Serbia nuk ndalet: Ja çka do të bëjë tash kundër Kosovës! (Foto)

Trenat serb të udhëtarëve tani e tutje do të jetë të zbukuruar përbrenda me piktura me motive të trashëgimisë kulturore dhe historike serbe të Kosovës.

Periskopi.com Uncategorized

Siç njofton Tanjug, fillimisht udhëtarët e linjës linja operative Kralevë-Jagodina-Kralevë, do të jenë të parët që do të jenë në gjendje ti shijojnë këto piktura të lidhura me Kosovën, brenda trenave.

Zvicër: Treni del nga binarët, shtatë të lënduar

Shtatë persona janë lënduar të mërkurën kur janë rrokullisur disa vagonë të trenit të linjës Milano-Bazel, njoftuan përfaqësues të policisë dhe hekurudhës.

Periskopi.com Lajme

Në trenin “Eurocity” ishin gjithsej 160 udhëtarë, ndërsa aksidenti ka ndodhur jo larg Lucernit, jo shumë kohë pasi treni kishte lëshuar stacionin.

Alarm në Gjermani, sulmohet stacioni i trenit në Hamburg

Një tjetër sulm ka ndodhur në Gjermani në harkun e 24 orëve.

Periskopi.com Lajme

Sipas mediave vendase, është sulmuar me gaz stacioni i trenit në Hamburg. Nga të dhënat paraprake, 50 persona kanë shfaqur probleme me frymëmarrjen.

Forca të shumta policia kanë rrethuar zonën. Në vendngjarje ndodhen dhe skuadrat e anti-terrorit. Sa i përket autorit, nuk ka ende asnjë informacion.

Kujtojmë se pasditen e djeshme një shqiptar nga Kosova sulmoi me hanxhar qytetarët në stacionin e trenit në Duseldorf duke plagosur disa vetë.

Kelmendi lëshohet në deklarata, thotë se Thaçi e pyeti atë për trenin në veri

Zëvendëskryeministri i Kosovës, Ramiz Kelmendi ka thënë se presidenti Hashim Thaçi i ka kërkuar atij që të sjellë vendimin që Policia e Kosovës të shkojë drejt kufirit për ndaljen e trenit.

Periskopi.com Lajme

“Me Thaçin kam kontaktuar në telefon, ai ka kërkuar nga unë që të sjellë vendimin për lëvizjen e Policisë së Kosovës në drejtim të kufirit”.

Kelmendi ka theksuar se ai e zëvendëson kryeministrin vetëm në pamundësi të zbatimit të funksionit të vet.

“Unë jam zëvendëskryeministër, nëse kryeministri është i sëmurë ose në pamundësi të zbatimit të funksionit të vet”.

“Ne për herë të parë kemi dëgjuar në Këshillin e Sigurisë së Kosovës se treni vjen në Kosovë e s’ka leje fare”.

“Ishte mbledhja ime e parë me përgjegjësi të lartë dhe ishte çështja si ta ndalim trenin dhe iu dhanë instruksionet organave kompetente që ta ndalin trenin”, ka thënë Kelmendi në Zona B.

aksident treni / Foto: Kushtrim Ternava

S’ka sinjalizim, të vdekur dhe aksidente vazhdimisht në hekurudhat e Kosovës (Foto)

Një veturë është përplasur me trenin që udhëton nga Prishtina për në Pejë.

Periskopi.com Lajme

Aksidenti ka ndodhur të premten gjatë ditës në dalje të Prishtinës.

Kohëve të fundit përgjatë hekurudhave të Kosovës kanë ndodhur disa aksidente dhe ka pasur disa persona të vdekur si pasojë e tyre.

Udhëtarët dhe ngasësit e veturave bëjnë të ditur se mungon sinjalizimi e udhëheqësit e hekurudhave nuk kanë marrë përgjegjësi asnjëherë.

Fotografi Kushtrim Tërnava sjell përmes fotografive aksidentin e të premtes, ku fatmirësisht askush nuk ka humbur jetën./ Periskopi

 

 

Mustafa tregon deri ku do hynte treni serb nëse nuk do ishin Policia dhe ndërkombëtarët

Kryeministri i Kosovës, Isa Mustafa, pasi që dëgjoi një debat të gjatë në seancën e Kuvendit tha se institucionet e Kosovës do të zbatojnë ligjin dhe Kushtetutën në tërë territorin e Kosovës.

