Ish-ushtari i UÇK-së ka një porosi për ata që po quhen ‘krahu i luftës’

Periskopi.com Lajme

Ish-ushtari dhe veterani i UÇK-së, si dhe kandidat për deputet, Xhevdet Qeriqi, ka akuzuar ata që flasin për vlerat e luftës si shkelësit më të mëdha të tyre.

“U deshën 15 vite që të protestojmë dhe të organizojmë protesta që të kalonte një ligj. Këta nuk janë krahu i luftës, se përndryshe do të kishin bërë më shumë për ata që dhanë gjithçka që Kosova të ishte një vend i lirë”, tha tutje Qeriqi.

Në tubimin elektoral të Fushë Kosovës, Qeriqi tregoi edhe pse u bashkua me Vetëvendosje-n. / Periskopi

Molliqaj rrëfen nga Deçani, tregon kush dhe pse nuk e ka futur UÇK’në në Kushtetutë

Periskopi.com Lajme

Lëvizja Vetëvendosje ka mbajtur tubim në Deçan ku kryetari i saj, Visar Ymeri ka thënë se pas një jave do të jetë dita e Vetëvendosjes.

Teksa ka qenë mjaft i ashpër në kritikat për ata që po premtojnë “Fillimin e Ri”, me ç’rast tha se pikërisht këta njerëz janë përgjegjësit për gjendjen e rëndë në vend tash e 18 vite.

“Nuk ka kurrfarë fillimi të ri, mbase janë disa emra të ri që do të vazhdojnë avazin e vjetër. Një Kosovë e re do të jetë një Kosovë e cila e zhvillon ekonominë e vet, një Kosovë që përfundimisht ia mbyll derën Serbisë, dhe jo një Kosovë që deporton aktivistë nga Shqipëria”, tha Visar Ymeri në tubimin zgjedhor në Deçan.

Ai u zotua se Republika e Kosovës do ta ketë ushtrinë e vet, dhe shtoi se themelimi i ushtrisë do të thotë t’i vendosim ndjenjat tona historike në shërbim të paqes në botë.

Ai tha po ashtu se qeverisja e Vetëvendosje-s do të angazhohet që të marrim më shumë aty ku tashmë ka shumë dhe të japim më shumë aty ku ka nevojë më shumë.

Kurse Sekretari Organizativ dhe kandidati për deputet, Dardan Molliqaj, tha se në këto zgjedhje janë dy koncepte, janë dy grupacione.

Ai tha se nga njëra anë janë partitë e pazareve e nga ana tjetër është Lëvizja Vetëvendosje me programin e saj.

Sipas tij, janë ata që nuk e futën UÇK-në në Kushtetutë e nuk i futën veteranët në Kushtetutë, por që i futën nëpër lista për t’u marrë votën në zgjedhje.

“Fitorja e Vetëvendosje-s e shpëton Kosovën. Por kësaj fitoreje nuk i shpëtojnë të korruptuarit, nuk i shpëtojnë kriminelët, nuk i shpëton ShIK-u. Vota për Vetëvendosje-n dhe Albin Kurtin kryeministër është votë për barazi, është votë për zhvillim”, tha kandidati për deputet Dardan Molliqaj në tubimin elektoral në vendlindjen e tij.

Ndërkaq Nënkryetarja Fatmire Mulhaxha-Kollçaku, po ashtu kandidate për deputete, tha se jemi shumë afër ndryshimit.

“Besoj se Lëvizja ka dhënë mjaftueshëm prova se ka ardhur koha e Lëvizjes Vetëvendosje”, tha Fatmire Mulhaxha-Kollçaku.

Kurse, kadidati për deputet, Driton Çaushi, tha se qytetarët e Deçanit dhe gjithë Kosovës e kanë ndarë mendjen për ndryshim. Ai tha se qytetarët e Deçanit e kanë këtë zgjedhje më të qartë se kushdo tjetër, dhe kjo për shumë arsye. Ai shtoi se deçanasit e njohin konsistencën e Vetëvendosje-n në qëndrimet e saj”.

“Nuk guxojmë të ndalemi për shkak se këto mundësi nuk na jepen shumë shpesh. Vetëvendosje si asnjëherë më parë pas datës 11 qershor do të bëjë një ndryshim rrënjësor në mënyrën se si trajtohet shteti dhe drejtësia”, ishte porosia e Driton Çaushit në Deçan.

Kjo është ushtarja e UÇK-së, kandidate për deputete nga radhët e Vetëvendosjes (Foto)

Periskopi.com Lajme

Gjatë Luftës kreu një varg detyrash, si udhëheqëse e Njësitit të Vajzave në Likovc, Zona Operative e Drenicës; pastaj në Zonën Operative të Dukagjinit përgatiti një njësit tjetër të vajzave, ndërsa më vonë kreu detyrën e oficerit për informim, kjo është Jeta Veliu (Hyrie Veliu me nofkën e luftës Jeta).

