Eksperti: Nuk është feja islame që drejton evropianët e rinj te Xhihadi

Periskopi.com Lajme

Një nga ekspertët më të mirë të Francës mbi tematikën e terrorizmit islamik, Oliver Roy, tregon për “Haaretz” se si sulmues si Salman Abedi në Mançestër kthehet në një nga “radikalët e rinj”, i cili predikon vdekjen.

Ankara – Salman Abedi, bombarduesi vetëvrasës, i cili vrau 22 njerëz në koncertin pop të Mançesterit këtë javë, i cili kishte filluar një jetë me mjaft përparësi: nga prindër, të cilët u larguan nga Libia e Gadafit për një jetë më të mirë në Britaninë e Madhe. Faktikisht, kjo shpërngulje, dy dekada më vonë do të çonte Abedin në një çekuilibrim, pohon Oliver Roy.

“Paramendohet se 60% e atyre që e përkrahin xhihadizmin e dhunshëm në Evropë janë brezat e dytë të myslimanëve, të cilët kanë humbur lidhjen me vendin e tyre dhe kanë dështuar të integrohen në shoqëritë perëndimore”, thotë Roy.

Ata janë subjekt i “procesit të dekulturalizimit”, i cili i injoron dhe i veçon nga shoqëria evropiane dhe nga shoqëria e prejardhjes së tyre. Përfundimi është, një “zbrazësi identiteti” i rrezikshëm në kërkim të një “ekstremizmi të dhunshëm”, argumenton Roy.

Lindur në Britani në vitin 1994, Abed do t’’i bashkohej më vonë fundamentalizmit të dhunshëm pas një jete në një limbo. Nga njëra anë, ai u përpoq të rilidhej me Libinë, nga ku kishte udhëtuar disa ditë më parë, një javë përpara sulmit dhe, nga ana tjetër, u përpoq t’iu bashkohej të rinjve britanikë, të cilit ai i sulmoi.

“Ndryshe nga brezat e dytë, sikurse ajo e Abedit, brezat e tretë janë më mirë të integruar në Perëndim dhe nuk përbëjnë më shumë se 15% të xhihadistëve”, pohon Roy. “Të konvertuarit, të cilët kanë një afri me Islamin dhe të veçuar nga çdo kulturë tjetër, përbëjnë rreth 25% të atyre që mund t’i bashkohen fundamentalizmit të dhunshëm”.

Është një model që gjendet te brezat e dytë, si Khaled Kelkal, xhihadisti i parë i Francës në vitin 1995, te vëllezërit Kouchi, të cilët sulmuan revistën satarike të Charlie Hebdo-s në Paris më 2015. I njëjti model gjendet dhe te sulmuesit e tjerë, si Sabri Refla, belg, djali i një babai nga Maroku dhe një nëne nga Tunizia, i cili ikën për në Siri në moshën 18-vjeçare “pasi iu bashkua Islamit në një mënyrë krejt ndryshe nga ajo jona”, tregon nëna e tij e brengosur, Saliha Ben Ali.

Me një kuptueshmëri të përciptë të fesë apo të Islamit, të rinj si Abedi përkrahin terrorizmin për shkak të një “instintki vetëvrasës” dhe “një magjepseje ndaj vdekjes”, pohon Roy. Ky element kyç është ilustruar dhe nga slogani i parë i xhihadistit Osama bin Laden: “Ne duam vdekjen sikurse ju doni jetën”.

“Pjesa më e madhe e Alkaedës dhe Shtetit Islamik të xhihadistëve, duke përfshirë dhe sulmuesin Abed, kryejnë sulme vetëvrasëse jo sepse kanë një strategji ushtarake, apo sepse pajtohen me besimin e Salafit”, thotë Roy. “Këto sulme nuk e shfyqëzojnë armikun konsiderueshëm dhe Islami dënon vetëflijimin si një ndërhyrje e vullnetit të Zotit”.  Këta të rinj kërkojnë vdekjen si një fund-qëllim në vetvete”.

Në librin e tij të fundit: “Xhihadi dhe vdekja: thirrja ndërkombëtare e Shtetit Islamik”, Roy argumenton se rreth 70% e këtyre të rinjve kanë një njohuri të përciptë të Islamit dhe ai sugjeron që ata janë “radikalë” përpara se të zgjedhin Islamin. Ai i pagëzon ata si “myslimanë të rilindur”, të cilët kanë pasur një jetë të shthurrur përpara një konvertimi të papritur në fundamentalizëm të dhunshëm.

“Ne duhet të hetojmë islamifikimin e radikalizmit dhe jo radikalizmin e Islamit”, thotë Roy, përse shumë të rinj radikalë zgjedhin fundamentalizmin e dhunshëm mbi besime të tjera destruktive për t’u përfshirë në terrorizëm. Këta “radikalë të rinj” zgjedhin Shtetin Islamik si tregues, sikurse të ishte i vetmi në “tregun ndërkombëtar të ideologjive fundamentaliste”, thotë Roy. “Ata, në të shkuarën mund të kishin zgjedhur, për shembull, të majtat ekstremiste”. Gjysma e xhihadistëve të dhunshëm në Francë, Gjermani dhe Shtetet e Bashkuara kanë rekorde kriminale për krime të vogla, sikurse Abedi, të cilët janë radikalizuar pa u përfshirë në xhamitë lokale apo komunitetet fetare, një element që pasqyrohet në modelet e pjesës tjetër të Evropës.

