Komuniteti LGBT sot paradë në Tiranë

Periskopi.com Lajme

Aleanca LGBT dhe Pro LGBT, komuniteti i Lesbikeve, Gay, Biseksualëve dhe Transeksualëve sot do të mbajnë parada me biçikleta në Tiranë, pavarësisht se në të njëjtën ditë opozita ka njoftuar mbajtjen e një proteste në Bulevardin “Dëshmorët e Kombit”.

Aktivistët LGBTI kanë marrë garancinë direkte nga kryetari i Partisë Demokratike, Lulzim Basha se nga ana e mbështetësve të opozitës nuk do të ketë asnjë incident apo kërcënim për mbarëvajtjen e sigurt të këtij aktiviteti.

Parada do të mbahet nga ora 10:00, duke filluar  nga Pallati i Kongreseve, pjesëmarrësit do të pedalojnë në bulevard dhe do të kthehen majtas në rrugën Ismail Qemali, do të futen në zonën e ish-bllokut, Rruga Ibrahim Rugova dhe ashtu siç ishte parashikuar do të vazhdojnë përgjatë lumit të Lanës, do të kthehen tek ura në shkollën “Vasil Shanto” dhe do të vazhdojnë përsëri përgjatë Lanës.

Në këtë paradë do të marrin pjesë aktivistë LGBTI nga i gjithë rajoni, mbështetës, aktivistë dhe pjesëtarë të komunitetit LGBTI nga Shqipëria, si dhe përfaqësues të trupit diplomatik në Shqipëri.

Policia ka marrë masa për sigurimin e paradës së komunitetit LGBT, duke shmangur kalimin para çadrës para kryeministrisë.

Në një takim që pati të enjten me shefat e rinj të komisariateve të kryeqytetit, drejtori i ri i policisë së Tiranës, Ardi Veliu u ka kërkuar atyre t’i lihet porosi e veçantë të gjithë punonjësve të policisë që të tregohen të kujdesshëm dhe mos bien pre e situatave apo provokimeve të mundshme.

Vrasje e rëndë në Tiranë, vritet ish zyrtari i Policisë

Periskopi.com Lajme

Një ngjarje e rëndë ka ndodhur sonte në Tiranë, ish-zyrtari i Policisë është qëlluar për vdekje me armë zjarri në zonën e Liqenit në Tiranë.

Burime nga policia konfirmojnë se viktima është shtetasi Artan Cuku, ish-zyrtar në Policinë e Shtetit.

Ai ka mbajtur poste të larta në Policinë e Shtetit, si zv. drejtor i Policisë së Tiranës, zv. drejtor i Fierit, si edhe drejtor i Vlorës në periudhën 2012-2013.

Nuk dihen ende rrethanat e ngjarjes të ndodhur në “Rruga e Kosovarëve”.

Policia ka mbërritur menjëherë në vendin ku ndodhi krimi i rëndë dhe kanë nisur hetimet për zbardhjen e saj.

Mësohet se janë ngritur pika kontrolli në hyrje dhe dalje të Tiranës për të bërë të mundur kapjen e autorëve, të cilët dyshohet se janë larguar me një motor në drejtim të paditur.

Bllokohen të gjitha hyrje-daljet e Tiranës

Periskopi.com Lajme

Artan Çuku, ish-drejtori i Policisë Vlorë humbi jetën sonte nga një atentat me armë zjarri, vetëm 50 metra larg nga banesa ku edhe jeton ne Tirane.

Burimet e Policise bëjnë me dije se kane marre informacion për autoret e mundshëm te atentatit dhe kane ngritur postoblloqe te shumta ne te gjithë qytetin.

Hyrjet dhe daljet e kryeqytetit janë të gjitha të mbyllura, tha gazetari Artan Hoxha, i cili tha se ish-kryepolicin e kane ekzekutuar vrasës me pagese.

Nuk dihet ende asgjë për autoret, teksa Policia po sheh itenerarin qe kishte kryer deri ne momentin e ngjarjes Cuku, me ke ka qene dhe ku, si dhe po merren filmimet e kamerave te sigurisë së perimetrit të zonës.

Mesohet se autoret kane qene me motorr dhe me te me pas janë larguar ne veri te zones ku ndodhi ngjarja pasi kryen krimin

Xhamia më e madhe në Ballkan po ndërtohet në Tiranë

Ndërtimi si karabina i kësaj vepre madhështore e cila do të jetë pritëse për mijëra besimtarë muslimanë, ka përfunduar, ndërsa punimet e tjera vazhdojnë me shpejtësi.

Periskopi.com Uncategorized

Ndërkohë që besimtarët muslimanë në kryeqytetin e Shqipërisë, Tiranë, ende përballen me vështirësi në kryerjen e lutjeve të tyre, për shkak të numrit të vogël të xhamive dhe hapësirave të pakta të tyre, ndërtimi i një prej faltoreve më të madhe në Ballkan, Xhamisë së Namasgjasë, po vazhdon pandërprerë, raporton Anadolu Agency (AA).

Ndërtimi si karabina i kësaj vepre madhështore e cila do të jetë pritëse për mijëra besimtarë muslimanë, ka përfunduar, ndërsa punimet e tjera vazhdojnë me shpejtësi.

Pas shumë vitesh tentativa, gurthemeli i parë i saj më në fund u hodh më 13 maj të vitit 2015, ku në ceremoni ishte i pranishëm edhe Presidenti i Turqisë, Recep Tayyip Erdoğan, i cili gjatë një fjalimi tha se kjo do të jete dhurata më e vyer e Turqisë për popullin shqiptar.

