Jablanovic tregon se si Lista Serbe deshi ta votojë Ushtrinë e Kosovës

Periskopi.com Lajme

Aleksandar Jablanovic, i cili në zgjedhjet e 11 qershorit garon jashtë Listës Serbe, në një intervistë për KoSSve akuzon këta të fundit, si bashkëpunëtor të Hashim Thaçit, të cilët sipas tij, ishin të gatshëm të votonin Ushtrinë e Kosovës.

“Vetëm Lista Serbe është ajo e cila është e gatshme të votojë për Ushtrinë e Kosovës. Pjesë e atyre bisedimeve ishin Dalibor Jevtic, Branimir Stojavnovic dhe Ljubomir Maric dhe për këtë ekziston procesverbali. Kush është serbi i Thaçit mund të vërtetohet në evidencën e Kuvendit të Kosovës në lidhje me atë se kush ka votuar për zgjedhjen e Hashim Thaçit për president të Kosovës. Ata këtë e kanë bërë sipas urdhrave të “Zyrës për Kosovë dhe Metohi” dhe të Marko Djuric’it, ka thënë lideri i Partisë së serbëve të Kosovës Aleksandar Jablanovic, i cili me partinë e vet do të merr pjesë në zgjedhjet e jashtëzakonshme parlamentare më 11 qershor, shkruan gazetametro

Në pyetje të gazetarit të KoSSev se a e ka këtë dokument, ai përgjigjet se e posedon, porse “ju si gazetar mund t’iu drejtoheni Kuvendit të Kosovës dhe mund ta merrni kopijen e procesverbalit”.

Nga ana tjetër Dalibor Jevtic nga Lista serbe, i demanton pretendimet e Jablanovic’it duke theksuar se Jablanovic, “siç dihet, është i prirur për mashtrime”, dhe se pretendimet e tij “nuk meritojnë koment”, por “pasi që e respekton publikun i cili ka të drejtë në përgjigje”, i bënë thirrje Jablanovic’it që të publikojë dokumentin e Kuvendit të Kosovës në të cilin thirret.

“Votimi për zgjedhje të presidentit është i fshehët. Nuk ekziston asgjë që quhet “procesverbal se kush dhe si ka votuar. Jablanovic këtë e di apo nuk e di, prandaj manipulon, apo edhe një herë konfirmon mosdijen e vet politike. Mundohem që mos të hyjë në këtë baltë të tyre”, ka thënë Jevtic.

Analisti serb: Ushtria e Serbisë nuk guxon as me mendu hyrjen në Kosovë

Periskopi.com Lajme

Nenad Maksimoviç, drejtor i Qendrës për Paqe dhe Tolerancë, ka thënë se nuk shanse teorike që ushtria e Serbisë të hyjë në Kosovë, njofton Klan Kosova.

Sipas tij, shteti serb ka një marrëveshje me NATO-n dhe kjo ujdi si dhe bashkëpunimet e tjera nuk e lejojnë Serbinë as të mendojë për një gjë të tillë.

Këto komente ai i bëri në një debat të organizuar në Graçanicë ku po marrin pjesë shqiptarë e serbë.

Ndërkohë, muaj më parë pjesëtarët e ushtrisë amerikane së bashku me ushtarë të ushtrisë serbe shihen në një fotografi të përbashkët e cila u realizua më 16 dhjetor të vitit të kaluar.

Mediat serbe thonë se sipas KFOR-it, ishte një “patrullë e zakontë”, e përbërë nga forcat ndërkombëtarë të Ushtrisë së Serbisë; në përputhje me Rezolutën 1244 të Kombeve të Bashkuara dhe të marrëveshjes ushtarako-teknike, në mënyrë që të ruhet paqja për të gjithë qytetarët e Kosovës.

Kjo foto thuhet se është bërë nga rreshteri amerikan, Caleb Bario, i cili ishte pjesë e patrullës.

Ushtria serbe nis manovra ushtarake në kufi me Kosovën

Periskopi.com Lajme

Ushtria serbe është duke zhvilluar manovra ushtarake në Bujanoc në kufi me Kosovën. Sipas mediave serbe këto ushtrime janë duke u mbajtur për të vërë në taktike teknologjinë e re  ushtarake.

Manovrat janë duke u zhvilluar edhe në bashkëpunim me ushtarët amerikanë, qëllimi i ta cilës është forcimi i veprimit dhe përkrahjes në rast të një sulmi të jashtëm, transmeton Indeksonline.

Në mbështetje të këtij demonstrimi është Komanda Evropiane e Forcave të Armatosura.

Qëllimi i trajnimit të përbashkët është që të përmirësojë edhe aftësitë kryesore të kompanisë inxhinierisë në një mjedis ushtarak ndërkombëtar.

Ushtria serbe kohëve të fundit ka bërë ri formatimin e teknikës ushtarake duke bërë blerje nga Rusia për forcat ajrore dhe tokësore.

Lista Serbe: Isa Mustafa po gënjen në lidhje me ushtrinë

Periskopi.com Lajme

Lista Serbe mohon pretendimet e kryeministrit të Kosovës, Isa Mustafa se përfaqësuesit e saj kanë negociuar për formimin e ushtrisë së Kosovës.

Ata, për B92, pohojnë se qëndrimi i tyre mbetet i pandryshuar dhe se nuk do të mbështesë Prishtinën që të formojnë forcat e armatosura, transmeton lajmi.net.