Tani ajo është kandidate për deputete për deputete të Kuvendit të Kosovës, nga radhët e Vetëvendosjes.

Periskopi ka gjetur fotografi të saj sa ishte ushtare. Ajo në listën e VV-së mbanë numrin 87.

Është e martuar dhe ka një vajzë.

Mbaroi studimet në degën e Gjuhës dhe Letërsisë Shqipe në Universitetin e Prishtinës.

Hyria qysh herët mori pjesë nëpër demostrata kundër pushtuesit, ndërsa si studente u angazhua drejtpërdrejt në Lëvizjen studentore të kohës, te Klubi Kulturor i Studentëve dhe Unioni i Pavarur, duke u bërë pjesë e organizimeve dhe veprimeve konkrete, përfshirë protestat studentore të 1 Tetorit 1997.

Ajo u bë pjesë e Ilegales në Lëvizjen Popullore të Kosovës, kontaktet e së cilës e vunë në lidhje me UÇK, pjesë e së cilës u bë më 1997. Në kohën e lëvizjeve të mëdha ishte jo veç veprimtare ilegale, po edhe shkruante për gazetën studentore Bota e Re, si dhe organin e LPK Zëri i Kosovës. / Periskopi

 

 

 

 

Kjo është ushtarja e UÇK-së, kandidate e për deputete nga radhët e Vetëvendosjes

Periskopi.com Video

The Economist: Triumfi eventual i komandantëve të PDK’s dhe AAK’s mund të jetë jetëshkurtër

Periskopi.com Lajme

Revista prestigjioze britanike The Economist ka bërë një analizë interesante rreth krizës politike në Kosovë, Shqipëri dhe Maqedoni.

“Për muaj, Kosova, Maqedonia dhe Shqipëria kanë qenë të përfshirë në kriza të llojeve të ndryshme. Por, gjatë ditëve të fundit, peizazhet politike në secilin prej këtyre vendeve janë zhvendosur papritmas, dhe për të mirë.” shkruan Economist.

Në artikull një pjesë i kushtohet krizës politike në Kosovë, që solli edhe zgjedhjet e parakohshme, që do të mbahen më 11 Qershor.

“Kriza në Kosovë ishte më e mprehta. Më 10 maj qeveria e vendit ra kur Partia Demokratike e Kosovës, (dikur e drejtuar nga presidenti aktual Hashim Thaçi), e Kadri Veselit, u tërhoq nga koalicioni qeverisës. PDK dëshironte të mbante zgjedhje para se mbështetja popullore në rënie për këtë parti të thellohej më tej. Shkaku i kolapsit politikë ishte dështimi i parlamentit për të ratifikuar një marrëveshje kufitare me Malin e Zi.”.

Por, interesante është se edhe në analizën e The Economist shprehet habia me koalicionin e PDK’s AAK’s dhe NISMA’s, që drejtohen nga politikanë të dalë nga lufta.

“Politikanë kosovarë, të cilët normalisht e përbuzin njëri-tjetrin, kanë arritur një marrëveshje për të marrë pjesë së bashku në zgjedhje më 11 qershor. Më 16 maj, krejt papritur PDK njoftoi se po formonte një koalicion parazgjedhorë me dy krerë të tjerë të rëndësishëm politikë, Fatmir Limaj dhe Ramush Haradinaj.”, thuhet nw shkrimin e The Economist.

“Ish kryekomandantët e UÇK-së njihen të urrejnë njëri-tjetrin. Por së bashku, ata kanë një shans të mirë për të fituar zgjedhjet e ardhshme. Por, triumfi i tyre do të jetë jetëshkurtër: një gjykatë e re e ngritur në Hagë për të gjykuar krimet e luftës dhe krimin e organizuar në Kosovë pritet të lëshojë aktakuza gjatë këtij viti, dhe raporti që çoi në themelimin e këtij Tribunali përmend të gjithë katër udhëheqësit, si tw dyshuar potencial (Thaçi, Veseli, Haradinaj dhe Limaj, v.j).”, vazhdon artikulli i The Economist.

Në linkun e më poshtëm mund të lexoni artikullin në origjinal:  KËTU

 

http://www.economist.com/news/europe/21722356-compromises-strike-all-once-kosovo-macedonia-and-albania-chaotic-western-balkans-take

 

 

20 vjet nga rënia Luan Haradinaj

Periskopi.com Lajme

Ai kishte rënë në njërën prej betejave të para të UÇK-së kundër forcave pushtuese serbe, më 6 maj të vitit 1997, në kufirin shqiptaro- shqiptar.