Duke folur për AA, drejtuesi i punimeve të kësaj xhamie, Hüseyin Şentürk, tregon për avancimin e punimeve duke thënë se ndërtimi karabina i kësaj faltoreje sapo ka përfunduar dhe se kanë nisur nga puna me fazën tjetër të punimeve, atë të punëve të detajuara.

Punimet vazhdojnë sipas parashikimeve

Duke vënë në dukje se ata janë vazhdimisht nën mbikëqyrje të punimeve mbi letër dhe në terren, Şentürk, në vijim shton: “Ndërtimi i xhamisë po vazhdon me shpejtësi ashtu sikurse ishte planifikuar. Shpresojmë që në fund të vitit 2018 të hapim xhaminë për besimtarët. Normalisht jemi duke bërë llogaritë nëse do të mundemi ta mbarojmë pak më parë. Kemi pas shtetin e Turqisë dhe si rrjedhojë nuk kemi patur as edhe një problem financiar apo të ngjashëm me këtë dhe kur gjendja është e tillë nuk mbetet asnjë problem për ndërtimin e saj. Ndërtimi karabina ka përfunduar, ndërsa tenderat për punimet e tjera të hollësishme janë mbyllur. Ndërtimi po vazhdon sipas parashikimeve. Kemi bërë gjithashtu edhe tenderin për veshjen me gurë të xhamisë.”

Ai thotë se të gjitha kompanitë nënkontraktuese janë vendase dhe më pas shton: “Tani jemi duke hyrë në një fazë të re punimesh. Disa punë të veçanta janë mbulesa me plumb e kupolave dhe për ti bërë këto do të sjellim ekipe nga Turqia. Ndërsa dritaret e kësaj xhamie do të prodhohen në punishten e kompanisë tonë Komaş.”

Drejtuesi i punimeve thotë se dy katet e fundit janë drejt përfundimit, kate këto të cilat do të përdoren për parkimin e automjeteve, ndërsa puna në katin 0, kat i cili do të jetë për përdorim të shumëllojshëm, është duke vazhduar. Ai thotë se i vetmi ndërtim i cili nuk ka nisur është ai i godinës së muzeut për shkak se në të aktualisht ka një problem të vogël me pronësinë, ndërsa vë në dukje se sapo të zgjidhet problemi menjëherë do të fillojnë punimet.

Namazet në rrugë do të “falen vetëm për nostalgji”

Duke folur për kapacitetin e xhamisë, Şentürk tha se vetëm në ambientet e brendshme të kësaj faltoreje do të mund të kryejnë ritet e tyre të paktën 3.650 persona dhe shtoi: “Me thirrjen e imamit ‘të shtrëngohemi sepse jashtë ka shi, apo bën ftohtë’ vetëm në ambientet e mbyllura të xhamisë mund të falen 5 mijë persona, ndërsa në të gjitha hapësirat në këtë faltore do të mund të falen 10 mijë njerëz. Me shpresë të Allahut tani e tutje nuk do të jetë e nevojshme që namazet të falen jashtë, vetëm nëse si nostalgji, por kjo xhami është e mjaftueshme për të përballuar këtë fluks.”

Şentürk foli edhe për reagimet e qytetarëve për ndërtimin e kësaj xhamie duke thënë se ka marrë reagime shumë pozitive, madje ka njerëz të cilët luten dhe preken deri sa derdhin lot kur shohin punën e bërë deri tani. “Më parë punonim në gropë dhe askush nuk e dinte se çfarë ndodh këtu, por kur xhamia nisi të ngrihej atëherë filluan të vijnë edhe reagimet pozitive të qytetarëve”, thotë ai.

Duke theksuar se është shumë i lumtur që është pjesë e një projekti të tillë, Şentürk në vijim shton: “Ne si Turqi jemi duke lënë një gjurmë në Ballkan me këtë vepër. Zoti qoftë i kënaqur nga Turqia dhe ata që janë bërë shkas për ndërtimin e kësaj xhamie.”

Në kompleksin e Xhamisë së Namazgjasë do të ketë hapësira për zyra, bibliotekë dhe sallë konferencash. Ndërkohë në këtë xhami do të mund të kryejnë ritet e tyre fetare mijëra besimtarë. Pranë xhamisë do të ndërtohet edhe një muze i cili quhet ndryshe edhe si “Muzeu i Bashkëjetesës”.

Tirana e shpallur kryeqytet në vitin 1920, deri në vitin 1967, vit ky në të cilin feja u shpall e ndaluar në Shqipëri nga sistemi komunist, numëronte rreth 40 xhami, ndërsa popullsia e saj ishte afro 100 mijë. Ndërkohë sot kryeqyteti i Shqipërisë ka më shumë se 1 milionë banorë dhe ka vetëm 18 xhami të vogla, duke përfshirë edhe periferitë, të cilat nuk përmbushin aspak nevojat e besimtarëve muslimanë. Namazet e xhumave falen në rrugët dhe oborret e xhamive, ndërsa ato të bajrameve falen në bulevardin “Dëshmorët e Kombit”.

1 mijë policë ‘blinduan’ Tiranën, nuk do të ketë ndërhyrje

Mbi 1 mijë forca policore, 'blinduan' kryeqytetin për mbarëvajtjen e protestës se opozitës.

