët e Kulturës Shqiptare në Diasporë”, nuk është një rast urgjent i kësaj ministrie pasi është organizim tradicional dhe i paraparë për t’u organizuar.

Sheremeti deklaron se nuk ka pas ide nëse një kontratë e tillë është negociuar me mikun e tij, pasi ka qenë i angazhuar në Samitin e Diasporës në Tiranë.

Ai bën të ditur se me 17 mijë e 900 eurot e ministrisë, trupa e teatrit joformal ‘La Rreme’, do të performoj me shfaqjen e titulluar ‘Sikur kjo të ishte shfaqje’ në Angli, Suedi, Zvicër dhe Gjermani. Kjo trupë e teatrit, sipas Sheremetit, e ka autorizuar Ademin për të negociuar dhe zbatuar procedurat administrative.

“Gjithashtu me informuan se për këtë procedurë qenkan konsultuar paraprakisht me OSHP-në dhe paskan marrë miratim nga ana e tyre dhe se e gjitha është e bazuar ne ligj”, shprehet Sheremeti për lajmi.net.

Ai shton se pozita e tij është politike dhe me ligj e ka të ndaluar të ushtroj “çfarëdo presioni ndaj stafit civil, gjë të cilën as nuk e kam bërë e as nuk do ta bëj”.

Sheremeti do që të merret parasysh edhe fakti se mbi 70 për qind të artistëve të Kosovës i ka pas bashkëpunëtor në projekte të ndryshme dhe nganjëherë i bie që të ketë punë me ta edhe si zyrtar institucioni.

Njëjtë deklarohet edhe Ademi duke thënë se komuniteti i artistëve është i vogël dhe ka afërsi me shumë profesionist të kësaj fushe.

Ademi pohon se që 6 vite funksionon me një kompani e cila e mban emrin e tij personal dhe me të cilën ka realizuar projekte me institucione e produksione private të ndryshme.

Ai ka thënë se me paratë e Ministrisë së Diasporës, do t’u mundësoj ekipit të shfaqjes biletat e udhëtimit, akomodimin në hotele, transportet rrugore në vendet përkatëse, ushqimin dhe kërkesat e tjera që dalin nga ky turne.

“Në kuadër te Ditëve të kulturës shqiptare ne diaspore, Ministria e diasporës ka përzgjedhur shfaqjen tone; ekspozitën personale te fotografit me përmasa botërore Fadil Berisha; koncerti i këngëtares Elina Duni dhe një projeksion filmik me filma shqiptare, nder ta edhe filmin Shok te nominuar për Oscar. Këto projekte do te prezantohen para audiencës në Gjermani, Suedi, Zvicër dhe Angli. Ne shumën totale te projektit do te paguhen biletat e ekipit, akomodimi për hotele, transportet rrugore ne vendet përkatëse, ushqimi dhe te gjitha kërkesat e tjera qe dalin nga kjo turne”, tha Ademi.

Ndërkaq, sipas njoftimit për nënshkrim të kontratës, ky aktivitet i prokurimit ka validitet nga data 26  Nëntor deri 03 Dhjetor 2016, aq sa edhe do të zgjasin Ditët e Kulturës Shqiptare në Diasporë.

tenderi1

Valon Murati

Lëvizja për Bashkim shkon te Thaçi për reformën zgjedhore

Kryetari i Lëvizjes për Bashkim, Valon Murati ka konfirmuar për portalin Koha.net, pjesëmarrjen e nesërme në takimin që kreu i shtetit Hashim Thaçi ka thirrur për të diskutar rreth reformës zgjedhore.

Periskopi.com Lajme

“LB-ja do të përfaqësohet me kryetarin Valon Murati dhe Sekretarin e Përgjithshëm, Avni Klinakun. Në fillim do jetë vetëm z. Klinaku e më pas prej orës 10:30 do bashkohem edhe unë sepse prej orës 9:30 deri në 10:30 do raportoj para Komisionit për Mbikëqyrjen e Financave Publike për Raportin e Auditimit për 2015 për Ministrin e Diasporës”, ka thënë Murati.

LB-ja që prej prillit të këtij viti ka insistuar në domosdoshmërinë e reformës zgjedhore para se të mbahen zgjedhjet e ardhshme.

Në zgjedhjet e kaluara, LB-ja ka qenë pjesë e koalicionit me Partinë Demokratike të Kosovës, që atëkohë kishte kryetar tash kryetarin e Kosovës, Hashim Thaçin.