Kryeministri i Kosovës, Isa Mustafa tha se kanë pasur takime me përfaqësuesit serbë për formimin e Ushtrisë, se arsyet për tërheqjen e tyre i ka mësuar në kontakte private, ku ai u njoftua se përfaqësuesit serbë janë të kushtëzuar dhe se ata nuk mund të marrin vendime pa qëndrimin e Beogradit.

Ndërkaq, Lista Serbe mohon pretendimet Mustafës.

Limaj tregon se kush e prishi projektin për ushtrinë

Periskopi.com Lajme

Kryetari i Nismës për Kosovën, Fatmir Limaj, ka thënë se ideja për mocion tashmë ka marrë formë konkrete si një angazhim i opozitës në Kosovë.

Kreu i Nisma për Kosovën Fatmir Limaj, në intervistën në RTK ka thënë se në dhjetor dhe janar ka pasur komunikime dhe ishin bërë plane që sivjet të kryhej çështja e ushtrisë. “Por z. Thaçi nga frika që po bëhemi të gjithë bashkë dul vet dhe e prishi krejt projektin. Ai dul vet dhe e pamë përfundimin e inisiativës”, ka thënë ai.

Limaj tha se ushtria ishte përgatitur të kryhej gjatë këtij viti dhe do të përmbyllet gjatë këtij viti. Ai ka thënë se asnjë komunitet në Kosovë nuk ka të drejtë dhe nuk mundet ta bllokojë krijimin e ushtrisë.

Komuniteti serb, sipas tij, e ka të drjetën e vetos dhe pa pëlqimin e tyre nuk mund të bëhen ndryshimet kushtetuese në lidhje me të drejtat e tyre të rezervuara.

“Së pari duhet të shtjerren bisedat dhe nëse vijmë në një pikë ku serbët me direktiva të Beogradit nuk pranojnë dhe nuk kanë vullnet dhe tentojnë të bëhen bllokues atëherë është e drejta jonë me ecë dhe me ndryshu kushtetutën edhe pa pjesmarrjen e serbëve”, tha ai, duke shtuar se serbët nuk kanë instrumente bllokues për krijimin e ushtrisë.

“Projekti duhet të fillohet nga e para dhe Kosova jam i bindur se me qeverisjen e re do ta formojë për tre muaj ushtrinë”, tha ai.

Limaj tha se nuk ka asnjë dilemë që do të bëhet një freskim edhe pse ai thotë se as opozita nuk do të bëj mrekulli.

“Por, tani për tani ka vetëm një rrugë – zgjedhjet dhe fitorja e opozitës”, ka shtuar ai. Limaj ka thënë se Qeveria nuk ka asnjë rezultat.

Limaj tha se zgjedhjet e vitit 2010 janë fituar me premtimin e liberalizimit sikurse edhe zgjedhjet e vitit 2013 dhe 2014 janë fituar me të njejtin premtim.

“Përgjegjësinë për mos liberalizimin e vizave janë këta njerëz. Prandaj duhet të shkojmë në zgjedhje. Sepse këta njerëz janë përgjegjës për gjitha këto”, tha ai.

Ai ka thënë se Kosova ka 90 deputetë dhe parlamenti është jo funksional.

I pyetur nga RTK se çfarë faji ka qeveria që parlamenti nuk është funksional ka thënë se Kryetari i Qeverisë është kryetar i një partie. Ajo që po them është se nuk ndodhë që një parlament me 90 vota dhe ministrat nuk janë kurrë në parlament.

“Është një sjellje poshtëruese dhe ofenduese ndaj parlamentit të Kosovës. Klima është mosbesuese mes vete dhe ta lë përshtypjen që në Kosovë janë 3 qeveri. Një që e drejton Kryeministri, një kryeparlamentari dhe një Lista Srpska”, ka thënë Limaj.

Limaj ka folur edhe për atë nëse ideja për mocionin e Qeverisë është frymëzuar nga PDK.

“Ideja është ekskluzivisht e jona dhe ka ardhur natyrshëm. Vetëm shikoni se çka po ndodh në Kosovë dhe e shihni nga ka buruar ideja”, ka thënë ai.

Sipas Limajt, zgjedhjet japin një mundësi për ta ndryshuar këtë qasje për të filluar një riatartim dhe marrje me problemet e mëdha.

“Kjo që po ndodhë sot nuk i jep vendit asnjë shancë sepse për tri vite po sillemi në kolaps”, thotë ai.

Duke folur për temat kryesore që janë hapur në mandatin e kësaj qeverie, Limaj ka thënë se edhe çështja e Asociacionit, Demarkacioni edhe Liberalizimi i vizave ishin hapur në mënyrë të gabuar.

“Ne vazhdon të na qeverisë një qeveri e cila ka shkelur 23 herë kushtetutën e Kosovës me një marrëveshje në Bruksel. Atëherë ka qenë dashtë të japë dorëheqje kjo qeveri”, ka thënë Limaj.

Por i pyetur se pse nuk kanë inicuar mocionin e mosbesimit në atë kohë, ai tha se kërkesa në atë kohë ka qenë objektivisht e pamundur me pasë sukses sepse opozita nuk ka pasur vota të mjaftueshme për ta proceduar në Kuvend. “Situata sot është pak më ndryshe”, ka thënë Limaj.

Ai thotë se ka pasur takime me kryetarin e VV-së Visar Ymerin dhe me drejtuesin e Alternativës, Ilir Deda si dhe me deputetë të partive minoritare jo serbe.

Takime në lidhje me mocionin për rrëzimin e qeverisë sipas Limajt, janë bërë edhe me deputetë individualisht.