Periskopi.com Lajme

Përvec efektivëve të komisariateve që ishin prezent përgjatë bulevardit ‘Dëshmorët e Kombit ‘, në gatishmëri ishin edhe Forcat e Ndërhyrjes së Shpejtë. Në terren u panë edhe forcat RENEA, të cilët ishin dislokuar në tarracat e godinave të institucioneve përgjatë bulevardit duke vëzhguar situatën nga lartësia, transmeton tch.

Prani të shtuar policore ka patur edhe në akset nacionale drejt kryeqytetit për shkak të mjeteve të shumta, kryesisht autobuzë që erdhën në Tiranë. Mes turmës së protestuesve, kishte edhe agjentë civilë.

Disa incidente të vogla nuk munguan. Por kjo nuk cënoi mbarëvajtjen e protestës e cila ishte e qetë dhe pa tensione.

Ashtu siç paralajmëroi Top Channel, policia ishte mobilizuar për një protestë të gjatë nisur nga informacionet e siguruara në rrugë operative por edhe referuar kërkesës së Partisë Demokratike, e cila kishte lënë të pa pëcaktuar, orarin e përfundimit të tubimit.

Megjithëse leja e mitingut është tejkaluar, policia tha se nuk do të ketë ndërhyrje dhe protesta do të lejohet të vazhdojë.

 

 

Adem Jashari ishte burgosur në Tiranë (Video)

Në përvjetorin e nëntë të pavarësisë të gjithë kanë kujtuar Ademin dhe gjithë familjen Jashari.

Periskopi.com Lajme

Ua risjellim deklaratën e gazetarit Milaim Zeka i cili në një emision në Shqipëri ka treguar se ia Adem Jashari qe arrestuar në Tiranë.

“Në vitet e luftës komandanti Adem Jashari është burgosur në Tiranë. Kjo ka ndodhur në regjimin e Sali Berishës. Ka ndodhur në Kukës arrestimi. Këtë mund ta konfirmojë gjithkush”, ka thënë Zeka kohë më parë./ Periskopi

Protestuesit vendosen rrugëve të Tiranës, po bëhen gati të qëndrojnë aty edhe natën (Foto)

Kryetari i PD-së, Lulzim Basha, pas fjalimit që ka mbajtur në protestë, është futur në mesin e qytetarëve para Kryeministrisë dhe ka bashkëbiseduar me ta duke u ulur edhe këmbëkryq me ta, ndërkohë që të tjerë protestues kanë nisur ngritjen e çadrave para godinës së qeverisë.

Periskopi.com Lajme

Protesta e opozitës në Tiranë, protestuesit qëndrojnë në shesh (Video)

Para dhjetëra mijërave njerëzve të mbledhur në Tiranë, kreu i Partisë Demokratike Lulzim Basha, ka thënë se janë aty për të marrë vendim e madh, që të largojë qeverinë e Edi Ramës.

Periskopi.com Lajme

Ai ka bërë thirrje shqiptarëve të tubuar aty që të qëndrojnë në shesh deri sa vendi të shkojë në zgjedhje të lira, e deri atëherë të krijohet një Qeveri teknike.

———————————————————————————-

Mijëra protestues janë mbledhur në bulevardin e Tiranës, së bashku me ta dhe kryetari i PD-së Lulzim Basha, ish kryeministri Sali Berisha, por dhe deputetë demokratë.

Protestuesit mbajnë në duar pankarta kundër Rilindjes, por dhe tre dordolecë me figurën e kryeministrit Edi Rama, ministrit të Punëve të Brendshme Saimir Tahiri dhe ministrit Ilir Beqaj, dy ministrat më të përfolur për korrupsion.

Protestues dhe anëtarë të Partisë Demokratike nga e gjithë Shqipëria janë nisur drejt Tiranës që herët në mëngjes. Nga Gjirokastra, Berati, Fieri, Kukësi, Korça dhe Elbasani, i janë përgjigjur thirrjes së kreut të Partisë Demorkatike mijëra qytetarë, të cilët janë nisur drejt kryeqytetit me dhjetëra furgona e autobusa.

Protesta e opozitës zhvillohet kundër qeverisë, e cila sipas Partisë Demokratike, është pozicionuar kundër zgjedhjeve të lira e të ndershme. Fillimi i protestës së sotme të opozitës, sipas policisë është programuar të zgjasë deri në orën 16.00, por në kërkesën e saj, Partia Demokratike, nuk e ka vendosur përfundimin e saj. Një ditë më parë Lulzim Basha tha se momentin e përfundimit të saj do e vendosin qytetarët.

Policia njoftoi një ditë më parë se nuk ka informacione për akte dhune gjatë protestës. Sot do të angazhohen rreth 1 mijë efektivë të komisariateve dhe Forcave të Ndërhyrjes së Shpejtë. Si rrjedhoje e masave të marra në kuadër të protestës, do të këtë bllokime të kufizuara në Bulevardin “Dëshmorët e Kombit” dhe në disa akse që lidhen me të.

Në Shqipëri, femrat më të shkolluara se sa meshkujt

Sipas një studimi të OKB-së, në Shqipëri, 54 për qind e të diplomuarve në arsimin e lartë janë femra, kurse shifrat janë edhe më të mëdha në studimet pas universitare.

Periskopi.com Lajme

Studimi i realizuar nga Kombet e Bashkuara “Gratë në shkencë”, tregon se në Shqipëri ka më shumë gra të shkolluara se sa meshkuj. Sipas këtyre të dhënave, në Shqipëri, 54 për qind e të diplomuarve në arsimin e lartë janë femra, kurse shifrat janë edhe më të mëdha në studimet pas universitare. Raporti tregon se 58 për qind e studentëve që mbrojnë doktoraturën janë femra.

