Konfirmon Vatikani: Ja kur do të takohen Papa Françesku dhe Donald Trump

Periskopi.com Lajme

Papa Françesku dhe Presidenti amerikan, Donald Trump, do te takohen në 24 maj, njoftoi të enjten Selia e Shenjtë.

Pritja në Selinë e Shenjtë do të bëhet në kuadër të vizitës së parë jashtë vendit të Presidentit Trump pas marrjes së detyrës.

“Personi që dëshiron të ngrejë mure dhe jo ura, nuk është i krishterë”, kishte thënë Papa gjatë fushatës presidenciale, duke zemëruar miliarderin amerikan, që tha se një udhëheqës fetar kishte vënë në pyetje besimin e një personi tjetër.

Trump gjithashtu kritikoi hapur Papën kur ai kishte thënë se nuk i kupton problemet e Shteteve të Bashkuara të Amerikës.

Gjatë kësaj vizite Trump do të vizitojë edhe Arabinë Saudite, Izraelin dhe Italinë.

Bugajski flet nga Prishtina, për krizën në Ballkan dhe fajin që ka Serbia

Periskopi.com Lajme

Më datë 3 maj, është mbajtur ligjërata “Kriza në Ballkan dhe administrata e Trump-it” nga analisti i mirënjohur politik, Janusz Bugajski, i cili ka shërbyer edhe si konsulent për çështjet e Evropës Lindore për organizata dhe agjenci të ndryshme qeveritare në SHBA.

Ligjërata konsistoi në diskutimin mbi gjendjen aktuale në shtetet e Ballkanit dhe ndikimin që do të ketë administrata e Trump në këtë rajon.

Bugajski theksoi disa pika kyçe për krizën e cila e ka kapluar Ballkanin dhe faktorët që do mund t’i shkaktonin krizat e tjera potenciale. E para, ka të bëjë me frustrimin ekonomik në gjendjen ekonomike në rajon, duke nënvizuar shkallën e lartë të papunësisë tek të rinjtë në vendet si Spanja, Italia dhe Greqia. Ky lloj frustrimi ekonomik shumë lehtë mund të përkthehet në kartë politike të partive opozitare, duke shkaktuar lloje të ndryshme të popullizmit. Gjithashtu, sipas Bugajskit, partitë politike në Ballkan janë të ngarkuara ideologjikisht, dhe madje të pozicionuara në krahët ekstrem të së majtës dhe të djathtës, çfarë edhe ka bërë redikalizimin e mjeteve kundërshtuese të përtive opozitare.

Pika e dytë, sipas Bugajskit ka të bëjë me autoritarizmin në rritje e sipër nga dy shtetet më problematike në Ballkan, Serbia dhe Maqedonia. Ku sipas tij, në këto dy vende jo vetëm partitë opozitare por edhe shoqëria civile kanë pretenduar se shteti është i kapur nga partitë në pushtet. Në lidhje me këtë Bugajski shtoi: “Qëllimi i shumë partive politike në Ballkan është të fusin duart deri tek ligji, dhe në këtë mënyrë të arrijnë të mbajnë sa më gjatë vetën e tyre në pushtet. Një formë tipike e autoritarizmit, është vërejtur në Maqedoni, ku partia në pushtet është akuzuar për përgjime të partisë kundërshtare e deri tek anëtarët e bashkësisë”.

Pikën e tretë, Bugajski e shikon te numri i madh i protestave nga organizatat e shoqërisë civile dhe nga partitë opozitare, ku kohët e fundit kemi parë protesta në Serbi dhe në Bosnjë. Ai theksoi faktin se këto protesta mund të shkojnë drejt popullizmit.

Së këndejmi, Bugajski vendosi në fokus problemin e përshkallëzimit etnik që krijon një ndarje mes miqve dhe armiqve. Kjo sipas tij kjo është manifestuar në Maqedoni, ku lidhja e social-demokratëve dhe grupit të integrimit Evropian është bllokuar. Shqiptarët janë ndarë në një tabor të caktuar politik duke u lënë vazhdimisht jashtë politikbërjes. Problemi tjetër sipas Bugajskit qëndron edhe te ideja e ndarjes së shqiptarëve dhe krijimi i Shqipërisë së madhe, e cila është duke u përdorur nga qarqe të caktuara në rajon. Në këtë linjë, shqetësimi kryesor për Ballkanin Bugajski e shikon te Nacionalizmi, i cili është në rritje e sipër në vendet në këtë rajon.

