Trump do të shkarkojë këshilltarin e posaçëm që heton lidhjet me Rusinë?!

Periskopi.com Lajme

 

Një bashkëpunëtor i afërt i presidentit të Shteteve të Bashkuara, Donald Trump, tha se ky i fundit po shqyrton shkarkimin e këshilltarit të posaçëm, Robert Mueller, të cilin Departamenti i Drejtësisë e emëroi muajin e kaluar, për të hetuar lidhjet e Rusisë me fushatën e Trumpit.

“Mendoj se ai është duke shqyrtuar ndoshta shkarkimin e këshilltarit të posaçëm. Mendoj se po e mat këtë opsion”, tha Christopher Ruddy, shef ekzekutiv i Newsmax Media-s dhe mik i Trumpit, për PBS NewsHour.

“Mendoj se është shumë e qartë nga ajo që tha njëri prej avokatëve të tij së voni”, tha Ruddy, me sa duket duke iu referuar avokatit të Trumpit, Marc Kasowitz, i cili ka thënë se Trump është “shfajësuar” me dëshminë e ish-drejtorit të FBI-së, James Comey, javën e kaluar.

Në këtë dëshmi, Comey ka thënë se Trump personalisht nuk ka bashkëpunuar me Rusinë.

“Unë personalisht mendoj se do të ishte gabim shumë i madh shkarkimi i Muellerit”, shtoi ai.

Ruddy po ashtu tha se Mueller ishte në shqyrtim për postin e drejtorit të FBI-së para se të emërohej këshilltar i posaçëm.

Zëdhënësi i Shtëpisë së Bardhë, Sean Spicer, tha më vonë se Ruddy “nuk ka folur kurrë me presidentin për këtë çështje”.

Reklamë
Reklamë

Sokrati përballë Trumpit

Periskopi.com Intervista

Politologu më i klikuar në Internet shpjegon përse filozofi është një model për demokracinë në krizë.

Për Michael Sandel, ideja se vala populiste varet vetëm nga emigracioni dhe ekonomia është e gabuar. “Kush mendon kështu nuk e sheh, se ka pikësëpari arsye morale dhe kulturore. Dhe shqetësimi im – përsërit ai – është se elitat liberale nuk mund ta kuptojnë këtë gjë”. Ky filozof politik amerikan, 64 vjeç, autor i “Liberalizmi dhe kufijtë e drejtësisë”, dhe librit më të fundit “Ajo që paratë nuk mund të blejnë. Kufijtë moralë të tregjeve”, mban leksione në Harvard me një qartësi legjendare. Një nga kurset e tij të drejtësisë është klikuar në Youtube shtatë milionë e gjysmë herë. Protagonist i betejës filozofike ndërmjet liberalëve si John Raëls dhe komunitarianëve si si Macintyre dhe Taylor, ka kontribuar për një ndryshim në filozofinë politike, në pozicione më të pranueshme për dallimet kulturore dhe traditat e qytetarëve në sferën publike. Në Forumin Davos ai ka përdorur metaforën e sky-box (emri i kabinave të luksit në stadiumet e bejsbollit). Një hendek ndan ata që janë në krye, nga njerëzit e thjeshtë.

Në Davos nuk kishte studentë, por ishte sky-box e politikës dhe ekonomisë. Çfarë u thatë?

Që ata nuk e kanë kuptuar sensin e protestës populiste. Problemi nuk lind vetëm nga papunësia dhe frika prej emigrantëve, por humbja e vlerësimit dhe ndryshimeve progresive të identitetit social dhe politik. Protesta ka aspekte të tmerrshme dhe të rrezikshme, por është e bazuar në pakënaqësitë legjitime nga ana e atyre që ndihen të dobësuar prej tre dekadave globalizim neoliberal. Pasioni dhe pakënaqësia që i japin forcë populizmit kanë të bëjnë me humbjen e statusit, përçmimin vuajtur nga klasa e mesme, punëtorët, njerëzit.

Ju kuptuan?

Nuk kam asnjë iluzion.

Kritikat tuaja ndaj limiteve të liberalizmit kanë një histori të gjatë, duke filluar në vitet tetëdhjetë. Po cili liberalizëm?

Shkruaja si kritik për liberalizmin, por si kritik miqësor, kundër tezës se diskursi liberal publik nuk duhet të përqëndrohet në çështje thelbësore, në lidhje me atë që është një jetë të mirë, se qeveria dhe ligji duhet të mbeten neutralë kundrejt koncepteve konkurrues, mbi mënyrën se si duhet të kuptohet e mira.

Cilat ishin kundërshtimet kryesore?