Periskopi.com Lajme

Kryeministri i Kosovës gjatë fjalës së tij tha se po mos të ishte Policia e Kosovës dhe ndërkombëtarët treni do të vinte deri në Kaçanik.

Mustafa tha se përderisa njësitet e Policisë kanë qenë në kufi me Serbinë, treni i nisur nga Beogradi nuk do të hynte me asnjë kusht.

Ai tha se Policia e Kosovës nuk ka dal atje për të bërë humor me askënd, por për ta mbrojtur sovranitetin e shtetit të Kosovës.

ARKIV

Treni godet veturën në Fushë Kosovë, një i vdekur

Një tren ka goditur një veturë në afërsi të Fushë Kosovës sot pasdite duke shkaktuar vdekjen e shoferit të automjetit.

Periskopi.com Lajme

Ngjarja tragjike ka ndodhur në afërsi të fshatit Miradi të Fushë Kosovës ndërsa një qytetar i ka dërguar disa fotografi në KALLXO.com.

Sipas burimeve policore, deri te aksidenti ka ardhur kur vetura, duke kaluar binarët e hekurudhës në një rrugë pa mbrojtëse, është goditur nga treni.

Raportohet se viktima është punëtor i hekurudhës.

Fuqia e trenit që po lëvizte ka bërë që ta bartë veturën në një largësi prej 110 metrash.

Policia dhe ekipet e tjera të shpëtimit kanë dalë në vendngjarje.

aksident-treni-3-768x576

Mustafa: Urdhërin për ndaljen e trenit nuk e dhashë unë e as Thaçi

Rregullimi i pjesës së veriut të Mitrovicës është pjesë e ligjit të qeverisjes lokale dhe si e tillë mbetet kompetencë e tyre, ka thënë kryeministri i Kosovës, Isa Mustafa, në një intervistë dhënë në Rubikon të KTV-së.

Periskopi.com Lajme

 

Sipas kryeministrit, treni u ndalua bazuar në ligjin e Policisë së Kosovës dhe nuk kishte urdhër as nga ai e as nga presidenti i vendit.

Tutje Mustafa tha se themelimi i asociacionit të komunave me shumicë serbe do të bëhet në bazë të vendimit të Gjykatës Kushtetuese. Kryeministri ka folur edhe për shumë çështje të tjera, si mbetja vakante e pozitave të dy ministrive, ajo e Ministrisë së Integrimeve Evropiane dhe e Ministrisë së Pushtetit Lokal.

Thaçi tregon se kush e ndali trenin dhe thotë se murin do e rrënojnë vet serbët

Presidenti i Kosovës, Hashim Thaçi thotë se askush nuk duhet frikësuar ngase nuk mund të ketë luftë.

Periskopi.com Lajme

Ai tha se janë humbur kot dy muaj duke u marr me trenin dhe murin në veri, e që sipas tij, treni u ndalë me forcën e ligjit, e muri do rrënohet nga vet ata që e ndërtuan.

Në një intervistë në Klan Kosova ai tha se

“Nuk besoj se mund të ketë luftë, askush nuk duhet të shqetësohet. Thirrjes për luftë nga Serbia ne i përgjigjemi me paqe. Kosova është provokuar me trenin, ai ngjasonte me propagandën e Millosheviqit, provokim nacionalist”, tha Thaçi, transmeton Periskopi

“Ata që e nisën trenin ata e ndalën. Askush nuk ju ka faj që e kthyen në rrugë, ne e ndalëm me forcën e Ligjit, deshëm ta zbatonim Kushtetutën. Muri do të rrënohet nga vet ata që e kanë ndërtuar në mënyrë të panevojshme, nuk lihet muri në mes të një qyteti, ata që e kanë ndërtuar tash vet janë në zor”, tha Thaçi.

Edi Rama flet për murin dhe trenin në veri: Nuk u cenua sovraniteti i Kosovës

Kryeministri i Shqipërisë, Edi Rama ka folur për trenin dhe murin në veri të Kosovës.