Ndryshimi në përqindje me meshkujt vjen në rënie sa i përket fushës së kërkimit. Femrat shqiptare zënë 44 për qind të numrit total, çka tregon angazhimin më të madh të meshkujve në këtë fushë. Por, pavarësisht këtyre shifrave, pavarësisht rritjes arsimore dhe kualifikimeve sërish në Shqipëri, gratë janë më pak të paguara sesa meshkujt.

“Në Shqipëri, shpenzimet për shkencë dhe kërkim janë shumë të ulëta. Në vitin 2016, ato zunë 0.35 për qind e Bruto Prodhimit nga 0.4 për qind që ishte në vitin 2017”, thuhet në këtë raport citon mapo.

Edhe në rang botëror, numri i femrave të angazhuara në shkencë është i ulët. Vetëm 28 për qind e kërkuesve janë gra.

 

 

Në Shqipëri, femrat më të shkolluara se sa meshkujt

 

..

Zbulohen mesazhet! Nuk do ta besoni sa kërkon për një natë seks juristja superseksi nga Tirana

Seksbomba shqiptare, Redona Koçi, ka treguar se sa kushton nata për të bërë seks me të.

Periskopi.com +18

Sipas faqes në Instagram “Demaskime Shqiptare” ajo ka thënë 1000 euro kushton nata me të më një kusht: Që seksi të bëhet me mbrojtje.

Sipas fotos së postuar, asaj i kërkohen edhe disa shërbime tjera, por ajo thotë që do t’i tregojë në skype të gjitha.

Shikoni fotografinë:

Dy persona vdesin në liqenin e ngrirë të Tiranës

Një 40 vjeçar i cili ka tentuar të ecte mbi akull në Fier dhe një 12 vjeçar i cili ka qënë duke luajtur në liqen mbi një pjesë akulli kanë humbur jetën gjatë ditës së sotme. Dy rastet janë konfirmuar nga uniformat blu.

Periskopi.com Lajme

12 vjeçari me inicialet F.G., ka humbur jetën në Tiranë, pasi luante mbi akullin e liqenit. Ngjarja është raportuar pak minuta më parë, nga blutë e Tiranës. Djali ka qënë duke luajtur, kur akulli është thyer. Ky rast i rende ka ndodhur në Mëzez, në zonën e Kasharit.

 

Burimet nga policia shtojnë se përpos djalit, ka qënë duke luajtur edhe një vajzë 15 vjeçare e cila ka shpëtuar. E reja me inicialet E.G., është jashtë rrezikut për jetën.

 

Më herët u raportua edhe për një 40 vjeçar që humbi jetën pasi tentoi të ecte mbi rezervuarin e ngrirë. Ngjarja e rëndë u shënua në fshatin Petovë në Fier, ndërsa mësohet se ka humbur jetën shtetasi Hajredin Xhelo. Lajmpress

Dëshmia e 22-vjeçares: Ja si i shpëtova përdhunimit

Dy të rinj nga Laçi u shpallën në kërkim nga Policia e kryeqytetit, pasi dyshohet se kanë tentuar të përdhunojnë në makinë një vajzë 22- vjeçare nga Tirana.

Periskopi.com Lajme

Të dyshuarit, shtetasit Armonel Bruka, 26 vjeç, dhe Henri Talo, 25 vjeç, janë denoncuar në Komisariatin nr.3 nga shtetasja me iniciale F.L., e cila pretendon se është marrë me forcë në makinë nga dy djemtë, të cilët kanë tentuar të abuzojnë seksualisht me të, raporton “Panorama”.

Sipas deklarimeve që ka dhënë në Polici e dëmtuara, dy të rinjtë kanë qenë në të njëjtën tavolinë me të dhe disa vajza e djem të tjerë, në një lokal te Rruga e Kavajës.

Pas mesnate, kur të rinjtë kanë dalë nga lokali ku po festonin Krishtlindjet, dy të dyshuarit i janë afruar vajzës, e cila po ikte për në shtëpi në këmbë dhe i kanë ofruar ndihmë që ta shoqëronin me makinë, meqenëse ishte ftohtë.

Fillimisht vajza ka refuzuar, por djemtë e kanë ndjekur me makinë teksa ajo ecte në këmbë dhe më pas F.L. ka pranuar që të hipë në makinë me ta. Por pasi kanë ecur disa metra, ata janë futur në një rrugicë të pandriçuar mirë dhe aty kanë tentuar ta përdhunojnë shkruan Panorama.

Në atë moment 22-vjeçarja ka nisur të kërkojë ndihmë duke thirrur me zë të lartë dhe nga frika se mos i dëgjonte ndonjë kalimtar, ata e kanë zbritur në tokë dhe vetë janë larguar me makinë.

Vajza ka deklaruar se automjeti drejtohej nga Armonel Bruka, ndërsa pasagjer ishte Henri Talo, i cili ka nisur i pari që ta ngacmojë seksualisht, më pas është mbështetur edhe nga shoku.

Policia tha dje se ka referuar materialet në Prokurorinë e Tiranës dhe po punon për kapjen e shtetasve Armonel Bruka e Henri Talo, nga Laçi, të cilët dyshohet se kanë tentuar të përdhunojnë një vajzë 22-vjeçare. Deri në orët e vona të mbrëmjes së djeshme, asnjëri prej tyre nuk është gjetur nga ana e forcave të rendit. Njëri prej të dyshuarve, Henri Talo, nuk është një emër i panjohur për Policinë.