“Edhe shefat e grupeve parlamentare të opozitës kanë pasur takime dhe janë në fazën e harmonizimit të tekstit që duhet të përcillet për mocion. Javët e ardhshme do të jenë jashtëzakonisht dinamike në konsolidimin dhe realizimin e kërkesës për mocion”, ka thënë kryetari i Nisma për Kosovën në intervistën në RTK.

“Ideja është përpunuar dhe tash dalngadalë gjitha grupet parlamentare opozitare janë duke punuar në përgatitjen formale të kërkesës e cila është kërkesë e grupeve opozitare për mocionin e opozitës së bashkuar”, ka thënë Limaj.

Ai ka thënë se ideja për mocion ka gjetur mbështetje dhe tash është faza e dytë në formalizimin e kërkesës së përbashkët, e që sipas tij kjo kërkesë do të ecë drejt Parlamentit të Kosovës.

Po ashtu, Limaj tha se kjo është një praktikë parlamentare dhe për këtë mocion janë pjekur kushtet për shumë arsye, e mbi të gjitha për faktin se Kosova është në krizë të thellë politike.

“Kemi një Qeveri që nuk ka mundur të adresoj zgjidhjen e problemeve që e kanë sjellë vendin në krizë”, ka thënë kryetari i Nismës për Kosovën.

Edhe këtë vit pa ushtri

Periskopi.com Lajme

Kosova nuk pritet ta formojë ushtrinë e saj brenda pak muajve. Pas tërheqjes së presidentit Thaçi nga iniciativa e tij që kjo të bëhet përmes ligjit, tani njohësit e çështjeve politike dhe juridike në vend thonë se themelimi i ushtrisë do të marrë kohë. Madje ata thonë se e domosdoshme do të jetë edhe një qeveri tjetër.

Ndërrimi i misionit të FSK-së në ushtri tani është i lidhur ngushtë me shpejtësinë e themelimit të Asociacionit të Komunave me Shumicë Serbe.

E sipas njohësve të proceseve politike dhe juridike në vend, as njëra e as tjetra nuk pritet të ndodhin brenda pak muajve, siç paralajmëroi presidenti Thaçi në fjalimin e tij në Koshare ditën e djeshme.

Bashkërendimi me NATO-n, SHBA-në dhe BE-në dhe aprovimi i tyre, sipas analistëve kosovarë, është i domosdoshëm. E për “aventurën” e presidentit Thaçi ka edhe të tillë që ia kërkojnë dorëheqjen si akt moral.

Në anën tjetër, opozita kosovare edhe njëherë ka thënë se Kosova ka humbur mjaft kohë në kompletimin e sektorit të sigurisë. Sipas tyre, është e papranueshme që të pritet në “përjetësi” amini i një force politike e cila lidershipin e ka në Beograd.

Kurse, i ka bërë thirrje Qeverisë dhe Kuvendit që mos t’i pranojë më aventurat e presidentit Thaçi.

Njeriu më i afërt i Isa Mustafës godet Hashim Thaçin (Video)

Periskopi.com Lajme

Nënkryetari I Lidhjes Demokratike të Kosovës, Agim Veliu ka përsëritur vendimin e kësaj partie se Ushtria duhet të formohet vetëm  përmes ndryshimeve Kushtetuese, dhe partneritetit me aleatët e vendit.

Në një intervistë për Tribuna Channel, Veliu e ka quajtur të ngutshëm vendimin e Presidentit Thaçi që ta shtyj përpara këtë proces pa ndryshimet e nevojshme kushtetuese.

Jabllanoviq ia bën më dije Thaçit se kush vendos për Ushtrinë e Kosovës (Video)

Kryetari i rikthyer e Listës Serbe, Aleksander Jabllanoviq në një intervistë ekskluzive për Tribuna Channel ka folur për kontributin e Listës Serbe për demarkacionin,asociacionin dhe themelimin e ushtrisë.

Periskopi.com Lajme

Sipas tij Lista Serbe ka hyrë në kuvend që të zgjidhë probleme por për ushtrinë pyetet Beogradi.

“Një prej prioriteteve është formimi i asociacionit e kjo është obligim edhe i qeverisë së Kosovës. Për demarkacionin ende nuk kemi biseduar. Sa i përket ushtrisë, nuk kam lidhje dhe i vetmi kontakt për ushtrinë ka qenë kur Stojanoviç dhe Mariç jashtë kuptimit të Listë Serbe kanë pasur takime me struktura të caktuara. Ushtria e Kosovvs është jashtë veprimit të Listës Serbe e duhet konsultim me Beogradin”, ka shtuar ai.

Më tej ai ka folur edhe për ftesën e Presidentit Hashim Thaçi.

Kryeziu thotë se Qeveria nuk do ta procedojë Ligjin për ushtrinë në Kuvend

Drejtori i Institutit Demokratik të Kosovës, Ismet Kryeziu thotë se deklarata e presidentit të Kosovës, Hashim Thaçi për të dhënë dorëheqje nuk përbëjnë ndonjë risi.

Periskopi.com Lajme

Kryeziu thotë se Thaçi , më së keqi ka bërë, kur ka vepruar për rikthimin e çështjes së transformimit të FSK-së në ushtri pa koordinim me partnerët ndërkombëtarë, raporton Periskopi

Madje, sipas tij, qeveria nuk do ta procedojë ligjin në Kuvend.

