ERDOGAN

Erdogan: Turqia më nuk ka durim të vrapojë pas Evropës

Presidenti turk Recep Tayyip Erdogan sot deklaroi se kur Bashkimi Evropian do t’i përmbushë premtimet për liberalizimin e vizave dhe ndihmë humanitare dhe kur do të hapë kapitull të ri në negociatat për anëtarësim, Turqia madje atëherë do të tregojë vullnet të mirë nga ana e saj.

Periskopi.com Lajme

Erdogani, i cili foli para një grupi liderësh lokalë në pallatin presidencial në Ankara, theksoi se Turqia më nuk ka durim dhe energji të vrapojë pas Evropës.

Ai gjithashtu deklaroi se Ankaraja dëshiron të zhvillojë marrëdhënie politike dhe ekonomike me Rusinë, Iranin, Kinën dhe vendet nga Azia Qendrore në nivel më të lartë.

Ai shtoi se megjithatë marrëdhëniet e mira me Lindjen, nuk janë alternativë në marrëdhëniet me Perëndimin dhe e kundërta.

Arrestohet personi që xhiroi një tjetër teksa hiqte flamurin turk në Prizren (Video)

Sektori i hetimeve të stacionit policor në Prizren, ka arritur të identifikojë dhe të arrestojë të dyshuarin P.B i cili ka postuar në rrjetet sociale një incizim ku shihet një person duke heq flamurin turk nga një shtyllë ku ishte i vendosur në kuadër të shënimit të përvjetorit të Pavarësisë.

Periskopi.com Lajme

Një i dyshuar e heq flamurin turk kurse dëgjohet një zë duke e përkrahur veprimin, raporton Periskopi

Pasi që postimi është bërë nga i dyshuari në rrjetet sociale i njëjti është sjell në stacion dhe nga ai është marrë një deklaratë ku ai e mohon që t`a ketë hequr flamurin kurse e pranon postimin e bërë me telefonin e tij.

Lidhur me rastin është njoftuar Prokurori Shtetit dhe në konsultim me të, i dyshuari P.B ndalet në ndalim policor për 48 orë. / Periskopi

Qytetarët heqin flamujt e Turqisë në Prizren (Video)

Presidenti Thaçi dënoi sulmin kundër Konsullatës turke në Prizren

Presidenti i Republikës së Kosovës, Hashim Thaçi, ka dënuar sulmin e Konsullatës turke në Prizren dhe ka uruar Policinë e Kosovës për reagim të shpejtë dhe kapjen e të dyshuarve.

Periskopi.com Lajme

“E dënoj ashpër sulmin kundër Konsullatës turke në Prizren”, është shprehur Presidenti Thaçi.

Presidenti Thaçi gjithashtu ka lavdëruar Policinë e Kosovës për reagim të shpejtë dhe identifikimin dhe ndalimin e të dyshuarve për këtë rast.

“I përgëzoj organet e rendit për reagim të shpejtë dhe të suksesshëm. Çështja tani është në duart e drejtësisë ”, ka përfunduar Presidenti Thaçi.

Konsullata ne Prizren / ARKIV

Qeveria dënon sulmin ndaj Konsullatës së Përgjithshme të Turqisë në Prizren

Qeveria e Republikës së Kosovës ka dënuar sulmin ndaj Konsullatës së Përgjithshme të Republikës së Turqisë në Prizren, të kryer nga persona të pandërgjegjshëm gjatë orëve të para të mëngjesit të sotëm.

Periskopi.com Lajme

Qeveria konsideron se veprime të tilla të shëmtuara, në radhë të parë kanë për synim që të dëmtojnë imazhin e Republikës së Kosovës dhe të lëndojnë miqësinë e saj me shtetet partnere.

Duke vlerësuar punën e organeve të rendit dhe të drejtësisë në arrestimin e kryesve të këtij akti të ulët, Qeveria e Kosovës fton organet kompetente që të zbardhin plotësisht motivet, të vënë kryesit e saj para drejtësisë si dhe të ndërmarrin masa që akte të tilla të mos përsëriten më.

Me këtë rast, Qeveria e Kosovës shpreh përkushtimin e plotë për thellimin e bashkëpunimit dhe të raporteve miqësore me Republikën e Turqisë.