Periskopi.com Lajme

Në Klan Kosova tha se të dyja janë absurd dhe provokim, por sipas tij, nuk është cenuar sovraniteti i Kosovës.

Rama ka thënë se Serbia, me trenin dhe murin kanë shfaqur makthin e tyre por vlerëson se krijuan një kurth, në të cilën ranë pastaj vet.

“Janë shfaqje të një makthi që nuk është i yni por i fqinjëve tanë, Janë shfaqje makthi për keqardhje. Janë ata që janë për të ardhur keq, kur shfaqen në forma të tilla e që pastaj kapen pas formave të tillë politik që si duhen as dreqit e le më popullit të Serbisë. Ne nuk duhet të biem pre e këtyre shfaqjeve provokuese. Ato tregojnë se paqja që ne kërkojmë nuk është e lehtë”, tha Rama, transmeton Periskopi

“Por asnjëra nga këto nuk cenon as dinjitetin e shqiptarëve as integritetin e Kosovës dhe as imazhin pozitiv që shqiptarët kanë krijuar fal kësaj qasjeje që i ka karakterizuar që nga momenti i parë i krijimit të shtetit, Kosovës”, tha ai.

Rama tha se muri dhe treni janë thjeshtë provokime, por e quajti shfaqje brutale e një psikologjie të prapambetur.

“I kanë krijuar vetes kurthin dhe ankohet se të tjerët ua bënë”, tha ai.

Shefi i kabinetit të kryetarit të Graçanicës: Hashim Thaçi përfitoi nga treni serb në veri

Fatmir Sheholli, shefi i kabinetit të kryetarit të Graçanicës, vlerëson se presidenti i Kosovës Hashim Thaçi është përfituesi më i madh nga ngritja e tensioneve së fundmi në raportin Kosovë – Serbi.

Periskopi.com Lajme

Ai ka thënë se gjithçka që ndodhi me trenin serb në veri të Kosovës ishte shoë medial që i solli fitime Thaçit.

“Edhe treni, edhe dërgimi i njësisë speciale ROSU, të paktën për mua kanë qenë një shoë medial nga të cilat më së shumti ka përfituar presidenti Hashim Thaçi. Ai me këto dy veprime, njëra në Serbi e tjetra në veri të vendit e arriti atë që deshi, ta ketë primatin në dialogun Kosovë – Serbi, të cilën e nisi dhe po dëshiron ta mbyllë”, ka thënë Sheholli në Interaktiv.

Sheholli ka deklaruar po ashtu se nga vizitat e tij te serbët në të gjitha vendet ka parë se edhe “ata janë lodhur nga këto veprime dhe se po duan vetëm qetësi e rehati, duan të bëjnë jetën e tyre”.

Deputeti i PDK-së përgënjeshtron Hashim Thaçin, tregon kush e ndali trenin

Kryeministri serb, Aleksandar Vuçiq, e ndaloi trenin që u nis nga Beogradi për në Mitrovicë, ka thënë deputeti i Kuvendit të Kosovës nga radhët e Partisë Demokratike të Kosovës, Shukri Buja.

Periskopi.com Lajme

Veprimet e institucioneve të Kosovës bënë që të ndikojnë në vendimit e kryeministrit serb, ka vlerësuar Buja.

“Trenin nuk e ndali as Amerika por e ndali Vuciqi”, ka thënë Buja në “Rubikon” të KTV’së.

“Po ta kishte ndal Kosova, do ta ndalte në kufi. Vendosja e njësiteve speciale që gabimisht po quhen ROSU pasi nuk është më ashtu, njësitet speciale janë vendosur në kufi. Veprimet e institucioneve tona, kanë sjellë një vendim të tillë të Vuciqit”, ka deklaruar Buja.

Flet Qosja, tregon synimin e Serbisë me murin, arrestimin e Haradinajt dhe trenin

Rexhep Qosja ka thënë se muri në veri të Mitrovicës, arrestimi i Ramush Haradinajt dhe treni me simbole nacionaliste serbe janë ngjarje të lidhura, në funksion të synimit të Serbisë për të testuar qëndrueshmërinë tonë.