“Deklaratat e z. Thaçi dhe tërheqja e tij nga deklaratat nuk përbën ndonjë risi. Prandaj deklarata e tij është e parëndësishme përballë veprimeve jo-serioze për rikthimin e çështjes së transformimit të FSK-së në ushtri pa koordinim me partnerët ndërkombëtarë , si veprim i njëanshëm i institucioneve të Kosovës”, thotë ai.

“Tani pas një pozicionimi dhe deklarimi të qartë të partnerëve ndërkombëtar e konkretisht pas deklaratës se z. Hoyt Brian Yeet për tërheqjen e ligjit nga ana e Institucioneve të Kosovës, besoj se qeveria nuk do ta procedojë ligjin në Kuvend. Ajo do të shfrytëzojë mbështetjen ndërkombëtare për të bashkërenduar veprimet në mënyrë që ky procesi i transformimit të jetë gjithëpërfshirës dhe të bëhet përmes ndryshimeve kushtetuese”, thotë Kryeziu. / Periskopi

Mustafa befason, flet për krejt temat vetëm një e anashkalon

Kryeministri i Kosovës, Isa Mustafa, tha se demarkacioni është i drejtë dhe duhet të ratifikohet. Kurse, nëse ky votim do të shtyhet, përgjegjësinë për mos liberalizimin e vizave duhet ta marrin ata që e pengojnë.

Periskopi.com Lajme

Këto komente kryeministri Mustafa i bëri në shënimin e njëvjetorin të hyrjes në fuqi të Marrëveshjes së Stabilizim Asociimit (MSA) dhe pranimit të Doganës në Organizatën Botërore të Doganave.

Mustafa tha se do t’i bëjnë përgatitjet për Demarkacionin dhe do ta përcjellin në Kuvend.

“Ne do t’i bëjmë përgatitjet tani sepse ligji është gati i cili e tërheq atë prej Kuvendit, duhet edhe një herë ta rishikojmë dhe ta përcjellim në Kuvend. Kam kërkuar po ashtu në Maltë që të rishqyrtohet edhe një herë ky kriter sepse e konsiderojmë që është një kriter i terpërt për Kosovën ose që të gjendet një alternativë që kriteret të modifikohen në mënyrë që të mos aplikohet si kusht strikt që duhet njëherë ta plotësojmë dhe pastaj ta marrim të drejtën e liberalizimit. Por që të na jepet një kusht që për një periudhë të caktuar kohor ne duhet ta plotësojmë atë ose do të na tërhiqet liberalizimi. Unë shpresoj se edhe ky propozim do të trajtohet në institucionet e Bashkimit Evropian, por që nuk mund të premtoj çfarë përgjigje do të kemi sepse varet prej tyre”, tha ai.

Mustafa tha se duhet ta ratifikojnë marrëveshjen e kufirit me Malin e Zi. Ai tha se marrëveshja është e drejtë dhe nuk ka asnjë gabim në caktimin e vijës kufitare.

“Ne duhet ta bëjmë punën tonë sepse sido që të jetë ne duhet ta ratifikojmë marrëveshjen e kufirit me Malin e Zi. Unë prapë qëndroj se marrëveshja është e drejtë se nuk ka asnjë gabim me caktimin e vijës kufitare që flitet, më tepër për objektiva politike dhe për kauza politike të cilat na kanë penguar dhe të cilat më tutje nuk mund t’i vazhdojmë t’i aplikojmë për arsye se po e mbajnë peng qytetarin e Republikës së Kosovës dhe do të mundohemi që bashkërisht të krijojmë një ambient në Kuvend që deputetët ta votojnë dhe ta kemi liberalizimin e vizave. Në qoftë se kjo çështje do të shtyhej, atëherë duhet ta marrin përgjegjësinë ata që e pengojnë liberalizimin, sepse do të kaloj kohë e gjatë që edhe një herë Kosova të kthehet në agjendën e Bashkimit Evropian për këtë çështje”, tha ai.

Sa i përket Asociacionit, Mustafa, tha se janë të gatshëm të fillojnë me hartimin e statutit të Asociacionit, por duke u respektuar në tërësi vendimi i Gjykatës Kushtetuese.

“Tash ne do të ulemi me listën, me përfaqësuesit e listës, me përfaqësuesit e Bashkimit Evropian të OSBE-së, të Ambasadës Amerikane, do ta diskutojmë këtë çështje. Ne jemi të gatshëm që të fillohet me hartimin e statutit të Asociacionit mirëpo, duke respektuar në tersi vendimin e Gjykatës Kushtetuese. Është një proces i cili nuk konsideroj se nuk do ta shikojmë si proces të shkurt sepse do të zgjatë, kurse ne jemi të gatshëm që çdo moment të ulemi ta fillojmë këtë proces që jemi zotuar, por gjithmonë të ruajmë aspektin kushtetues dhe ajo të jetë në harmoni me Kushtetutën dhe ligjet e Republikës së Kosovës ashtu siç e parasheh marrëveshja, vendimi i  Kushtetuese dhe qëndrimet tona”, tha ai.

Ndërsa, sa i përket zgjedhjeve serbe që do të mbahen nesër, kryeministri Mustafa tha se kanë lejuar që të bëhet grumbullimi i votave të cilat do të numërohen pastaj në Serbi.