Beteja disa orësh me forcat serbe, derisa po e udhëhiqte një ekspeditë të Ushtrisë Çlirimtare të Kosovës në rrugën për të hyrë në Kosovë, i mori jetën njërit nga djemtë e familjes Haradinaj.

Në këtë ditë, Luan Haradinaj, bashkë me të vëllain Ramushin dhe grupin e përbërë nga Fehmi e Xhevë Lladrovci, Selim Krasniqi e Ramiz Lladrovci, Abedin Rexha e Ilaz Kodra, Rafet Rama e Gani Rama, Emrush Xhemajli dhe Ali Ahmeti, u nisën për në Kosovë.

Kishin arritur sipër fshatit Larë, fshat ky që ndodhej afër Kushninit të Hasit, në vendin e quajtur “Qafa e Mullarit”, kur grupi bien në një pritë që kishte zënë ushtria jugosllave, në kufirin 179 shqiptaro-shqiptar.  Në këtë pritë vritet Luan Haradinaj, plagoset Rafet Rama, e po ashtu edhe Ramush Haradinaj dhe Fehmi Lladrovci.

Trupi i Luan Haradinajt pushoi në Vlanë deri në çlirimin e Kosovës. Pas çlirimit trupi i tij u rivarros në varrezat e dëshmorëve të kombit në vendlindje, në Gllogjan të Rekës, ku prehet i qetë, së bashku me 20 dëshmorët e vendlindjes.

Luan Haradinaj lindi më 17 nëntor 1973 në fshatin Gllogjan të Rekës përkatësisht të Deçanit. Shkollën fillore e kreu në fshatin Irzniq, ndërsa shkollën e mesme përkatësisht gjimnazin “Vëllezërit Frashëri” në Deçan.

Pas kryerjes së shkollës së mesme Luan Haradinaj regjistrohet në Fakultetin e Edukatës Fizike në Tiranë, të cilin nuk arriti ta kryej duke iu bashkuar kështu luftës për çlirimin e Kosovës.

OVL e UÇK-së reagon ndaj shfaqjes “Bordel Ballkan”

Periskopi.com Lajme

Organizata e Veteranëve të Luftës së UÇK-së ka reaguar ndaj shfaqjes së premierës “Bordel Ballkan” në Teatrin Kombëtar të Kosovës.

Sipas veteranëve të UÇK-së, drama ka të meta të mëdha në përmbajtje të saj, si përpjekje për të paraqitur se në Ballkan, në të gjitha ish-republikat dhe krahinat autonome të ish- Jugosllavisë kanë ndodhur dukuri të njëjta, për të thënë se të gjithë kanë bërë krime dhe të gjithë ishin viktima, e ka futur skenaristin dhe regjisorin në një mision të pamundur dhe kontradiktor e të pasaktë me atë qe ka ndodhur gjatë dhe pas luftërave në Ballkan, përkatësisht në ish-Jugosllavi, në këtë ish burg të popujve.

Reagimi i plotë i OVL të UÇK-së:

ESTETIZIM I AKUZAVE TË SHPIFURA

Me datën 28 prill 2017 në Teatrin Kombëtar të Kosovës u dha premiera e dramës “Bordel Ballkan” me skenar të shkruar në vitin 2015 nga Jeton Neziraj dhe regjinë e Andreas Urban, shtetas i Serbisë. Sikurse patën të drejtë skenaristi dhe regjisori i kësaj drame të shprehen lirshëm, e ndiejmë të nevojshme të shprehemi lidhur me dramën.

Skenaristi Jeton Neziraj ka marrë një tragjedi antike, “Orestian” e Eskilit dhe është munduar ta lidhë në mënyrë associative me ngjarjet që kanë ndodhur në Ballkan në vitet e luftës dhe të pasluftës në Kosovë e Ballkan.

Drama ka të meta të mëdha në përmbajtje të saj. Përpjekja për të paraqitur se në Ballkan, në të gjitha ish-republikat dhe krahinat autonome të ish- Jugosllavisë kanë ndodhur dukuri të njëjta, për të thënë se të gjithë kanë bërë krime dhe të gjithë ishin viktima, e ka futur skenaristin dhe regjisorin në një mision të pamundur dhe kontradiktor e të pasaktë me atë qe ka ndodhur gjatë dhe pas luftërave në Ballkan, përkatësisht në ish-Jugosllavi, në këtë ish burg të popujve.

Ne dramën “Bordel Ballkan” jo çdo republikë dhe krahinë kishte shkuar te pushtojë Trojën, ose te mbajë zonën nen pushtim, sikurse kishte ndodhur në kohën antike, kur Agamemnoni, komandanti i ushtrisë akeje, shkoi, e pushtoi Trojën duke vrarë të madh e të vogël dhe u kthye në Mikenë. Shkoi duke vënë në themel tragjedi në vendin e vet dhe u kthye i percjellë gjithashtu nga tragjedi të njëpasnjëshme, që përshkruhen në dramat antike dhe në dramën Orestia te Eskilit. Askush nga shqiptarët nuk ka qenë në rol të tillë.

