Qytetari e gjen në listë emrin e vëllait të vdekur

Periskopi.com Lajme

Një qytetar ka treguar se ka parë në listën e votuesve emrin e vëllait të vdekur.

Korrespodentja e RTV21 në qendrën më të madhe të votimit në vend, në Fakultetin e Filologjisë, ka treguar se menaxheri i kësaj qendre, Demë Ibërdemaj, ka konfirmuar se gjithçka ka filluar në rregull.

Por, sipas informacioneve të gazetares një qytetar është ankuar se në këtë qendër nuk janë pastruar të gjitha listat dhe ai e ka gjetur emrin e vëllait të tij të vdekur, por sa i përket kësaj menaxheri i qendrës nuk ka konfirmuar asgjë dhe ka thënë se nuk është në dijeni.

Në këtë qendër të votimit kanë të drejtë vote 18 mijë persona.

Pritet që këtu të votojë edhe kandidati për kryeminsitër nga LDK- AKR-Alternativa, Avdullah Hoti si dhe gjatë ditës këtë qendër do ta vizitojë edhe shefja e Zyrës së BE-së, Natalia Apostolova.

60 të vdekur nga shpërthimi i një autobombe para një gjykate në Siri

Të paktën 60 persona u vranë dhe mbi 50 u plagosën në sulmin e sotëm me autobombë në ndërtesën e gjykatës lokale në qytezën Azaz, 30 kilometra në veri të Aleppos.

Periskopi.com Lajme

Zyrtari i Mbrojtjes Civile, Iyad Sejh Razuk më herët  tha se në Azaz, i cili është nën kontrollin e forcave të opozitës, në afërsi të ndërtesës së gjykatës lokale ka shpërthyer një automjet.

Razuki shtoi se shpërthimi ka shkaktuar dëme të mëdha në ndërtesat e banimit në afërsi.

Ende nuk është e ditur se kush qëndron pas sulmit.

Rritet numri i të vdekurve pas të shtënave në Aeroportin e Floridas (Video)

Disa persona kanë vdekur, raportohet tre, e numri po rritet dhe dhjetëra janë plagosur nga të shtënat në Aeroportin Ndërkombëtar në jug të Floridas.

Periskopi.com Lajme

Kjo ka ndodhur kur një person ka shtënë me armë, i cili tashmë është arrestuar.

Incidenti në aeroport ka ndodhur papritur dhe ende nuk dihen motivet.

“Ekziston një incident i vazhdueshëm në Terminalin 2” kishte shkruar te faqja e aeroportit në Tëitter, në çastet kur ndodhi./ Periskopi

 

Shpërthen kamioni me naftë, 70 viktima në Mozambik

Periskopi.com Lajme

Më shumë se 70 vetë raportohet të kenë humbur jetën nga shpërthimi i një kamioni cisternë të mbushur me naftë në Mozambik. Të paktën 110 persona të tjerë kanë marrë në trup djegie të shkallëve të ndryshme.

Ngjarja e rëndë ndodhi në provincën Tete, pranë kufirit me Malauin. Përmes një deklarate të saj, qeveria e vendit afrikan njoftoi se njerëzit e dëmtuar ishin përpjekur të nxirrnin karburant nga një kamion i përmbysur, kur prej nxehtësisë së madhe mjeti shpërtheu, duke i lënë dhjetëra prej tyre të vdekur në vend e të tjerët të lënduar.

Zyrtarë dhe ekspertë do të dërgohen në zonë për të hetuar incidentin, ndërkohë që shumë prej të plagosurve janë dërguar në spital.

Tre të vranë, 12 të plagosur nga të shtënat me armë në Los Angeles

Tre persona janë vranë dhe 12 të tjerë janë plagosur nga të shtënat më armë, pas një mosmarrëveshje në një restorant në Los Angeles, thanë zyrtarët.

Periskopi.com Lajme

Policia e cila mbërriti në vendngjarje gjeti një numër të madh plumbash dhe njolla gjaku në të gjithë restorant në pjesën perëndimore të Los Angeles, raporton AP.

Policia ka marrë në pyetje dy të dyshuar për të shtënat, transmeton lajmi.net.

Zëdhënësi i policisë, Mike Lopez tha se hetimi paraprak ka treguar se personat e përfshirë në incident ishin ne restorant, kur përleshje shpërtheu.

Të gjithë të plagosurit janë në gjendje të rëndë, disa prej tyre në gjendje kritike.