Ishin dy: e para që nuk mund të përcaktosh çështjet themelore të drejtësisë pa u përballur me koncepte të ndryshme të jetës së mirë; e dyta që, mbajtja larg diskursit publik e asaj që është e mirë, krijon një vakum në lidhje me atë që u intereson qytetarëve, gjë e cila përjashton zërin e tyre mbi çështje të rëndësishme. Ky përjashtim shkakton një kundërgoditje të papëlqyeshme: Disa e mbushin boshllëkun me pikëpamje jotolerante.

Eshtë ajo që shohim sot?

Ekzaktësisht: një revoltë populiste kundër një diskursi publik të llojit teknokratik dhe menaxherial, që identifikohet me një besim triumfalist tek tregu, dhe që ka dhënë me “outsourcing” gjykimin politik dhe moral. Ky proces nisi në vitet tetëdhjetë me Reaganin dhe Thatcherin, por vazhdoi me partitë e qendrës së majtë: Clinton, Blair, Schroeder nga njëra anë sigurisht që moderuan besimin tek tregu, por nga ana tjetër e konsoliduan atë. Nuk u vu asnjëherë në diskutim premtimi që mekanizmat e tregut janë instrumenta parësorë për të realizuar të mirën publike.

Por një farë neutraliteti në konceptin e të mirës mban në fre autoritarizmat.

Që nga vitet tetëdhjetë natyrshëm jam përballur me këtë kundërshtim dhe gjithmonë jam përgjigjur se kam të drejtë në tezën time që një diskurs publik neutral nuk mund të na japë parimet për një shoqëri të drejtë, atëherë kjo këmbëngulje u perceptua si një kërkesë shtypjeje, edhe e pandershme, sepse njerëzit e dinë që vendimet që merren nuk presin zërin e tyre.

Kjo protestë merr forma shumë pak liberale

Efekti paradoksal është që liberalizmi i neutralitetit, që lind mbi të gjitha nga qëllimi për të shmangur riskun e autoritarizmit, krijon në fakt kushtet për një politikë autoritare, sepse prodhon një reagim kundër elitave liberale që ka marrë dy forma: fondamentalizmi fetar dhe nacionalizmi populist i të djathtës, një tjetër mënyrë për të veshur një sferë publike lakuriqe.

Në reshtat e fundit të librit tuaj “Pakënaqësia e Demokracisë”, njëzetë vite më parë ju thoshit se “qeniet njerëzore janë bërë për të rrëfyer histori” dhe si pasojë, rebelohen ndaj tendencën liberale për të eleminuar rrëfimet. Po si mund të pajtohen rrëfimi dhe liria?

Eshtë sfida e kohës sonë. Tema qendrore e politikës është përkatësia në komunitet dhe domethënia e saj. Si qytetarë demokratikë të shoqërive pluraliste ne banojmë brenda një pluraliteti komunitetesh dhe identitetet tona përcaktohen në mënyra të shumta. Kjo nënkupton që duhet të nxjerrim sëbashku atë që na nevojitet nga rrëfimet dhe traditat.

Po në një shoqëri tolerante, si mundet kjo përballje të respektojë pluralizmin?

Ka dy mënyra të ndryshme për të përballur temën e respektit reciprok. Njëra është ajo e “shmangjes” së njëri-tjetrit. Kjo na shtyn të gjejmë mënyra për të arsyetuar haptaz mbi dallimet dhe inkurajon të gjithë qytetarët që të mos lënë jashtë nga sfera publike, bindjet morale dhe spirituale, por që të hyjnë ashtu si janë, krejtësisht të “pajisur” me traditat, kulturat, bindjet e tyre morale.

Përse revolta populiste godet më shumë partitë progresiste?

Sepse është ndjerë se kanë qenë më të lidhura me elitat profesionale dhe teknokratike se sa me njerëzit e zakonshëm, që përbënin bazën e tyre. Për të rigjallëruar projektin socialdemokratik duhet që pikësëpari të ri-imagjinohet domethënia, fushëveprimi dhe dinjiteti i punës. Së dyti duhet t’i jepet vlerë domethënies së komunitetit kombëtar, pa lejuar që patriotizmi të bëhet monopol i populistëve.

Qartësia juaj në leksionet që jepni është legjendë. Si ia keni dalë?

Jam dahsuruar vonë me filozofinë, pas diplomimit. Shumë filozofë orientohen në thelb nga filozofë të tjerë; unë përpiqem ta lidh filozofinë me jetën. Sokrati ecte në rrugët e Athinës duke biseduar me njerëzit e zakonshëm: fillonte me pyetje elementare dhe i shpinte të përballeshin me pyetje themelore të drejtësisë dhe të mirës. Unë përpiqem të imitoj atë model, sipas mënyrës time. / La Repubblica – Në shqip nga bota.al

Reklamë
Reklamë

Trump ‘godet’ klimën, bota reagon kundër SHBA’së

Periskopi.com Lajme

Bashkimi Evropian dhe Rusia kanë reaguar për tërheqjen e Shteteve të Bashkuara të Amerikës nga marrëveshja për ndryshimet klimaterike të arritur në Paris.