Në Beograd, kishte komandantë Agamemnonë, që shkretëruan vende tjera. Kjo ide do t’i përgjigjej dramës sikur t’i referohej Serbisë, e cila bëri krime dhe shkretoi Trojën tonë dhe Trojat e republikave të tjera, ndërsa komandantët e tyre u kthyen si kriminelë në Beograd. Të bëhet përpjekje që në Kosovë të thuhet “mirë se vjen komandant”, kur gjithë komandantët e UÇK-së ishin këtu, në Kosovë, kjo nuk lidhet. Dhe për më tepër nuk shkon, sepse nuk kishin shkretuar, por kishin mbrojtur Trojën e tyre. Madje shumë nga ta ranë në pragjet e shtëpive të tyre.

Andaj ideja e dramës është konfuze, e padrejtë në shtjellim dhe tendencioze. Është dramë thellësisht e politizuar. Mbron politikat e padrejta ndaj Kosovës te shumë qarqe të caktuara në Evropë, që herë e njohin e herë s’e njohin Republikën e Kosovës. Mbi të gjitha kjo dramë propagandon direkt akuzat e Serbisë për Ushtrinë Çlirimtare të Kosovës, se gjoja komandantët e tyre kanë vrarë fëmijë, kanë dhunuar e kanë vra gra e burra, siç flasin personazhet në dramë. Si pasojë një rrëfim i ndërtuar në të pavërteta. Ne dramë paraqitet se si në “Fushën e Mëllenjave” u bënë krime nga komandantët gjatë luftës. Kil boxi (frigrifer i vogël mobil) për bartjen e organeve njerëzore të nxjerra nga komandantët ishte prezent në shfaqje dhe me fjalë tekstualisht përmendeshin “veshkët “ (akuza monstruoze të pavërtetuara të Serbisë). Serbisë do t’i kishte shumë hije po ta financonte këtë dramë.

Paslufta në Kosovë nuk ka qenë nën diktaturën e ushtarakëve të Kosovës, të komandantëve të Kosovës, por në pushtetin civil ndërkombëtar e vendor. Rastet, apo edhe dukuritë negative të shpërdorimit të luftës çlirimtare për qëllime të ulëta, nuk mund të luftohen me akuza joselective e të pavërtetuara, sidomos duke i futur në një thes të gjitha luftërat dhe luftëtarët e Ballkanit. Gjithë shoqëria duhet të jetë kundër personave, kushdoqofshin ata, ushtarakë apo çfardo profesioni, që konstatohet se i kanë hipur në qafë këtij populli të vuajtur. Ne, këto raste, duhet t’i luftojmë në mënyrën se si shfaqen në kushtet e Kosovës dhe jo në mënyrë të përgjithësuar dhe pa asnjë kuptim. Ne sot vendin e kemi të sulmuar pa të drejtë nga Serbia për kohen e luftës. Shoqërinë duhet ta ndërtojmë vetë dhe jo të mbështetur në akuzat dhe në dëshirat e kundërshtarit.

Çdokush ka të drejtë të bëjë, art, me shpenzimet e veta. Por kur është në pyetje buxheti i shtetit më mirë do të ishte të përdoret për afirmimin e vlerave universale që dalin nga lufta çlirimtare e popullit tonë e përgatitur dhe bërë me sakrifica njërzore. Sot është trend që të fitohen fonde dhe konkurse për vepra artistike, ngjashëm sikurse tenderët e kurdisur qeveritar, si kjo dramë që mori nga buxheti i shtetit dhjetra mijë euro për të thënë disa akuza të Beogradit dhe miqve të saj kudër luftës çlirimtare në Kosovë.

Të rikujtojmë se Skenari i dramës “Bordel Ballkan” është shkruar para dy vjetësh, kur ishte debati më i madh për dhe kundër Gjykatës Speciale dhe votimi i saj ne Kuvend. Qeveria, Ministria e Kulturës, Teatri, Drejtori Artistik, si duket e panë shumë me vend që t’i përjetësojnë në art akuzat e Serbisë për luftën çlirimtare të popullit tonë.

Vjen paralajmërimi i veteranëve të UÇK-së, nëse Haradinaj ekstradohet në Serbi

Periskopi.com Lajme

Kanë kaluar pothuajse katër muaj prej kur lideri i Aleancës për Ardhmërinë e Kosovës, Ramush Haradinaj është duke qëndruar në Francë, pasi kjo e fundit e ndaloi me urdhër-arrest të Serbisë.