Prizren

Zëdhënësi i Komunës së Prizrenit arsyeton vendosjen e flamurit turk

Fotografi të flamujve të Turqisë të vendosur në qytetin e Prizrenit më 27 nëntor kanë vërshuar gjithandej nëpër internet. E një ditë më pas, sot, 28 nëntor, ndodhi edhe një sulm në objektin e Konsullatës së Turqisë në Prizren. Krejt kjo si pakënaqësi për vendosjen e flamujve.

Teuta GASHI Intervista

Por, Ymer Berisha, zëdhënës i Komunës së Prizrenit për Periskopi.com jep një arsyetim për këtë.

Ai thotë se që nga paslufta në Komunën e Prizrenit është një Komision i cili vendos për vendosjen e flamujve gjatë festave, e që sipas tij, gjithmonë ka edhe flamuj të shteteve të tjera.

Berisha për Periskopi.com thotë se vendosën flamuj të shteteve mike që ndihmuan pavarësinë e Kosovës.

“Që nga paslufta ne vendosim edhe flamuj të shteteve të tjera. Turqisë, Amerikës, Britanisë dhe eventualisht shteteve që kanë kontribuar për pavarësinë e Kosovës. Kësaj radhe përveç këtyre, ka pasur edhe flamuj të shtetit gjerman, meqë KFOR-i gjerman është i vendosur në Prizren” tha ai.

Berisha shpjegon se si vendosja e flamujve nuk ka të bëjë me lidershipin e Komunës së Prizrenit, por që Komisioni teknik vendos për ta.

“Në Prizren kanë qenë të vendosur tre flamuj të shtetit turk, pesë amerikan, pesë britanik, pesë gjerman, krahas atyre kombëtar për festën e 28 nëntorit”, tha Berisha për periskopin.

Sa i përket fotografive që u shpërndanë gjithandej dhe reagimeve të qytetarëve ai thotë se është veprim dhe zgjedhje e paqëndrueshme e atyre që zgjodhën të fotografohen vetëm para atyre tre flamujve të Turqisë.

Berisha e konfirmon se pati një sulm te Konsullata e Turqisë në këtë qytet, por thotë se me pjesën tjetër po merret Policia.

“As që e kemi diskuar çështjen e reagimeve të disa personave në lidhje me vendosjen e flamujve. Nuk është çështje që meriton vëmendje. Ne, festojmë bashkë me të gjithë miqtë që kanë ndihmuar pavarësinë e Republikë së Kosovës”, thotë Berisha.

I pyetur se sa për qind e banorëve në Prizren janë të komuniteti turk, tha se janë diku rreth 5 %, por që sipas tij, vendosja e flamujve nuk ka të bëjë me numrin e banorëve të këtij komuniteti./ Periskopi

Ymer Berisha

Konsullata ne Prizren / ARKIV

Sulm me lëndë djegëse në Konsullatën e Përgjithshme të Turqisë në Prizren (Foto)

Objekti në të cilën është e vendosur Konsullata e Përgjithshme e Turqisë në Prizren është sulmuar të hënën në orët e hershme të mëngjesit me lëndë djegëse, që fillimisht dyshohet të jetë koktej molotovi.

Periskopi.com Lajme

Si pasojë e sulmit objekti ka pësuar dëme të vogla materiale, përkatësisht janë thyer xhamat e një dritareje, njofton “Koha Ditore”.

Kryeprokurori i Prokurorisë Themelore të Prizrenit, Sylë Hoxha ka konfirmuar se ngjarja ka ndodhur të hënën rreth orës 4 të mëngjesit. “Objekti i Konsullatës së Turqisë në Prizren është sulmuar, me ç’rast janë shkaktuar dëme të vogla materiale dhe nuk ka persona të lënduar. Hetuesit e forenzikës kanë dalë në vendngjarje, kanë grumbulluar prova dhe ekspertiza do të përcaktojë se me ç ka është sulmuar ky objekt”, ka thënë Hoxha.

Sipas tij, hetuesit policorë të Drejtorisë rajonale të Policisë së Kosovës dhe Prokuroria kanë ndërmarrë veprimet e nevojshme lidhur me hetimin e rastit dhe si pasojë e tyre tashmë janë ndaluar pesë persona të dyshimtë për këtë rast. “Pesë persona janë duke u intervistuar në Policinë rajonale të Prizrenit”, ka deklaruar ai, duke shtuar se hetimet janë në vijim e sipër për zbardhjen e këtij rasti.