Sipas Roy-it, ndërsa Salafi Islam ultra konservativ është patjetër një problem që mbështetësit e tij kundërshtojnë vlerat bazë të tolerancës dhe shoqërisë sekulare perëndimore, në të njëjtën kohë nuk duhet të bie dakort me ekstremizmin e dhunshëm.

Ndërsa analizohen prejardhjet e të rinjve, sikurse ajo e Abedit, roli i revanshizmit islam nuk duhet mbivlerësuar në vendet në zhvillim, që po ushqen politikat perëndimore koloniale dhe ndërhyrjet në Lindjen e Mesme.

“Nëse do të ishte i shqetësuar për veprimet e imperializmit perëndimor, ai do të kishte përmendur sulmin britanik në Libi në vitin 2012, duke e bërë veprimin e tij politik në një mënyrë apo tjetër”.

“Abedi ishte pjesë e kultures së rinisë britanike që ai e sulmoi, ai vrau një pjesë të vetes së tij si pjesë e asaj shoqërie”, thotë Roy nga zyra e tij në Firencë, nën titullin profesor në Institutin e Universitetit Evropian.

Nëse do të ndihej i plotësuar me kulturën islamike dhe i prirur me ambicien për të themeluar Shtetin Islamik në Lindjen e Mesme, ai mbase nuk do të kishte njohur këngëtaren pop, Ariana Grande”, thekson Roy, duke shtuar se “në vend të kësaj, ai do të kishte udhëtuar në Siri ose Libi”.

Nëse komentet e ministrit të Brendshëm francez, Gérard Collomb, do të konfirmohen, Abedi do të bënte pjesë në listën e gjatë të xhihadistëve të rikthyer, të cilët nuk mirëpriten në Evropë, pasi kanë luftuar në Siri. Roy shton se ka dhe disa lajme të mira: Qindra sulmues të huaj nga Evropa po kërkojnë rikthim të sigurt në Evropë, duke u rikthyer vetë në ambasadat turke, sipas shtypit italian.

“Kjo tregon se ata nuk kanë instiktin vetëvrasës që karakterizohen terroristë sikurse Abedi”, thotë Roy. Gjithsesi ai paralajmëron se një “sekularizëm homogjen” dhe një refuzim “i të gjitha formave fetare” në Perëndim ka krijuar një zbrazësi shpirtërore, e cila mund të kthehet në një terren prodhimi të fundamentalizmit.

Përkthimi për albinfo.ch: Julina Canga, Bernë

Kush është terroristi shqiptar më i famshëm në botë (Foto +18)

Periskopi.com Lajme

Lavdrim Muhaxheri është shqiptari më i njohur në radhët e ISIS, jo vetëm për deklaratat e tij që bëjnë thirrje për Xhihad, por edhe për videot ku shfaqet me koka të prera.

Sipas të dhënave paraprake, Muhaxheri ka punuar për KFOR-in amerikan në kampin “Bondsteel”, si dhe për NATO-n në Afganistan.

Miqtë e tij tregojnë se ai kishte rekomandime të mira nga punëdhënësit e tij. Në 2013 Lavdrim Muhaxheri, i njohur ndryshe si Komandant Muhaxheri, u zgjodh komandant i shqiptarëve që u bënë pjesë e rebelëve që luftonin kundër regjimit të Bashar Al-Asadit.

Por jo i atyre që kërkonin demokraci në Siri, por i krahut më radikal atij “Al Nusra”.

Në vitin 2012, Muhaxheri u lidh me shoqatën lokale “Parimi”, nga e cila më vonë u krijuar shoqata “Rinia Islamike Kaçanik”, ku mbante pozicionin e Emirit, udhëheqësit të krahut ushtarak të organizatës.

Lavdërim Muhaxheri, u deklarua i vrarë disa herë nga mediat.

Por duket se kësaj radhe ka vdekur. Të enjten e 8 qershorit 2017, familjarët e Lavdrimit konfirmuan vdekjen e tij.

 

 

 

 

Gëzim Kelmendi dënon sulmin terrorist në Londër

Periskopi.com Lajme

Partia Fjala thotë se dënon fuqishëm sulmin terrorist që ndodhi në Londër, ku humbën jetën mbi 7 persona dhe mbetën të plagosur 48 të tjerë.

“Vrasja e mbrëmshme e qytetarëve të pafajshëm është dëshmi se terroristët dhe terrorizmi nuk zgjedhin, vend, popull, fe dhe racë. Popullit britanik ju shprehim ngushëllimet e sinqerta për humbjen e jetërave të qytetarëve të pafajshëm. Njëherit shprehim ngushëllimet më të sinqerta për familjet e viktimave, ndërsa të plagosurve ju urojmë shërim sa më të shpejtë”, thuhet ne reagimin e kësaj partie që udhëhiqet nga Gëzim Kelmendi./ Periskopi

 

Murtezaj: Jemi cak i kërcënimeve terroriste

Periskopi.com Lajme

Kandidati i LDK-së për deputet që ishte edhe zëvendësministër i punëve të jashtme ka deklaruar se nuk duhet larguar vëmendjen nga kërcënimet globale, e që sipas tij, këtu është edhe terrorizmi.