“Është një marrëveshje të cilën e kemi bërë me OSBE-në në mënyrë që të lejojmë pikat e kolektivit ose të grumbullimit të votave të cilat nuk do të numërohen këtu, por vetëm do të barten dhe do të numërohen në Serbi. Është fjala që ne kemi pa të arsyeshme që të vazhdohet praktikën që e kemi aplikuar këtu edhe në vitet e kaluara që të mundësojmë që ata të votojnë. Gjithë qytetarët që kanë dy shtetësi dhe që ju takon kjo e drejtë në mënyrë që ata të mos maltretohen të shkojnë atje”, tha ai.

Serbëve do t’u mundësohet të votojnë nën monitorimin e OSCE-së.

Deputeti i LDK-së thotë se duhet edhe 10 vite që Kosova të bëhet me ushtrinë e saj

Deputeti i Kuvendit të Kosovës nga radhët e Lidhjes Demokratike të Kosovës, Nuredin Ibishi thotë se duhen edhe 10 vite që Kosova të bëhet me ushtrinë e saj.

Periskopi.com Lajme

Kjo pasi që transformimi i FSK-së sipas deputetit Ibishi, do të ndahet në tri faza dhe do t’i kushtojë buxhetit të Kosovës jo më pak se 819 milionë euro.

“Qeveria e Kosovës ka ndarë 9% të buxhetit të saj për FSK-në në vitin e kaluar, pra 5 milionë euro, para këto që do t’i ndajë çdo vit deri pas 10 viteve kur pritet të bëhet formimi i ushtrisë, sepse procesi i transformimit të FSK-së në ushtri do të ndahet në tri faza, faza e parë që është tri vjet, e dyta po ashtu 3 vjet dhe faza e tretë dhe e fundit që është 4 vjet”, ka deklaruar Ibishi në emisionin “Fakt Plus” të Tribuna Channel.

Ibishi, po ashtu ka thënë se do të rritet edhe numri i pjesëtarëve aktiv dhe rezervë me krijimin e ushtrisë së Kosovës.

“Me formimin e ushtrisë do të rritet edhe numëri i personelit nga 2500 sa i ka sot përafërsisht të rritet në 5 mijë me forca aktiva dhe nga 800 të rritet në 3 mijë në forcën rezervë”, tha ai.

Është Presidenti i Kosovës Hashim Thaç ai i cili ditë më parë ka iniciuar transformimin e FSK-së në ushtri. Por kjo nismë është kundërshtuar nga SHBA-ja dhe NATO, të cilët kërkuan që ky transformim të bëhet vetëm përmes ndryshimeve Kushtetuese, ku nevojiten dy të tretat e votave përfshirë këtu edhe votat e deputetëve nga radhët e Listës Serbe të cilët në këtë javë i janë kthyer institucioneve të Kosovës pas rreth 7 muajve bojkot. Por, pavarësisht kthimit të tyre në institucione, këta të fundit kanë paralajmëruar se nuk do të votojnë Ligjin për ndryshime Kushtetuese që do të mundësonte transformimin e FSK-së në Ushtri.

Ndryshe Presidenti Thaçi dje është tërhequr nga nisma e tij, kështu duke ndryshuar mënyrën e transformimit të FSK-së nga ajo përmes ndryshimeve të Ligjit në ndryshime Kushtetuese.

Hashim Thaçit i vjen edhe një goditje e papritur nga SHBA-ja (FOTO)

Ambasada Amerikane në Prishtinë i ka bërë edhe një goditje presidentit të vendit, Hashim Thaçi.

Periskopi.com Lajme

Në faqen zyrtare në facebook të ambasadës, janë disa fotografi të ndihmëssekretarit amerikan të shtetit, Hoyt Yee me zyrtarët e lartë shtetëror të Kosovës, por këtu mungon i pari i vendit, Hashim Thaçi.

Derisa Ambasada Amerikane ka postuar fotografitë e takimeve të Yee me  kreun e Kuvendit, Kadri Veseli, me ministrin e FSK-së, Haki Demolli, me drejtuesit e Listës Serbe dhe me ministren për dialog, aty mungon fotografia me Hashim Thaçin, raporton Gazeta Blic.

Ndryshe, amerikanët kanë dalë kundër nismës së Hashim Thaçit për krijimin e Ushtrisë së Kosovës pa ndryshime kushtetuese.

Këto janë fotografitë e postuar në faqen e Facebookut të ambasadës amerikane.

Deputeti i PDK-së e zbulon vendimin për Ushtrinë e Kosovës (Video)

Deputeti i Partisë Demokratike të Kosovës, Elmi Reçica në emisionin “Kontakt” në Tribuna Channel, ka thënë se është marrë vendimi që Ushtria e Kosovës do të krijohet përmes ndryshimeve Kushtetuese.

Periskopi.com Lajme

“Dhe defenitivisht vendimi është marrë që Ushtria e Kosovës do të krijohet përmes ndryshimeve Kushtetuese. Lista Serbe nuk është problem për ne, por është presioni i drejtëpërdrejtë nga Beogradi për të marrë vendime për interesat e Kosovës”, tha Reçica në emisionin “Kontakt”.

Sipas Reçicës, Lista Serbe është rikthyer në institucionet e Kosovës,  sipas tij, nuk duhet shumë për të kuptuar se si ka ndodhur dhe pse ka ndodhur pikërisht në këtë kohë ky rikthim.

Reçica shtoi se SHBA e mbështet Kosovës dhe padiskutim situatën në Kosovë e shohin pak më gjerë poashtu edhe regjionin.

 

Limaj tregon pse tema për ushtrinë do të tërhiqet

Opozita e pret ligjin për formimin e ushtrisë për votim. Por një gjë e tillë sipas deputetit të Nismës për Kosovën, Fatmir Limaj nuk është afër.

