Some of the weapons collected in Wednesday's Los Angeles Gun Buyback event are showcased Thursday, Dec. 27, 2012 during a news conference at the LAPD headquarters in Los Angeles. Mayor Antonio Villaraigosa's office says the weapons collected Wednesday included 901 handguns, 698 rifles, 363 shotguns and 75 assault weapons. The buyback is usually held in May but was moved up in response to the Dec. 14 massacre of students and teachers at Sandy Hook Elementary School in Newtown, Conn. (AP Photo/Damian Dovarganes)

Zhduken armët e ushtrisë së Serbisë

Ministria e mbrojtjes e Serbisë thotë se një duzinë e armatimit, pushkëve atuomatike dhe municionit, po mungojnë në një depo ushtarake në kryeqytetin Beograd.

Periskopi.com Lajme

Në njoftimin e sotëm thuhet se zhdukja e armatimit nga një kazermë në Beograd është vërejtur gjatë një kontrolli të rregullt.

Për këtë rast po zhvillohen hetime, ndërsa zyrtarët nuk kanë thënë se kur është zbuluar kjo mungesë dhe sa gjatë armët mungojnë, raporton agjencia AP.

Policia e Serbisë dje ka raportuar se janë arrestuar 10 persona të dyshuar për trafikim të armatimit dhe për konfiskim të armatimit, përfshirë raketahedhës, mina anti-tanke dhe armatim automatik.

Kontrabandimi i armatimit në Ballkan ka lulëzuar pas luftërave të viteve të 90-ta.

Disa armatime të përdorura në sulmet terroriste në Paris, vitin e kaluar, e kishin origjinën nga Ballkani.

Kepuce nga Solid

Reagon fabrika kosovare: Nuk prodhojnë këpucë për ushtrinë serbe

Kompania Solid me seli në Suharekë, e cila prodhon këpucë dhe produkte të ngjashme ka reaguar pas një raporti të Televizionit Publik, ku thanë se ata prodhojnë këpucë për ushtrinë dhe policinë serbe.

Periskopi.com Lajme

Kjo kompani thotë se në Radio Televizionin e Kosovës është përvjedhur një gabim dhe thonë se nuk prodhojnë këpucë për ata.

“Solid nuk prodhon këpucë për policinë dhe ushtrinë serbe. Duam të sqarojmë se kompania jonë është e shtrirë gjerësisht në tregun e Serbisë dhe ka eksportuar produkte deri në vlerë mbi 300 mijë euro. Këto produkte janë të destinuar si për të gjitha tregjet e Evropës, për konsumator të rregullt, por jo për ndonjë institucion publik në Serbi. Ne kërkojmë nga ju që të mbani informacionet rreth hapjes në tregun serb, mirëpo kërkojmë që të largoni lajmin, përkatësisht titullin që thotë se këpucët e Solid përdoren nga ushtria dhe policia e Serbisë, pasiqë kjo nuk qëndron”, thuhet në një reagim të tyre.

Ata shpjegojnë se me nisjen e implementimit të Marrëveshjes së Stabilizim Asociimit, duke shpresuar në hapje të tregjeve dhe mundësi të barabarta për bizneset vendore si në Ballkan edhe në Evropë, në të ardhmen, siç thonë ata, edhe mund të synojnë tregje edhe më të gjera, mirëpo në rastin konkret, ky informacion i pa vërtetë thonë se nuk u ka bërë nderë.

“Ky informacion i pavërtetë mund të ketë edhe efekt negative për një treg që e kemi krijuar me shumë mund dhe sakrificë për shumë vite. Duam të ri theksojmë se, në asnjë moment, nga asnjë zyrtarë i kompanisë “Solid”, por edhe nga klienti ynë Dragisha Misinoviq, drejtor i kompanisë “Obuca” në Beograd, nuk është thënë që këpucët janë të destinuara për ushtrinë dhe policinë e Serbisë, andaj me mirëkuptim kërkojmë nga ju që ky lëshim të përmirësohet”, thuhet në reagim./ Periskopi