Ky person rezulton i dënuar me 3 vite burg në muajin janar të këtij viti, pasi bashkë me një të ri tjetër po nga Laçi, shtetasin Elis Pasha, morën peng për disa orë dy studente, me të cilat kishin pasur lidhje intime, e u bënin presion, pasi nuk pranonin ndarjen. Ngjarja për të cilën akuzohen Pasha dhe Talo ka ndodhur në prill të 2015-s, kur vajzat, shoqe me njëra-tjetrën, bënë denoncimin në Komisariatin nr.6 të Tiranës.

Të dyja vajzat janë paraqitur në prill 2015 në polici, duke denoncuar dy djemtë, Pasha dhe Talo. Ato kanë rrëfyer se prej disa kohësh njiheshin me dy djemtë nga Laçi, me të cilët kanë udhëtuar dhe shoqëruar disa herë. Por pasi ishin ndarë prej tyre, më datë 8 prill 2015, janë ndodhur përsëri në shoqërinë dy djemve në një lokal në Tiranë.

Autorët u kallëzuan në Polici nga dy studentet, K.L., 23 vjeçe, nga Peqini, dhe R.Sh., 21 vjeçe, nga Korça. Vajzat pretendonin se dy të rinjtë kanë kryer marrëdhënie seksuale me dhunë, jashtë dëshirës së tyre, mbrëmjen e 21 marsit, në një motel në rrugën që lidh Vorën me Aeroportin e Rinasit. /Gazetatema.net

Shqiptarja e shkolluar në Turqi, sot ka një punë në Durrës që do t’ju lërë pa fjalë

Ajo është 31 vjeçe dhe ka përfunduar studimet për Financë-Publike në Ankara. Pas tre vitesh si e punësuar në kompani të ndryshme private ajo zgjedh të ndryshojë tërësisht drejtim duke kaluar nga profesioni i financieres në atë të themelueses dhe drejtueses së një ferme me 250 kokë dhi.

Periskopi.com Lajme

Rruga për të nuk ka qenë e thjeshtë. Nëse shumë bashkëmoshatare të sajat e kalojnë ditën mesa kafeneve apo duke diskutuar për mundësit e pakta të punës, Ejona, e shtynë ditën mes dhive, duke i ushqyer dhe mjel ato. Edhe pse kur ishte e vogël mund t’i kenë thirrur “dhi” me përkëdheli, ajo kurrë nuk e kishte menduar që një ditë dot kishte një fermë të veten më këtë kafshë.

31-vjeçarja ka lindur në Tiranë, por fermën e saj e ka ngritur në Durrës ku edhe jeton për momentin. I duhet të jetë pranë punës. Refuzimet shpesh të bëjnë të provosh veten dhe aftësitë e tua, kjo i ka ndodhur edhe Ejonës, e cila sot është pronarja e 250 dhive…

“Pas studimeve në Turqi, u ktheve në Shqipëri në 2010, sigurisht nuk gjeta punë sapo u ktheva po kam filluar të punoj si ekonomiste e thjeshtë në disa firma private derisa arrita të bëhesha zëvendëse CEO në një firmë e cila merrej me shfrytëzimin e pasurive të nëntokësore në Shqipëri. Si fillim asgjë nuk e plotësonte ambicien time, por nuk refuzova të punoja fillimisht si ndihmës ekonomiste dhe të vazhdoja të fitoja eksperiencën e duhur gjate këtyre viteve. Çdo punë e kam bërë me pasion”-tregon Ejona për Dita-n.

Por edhe Zaimaj ka kaluar nëpër një situatë të ngjashme për shumëkënd që përfundon shkollën dhe përballet me tregun e punës.

“Gjetja e një pune ishte e vështirë dhe ka qenë me raste dhe demoralizuese. Kur u ktheva fillova të punoja përsëri me prindërit kjo gjë nuk më mundonte mua po më shumë mundonte ata. E kuptueshme.

Aplikoja pa fund dhe të dërgoja Cv dhe email-e në kompani apo shoqëri që kërkonin staf dhe nuk merrja asnjë përgjigje, qoftë dhe për arsyen e refuzimit nga punëkërkuesi, në momentet e dhënies së intervistës skualifikohesha pa ditur arsyen. Sapo ke dalë nga bankat e shkollës dhe një nga kriteret që kërkojnë është eskeperienca, madje merr edhe përgjigje të tilla si; je shumë e kualifikuar për këtë që po aplikon. Se sigurisht unë vija me një diplomë master shkencore në Financë-Publike dhe me një mesatare të konsiderueshme nga fakulteti. Gjithsesi durim, pasi asgjë nuk është e pa mundur.”

Ejona i beson asaj shprehjes që thotë se, jo çdo kush që të refuzon, të bën keq. Në rastin konkret kanë bërë shumë mirë. Madje e kanë shtyrë këtë vajzë të kërkojë më tepër nga vetja. Madje të ndërtoj diçka të sajën. Një punë, të cilën e menaxhon vetë.

“Pas 4 vjetësh punë, firma ku punoja filloj të tërhiqte investimet e saj nga Shqipëria dhe unë do ngelesha prape pa punë. Ishte momente ku duhet të bëja prapë një zgjidhje, ishte momenti ku kisha shumë kohë të lirë dhe nuk doja më të filloja aplikimet dhe të njëjtin rrugëtim që kisha bërë vite më parë. Shkaku ishte një lajmërim në gazetë mbi subvencionet që shteti shqiptar jepte në sektorin e bujqësisë dhe blegtorisë. Kështu që duke pasur dhe një mbështetje të konsiderueshme nga grandet e qeverisë, të Ministrisë së Bujqësisë pse jo mos merrja një sipërmarrje të tillë. Ishte koha e duhej”.