Periskopi.com Lajme

Ai thotë se “Ligji do të largohet nga tryeza dhe do ta ruajnë si temë për kohë krize”.

“Pres që sa më shpejt të konsultohet me partnerët ndërkombëtarë dhe të vjen për votim. Opozita e pret për votim”, ka thënë ai në “Rubikon” të KTV-së.

Hoyt Yee paralajmëron Qeverinë: Tërhiqeni ligjin për transformimin e FSK-së

Ndihmësi i zëvendës-sekretarit amerikan të Shtetit, Hoyt Brian Yee, i cili po qëndron në Kosovë këto ditë, ka folur sot qartazi për qëndrimin e Shteteve të Bashkuara për projektligjin për transformimin e Forcës së Sigurisë së Kosovës.

Periskopi.com Lajme

Ai ka porositur Qeverinë e Kosovës që ta tërheqë projektligjin e iniciuar nga Presidenti Hashim Thaçi, që ka për qëllim ta bëjë Kosovën me Forca të Armatosura.

“Kërkojmë nga Qeveria, nga Kryetari i Kuvendit dhe të tjerët të përfshirë në këtë nismë që ta tërheqin ligjin derisa procesi konsultativ, procesi i bashkërenditjes të bëhet në pajtim me udhërrëfyesin”, ka thënë Hoyt Yee, në një intervistë për RTK.

Ai ka thënë se SHBA mbështet qëllimin që Kosova eventualisht të ketë armatën e saj, duke shtuar se ky është proces normal për çdo vend sovran – por se e gjithë kjo duhet të bëhet në mënyrë të duhur dhe me konsultime.

Thaçi krenohet me një foto, diplomati amerikan i tregon se Ushtria duhet vetëm me Kushtetutë

Diplomati amerikan Hoyt Yee po qëndron në Kosovë. Në agjendën e tij kishte disa takime, por jo edhe atë me presidentin e Kosovës, Hashim Thaçi. Megjithatë, me të u taku jo në Presidencë por në një restorant, pas kundërshtimeve që ia bëri ai dhe shteti që ai përfaqëson, planit të Thaçit për transformimin e FSK-së.

Periskopi.com Lajme

Yee, në një takim të përbashkët ka takuar deputetë, përfaqësues të subjekteve politike në vend dhe me ta ka biseduar disa çështje. Periskopi mëson se dy nga temat kryesore ishin Demarkacioni dhe transformimi i FSK-së.

Gjatë takimit ua ka bërë të qartë edhe një herë deputetëve që Amerika është për Demarkacionin, për të cilin deputetët që ishin në takim kanë dhënë qëndrimet e tyre, ndërsa për krijimin e ushtrisë e ka ripërsëritur se ajo duhet bëhet përmes Kushtetutës.

Në takim nuk ishin vetëm deputetët që kundërshtojnë demarkacionin. Përzgjedhja nuk dihet si është bërë.

Periskopi.com mëson se aty ishin Zafir Berisha nga NISMA, Rrustem Berisha nga AAK, Sali Morina dhe Anton Çuni nga LDK, Elmi Reçica dhe Zenun Pajaziti nga PDK, Visar Ymeri nga Vetëvendosje dhe Ilir Deda e Vjosa Osmani, por këta dy të fundit nuk dihet në çfarë cilësie.

Shkodran Hoti nga Vetëvendosje thotë se ai ka qenë një takim sikur me gjithë zyrtarët e tjerë dhe është diskutuar për çështjet aktuale.

Ai thotë për Periskopin se është folur për Demarkacionin.

Ndërsa Rrustem Berisha nga AAK ka thënë për Periskopin se në takim u shfaqën edhe qëndrimet e partive por edhe qëndrimi i Shteti Amerikan, rreth demarkacionit dhe Ushtrisë.

Pra, nuk janë kundër themelimit të Ushtrisë, por duhet ndodh me koordinim të hapave mes partnerëve strategjik dhe shtetit të Kosovës.

“Nuk kemi të bëjmë me nguti, rreziqet kërcënimet janë në rritje e sipër. Ne nuk dëshirojmë të jemi vetëm konsumues të sigurisë por edhe të krijojmë siguri. duhet krijuar hapat, por vonesat e transformimit të FSK-së janë të papranueshme. Duhet themeluar ajo por të bashkërendohen hapat. Çdo fillim duhet ta ketë mbarimin, pa e ditë se deri ku do të presim nuk është zgjedhje, e dimë qëndrimin e Listës Serbe, ata nuk bëjnë asnjë hap pa miratimin e Beogradit. Është e vështirë të binden. Janë dy mundësi ose të presim deri në pafundësi ose sipas mënyrës së presidentit”, ka thënë Rrustemi.

Për Periskopin ka folur edhe Zafir Berisha nga NISMA.

Ai tha se Presidenti Thaçi edhe hapin më të vogël nuk e ka bërë për tu konsultuar me partnerët strategjik të Kosovës.

Kur foli për Demarkacionin, ai tha se edhe deputetët nga mazhoranca e kanë kundërshtuar para amerikani mostransparencën e institucioneve të Kosovës përballë kësaj çështje.

“Presidenti ka bërë një akrobacion jo të mirë”, tha ai.

E ky i fundit, është takuar dikur vonë të mërkurën me diplomatin e lartë amerikan. Por, vetëm në një restorant, jo në Presidencë.

