Nikoliq

Nikoliq nuk ndalet, sërish kërcënon Kosovën më luftë

Presidenti serb Tomislav Nikoliq ka reaguar në lidhje me deklaratat e BE-së për trenin serb, duke thënë që zyrtarët e BE-së janë mashtrues.

Periskopi.com Lajme

“BE duhet të reagoj kur linjat hekurudhore janë pothuajse të gjitha të minuara dhe një tren serb nuk lejohet të kaloj. Në qoftë se Johannes Hahn thotë që unë nuk jam duke shikuar kah e ardhmja, dhe se kjo e ardhme është pavarësia e Kosovës nga Serbia, atëherë nuk kemi për çfarë të flasim” ka thënë Nikoliq, shrkuan gazeta Monitor.

Nikoliq shtoi që prezenca e forcave speciale ROSU, ka frikësuar serbët në Kosovë.

“Në qoftë se populli serb në Kosovë ndihet i kërcënuar unë kam thënë që do të shkoj në luftë, dhe po kam për të shkuar luftë për bijtë e mijë” ka deklaruar Nikoliq.  Sipas Nikoliq, në të gjitha marrëveshjet me Kosovën të realizuara përmes dialogut, palët janë marrë vesh që forcat RUSO të mos qëndrojnë në Mitrovicën e Veriut, njëkohësisht as ushtria serbe të mos ruaj objektet fetare aty.

Hashim Thaçi dikur qeshte me paralajmërimet e Kurtit për luftë, por nuk qesh me ato të Nikoliqit

Presidenti i vendit e kishte quajtur paralajmërim qesharak, parashikimin e Albin Kurtit për luftë të mundshme në Ballkan, por e ka marrë me seriozitet kërcënimin e Nikoliqit për luftë në Kosovë. Ka propozuar dialog në vend të luftës.

Periskopi.com Lajme

Kur ish-kryetari i Lëvizjes Vetëvendosje Albin Kurti nga Tirana, shtatorin e vitit të kaluar, paralajmëroi se “mund të ketë luftë në mbrojtje të kufirit”, presidenti i vendit Hashim Thaçi e kishte quajtur këtë deklaratë qesharake.

Kurti kishte paralajmëruar luftë duke folur për çështjen e demarkacionit me Malin e Zi, teksa kishte folur para shqiptarëve të Shqipërisë.

“Ballkani po rrezikohet prej stuhive të reja, për bindjen time, dhe nëse nuk ndryshon diçka, atëherë, në 4 -5 vitet e ardhshme, më shumë ka gjasa që të ketë luftë, sesa që të mos ketë luftë. Nuk po them që do të ketë luftë, mirëpo nëse nuk ndryshohet diçka, nëse nuk fuqizohemi e organizohemi, nëse nuk i zmbrapsim këto apetite, atëherë dobësia jonë do të shndërrohet në një magnet për apetitet e shtuara të të tjerëve, dhe asisoj ne rrezikojmë që edhe një herë të ndodhemi para konflikteve të përgjakshme”, kishte thënë Kurti.

Thaçi një ditë më vonë kishte thënë për Gazeta Express se “zëra të tillë të vetmuar që kanë humbur arsyen ka edhe në Kosovë”.

“Prandaj konsideroj se pretendimet dhe thirrjet e tyre për luftë dhe konflikt aq sa janë qesharake, absurde, ato janë të rrezikshme dhe të papranueshme”, kishte thënë Thaçi.

Ai madje kishte ftuar qytetarët e Kosovës që “mos të bien pre e deklaratave dhe thirrjeve të tilla luftë nxitëse”.

“Kosova ka institucionet e veta shtetërore që së bashku me NATO-n kujdesen për lirinë dhe tërësinë territoriale të Republikës së Kosovës”,  kishte thënë Thaçi, shtatorin e vitit të kaluar.

Por katër muaj më vonë, një kërcënim për luftë në Kosovë ka ardhur nga vet presidenti serb, Tomisllav Nikoliq.

Nikoliq, pengimin e trenit rus për të hyrë në Kosovë e ka cilësuar si provokim për të nxitur luftë nga ana e Prishtinës, dhe ka kërcënuar se nëse edhe një herë ndodhë kështu, Kosova do ta pësojë keq.

Presidenti Thaçi e mori seriozisht këtë kërcënim.

Tha se kërcënimet e Serbisë se janë të gatshëm për luftë dhe për të dërguar forcat ushtarake në Kosovë, flasin qartë se qëllimet e Serbisë janë të njëjta me ato të regjimit të Millosheviqit gjatë viteve të 90-ta.

“Këto kërcënime për luftë janë të papranueshme, në kundërshtim me dialogun për normalizim të marrëdhënieve dhe rrezikojnë drejtpërdrejtë paqen në Ballkanin Perëndimor”, ka shkruar presidenti në Facebook.

Përkundër kësaj gjuhe që Thaçi e quajti “të vjetër kërcënuese dhe provokuese “ që vjen nga Serbia, ai bëri thirrje që të vazhdohet me “rrugën e deritashme të dialogut, bashkëpunimit dhe zbatimit të marrëveshjeve të arritura mes dy shteteve”.

