Kosova refuzon idenë e tregut të përbashkët ballkanik

Kryeministri i Kosovës, Isa Mustafa edhe në herë ka theksuar se Kosova nuk ka interes sikur vendet tjera të Ballkanit Perëndimor nga formimi i një tregu të përbashkët ekonomik.

Periskopi.com Lajme

Lidhur me këtë iniciativë të dalë nga samiti i Sarajevës, Mustafa, siç ka shkruar ai në Facebook, është këshilluar me ministra e zyrtarë të tjerë qeveritarë.

Ky është postimi i kryeministri Mustafa:

Të dashur miq,

Kam thirrur sot në takim ministrat Enver Hoxhaj, Hykmete Bajrami dhe Mimoza Ahmetaj, drejtorin e Doganës së Kosovës, Bahri Berisha, ekspertët Petrit Gashi e Gazmend Qorraj, si dhe këshilltarët e mi të ekonomisë, ku diskutuam gjerësisht për propozimin e prezantuar në Samitin e Sarajevës për krijimin e një tregu të përbashkët të vendeve të Ballkanit Perëndimor.

Shqyrtuam të gjitha aspektet dhe argumentet ekonomike, politike dhe integruese që lidhen më këtë iniciativë, duke ndarë bashkërisht mendimin se një treg i tillë nuk është në interes të njëjtë të të gjitha vendeve ku pretendohej të shtrihej, dhe se Republika e Kosovës duhet ta refuzoj një ide të tillë.

Gjatë takimit, biseduam edhe për Marrëveshjen e CEFTA-s dhe vështirësitë që po hasin qytetarët e Kosovës në lëvizjen e lirë në rajon dhe më gjerë, ku ne duhet të angazhohemi edhe më shumë për tejkalimin e këtyre problemeve. Në këtë aspekt, Kosova është lider në qasjen e saj, duke shmangur pengesa artificiale, të cilat vijnë në shprehje tek disa prej shteteve tjera, përkundër se janë pjesë e CEFTA-s.

Republika e Kosovës është plotësisht e përkushtuar në rrugën integruese në BE dhe do të ndërmarrë të gjitha reformat e nevojshme, duke përmbushur të gjitha kriteret e kërkuara, në këtë rrugë.

Por, Republika e Kosovës e konsideron të paqëlluar çdo lloj Unioni Doganor apo Tregu të përbashkët rajonal, i cili risjellë në opinion reminishenca të së kaluarës, të cilat nuk janë në interes të të gjitha vendeve.

Republika e Kosovës mbështet pa asnjë ekuivok bashkëpunimin dhe intensifikimin e shkëmbimeve ekonomike dhe tregtare, eliminimin e mëtejshëm të barrierave të të bërit biznes me vendet e Ballkanit Perëndimor, si dhe angazhimin e përbashkët për tërheqjen e investimeve të huaja, por të gjitha këto në kuadër të proceseve integruese në BE.

Reklamë
Reklamë

Njihuni me tregun më të madh në botë

Periskopi.com Video
Reklamë
Reklamë

S’ka më Nutella, hiqet nga dyqanet pas frikës nga kanceri

Kompania Ferrero që merret me prodhimin e Nutellas ka lansuar një kampanjë për të bindur njerëzit që përdorimi i Nutellas është i padëmshëm.

Periskopi.com Shëndeti

Zëvendësimi i vajit të palmës për prodhimin e këtij produkti, kësaj kompanie do t’i kushtonte miliona dollarë

Autoriteti Evropian për Sigurinë e Ushqimit ka thënë se vaji i palmës gjeneron më shumë papastërti e cila është potencialisht më shumë kancerogjene, sesa vajrat tjera bimore, kur rafinohet në temperaturë mbi 200 gradë celsius, raporton CNN, transmeton lajmi.net

Vaji i palmës gjendet në qindra produkte të përditshme shtëpiake, por reagimet më të ashpra ishin kundër Nutellës.

Shumë shpërndarës produktesh në Itali, përfshirë edhe zinxhirin më të madh të supermarketeve Coop, kanë bojkotuar shpërndarjen e këtij produkti si masë parandalimi për efektet e saj.

Ferrero kompania përgjegjëse për Nutellan insiston se produkti është i sigurt, dhe se vendimi për të mbajtur vajin e palmës në produkt është për qëllim kualiteti, e jo për të shkurtuar koston.

“Prodhimi i Nutellas pa vaj palme do të ishte një hap prapa për ne”, ka thënë menaxheri i Ferreros, Vincenzo Tapella.

Vaji i palmës kushton më lirë sesa ai i lulediellit. Zëvendësimi i vajit të palmës për prodhimin e këtij produkti, kësaj kompanie do t’i kushtonte miliona dollarë.

Reklamë
Reklamë

Lejohet hapja e tregjeve të kafshëve në Kosovë

Agjencia e Ushqimit dhe Veterinarisë ka shfuqizuar vendimin për mbylljen e tregjeve të kafshëve në të gjitha Komunat e Republikës se Kosovës datë 24.06.2016, i cili është marrë si mase preventive për parandalimin e përhapjes se Sëmundjes Gungore te Lëkurës tek kafshët e llojit të Gjedhit.

Periskopi.com Uncategorized

Tani pas vaksinimit masiv të gjitha kafshëve të llojit të gjedhit dhe kalimit të afatit kohor për tu fituar imuniteti i plotë tek kafshët ndaj sëmundjes, raporton Periskopi

AUV do të lejoj funksionimi e tregjeve dhe lejimin e lëvizjes se kafshëve.

Pasi është bërë monitorimin i kryerjes se vaksinimit, dhe vlerësimi i situatës së zhvillimit të kësaj sëmundje.

Bazuar në të dhënat nga tereni, sipas statistikave të rasteve të raportuara ka rënë numri i rasteve të ngordhjes se kafshëve ne minimum dhe vaksina ka dhënë efektin e vet.

Drejtoria e Shëndetit dhe Mirëqenies se Kafshëve e AUV-së ka rekomanduar që mund të lejohet hapja dhe funksionimi i tregjeve.

Kryeshefi Ekzekutiv i AUV-së bazuar në këtë rekomandim, ka nxjerr vendim për shfuqizimin e pikave të vendimit paraprak, me të cilin, lejohet hapja dhe funksionimi i tregjeve të kafshëve në gjithë territorin e Republikës se Kosovës./ Periskopi

Reklamë
Reklamë