Thaçi, që takimin e quan drekë pune, ka treguar përmes rrjetit social se për çfarë biseduan, por ndryshe që Yee ka kundërshtuar krijimin e Ushtrisë me Ligj, Thaçi i është shmangur kësaj pjese duke e përmendur problemin vetëm sipërfaqësisht.

Thotë se për këtë pjesë u morën vesh të bëhet nëpërmjet një procesi transparent dhe gjithëpërfshirës.

Ai, potencon se në një periudhë sfiduese për rajonin, roli i SHBA-së si gjithmonë është vendimtar për ruajtjen e stabilitetit dhe paqes në Ballkanin Perëndimor.

“Ne u pajtuam për veprimet konkrete drejt realizimit të prioriteteve kryesore për Kosovën, që ndërlidhen me luftën kundër krimit të organizuar dhe korrupsionit, ratifikimin e marrëveshjes për shënimin e vijës kufitare me Malin e Zi, fillimin e punës për hartimin e statutit të Asociacionit të komunave me shumicë serbe, si dhe për procesin e transformimit të FSK-së në ushtri të Kosovës, nëpërmjet një procesi transparent dhe gjithëpërfshirës”, ka thënë ai.

Zëvendësndihmës-Sekretari Amerikan të Shtetit, Hoyt Brian Yee, përveç me deputetët dhe Thaçin në një drekë pune, ai takime zyrtare pati me kryeparlamentarin Kadri Veseli, zëvendëskryeministrin Branimir Stojanovic dhe udhëheqësin e grupit parlamentar “Srpska Lista” Slavko Simic, ministren për Dialog Edita Tahiri, ministrin e FSK, Haki Demolli dhe Gjeneralin Rrahman Rama./ Periskopi

Kuvendi as këtë javë nuk diskuton për formimin e ushtrisë

Kuvendi i Kosovës as këtë javë nuk do ta ketë në rend dite projektligjin për shndërrimin e FSK-së në Forca të Armatosura të Kosovës.

Periskopi.com Lajme

Këtë javë kryesia e Kuvendit ka paraparë mbajtjen e dy seancave plenare, njëra të enjten e tjetra të premten.

Mos futjen e projektligjit për ushtrinë opozita e quan tërheqje të presidentit nga nisma e tij, edhe pse në fillim thoshte se ushtria do të bëhet medoemos.

Madje, opozita kërkon zgjedhje si zgjidhje e situatës, meqë sipas tyre koalicioni qeverisës nuk po funksionon.

Shefi i grupit parlamentar të Vetëvendosjes, Glauk Konjufca thotë se Kuvendi nuk është duke funksionuar as për se afërmi me parametrat që ka dhe detyrat që ka me Kushtetutë.

Ai tha pas mbledhjes së kryesisë se nuk patën në rend dite ligjin që mundëson transformimin e FSK-së në ushtri.

Derisa ka theksuar se VV-ja do ta përkrah projektligjin e propozuar nga Thaçi, porse në asnjë mënyrë nuk do të përkrahin nëse ai vjen në pako me demarkacionin e Asociacionin.Sipas tij, kjo nuk do të ndodh as javën e ardhshme nga ajo që ai ka mundur të lexojë.

“Deri diku para dhjetë ditës kemi pasur ato deklaratat e presidentit se ligji për ushtrinë do të bëhet medoemos, pra që FSK-ja do të bëhet ushtri. Këtë javë mendoj apo më saktë javën e kaluar e patëm qëndrimin e zbutur të presidentit i cili tha se FSK-ja nuk duhet të bëhet ushtri pa një koordinim me ndërkombëtarët, pra tash ose është në koordinim me ndërkombëtarët ata po thonë se FSK nuk duhet të bëhet ushtri me ligj por me Kushtetutë, ose nëse mendon se duhet të bëhet me çdo kusht, duhet t’i bindësh ndërkombëtaret. Mendoj që presidenti është tërhequr javën e kaluar dhe deklaratat e tij nuk janë se FSK do të bëhet ushtri por janë tash që nuk do të shkojmë në mënyrë të njëanshme”, tha Konjufca.

Shefi i deputetëve të Vetëvendosjes shtoi se deklaratat e bashkësisë ndërkombëtare që të mos bëhet ushtria përmes projektligjit, por ndryshimeve kushtetuese nuk kanë qenë kërcënime, por vetëm sugjerime.

“Ne jemi të bindur se bërja e FSK-së ushtri në çfarëdo mënyre nuk do të qonte bashkësinë ndërkombëtare t’ia kthente shpinën Kosovës…nuk pajtohem që kanë qenë kërcënime, kanë qenë sugjerime që ne duhet t’i marrim me kujdes, mirëpo, duhet të shkojmë drejt FSK-së ushtri, nëse mendoni se duhet të mbetemi peng i Listës Serbe, atëherë, unë nuk mendoj që kjo do të ishte njëfarë programi i mirë për shtetin e Kosovës”, shtoi ai.

Konjufca ka kërkuar shkuarje në zgjedhje meqë thotë se koalicioni qeverisës pavarësisht numrave që ka, nuk po funksionon, derisa, përgjegjësia duhet të kërkohet tek partnerët e koalicionit.