Vendimi përfundimtar për lirimin ose ekstradimin e Haradinajt, pritet të merret ditën e nesërme më 27 prill nga Gjykata e Apelit në Colmar të Francës, shkruan lajmi.net.

Serbët të cilët po e akuzojnë Haradinajn për krime të kryera gjatë luftës së viteve 1998-1999, po presin ekstradimin e tij në Serbi.

Mirëpo nëse merret një vendim i tillë atëherë në Kosovë pritet të destabilizohet situata.

Ashtu siç paralajmëroi ditë më parë vëllai i liderit të AAK-së, Daut Haradinaj  u shpreh njëjtë edhe kryetari i OVL të UÇK-së, Hysni Gucati.

Edhe pse shpreson në lirimin e Haradinajt, Gucati ka thënë për lajmi.net se nëse ndodhë e kundërta atëherë situata do të eskalojë në gjithë Ballkanin.

“Nuk mendoj se do të ekstradohet gjenerali për në Serbi, ne nesër presim vendim pozitiv ai e ka dëshmuar në Tribunalin e Hagës pafajësinë e tij. Këto janë akuza të fabrikuara prej Serbisë dhe prej paramilitarëve serb. Unë shpresoj dhe besoj se shumë shpejt ai do të kthehet. Lutem të mos ndodh e kundërta sepse situata jam i bindur që do të eskalojë. Kjo do të jetë destabilizim jo vetëm i Kosovës por i tërë Ballkanit, në Preshevë, Maqedoni  etj., situata mund të eskalojë”, ka thënë ai.

Sipas tij, gjithë ky proces ndaj Haradinajt ka qenë i padrejtë. Gucati shpreson që Haradinaj të kthehet tek familja dhe shokët e tij, duke potencuar se nuk dëshiron të ndodhë më e keqja.

Prokuroria e Shtetit tregon deri në cilën fazë kanë shkuar hetimet për veteranët e UÇK-së!

Periskopi.com Lajme

Lista me mbi 46 mijë qytetarë të Kosovës të cilët gëzuan statusin e veteranit të Ushtrisë Çlirimtare të Kosovës vazhdon të jetë objekt i hetimit nga ana e Prokurorisë së Shtetit edhe pas 5 muajve, nga kur patën nisur ato.

Lajmin e ka konfirmuar për “Gazeta Blic” Liridona Kozmaqi, zyrtare për informim e Prokurorisë së Shtetit.

Sipas saj, edhe në këtë kohë, prokurorët janë duke bërë grumbullimin e informatave në lidhje me keqpërdorimin eventual të listave të veteranëve të UÇK-së.

“Tani prokuroritë janë duke marrë veprimet e nevojshme në bazë të kompetencave që kanë dhe më pas varësisht nga grumbullimi i informatave do të përcaktohet nëse ka fakte për ndjekje penale ndaj personave përgjegjës dhe rrjedhimisht edhe për ngritje të aktakuzës”, tha ajo.

E pyetur se a kanë identifikuar parregullsi në këto lista deri në këtë fazë të hetimeve, Kozmaqi mohoi të jap detaje me arsyetimin se hetimet po vazhdojnë edhe më tutje.

“Tani në këtë fazë ku hetimet janë duke vazhduar në prokuroritë kompetente nuk mund të bëhen publike informata tjera”, ka thënë ajo.

Dyshimet për fryrje të listave me veteranë të UÇK-së nga përfaqësues të organizatave të dala nga lufta, kanë qenë pikënisje e hetimeve nga ana e prokurorisë.

Numri i madh i veteranëve ka rrezikuar edhe buxhetin e Kosovës, madje në vitin e kaluar kjo kategori për disa muaj rresht ka marrur pensionin e saj më vonesë./GazetaBlic.com/

 

Ish-ushtari i UÇK-së: Po të mos ishte familja ime nuk do të vizitoja Kosovën

Gjatë një interviste të dhënë për portalin Infokusi.com, Kryetari i Këshillit për Mbrojtjen e të drejtave të Veteranëve të UÇK-së Xhevdet Qeriqi, ka rrëfyer se si një bashkëluftëtar i tij, i cili gjatë vitit 2015-të kishte lëshuar vendin për një jetë më të mirë në perëndim, ashtu si mijëra qytetarë atëbotë, kishte shfaqur zhgënjimin e tij të thellë karshi vendit për të cilin luftoi.

Periskopi.com Lajme

Qeriqi ka thënë se është e rëndë kur një luftëtar i orëve të para që u përball me agresorin serb deri në çlirim të vendit të deklarohet se nuk do të donte kurrë që ta vizitonte Kosovën dhe as të dëgjonte për të, si pasojë e jetës së rëndë sociale për të, ashtu si dhe për shumë ish bashkë luftëtarë të tij nga radhët e Ushtrisë Çlirimtare të Kosovës, shkruan Infokusi.