Periskopi.com Lajme

Akademiku, shkrimtari dhe kritiku letrar, Rexhep Qosja në Zona e Debatit në Klan Kosova, ka thënë se Kosova lëngon nga shëndeti i cenuar moral.

Ai ka folur për mënyrën se si e kalon kohën kohët e fundit, duke treguar se është stërmbesa e tij ajo që i merr një pjesë të mirë të kohës.

“Pjesën më të madhe të kohës në shtëpi e kaloj me librat. Me letërsinë shqipe, atë europiane, dhe botërore. Një pjesë tjetër të kohës e kaloj duke përcjellë zhvillimet politike, kryesisht në media elektronike. Ndërsa pjesën e mbetur e kaloj me stërmbesën time. Më përcjell pendesa e mungesës së kohës për fëmijët, ndaj s’dua që kjo të ndodhë edhe me të”.

“Tani për tani asaj nuk mundem që këtë kohë, këtë politikë, këtë moral shoqëror t’ia shpjegoj asaj. Sot për sot shëndeti ynë moral është shumë i cenuar dhe ky është problem i madh yni. Në dy vjetët e fundit nuk ka ndryshuar asgjë për mirë. Për më tepër, janë shtuar të këqijat”.

Qosja ka folur edhe për ngjarjet e fundit në vend: murin, arrestimin e kryetarit të AAK-së dhe trenin, duke theksuar se të trija janë të lidhura dhe në funksion të testimit që po i bën Serbia qëndrueshmërisë së Kosovës.

“Muri që u ndërtua, akuza kundër Ramush Haradinajt dhe treni që u nis, aq i vizatuar, aq i stolisur, janë tri dukuri të lidhura mes vete. Kanë një burim frymëzimi, kanë një nxitje. Kjo tregon një qëllim të kahershëm, të vazhdueshëm, të Serbisë dhe të aleatëve të saj. Synon testimin tonë, për gatishmëri dhe qëndrueshmëri”.

Sveçla e Zemaj përplasen për trenin nga Kraljeva (Video)

Ish-drejtori i Inspektoriatit të Komunës së Prishtinës, Xhelal Sveçla në Rubikon të KTV-së, kërkoi përgjigje publike nga qeveria e Kosovës dhe presidenti Thaçi për trenin serb i cili vazhdon të udhëtojë nga Kraljeva në Zveçan.

Periskopi.com Lajme

“Në qoftë se institucionet e Kosovës kanë përmbushur një obligim ligjor për me ndalë atë tren, pse po dështojnë me përmbush obligimin tjetër ligjor, me ndalë trenin e Kraljevës”, ka thënë Svecla.

Përball tij, deputeti i LDK-së, Armend Zemaj i tha se nuk mund të japë përgjigje pa e ditur se cili është destinacioni dhe në çfarë strukture është ai tren.

Zemaj premtoi se këtë pyetje do ta bëj në seancën e parë që do t’i ofrohet mundësia.

“Nuk mund të japim ne përgjigje pa e ditur se cili është destinacioni, në çfarë strukture”, ka thënë Zemaj.

Sveçla iu kundërpërgjigj duke i thënë se fton publikisht qeverinë e presidencën që të deklarohen lidhur me legalitetin ose jo të trenit i cili vazhdon linjën e rregullt nga Kraljeva në Zveçan.

“Në internet e ke, ta dërgoj ty, ja dërgoj Isa Mustafës dhe Skënder Hysenit orarin e trenit ilegal të trenit prej Kraljevës që futet në Zvecan ilegalisht”, ka thënë ai.

“Unë publikisht ftoj qeverinë e Kosovës, presidentin e Kosovës, cilido që e paskan ndalë trenin, ky treni Kraljevës, a është legal apo ilegal. Edhe billboard-at ku thuhet ‘Kosovo je Serbija’ në Graqanicë, Shtërcë, Ranillugë, edhe në veri, a janë legale apo ilegale. Le të deklarohen, opozita po kërkon”, ka thënë Sveçla në Rubikon të KTV-së.

Thaçi: Trenin e ndala unë, iu frikësova përsëritjes së rastit ‘Panda’

Presidenti i Kosovës, Hashim Thaçi ka folur rreth urdhërimit të ndalimit të trenit, që ishte nisur nga Beogradi për në Mitrovicë me përmbajtje të mbishkrimeve provokuese.