20161128120701124

Turqia

Në Prizren krah flamurit shqiptar edhe ai turk, qytetarët të pakënaqur

Në Prizren flamuri i Shqipërisë dhe ai i Turqisë janë vendosur krah njëri tjetrit.

Periskopi.com Lajme

Vendosja e tyre nga Komuna e Prizrenit për nder të 28 nëntorit nuk po pëlqehet nga qytetarët pasi Shqipëria ishte e pushtuar pikërisht nga perandoria osmane.

Për qytetarët secili flamur duhet të valëvitet në vendin e vet.

Të pakënaqur me këtë veprim ka edhe prej atyre që erdhën nga Shqipëria në Kosovë për këtë 28 nëntor.

Përveç flamurit të shtetit turk, në Prizren janë vendosur edhe disa flamuj të shteteve mike të Kosovës.

Prandaj, edhe zëdhënësi i kësaj Komune, Ymer Berisha, i tha Klanit që Komisioni përgjegjës ka marrë vendim që të vendosen flamujt për nder të miqësisë ndaj shteteve.

Ai ka shtuar se edhe pse dikur ishin armiq, tani Turqia dhe Kosova kanë miqësi të mirë mes vete.

Kodi

Shteti i ‘vëllait’ të Hashim Thaçit, i pari që njeh kodin telefonik të Kosovës

Turqia ka futur zyrtarisht prefiksin e Kosovës në listë zyrtare +383.

Periskopi.com Lajme

Këshilltari i presidentit, Ardi Nurellari përmes një postimi në Facebook ka treguar se në aeroportin e Stambollit e ka futur prefiksin e Kosovës në listë.

“E gjithë kjo bezdi mu fashit menjëherë kur ne përpjekje për tu lidhur me Wi Fi pashe qe aeroporti i Stambollit e ka futur tashme prefiksin shtetëror te Kosovës ne liste, pa pritur qe te behet plotesisht operativ. Teşekkür ederim Türkiye!”, ka shkruar Nurellari në Facebook.

15239285_10157821974685301_378510266_n-270x480

nato

Terorizmi, vendosshmëria, e ardhmja e marrëdhënieve transatlantike, agjenda e AP të NATO-s

Sekretari Gjeneral i NATO-s, Jens Stoltenberg, Presidenti turk Recep Tayyip Erdogan dhe ministrat e lartë të qeverisë do t'iu bashkohen ligjvënësve gjatë katër ditëve në Stamboll në Sesionin Vjetor të 62-të Asamblesë Parlamentare të NATO-s.

Periskopi.com Lajme

Një delegacion i Kuvendit të Republikës së Kosovës,  i kryesuar nga nënkryetari Xhavit Haliti dhe nënkryetari tjetër, Slobodan Petroviq do të marrin pjesë në  Sesionin Vjetor të 62-të të Asamblesë Parlamentare të NATO-s, që nis këtë të shtunë në Stamboll.

Në një komunikatë për medie nga AP e NATO-s thuhet se parlamentarët nga vendet e NATO-s do të mblidhen këtë javë për t’i vlerësuar përgatitjet e Aleancës për rritjen e prezencës së saj ushtarake në shtetet Baltike dhe Poloni, si përgjigje ndaj kërcënimeve të Rusisë, dhe për zhvillimin e mënyrave për ta mposhtur terrorizmin në vend dhe në Lindjen e Mesme.

Sekretari Gjeneral i NATO-s, Jens Stoltenberg, Presidenti turk Recep Tayyip Erdogan dhe ministrat e lartë të qeverisë do t’iu bashkohen  ligjvënësve gjatë katër ditëve në Stamboll në Sesionin Vjetor të 62-të Asamblesë Parlamentare të NATO-s.

Takimi në qendër të Turqisë, i vendosur në mes Evropës dhe Azisë, vjen katër muaj pasi institucionet e vendit i mbijetuan  përpjekjes për grusht shtet, dhe vetëm pak ditë pas zgjedhjeve presidenciale dhe të Kongresit në Shtetet e Bashkuara, vendin anëtar kryesor të NATO-s.