Beteja ndaj ndryshimeve klimaterike sot është më e rëndësishme se dje dhe Kina e Bashkimi Evropian janë në të njëjtën linjë për të gjetur një zgjidhje të përbashkët, transmeton Periskopi

Deklarata është bërë nga presidenti i Komisionit Evropian Zhan Klod Junker në hapje të samitit të biznesit Kinë – BE. Junker theksoi rëndësinë e një implementimi të plotë të marrëveshjes së Parisit dhe pohoi se linja e përbashkët e BE dhe Kinës është një mesazh i qartë për botën: Nuk do të ketë hapa prapa nga marrëveshja e Parisit.

Por dhe Moska ka reaguar me anë të një deklarate për shtyp duke thënë se është detyruar të pranojë këtë vendim dhe pse me hidhërim.

Kreu i komisionit të çështjeve të jashtme në Dumën ruse Leonid Slatski shtoi se shpresonte që shqetësimet si pasojë e vendimit të Uashingtonit të mos realizoheshin dhe që Rusia dhe Kina të bënin të pamundurën për të përmbushur marrëveshjen./ Periskopi

Reklamë
Reklamë

CNN largon nga puna komiken për shkak të fotos me kokën e Trump

Periskopi.com Lajme

Televizioni amerikan CNN ka shkarkuar të mërkurën komiken Keti Grifin për shkak të fotografisë me kokën e përgjakur të presidentit amerikan Donald Trump.

Grifin (56), e cila ishte drejtuese e programit të Vitit të Ri të CNN në dhjetë vjetët e fundit, dje ka kërkuar falje për shkak të fotografisë dhe ka thënë se ka lutur fotografin Tajler Shilds që ta heqë nga interneti, por kjo ishte e pamjaftueshme që ajo të mbajë punën në CNN, transmeton AFP.

Trump sot më herët ka porositur komiken se duhet të turpërohet për shkak të fotografisë, transmeton AP.

Edhe zonja e parë, Melania ka kritikuar foton shqetësuese, duke vënë në pyetje shëndetin mental të komikes Grifin, e cila dy herë ka fituar shpërblimin “Emi” për shoun “Jeta ime në listën D”.

Fotografia ka shkaktuar reaksione të bujshme dhe shumë përdorues të rrjeteve shoqërore kanë kërkuar që Grifin të arrestohet.

Reklamë
Reklamë

Konfirmon Vatikani: Ja kur do të takohen Papa Françesku dhe Donald Trump

Periskopi.com Lajme

Papa Françesku dhe Presidenti amerikan, Donald Trump, do te takohen në 24 maj, njoftoi të enjten Selia e Shenjtë.

Pritja në Selinë e Shenjtë do të bëhet në kuadër të vizitës së parë jashtë vendit të Presidentit Trump pas marrjes së detyrës.

“Personi që dëshiron të ngrejë mure dhe jo ura, nuk është i krishterë”, kishte thënë Papa gjatë fushatës presidenciale, duke zemëruar miliarderin amerikan, që tha se një udhëheqës fetar kishte vënë në pyetje besimin e një personi tjetër.

Trump gjithashtu kritikoi hapur Papën kur ai kishte thënë se nuk i kupton problemet e Shteteve të Bashkuara të Amerikës.

Gjatë kësaj vizite Trump do të vizitojë edhe Arabinë Saudite, Izraelin dhe Italinë.

Reklamë
Reklamë

Bugajski flet nga Prishtina, për krizën në Ballkan dhe fajin që ka Serbia

Periskopi.com Lajme

Më datë 3 maj, është mbajtur ligjërata “Kriza në Ballkan dhe administrata e Trump-it” nga analisti i mirënjohur politik, Janusz Bugajski, i cili ka shërbyer edhe si konsulent për çështjet e Evropës Lindore për organizata dhe agjenci të ndryshme qeveritare në SHBA.

Ligjërata konsistoi në diskutimin mbi gjendjen aktuale në shtetet e Ballkanit dhe ndikimin që do të ketë administrata e Trump në këtë rajon.

Bugajski theksoi disa pika kyçe për krizën e cila e ka kapluar Ballkanin dhe faktorët që do mund t’i shkaktonin krizat e tjera potenciale. E para, ka të bëjë me frustrimin ekonomik në gjendjen ekonomike në rajon, duke nënvizuar shkallën e lartë të papunësisë tek të rinjtë në vendet si Spanja, Italia dhe Greqia. Ky lloj frustrimi ekonomik shumë lehtë mund të përkthehet në kartë politike të partive opozitare, duke shkaktuar lloje të ndryshme të popullizmit. Gjithashtu, sipas Bugajskit, partitë politike në Ballkan janë të ngarkuara ideologjikisht, dhe madje të pozicionuara në krahët ekstrem të së majtës dhe të djathtës, çfarë edhe ka bërë redikalizimin e mjeteve kundërshtuese të përtive opozitare.