Periskopi.com Lajme

Thaçi në emisionin “Komiteti” në RTV Dukagjini ka thënë se përkundër zërave se presidenti i vendit nuk kishte kompetenca për ndaljen e atij treni dhe se ndaljen e tij duhet të kërkohej nga Qeveria, atij i interesonte të mos cenohej sovranitetit i shtetit.

Thaçi po ashtu theksoi se nëse ai nuk do të kërkonte ndalimin e trenit nga Beogradi, ai do të hynte në Mitrovicë.

Presidenti ka shtuar se në rastin e trenit i është frikësuar përsëritjes së rastit ‘Panda’, kur shteti serb kishte vrarë pesë të rinj në Pejë duke ua lënë fajin shqiptarëve.

Ai ka thënë se kushtetuta e njeh presidentin si komandant i Forcave të Armatosura të Kosovës, dhe në kuadër të kësaj atij i lejohet mbrojtja e territorit dhe sovranitetit të qytetarëve.

 

Serbët e Kosovës i lutën Beogradit: Mos luani me “trena”, po na rrezikoni jetën

“Të gjithë ne në jug të Ibrit duam të jetojmë normalisht dhe në paqe, por sa herë që politikanët nxitin tensionet, ne këtu jemi caqe të gjalla”.

Periskopi.com Lajme

Kështu ka thënë gazetari serb, Darko Dimitrjeviq i cili vjen nga Gorazhdeci i Pejës.

Darko është redaktor-gazetar në radio “Gorazhdec” dhe ai e di se si është të jesh serb në shumicën shqiptare derisa tensioni ndihet në ajër.

Ai ka marrë shembull rastin e trenit, duke thënë se “kjo është një nga ato ditët kur ju mund të shihni me sy se jeni i padëshirueshëm”, transmeton lajmi.net.

“Unë shkoj me makinë në Pejë, duhet të kem kujdes sepse kam targa serbe dhe dikush mund të më gjuaj me gurë. Këto janë ditët kur ju mund të shihni me sy se jeni i padëshirueshëm. Problem të njëjtë ka gruaja dhe vajzat të cilët rrezikohen të dalin jashtë fshatit. Gjithmonë kur krijojmë një marrëdhënie të mirë me shqiptarët prapë del diçka që e prish”, ka thënë Dimitrjeviq për “Blic”.

Ai ka treguar se në Gorazhdec ka të paktën 50 makina me targa serbe dhe këto ditë të tensionit pronarët e tyre ndjehen si ‘pëllumba në baltë’.

Kështu e sheh drejtori i Qendrës Kulturore në Graçanicë, Zhivojin Rakoçeviq, jetën e serbëve në Kosovë kur Beogradi rrit tensionet.

“Që nga 17 marsi i vitit 2004 nuk ka ndryshim demokratik e as institucione funksionale, për këtë arsye jetojmë në mes të kaosit”, është shprehur ai.

Rakoçeviq ka frikë se do të përsëriten trazirat e 17 marsit.

“Pas incidentit të “trenit” dhe pas arrestimit të Ramush Haradinajt janë krijuar kushtet për trazira. Tani paraqitja e shqiptarëve, sjellja e shitësit në dyqan, mënyra e ftohtë e komunikimit etj., të gjitha këto tregojnë se çdo gjë është gati për më të keqen”, ka përshkruar ai rrethanat pas fërkimit të palës shqiptare me atë serbe.

Oliver Radiq, profesor i gjuhës serbe nga Rahoveci, thotë se historia e trenit është një lojë politike.

“Kur e pash që në tren është mbishkrimit “Kosova është Serbi” e dija se nuk do mund të kaloj. Kjo është e ditur se me këtë mbishkrim asnjë nga serbët e Kosovës nuk do të mund të lëvizin të lirë, mirëpo kjo është e shkruar në shpirtin tim dhe kjo është arsyeja pse unë vazhdojë të jetojë këtu me familjen time”, ka thënë ai.

I pyetur nëse ai ka fikë nga një lloj hakmarrje për shkak të provokimit me tren, ka thënë se serbët në Kosovë janë nën mbikëqyrjen e përditshme.