Ndoshta do ishte me e përshtatshme dhe e modës për një vajzë të re që të hapte një…linjë kozmetike, por jo, Ejona zgjodhi… dhinë Por ka nje arsye se përse e u pleks pas kësaj kafshe, në dukej të egër, por me plot të mira për njeriun.

“Sigurisht që e ka një shpjegim. Pasi bëra një studim fizibiliteti dhe studiova ligjet e BE-së për kriteret e ndërtimit të fermave blegtorale, vizitova dhe fermat në rajon u njoha me faktin që Shqipëria në rajon, për vetë klimën e saj, është konkurruese në blegtori me dhi. Ne kemi diku racat tona autoktone të dhive më tepër se në vendet fqinje. Gjithashtu dhe orientimi i tregut ishte kërkesa që kishin konsumatorët për nënproduktet e qumështit të dhisë. Kjo ishte arsyeja përse dhia”.

Përfitimet prej saj janë të shumta. Nuk mund të pretendosh që t’ia marrësh frytet që vitin e parë, por e ardhmja duket e begate.

“Përfitimet? Në aspektin ekonomik: qumështin, gjalpin, djathin, plehun, kecat të cilat sjellin një të ardhur të konsiderueshme, megjithëse si vitin e parë si çdo biznes dhe ky ka vështirësitë e tij. Në aspektin social unë kam të punësuar 4 persona të cilët vijnë nga një shtresë e varfër, por janë shumë punëtorë dhe kontribuoj direkt në rritjen e mirëqenies në këto familje. Unë tashmë kam mundësi të jap sugjerimet e mia për zhvillimin e mëtejshëm të këtij sektori dhe të jem pjesë aktive në hartimet e legjislacioneve të ndryshme për formalizimin e këtij sektori. Përveç kësaj kënaqësia që merr në darkë pasi mbyll dritat e fundit në fermë është e pa krahasueshme”- rrëfen Ejona, pa mundur ta fsheh lumturin në sytë e saj.

Ferma ka një kapacitet të bollshëm prej 1800 kokë dhish, por momentalisht ajo ka 250, dhe pretendon që në fund të 2016 t’i çoj në 350. Ejona nuk e ka për turp të punojë në fermën e saj duke u kujdesur për dhitë.

“Merrem me mirëmbajtjen e tyre, me ushqimin e tyre. Kur ndonjë nga punëtorët ka probleme dhe nuk vjen në punë merrem dhe me mjeljen. Sigurisht me menaxhimin e fermës dhe punët administrative. Nuk është e lehtë, nuk do të demoralizohesh dhe duhet patjetër të ekonomizosh çdo gjë pasi janë gjë e gjallë që duhen të ushqehen njëlloj si ne. Tek unë alternohet puna në fermë me punën administrative”. Dhe në fund, një mesazh për bashkëmoshatarët e saj që nuk e kanë gjetur ende vetën në këtë vend i cili, sipas shumë syresh ofron pak mundësi për brezin e ri:

“Ne jetojmë në Shqipëri vend i cili të ofron shumë mundësi, mjafton të guxosh dhe të realizosh ato që ti dëshiron. Gjithmonë ka një derë hapur për ty.

Aksident i katërfishtë në autostradën Tiranë-Durrës

Një aksident i rëndë ka ndodhur vetëm pak minuta më parë në autorstradën Tiranë-Durrës.

Periskopi.com Lajme

Mësohet se katër makina janë përfshirë në aksident, dy nga të cilat, Mercedez Benz, njëra fouristradë e tipit ML, një Fiat Punto si një dhe një fouristradë Honda.

Nga të dhënat e para, bëhet me dije se nuk ka të lënduar në jetë njerëzore, shkak i aksidentit ka qenë shpejtësia e madhe, tej normave të lejuara, mos respektimi i distancës në rrugë, si dhe lagështia.

Si pasojë e këtij aksidenti, përgjatë gjithë segmentit rrugor, ka vështirësi të madhe në qarkullimin e mjeteve./ Opinion

Mediat serbe dhe maqedonase: Në Tiranë, në dyer të vogla, formohet ‘Shqipëria e Madhe’

Mediat serbe dhe maqedonase i kanë kushtuar rëndësi të veçantë formimit të Unionit të Komunave Shqiptare në rajon.

Periskopi.com Lajme

“Në Tiranë në dyer të vogla formohet ‘Shqipëria e Madhe’”, ky është titulli i mediave serbe pas konstituimit të këtij Unioni, transmeton lajmi.net.

Unionin e komunave për kryeqytetit shqiptar e përbëjnë Prishtinë, Tetova, Ulqini dhe Presheva.

“Lidhja e këtyre komunave ka për qëllim vendosjen e mekanizimit të bashkëpunimit të ndërsjellë në fushat e urbanizimit, mjedisit, kulturës, investimeve dhe inovacioneve”.

Këtë marrëveshje e kanë nënshkruar kryetari i Tiranës, Erion Veliaj, Shpend Ahmeti i Prishtinës, Teuta Arifi e Tetovës, Nazif Cungu i Ulqinit dhe Shqiprim Arifi i Preshevës.

Tiranë – Flet aktivisti i arrestuar dje: Policia më trajtoi si kriminel

Aktivisti Oltion Zaka, i cili ditën e djeshme u shoqërua nga forcat “Shqiponja” gjatë protestës kundër ligjit për importin e mbetjeve ka folur në një intervistë për gazetën shekulli.