Ai pranoi se edhe Kosova është cak i kërcënimeve të tilla. Kështu deklaroi ai në Tribunë Zgjedhore.

“Nuk duhet ta heqim nga vëmendja se i gjithë rajoni, edhe kjo pjesë e Evropës është cak i kërcënimeve globale, po mendoj për terrorizmin global”, tha ai.

“Sa i përket sigurisë brenda Kosovës, ne jemi një nga vendet më të sigurta sa i përket jetës së qytetarit, janë disa fenomene që duhet të kemi vëmendjen më shumë”, tha Murtezaj./ Periskopi

Skandaloze: Dëshmitarit të mbrojtur kundër të akuzuarve për terrorizëm, Gjykata ia zbuloi identitetin (Video)

Periskopi.com Lajme

Njëri nga dëshmitarët e mbrojtur në rastin e njohur si “Badovci”, në të cilin janë dënuar pesë persona me gjithsej 48 vjet burgim për terrorizëm, ka rrëfyer për Indeksonline se ai dhe familja e tij, janë duke u përballur me kërcënime nga të afërm të të dënuarve, për shkakun se atij gjatë seancave gjyqësore iu është zbuluar identiteti nga prokuroret por edhe nga vetë gjyqtari i rastit.

N.N i njohur ndryshe si dëshmitari i mbrojtur në një rrëfim ekskluziv për Indeksonline ka treguar se si emri i tij është bërë i njohur për të dënuarit për terrorizëm në rasin “Badovci”, sipas ky informacion rrodhi nga vet gjyqtarja në seancën e dytë në gjykatën themelore të Prishtinës, ku paraprakisht emrin e tij e kishin siguruar edhe avokatët mbrojtës të të akuzuarve.

“Kam mbetur i shokuar kur gjyqtarja në seancën e dytë kundër të dyshuarve në atë kohë për terrorizëm, e ka pyetur Blerim Latifin si i akuzuar i rastit, se a e njeh dëshmitarin N.N. Kjo më ka habitur sepse unë kisha pranuar që vetëm në cilësinë e dëshmitarit të mbrojtur të jap dëshminë time lidhur me rastin”, ka treguar ai.

Pas kësaj rrjedhje të informacionit, sipas dëshmitarit nga institucionet përgjegjëse por edhe nga vetë gjykata e rastit, ai kërkon mbrojtje nga institucionet për shkakun se kërcënimet vazhdojnë ti vijnë në adresë të familjes së tij.

“Senanca e radhës kundër të akuzuarve për terrorizëm pritet të mbahet 13 qershor, Gjykata Themelore e Prishtinës më ka dërguar një thirrje për tu paraqitur në këtë seance, por unë nuk do të shkoj sepse identiteti më është zbuluar nga vetë ata dhe kjo seancë nuk ka kuptim për mua”, ka thënë ai.

“Besnik Latifi i ma ka dërguar dajën e tij në shtëpi dhe kanë kërkuar përmes familjarëve të mi që të kem kujdes për ato çfarë do të dëshmoj në gjykatë”, ka rrëfyer dëshmitari.

Ai ka treguar se ka kërkuar edhe nga Policia e Kosovës që ta marrë deklaratën e tij të parë dhënë në pas arrestimit të të dyshuarve për terrorizëm.

Pesë pjesëtarët e grupit të quajtur “Badovci” janë shpallur fajtorë në korrikun e vitit të kaluar nga Gjykata Themelore në Prishtinë.

Sipas vendimit të gjykatës, Besnik Latifi është dënuar me 13 vjet burg, Gazmend Haliti me 12, Milazim Haxhiaj me 10 vjet e 3 muaj, Fehmi Musa me 4 vjet dhe Enis Latifi me 10 vjet burg.

Në rastin e njohur si “Badovci”, pesë personat janë dënuar nën aktakuzën për përgatitje të veprave terroriste ose veprave penale kundër rendit kushtetues dhe sigurisë së Republikës së Kosovës.

Sipas aktakuzës, të pesë të akuzuarit në korrik të vitit të kaluar kishin shkuar te liqeni i Badovcit, afër Prishtinës, me qëllim që të incizojnë një video propaganduese, në të cilën planifikonin ta lexonin betimin ndaj udhëheqësit të organizatës terroriste “Shteti Islam”, i njohur me shkurtesën ISIS.

Ndiqeni me video rrëfimin e dëshmitarit të mbrojtur të rastit “Badovci”:

Identifikohet autori i sulmit terrorist në Mançester

Periskopi.com Lajme

Autoritetet britanike kanë identifikuar autorin e sulmit terrorist që ndodhi mbrëmë në koncertin e Arianda Grande në Mançester.

Sipas mediave, autori është Salman Abedi 23 vjeç me origjinë nga Libia. Ai hodhi veten në erë në stadiumin ku zhvillohej koncerti, duke lënë 22 të vdekur shumica prej të cilëve ishin fëmijë.