Topi: Treni ishte provokim serb, i inspiruar nga Rusia

Ish presidenti i Shqipërisë, Bamir Topi, ka thënë se treni serb i veshur me simbole nacionaliste ishte provokim i radhës i Beogradit zyrtar për të tensionuar situatën në Kosovë.

Periskopi.com Lajme

 

Ai ka deklaruar se për bindjen e tij ky veprim duhet të jetë inspiruar nga Rusia, duke përmendur një deklaratë të ministrit të Jashtëm të këtij vendi, Sergei Lavrov.

“Ajo që ka ndodhru në vititn 2008 është ngjarja historike më e madhe që ka të bëjë më rikthimin e së drejtës së Kosovës për të qenë shtet i pavarur. Sipas meje ka një përpjekje të Beogradit për të krijuar tension në Kosovë, kjo nuk vjen nga cështje emotive, por nga një studim i gjatë që kam bërë. Kam bindjen të plotë se inspirimi vjen nga Rusia. Kam ndjekur ministrin e Jashtëm rus, Sergej Lavrov, sot por që nuk pati fjalët e një diplomati”, tha ai në Info Magazine.

“17 shkurti i vitit 2008 riktheu te Kosova staturën absolute të një shteti sovran dhe të pavarur dhe sovraniteti lidhet me institucionet, politikën kufitë, politkën parlamentare, qeveritare dhe diplomacinë. Politika serbe pavarësisht nga sjellja e “butë” mbetet politika e njëjtë që në background ka interesa të tipit nacionalist. Nuk mund të bëhem intepret i një pozicioni të disa politikanëve shqiptar. Cdo politikan është i rëndëishëm nominalisht. Por më me rëndësi është politika shqiptare”.

Instituti Amerikan që parashikoi murin dhe trenin

Instituti Amerikan për Studime Strategjike ‘Stratfor’, në raportin e tyre kishte vlerësuar dhe parashikuar se Ballkani do të jetë arena ‘që do të tërheqë vëmendjen e Rusisë dhe Perëndimit në tremujorin e fundit të vitit 2016 dhe fillim vitin 2017, shkruan gazetametro

Periskopi.com Lajme

Ata kanë parashikuar se pas referendumit të diskutueshëm në Republikën e Serbe, e cila u mbajt pavarësisht vendimit përjashtues të Gjykatës Kushtetuese në Bosnjë dhe Hrecegovinë, tensionet etnike do të nxiten edhe në Veri të Kosovës midis shqiptarëve dhe serbëve, gjë që u vërtetua javë më parë me murin te ura mbi Ibër, dhe së fundi me trenin provokues rus të Serbisë.

Referendumi në Republikën Serbe

“Përballja e Rusëve me Perëndimin do të çojë në tensione mes grupeve etnike në vend dhe të gjitha këto do të ndodhin në tremujorin e katërt të vitit 2016”, kishte parashikuar Instituti Stratfor.

Serbia shumë vetëdijshëm, muajve të fundit ka filluar një politikë provokative ndaj Kosovës. Fillimisht u ndërtua një muri i lartë mbi 2 metra, për të cilin Prishtina zyrtare po insiston që duhet rrënuar.

Muri në Veri

Ndërsa, dje Serbia nisi një tren donacion rus, nga Beogradi për në Mitrovicë, por që Kosova përmes policisë pengoi hyrjen e tij.

Policia ne veri – treni

Pas kësaj, në Beograd, presidenti serb, Tomislav Nikolic dhe kryeministri Aleksandar Vucic, rikthyen retorikën e vjetër serbe, atë të kërcënimit me luftë.

Nikolic kërcënon me futje të ushtrisë në Kosovë

Nikolic, tha se do të dërgonte ushtrinë në veri të Kosovës, e bashkë me të edhe vet do të shkonte atje. Politikanët serbë, gjithashtu akuzuan edhe BE’në për mbështetje të veprimeve të Prishtinës zyrtare, duke kërkuar përgjigje drejtpërdrejt nga ta.

Sejdiu: Një qeveri serioze nuk duhet të dërgoj forca në kufi…..