“Gjithashtu do të jetë hera e fundit për kongresmenin e SHBA-ve  Michael R. Turner kryesimi i bisedimeve të AP-së së NATO-s. Mandatit të tij dy-vjeçar si President po i  vjen  fundi, dhe votimi, për ta emëruar pasardhësin e tij,do të mbahet gjatë seancës plenare të ditës së hënë”, thuhet në  komunikatën e AP të NATO-s.

Bëhet e ditur se në një seri rezolutash, anëtarët e Asamblesë janë të vendosur për t’i bërë thirrje NATO-s që të qëndrojë e bashkuar në mbrojtje të Aleatëve në kufi me Rusinë, pasi që qëndrimi i saj luftënxitës i vazhdueshëm po shkakton shqetësime.

Poashtu ligjvënësit, pritët ta konfirmojnë sërish mbështetjen e tyre për Gjeorgjinë dhe Ukrainën, dhe do t’ua kujtojnë aleatëve premtimin e tyre të dhënë për rritjen e shpenzimeve ushtarake.

“Qëndrimi i fortë konfirmon (pranon) të vërtetën e Nenit 5 për premtimin e dhënë për ta mbrojtur sovranitetin dhe integritetin territorial të çdo aleati të NATO-s. Kjo kërkon prej të gjithë ne që të investojmë në burimet tona individuale dhe të përbashkëta – barrë kjo që duhet ta ndajmë të gjithë “, deklaroi Turenr përpara sesionit.

“Me Daesh-in nën presion në Irak dhe Siri, parlamentarët janë të vendosur për të bërë thirrje për ndarjen më të gjerë të shërbimeve të inteligjencë, dhe ashpërsimin e kontrolleve kufitare, pas shqetësimeve se luftëtarët e huaj nga rajoni kanë më shumë gjasa të kthehet në Evropë, pasi që grupi është tkurrur në Lindjen e Mesme”, thuhet më tej në këtë komunikatë.

Në tryezë është paraparë që të bisedohet gjithashtu edhe për përpjekjet e NATO-s për t’iu ndihmuar aleatëve, të goditur nga vala e refugjatëve.

“Për të ndihmuar në ndaljen e fluksit dhe për t’i bindur partnerët rajonal, ligjvënësit do të bëjnë thirrje që t’i bëhet  më shumë presion diplomatik Presidentit sirian Bashar al-Asad dhe mbështetësve të tij në Rusi dhe Iran. Ata me gjasë do të apelojnë tek shtetet e NATO-s për ta thelluar bashkëpunimin me vendet e Gjirit dhe ato rreth Mesdheut”, thuhet në këtë komunikatë.

Ndërkohë bëhet e ditur se Asambleja është e vendosur që ta shpreh mbështetjen e saj për misionin mbështetës  të vendosur të NATO-s   në Afganistan dhe do të bëjë thirrje për ndihmë për t’i mbushur boshllëqet e mbetura të sigurisë dhe ta forcojë luftën kundër korrupsionit, si dhe do t’i bëjë  thirrje donatorëve ndërkombëtarë që të vazhdojnë me mbështetjen e tyre për ekonominë afgane.

Në këtë komunikatë poashtu thuhet se Qeveritë e NATO-s do të inkurajohen për të vazhduar me shpenzimet e tyre për inteligjencën ajrore, për aftësitë zbuluese dhe të mbikëqyrjes, të sigurohen që teknologjitë janë kompatibile në tërë Aleancën, dhe për t’i hequr pengesat për ndarjen e informacionit.

“Ky takim vjen në një kohë kritike. NATO përballet me një mjedis të paqëndrueshëm , siguria e së cilit është në rrezik, dhe Turqia është një aleat kyç dhe i vlefshëm, i cili e gjen veten përballë shumë sfidave të sotme të sigurisë  “, theksoi Turner. “Kombet tona janë anëtarë të aleancës më të suksesshme në histori, dhe ky sukses është arritur , pasi Aleanca është e  bashkuar me besimin e saj  dhe angazhimin për vlerat e përbashkëta. Ky sesion do të na lejojë për ta treguar mbështetjen tonë për një vend, i cili vetëm pak muaj më parë është përballur me një sulm të egër në kushtetutën  dhe  institucionet e veta demokratike. Në të njëjtën kohë, ne shikojmë përpara për të dëgjuar më shumë nga miqtë tanë turq në lidhje me natyrën, shkallën dhe zbatimin e masave emergjente të miratuara si përgjigje “.