Gjatë ligjëratës Bugajski përmendi edhe konfliktin për kufijtë. Dhe, shembull primar këtu sipas tij është Kosova, ku tensionet jane ngritur mes lidereve shqiptare dhe atyre serb, per te shkaktuar legjitimitetin e lidereve serb apo shqiptar. Në lidhje me këtë Bugajski shtoi: “Konfliktet etnike që ndodhin në një vend, mund të shpërndahen në shtetet fqinje. Mbaj mend 26 vjet më parë që secili konflikt mund të jetë destabilizes për rajonin, dhe kjo ishte pikërisht në shpërbërjen e Jugosllavisë. Pika ime ishte se konflikti më potencial është përbrenda Maqedonisë. Madje edhe konfliktet serbo-kroate, Kosove-Serbi, Bosnje-Serbi, te gjitha këto mund të përmbaheshin brenda Jugosllavisë. Por konflikti në Maqedoni nuk mund të permbahet dhe kjo gjithsesi ka pasur gjasa më të medha të perfshijë në konflikt Kosovën, Greqinë, Bullgarinë etj. Dhe të gjitha këto janë në të kundërtën e interesit të Kosovës”.

Gjithashtu, u pohua se partitë poltike te cilat rrezikohen nga humbja e pushtetit, e kanë zakon të drejtojnë gishtin nga faktore te jashtem potencial. Një situatë e tillë haset në rastin e Soros, ku janë të përfshira partitë në Shqipëri, Hungari dhe Maqedoni.

Në pikën e fundit, Bugajski trajtoi çështjen e Rusisë dhe intereset e saj per rajonin. Ai tregoi që Rusia vazhdon të jetë e interesuar per Ballkanin. Ku, ndër të tjerash, kemi një situate ku Rusia do të shfrytëzoj këtë situatë për të zgjatur ndikimin në Ballkan, për ta lënë zonen e Ballkanit një zonë të targetuar nga Rusia. Shqetësimin kryesor këtu ai e shikon në rritjen e ndjenjave anti-amerikane.

Në fund të ligjëratës, Bugajski shtoi disa fjalë për presidentin e SHBA-ve, Donald Trump. Sipas tij, gjërat kane ndryshuar ne javët e fundit. Ai vendosi në diskutim slloganin “Amerika e para” (America First). Dhe, Bugajski tregon se kjo mund te ketë dy  kuptime. Domethënia e parë ka të bëjë me atë se ne jemi të parët ne botë dhe do të sigurohemi për këtë. E dyta, Amerika është e para dhe te vetmit, nuk na nevojitet bota. Bugajski vazhdoi duke thënë së Trumpi është duke bërë një ndryshim nga Amerika e vetmuar në udhëheqësen e botës. Kjo vërehet edhe në disa veprime të tij, ku gjatë fushates Trump e konsideronte NATO-n si të vjeteruar: “Së pari, Trump ka shtyrë  çeshtjen se vendet që janë anëtare te natos të shkojnë me rritje të GDP-së deri ne 2%. Trump e ka përqendruar vëmendjen e nje numri të madh të vendeve në këtë çeshtje. Fakti i dytë pozitiv është një ekip i jashtzakonshëm kompetent i sigurisë që Trump e ka vendosur në SHBA. Dhe kemi një numër të madh të njerëzve të cilët kanë hyrë në administratë, dhe kanë një përkushtim të madh për një rol internacionalist te SHBA-ve. Një numër i madh i politikave që kanë qenë në agjendën e Trump si ato izolative janë shtyrë anash. Sikurse e dini prioritetet kryesore te sigurisë Amerikane, janë në lindje të mesme, Kore e Veriut, Afganistan, ndersa Ballkani është mjaft poshtë në listë. Kjo nuk është specialitet i Trupm, por i administratave paraprake”.

Një nga pyetjet e studentëve drejtuar Bugajskit, ishte edhe çështja e krijimit të ushtrisë së Kosovës. Dhe, në lidhje me ushtrine e Kosoves, ai u shpreh se  Kosova duhet ta krijoj ushtrinë, çeshtja eshte sa do te zgjas krijimi saj: “Ketu presidenti Thaçi ka pasur te drejtë, mirëpo ka gabuar ne lidhje me menyren se si e ka bere. Duhet të ekzistoj nje mekanizem, nje plan dhe duhet te ekzistoj perkrahja teknike dhe politik”.