“Unë kam pasur një bisedë me një ish luftëtarë të UÇK-së, i cili ka qenë i uniformuar që nga ditët e para dhe gjatë bisedës kur e kam pyetur se kur do ta vizitojë Kosovën, më ka thënë se nuk do ta vizitojë Kosovën asnjëherë, por për hir të familjes ndoshta nuk kam qare pa ardh për ta vizituar, përndryshe as nuk do ta vizitoja, e as nuk do të doja të dëgjoja më për Kosovën”, ka thënë Qeriqi në një intervistë të dhënë për portalin infokusi e të cilën do ta transmetojmë të plotë sonte në orën 19:00.

Qeriqi gjatë kësaj interviste ka rrëfyer edhe për numrin e ish ushtarëve të vetëvrarë, problemet e ish ushtarëve rreth pajisjes me dokumentacionin përkatës për të përfituar pension e veteranit të UÇK-së, listat e fryra të veteranëve, veprimet e ndërmarra nga ta si këshill që të vënë para drejtësisë të gjithë ata që frynë listat, pa përgjegjësinë e qeverisë dhe komisionit rreth formimit të komisionit për verifikimin dhe përcaktimin e shkallës së invaliditetit të invalidëve të luftës çlirimtare si dhe veprimet e tyre si këshill në të ardhmen, në mbrojtjen dhe avancimin e të drejtave të veteranëve të UÇK-së.

Ish-ushtari i UÇK-së u jep ultimatum serbëve, paralajmëron sulme brenda Serbisë

Dardan Islami, ish-ushtari ka një ultimatum për serbët.

Periskopi.com Lajme

Përveç kësaj ai i paralajmëron se do t’i sulmojnë deri në Beograd.

Kërkon pajtim, raporton periskopi

“Nese serbet nuk e zgjasin doren e pajtimit ne afat 2 mujore, kesaj radhe nuk do ti kursejme as brenda territorit te tyre me sulme makabre, ku cdo sulm do te kete emrin e koduar te ndonje masakre te bere nga qetniket me 1999! Do t’ju qime motren, again!”, thotë Islami./ Periskopi

Kërcënimet e Ivanov – 80 ushtarë të UÇK-AKSH shfaqen në Tetovë

Pas deklaratës së presidentit maqedonas Ivanov se ushtria maqedonase do të ishte gati për t'ju përgjigjur çdo lloj kërcënimi, 80 ushtarë të UCCK-së dhe AKSH-së janë shfaqur në Tetovë.

Periskopi.com Lajme

Ata shpallen prezencën e tyre nëpërmjet komunikatës së mëposhtme.

Komunikatë

I bëjmë thirje “presidentit” Ivanov dhe ushtrisë së tij se ne jemi më të gatshëm sesa ata dhe shumë shpejt do të përballemi me ta. Ne jemi një grup prej 80 ushtarësh dhe jemi të pozicionuar në Sharr dhe shumë shpejt do ti çlirojm trojet e etnikisht të pastra shqiptare dhe do ta shpallim Republikën e ILIRIDËS.

Komandant NACISTI

UÇK AKSH TETOVË

10.03.2017

Kjo komunikat në redaksi ka arritur nëpërmjet faqes zyrtare të Televizionit Koha në facebook.

 

Të enjten Akademi Përkujtimore nga OVL e UÇK-së në Fushë Kosovë

Organizata e Veteranëve të Ushtrisë Çlirimtare të Kosovës dega në Fushë Kosovë, nën patronatin e Kryetarit të Komunës së Fushë Kosovës, organizon Akademi Përkujtimore.

Periskopi.com Lajme

Ajo mbahet nesër, e enjte, më 09.03.2017 në Fushë Kosovë.

Agjenda:

15:00, homazhe tek varri i Komandant Dini në Grabovc i poshtëm,

17:00, Akademi Përkujtimore në Fushë Kosovë, salla e Infrakos Sh. A (Stacioni hekurudhor në Fushë Kosovë,

Me këtë rast të përvjetorit jubilar do të jepet:

Dekoratë nga Presidenti i Republikës së Kosovës (Urdhri Luftëtar i Lirisë “Adem Jashari”)

Titulli, Nderi i Qytetit nga Komuna e Fushë Kosovës./ Periskopi

6 emra që kurrë nuk do të kishit besuar se janë në listat e veteranëve të UÇK-së

Periskopi.com Video

Lajm i mirë për “Grupin e Kumanovës”: Avokati i De Niros do të mbrojë Valdet Zekajn

Avokat i aktorit të famshëm amerikan Robert De Niro, do të mbrojë ish-pjesëtarin e UÇK-së të arrestuar më 2015 në Kumanovë, Valdet Zekajn nga Peja.