AP e NATO-s bashkon anëtarët e parlamenteve kombëtare të Aleancës, si dhe vendet partnere, vëzhguese dhe organizatat. Kjo është një lidhje e rëndësishme midis Aleancës dhe parlamenteve të vendeve anëtare – dhe për këtë arsye është e rëndësishme edhe për  qytetarët në zonën Euro-Atlantike.

 

zeneli

Humbëm, por do të luftojmë për fanelën e Kosovës

Talenti i Kosovës, Arbër Zeneli ka folur pas humbjes nga Turqia me rezultat 2:0.

Periskopi.com Sporti

Ai ka shkruar në Facebook një status, ku thotë se do të vijnë rezultatet pozitive për Kosovën dhe se ai me bashkëlojtarët e tij duhet të luftojnë për këtë fanelë.

Humbëm mirëpo do të luftojmë shumë për këtë fanellë. Do të vijnë edhe rezultatet pozitive. #AZ15 /Periskopi.com

yilmaz

Deklaratë e papritur e golashënuesit të Turqisë

Autori i golit të parë të Turqisë ndaj Kosovës, Burak Yilmaz ka folur pas fitores 2:0.

Periskopi.com Sporti

Ai thotë se skuadra e tij nuk luajti mirë kundër Kosovës edhe pse shënoi dy gola.

“Kemi qenë të detyruar të fitojmë dhe këtë e bëmë. I falënderoj të gjithë që më ndihmuan të shënojë gol. E kërkuan rrugën e golit dhe këtë ia arritëm në pjesën e dytë. Jam i kënaqur me këtë edhe pse nuk luajtën mirë kundër Kosovës. Shpresoj se do të fitojmë edhe në dy ndeshjet e radhës kundër Finlandës dhe sërish Kosovës”, tha Burak Yilmaz. /Periskopi.com

terim

Trajneri i Turqisë me fjalë të mëdha për Kosovën

Trajneri i Turqisë, Fatih Terim ka folur pas fitores ndaj Kosovës me rezultat 2:0.

Periskopi.com Sporti

Ai thotë që kombëtarja e tij ishte e detyruar të fitonte.

Terim thotë se Kosova ka të ardhme të mirë.

“Ishim të detyruar të fitojmë. Kjo fitore na rehatoj dhe se kemi shumë ndeshja përpara. Çdo ndeshje duhet të përgatitemi. Kroacia është ekip më i përgatitur. Jemi munduar të shënojmë, por formacioni i ngjeshur i Kosovës na vështirësojë në pjesën e parë. Por, në pjesën e dytë realizuam gol pas ndryshimeve në pjesën e dytë”, tha Terim.

“Kosova do të luajë më të mirë në të ardhmen. Ne e kemi parë ndeshjen me Ukrainën dhe e kemi ditur se si luajnë. Në këto lloj ndeshje duhet të shfrytëzojmë çdo moment dhe hapësirë. Goli i hershëm na rehatoi dhe ne fituam tre pikë të rëndësishme”, shtoi Terim. /Periskopi.com

Hashim Thaçi dhe Taip Ergodan

Reagon Thaçi pas humbjes së Kosovës

Presidenti i Kosovës, Hashim Thaçi ka reaguar pas përfundimit të ndeshjes së futbollit Turqi-Kosovë, ku Kosova pësojë humbje.

Periskopi.com Lajme

“Djemtë tanë luajtën shumë mirë edhe në atmosferën e nxehtë të stadiumit të ri “Antalya Arena” në Turqi. Ngadalë, por sigurt, po e ndërtojmë një ekip premtues. Në fitore dhe humbje, gjithmonë do të jemi në përkrahje të tyre”, shkruan Thaçi në Facebook.

Kosova sonte u mposht 2:0 nga Turqia, por pati paraqitje mbresëlënëse.

bunjaku

Bunjaku: Ja pse nuk kryem zëvendësime

Trajneri i Kosovës, Albert Bunjaku ka komentuar humbjen nga Turqia.

Periskopi.com Sporti

Ai sqaron pse nuk bëri asnjë zëvendësim në sfidën e humbur 2:0.

