Tërmet me magnitudë 5.2 në Lesbos

Periskopi.com Lajme

Një tjetër tërmet i fuqishëm me magnitudë 5.2, shkalla Rihter, ka tronditur banorët e Lesbosit, të cilët po përjetojnë shqetësim të madh pas lëkundjeve të vazhdueshme sizmike që po regjistrohen, pas tërmetit prej 6.1 të shkallës Rihter që goditi ishullin të hënën e kaluar.

Tërmeti i ri ka pasur epiqendrën 31 km në juglindje të Lesbosit, në një thellësi prej 10 km. Më herët ishin regjistruar edhe dy lëkundje të vogla, që e kanë çuar numrin e lëkundjeve pas tërmetit kryesor, në mbi 360 tërmete nën magnitudën 5 shkalla Rihter.

Sipas sizmiologëve, procesi i çlirimit të energjisë sizmike të mbledhur në këtë zonë pritet të zgjasë të paktën dy muaj, e sigurisht tërmetet e njëpasnjëshme janë një dukuri normale sipas tyre.

Por duke iu referuar tërmetit kryesor të ditës së hënë, që goditi në veçanti zonën Vrisa, ekspertët theksojnë se kanë të bëjnë me një fenomen global gjeologjik, që duhet studiuar në muajt e ardhshëm, pasi nuk është hasur në 50 tërmete të mëdha në mbarë botën një fenomen i ngjashëm.

Energjia sizmike që goditi fshatin Vrisa ishte e përqëndruar vetëm në një vend, aty ku u shkaktuan edhe dëmet më të mëdha, ndërsa pjesa tjetër kishte dëme më të lehta. Deri tani, organet vendore kanë regjistruar 637 shtëpi të papabanueshme dhe të paktën 230 të pastrehë janë dërguar në hotelet e ishullit.

Frikë në SHBA, aktivizohet vullkani që mund të shkatërrojë planetin (Foto)

Periskopi.com Lajme

Një tërmet prej 4.5 ballë ka rënë dje në parkun kombëtar të Yellowstone në Wyoming të SHBA-ve.

Në zonë bien rreth 1 500- 200 tërmete në vit, por shkencëtarët shqetësohen për faktin se tërmeti më i fundit ka rritur rrezikun që të shpërthejë një vullkan i madh që gjendet poshtë parkut, përcjellin mediat ndërkombëtare.

Ata e cilësojnë këtë vullkan si “minë me sahat” dhe nëse shpërthen mund të ketë pasoja katastrofike për botën. /albeu.com

Tërmet në Shqipëri dhe Maqedoni

Periskopi.com Lajme

Sonte pak pas orës 2, kur besimtarët myslimanë zgjohen për syfyr, një tërmet ka dridh Maqedoninë dhe Shqipërinë.

Sipas agjencia botërore sizmologjike, tërmeti me fuqi 3.6 shkallë të Riterit ka qenë me epiqendër në jug të Maqedonisë, afër Resnjës dhe në Shqipëri.

Nuk raportohet për dëme eventuale.

Pasi parashikoi tërmetin në Japoni, ka një tjetër lajm të tmerrshëm

A besoni në fuqinë e parashikimit?

Periskopi.com Lajme

Frank Hoogerbeets është njeriu i cili në bazë  të njohurive astrologjike, ka parashikuar në vitin 2016 tërmetin e tmerrshëm që shkatërroi Japoninë.

Tani, përsëri, ky njeri ka njoftuar se do të mund të përsëritet një tërmet i të njëjtës madhësi në ishullin japonez. Hoogerbeets ka paralajmëruar se gjatë ditëve të para të marsit do të jetë një ndryshim i madh në përqasjen e planeteve që do të shkaktojë ndryshim të aktivitetit sizmik dhe me shumë gjasa edhe jashtë Japonisë.

Lajmi ka shkaktuar tmerr në ata që kanë kujtime shumë të fshehura të tërmetit shkatërrimtar të 2016.

Japonezët ndihen të frikësuar për jetën e tyre dhe po përgatiten për t’u përballur me një katastrofë.

Shpresojmë se natyra nuk do të jetë e egër këtë 2017 dhe të paktën fatkeqësitë natyrore të mbesin në periferi, jashtë zonës së banimit.

Mali më i lartë në botë Everesti, nuk është më aq i lartë, shkak një tërmet

Mali më i lartë në botë, Everesti, plot 8.848 m, mund të ketë humbur lartësi që prej tërmeteve të vitit 2015 në Nepal, njëri prej të cilëve shkatërrues, gati 7.8 ballë.