Të paktën 119 persona të tjerë kanë mbetur të plagosur nga sulmi kamikaz. Grupi terrorist i Shtetit Islamik ka marrë përgjegjësinë e këtij sulmi.

Lëshimet që kthyen në pikën zero rastin ‘Badovci’

Periskopi.com Lajme

Njëri nga rastet më të përfolura të terrorizmit në Kosovë në vitet e fundit, i njohur si rasti “Badovci”, është kthyer në pikën fillestare nga Gjykata Supreme e Kosovës.

KALLXO.com raportoi sot ekskluzivisht për vendimin e Gjykatës Supreme ndërsa u sjell detaje për gjetjet ligjore që sollën këtë vendim.

Shkalla e tretë e drejtësisë në Kosovë ka gjetur se aktgjykimi dënues i Gjykatës Themelore të Prishtinës dhe aktgjykimi i Gjykatës së Apelit që vërtetoi këtë aktgjykim, kishin shkelje esenciale të dispozitave të Kodit të Procedurës Penale të Kosovës.

Kësisoj, Gjykata Supreme ka pranuar kërkesat për mbrojtje të ligjshmërisë të parashtruara nga mbrojtjet e të akuzuarve dhe ka kthyer rastin në rivendosje në gjykatën themelore.

Besnik dhe Enis Latifi, Gazmend Haliti, Milazim Haxhiaj dhe Fehmi Musa ishin dënuar në korrik të vitit të kaluar me gati gjysmë shekulli burgim për akuza që lidhen me terrorizëm.

Ky aktgjykim i gjykatës themelore ishte vërtetuar nga Gjykata e Apelit të Kosovës në dhjetor të vitit të kaluar.

Të pakënaqur me këtë, avokatët mbrojtës i ishin drejtuar Gjykatës Supreme me kërkesa për mbrojtje të ligjshmërisë.

Gjykata Supreme e Kosovës përmes vendimit të cilin e ka siguruar KALLXO.com,  ka gjetur një varg shkeljesh në vendimet e dy gjykatave më të ulëta.

“Gjykata Supreme konstatoi se janë të bazuara pretendimet në kërkesat për mbrojtjen e ligjshmërisë në të cilat ceken të metat e aktgjykimeve të kundërshtuara lidhur me paqartësitë e dispozitivit të aktgjykimit të shkallës së parë dhe me mosdhënien e arsyeve ligjore për elementet qenësore të veprës penale”, thuhet në vendimin e Gjykatës Supreme të Kosovës.

Më tej në vendimin e Gjykatës Supreme thuhet se aktgjykimi për Rastin “Badovci” nuk tregoi si është përmbushur vepra penale.

“As nga dispozitivi i aktgjykimit, e as nga arsyet e aktgjykimit nuk mund të kuptohet se si është përmbushur-manifestuar përgatitja e veprës penale nga pika1.7 e neni 135 të KPK-së, shkaktimi i rrezikut të përgjithshëm, apo nga neni 365 të KPK-së, apo zjarrvënia nga neni 334 pika 7 të paragrafit 1 të nenit 135 të KPK-së. Këto elemente duhet të përmbushen në mënyrë kumulative”, thuhet në vendimin e Gjykatës Supreme të Kosovës.

Përpos kësaj gjetjeje, Gjykata Supreme vuri në dukje se nuk janë plotësuar as elemnete të tjera të veprës penale të terrorizmit.

“Nga neni 144 par 4 i KPK-së, rrjedh se ‘kushdo që me qëllim të kryerjes së një apo më shumë veprave terroriste nga ky kapitull, dërgon apo bartë grupe të armatosura, pajisje ose burime tjera materiale në ose jashtë Kosovës, dënohet me 10 deri në 20 vjet burg’. Në rastin konkret në dispozitivin e aktgjykimit nuk ceket se të dënuarit kanë ndërmarrë ndonjërin prej  veprimeve të cekura në këtë dispozitë ligjore”, thuhet në vendimin e Gjykatës Supreme.

Krejt në fund, Gjykata Supreme e Kosovës kërkon që në shqyrtimin gjyqësor që do të mbahet në gjykatën themelore duhet të nxjerren konkludimet për ekzistimin e secilit element qenësor të veprave penale për të cilat të dënuarit akuzohen.

“Sidomos duhet të arsyetohet qëllimi i shkaktimit të rrezikut të përgjithshëm apo zjarrvënies dhe qëllimi i dërgimit të grupeve të armatosuara, pajisjeve, burimeve tjera materiale në ose jashtë Republikës së Kosovës me qëllim që ligji penal të aplikohet në mënyrë të drejtë”, urdhërohet në vendimin e GJykatës Supreme.

Në këtë rast të akuzuar ishin Besnik Latifi, Gazmend Haliti, Milazim Haxhiaj, Fehmi Musa dhe Enis Latifi.

Sipas aktakuzës, të pesë të akuzuarit në korrik të vitit të kaluar kishin shkuar te liqeni i Badovcit, afër Prishtinës, me qëllim që të incizojnë një video propaganduese, në të cilën planifikonin ta lexonin betimin ndaj udhëheqësit të organizatës terroriste “Shteti Islam”, i njohur me shkurtesën ISIS.