Në fund bëri thirrje që të së Serbia dhe Kosova duhet të punojnë së bashku për normalizimin e plotë të marrëdhënieve ndërmjet dy vendeve./Insajderi.com

pandeli-majko-780x439

Pandeli Majko provokon Serbinë: Jemi më të aftë në luftë se sa në paqe

Ish-Kryeministri i Shqipërisë në kohën e Luftës së Kosovës, Pandeli Majko, ka dy fjalë për deklaratat e presidentit serb, Tomislav Nikoliq që tha se Serbia është e gatshme për të dërguar forcat e armatosura në Kosovë, kur popullata serbe atje të kërcënohet.

Periskopi.com Lajme

E Majko thotë se një deklarim i tillë ka kohë që nuk dëgjohet nga politika serbe.

Ai shpjegon se kjo mënyrë sjellje pati pasojë gjakosjen e rajonit dhe dërgoi në Gjykatën e Hagës lidershipin e Beogradit.

Sipas tij, të thuash dhe të bësh, janë dy gjëra të ndryshme në politikë.

“Historia ja ka dhënë serbëve dhe shqiptarëve mësimet e saj. Dialogu është opsion i zgjidhjeve europiane dhe ka raport me të vërtetën e paqes që duan kombet në rajon. Kjo e vërtetë fton gjakftohtësinë të kuptojë. Politikan nuk të bën lufta. E kundërta është e vërtetë. Trim nuk të bëjnë deklaratat e luftes. Kjo është po aq e vërtetë sa fakti se një tren nuk bëhet kishë me piktura fetare”, thotë Majko, raporton Periskopi

“Të kuptuarit e luftës është akt dhe jo deklaratë. Kjo do pak mencuri në të kuptuar, e cila kombit serb, si rregull, nuk i ka munguar. Për më tepër, shqiptarët kanë një të metë kombëtare. Ata janë më të aftë në luftë se sa në paqe. Sigurisht”, përfundon Majko./Periskopi

tomislav-nikolic29-2804-201

Qeveria e Kosovës refuzon kërkesën e Presidentit Nikoliq ta vizitojë Kosovën

Qeveria e Kosovës ka marrë vendim për të refuzuar kërkesën e Presidentit të Serbisë, Tomislav Nikoliq dhe zyrtarëve të tjerë të lartë të Qeverisë së Serbisë për ta vizituar nesër komunën e Shtërpcës në Kosovë.

Periskopi.com Lajme

Refuzimi vjen pas vonesës për të deponuar me kohë kërkesën për vizitë në Kosovë ashtu siç parashihet me marrëveshjen për lejimin e vizitave të zyrtarëve të lartë ndërmjet dy shteteve.

Qeveria e Kosovës konsideron se sjelljet e fundit të Serbisë dhe deklaratat e njëpasnjëshme janë kundër frymës së bashkëpunimit ndërshtetëror dhe të arriturave të dialogut për të ndërtuar ura të shëndosha bashkëpunimi në mes dy shteteve dhe popujve.

Po ashtu, ato janë kundër interesit të qytetarëve serbë të Kosovës të cilët kanë vendosur të jetojnë në Kosovë./ Periskopi

Nikoliq

Nikoliq nuk vjen në Republikën e Kosovës

Presidenti i Serbisë, Tomisllav Nikoliq megjithatë nuk do të vije në Kosovë për kremten e Krishtlindjes Ortodokse.

Periskopi.com Lajme

Sipas mediave serbe, “arsyeja e anulimit të vizitës është ndryshimi i planit për shkak të jokorrektësisë së autoriteteve në Prishtinë, të cilët në kalimin kufitar për disa orë i kanë maltretuar me pritje bashkëpunëtorët me të afërt të Nikoliqit”, transmeton lajmi.net.

Nikoliq kishte paralajmëruar dje ardhjen për nesër në Kosovë. Ai do të ndalej në Shtërpcë. Më herët lajmi.net raporti se MPJ-ja e Kosovës ende nuk i kishte dhënë leje Nikoliqit për hyrjen në Kosovë.

Valon Murtezaj

Murtezaj thotë se Nikoliqi po kërcënon

Asnjë deklaratë e autoriteteve të Serbisë nuk mund ta ndalojë Kosovën të anëtarësohet në Agjencinë për Kulturë, Shkencë dhe Arsim të Kombeve të Bashkuara (UNESCO) dhe institucionet e Kosovës janë duke punuar për një anëtarësim të tillë, kanë bërë të ditur zyrtarët e Qeverisë së Kosovës.

Periskopi.com Lajme

Zëvendësministrii Punëve të Jashtme i Qeverisë së Kosovës, Valon Murtezaj, thotë për Radion Evropa e Lirë se institucionet e Kosovës janë duke punuar në përmbushjen e standardeve që ndërlidhen me mundësinë për anëtarësim në UNESCO, ndonëse ai nuk ka përmendur afate të mundshme se kur dhe nëse Kosova do të aplikojë për pranim në këtë organizatë.