“Atëherë nëse nuk ka funksionim, natyrisht që vendi duhet të shkoj në zgjedhje, sepse nuk ka zgjidhje tjetër, kjo është vetëm zvarritje e proceseve. Derisa nuk e patëm edhe kryetarin në mbledhje të kryesisë, ai me siguri është në fushatë nëpër fshatra të Kosovës duke bërë fushatë zgjedhore. Kryetari i Kuvendit bënë fushatë zgjedhore, sillet si kryeministër. Kohët e fundit nuk po i vije rendi opozitës ta shaj pushtetin sepse po shahen mes veti, prej vrasjeve politike, e deri të prishja e marrëdhënieve me ndërkombëtarët. Jemi me një situatë jo serioze të një Qeverie të papërgjegjshme”, theksoi ai.

Por ndryshe mendon nënkryetari i Kuvendit të Kosovës, Xhavit Haliti, i cili mendon se koalicioni qeverisës po funksionon, porse nëse ka atëherë duhet të flasin krerët e partive, Kadri Veseli e Isa Mustafa.

Derisa thekson se nuk di gjë nëse mund të ketë zgjedhje të parakohshme parlamentare.

“Unë nuk kam dëgjuar që ka probleme mes koalicionit të natyrës së tillë, sidoqoftë është në dorën e atyre që mund t’i thonë, mund të flasin në emër të partive, Mustafa e Veseli, që mund ta hapin problemin për ta shqyrtuar çështjen e koalicionit, nuk jam unë dhe nuk është ai, as kryesia e Kuvendit që do ta shpallë prishjen e koalicionit në kohën kur koalicioni është duke funksionuar, ç’është e vërteta, sepse unë me kolegët që punojë se kam asnjë problem….Nuk e di, nuk kam dëgjuar, ju e dini që zgjedhjet e parakohshme sipas Kushtetutës mbahen atëherë kur nuk ka kuorumin e duhur për votim dhe kur prishet koalicioni, në qoftë se nuk i ka Qeveria 61 vota, ajo normalisht që duhet të bjerë”, tha Haliti.

Mirëpo, mungesën e deputetëve në seanca plenare dhe dështimi i tyre për shkak të kuorumit sipas Halitit, po ndodhë për shkak të papërgjegjësisë së deputetëve, të cilët gjatë seancave plenare dalin kryejnë edhe punë personale.

“Jo, jo çdoherë kur grupet janë të përgjegjshme dhe kur kemi bërë thirrje që vijnë deputetët kemi pasur kuorum. Nuk do të thosha sabotim por do të thosha papërgjegjësi e deputetëve dhe dalin sa është seanca e kryejnë edhe ndonjë punë të vetën dhe mungojnë në votim”, shtoi Haliti.

Derisa për mungesën e Veselit në kryesi, Haliti tha se nuk e dinë ku është, porse Veseli i ka pesë zëvendës dhe mund ta zëvendësojnë në çdo situatë.

Rikthimin e deputetëve të Listës Serbe në Kuvend e ka quajtur lajm të mirë, sepse ata duhet të jenë pjesë e institucioneve të Kosovës për t’i përfaqësuar votuesit e tyre.

Eskalon Shesheli: Amerika po e armatosë Kroacinë, në Maqedoni shpejt luftë civile, shqiptarët…

Lideri i Partisë radikale serbe dhe kandidat për kryetar në zgjedhjet presidenciale të Serbisë Vojislav Sheshel është angazhuar për federatë me Moskën dhe për vendosjen e bazave ushtarake ruse në Serbi.

Periskopi.com Lajme

Ai, një intervistë që e publikon Russia Today, ka vlerësuar se Serbisë i duhen bazat ruse për shkak të kërcënime që e rrethojnë.

Amerikanët, siç ka thënë po e armatosin Kroacinë, shqiptarët po e përgatisin ushtrinë e vet e në Maqedoni sa nuk ka filluar lufta civile.

Sheshel konsideron se Kosova mund të kthehet në Serbi vetëm me ndihmën e Rusisë.

“Mënyrë tjetër nuk ka”, konstaton Sheshel.

“Jam i bindur se Serbia kurrë nuk do të bëhet anëtar i BE-së. Partia jonë do ta kundërshtojë këtë, ne duam të kemi federatë doganore me Rusinë”, ka thënë ai.

Sheshel ka shtuar se dëshiron që Serbia të ketë armatë të përbashkët me Rusinë dhe “uniformën e njëjtë ushtarake”.

SHBA-ja ka dy kërkesa për krijimin e Ushtrisë së Kosovës

Periskopi.com Video

Thaçi nuk jep dorëheqje nëse Qeveria nuk e kalon Ligjin për Ushtrinë

Presidenti Hashim Thaçi kur e ka nisur iniciativën për transformimin e FSK-së ka dhënë edhe një premtim, duke thënë se nëse projektligji shkon në Kuvend dhe nuk kalon, atëherë, ai do të jap dorëheqje.

Periskopi.com Lajme

Ai ka folur sërish për këtë çështje, raporton Periskopi

Thotë se premtimin do e mbanë. Por, ai ka thënë se jep dorëheqje nëse nuk kalon në Kuvend, jo edhe nëse atë nuk e dërgon Qeveria deri atje, raporton Periskopi

“Deklarata ime ka qenë shumë e qartë që nëse projektligji shkon në Kuvend dhe nuk votohet, atëherë jap dorëheqje, kjo qëndron edhe sot, por unë kam besim se deputetët do të jenë në krye të përgjegjësive të tyre dhe e theksoj edhe një herë një konsensus i skenës politike Kosova nuk ka përjetuar kurrë në historinë e vet. Nëse deklaratën e pavarësisë së kanë nënshkruar 109 deputetë, tash minimum 110 deputetë do të jenë për të votuar ushtrinë e Kosovës”, u shpreh Thaçi./ Periskopi