Kërcime të jashtëzakonshme nga ura

Periskopi.com Video
muri ne Mitrovice

BE: Presim që ura e Mitrovicës të hapet në janar

Presidenca sllovake në emër të Këshillit të Ministrave të BE-së, ka ftuar autoritetet kosovare që sa më shpejt të implementojnë marrëveshjen për themelimin e Asociacionit të Komunave me shumicë serbe dhe të bashkëpunojnë me Gjykatën Speciale.

Periskopi.com Lajme

“Kosovës i bëhet thirrje që sa më shpejt dhe me mirëbesim të implementojnë të gjitha marrëveshjet e arritura, veçanërisht marrëveshjen për themelimin e Asociaiconit të komunave me shumicë serbe dhe në mënyrë konstruktive të angazhohet në formulimin dhe implementimin e marrëveshjeve të ardhshme me Serbinë”, thuhet në dokumentin e lëshuar pas takimit të Këshillit të Ministrave të BE-së, transmeton lajmi.net.

Sa i përket dialogut ndërmjet Kosovës dhe Serbisë, i cili zhvillohet me ndërmjetësim të BE-së, presidenca sllovake dhe ministrat evropianë kanë përshëndetur arritjen e pajtimin për implementimin e marrëveshjes për liri të lëvizjes dhe telekomunikacion, duke i vlerësuar ato si hap i rëndësishëm përpara në procesin e gjithëmbarshëm.

Njëkohësisht, ministrat evropianë presin që hapja e urës në Mitrovicë dhe marrëveshja për gjyqësinë të fillojnë të implementohen gjatë janarit të vitit të ardhshëm.

 

Këshilli i Ministrave, thekson se do të përcjellë zhvillimin e Kosovës në frymën e përparimit në normalizimin e marrëdhënieve me Serbinë, në mënyrë që Kosova dhe Serbia të vazhdojnë rrugët e tyre evropiane, pa bllokim të ndërsjellë në këtë rrugë.

Në këtë dokument, po ashtu përshëndetet fakti që Kosova i ka përmbushur obligimet lidhur me themelimin e Gjykatës Speciale dhe u bëhet thirrje autoriteteve që të bashkëpunojnë me këtë Gjykatë.

Kadaj-Bujupi kërkon ndërhyrjen e FIT-it te muri në veri të Mitrovicës

Deputetja e Lëvizjes Vetëvendosje, Donika Kadaj-Bujupi, në RTV Dukagjinit ka komentuar ngritjen e murit në pjesën veriore të Mitrovicës, për të cilin thotë se një shtet normal nuk do ta lejonte një gjë të tillë.

Periskopi.com Lajme

Deputetja thotë se shteti është dashtë të ndërhyjë madje edhe përmes forcës – duke përmendur këtu njësitin special të Policisë së Kosovës, FIT.

“E thash që është përgjegjësi puro e shtetit, sepse ndërhyrja do të duhej të vinte nga shteti, përmes forcave të cilat mungojnë. E kemi FIT-in për shembull dhe, vitin e kaluar, janë treguar mjaft ‘efikas’ kur u futën në Lëvizjen Vetëvendosje. Ndërkaq, sot, kur po bëhet fjalë për Mitrovicën, ata po tërhiqen”, thotë deputetja e VV-së.

Ajo foli edhe për liberalizimin e vizave, duke thënë se edhe po të ishte i zgjidhur problemi i demarkacionit, kosovarët nuk do të kishin liberalizim. Kadaj-Bujupi duke komentuar demarkacionin, akuzoi kryeministrin e vendit, Isa Mustafën, “se po sillet si matrapaz”.

muri ne Mitrovice

Qeveria ndalon punimet në murin te ura e Ibrit (Dokument)

Ministria e Mjedisit dhe Planifikimit Hapësinor, saktësisht inspektorati i kësaj ministrie, ka marrë vendim sot që të ndalohen punimet në murin pranë urës së Ibrit në Mitrovicë.

Periskopi.com Lajme

Në mur sot është vendosur njoftimi që janë ndaluar punimet, transmeton Koha.net. Vendimi shihet se është marrë dje, datë që shkruan në vendim.

Ky mur sipas institucioneve të Kosovës është jashtë marrëveshjes për rivitalizim të urës dhe është i jashtëligjshëm.

Portali Koha.net ka siguruar një fotografi nga afër teksa shiheshin zyrtarët që ngjisnin këtë vendim në mur, kurse “radiokontaktplus” ka publikuar nga afër vendimin.

Isa Mustafa ne veri

Mustafa thotë se deri në veri e përcolli Policia e Kosovës

Kryeministri i Kosovës, Isa Mustafa ka mohuar edhe njëherë se iu është ndërprerë rruga nga serbët për të shkuar në ceremoninë e përurimit të urës që lidhë Zveçanin dhe Leposaviqin. Mustafa në një prononcim për RTK ka thënë se tha se nuk ka pasur asnjë pengesë në rrugë.