Grupi, sipas prokurorisë, ka pasur qëllim që këtë video ta publikojë në internet me qëllim që të dëshmojnë para botës shtrirjen e të ashtuquajturit “Shtetit Islam” në Republikën e Kosovës.

Në korrik të vitit të kaluar Besnik Latifi ishte dënuar me 13 vjet burg, Gazmend Haliti me 12, Milazim Haxhiaj me 10 vjet e 3 muaj, Fehmi Musa me 4 vjet dhe Enis Latifi me 10 vjet burg.

Fuad Ramiqi ‘hyn garant’ për kosovarët e arrestuar në Itali

Fuad Ramiqi, kreu i LISBA-s, në Info Magazine të Klan Kosovës ka thënë se është i bindur që katër kosovarët e arrestuar në Itali nuk kanë kurrfarë lidhje me aktivitete terroriste.

Periskopi.com Lajme

Ai ka deklaruar se nga materialet e publikuara nga policia italiane nuk duket që ata të kenë pasur prirje ekstremiste.

“Kjo ngjarje është përcjellë përmes mediave si ngjarje e jashtëzakonshme. Bëhet fjalë për diçka që ende nuk është vërtetuar. Por nga ato materiale që u raportuan të jenë konfiskuar nuk e pashë të ketë pasur diçka të rrezikshme. Më shumë ka pasur forca policore kur më kanë arrestuar mua, sesa ata djem. Ishte një bastisje më e rëndomtë. Mendoj që më tepër ka qenë aksion kontrollues, sesa diçka tjetër”.

Ramiqi ka thënë se pret që pas lirimit të këtyre djemve Italia të kërkojë falje, pasi nuk ka asnjë indicie që të kenë qenë duke organizuar sulm terrorist.

“Unë jam i bindur që ata nuk janë pjesë e grupeve terroriste. Në bazë të asaj çka kam lexuar, jam i bindur që këta djem nuk kanë pasur lidhje fare me këtë punë. Pres që pas lirimit të tyre, Italia të kërkojë falje”.

“Vet natyra e jetës së tyre nuk na lë të mendojmë që ata mund të jenë pjesë e atyre grupeve. Sa i përket imazhit, nuk mendoj që ata djem na e prishin”.

‘Terrorizmi në Kosovë, fenomen i ri’

Kryetari i rizgjedhur i Gjykatës së Ferizajt, Bashkim Hyseni, tha se kanë arritur t’i përfundojnë të gjitha lëndët që kanë të bëjnë me terrorizmin.

Periskopi.com Lajme

I zgjedhur edhe për një mandat në krye të Gjykatës Themelore të Ferizajt, Bashkim Hyseni thotë se veprat penale të terrorizmit janë një fenomen i ri.

“Terrorizmi ka qenë një fenomen i ri me të cilin janë ballafaquar gjykatat kosovare dhe për neve ka qenë një fenomen i ri, një risi në kuptimin e natyrës së veprës penale”, theksoi ai.

Hyseni tha se kanë arritur që t`i përfundojnë të gjitha lëndët që kanë të bëjnë me veprat penale që ndërlidhen me terrorizëm.

Të kësaj natyre, Hyseni theksoi se ishin katër lëndë dhe ndaj të akuzuarve janë shqiptuar 54 vjet burgim.

“Ndaj personave të akuzuar kemi shqiptuar 54 vite burgim dhe lëndë të kësaj natyre pothuajse janë përfunduar në këtë gjykatë. Dhe tani më disa prej tyre kanë marrë edhe epilogun përfundimtar dhe tani më janë çështje të përfunduara me vendim të formës së prerë”, ka deklaruar Bashkim Hyseni, kryetari i rizgjedhur i Gjykatës Themelore të Ferizajt, transmetoi “Drejtësia në Kosovë”.

bashkim-hyseni1-e1486829997504

Tronditëse: Muzeu i Luvrit ishte një nga 6 objektivat e ‘listës së zezë’ së sulmuesit

Muzeu i Luvrit në Paris, i njohur botërisht, ishte njëri nga shënjestrat në listën e objektivave të sulmuesit terrorist.

Periskopi.com Uncategorized

Këtë mëngjes, një sulmues hanxhar u qëllua pas goditi  një ushtar për të hyre dhe sulmuar galerinë historike të artit.

Ai bërtiti “Allahu Ekber”, që në  arabisht do të thotë  “Zoti është i madh , sipas policisë

Por hetuesit zbuluan mesazhet e koduara mes sulmuesit dhe një anëtar të lartë të të al-Kaidës, shkruan britanikja “Daily Star”.

Gazeta “Parisien”  pohoi muzeu vetëm njeri nga  lista me 6 objektiva, duke përfshirë tregjet dhe klubet e natës.

Arrestohet një shqiptar në Austri, dyshohet për pjesëmarrje në organizatat terroriste

Një shtetas i Maqedonisë sot është arrestuar në Austri, nën dyshimet se është i lidhur me grupin e ashtuquajtur “Shteti Islamik”.

Periskopi.com Lajme

Një bullgar dhe 10 persona tjerë, mes tyre edhe shtetasi i Maqedonisë janë arrestuar në Austri nën dyshimin se janë pjesë e organizatave terroriste, përcjell Telegrafi Maqedoni.