Pika e dytë, sipas Bugajskit ka të bëjë me autoritarizmin në rritje e sipër nga dy shtetet më problematike në Ballkan, Serbia dhe Maqedonia. Ku sipas tij, në këto dy vende jo vetëm partitë opozitare por edhe shoqëria civile kanë pretenduar se shteti është i kapur nga partitë në pushtet. Në lidhje me këtë Bugajski shtoi: “Qëllimi i shumë partive politike në Ballkan është të fusin duart deri tek ligji, dhe në këtë mënyrë të arrijnë të mbajnë sa më gjatë vetën e tyre në pushtet. Një formë tipike e autoritarizmit, është vërejtur në Maqedoni, ku partia në pushtet është akuzuar për përgjime të partisë kundërshtare e deri tek anëtarët e bashkësisë”.

Pikën e tretë, Bugajski e shikon te numri i madh i protestave nga organizatat e shoqërisë civile dhe nga partitë opozitare, ku kohët e fundit kemi parë protesta në Serbi dhe në Bosnjë. Ai theksoi faktin se këto protesta mund të shkojnë drejt popullizmit.

Së këndejmi, Bugajski vendosi në fokus problemin e përshkallëzimit etnik që krijon një ndarje mes miqve dhe armiqve. Kjo sipas tij kjo është manifestuar në Maqedoni, ku lidhja e social-demokratëve dhe grupit të integrimit Evropian është bllokuar. Shqiptarët janë ndarë në një tabor të caktuar politik duke u lënë vazhdimisht jashtë politikbërjes. Problemi tjetër sipas Bugajskit qëndron edhe te ideja e ndarjes së shqiptarëve dhe krijimi i Shqipërisë së madhe, e cila është duke u përdorur nga qarqe të caktuara në rajon. Në këtë linjë, shqetësimi kryesor për Ballkanin Bugajski e shikon te Nacionalizmi, i cili është në rritje e sipër në vendet në këtë rajon.

Gjatë ligjëratës Bugajski përmendi edhe konfliktin për kufijtë. Dhe, shembull primar këtu sipas tij është Kosova, ku tensionet jane ngritur mes lidereve shqiptare dhe atyre serb, per te shkaktuar legjitimitetin e lidereve serb apo shqiptar. Në lidhje me këtë Bugajski shtoi: “Konfliktet etnike që ndodhin në një vend, mund të shpërndahen në shtetet fqinje. Mbaj mend 26 vjet më parë që secili konflikt mund të jetë destabilizes për rajonin, dhe kjo ishte pikërisht në shpërbërjen e Jugosllavisë. Pika ime ishte se konflikti më potencial është përbrenda Maqedonisë. Madje edhe konfliktet serbo-kroate, Kosove-Serbi, Bosnje-Serbi, te gjitha këto mund të përmbaheshin brenda Jugosllavisë. Por konflikti në Maqedoni nuk mund të permbahet dhe kjo gjithsesi ka pasur gjasa më të medha të perfshijë në konflikt Kosovën, Greqinë, Bullgarinë etj. Dhe të gjitha këto janë në të kundërtën e interesit të Kosovës”.

Gjithashtu, u pohua se partitë poltike te cilat rrezikohen nga humbja e pushtetit, e kanë zakon të drejtojnë gishtin nga faktore te jashtem potencial. Një situatë e tillë haset në rastin e Soros, ku janë të përfshira partitë në Shqipëri, Hungari dhe Maqedoni.

Në pikën e fundit, Bugajski trajtoi çështjen e Rusisë dhe intereset e saj per rajonin. Ai tregoi që Rusia vazhdon të jetë e interesuar per Ballkanin. Ku, ndër të tjerash, kemi një situate ku Rusia do të shfrytëzoj këtë situatë për të zgjatur ndikimin në Ballkan, për ta lënë zonen e Ballkanit një zonë të targetuar nga Rusia. Shqetësimin kryesor këtu ai e shikon në rritjen e ndjenjave anti-amerikane.