Periskopi.com Lajme

Një grup shkencëtarësh indianë ka vendosur të bëjë matjet e nevojshme, pasi të dhënat e satelitit kanë treguar të dhëna se mali ka humbur rreth 1 metër që prej tërmetit.

“Mali Everest është matur për herë të fundit në vitin 1955 nga qeveria indiane”, bëri me dije njëri prej autoriteteve të qeverisë indiane.

Më tej ai ka njoftuar se matja e malit zgjat vetëm pak ditë, por procesi do të vonohet pasi koha e përgatitjes zgjat deri në 6 muaj, pasi duhet të monitorohet edhe moti, sepse duhet të jetë i pastër në mënyrë që vëzhgimi dhe matja të bëhet e saktë.

Matja e malit më të lartë në botë cilësohet edhe një kriter krenarie për shkencëtarët që pritet të bëjnë matjet.

Matja e malit është bërë edhe në vitin 2005 nga një ekip kinez, por duke qenë se procesi nuk ishte autorizuar nga qeveria e Nepalit, të dhënat nuk janë pranuar. Shkencëtarët kinezë, në bazë të matjeve, thanë se Everesti tashmë është 8.844 dhe jo 8.848. Pra, sipas tyre, mali ka humbur disa metra.

Por tashmë priten matjet zyrtare të qeverisë së Nepalit për t’u dhënë fund hipotezave.

Tërmet në Drenicë, tmerrohen banorët e Kuqicës

Dridhje të tokës janë dëgjuar gjatë natës në Drenicë. Edhe pse lëkundjet nuk kanë qenë të mëdha shqetësimi që ka sjallur tek banorët e fshatit Kuqicë, ka qenë i madh.

Periskopi.com Lajme

 

Esat Hasani nga Kuqica e Skënderajt ka thënë për Magazina.al se kishe qenë zgjuar kur dridhja ka ndodhur. Ai thotë se është tmerruar nga ajo që ka ndjerë dhe menjëherë ka thirrur familjen që të jetë në gjendje të dalin nga shtëpia. Por më pas dridhjet nuk janë dëgjuar.

Tërmet në Gjirokastër

Gjatë mesditës, një tërmet me magnitudë 4.3 ballë është regjistruar në jug të vendit.

Periskopi.com Lajme

Sipas Qendrës Sizmiologjike Europiane, epiqendra e tërmetit ka qenë 17 kilometra në jugperëndim të Gjirokastrës, me një thellësi vetëm 2 kilometra.

Fatmirësisht nuk është raportuar për të lënduar apo dëme materiale, shkruan Albeu

Tërmeti trondit përsëri Italinë

Tronditet përsëri Italia nga lëkundjet e tokës.

Periskopi.com Lajme

“Corriere Della Sera” ka raportuar se një tërmet është regjistruar rreth orës 17:14 mes L’Aquilas dhe Amatrice në një thellësi prej 14 kilometrash.

Mësohet se epiqendra ishte në zonën e Capitignano, pak kilometra nga Montereale, Campotosto, Barete dhe Cagnano Amiterno.

Tërmet i fuqishëm në El Salvador

Një tërmet i fuqishëm ka goditur të shtunën San Salvadorin, dy ditë pasi një tërmet i fuqishëm ka goditur brigjet e paqësorit në El Salvador.

Periskopi.com Lajme

Ende nuk është bërë e ditur nëse ka viktima dhe se cilat janë dëmet materiale, transmeton koalb.com.

Autoritetet në El Salvador bëjnë të ditur se lëkundja e tërmetit ishte 5.2 ballë dhe se shërbimet emergjente lokale janë në gjendje emergjente.

Maqedonia sërish goditet nga një tërmet

Pas termetit të fuqishëm prej 5.1 shkallë që dridhi Greqinë e u ndje edhe në Maqedoni e më saktë në Valandovë, Strumicë, Gjevgjeli, Dojran, Bogdanc dhe Negotinë kanë vazhduar dridhjet e reja në këtë pjesë njofton Zhurnal.

Periskopi.com Lajme

 

Dridhjet kanë vazhduar edhe pas gjashtë orë por me një shkallë më të ulët edhe atë 2,2 dhe 2.5 sipas Rihterit. Me këtë vërtetohet se Ballkani gjendet në një fazë sizmike të dridhjeve që dridhin vendet si Turqinë, Bullgarinë, Maqedoninë e Shqipërinë ndërkohë që dy termete të fuqishme që dridhën Italinë shkaktuan shumë dëme materiale dhe viktima në njerëz.

Facebooku do t’u ndihmojë njerëzve të gjejnë ushqim dhe strehë gjatë katastrofave të ndryshme

Facebooku është duke u angazhuar që të shndërrohet në një ‘mjet reagimi’ në rast të katastrofave apo krizave në botë.