Mes të arrestuarve ka tre shtetas të Austrisë, dy të Bosnjës, një sirian dhe një shtetas i Maqedonisë. Ata janë në moshën prej 21 deri 49 vjeçare.

Në këtë aksion kanë marrë pjesë 800 policë, që kanë pasur për qëllim kapjen e personave nga ish Jugosllavia , si të dyshuar se kanë krijuar rrjet të organizatave terroriste në Austri.

Asnjë provë ndaj shqiptarit të arrestuar për terrorizëm në Austri

Të premten, autoritetet austriake lajmëruan arrestimin e një 18-vjeçari me origjinë shqiptare dhe thanë se kishin shmangur një sulm terrorist në Vjenë.

Periskopi.com Lajme

Por një ditë më pas, ndërsa situata është qartësuar disi, duket se mungojnë faktet bindëse kundër të arrestuarit.

Shtypi austriak shkruan se i dyshuari, me nënshtetësi austriake dhe origjinë shqiptare, i identifikuar si Lorenc K., u mor në pyetje gjatë gjithë natës nga hetuesit, të cilët nuk kanë folur në detaje për atë që kanë zbuluar.

Mësohet se babai i të dyshuarit jeton gjithashtu në Austri, por duket se nuk kishte dijeni për planet e mundshme të të birit. Megjithatë, theksohet se është ende e paqartë sa i rrezikshëm, apo i padëmshëm është 18-vjeçari.

Disa avokatë të famshëm në Austri janë të gatshëm të marrin përsipër mbrojtjen e tij dhe kjo konsiderohet si një shenjë se provat dërrmuese kundër tij mungojnë, të paktën deri tani.

Në orët e para pas arrestimit të tij, policia austriake tha se veproi bazuar në informacionet e një shërbimi të huaj inteligjent dhe pasi përgjoi të dyshuarin për disa ditë vendosi ta arrestonte.

Por pas kontrollit të një apartamenti ku ai kishte qëndruar nuk u gjet asnjë mjet shpërthyes apo armë e ndonjë lloji tjetër. Hetuesit thanë se kanë gjetur disa telefona celularë të cilët po kontrollohen.

Arrestohen dy pjesëtarë të dyshuar të IS-it në Spanjë

Autoritetet spanjolle kanë thënë se kanë arrestuar dy persona si të dyshuar se janë pjesë e grupit militant, Shteti Islamik.

Periskopi.com Lajme

Ministria e brendshme spanjolle ka thënë se dy të dyshuarit janë arrestuar në qytetin enklavë spanjoll të Afrikës Veriore, Ceuta.

Ata, sipas njoftimit, i janë nënshtruar një procesi të gjatë të radikalizimit dhe se po i afroheshin pikës ku do të ishin të gatshëm të kryenin sulme terroriste.

Njoftimi i ministrisë nuk ka identifikuar personat e arrestuar, shkruan Radio Europa e Lirë.

Ministria, megjithatë ka njoftuar se policia spanjolle ka arrestuar 180 xhihadistë të dyshuar gjatë dy viteve të fundit, një pjesë e madhe e të cilëve në Ceuta.

Ky qytet është në kufi me Marokun dhe ka dalje në Detin Mesdhe.

Prokurori i rastit flet për aktakuzën ndaj aktivistëve të VV-së

Prokurori special, i angazhuar në rastin e sulmit me mjet shpërthyes ndaj ndërtesës së Kuvendit të Kosovës në gusht të këtij viti, thotë se u ka besuar provave që i ka para vetes kur ka ngritur aktakuzë ndaj katër aktivistëve të VV-së.

Periskopi.com Lajme

Më herët, Prokuroria Speciale konfirmoi se ndaj Atdhe Gashit, Frashër Krasniqit, Egzon Halitit dhe Adea Batushës është ngritur aktakuzë për terrorizëm për sulmin që ndodhi natën e 4 gushtit.

“Besoj se ka prova të mjaftueshme për të argumentuar këtë aktakuzë. Kemi përdorur provat të cilat i kemi pasur në kallëzimin penal dhe disa prova të tjera rrethanore përfshirë deklaratat e dëshmitarëve”, tha prokurori i rastit Abdurrahim Islami për KALLXO.com.

Ai tha se aktakuza ka të bëjë vetëm me rastin e sulmit ndaj Kuvendit, dhe jo me rastet tjera të gjuajtës së mjeteve shpërthyese, të cilat ishin të shpeshta atyre ditëve.

“E tërë aktakuza ka të bëjë me sulmin në kuvend ndërsa rastet e tjera të sulmeve gjatë asaj kohe mbeten të hetohen”, shtoi prokurori Islami.

Përderisa katër aktivistë të VV-së tashmë e kanë gjetur veten në listën e të akuzuarve për terrorizëm, ndaj njërit prej tyre, Petrit Ademit, hetimet kanë pushuar.

“Për Petrit Ademin kam vendosur me i pushu hetimet për shkak se nuk ka prova të cilat e inkriminojnë atë në kryerjen e veprës penale”, tha Abdurrahim Islami.