Periskopi.com Lajme

Se avokat i angazhuar në këtë rast do të jetë Tom Harvey, këtë lajm e konfirmon për Telegrafin, vëllai i Valdetit, Ardet Zekaj.

Sipas tij, kjo u bë pas angazhimit të mikut familjar, Elvir Muriqi.

“Falënderoj lobin shqiptar për kontributin e dhënë”, thotë ai.

Harvey është avokat i shumë personaliteteve publike në SHBA. Ndërkaq, emërimi i i tij do të jetë mbështetje e madhe për pafajësinë e Zekajt e njëherësh edhe të tjerëve nga ajo që njihet si “Grupi i Kumanovës”. /Telegrafi

Al Jazeera: UÇK-ja ka bërë krime mbi romët

Një ndër mediat më të mëdha në botë Al Jazeera, ka shkruar për komunitetin rom në Kosovë dhe për “padrejtësitë që u janë bërë atyre”, të paktën nga lufta e fundit e tutje.

Periskopi.com Lajme

“Vite pas luftërave në Jugosllave, romët ende presin drejtësinë për familjet e të zhdukurve dhe të humburve nga ‘hakmarrja’ e të tjerëve”, shkruan Al Jazeera, njofton Klan Kosova.

Në shkrim është edhe intervista e një pjesëtari të këtij komuniteti, i cili tregon se si para 17 vjetëve ishte rrembyer në Prishtinë vëllai i tij dhe kushëriri.

Ky shkrim i Al Jazeeras për vrasjen dhe zhdukjen e romëve pas luftës në Kosovë hedh faj mbi “pjesëtarë të Ushtrisë Çlirimtare të Kosovës”.

“Përkundër prezencës së NATO-s në Kosovë, anëtarë të UÇK-së dhe grupeve të tjera kryen një seri sulmesh hakmarrjeje në komunitetin e romëve, të cilët dyshoheshin se i kishin mbajtur anën Serbisë”.

Në vitin 2001, shkruan Al Jazeera, Human Rights Watch raportonte se rreth 1000 serbë dhe romë janë të zhdukur që nga fundi i konfliktit në Kosovë.

“Dëshmitarët implikojnë UÇK-në në sulmet hakmarrëse. Një raport përfshinë edhe një incident ku trupat gjermane të NATO-s kishin zbuluar se 25 anëtarë të UÇK-së kishin rrahur dhe burgosur 15 romë të moshuar”.

Shkrimi i gazetarit Morgan Meaker flet po ashtu edhe për tribunalin special që po përgatitet për të hetuar krimet e mundshme nga shqiptarët në luftën e fundit në Kosovë dhe po ashtu shkruan se qeveria është e mbushur me ish-komandantë ndaj kjo gjykatë Speciale kundërshtohet shumë nga banorët e Kosovës.

 

http://www.aljazeera.com/indepth/features/2017/01/roma-kosovo-justice-170112134149767.html

 

 

 

Ish-ushtari i UÇK-së sfidon të ftohtit (Video)

Bora e temperaturat e ulëta nuk janë aspak problem për Gani Kadriajn, ish-ushtar i UÇK-së.

Periskopi.com Lajme

43 vjeçari nga Lipjani, që nga koha e luftës e praktikon çdo dimër larjen në lumin e Topillës në komunën e Shtimes, njofton Klan Kosova.

Dokumentet e CIA: Kur Millosheviqi mendonte se e shkatërroi UÇK-në, por ishte gabim

Kishte qenë 29 shtatori i vitit 1998 dhe lufta në Kosovë kishte krisur gati në të gjithë Kosovën. Nëpër Kosovë ishin kishte ardhur edhe agjentët e shërbimit të inteligjencës amerikane që raportonin në selinë qendrore në Pentagon.

Periskopi.com Lajme

Në mesin e 13 milionë dokumenteve të publikuara së fundmi nga CIA, ka edhe shumë dokumente që lidhen me Kosovën dhe shqiptarët qysh prej viteve ’40 e deri në vitet ’90.

Në një të tillë, agjentja e CIA, Willson, emri i së cilës nuk bëhet publik në dokumentet e publikuara, bëhet një vlerësim për pikat më të forta dhe më të dobëta të ushtrisë serbe dhe UÇK-së.

“Disa furnizime me armë janë duke ardhur, por ata kanë pak armatim. Për të mbajtur UÇK-në në arrati, serbët duhet që patjetër të vazhdojnë me pushtimin e tyre. Për të shkatërruar UÇK-në serbët duhet të arrijnë në male, për të cilën ata kanë mungesa të fuqisë punëtore të trajnuar”, thuhet në raportin e klasifikuar të CIA.

Sfida e UÇK-së sipas këtij raporti atë kohë ishte përmirësimi i artilerisë ushtarake, riorganizimi, forcimi i strukturave të komandës dhe armatimi më modern.