Bugajski përfundoi ligjëratën e tij, duke thënë që ajo çfarë kemi mësuar në 25 vitet e fundit është se pa SHBA-në Kosova nuk do të ishte e pavarur.

Trump nënshkruan urdhrin e ri për fenë, ja për çfarë bëhet fjalë

Periskopi.com Lajme

Presidenti Donald Trump ka lehtësuar rregulloret qeveritare që nuk lejonin institucionet fetare të përjashtuara nga taksat të merrnin pjesë në aktivitet politik.

Presidenti nënshkroi një urdhër ekzekutiv të enjten që i jep agjencisë së vjeljes së taksave “autoritetet maksimal” për të vendosur vetë në lidhje me aktivitetin politik të grupeve fetare, megjithëse rregullorja rrallë herë zbatohej në realitet.

Po në këtë urdhër ekzekutiv, presidenti lehtëson rregulloret mbi grupet fetare në lidhje me disa klauzola të ligjit për kujdes shëndetësor të miratuar gjatë administratës Obama.

Në bazë të ligjit Obamacare, këto shoqata ishin të detyruara të paguanin për sigurime shëndetësore për punonjësit e tyre, në të cilat përfshiheshin forma të planifikimit familjar dhe masa të tjera që disa grupe fetare i kundështojnë.

Urdhri i ri ekzekutiv u ofron grupeve fetare liri më të madhe veprimi për të vendosur mbi këto plane sigurimesh.

Presidenti Trump e nënshkroi urdhrin ekzekutiv gjatë një takimi me përfaqësues të grupeve konservatore të krishtera në Shtëpinë e Bardhë gjatë një aktiviteti të cilësuar si Dita Kombëtare e Lutjeve. /VOA.

Parashikoi fitoren e Trumpit, tash ka një parashikim për Francën: Evropa do të tronditet

Periskopi.com Lajme

Analisti i njohur Charles Gave që parashikoi fitoren e Donald Trump në SHBA kur askush nuk e mendonte, thotë se Marine Le Pen do të fitojë në zgjedhjet e Francës.

Charles Gave, thotë se Le Pen do të dalë fituese.

Rundi i parë i votimeve do të mbahet këtë të diele derisa dy kandidatët e parë do të ballafaqohen në balotazh më 7 maj.

Kandidatja e ekstremit të djathtë në sondazhe është shumë afër Emmanuel Macron, i cili prinë. Ndërkohë kandidati konservator Francois Fillon është pak pas Le Pen, megjithëse u godit së fundi nga një skandal korrupsioni.

Donald Trump reagon pas sulmit në Paris, e quan sulm terrorist

Periskopi.com Lajme

Donald Trump ka reaguar ndaj të shtënave që ndodhën në Paris duke thënë se ky duket të jetë një tjetër sulm terrorist.

Ky është komenti i Presidentit Amerikan: ” Ky duket se është një tjetër sulm terrorist. Çka të themi, kjo nuk po mbaron. Duhet të jemi të fortë dhe vigjilent.”/ Periskopi

Njeriu që parashikoi fitoren e Trumpit, tregon se kur do ndodh Lufta e III Botërore

Periskopi.com Lajme

Enigmatiku i cili e parashikoi zgjedhjen e Trump si president, pretendon ta dijë datën e fillimit të Luftës së tretë botërore.

Ndoshta duhet të marrim shënime, për shkak se enigmatiku i cili e parashikoi saktësisht zgjedhjen e Trump dhe sulmin Amerikan në Siri, pretendon se e dinë datën e saktë të fillimit të Luftës së tretë botërore.

Horocio Villegas, i cili pretendon të jetë ‘ i dërguar i Zotit’, beson se lufta nukleare është shumë afër, përcjell Periskopi

Data e saktë thotë të jetë më 13 maj të vitit 2017, datë në të cilën shënohet përvjetori i  Virgjëreshës Maria të cilës i referohen edhe si  Zonja Jonë e cila thuhet se e vizitoi Fatiman më 13 maj, të vitit 1917 dhe kjo ishte poashtu dita kur ‘Zonja Jonë’ paralajmroi njerëzit se nëse Russët nuk do të konvertohen në Katolicizëm, Zoti do e përdorte këtë vend për të bërë trazira në botë.

Mendjemprehti katolik, i cili jeton në Teksas të SHBA-së, pretendon ta ketë parashikuar fitoren e Trump në vitin 2015, sipas Daily Star. Ai gjithashtu thuhet se ka parashikuar që biznismeni Amerikan do të bëhet ‘mbret i organizates Iluminati dhe të e shkaktojë Luftën e Tretë Botërore.