Në fund të ligjëratës, Bugajski shtoi disa fjalë për presidentin e SHBA-ve, Donald Trump. Sipas tij, gjërat kane ndryshuar ne javët e fundit. Ai vendosi në diskutim slloganin “Amerika e para” (America First). Dhe, Bugajski tregon se kjo mund te ketë dy  kuptime. Domethënia e parë ka të bëjë me atë se ne jemi të parët ne botë dhe do të sigurohemi për këtë. E dyta, Amerika është e para dhe te vetmit, nuk na nevojitet bota. Bugajski vazhdoi duke thënë së Trumpi është duke bërë një ndryshim nga Amerika e vetmuar në udhëheqësen e botës. Kjo vërehet edhe në disa veprime të tij, ku gjatë fushates Trump e konsideronte NATO-n si të vjeteruar: “Së pari, Trump ka shtyrë  çeshtjen se vendet që janë anëtare te natos të shkojnë me rritje të GDP-së deri ne 2%. Trump e ka përqendruar vëmendjen e nje numri të madh të vendeve në këtë çeshtje. Fakti i dytë pozitiv është një ekip i jashtzakonshëm kompetent i sigurisë që Trump e ka vendosur në SHBA. Dhe kemi një numër të madh të njerëzve të cilët kanë hyrë në administratë, dhe kanë një përkushtim të madh për një rol internacionalist te SHBA-ve. Një numër i madh i politikave që kanë qenë në agjendën e Trump si ato izolative janë shtyrë anash. Sikurse e dini prioritetet kryesore te sigurisë Amerikane, janë në lindje të mesme, Kore e Veriut, Afganistan, ndersa Ballkani është mjaft poshtë në listë. Kjo nuk është specialitet i Trupm, por i administratave paraprake”.

Një nga pyetjet e studentëve drejtuar Bugajskit, ishte edhe çështja e krijimit të ushtrisë së Kosovës. Dhe, në lidhje me ushtrine e Kosoves, ai u shpreh se  Kosova duhet ta krijoj ushtrinë, çeshtja eshte sa do te zgjas krijimi saj: “Ketu presidenti Thaçi ka pasur te drejtë, mirëpo ka gabuar ne lidhje me menyren se si e ka bere. Duhet të ekzistoj nje mekanizem, nje plan dhe duhet te ekzistoj perkrahja teknike dhe politik”.

Bugajski përfundoi ligjëratën e tij, duke thënë që ajo çfarë kemi mësuar në 25 vitet e fundit është se pa SHBA-në Kosova nuk do të ishte e pavarur.

Reklamë
Reklamë

Trump nënshkruan urdhrin e ri për fenë, ja për çfarë bëhet fjalë

Periskopi.com Lajme

Presidenti Donald Trump ka lehtësuar rregulloret qeveritare që nuk lejonin institucionet fetare të përjashtuara nga taksat të merrnin pjesë në aktivitet politik.

Presidenti nënshkroi një urdhër ekzekutiv të enjten që i jep agjencisë së vjeljes së taksave “autoritetet maksimal” për të vendosur vetë në lidhje me aktivitetin politik të grupeve fetare, megjithëse rregullorja rrallë herë zbatohej në realitet.

Po në këtë urdhër ekzekutiv, presidenti lehtëson rregulloret mbi grupet fetare në lidhje me disa klauzola të ligjit për kujdes shëndetësor të miratuar gjatë administratës Obama.

Në bazë të ligjit Obamacare, këto shoqata ishin të detyruara të paguanin për sigurime shëndetësore për punonjësit e tyre, në të cilat përfshiheshin forma të planifikimit familjar dhe masa të tjera që disa grupe fetare i kundështojnë.

Urdhri i ri ekzekutiv u ofron grupeve fetare liri më të madhe veprimi për të vendosur mbi këto plane sigurimesh.

Presidenti Trump e nënshkroi urdhrin ekzekutiv gjatë një takimi me përfaqësues të grupeve konservatore të krishtera në Shtëpinë e Bardhë gjatë një aktiviteti të cilësuar si Dita Kombëtare e Lutjeve. /VOA.

Reklamë
Reklamë

Parashikoi fitoren e Trumpit, tash ka një parashikim për Francën: Evropa do të tronditet

Periskopi.com Lajme

Analisti i njohur Charles Gave që parashikoi fitoren e Donald Trump në SHBA kur askush nuk e mendonte, thotë se Marine Le Pen do të fitojë në zgjedhjet e Francës.

Charles Gave, thotë se Le Pen do të dalë fituese.

Rundi i parë i votimeve do të mbahet këtë të diele derisa dy kandidatët e parë do të ballafaqohen në balotazh më 7 maj.

Kandidatja e ekstremit të djathtë në sondazhe është shumë afër Emmanuel Macron, i cili prinë. Ndërkohë kandidati konservator Francois Fillon është pak pas Le Pen, megjithëse u godit së fundi nga një skandal korrupsioni.

Reklamë
Reklamë

Donald Trump reagon pas sulmit në Paris, e quan sulm terrorist

Periskopi.com Lajme

Donald Trump ka reaguar ndaj të shtënave që ndodhën në Paris duke thënë se ky duket të jetë një tjetër sulm terrorist.