Periskopi.com Lajme

Ai ka thënë se Policia ka ushtruar dhunë ndaj tij dhe se e ka trajtuar sikur të ishte një kriminel.

“Kemi qëndruar gjithë natën në rrugë dhe aty nga ora shtatë e mëngjesit kanë ardhur forcat ‘Shqiponja”.

Ne ishim të ulur në rrugë dhe Policia kërkoi që të çoheshim, pasi sipas tyre po pengonim njerëzit dhe direkt na kanë kapur dhunshëm.

Unë i thashë që të mos më preknin me dorë, sepse ajo ishte një protestë e ligjshme dhe nuk kishin të drejtë të preknin me dorë, por erdhi si fillim njeri dhe pas tij i dyti, i treti, i katërti dhe më pas nuk kam parë sesa janë bërë më kanë rrethuar dhe siç e keni parë në videon e publikuar më janë sulur disa duke më ngritur në ajër dhe më çuar drejt furgonit. Aty më kanë futur thes dhe kur e kam parë veten në Polici.

Gjatë tërheqjes zvarrë më kanë lënduar dorën. Më kanë dërguar në klinikë dhe më thanë se keni lëndime të rënda në dorë. Kam dhimbje dhe në pjesë të tjera të trupit. Me një fjalë më kanë trajtuar sikur të isha kriminel”, ka thënë ai në këtë intervistë.

Alarmante: Cilësia e ajrit në Prishtinë e dëmshme, kërkohet reduktim i lëvizjeve

Afrim Berisha nga drejtoria për monitorim, vlerësim dhe raportim mjedisor në Ministrinë e Mjedisit dhe Planifikimit Hapësinor, thotë se moti i cili gjatë javës së fundit ka përfshirë Kosovën e sidomos pjesën qendrore të saj ka ndikuar edhe në cilësinë e ajrit.

Periskopi.com Lajme

“Sikurse jeni njoftuar përmes Institutit Hidrometeorologjik të Kosovës gjate këtyre ditëve në Prishtinë dhe në Kosovën qendrore po mbanë një mot me mjegull të dendur, me lagështi të lartë të ajrit dhe me mungesë të erës. Përveç kësaj, gjatë kësaj kohe është rritur edhe sasia e shkarkimeve të ndotësve ne ajër sikurse janë ato nga industria, transporti dhe konsumimi i lëndëve të ngurta djegëse që përdoren për ngrohjet qendrore kolektive dhe ato individuale”, thotë Berisha, transmeton lajmi.net.

Sipas tij, si rezultat i kësaj situate ka ardhur deri te krijimi i gjendjes së smogut qe është karakteristik për sezonin dimërore sidomos për muajt nëntor, dhjetor dhe janar.

“Në këto kushte është konstatuar se përqendrimi i disa parametrave të cilësisë së ajrit sikurse është PM10, ka qenë me i lartë, që ka ndikuar që edhe cilësia e ajrit në Prishtinë dhe në zonën qendrore të Kosovës të jetë jo e kënaqshme. Nga analiza e rezultateve të fituara nga monitorimi automatik i cilësisë se ajrit është konstatuar se gjatë periudhës monitoruese për dy javët e fundit janë regjistruar tejkalime të vlerave kufitare ditore me PM10. Janë regjistruar 6 ditë (raste) me tejkalime të vlerave kufitare ditore. Ndërsa gjatë një viti lejohen 35 ditë me tejkalime të vlerave kufitare ditore”, thekson Berisha.

Sipas të dhënave nga raportimet online të shteteve të regjionit dhe atyre të Bashkimit Evropian, tejkalimet me parametrin PM 10, janë regjistruar edhe në qendra tjera të regjionit dhe Evropës sikurse në Shkup, Tiranë, Nish, Sarajevë, Stamboll, Vjenë, Varshavë dhe në qendra të tjera.

Në një situatë të tillë rekomandohet qe kategoritë e ndjeshme e sidomos personat me probleme me organeve të frymëmarrjes të mos qëndrojnë gjatë në ambiente të tilla.

Po ashtu këshillohen të gjithë që të reduktojnë lëvizjet e panevojshme me automjete sidomos ne zonat e frekuentuara nga këmbësorët, thotë në fund ai.

Ditëve të fundit, vendi ynë është alarmuar nga rritja e nivelit të ndotjes së ajrit.

Thaçi në Tiranë flet për diasporën

Presidenti i Republikës së Kosovës, Hashim Thaçi, me ftesë të kryeministrit të Shqipërisë, Edi Ramës, ka marrë sot pjesë në samitin e diasporës, që është organizuar në Pallatin e Brigadave në Tiranë.

Periskopi.com Lajme

Para shumë përfaqësuesve të diasporës, presidenti Thaçi ka thënë se qysh nga koha e rilindjes kombëtare, diaspora shqiptare ka qenë një prej shtyllave kryesore të përpjekjeve të kombit tonë për liri, pavarësi dhe shtetndërtim.

“Përpjekjet njëshekullore të popullit shqiptar për lirinë e Kosovës ishin gjithmonë të mbështetura nga diaspora, si përmes lobimit politik në qendrat vendimmarrëse botërore, po ashtu edhe me përkrahjen financiare, logjistike dhe njerëzore që kulmoi në përkrahjen e luftës së drejtë të Ushtrisë Çlirimtare të Kosovës”, ka shtuar ai.

Në këtë samit, presidenti ka kujtuar Jusuf Gërvallën e Kadri Zekën, Enver Hadrin, Agim Ramadanin e qindra dëshmorë që kanë rënë në përpjekjet për çlirim.