Se fundi ai tha për Daily Star : “ Kisha një ëndërr në të cilën shihja topa flake të binin nga qielli dhe që goditnin Tokën’.

Një nga parashikimet e tij tashmëështë bërë realitet, përderisa ato më seriozet pritet të realizohen në javët në vazhdim, sipas pretendimit të tij.

Villegas tha për gazetën se: “ Për të qenë të përgatitur, gjëja kryesore që njerëzit duhet ta dijnëështë se kjo luftë do të fillojë dhe mbarojë me vdekje dhe shkatërrime të shumta,  prej datës 13 të muajit maj deri më 13 tetor./ Periskopi

Trump serish paralajmëron Korenë Veriore

Periskopi.com Lajme

Presidenti i SHBA-ve, Donald Trump, i ka dërguar sonte Koresë Veriore paralajmërim të ri, duke e quajtur problem për të cilin do të përkujdeset.

Ai këto komente i bëri pasi u përgjigj në pyetjen rreth vendimit të ushtrisë amerikane që bombën e vet më të madhe jo nukleare ta hedhë në çerdhen e Shtetit Islam në Afganistan.

I pyetur nëse hedhja e kësaj bombe është porosi edhe për Korenë Veriore, e cila vazhdon programin e saj nuklear dhe armëve tjera, Trump tha se “Koreja Veriore është problem, ndërsa për këtë problem do të përkujdesemi”.

Trump dëshiron që Kina të ndihmojë që të vë nën kontroll Korenë Veriore.

Ndryshe, presidenti i SHBA-ve, Donald Trump dhe presidenti kinez Xi Jinping javën e kaluar në takimin në Florida diskutuan edhe për Korenë Veriore.

Sulmi me gaz, Trump: Assad nuk do të tolerohet më

“Aksionet e tmerrshme të regjimit të Assad nuk do të tolerohen më”.

Periskopi.com Lajme

Kështu ka deklaruar presidenti amerikan Donald Trump në një konferencë të përbashkët për shtyp me mbretin e Jordanisë në Shtëpinë e Bardhë.

“Kur gazi vret fëmijë dhe të sapolindur, për mua janë kaluar shumë vija, ajo e kuqe po e po”, ka thënë Trump.

Ai ka theksuar se, administrata Obama ka humbur një mundësi të artë për të zgjidhur krizën siriane.

“Sulmi kimik në Siri ishte i tmerrshëm. Nuk ka fjalë për ta përshkruar. Ishte një sulm ndaj njerëzimit”, ka vijuar Trump.

Nga sulmi me armë kimike në Siri mbetën të vrarë 72 persona, mes të cilëve 20 fëmijë dhe 17 gra.

Moska zyrtare mohoi që regjimi i Assad ta ketë kryer qëllimisht sulmin dhe refuzoi të njihte projekt/rezolutën e OKB-së. “Këto akuza janë një provokim”, ka thënë Kremlini, transmeton tch.

Ndërkohë, sulmi është dënuar edhe nga ati i shenjtë, Papa Françesku, që ka shprehur keqardhjen dhe e ka cilësuar si “të papranueshëm”.

Tramp: Do ta shkatërrojmë ISIS-in, për ta mbrojtur qytetërimin

Presidenti i Shteteve të Bashkuara të Amerikës, Donald Trump tha sot se Shtetet e Bashkuara dhe aleatët e saj, do ta shkatërrojnë Shtetin Islamik dhe do ta mbrojnë qytetërimin.

Periskopi.com Lajme

“Ne do të shkatërrojmë ISIS-in, për ta mbrojtur qytetërimin. Nuk kemi asnjë zgjidhje tjetër”, tha Tramp në një konferencë Shtëpinë e Bardhë të mbajtur me Mbretin e Jordanisë, Abdullah II.

Trump-Merkel do të diskutojnë për dhunën në Siri

Presidenti amerikan, Donald Trump do të diskutojë sot në telefon me kancelaren gjermane Angela Merkel për përgjigjen urgjente ndaj tallazit të fundit të dhunës në Siri.

Periskopi.com Lajme

Në sulmin, për të cilin dyshohet se është kryer me armë kimike, kanë humbur jetën 72 persona, në mesin e tyre 20 fëmijë, derisa janë lënduar më shumë se 160 njerëz.