Ky është komenti i Presidentit Amerikan: ” Ky duket se është një tjetër sulm terrorist. Çka të themi, kjo nuk po mbaron. Duhet të jemi të fortë dhe vigjilent.”/ Periskopi

Reklamë
Reklamë

Njeriu që parashikoi fitoren e Trumpit, tregon se kur do ndodh Lufta e III Botërore

Periskopi.com Lajme

Enigmatiku i cili e parashikoi zgjedhjen e Trump si president, pretendon ta dijë datën e fillimit të Luftës së tretë botërore.

Ndoshta duhet të marrim shënime, për shkak se enigmatiku i cili e parashikoi saktësisht zgjedhjen e Trump dhe sulmin Amerikan në Siri, pretendon se e dinë datën e saktë të fillimit të Luftës së tretë botërore.

Horocio Villegas, i cili pretendon të jetë ‘ i dërguar i Zotit’, beson se lufta nukleare është shumë afër, përcjell Periskopi

Data e saktë thotë të jetë më 13 maj të vitit 2017, datë në të cilën shënohet përvjetori i  Virgjëreshës Maria të cilës i referohen edhe si  Zonja Jonë e cila thuhet se e vizitoi Fatiman më 13 maj, të vitit 1917 dhe kjo ishte poashtu dita kur ‘Zonja Jonë’ paralajmroi njerëzit se nëse Russët nuk do të konvertohen në Katolicizëm, Zoti do e përdorte këtë vend për të bërë trazira në botë.

Mendjemprehti katolik, i cili jeton në Teksas të SHBA-së, pretendon ta ketë parashikuar fitoren e Trump në vitin 2015, sipas Daily Star. Ai gjithashtu thuhet se ka parashikuar që biznismeni Amerikan do të bëhet ‘mbret i organizates Iluminati dhe të e shkaktojë Luftën e Tretë Botërore.

Se fundi ai tha për Daily Star : “ Kisha një ëndërr në të cilën shihja topa flake të binin nga qielli dhe që goditnin Tokën’.

Një nga parashikimet e tij tashmëështë bërë realitet, përderisa ato më seriozet pritet të realizohen në javët në vazhdim, sipas pretendimit të tij.

Villegas tha për gazetën se: “ Për të qenë të përgatitur, gjëja kryesore që njerëzit duhet ta dijnëështë se kjo luftë do të fillojë dhe mbarojë me vdekje dhe shkatërrime të shumta,  prej datës 13 të muajit maj deri më 13 tetor./ Periskopi

Reklamë
Reklamë

Trump serish paralajmëron Korenë Veriore

Periskopi.com Lajme

Presidenti i SHBA-ve, Donald Trump, i ka dërguar sonte Koresë Veriore paralajmërim të ri, duke e quajtur problem për të cilin do të përkujdeset.

Ai këto komente i bëri pasi u përgjigj në pyetjen rreth vendimit të ushtrisë amerikane që bombën e vet më të madhe jo nukleare ta hedhë në çerdhen e Shtetit Islam në Afganistan.

I pyetur nëse hedhja e kësaj bombe është porosi edhe për Korenë Veriore, e cila vazhdon programin e saj nuklear dhe armëve tjera, Trump tha se “Koreja Veriore është problem, ndërsa për këtë problem do të përkujdesemi”.

Trump dëshiron që Kina të ndihmojë që të vë nën kontroll Korenë Veriore.

Ndryshe, presidenti i SHBA-ve, Donald Trump dhe presidenti kinez Xi Jinping javën e kaluar në takimin në Florida diskutuan edhe për Korenë Veriore.

Reklamë
Reklamë

Sulmi me gaz, Trump: Assad nuk do të tolerohet më

“Aksionet e tmerrshme të regjimit të Assad nuk do të tolerohen më”.

Periskopi.com Lajme

Kështu ka deklaruar presidenti amerikan Donald Trump në një konferencë të përbashkët për shtyp me mbretin e Jordanisë në Shtëpinë e Bardhë.

“Kur gazi vret fëmijë dhe të sapolindur, për mua janë kaluar shumë vija, ajo e kuqe po e po”, ka thënë Trump.

Ai ka theksuar se, administrata Obama ka humbur një mundësi të artë për të zgjidhur krizën siriane.

“Sulmi kimik në Siri ishte i tmerrshëm. Nuk ka fjalë për ta përshkruar. Ishte një sulm ndaj njerëzimit”, ka vijuar Trump.

Nga sulmi me armë kimike në Siri mbetën të vrarë 72 persona, mes të cilëve 20 fëmijë dhe 17 gra.

Moska zyrtare mohoi që regjimi i Assad ta ketë kryer qëllimisht sulmin dhe refuzoi të njihte projekt/rezolutën e OKB-së. “Këto akuza janë një provokim”, ka thënë Kremlini, transmeton tch.

Ndërkohë, sulmi është dënuar edhe nga ati i shenjtë, Papa Françesku, që ka shprehur keqardhjen dhe e ka cilësuar si “të papranueshëm”.