Nënkryetari i Komunës së Prishtinës, Dardan Sejdiu ka thënë se dialogu pa kushte me Serbinë që nga viti 2011 është shndërruar në “Kalin e Trojës”, siç kanë paralajmëruar, përmes së cilit Serbia për çdo ditë e më shumë po futet në Kosovë.

Periskopi.com Lajme

Ai ka thënë se një qevri serioze nuk duhet të dërgoj forca në kufi, por sipas tij, duhet t’i ketë gjithmonë aty.

Ky është postimi i plotë i Sejdiut:

“Dialogu pa kushte i cili në vitin 2011 u përshkrua si teknik, u shndërrua, ashtu siç paralajmëruam çdo ditë këto 6 vite, në kalin e trojës me të cilin Serbia çdo ditë e më shumë po futet në Kosovë.

Prej vitit 2011 deri më sot, janë nënshkruar me dhjetëra marrëveshje nga të cilat Serbia implementon vetëm disa. E në ndërkohë agjendën në këto bisedime e përcakton në rastin më të mirë Brukseli, por kryesisht ate e përcakton Beogradi.

Prej javës së parë të dhjetorit 2016, Serbia ka filluar një fushatë agresive e cila për synim ka krijimin e një situate faktike e cila shpie drejt formimit të “Zajdnicës”, e kështu të bëhet Bosnjëzimi i Kosovës .

Kjo fushatë nuk është diçka e re, është sjellje e zakonshme, në fakt është e përditshme. Dhe kësaj përditshmërie agresive të Serbisë, qeveritë tona që nga atëhere, e qe besa edhe më herët, i janë përgjigjur me politika që kanë mundësuar rrjedhje të sovranitetit.

Një qeveri serioze nuk duhet të merr vendime për ndaljen e veprimeve ilegale, ajo është obligim.

Një qeveri serioze nuk duhet të dërgoj forca në kufi, forcat duhet ti ketë gjithë aty.

 

Një qeveri serioze nuk duhet të vendos shtetin në relacion të pabarabartë me armiq, por duhet te siguroj reciprocitet e barazi.

Një qeveri serioze nuk vazhdon dialogun me dikend që kërcënon, por sigurohet që të ketë ushtrinë që zmbraps”.

Analisti serb: Përpjekja për të futur tren në Kosovë është incident politiko-propagandues

Përpjekja për të futur ilegalisht një tren nga Serbia në Kosovë, është incident politiko-propagandues, thotë drejtori i Forumit për Marrëdhënie Etnike, Dushan Janjiq.

Periskopi.com Lajme

“Edhe Prishtina po e bën një luftë psikologjiko-propaganduese për të përforcuar pozicionet e saj”, ka thënë ai, transmeton Telegrafi.

Janjiq shton se treni ishte i pazakontë e edhe deklaratat e të ashtuquajturit drejtor i Zyrës për Kosovën në Qeverinë e Serbisë, Marko Gjuriq, që ka thënë se po dërgojnë mesazh me “vlera kulturore”.

“Le të thotë ai: Prishtina po insiston në integritet territorial, e na deshën të tregojmë se kjo nuk po qëndron”, shprehet Janjiq. “Çështja logjike është kjo: ai që qëndron prapa – a është për ndërprerje të dialogut në Bruksel apo të përforcojë pozitën e Beogradit në bisedime”?

Analisti serb e çmon vendimin e kryeministrit serb, Aleksandar Vuçiq, që të ndalet e të kthehet treni prapa në Beograd.

“Provokimi do t’i jepte alibi Prishtinës ta dërgonte ROSU-në në kufi, që do të ishte me rrezik dhe e dëmshme për Serbinë”, shprehet ai, duke thënë se rreth Kosovës po bëhen lojëra serioze gjeopolitike dhe të sigurisë.

“Në ato lojëra po merr pjesë Beograd dhe Prishtina. Po, edhe SHBA e BE që janë në anën e Kosovës dhe Rusia në anën e Serbisë. Është lojë e paralajmëruar për incidente në kufi me Serbinë dhe pjesën e Sanxhakut. E njëjta situatë është me Kroacinë dhe Republikën Serbe. Ndaj, çdo veprim i ardhshëm duhet të mendohet dhe arsyetohet”, ka thënë ai.