Sulmi është dënuar nga bashkësia ndërkombëtare, derisa presidenti sirian Bashar al Asad ka demantuar se ushtria e tij të ketë përdorur substanca helmuese ose kimike.

Trump do të bisedojë edhe me kryeministrin japonez Shinzo Abeo, disa orë pasi Koreja Veriore ka shkrepur një raketë balistike në Detin e Japonisë, një ditë para takimit të presidentëve amerikan dhe kinez, në të cilin tema kryesore të diskutimit do të jenë programi nuklear verikorean dhe kontesti rreth Detit të Kinës Jugore.

Ivanka Trump edhe zyrtarisht bëhet pjesë e administratës së babait

Ivanka Trump zyrtarisht është këshilltare e presidentit të SHBA-ve

Periskopi.com Lajme

 

Ivanka Trump i është bashkuar zyrtarisht administratës së babait të saj si një punonjëse pa pagesë me titullin Asistente e Presidentit, thotë Shtëpia e Bardhë.

Trump tha se ajo ‘ka dëgjuar shqetësimet që i kanë disa për rolin tim këshillues për presidentin në kapacitetin personal, ndonëse duke respektuar vullnetarisht rregullat e etikës’, shkruan CNN.

“Do të shërbej si një punonjëse pa pagesë në një zyrë në Shtëpinë e Bardhë, duke respektuar të njëjtat rregulla si punonjësit e tjerë federalë”, ka deklaruar Ivanka Trump.

Trump dhe Merkel folën për refugjatët

“Emigracioni është një privilegj, jo një e drejtë”, është shprehur këtë të premte presidenti amerikan Donald Tumop, gjatë një konference të përbashkët për mediat me kancelaren gjermane, Angela Mergel.

Periskopi.com Lajme

Ndërsa kancelaria Merkel, teksa ka folur për emigracionin është shprehur: “Ne duhet të mbrojmë kufijtë tanë, por duhet edhe të shikojmë refugjatët që ia mbathin nga luftërat dhe varfëria”.

Presidenti amerikan Trump i ka dhënë “mbështetje të fuqishme” NATO-s, por ka përsëritur nevojën që aleatët të paguajnë “ndarje të drejtë” të kuotës financiare.

Më herët, ata kanë zhvilluar një takim ballë për ballë në Zyrën Ovale.

Trump ka mirëpritur kancelaren gjermane Angela Merkel, i qeshur dhe me një shtrëngim duarsh të shpejtë, kur ajo arriti në Shtëpinë e Bardhë, por duket se ka injoruar kërkesën për një shtrëngim duarsh për përdorim të fotografëve në Zyrën Ovale.

Trump në takim me Merkelin, thekson mbështetjen për NATO-n

Presidenti i Shteteve të Bashkuara, Donald Trump, shprehu "mbështetjen e fuqishme" të Uashingtonit për NATO-n, gjatë takimit me kancelaren gjermane, Angela Merkel, në Shtëpinë e Bardhë.

Periskopi.com Lajme

Trump, megjithatë, shtoi se vendet anëtare të aleancës ushtarake duhet të paguajnë “barrën e njëjtë” për mbrojtje.

Ai tha se e falënderon kancelaren Merkel për angazhimin e Qeverisë gjermane për të rritur shpenzimet në mbrojtje.

Trump po ashtu theksoi nevojën për “zgjidhje paqësore” të krizës në Ukrainë.

Merkel, në anën tjetër, tha se marrëdhëniet me Rusinë duhet të përmirësohen, porse situata në Ukrainë duhet të zgjidhet fillimisht.

Merkel tha se me Trumpin ka biseduar edhe për çështjen e migrimit.

Takimi Trump-Merkel pasoi një fillim gjaknxehtë të marrëdhënieve.

Prejse presidenti i ri amerikan ka marrë detyrën më 20 janar, Merkel ka folur fuqishëm në favor të politikave që Trump i ka kundërshtuar.

Merkel ka kundërshtuar deklaratat e Trumpit se NATO është një “aleancë e vjetëruar”, duke thënë se “sfidat e botës sonë sot nuk mund të menaxhohen nga ndonjë shtet individual”.

Merkel ka folur edhe në favor të agjendës së tregtisë multilaterale, të cilën Trump e ka vënë në pikëpyetje.

Ajo po ashtu ka thënë se “bashkëpunimi i ngushtë” midis Uashingtonit dhe Evropës duhet të bazohet në “vlera të përbashkëta”, përfshirë demokracinë, lirinë dhe respektin për të drejtat dhe dinjitetin e secilit individ.