“Kosova e ka kërkesën e saj plotësisht legjitime për t’u anëtarësuar në UNESCO. Aktualisht, Qeveria e Republikës së Kosovës, Ministria e Jashtme dhe ministritë e tjera përkatëse, ajo e Kulturës, janë duke punuar për të avancuar standardet që lidhen drejtpërdrejt me këtë anëtarësim”, deklaron Murtezaj.

Deklarata e zëvendësministrit të Jashtëm, Murtezaj, vjen një ditë pas deklaratave të presidentit të Serbisë, Tomisllav Nikoliq, i cili ka thënë se në rast se Kosova do të arrijë të anëtarësohet në UNESCO, pa u shqyrtuar kjo çështje në dialogun në Bruksel, atëherë ai do t’i propozojë Qeverisë së Serbisë që ta ndërpresë dialogun me Kosovën.

“Është larg mendsh që Kosova të jetë në UNESCO pa u biseduar në Bruksel. Në rast të një rezultati të tillë në votimin e Asamblesë së Përgjithshme të UNESCO-s, propozoj që t’i ndërpresim bisedimet me Prishtinën, dhe të ndihmojmë popullin tonë, që t’i ofrohet një jetë më e mirë se tash, si në Kosova ashtu edhe në Serbi”, ka thënë Nikoliq. Këtë deklaratë presidenti serb e ka bërë për një të përditshme në Serbi.

Ai ka theksuar, gjithashtu, se Serbia duhet ta vazhdojë presionin te vendet që nuk e kanë njohur Kosovën, në mënyrë që ta pengojë këtë të fundit të anëtarësohet në organizata ndërkombëtare.

Por, zëvendësministri Murtezaj thekson se anëtarësimi i Kosovës në UNESCO nuk varet nga qëndrimet e autoriteteve të Serbisë.

Deklaratën e presidentit serb ai e vlerëson si një thirrje kërcënuese dhe për destabilizim.

“Janë për të ardhur keq dhe nuk ka asnjë qëndrim të asnjë qeveritari të Serbisë që mund ta ndalojë Kosovën që të bëhet pjesë e UNESCO-s. Thirrjet për ndërprerje të dialogut dhe për mbrojtje (të serbëve) janë në fakt thirrje apo kërcënim për destabilizim të Kosovës, të cilën gjë institucionet e Kosovës nuk do ta lejojnë asnjëherë”, thekson Murtezaj.

Më 9 nëntor të vitit 2015, Konferenca e Përgjithshme e Organizatës së Kombeve të Bashkuara për Arsim, Shkencë dhe Kulturë (UNESCO), nuk votoi në favor të pranimit të Kosovës në këtë organizatë. Kosova nuk arriti të sigurojë votat e më shumë se dy të tretave të vendeve anëtare të kësaj organizate, të cilat ishin të nevojshme për pranimin e saj në UNESCO.(REL)

UNESCO

Vuçiq shpreson të mos ndodhë pranimi i Kosovës në UNESCO

Presidenti serb Tomislav Nikoliq sot në një intervistë për të përditshmen “Politika” ka thënë se duhet të ndërpritet dialogu me Prishtinën nëse Kosova pranohet në UNESCO.

Periskopi.com Lajme

Për këtë ka folur edhe kryeministri Aleksander Vuçiq, teksa ka folur në 100-ditshin e Qeverisë së re të Serbisë, transmeton Koha.net.

“Po e kuptoj atë çka Nikoliq ka tentuar t’iu thotë vendeve që do të votonin për këtë çështje”, ka thënë shkurt Vuçiq, duke shtuar se do të flasë kur të vije koha, që ndoshta nuk do të vijë fare sepse, sipas Vuçiqit, po luftojnë fuqishëm kundër atij vendimi.

“Nuk mund të paragjykoj se çfarë do të ndodhë në rastin nëse Kosova do të pranohet në UNESCO, ngaqë Serbia po luftën kundër atij vendimi”, përfundoi ai.

20161119133023624646

Jovanoviq sulmon presidentin e tij për Kosovën

Pas deklaratave të presidentit serb Tomisllav Nikoliq se nëse Kosova futet në UNESCO duhet të ndërpriten bisedimet me Prishtinën, ka reaguar menjëherë politikani i ri Çedomir Jovanoviq.

Periskopi.com Lajme

Jovanoviq ka thënë se Nikoliq duhet të ketë kujdes me këto deklarata dhe peshën e fjalëve që thotë, që sipas tij mund të rrezikojnë bisedimet, transmeton Koha.net.

“Në vend se të vazhdohet me negociata dhe zbatim të marrëveshjeve të Brukselit, Nikoliq po ofron konflikt të mundshëm si zgjidhje të problemeve”, është shprehur Jovanoviq për Tanjug.

Jovanoviq, ndër politikanët e vetëm serbë që mendojnë se Kosova duhet të njihet si shtet, ka thënë se këto deklaratë dëmtojnë më shumë Serbinë, që rrezikon të mbetet e vetmuar.