Hetimet kanë pushuar edhe ndaj Astrit Deharit, i cili muajin e kaluar u gjet i vdekur në qelinë e tij në qendrën e paraburgimit në Prizren, në pritje të intervistimit nga ana e prokurorisë.

Ndeshja Shqipëri-Izrael, publikohen emrat e terroristëve që po bashkëpunojnë me policinë (Foto)

​Visar Ibishi dhe Flamur Gashi, janë dy nga 18 të arrestuarit e ditëve të fundit për terrorizëm në Kosovë, të cilët kanë pranuar të bashkëpunojnë me policinë dhe prokurorinë speciale atje.

Periskopi.com Lajme

ABC NEWS ka mësuar nga burimet kofidenciale pranë Drejtorisë së antiterrorit në Tiranë, se policia e Kosovës ka njoftuar se të dyshuarit, Ibishi dhe Gashi kanë pranuar të marrin statusin e bashkëpunëtorëve duke treguar me detaje planin e sulmit me eksploziv në Shkodër.

Nuk jepen shumë detaje për të dhënat e deklaruara, pasi burimet thonë, se ndodhen në fazën e verifikimit të thënieve të tyre. Ata thonë se Ibishi ka pranuar se ka pasur një komunikim të vazhdueshëm me Lavdërim Muhaxherin dhe Ridvan Heqimin. Prej tyre të kanë marre urdhrat për sulm terrorist. Ata kanë treguar edhe veprimet konkrete që kanë kryer si në Kosovë e Shqipëri për të realizuar një sulm me eksploziv gjatë ndeshjes Shqipëri – Izrael në Shkodër.

Por zyrtarisht, policia e shtetit thotë se është në pritje të deklaratave të këtyre dy bashkëpunëtoreve, që të vijnë në rrugë zyrtare për të kryer edhe verifikimet konkrete në Shqipëri. Nga ana tjetër edhe burime nga Prokuroria për Krime të Rënda thonë se nuk kanë një informacion zyrtare për këtë fakt, por po presin materialet nga drejtësia e Kosovës.

Ajo që për hetuesit tashmë është saktësuar, janë lidhjet e disa nga 18 të arrestuarve në Kosovë me 4 të prangosurit në Shqipëri. Kontaktet mes tyre thonë burimet kanë qenë të vazhdueshme për shkak edhe të lidhjeve familjare, pasi Besart Peçi i arrestuar në Kosovë është kunati i ish-oficerit të forcave komando Medat Hasani i arrestuar në Shqipëri. Burimet thonë se edhe takimet mes tyre janë fotografuar në Shqipëri e Kosovë, por pritet të zbardhen detaje të reja në ditët në vazhdim. Për prokurorin shqiptare, 4 të arrestuarit në Shqipëri kanë rolin e mbështetësve dhe shoqëruesve të personave që do të vinin nga Kosova për të kryer akte terroriste në Shqipëri.

Deputeti Gëzim Kelmendi thotë se Kosova është e rrezikuar nga terrorizmi

“Jemi dëshmitar se ditët e fundit se Transparency International e ka vlerësuar Policinë e Kosovës. Fakti që kemi polici profesionale dhe që merr tituj ndërkombëtar nuk na bënë të rrimë indiferent ndaj kërcënimeve globale terroriste”, kështu është shprehur deputeti i Partisë Fjala, Gëzim Kelmendi.

Periskopi.com Lajme

Kelmendi i ftuar në Zonën e Debatit ku po diskutohet për arrestimin e 19 personave të dyshimtë për planifikim të sulmeve terroriste është shprehur se edhe vendi ynë është në rrezik nga terrorizmi.

“Kosova nuk është imune”, është shprehur Kelmendi.

Parandalimi i sulmeve terroriste në ndeshjen Shqipëri-Izrael nga Policia e Kosovës, lajm botëror

Policia e Kosovës, dje njoftoi se ka realizuar disa operacione policore në shkallë vendi të implementuara gjatë ditëve të fundit, të cilat ndërlidhen me parandalimin e akteve terroriste në Kosovë dhe rajon.

Periskopi.com Lajme

Ky lajm ka bërë bujë në mediat më të mëdha ndërkombëtare si CNN, Bild, The Huffington Post, Associated Press e të tjera, të cilat raportuan mbi suksesin e Policisë së Kosovës.

“Autoritetet e sigurisë në Kosovë kanë penguar disa sulme terroriste të planifikuara nga i ashtuquajturi Shteti Islamik”, shkruan “The Huffington Post”, transmeton lajmi.net.

Policia tregon si i kapi terroristët që planifikonin sulmin në ndeshjen Shqipëri – Izrael

Drejtoria Kundër Terrorizmit në koordinim dhe bashkëpunim të plotë me Agjencionin Kosovar të Inteligjencës (AKI), si dhe në bashkëpunim me Prokurorinë Speciale të RKS-së, ka arritur të parandalojë sulme terroriste të planifikuara dhe të sinkronizuara që të ndodhin në të njëjtën kohë, jo vetëm në Republikën e Kosovës, por edhe në rajon, kështu thuhet në një komunikatë të Policisë së Kosovës.