Më tej ai ka theksuar se në ditët e sotme, roli i diasporës ka ndryshuar. Sipas tij,  nga përkrahëse e luftës për liri e demokraci, diaspora është shndërruar në burim të stabilitetit socio-ekonomik.

“Ne të gjithë duhet të punojmë që diaspora shqiptare, me potencialin e madh që ka, të shndërrohet në partner i zhvillimit socio-ekonomik, arsimor, profesional, kulturor e sportiv të shteteve tona”, ka thënë ai.

Presidenti ka theksuar se vajzat dhe djemtë tanë, gratë dhe burrat tanë në diasporë sot janë të suksesshëm në të gjitha fushat e jetës, duke filluar nga arti, kultura, muzika, sporti e deri te jeta akademike dhe profesionale, politika dhe biznesi.

“Dhe, duke qenë njerëz punëtorë e të ndershëm, ata janë ambasadorët më të mirë të kombit dhe atdheut të tyre. Sot, diaspora shqiptare ka nevojë më shumë se kurrë për një riorganizim të saj, ndërsa shtetet tona kanë nevojë për të krijuar infrastrukturë sa më të mirë dhe për të qenë partner i përhershëm i bashkatdhetarëve tanë”, ka shtuar ai.

Presidenti ka thënë se si dy shtete kemi obligim që të kontribuojmë në ruajtjen e identitetit kombëtar të diasporës sonë dhe t’u shtrijmë atyre dorën e ngrohtë të shteteve tona.

Sipas tij, ekziston nevoja që diaspora të jetë edhe më shumë e përfshirë në jetën institucionale të vendit.

“Prandaj, në këtë frymë, në kuadër të punës për reformën zgjedhore, do ta trajtojmë edhe mundësinë e ndryshimit të Kushtetutës së Kosovës për të përcaktuar një numër të vendeve të rezervuara për diasporën”, ka paralajmëruar presidenti.

Thaçi ka thënë se nën modelin e bashkëpunimit të shkëlqyer të organizimit të takimeve në mes të dy qeverive, samitin e  ardhshëm të diasporës do ta organizojmë ne Prishtinë.

18-1 20 21 22

Ja përse studentja i hodhi bojë në kokë ministres Nikolla, rrëfimi prekës i 24-vjeçares

Periskopi.com Lajme

Mirela Ruko, 24 vjeç nga Fieri, është studentja që i hodhi bojë në kokë ministres së Arsimit Lindita Nikolla pasditen e sotme.

Ajo ka mbaruar 3 vite bachelor dhe ndërpreu studimet për master, pasi iu desh të punonte për të mbledhur 200 mijë Lekë të reja, tarifa e vendosur nga Ministria e Arsimit pas reformës universitare, për të ndjekur studimet master. Në emisionin ‘Zoom IN’ në muaji shkurt të këtij viti, studentja 24-vjeçare ka treguar historinë e trishtë të saj.

“Babi im ka punuar në një punë pa siguracione. Aktualisht im ate ka probleme fizike dhe nuk mund të punojë. Mami im është ajo që kujdeset për të. Duke qënë se nuk ka pasur siguracione, nuk merr asnjë asistencë, apo ndihmë ekonomike, janë dy prindër pa punë, të cilët kanë 3 fëmijë në shkollë. Gjatë momenteve që unë kam patur Maturën Shtetërore, prindërit e mi më thanë që unë nuk kisha mundësi të vazhdoja universitetin

Unë qaja, por gjithsesi thosha që unë do të vazhdoj. Dhe kur fitova shkolln prindërit e mi më thanë që kishin marrë lekë borxh që unë të vazhdoj studimet universitare. Unë ja u kisha bërë të ditur prindërve që nëse nuk gjenin mundësi do të largohesha nga shpia, për të gjetur një mënyrë se si të vazhdoja shkollën e lartë. Në vit të parë erdha në shkollë, një vajzë e cila vinte nga një fshat i Fierit, përball një Tirane kaotike. Duhet të gjeja punë, por nuk kisha mbështetje”, është shprehur Mirela.

Me 50 mijë lekë të vjetra kam ardhur në Tiranë ditën e parë. Babi im kur ka shkuae për të kërkuar bursë, është nxjerr jashtë, madje është qëlluar nga Kryetari i Komunës” rrëfehet me lotë në sy Mirela Ruko, gjatë një interviste të para disa muajve.

Video ekskluzive/ Si ruhen me armë parcelat me hashash pak metra larg Tiranës

"Panorma" publikon një video ekskluzive sot në të cilën tregohen pamjet e parcelave të mbjella me hashash në rrethinat e Tiranës.

Periskopi.com Lajme

Në pamjet që shihni më poshtë, dëgjohen të shtëna me armë zjarri të cilat qëllohen nga personat që ruajnë këto parcela, vetëm pak metra larg kryeqytetit.

Kjo video është siguruar nga personi i cili ka kaluar rastësisht në këtë zonë dhe ka diktuar kanabisin.

Por ai ka shpëtuar paq nga krismat e armës së rojës së parcelave, i cili sapo ka parë një person të panjohur, një person që nuk i përket “grupit”, ka shtënë pa u menduar dy herë.

Ajo që mund të thuhet është se si i ka shpëtuar Policisë kjo zonë në rrethinat e Tiranës, mbrapa malit të Dajtit, e mbjellë me hashash, kur blutë janë shtrirë në të gjithë Shqipërinë madje edhe me një plan konkret masash në aksionet antikanabis.