Gjatë fushatës zgjedhore më 2016, Trump e ka cilësuar politikën e Merkelit për dyer të hapura për migrantët si “të çmendur”.

Trump refuzon të përshëndetet me Merkel

Presidenti e ka përshëndetur lideren gjermane Angela Merkel, me një shtrëngim duarsh kur ajo kishte arritur megjithatë siç duket ka refuzuar ta bëj një gjë të tillë para kamerave.

Periskopi.com Lajme

Në disa pamje kur fotografët kërkojnë një shtrëngim duarsh për të realizuar fotografi, Merkel dëgjohet të thotë “Dëshiron të përshëndetemi me shtrëngim duarsh?”, shkruan The Independent.

Trump kthehet për pak kohë kah ajo mirëpo vazhdon qëndrimin e tij me duar së bashku.

Edhe pse paraqitja e tyre e përbashkët ishte e ftohtë, të dy liderët e kanë përshkruar takimin si shumë të mirë.

Komisioni i Senatit: Trump nuk është përgjuar

Udhëheqësit republikanë dhe demokratë, që bëjnë pjesë në Komisionin për Zbulim të Senatit, kanë bërë të ditur se nuk kanë gjetur prova për të mbështetur pretendimet e Presidentit të Shteteve të Bashkuara, Donald Trump, se administrata e ish Presidentit Barack Obama, ka përgjuar telefonat e tij gjatë fushatës presidenciale në vitin 2016, raporton Reuters.

Periskopi.com Lajme

“Bazuar në të dhënat që janë në dispozicion për ne, ne nuk shohim ndonjë shenjë se kulla Trump ishte objektiv i mbikëqyrjes së qeverisë amerikane, qoftë para ose pas ditës së zgjedhjeve të vitit 2016”, thuhet në njoftimin e senatorëve amerikanë.

Nuk ka dëshmi për përgjimin e Trump

Kongresistët amerikanë të specializuar për raportim deklaruan të mërkurën se nuk disponojnë me kurrfarë faktesh, të cilat do të dëshmonin akuzat e presidentit Donald Trump se ishte i përgjuar me urdhër të pararendësit të tij Barack Obama.

Periskopi.com Uncategorized

“Nuk kemi kurrfarë faktesh se ka ndodhur kjo”, tha Devin Nunes, kryetari republikan i Komitetit të Inteligjencës, i cili po heton në lidhje me përfshirjen e Rusisë në zgjedhjet presidenciale amerikane.

Nunes pas bisedave lidhur me këtë temë tha se nuk mendon se ka pasur përgjim të vërtetë në Trump Tower në Nju Jork, ku Trump kishte qëndruar para zgjedhjeve, transmeton KosovaPress.

Donald Trump në disa porosi të publikuara në Twitter më 4 mars akuzoi Barack Obama se ka përgjuar linjat e tij telefonike para zgjedhjeve të 8 nëntorit.

Zëdhënësi i Obama, Kevin Lewis, ka hedhur poshtë akuzat, duke thënë se as presidenti Obama dhe asnjë zyrtar tjetër i Shtëpisë së Bardhë nuk kanë urdhëruar përgjimin të asnjë shtetasi amerikan.

Akuzat e Trump i ka hedhur poshtë edhe drejtori i FBI-së, James Comey.

Sipas ligjit amerikan, gjykata federale duhet të ketë dyshime bazike se është qendër e përgjimeve “agjenti i fuqisë së huaj”, në mënyrë që të lejojë kërkesën për mbikëqyrje elektronike të Trump Tower.

Donald Trump dhe standardi i dollarit

Pjesërisht, Trumpizmi është shprehje e lodhjes së amerikanëve që duhet të mbajnë një barrë të rëndë e cila e ka zanafillën 70 vite më parë. Donald Trump ka folur shumë më pak për dollarin sesa ka folur për të shmangur aleatët e NATO-s apo sesi të mashtrojë partnerët në tregti, shkruan The Economist.

Periskopi.com Lajme

 

Megjithatë, standardi i dollarit është një nga shtyllat më të rrezikuara të stabilitetit global.

Ashtu si edhe shumë aspekte të tjera të hegjemonisë amerikane, rritja e dollarit ka qenë më e rëndësishme sa edhe vetë globalizimi.