Periskopi.com Lajme

“Duke pasur parasysh se institucionet e Sigurisë në vazhdimësi monitorojnë dhe trajtojnë personat që shfaqin elemente ekstremiste, kanë kuptuar se persona të caktuar ishin në kontakt me të dyshuarin L. M., nga i cili merrnin udhëzime në përgatitjen dhe kryerjen e sulmeve terroriste në rajonin e Ballkanit. Pas një monitorimi dhe hetimi për një periudhë të gjatë kohore, ku janë përdorur të gjitha masat e specializuara të fshehta të hetimit, është arritur të sigurohen prova të mjaftueshme ku personat e caktuar ishin në planifikim të kryerjes së akteve terroriste në Republikën e Kosovës si dhe ndaj përfaqësueses së Izraelit në futboll, fansave tyre që pritej merrnin pjesë gjatë ndeshjes futbollistike Shqipëri-Izreal”, thuhet më tej nga Policia e Kosovës, transmeton Koha.net.

Gjatë hetimeve policia ka kuptuar se këta persona të dyshuar kanë qenë të ndarë në grupe të ndryshme dhe të koordinuar nga terroristi L. M., nga i cili kanë marrë udhëzime.

Këto grupe kanë vepruar të ndara, por që në koordinim me L. M. dhe R. H. të cilët gjenden në Siri përkrah ISIS-it, kanë pasur objektiva të qartë se kush dhe kur duhet të sulmohet.

Nga data 04.11.2016 dhe deri më sot janë arrestuar (19) persona të dyshuar, ku (18) prej tyre shtetas të Republikës së Kosovës dhe një shtetas i Republikës së Maqedonisë.

Me vendim të prokurorit kompetent (18) personave të dyshuar iu është caktuar masa e paraburgimit prej (30) ditëve, ndërsa njeri prej tyre është liruar në procedurë të rregullt pas ndalimit prej 48 orëve.

Gjatë realizimit të këtyre operacioneve policore në cilësinë e provave materiale janë konfiskuar:

281 gr eksploziv i llojit TATP, që vlerësohet si një ndër eksplozivet më të rrezikshëm dhe më të ndjeshëm,

Rreth 2.5 kg substancë e përzier me lëndë shpërthyese në gjendje të kristaltë,

Një pushkë gjysmë automatike e kalibrit 7.62 mm,

Një pushkë gjuetie,

Një revole me gas,

Municion, 719 fishek të kalibrave të ndryshëm,

Një dron,

Radiolidhje,

Telefona celular,

Lap Topa,

Shtëpiza kompjuteri,

USB,

Materiale dhe literaturë fetare nga autorë të njohur për ideologjinë e tyre ekstremiste.

“Kosova si pjesë e koalicionit ndërkombëtarë kundër ISIL (ISIS), për këtë rast ka bashkëpunuar edhe me autoritetet nga shtetet e rajonit si, Shqipërinë dhe Maqedoninë, vende këto në të cilat po ashtu ka pasur arrestime të personave të dyshuar. Policia e Kosovës në bashkëpunim të plotë edhe me institucionet tjera relevante brenda dhe jashtë Kosovës, mbetet e përkushtuar që në vazhdimësi të ndërmarrë veprimet e saja ligjore për ruajtjen e rendit dhe sigurisë publike në vend”, përfundon komunikata e Policisë së Kosovës.

Hoxha në Amerikë, merr përkrahje të fuqishme për luftimin e ekstremizmit

Ministrja e Drejtësisë e Republikës së Kosovës, Dhurata Hoxha, gjatë vizitës zyrtare në Uashington DC, ku qëndroi me ftesë të Departamentit të Drejtësisë dhe Departamentit të Shtetit të Shteteve të Bashkuara të Amerikës, ka zhvilluar takim me qëllim të thellimit të bashkëpunimit në lëmin e drejtësisë.

Periskopi.com Lajme

Hoxha takoi Brett McGurk – përfaqësuesin special të Presidentit amerikan të Koalicionit global për luftën kundër terrorizmit dhe me këtë rast u diskutua për trendët globale të terrorizmit dhe rajonin e Ballkanit.

Përfaqësuesi special i Presidentit amerikan, McGurk, ka vlerësuar se Republika e Kosovës, ka dhënë kontribut të çmuar kur i është bashkuar Koalicionit global kundër terrorizmit duke çmuar miratimin e ligjit dhe masave tjera kundër terrorizmit. Ai po ashtu theksoi se është lajm i mirë se ka ulje të numrit të pjesëmarrësve të shtetasve të Kosovës që marrin pjesë në konfliktet që zhvillohen në shtetet tjera.

Ministrja theksoi rëndësinë e trajtimit dhe masat ndaj personave që marrin pjesë në luftëra në shtetet e huaja si dhe masat e deradikalizimit dhe risocializimit ndaj personave të tillë.

Ministrja Hoxha, mori përkrahje të plotë nga i deleguari i Presidentit Obama për përkushtimin e saj, duke vënë në pah se kjo përkrahje do të vazhdojë për Ministrinë e Drejtësisë edhe në të ardhmen në fuqizimin e shtetit ligjor dhe sistemin e drejtësisë./Periskopi

Serbët e arrestuar në Mal të Zi i frikësohehen Policisë së Kosovë

Ikin në Boegrad shkaku i ROSU - Kosovo Special Forces​

Periskopi.com Video