“Mungesa e Bernard Berishës dhe disa lëndimeve, nuk kemi pas një zbërthyes në lojë. Ne kemi luajtur me kundërsulme dhe kemi pas nevoje për lojtarë të shpejtë”, tha Bunjaki pas ndeshjes. /Periskopi.com

futbollisti

Futbollisti i Kosovës: Pas kaq vitesh do të jemi të papërshtatshëm

Sulmuesi i Kosovës, Vedat Muriqi ka folur pas humbjes nga Turqia me rezultat 2:0.

Periskopi.com Sporti

Ai thotë se Kosova filloi lojën shumë mirë, por humbje si kjo ndodhin kur luan kundër ekipeve të mëdha.

Tutje, ai thotë se Kosova do të jetë një kundërshtar i papërshtatshëm brenda 3-4 vjetëve.

“Ishte një lojë e fortë si nga ne si nga ata. Filluam ndeshjen shumë mirë, por kjo ndodh kur luan ndaj ekipeve të mëdha. Atyre nuk u duhet shumë hapësirë që të të ndëshkojnë”, tha Muriqi.

“Por, ne jemi kombëtare e re dhe duhet të jemi të durueshëm dhe shpresoj se brenda 3-4 vjetëve do të bëhemi të papërshtatshëm për çdo kundërshtarë”, shtoi ai. /Periskopi.com

shala

Futbollisti i Kosovës tregon pse humbëm

Mesfushori i Kosovës, Herolind Shala ka komentuar humbjen nga Turqia me rezultat 2:0.

Periskopi.com Sporti

Ai thotë se Kosova humbi për shkak se e kishte të vështirë të shënonte dhe për shkak se i mungonte fati.

“Nuk besoj se humbëm shkaku i eksperiencën, por po kemi të vështirë të shënojmë, jemi pa fat”, tha Shala.

“Kemi luajtur shumë mirë, kemi luftuar si luana. Por duhet të përmirësojmë minutat e para të pjesës së dytë kur edhe pësuam gola”, shtoi ai. /Periskopi.com

kosova

Kosova mposhtet sërish, tani nga Turqia

Kosova është mposhtur nga Turqia me rezultat 2:0, në ndeshjen e zhvilluar në kuadër të kualifikimeve për Botërorin 2018.

Periskopi.com Sporti

Në ndeshjen e zhvilluar në stadiumin e Antalyas, u shënuan golat brenda katër minutave.

Goli i parë erdhi nga Burak Yilma në minutën e 51-të, kurse i dyti nga Volkan Sen në minutën e 54.

Vlen të përmendet se kapiteni i Kosovës, Samir Ujkani ishte në nivelin më të lartë të mundshëm në pjesën e parë, ku bëri disa pritje të jashtëzakonshme.

Megjithatë, mbrojtja e përzgjedhur nga Albert Bunjaku nuk arriti të mbetej e pathyeshme.

Kjo është humbja e tretë e Kosovës në këto kualifikime, pas atyre nga Kroacia, Ukraina. /Periskopi.com

ks-jpg

Fillon pjesa e dytë e ndeshjes Turqi-Kosovë

Ka nisur pjesa e dytë e ndeshjes Turqi-Kosovë, e cila po zhvillohet në kuadër të kualifikimeve për Botërorin 2018.

Periskopi.com Sporti

Rezultati vazhdon të mbetet pa gola, 0:0. /Periskopi.com

ks

Statistikat e pjesës së parë Turqi-Kosovë

Ka përfunduar pjesa e parë e ndeshjes Turqi-Kosovë.

Periskopi.com Sporti

Këtu mund t’i shihni statistikat e kësaj pjese.

statistikat

loja-jpg

Përfundon pjesa e parë, Kosova e pafat: Godet shtyllën

Është mbyllur pjesa e parë e ndeshjes ndërmjet Turqisë dhe Kosovës. Kosova ishte pranë golit, ku Valon Berisha goditi shtyllën në sekondat e fundit të kohës shtesë.

Periskopi.com Sporti

Të përzgjedhurit e trajnerit Albert Bunjaku po zhvillojnë një lojë tejet të kujdesshme, për dallim nga dy ndeshjet e mëparshme.

Vlen të ceket se kapiteni Samir Ujkani ka pritur disa goditje tejet të rrezikshme, duke e bërë atë lojtarin vendimtar të Kosovës në pjesën e parë.  /Periskopi.com