Periskopi.com Lajme

“Ne nuk kemi pas asnjë pengesë. Jemi vonuar vetëm 10 minuta në vendin qe jemi nisur. Kemi marr pjesë në inaugurimin e urës dhe s’ka pasur asnjë pengesë. Gjatë gjithë kohës kemi qenë nën përcjelljen e Policisë së Kosovës”, ka thënë Mustafa.

Kryeministri i Kosovës po ashtu ka thënë se raportet reale me serbët nuk janë siç duken. Ai ka thënë se situata e sotme nuk mund të quhet edhe si problem ndëretnik.

“Problemi është se ata ende janë nën ndikim të Serbisë dhe Serbia po i mashtron disa liderë serbë në Kosovë. Diçka tjetër flasin në media e ndryshe sillen zakonisht. Ne kemi komunikim të rregullt me kryetarët serbë të veriu dhe ata vijnë në zyrën time pa problem”, ka thënë Mustafa.

Sipas tij, ka qenë krejtësisht jo e drejt mospjesëmarrja e përfaqësuesve të serbëve të veriut në këtë përurim, pasi që sipas tij, kjo urë prej 400 mijë eurosh është në të mirë të të gjithëve që jetojnë atje.

Mustafa, bashkë me zyrtarë të kabinetit të tij, ka qëndruar të premten në veri të Kosovës për të marrë pjesë në ceremoninë e organizuar nga KFOR-i, për hapjen e urës së re të ndërtuar mbi lumin Bistricë, gjegjësisht në mes të komunës së Zveçanit dhe Leposaviqit.

Qëllimi i kësaj ure, më parë është thënë se është, të mbështesë popullatën vendore dhe të përmirësojë mjedisin e qetë dhe të sigurt dhe lirinë e lëvizjes në këtë pjesë të Kosovë.

15267721_1179461565453412_3129774645713412503_n 15232174_1179461555453413_5523174790480282651_n 15326621_1179461385453430_3286579748957090465_n 15284178_1179461335453435_2886483108715984571_n 15317916_1179461245453444_5773798678479312601_n 15284190_1179461242120111_908453800420361423_n

ura

Shembet një urë në Deçan, si pasojë e reshjeve të shiut (Foto)

Si pasojë e reshjeve të mëdha që ndodhën dje dhe sot, ura që lidh dy fshatrat, Vranoc i Vogël i Komunës së Deҫanit dhe Vranocit të Madh të Komunës së Pejës ka filluar të shembet, transmeton ORAinfo.

Periskopi.com Lajme

Ura në fjalë është mundësia e vetme e banorëve që të kalojnë në pjesën tjetër, nëse nuk merren masa për renovimin e saj, banorët do të ngelin të ngujuar.

Banorët shprehen tejet të shqetësuar për këtë gjendje, madje edhe sot, fëmijët që ishin duke u kthyer nga shkolla, u desh ndihma e të rriturve për të kaluar urën.

Mësuesi i fshatit R.U tha se në këtë mënyrë po rrezikohet jeta e banorëve, e shqetësim tjetër është se as ai vet dhe as nxënësit nuk mund të kalojnë rrugën për të shkuar në shkollë.

Kjo urë është ndërtuar në vitin 2002 nga firma CDF.

14962944_873759966093119_1184064807_n 14962429_873759392759843_1959084659_n

Ura mbi lumin Iber

Bahtiri thotë se ura mbi lumin Ibër hapet në vitin e ardhshëm

Kryetari i Mitrovicës, Agim Bahtiri ka thënë se punimet për rivitalizimin e urës mbi lumin Ibër janë duke ecur mirë dhe se pret që në fund të janarit ajo të hapet.

Periskopi.com Lajme

Përmes një postimi në llogarinë e tij në Facebook, ai ka deklaruar se faza e betonimit ka përfunduar, ndërsa pritet që të bëhet asfaltimi dhe rregullimi i trotuarave, njofton Klan Kosova.

“Rivitalizimi i Urës mbi lumin Ibër i filluar në gusht po ecën sipas dinamikës së paraparë, ku po punohet pa ndërprerë që punët të kryhen me kohë.

Gatë vizitës që i bëra sot Urës së Ibrit, pashë që ajo ishte betonuar dhe ta vjen faza e asfaltimit dhe rregullimit të trotuareve.

Paralelisht po punohet edhe në hapësirat përreth urës dhe kjo tregon se deri në fund të janarit Ura do të hapet, ashtu siç është edhe afati për kryerjen e punimeve nga kompania e kontraktuar”