Në sistemin e Bretton Woods në sistemim e hartuar për botën e pasluftës, ekonomitë perëndimore i ndryshuan normat e tyre të këmbimit në varësi të dollarit, ku ky i fundit varej nga çmimi i arit. Pas thyerjes së këtij sistemi nga presionet inflacioniste të viteve 1970, dollari u bë më i rëndësishëm se kurrë.

Teksa ekonomitë hapën tregjet e tyre të kapitalit në vitet 1980 dhe 1990, flukset e kapitaleve globale filluan të vërshonin. Megjithatë, shumica e qeverive kërkuan të stabilizonin kursin e këmbimit. Ata filluan t’i menaxhonin normat e tyre të kursit të këmbimit duke marrë si bazë shtyllat e rezervave valutore të huaja.

Rezervat globale janë rritur nga 1 trillion dollarë në 1980 deri në më shumë se 10 trilionë në ditët e sotme. Si rezultat i kësaj, Amerika gëzon një pushtet të madh financiar dhe ajo mund të shkojë deri aty sa të shkaktojë një krizë tronditëse nëse redukton furnizimin me monedhën e dollarit.

Kur Rezerva Federale të përmirësojë politikën monetare, efektet do të ndihen në të gjithë ekonominë globale. Hélène Rey nga Shkolla e Biznesit të Londrës argumenton se pavarësisht nga asetet e tyre, shumë ekonomi kanë humbur kontrollin mbi politikën e tyre të brendshme monetare, si pasojë e efektit të Politikës Federale mbi urinë globale.

Liderët e ekonomive të tjera nuk bien dakord në këtë. Gjatë kulmit të Bretton Woods, Valeri Zhiskar d’Esten, ministri francez i Financave (më vonë u bë President), u ankuan për “privilegjin e tepruar” të gëzuar nga emetuesi i monedhës së rezervave në mbarë botën.

Përqendrimi i Amerikës në pasuritë e saj të jashtme është shumë më i lartë se sa fitimet e investitorëve të huaj në pasuritë e amerikanëve.

Kjo rrjedhë e të ardhurave nga investimet e lejon Amerikën të vazhdojë të blejë më shumë sesa ajo aktualisht prodhon, nga viti në vit, nga dekada në dekadë.

Kjo gjë duket se është kthyer në privilegj për Amerikën që duket më e uritur se kurrë. Një monedhë e mbivlerësuar dhe deficitet e vazhdueshme tregtare janë të mjaftueshme për konsumatorët e Amerikës, por njëkohësisht të dhimbshme për prodhuesit e saj. Akumulimi i rezervës së dy dekadave të fundit ka ecur paralelisht me deficitin e llogarisë rrjedhëse në Amerikë.

Importet janë rritur më shpejt se eksportet; vendet e reja të punës në industritë eksportuese nuk kanë qenë të mjaftueshme për të plotësuar nevojat. Vendosja e taksave nuk mund ta rregullojë këtë problem. Hendeku i llogarisë aktuale është produkt i flukseve themelore financiare dhe tatimit të importeve që do të shkaktojë vetëm rritje të dollarit.

Amerika e privilegjuar shkakton gjithashtu rritje të pabarazisë, sepse teksa punëtorët në fabrika humbasin punën e tyre, rritja e performancës së investimeve ia mbush kuletën më shumë amerikanëve.

Duke qenë se të pasurit janë më pak të prirë për të shpenzuar një dollar më shumë se punonjësit e thjeshtë, ky ndryshim në burim krijon dobësim të kërkesës dhe ngadalësim të rritjes ekonomike, përveç rastit kur borxhi i konsumatorit rritet dhe të pasurit t’ia kalojnë fuqinë blerëse të tjerëve. Teksa çmimi i bonove të sigurta rritet, normat e tyre bien afër zeros, duke i lënë bankat qendrore me gjithnjë e më pak mundësi për të rritur ekonomitë e tyre sidomos kur ato mund të jenë në telashe.

Një epokë e re e artë

Një zgjidhje e mirë duket qartazi në horizont – dollari duhet ta ndajë gjithë këtë peshë edhe me monedhat e tjera. Por një prej kandidatëve, jeni kinez, pengohet nga limitet e shumta të tregjeve financiare kineze.

Roli i euros është i kufizuar nga rreziku ekzistencial politik dhe mungesa e obligacioneve të sigurta në këtë monedhë. Për më tepër, ekonomitë e mëdha të botërore kanë më shumë për të humbur sesa për të fituar, nëse merr fund hegjemonia monetare amerikane. Këtu mund të përmendim, tepricat e tregjeve të tyre, vlera e shtyllave të shumta të aktiveve në monedhën e dollarit, etj.