Reklamë
Reklamë

Tramp: Do ta shkatërrojmë ISIS-in, për ta mbrojtur qytetërimin

Presidenti i Shteteve të Bashkuara të Amerikës, Donald Trump tha sot se Shtetet e Bashkuara dhe aleatët e saj, do ta shkatërrojnë Shtetin Islamik dhe do ta mbrojnë qytetërimin.

Periskopi.com Lajme

“Ne do të shkatërrojmë ISIS-in, për ta mbrojtur qytetërimin. Nuk kemi asnjë zgjidhje tjetër”, tha Tramp në një konferencë Shtëpinë e Bardhë të mbajtur me Mbretin e Jordanisë, Abdullah II.

Reklamë
Reklamë

Trump-Merkel do të diskutojnë për dhunën në Siri

Presidenti amerikan, Donald Trump do të diskutojë sot në telefon me kancelaren gjermane Angela Merkel për përgjigjen urgjente ndaj tallazit të fundit të dhunës në Siri.

Periskopi.com Lajme

Në sulmin, për të cilin dyshohet se është kryer me armë kimike, kanë humbur jetën 72 persona, në mesin e tyre 20 fëmijë, derisa janë lënduar më shumë se 160 njerëz.

Sulmi është dënuar nga bashkësia ndërkombëtare, derisa presidenti sirian Bashar al Asad ka demantuar se ushtria e tij të ketë përdorur substanca helmuese ose kimike.

Trump do të bisedojë edhe me kryeministrin japonez Shinzo Abeo, disa orë pasi Koreja Veriore ka shkrepur një raketë balistike në Detin e Japonisë, një ditë para takimit të presidentëve amerikan dhe kinez, në të cilin tema kryesore të diskutimit do të jenë programi nuklear verikorean dhe kontesti rreth Detit të Kinës Jugore.

Reklamë
Reklamë

Ivanka Trump edhe zyrtarisht bëhet pjesë e administratës së babait

Ivanka Trump zyrtarisht është këshilltare e presidentit të SHBA-ve

Periskopi.com Lajme

 

Ivanka Trump i është bashkuar zyrtarisht administratës së babait të saj si një punonjëse pa pagesë me titullin Asistente e Presidentit, thotë Shtëpia e Bardhë.

Trump tha se ajo ‘ka dëgjuar shqetësimet që i kanë disa për rolin tim këshillues për presidentin në kapacitetin personal, ndonëse duke respektuar vullnetarisht rregullat e etikës’, shkruan CNN.

“Do të shërbej si një punonjëse pa pagesë në një zyrë në Shtëpinë e Bardhë, duke respektuar të njëjtat rregulla si punonjësit e tjerë federalë”, ka deklaruar Ivanka Trump.

Reklamë
Reklamë

Trump dhe Merkel folën për refugjatët

“Emigracioni është një privilegj, jo një e drejtë”, është shprehur këtë të premte presidenti amerikan Donald Tumop, gjatë një konference të përbashkët për mediat me kancelaren gjermane, Angela Mergel.

Periskopi.com Lajme

Ndërsa kancelaria Merkel, teksa ka folur për emigracionin është shprehur: “Ne duhet të mbrojmë kufijtë tanë, por duhet edhe të shikojmë refugjatët që ia mbathin nga luftërat dhe varfëria”.

Presidenti amerikan Trump i ka dhënë “mbështetje të fuqishme” NATO-s, por ka përsëritur nevojën që aleatët të paguajnë “ndarje të drejtë” të kuotës financiare.

Më herët, ata kanë zhvilluar një takim ballë për ballë në Zyrën Ovale.

Trump ka mirëpritur kancelaren gjermane Angela Merkel, i qeshur dhe me një shtrëngim duarsh të shpejtë, kur ajo arriti në Shtëpinë e Bardhë, por duket se ka injoruar kërkesën për një shtrëngim duarsh për përdorim të fotografëve në Zyrën Ovale.

Reklamë
Reklamë

Trump në takim me Merkelin, thekson mbështetjen për NATO-n

Presidenti i Shteteve të Bashkuara, Donald Trump, shprehu "mbështetjen e fuqishme" të Uashingtonit për NATO-n, gjatë takimit me kancelaren gjermane, Angela Merkel, në Shtëpinë e Bardhë.

Periskopi.com Lajme

Trump, megjithatë, shtoi se vendet anëtare të aleancës ushtarake duhet të paguajnë “barrën e njëjtë” për mbrojtje.

Ai tha se e falënderon kancelaren Merkel për angazhimin e Qeverisë gjermane për të rritur shpenzimet në mbrojtje.

Trump po ashtu theksoi nevojën për “zgjidhje paqësore” të krizës në Ukrainë.