Periskopi.com Tech/Auto

Në një konferencë për shtyp, kompania kë treguar për përmbajtjen e re ‘Community Help’, e cila u mundëson përdoruesve të Facebookut të lidhen me ata që kërkojnë strehë, ushqim dhe furnizime, në rast të ndonjë katastrofe natyrore.

Aktivizimi nuk varet nga punëtorët e Facebookut, por nga njerëzit e përfshirë në ndonjë katastrofë natyrore apo sulme me armë.

Po ashtu, Facebook ka njoftuar edhe për përmbajtjen ‘Safety Check’, e cila u mundëson përdoruesve që t’u tregojnë shpejt familjarëve dhe miqve të tyre se janë mirë gjatë ndonjë katastrofe natyrore apo krize, ndërsa do të aktivizohet vetëm nga njerëzit që janë duke postuar rreth shqetësimeve të tyre dhe jo nga punëtorët e Facebookut.

Nderimi i viktimave pas sulmeve në Paris.

Aktivizimi i ‘Safety Check’ gjatë sulmeve në Paris në vitin e kaluar, si edhe gjatë bombardimeve në Bejrut dhe Liban, nxiti reagime të ndryshme, prandaj tash ‘Safety Check’ do të mundësohet vetëm kur shumë njerëz janë duke postuar njëkohëssht rreth ndonjë krize, siç është tërmeti apo sulmet e ndryshme.

Për herë të parë, Safety Check u mundësua në vitin 2014 për tajfunin Hagupit në Filipine, ndërsa në SHBA u aktivizua për herë të parë gjatë këtij viti kur një sulmues vrau 50 njerëz në një klub nate në Orlando të Floridës. /Telegrafi/

Tërmet në Shkodër

Një tërmet 4.4 ballësh të Richterit ka rënë sot në mëngjes, rreth orë 06:15 në Shkodër dhe ka shqetësuar shkodranët e zgjuar herët dhe ka ngritur nga gjumi shumë të tjerë që ende po flinin.

Periskopi.com Lajme

Epiqendra e tërmetit, siç njoftuan medie vizuale nga Shqipëria në mëngjes, ka qenë në Rrëshen.

Tash për tash nuk ka raport për dëmet ose për viktimat eventuale, transmeton Koha

Me këtë tërmet dridhjet e Tokës e kaluan Adriatikun dhe arritën në anën tonë të detit.

Italia, në anën tjetër të detit, ka më shumë se një javë që po tronditet nga dridhjet të kanë bërë shumë dëme materiale deh kanë plagosur disa persona.

Alarmojnë sizmologët: Poshtë Romës ndodhet një vullkan i fuqishëm, pritet riaktivizimi

Shkencëtarët italianë kanë arritur në përfundimin se pas 1 mijë vjetësh mund të riaktivizohet vullkani që fshihet nën kodrat e Romës.

Periskopi.com Lajme

Për herë të fundit ky vullkan është aktivizuar para 3000 vjetësh.

Ku sipas shkencëtarëve në atë kohë ka zhdukur qytetërimin, raporton syri.net.

Për sizmologët ky rizgjim i vullkanit do të ndodhë pas 1 mijë vjetësh dhe se aktivizimi i tillë do të rrezikojë pjesën më të madhe të qytetit të Romës.

Vullkani që ndodhët nën kodrat Albani në zonën e Lazios, konsiderohet si një nga më të frikshmit në historinë e njerëzimit në rast riaktivizimi.

Termet i fuqishëm godet Romën, lëkunden objektet shekullore

Një termet i fuqishëm ka goditur Romën, duke dridhur ndërtesat shekullore nga guri.

Periskopi.com Lajme

Ende nuk dihet nëse ka viktima.

Shërbimi gjeologjik ka thënë se tërmeti ishte 5.6 ballësh, ndërsa epiqendra ishte 66 kilometra në juglindje të Perugia të Italisë.

Tërmeti i sotëm ndodhi vetëm 2 muaj pas atij që qendër të Italisë që la afër 300 njerëz të vdekur.

Tërmet në Greqi, dridhet edhe Shqipëria

Katër lëkundje të njëpasnjëshme të tokës kanë ndodhur në Greqi.

Periskopi.com Lajme

Tërmetet kanë qenë të intensitetit deri në 5.9 shkallë të Rihterit, raporton Periskopi

Epiqendra ishte në Greqi, por lëkundje të mëdha u dëgjuan në Shqipëri.

Ato raportohet se u dëgjuan edhe në Tiranë, por më së shumti në Sarandë.

Nuk raportohet për dëme në Shqipëri./ Periskopi