Historia sugjeron dy mënyra sipas të cilave z. Trump mund “të minojnë” rolin e dollarit. Bretton Woods falimentoi si rezultat i një krisjeje fatale: qeveritë ishin të dëshpëruara për dollarë, por teksa ishin të impenjuara në përfitimin e sa më shumë prej tyre, ranë në një inflacion, gjë kjo që e bëri këtë epokë të artë të paqëndrueshme.

Në mënyrë të ngjashme, duhet që përpjekjet e z. Trump për ta pozicionuar sërish Amerikën në vend të parë nëpërmjet shkurtimit të taksave dhe shpenzimeve mund të çojë në deficite buxhetore gjithnjë e më të mëdha, inflacioni do të rritet dhe asetet amerikane do të humbasin shkëlqimin e tyre. Amerika mund të ngjajë e njëjta me atë të viteve 1970, përsëri me çmime dhe norma interesi të larta, por e lirë, pa barrën e rëndë mbi supe. Do të ishte tragjike nëse mësimet e nxjerra gjatë rrjedhës së historisë që tashmë i përkasin të kaluarës të ndodhnin sërish.

Trump shkarkon 46 prokurorë të emëruar nga Obama

Administrata republikane e presidentit Donald Trump përjashtoi nga strukturat e Departamentit amerikan të Drejtësisë duke u parashtruar kërkesë për të paraqitur aktin e dorëheqjes 46 prokurorëve federalë të emëruar nga ish-presidenti demokrat, Barack Obama.

Periskopi.com Lajme

Preet Bharara, prokuror i Manhatanit, gjithashtu pjesë e kësaj liste, edhe pse ishte takuar me presidentin Trump përpara marrjes zyrtarisht të detyrës së këtij të fundit, i kishte kërkuar në atë kohë për të qëndruar në postin e tij.

Sarah Isgur Flores, zëdhënëse e Departamentit të Drejtësisë saktësoi se ministri i Drejtësisë, Jeff Sessions u ka kërkuar 46 prokurorëve në detyrë që janë emëruar nga presidenti Obama, për të paraqitur dorëheqjen për të siguruar një tranzicion uniform.

“Derisa këto poste të plotësohen përsëri, prokurorët e karrierës që punojnë në strukturat e brendshme të Departamentit të Drejtësisë do të vijojnë misionin e tyre të përditshëm që konsiston në mbarëvajtjen dhe drejtimin e dosjeve hetimore dhe për të penguar kriminelët e dhunshëm”, shtoi më tej zëdhënësja.

Trump fton presidentin Palestinez në Shtëpinë e Bardhë

Presidenti amerikane, Donald Trump e ftoi sot homologun e tij palestinez, Mahmoud Abbas, ta vizitojë në Shtëpinë e Bardhë për të gjetur një mënyrë për rifillimin e përpjekjeve të paqes me Izraelin, njoftoi presidenca palestineze.

Periskopi.com Lajme

“Gjatë bisedës së tyre të parë telefonike që prej marrjes së funksioneve të Trump më 20 janar, Presidenti amerikan ftoi Abbasin të vijë sa më shpejtë të diskutojë për mënyrat e rifillimit të procesit politik”, tha presidenca palestineze e cituar nga agjencia zyrtare e lajmeve “Wafa”.

“Trump ka theksuar angazhimin e tij në favor të një procesi paqeje që të sjellë një paqe të vërtetë mes Palestinezëve dhe Izraelitëve”, thuhet në këtë komunikatë.

New Yorku e Washingtoni çojnë në gjykatë ndalesën e dytë të Trumpit

Shtetet e New Yorkut dhe Washingtonit do ta dërgojnë në gjykatë ndalesën e dytë të Presidentit Trump ndaj qytetarëve të 6 shteteve me shumicë myslimane.

Periskopi.com Lajme

New Yorku thotë se ndalesa e re është diskriminuese ndaj myslimanëve, kurse Washingtoni pohon se është vendim i dëmshëm për këtë shtet.

Raportohet se të njëjtën gjë do ta bëjnë edhe shtetet e Minnesotas dhe Oregonit, në përpjekje për të bllokuar ndalesën që hyn në fuqi më 16 mars.

Hawaii tashmë e ka dërguar në gjykatë vendimin, duke thënë se ai e dëmton popullatën e vet myslimane, turizmin dhe studentët e huaj.