“Në këtë pikë, Millosheviqi mendon së do të shkatërrojë UÇK-në, por ai është gabim. Struktura komanduese e UÇK-së është e pa preku. Është në pritje të largimit të ushtrisë serbe. Aksionet ndëshkuese kanë elektrizuar popullatën shqiptare.  Përgjatë verës ushtarët janë zhdukur, janë rreth 5 deri në 8 mijë ushtarë të UCK-së në male”, shkruhet në raportin e CIA.

Në këtë raport, potencohet edhe një fakt tjetër interesant për luftën. Agjentja e CIA raporton sesi ushtria serbe është duke menduar se po fiton në terren por ushtarët e UÇK-së janë zhvendosur nëpër male.

“Forcat serbe për momentin janë duke operuar në veri të maleve te Qyqavicës dhe në Mitrovicë, ka trupa të reja në rajonin  e Ferizajit, ku pritet një aksion së shpejti. Gjithashtu është raportuar edhe për aktivitete në ditët e kaluara në Suharekë”, thuhet në raportin e klasifikuar deri vonë si “Top sekret” nga CIA.

Willson shkruante se atë kohë “morali i UÇK-së, mbetej i fortë”, por duhej ndihmë nga jashtë. Kjo ndihmë erdhi në vitin 1999 kur NATO filloi bombardimet në Serbi dhe Kosovë./Insajderi.com

Veteranët e UÇK-së deklarohen të gatshëm për të luftuar sërish me Serbinë

Kryetari i Organizatës së Veteranëve të Luftës së Ushtrisë Çlirimtare të Kosovës, Hysni Gucati, ka thënë se veteranët e UÇK-së i kanë pritur me shqetësim provokimet e fundit të Serbisë ndaj Kosovës.

Periskopi.com Lajme

Ai ka thënë se Kosova tanimë i ka institucionet e veta, Presidencën, Kuvendin, Qeverinë, Policinë dhe FSK-në, për t’u mbrojtur si shtet kundër çfarëdo reagimi të Serbisë.

Por, sipas tij, nëse është e nevojshme, veteranët e luftës së UÇK-së janë të gatshëm t’i përgjigjen shtetit të tyre për çfarëdo ndihme.

Gucati në një intervistë për Epokën e Re ka folur edhe për protestën e thirrur nga OVLUÇK në mbështetje të Ramush Haradinajt, e cila do të mbahet këtë të shtunë në Prishtinë.

Ai ka thënë se në këtë protestë do të paraqesin disa kërkesa për Francën dhe institucionet e Kosovës.

Gucati u ka bërë thirrje institucioneve të Kosovës t’i bëjnë trysni Brukselit që Serbia t’i heqë nga Interpoli emrat e ish-ushtarëve të UÇK-së.

Godet Brahimaj: Qeveria ka negociuar listën e Interpolit, e shpëtuan veten

Institucione shtetërore të Kosovës kanë pasur njohuri të sakta se kush është pjesë e listës së INTERPOLIT, mirëpo nuk u kanë treguar partive politike e as deputetëve.

Periskopi.com Lajme

 

Kështu ka deklaruar Lahi Brahimaj nga Aleanca për Ardhmërinë e Kosovës.

Brahimaj ka thënë se këto institucione gjithashtu e kanë ditur se nga lista e INTEPORLIT janë larguar 137 persona, nga 157 sa ishin gjithsej dhe në listë tashmë janë vetëm 20 persona.

“Këtë gjë e ka konfirmuar përmes një interviste tre javë para se të arrestohej Haradinaj, zëvendësministri i Punëve të Brendshme, Nehat Mustafa. I pari në listën e 20 personave tash është Ramush Haradinaj”, ka thënë Brahimaj, i cili ka pohuar gjithashtu se ai dhe partia e tij tashmë e posedojnë këtë listë.

Brahimaj tha se në debatin e Kuvendit të Kosovës për rezolutën e AAK-së për lirimin e Ramush Haradinajt të gjithë deputetët pajtoheshin me të gjitha pikat që kishte rezoluta.

“Gjatë gjithë debatit asnjë deputet nuk kishte kundërshtuar asnjë nga pikat që kishte rezoluta e AAK-së, mirëpo ajo nuk u votua. Kjo ngase Salih Morina nga LDK dhe Zenun Pajaziti nga PDK u kanë bërë presion të gjithë deputetëve të tyre që mos ta votojnë këtë rezolutë”, tha Brahimaj, në emisionin “Republika” në Tribuna Channel.

Ai ka treguar gjithashtu se seanca për këtë rezolutë ishte paraparë të bëhej më herët por ishte shtyrë vetëm për shkak të festës, që sipas tij është konsideruar më e rëndësishme, sesa senaca për Haradinajn./Tribuna