Merkel, në anën tjetër, tha se marrëdhëniet me Rusinë duhet të përmirësohen, porse situata në Ukrainë duhet të zgjidhet fillimisht.

Merkel tha se me Trumpin ka biseduar edhe për çështjen e migrimit.

Takimi Trump-Merkel pasoi një fillim gjaknxehtë të marrëdhënieve.

Prejse presidenti i ri amerikan ka marrë detyrën më 20 janar, Merkel ka folur fuqishëm në favor të politikave që Trump i ka kundërshtuar.

Merkel ka kundërshtuar deklaratat e Trumpit se NATO është një “aleancë e vjetëruar”, duke thënë se “sfidat e botës sonë sot nuk mund të menaxhohen nga ndonjë shtet individual”.

Merkel ka folur edhe në favor të agjendës së tregtisë multilaterale, të cilën Trump e ka vënë në pikëpyetje.

Ajo po ashtu ka thënë se “bashkëpunimi i ngushtë” midis Uashingtonit dhe Evropës duhet të bazohet në “vlera të përbashkëta”, përfshirë demokracinë, lirinë dhe respektin për të drejtat dhe dinjitetin e secilit individ.

Gjatë fushatës zgjedhore më 2016, Trump e ka cilësuar politikën e Merkelit për dyer të hapura për migrantët si “të çmendur”.

Reklamë
Reklamë

Trump refuzon të përshëndetet me Merkel

Presidenti e ka përshëndetur lideren gjermane Angela Merkel, me një shtrëngim duarsh kur ajo kishte arritur megjithatë siç duket ka refuzuar ta bëj një gjë të tillë para kamerave.

Periskopi.com Lajme

Në disa pamje kur fotografët kërkojnë një shtrëngim duarsh për të realizuar fotografi, Merkel dëgjohet të thotë “Dëshiron të përshëndetemi me shtrëngim duarsh?”, shkruan The Independent.

Trump kthehet për pak kohë kah ajo mirëpo vazhdon qëndrimin e tij me duar së bashku.

Edhe pse paraqitja e tyre e përbashkët ishte e ftohtë, të dy liderët e kanë përshkruar takimin si shumë të mirë.

Reklamë
Reklamë

Komisioni i Senatit: Trump nuk është përgjuar

Udhëheqësit republikanë dhe demokratë, që bëjnë pjesë në Komisionin për Zbulim të Senatit, kanë bërë të ditur se nuk kanë gjetur prova për të mbështetur pretendimet e Presidentit të Shteteve të Bashkuara, Donald Trump, se administrata e ish Presidentit Barack Obama, ka përgjuar telefonat e tij gjatë fushatës presidenciale në vitin 2016, raporton Reuters.

Periskopi.com Lajme

“Bazuar në të dhënat që janë në dispozicion për ne, ne nuk shohim ndonjë shenjë se kulla Trump ishte objektiv i mbikëqyrjes së qeverisë amerikane, qoftë para ose pas ditës së zgjedhjeve të vitit 2016”, thuhet në njoftimin e senatorëve amerikanë.

Reklamë
Reklamë

Nuk ka dëshmi për përgjimin e Trump

Kongresistët amerikanë të specializuar për raportim deklaruan të mërkurën se nuk disponojnë me kurrfarë faktesh, të cilat do të dëshmonin akuzat e presidentit Donald Trump se ishte i përgjuar me urdhër të pararendësit të tij Barack Obama.

Periskopi.com Uncategorized

“Nuk kemi kurrfarë faktesh se ka ndodhur kjo”, tha Devin Nunes, kryetari republikan i Komitetit të Inteligjencës, i cili po heton në lidhje me përfshirjen e Rusisë në zgjedhjet presidenciale amerikane.

Nunes pas bisedave lidhur me këtë temë tha se nuk mendon se ka pasur përgjim të vërtetë në Trump Tower në Nju Jork, ku Trump kishte qëndruar para zgjedhjeve, transmeton KosovaPress.

Donald Trump në disa porosi të publikuara në Twitter më 4 mars akuzoi Barack Obama se ka përgjuar linjat e tij telefonike para zgjedhjeve të 8 nëntorit.

Zëdhënësi i Obama, Kevin Lewis, ka hedhur poshtë akuzat, duke thënë se as presidenti Obama dhe asnjë zyrtar tjetër i Shtëpisë së Bardhë nuk kanë urdhëruar përgjimin të asnjë shtetasi amerikan.

Akuzat e Trump i ka hedhur poshtë edhe drejtori i FBI-së, James Comey.

Sipas ligjit amerikan, gjykata federale duhet të ketë dyshime bazike se është qendër e përgjimeve “agjenti i fuqisë së huaj”, në mënyrë që të lejojë kërkesën për mbikëqyrje elektronike të Trump Tower.

Reklamë
Reklamë